|
|
|
 Re: وزير الصحة يتخلف عن السفر للفاشر ويبعث بو� (Re: عبدالعظيم عثمان)
|
معقولة
يسافر يوسف الضي وعمر مانيس
ووزير الصحة ما يسافر
انت يازول صحة أهل الفاشر ما تحت مسؤليتك ولا شنو
ما تسافر انت من زمان.. الاخبار تملأ الاسافير
عن وفيات كبار السن في الفاشر وعن الوباء الغامض
بدل ما تسافر تقوم ترسل وكيل الوزارة
الوزير دا الناس حتكتشف انه وزير فاشل
ولكن بعد فوات الأوان
الحقوا القصة وخلوا الزول دا يشيل عفشه ويغادر مقعد
الوزارة قبل ما الفأس تقع في الرأس
| |
 
|
|
|
|
|
|
|
 Re: وزير الصحة يتخلف عن السفر للفاشر ويبعث بو� (Re: عبدالعظيم عثمان)
|
عبدالعظيم سلام وكل سنه وانت طيب
يعنى الزول دا شايل شنطه الضهر يسافر بيها اطراف السودان ايام الكنكشه والكوليرا والملاريا مافى زو جايب خبر .هسى عشان اتخلف غن سفريه تبقى تقصير .وهو اشار لظروف صحيه يمر بيها شخصيا ومازال يؤدى واجبو الانسانى
البحصل فى السودان او فى الفاشر مسئوليه التقصير من الجهات الاخرى المقصره فى احكام ودعم اجراءات الطوارىء. (الصحيه).
الان السواق شغاله ومزحومه بالناس ...بعنى تفاقم سوء الوضع الصحى ......دى مسئوليه منو مسئوليه الصحه تقيف فى الارتكازات او متابعه تنظيم الاغلاق وضمان انسياب الخدمات بسلاسه ؟؟؟ (مثلا )
بالمناسبه حضرت لقاء الوزير قبل يومين ؟
| |
|
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: Asim Ali)
|
عاصم سلامات وكل سنة وانت طيب
الوزير دا كوارثه كثيرة
الوضع الصحي في البلد ما بتحمل استمراره
حمدوك اذا بطل مجاملة ومحاباة مفروض يقيل
وزير الصحة دي الليلة قبل بكرة
حضرت اللقاء وكان باهت ومشتت
قعد يردد اقتراحات تم تقديمها له منذ بداية الازمة
وهو راكب رأس وما بيسمع لي زول
| |
|
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: Asim Ali)
|
الاخ عبد العظيم
كلنا نعلم ان المشكلة تكمن في عدم الالتزام بتطبيق إجراءات الحجر والحظر الصحي بالسودان وعدم تنفيذ تعليمات وزارة الصحة والتي هي من مهام أجهزة الشرطة والقوات الأمنية الأخرى كما يحدث في كل العالم تضع وزارات الصحة التوجيهات والتعليمات لتنفذه الأجهزة الأمنية والسياسيون
أنا لا أري مبررا للهجوم علي وزير الصحة والذي بح صوته من كثرة التوجيهات والحديث عن الالتزام بتوجيهات وزارة الصحة
الوزير أكرم سافر للمناطق الموبوءة بالكوليرا والحميات من قبل ولا أظنه يخشي الذهاب الي أي منطقة في السودان غلي الأقل ليبقى علي قمة الوزارة للتخطيط للخروج من هذه الازمة
أما كان أولي أن تلوم أجهزة الشرطة والتي وجه لها الاتهام ليس بعدم تنفيذ الحظر فقط بل في المساعدة في الاعتداء علي الكوادر الطبية في المستشفيات والاعتداء عليهم حين يتحركون ليلا وهو يحملون اذن التحرك
ولك شكري وتقديري
عبدالله جعفر
| |
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: أحمد محمد عمر)
|
عبدالله جعفر سلامات
دي مداخلة كتبتها في بوست سابق
اطالب فيه وزير الصحة بأن يعجل ب المغادرة
ويخلي لينا صورة زاهية للوزير الثوري الشايل شنطته
كنت اتمنى ان يغادر قبل أن يتراكم فشله
Quote:
خمسة أسباب تعجل لإقالة أكرم التوم من وزارة الصحة
1- الوزير يمارس التمكين وقام بتعيين مدراء للصحة
على اساس الانتماء الحزبي..
