قيادية في الحِزب الشيوعي ومدافعة حقوقية تصف مواطن سُوداني بالقرد

مرحبا Guest
اخر زيارك لك: 06-02-2020, 03:52 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-15-2020, 04:02 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
قيادية في الحِزب الشيوعي ومدافعة حقوقية تصف مواطن سُوداني بالقرد

    04:02 PM May, 15 2020

    سودانيز اون لاين
    Deng-
    مكتبتى
    رابط مختصر



    قيادية في الحِزب الشيوعي ومدافعة حقوقية تصف مواطن سُوداني بالقرد


    صوت الهامش

    وصفت قيادية في الحزب الشيوعي السوداني، ورئيسة أحد المنظمات المدافعة عن حقوق النساء مواطن سُوداني بالقرد.

    وقالت إحسان فقيري في تعليق لها على صورة شاب سُوداني متصور مع أحدي النساء الأوروبيات في الفيس بوك بقولهايمكن الخواجية دايرة تعرف عن الحلقه المفقودة بين الإنسان والقرد.

    وأضافت إحسان في تعليق آخر رداَ على المطالبات بإقالة وزير الصحة أكرم علي التوم بالنسبة لاكرم ما ود المصارين البيض أكرم مخلص وثاتب وعندو رؤية لتحسين النظام الصحي حقو النوبة هم من يحتجو على تاور.

    وجد المنشور حملة إنتقادات واسعة من قبل ناشطون عبر وسائل التواصل الإجتماعي، ووصفوا فقيري بالعنصرية مُنادين بتدوين بلاغات في مواجهتها، وقال الناشط والصحفي علاء الدين بابكر عبر صفحته في الفيس بوك للاسف إحسان فقيري دكتورة وناشطة نسوية وقيادية في الحزب الشيوعي وعندما تسقط الأقنعة تظهر الحقيقة.

    فيما قال الناشط السياسي عبدالرحمن دقيس عبر صفحته في الفيس بوك أن مبادرة لا لقهر النساء سبق أن قامت بتجميد عضوية عادل كلر وهو إتهم بالإعتداء على فتاة، عبر بيان رسمي بعد اتهامه بارتكاب عنف ضد ناشطة، وأضاف قائلاً بالامس قامت رئيسة مبادرة لا لقهر النساء عبر صفحة تهاني عباس و صفحة اخري بممارسة عنصرية ضد النوبة.

    وتساءل هل تقوم لجنة لا لقهر النساء بتجميد عضوية رئيسة اللجنة عبر بيان رسمي.

    وتابع قائلا أنا عبدالرحمن دقيس اطالب اللجنة الاستشارية لحقوق الإنسان بمدينة فاليمار الألمانية بسحب جائزة الدفاع عن الشعوب التي منحتها للسودانية إحسان فقيري في عام 2019 عن دورها في الدفاع عن حقوق الانسان.

    وإحسان فقيري طبيبة وناشطة سياسية بالسودان من المدافعات عن حقوق الانسان في السودان كرست حياتها للدفاع عن حقوق النساء ومن أبرز قيادات الحركة النسائية في السودان.








                  
|Articles |News |مقالات |بيانات

05-15-2020, 04:03 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

                  
|Articles |News |مقالات |بيانات

05-15-2020, 04:06 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    شء مؤسف جدا أن يصدر مثل هذا التعليق العنصري من شخصية تعتبر من القيادات النسوية .
                  
|Articles |News |مقالات |بيانات

05-16-2020, 06:51 AM

adil amin
<aadil amin
تاريخ التسجيل: 08-01-2002
مجموع المشاركات: 24787

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)


    Quote: شء مؤسف جدا أن يصدر مثل هذا التعليق العنصري من شخصية تعتبر من القيادات النسوية .

    قرد ما تعليق عنصري الا في الثقافة الاوروبية
    في السودان تعني شين بس ما عندها علاقة باللون
    والحلبي لمن يكون شين بنقول ليه ككو حليمة برضه
    يعني اللون ما عنده دخل هنا
    ده ما تعليق عنصري اطلاقا وانت جبت الكلام مبتور ليه في الاول يا دينق
    ده ولد سفيه اهان كل نساء السودان وهي ردت ليه
    والله هو مش الحلقة المفقودة في داروين هو القرد الاعمش والنضارة ذاتو بتاع منهج السودان القديم
    هسة هي اتكلمت عن لونو مثلا
    هو جاب سيرة الشنا ووورتو السم القدر غداه

    الشباب والكنداكات ماتو في ساحة الاعتصام والساقط ده يروج لدعاية ذي دي
    خلي باشا يتجاوز مرحلة العزاء ويجي معطكم واحد واحد
    يا اخ انقد الحزب الشيوعي وسياساتو من حستو ولي الجبهة المعادية للاستعمار للحزب الشيوعي
    بدل تطارد افراده في الاسافير
    عدم الشغلة علم القرد المشاط

    https://top4top.io/

    سلام حرية عدالة
    الثورة خيار الشعب
                  
|Articles |News |مقالات |بيانات

05-15-2020, 04:09 PM

Arif Nashed
<aArif Nashed
تاريخ التسجيل: 05-12-2014
مجموع المشاركات: 7347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    علي الحزب الشيوعي شطب هذه العنصرية من عضوية الحزب.
                  
|Articles |News |مقالات |بيانات

05-15-2020, 04:09 PM

Arif Nashed
<aArif Nashed
تاريخ التسجيل: 05-12-2014
مجموع المشاركات: 7347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    علي الحزب الشيوعي شطب هذه العنصرية من عضوية الحزب.
                  
|Articles |News |مقالات |بيانات

05-15-2020, 04:06 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 36747

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    سلامات يا دينق

    لو صحت نسبة التصريحات للدكتورة إحسان فقيري تكون سقطة كبرى..
                  
|Articles |News |مقالات |بيانات

05-15-2020, 04:18 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 4376

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Yasir Elsharif)



    تعليق الدكتورة إحسان فقيري هنا يأتي مبتوراً عن السياق الذي ورد فيه.
    في الحقيقة صاحب الصورة نشر صورته وهو مع صديقته الأوروبية ومعها تعليق يتعدى فيه على البنت السودانية ويصفها بالقبيحة والمتعجرفة.
    وجاء رد الدكتورة إحسان فقيري على ذلك الشاب كما ورد.

    هذا ليس دفاعاً عن الدكتورة إحسان فقيري
    ولكن توضيحاً للسياق الذي جاء فيه تعليقها

    أما قولها "حقو النوبة هم من يحتجو على تاور" فلا أرى فيه أي عنصرية
    فهو تعليق يتحدث عن مدى تمثيل صديق تاورالبعثي للنوبة في مجلس السيادة.


                  
|Articles |News |مقالات |بيانات

05-15-2020, 04:31 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Hafiz Bashir)

    https://www.facebook.com/12frredomfighter90/https://www.facebook.com/12frredomfighter90/

    وائل بوش صاحب الصورة، يرد على الدكتورة إحسان فقيري
                  
|Articles |News |مقالات |بيانات

05-15-2020, 04:57 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    الاخ حافظ بشير

    أصحاب الصورة لا علاقة لهم بصاحب التعليق الذي أساء في للسودانيات ووصفهم ب "الشينات"


                  
|Articles |News |مقالات |بيانات

05-15-2020, 04:59 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    أريد أن أنوه أن الدكتورة إحسان فقيري كتبت إعتذار ولكنها لم تعتذر فيه لأصحاب الصورة.
    ولم تعترف فيه بأن ما كتبته شئ عنصري وقبيح.
                  
|Articles |News |مقالات |بيانات

05-15-2020, 04:59 PM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    أما قولها "حقو النوبة هم من يحتجو على تاور" فلا أرى فيه أي عنصرية
    فهو تعليق يتحدث عن مدى تمثيل صديق تاورالبعثي للنوبة في مجلس السيادة.