2- الوزير فشل في إدارة وزارة الصحة مما دفع عدد
%45 من مدراء وزارة الصحة بتقديم استقالة جماعية
وفشل في دعم الكوادر الصحية والأطباء خلال الازمة
لاقدر يوفر سكن للأطباء.. ولا عنده خطة للعزل الوقائي
للأطباء المواجهين لخطر الإصابة بالكورونا.. جاي هسي
بعد أكثر من شهرين عاوز تطبق اقتراحات تم تقديمها لك
من زمان (عزل لمدة أسبوعين للأطباء بصورة دورية بعيدا
عن أسرهم... إنت زول فاشل يا أكرم لازم تغادر..
4- عدم التعامل بجدية مع القادمين من الخارج
من طلبة ووهان وفتح المطار لمدة 48 ساعة دون عزل
القادمين في مراكز عزل مخصصة لذلك..
5-وزير الصحة غير لائق طبياً باعترافه اليوم وتأكيد عدم قدرته
على إدارة الوزارة في هذا الظرف الحرج.. اتمني له الشفاء العاجل
وعليه ان يخلد للراحة ويتابع علاج حالته الخاصة.. وأن تنقل صلاحياته
إلى وكيل وزارة يتم تعينه على أساس الكفاءة..
يا جماعة إدارة الدولة مالعب
وزارة الصحة وزارة شديدة الحساسية
اي خطأ فيها يجب أن يتم علاجه حالاً دون أي
اعتبارات آخرى غير سلامة المواطنين
اتمنى له التوفيق في حياته العملية في مكان آخر غير وزارة الصحة |
وتحت هنا رد واحد من الاطباء بعد طفح بيهم الكيل
من وزير الصحة.. الزول دا يا عبدالله يمشي وحيجي وزير
غيره أكثر كفاءة.. حاول ويشكر على جهده خلال الفترة الماضية
لكنه أصبح عبئاً ثقيلاً على الحكومة
Quote: Mohamed Khaled
الطاقم شغال متطوع لان الوزارة ما وفرت وظيفة
حوادث ام درمان كانت شغالة ب ٣ كوادر فقط الا بغد مناشدة مدير المستشفي ولجنة الاطباء المركزية.
الاطباء اودعوا قانون حماية الكوادر قبل شهور واكرم عطله في درج مكتبه وما طلعوا الا بعد ضغوطات شديدة قبل ايام.
الكوادر محتاجة اجابة👇
اسئله للقائمين على أمر الصحه و أجسام الأطباء :-
1.صعب انه وزاره الصحه تحدد عدد الأطباء والكوادر المساعده المداومين في المستشفيات كم؟
2.صعب تتواصل مع القوات النظاميه توفر ترحيل للكوادر دي ؟
3.صعب انها توفر سكن للكوادر العامله في الفرز او مناطق الخطوره العاليه؟
4.صعب توفر وجبات إفطار وعشاء للكوادر دي بدل تتركها للخيرين وأصحاب المبادرات؟
5.صعب الوزاره تتواصل مع مجلس التخصصات الطبيه وتعرف عدد النواب كم؟ وكم منهم نفقه خاصه، و المداومين الان كم؟
6.صعب تنسق مع ذات المجلس استيعاب دفع جديده في طب الطوارئ بميزات تفضيليه وتأجيل امتحان الجزء الأول لمده سنه على الاقل ومنح مجانيه وعرض وظائف وتعتبر فتره عملهم أثناء الجائحه ضمن التدريب؟
7.صعب استيعاب الأطباء في قوائم الانتظار في المجلس الطبي في المستشفيات بعقود او وظائف و منح للتخصص على نفقه الدوله؟
8.صعب الوزاره تتواصل مع وزاره التعليم العالي بخصوص وحدات الجامعات المغلقه في المستشفيات الحكوميه واشتراط مدوامتها العمل أو إلغاء تخصيص المستشفيات الحكوميه لهذه الجامعات تماماً؟
9.صعب الوزاره تخير الاختصاصيين أصحاب الوظائف بالعمل او الاستقاله؟
10صعب الوزير يطرح الوضع بوضوح للحكومه انه قرابه ال 80%من قوه الوزاره هي متدربين بدون مرتبات ووظائف او متعاقدين بعقود مجحفه، و إلزام الحكومه بتوفير 5000 وظيفه دائمه على الاقل وتسكين النواب عليها لدفعهم للعمل؟
11.صعب انه يكون قاعده بيانات وموقع للوزاره يرسل تحديث للبروتكولات لمعظم الأطباء عبر البريد الإلكتروني.
12.صعب الوزير يضغط الحكومه انه تعتبر اصابه الكوادر الصحيه العامله في الجائحه اصابه عمل، و المتوفين منهم شهداء واجب يتم معاملتهم كما رصفائهم في القوات النظاميه.
13.صعب انو الوزاره يكون عندها اتيام تمر على المستشفيات وتحدد معيقات العمل و تحلها اول بي اول؟
14.صعب أجسام الأطباء الموجوده تخت يدها في يد بعض عشان خاطر الشعب المكلوم ده بدل تنهش في بعضها على الاقل لحين انتهاء الجائحه؟
حاشيه :-
* يا وزاره الصحه ارتقي لمستوى المسؤوليه.
* يا فرقاء الأطباء.. والله عيب ياخ😭.
** يا شعبنا...
الجاتك في حكومتك وعيالك سامحتك..
طيب وزارة الداخلية مفترض تحميهم وهنا الشرطة بتتافه بإستمرار في كل ما يخص القيام به من ايام المواكب والزحف الاخضر... الخ (اقالة م الشرطة دا مطلب ما بتعارض مع تقصير كبيييييييير من وزارة الصحة) يعني ديل خطين مختلفين يعني اقالة م الشرطة ما ح يوفر المطااب الفوق دي |
| |
|
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: عبدالعظيم عثمان)
|
انا فاهم رفض الناس البتفكروا في أكرم دا كأنه جيفارا
ورافضين يقبلوا أي نقد وعاوزين جيفارا دا يكمل الفترة الإنتقالية
وممكن يكونوا بيفكروا فيه رئيس وزراء قادم.. طبعا حقهم يفكروا
فيه بالطريقة الهم عاوزينها.. بس بعيد من حياة الناس
وبرضه مستوعب بعض المتعاطفين مع وزير الصحة
وصعب عليهم يطلع الوزير دا فاشل ولازم يغادر
لكن في النهاية الوزير دا استمراره في مقعده فيه
خطر كبير على الفترة الإنتقالية
احسن يمشي من هسي
قبل ما الفأس يقع في الرأس
و
| |
|
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: عبدالعظيم عثمان)
|
وزير الصحة مفروض كان يكون قاعد هناك في الفاشر
ويستقبل الوفد دا مع العسكري
لكن نقول شنو
Quote: وفد برئاسة مانيس يطلع على الأوضاع الصحية بشمال دارفور
الفاشر 22-5-2020 (سونا) وصل اليوم إلى مدينة الفاشر حاضرة ولاية شمال دارفور وزير مجلس الوزراء الدكتور عمر بشير مانيس على رأس وفد اتحادى رفيع ضم وزير ديوان الحكم الاتحادي الدكتور يوسف ادم الضيى، ووكيل وزارة الصحة الاتحادية الدكتورة سارة عبدالعظيم.
وتجئ زيارة الوفد الى شمال دارفور للوقوف على الأوضاع الصحية العامة جراء تفشي وانتشار جائحة الكورونا بالبلاد وظهور حالات وفيات غامضة وسط كبار السن بالولاية.
وكان في استقبال الوفد بمطار الفاشر والي الولاية المكلف اللواء الركن مالك الطيب خوجلي وأعضاء لجنة أمن الولاية والأمين العام لحكومة الولاية والمدير العام لوزارة الصحة والتنمية الاجتماعية.
وانخرط الوفد الزائر في اجتماع مغلق بقاعة أمانة حكومة الولاية مع والي الولاية واللجنة التنسيقية العليا لمجابهة كورونا وأعضاء لجنة أمن الولاية.