    الاخ حافظ بشير اذا لم يكون هذا الاقتباس عنصرى فاعتقد بان العنصريه انتهت من عالمنا هذا!!!!!!!!!!!!!!!!!!
    اللاسف الكلام الفوق ده تنميط سخيف وقبيح ولابد من ادانه قائلته خصوصا من قياديه فى حزب كبير كالحزب الشيوعى السودانى وقياديه فى منظمات المجتمع المدنى
    دخل النوبه هنا شنو لولا عنصريه نتنه من احسان فقيرى هل فى زول جاب سيره قبيله دكتور اكرم هنا ولا عاوزه تدافع عن لمجرد الانتماء القبلى؟ هل قبائل النوبه هى من اتت بالبروف تاور؟
    اذا لم ننتهى من هكذا عنصريه وعفن من داوخلنا فمصير السودان التجزئه والضعف والهوان....للاسف افتكرت ان هذا المرض انتهى ببتلاحم ثوره ديسمبر المجيده ولكن هنالك الكتيرون الذين يعانون من نفس الغرور الزائف
    ادين باقصى درجات الادانه والاحتجاح ما كتبته القياديه الشيوعيه وعلى الحزب الشيوعى ومنظمه لا لقهر النساء فصل احسان الان من كل موقع قيادى ولابد لها من دخول دروس فى التعايش السلمى والاحترام بين قوميات السودان

    دودى
                  
|Articles |News |مقالات |بيانات

05-15-2020, 05:05 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    الاخ دودي

    أتفق معك تماما في ما ذكرته، فلماذا يتم زكر أثنية الدكتور صديق تاور هنا؟

    أنا من المؤيدين للدكتور أكرم علي التوم وزير الصحة، ولكن هنالك بعض المؤيدين له يكتبون كتابات تضر بأكرم أكثر من ما تخدمه.

    يجب الانتباه لذلك.

    (عدل بواسطة Deng on 05-15-2020, 05:07 PM)

                  
|Articles |News |مقالات |بيانات

05-15-2020, 05:18 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5482

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    كلام د . إحسان فقيري مخجل وقبيح وعنصري ومُدان ..
    هذا تعدي سافر على الآخرين ...
    فحتى لو تداخل آخر وقال السودانيات شينات ..
    ودايرات مهر كتير أو ما شابه
    الترد وتقول ليهو انتو ذااتكم يا الرجال السودانيين برضكم شينين ..
    مش تطبز زي الطبزه الغبية دي ...

    اصلا العنصرية بتظهر لحظة الاستفزاز والزعل ..
    ده المقياس ...



                  
|Articles |News |مقالات |بيانات

05-15-2020, 05:22 PM

Emad Ahmed
<aEmad Ahmed
تاريخ التسجيل: 08-12-2009
مجموع المشاركات: 12090

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: جمال ود القوز)

    سلام اخ دينق

    احسان فقيري عضو معانا في البورد

    أتمنى أن تقرأ هذا المنشور

    وتعقب على ماجاء فيه
                  
|Articles |News |مقالات |بيانات

05-15-2020, 05:31 PM

Biraima M Adam
<aBiraima M Adam
تاريخ التسجيل: 07-05-2005
مجموع المشاركات: 15613

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Emad Ahmed)






    بريمة

                  
|Articles |News |مقالات |بيانات

05-15-2020, 05:36 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 6417

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: جمال ود القوز)

    الحبيب دينق .. شكرا على نقل هذا النموذج
    نعم كلام عنصري ومدان ..
    لا تبرير هنا كرد على الاخر .. هي مدافعة عن حقوق الانسان
    مفروض تكون مميزة عن العامة .. وتكون قدوة بل تمنحهم درس بكل هدوء

    ذلك الآخر نحن لانعرف مؤهلاته أو مدى وعيه فالجاهل غير مؤاخذ .. ولكن هي قيادية
    وأذكر انها نالت جائزة أوروبية ..

    ما كنت أظن مدافعة حقوق انسان تتصرف هكذا .. حتى اذا أخطأوا عليها تكون قدوة
    وكذلك ..

    صدقت ياجمال ود القوز (( اصلا العنصرية بتظهر لحظة الاستفزاز والزعل ..
    ده المقياس ... )) وليس في منصات الخطابة هي بتكون في اللاشعور

    كما ندين العبارة الموجه الى حبيبنا تاور ..

    جميل الحبيب دينق رغم اختلافك مع تاور في بوست .. تدافع عن حقه هنا
                  
|Articles |News |مقالات |بيانات

05-15-2020, 05:35 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    سلام دينق
    دكتورة إحسان فقيري عضو بالمنبر وأرجو أن ترد -
    .
    Quote: أضافت إحسان في تعليق آخر رداَ على المطالبات بإقالة وزير الصحة أكرم علي التوم بالنسبة لاكرم ما ود المصارين البيض أكرم مخلص وثاتب وعندو رؤية لتحسين النظام الصحي حقو النوبة هم من يحتجو على تاور.


    أنا ماشايف إي عنصرية هنا - منطقة جبال النوبة عانت من التهميش وسياسات دكتور أكرم أقرب
    لنبض أهلها -- بينما سياسات وتوجهات العروبي تاور تتنافي مع مصالح الهامش والنوبة .
    - * موضوع " يمكن الخواجية دايرة تعرف عن الحلقه المفقودة بين الإنسان والقرد."
    إن صح -فإنه يشمل إحسان ودينق وكمال وصاحب الصورة فكلنا قرود في نظر النازي والعنصري
    الغربي !
    فهل يعقل أن تتبني وتتلفظ د.إحسان -بما يحط من قدرها كإنسانة أفريقية وسوداء ؟ وما
    يحقر أهلها؟
    - إذا إفترضنا إنها تقصد إن السوداني في نظرة هذه الأوربية قرد ..فهذا برضو خطأ فليس كل
    الأوربين والغربيين عنصريين - كما إنها لاتعرف حقيقة صاحبة الصورة!
    -إن كانت دعابة وهزار-فهي دعابة سمجة وغير موفقة .
                  
|Articles |News |مقالات |بيانات

05-15-2020, 05:41 PM

امتثال عبدالله

تاريخ التسجيل: 05-15-2017
مجموع المشاركات: 4449

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    والله بصراحة عيب كبير من إحسان فقيري ...
                  
|Articles |News |مقالات |بيانات

05-15-2020, 05:59 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 5058

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: امتثال عبدالله)

    السلام عليكم
    دخلت موقع الشاب وفهمت ان هناك فيديو اخر
    او مقتبس في الفيس له ولكن استغل وينفي
    انه من قال ما ورد فيه وان احسان فقيري ردت
    بعنصرية ، احسان نفسها افريقيا اي هي في
    تصنيف العنصرين متحدرة من القرود ، اذا فهمت
    ردت فعلها صاح زي واحد من الامريكيين الافارقة يصف
    اخوةً بلفظ لا يسمح لسواهم باستعمالها.

    العنصرية مرفوضة ومدانة .
                  
|Articles |News |مقالات |بيانات

05-15-2020, 06:04 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 7848

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: اخلاص عبدالرحمن المشرف)


    سنة كبيسة على منظمة لا لقهر النساء.

    دكتورة إحسان عليك بالإعتذار عن زلة

    اللسان الخطيرة التي لا يبررها الإستفزاز.
                  
|Articles |News |مقالات |بيانات

05-15-2020, 06:10 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 6417

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: اخلاص عبدالرحمن المشرف)

    الاحباب ا لكرام ..
    الادانة هنا لأنها قيادية ومدافعة عن حقوق الانسان
    لو هي بصفة عادية يمكن تجاوز الموضوع

    (((((( مدافعة حقوق انسان )))))

    حتى لو تعرضت لإساءة مباشرة لا ترد بمثل هذه عبارات المباشرة

    تحياتي للاحباب




                  
|Articles |News |مقالات |بيانات

05-15-2020, 06:02 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: امتثال عبدالله)

    كمال عباس سلامات.