سونا
|
| |
|
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: نادر الفضلى)
|
Quote: وزير لا قادر يحضر اجتماعات لجنة الطوارئ في الخرطوم
ولا قادر يسافر ويقف على الأرض على كارثة الفاشر
البخليه قاعد في الوزارة شنو؟
الزول يمشي يغادر الوزارة الليلة قبل بكرة |
عرفنا رايك في د. أكرم
و طالما إنت تخصص تقييم وزراء
رايك في مامون حميدة شنو.
أعلم انت زمان ما كنت بتقدر تتكلم
(( جبن, خوف أياً كان السبب ما مهم))
لكن طالما بقي عندك صوت ورينا رايك في مامون حميدة؟
و ما تنسي تقول رايك في وزير الداخلية
بعد الاعتداء علي الاطباء في المستشفي؟
ولا وزير الداخلية خط أحمر
المجد و الخلود لشهداء 28 و 29 رمضان الابطال
الخزي و العار للقتلة و المأجورين
| |
|
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: محمد البشرى الخضر)
|
غايتو المناصرين ل جيفارا دا
كان لحقوا عملوا ليهم جهاز أمن واطات الناس أصبحت
ياخي ديل ما قادرين يتحملوا ولا كلمة في وزير الهنا دا
انتوا قايلين الديمقراطية دي شنو
ما ياهو الوزير يكون تحت الضو واذا فشل يمشي طوالي
ومافي اي شفيع
وزير الصحة فاشل ومفروض يغادر
اي زول عنده رأي مخالف يكب رأيه
وبطلوا مهاترة.. الثورة دي حقت الناس كلهم
حقت الشهداء الكانوا بيحلموا بي تغيير حقيقي
الصاوي.. في بوست في الصفحة الأولي من المنبر
عن كوارث الشرطة وطالبت باقالة عادل بشاير مدير عام الشرطة
بس ان شاء الله حمدوك يخيب ظني ويقيله.. او حتى يوصي باقالته
| |
|
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: عبدالعظيم عثمان)
|
عبدالعظيم رمضان غايتو نقدك غير الموضوعى لدكتور اكرم قطعا رب العالمين سيحاسبك عليه
انت نسيت ان الوزير دا مسؤول من صحة جميع السودانيين وكبنى آدم لا يمكن ان يتقطع عشان كدا لديه نواب ومساعدين لملاحقة الطوارئ التى يمكن ان تحدث فى نفس الوقت فى الغرب والشرق و الجنوب والشمال وفى المركز
العيب فى تنظيم العمل بهذه الطريقة شنو؟
| |
|
|
|
|
|
|
|
|
|
Re: وزير الصحة يتخلف عن السفر للفاشر ويبعث بو� (Re: Yasir Elsharif)
|
| Quote: رايك في مامون حميدة شنو |
شبه كبير بين الرجلين
الفرق بس في أن دكتور أكرم توفرت له فرصة أكبر للضرر لم تتوفر لمامون حميدة
وفرصة لتأييد القطيع لم تتوفر لمأمون حميدة أيضاً
فلا أدري أيهم أوفر حظاً !!
هل دكتور أكرم الذي وجد شكراً وفيراً على الضرر والقتل الذي يتم تحت
حمايته الصارمة للفيروس الفتاك من شر أي دواء يهلكه ؟!
أم دكتور مأمون حميده الذي لم تتوفر له هذه الفرصة ليضر وسلمه الله من الهجوم الذي كان سيقع عليه
منا معشر المعارضة للكيزان حتى ولو كان حجم الضرر ربع عشر الضرر الذي أوقعه دكتور أكرم
بالسودانيين؟!
| |
|
|
|
|
|
|
| |
عبدالعظيم عثمان
Asim Ali
محمد البشرى الخضر
Ahmed musa
احمد حمودى
نادر الفضلى
Hamid Elsawi
Arif Nashed
عبدالمنعم الطيب حسن
Hassan Farah
Yasir Elsharif
منتصر عبد الباسط
فيس بوك
تويتر
انستقرام
يوتيوب
بنتيريست