    شعب جبال النوبة تم ظلمه هنا مرتين.

    الدكتور صديق تاور تم تعينه في مجلس السيادة بواسطة حزب البعث العربي وممثلا لهم وليس بواسطة أهله النوبة.
    ولكن عندما أخطاء الدكتور صديق تاور تم تذكيره بأصله وبأهله النوبة واللذين هم في الاصل لا علاقة لهم ب ترشيحه أو تعينه في مجلس السيادة.
    وده يعتبر ظلم كبير بالنسبة للنوبة. لو كانت ذكرت أصل الدكتور أكرم في نفس السياق لكنا قلنا إنها لم تستثنى أحدهم.
                  
|Articles |News |مقالات |بيانات

05-15-2020, 06:05 PM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: امتثال عبدالله)

    أنا ماشايف إي عنصرية هنا - منطقة جبال النوبة عانت من التهميش وسياسات دكتور أكرم أقرب
    لنبض أهلها -- بينما سياسات وتوجهات العروبي تاور تتنافي مع مصالح الهامش والنوبة .


    والله يا كمال عباس سقطت فى نظرى عديل كده بالواضح معليش الدنيا رمضان الوضوح واجب اكثر من اى وقت مضى
    من حق احسان ان تنتقد البروف تاور ولكن ما دخل النوبه هنا؟؟؟؟؟؟؟؟؟ لولا العنصريه ...فى امريكا لو زول قال ليك يا اسود دى عنصريه لانو عندك اسم وده تنميط وتنمر مرفوض
    عيب تدافع عن احسان بمنطلق عقائدى والله عيب من شخص كنت اظنه من دعاه الاستاره فى البورد
    على الحزب الشيوعى استجواب ومحاسبه احسان وعلى منظمه لا لقهر النساء فصل احسان فى الحال

    دودى
                  
|Articles |News |مقالات |بيانات

05-15-2020, 06:13 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    سلام يامحمد دودي
    يا اخوي سيب الأحكام المتعسفة دي -سقطت من نظرك. كيف يعني؟ عشان فهمي لما نسب لدكتورة احسان اختلف من فهمك ؟
    دا فهمي ويمكن يكون غلط وممكن يكون صاح !
    هي ذكرت النوبة باعتبارهم اكثر تضررا. من مواقف تاور !
    يعني لو عبد العزيز الحلو. قام بعمل عسكري تجاه مدنيين في جنوب كردفان -بقارة مثلا - باعتبارهم جنجويد مثلا وفي زول قام قال انو من الأفضل ان يقوم النوبة. بإدانة هذا المسلك يكون الزول عنصري ؟
    *. الحساسية ضد العنصرية والغيرة الإنسانية محمدة لكن كمان التعامل بحسن. نية او لافتراض حسن النية مطلوب !
                  
|Articles |News |مقالات |بيانات

05-15-2020, 06:22 PM

النذير حجازي
<aالنذير حجازي
تاريخ التسجيل: 05-10-2006
مجموع المشاركات: 6595

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    لعنة الله على أي م############ يدافع عن عنصري
                  
|Articles |News |مقالات |بيانات

05-15-2020, 06:22 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 7876

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    الحديث عن تاور يدور حول قناعته السياسية
    التى قد لا تتوافق هع اثنيته التى ينتمى لها
    ناس حزب الامة وين حميتكم دى يوم بوخة المرقة
    فى وصف ثورة اهدرت فيها ارواح و سالت فيها دماء
    وحديث البيئة ليلة القدوم الميمون
                  
|Articles |News |مقالات |بيانات

05-15-2020, 06:27 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 7876

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: جلالدونا)

    يا كمال عباس
    يفرق شنو انك سقطت فى نطرو ولّ من نظرو
    ده زول حزب امة ساكت
    __
    دينق بقيت زى بريمة فى الفهم
    ألحق بكرى يضاير البوست ده
    قال عنصرية قال
                  
|Articles |News |مقالات |بيانات

05-15-2020, 08:36 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: جلالدونا)

    سلام جلالدونا
    Quote: يا كمال عباس
    يفرق شنو انك سقطت فى نطرو ولّ من نظرو
    ده زول حزب امة ساكت


    ناس حزب الأمة ديل فيهم الصالح والطالح ! زي ماكان فيهم مبارك الفاضل -وعبد الله محمد
    أحمد - فيهم بكري عديل والأمير نقدالله !
    -
                  
|Articles |News |مقالات |بيانات

05-15-2020, 06:30 PM

قسم الفضيل مضوي محمد
<aقسم الفضيل مضوي محمد
تاريخ التسجيل: 01-08-2013
مجموع المشاركات: 2313

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    .
    دينق صاحب البوست سبق وأن وصف عضو هنا ب(الخال) وهي الكلمة المقابلة لكلمة (عبد) عند الخليجيين ...
    اذا فاقد الشيء لا يعطيه وما في داعي يجي يعمل لينا انه مارتن لوثر كنج ...
                  
|Articles |News |مقالات |بيانات

05-15-2020, 07:11 PM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: قسم الفضيل مضوي محمد)

    ناس حزب الامة وين حميتكم دى يوم بوخة المرقة
    فى وصف ثورة اهدرت فيها ارواح و سالت فيها دماء
    وحديث البيئة ليلة القدوم الميمون


    الاخ جلال
    يا انت كاذب وافاك او جاهل تسمع القوالات فقط
    اتحدااااااك ان تثبت بان الصادق وصف الثوره ببوخه المرقه
    ياخ والله عيب الواحد يكون فى منصه واحده مع ناس بمثل هكذا صفات

    دودى
                  
|Articles |News |مقالات |بيانات

05-15-2020, 07:25 PM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    سلام يامحمد دودي
    يا اخوي سيب الأحكام المتعسفة دي -سقطت من نظرك. كيف يعني؟ عشان فهمي لما نسب لدكتورة احسان اختلف من فهمك ؟
    دا فهمي ويمكن يكون غلط وممكن يكون صاح !
    هي ذكرت النوبة باعتبارهم اكثر تضررا. من مواقف تاور !
    يعني لو عبد العزيز الحلو. قام بعمل عسكري تجاه مدنيين في جنوب كردفان -بقارة مثلا - باعتبارهم جنجويد مثلا وفي زول قام قال انو من الأفضل ان يقوم النوبة. بإدانة هذا المسلك يكون الزول عنصري ؟
    *. الحساسية ضد العنصرية والغيرة الإنسانية محمدة لكن كمان التعامل بحسن. نية او لافتراض حسن النية مطلوب !


    والله يا كمال كنت مفتكرك من الناس العاقله فى هذا المنبر وانك ضد اى شكل من اشكال التمييز ومهما اختلفنا فى وجهات النظر الا وانك تتمتع باخلاق ممتازه ولكنى صدمت اولا لانك فى امريكا وثانيا لشخص
    عاشر واختلط مع ثقافات كثيره ...هذا السقوط الذى اعنيه
    ثانيا ماهى علاقه النوبه بالموضع لولا تنمر وتنميط ....هل طرح البروف صديق نفسه ممثلا عن النوبه وحتى اذا طرح نفسه كممثل للنوبه اليس من حقه الخوض فى امر وزير الصحه القومى وانتقاد سياسته ام هو اقل
    قامه كنوباوى من الدكتور اكرم المحسى ؟
    ايراد اسم عبدالعزيز والبقاره خارج اطار المقارنه لانه للاخ تاور طارح نفسه كنوباوى ولا الاخ اكرم طارح نفسه كانه محسى .....
    كمثقف كنت اتوقع منك ادانه احسان فقيرى

    دودى
                  
|Articles |News |مقالات |بيانات

05-15-2020, 07:37 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 7272

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    إذا إحسان فقيري زاتها اعتذرت عن السقطة دي
    فما في داعي الدفاع عن سقوطها في إستخدام
    العبارات العنصرية..

    ممارسة العنصرية قبيحة وأكثر قبحاً عندما تأتي من
    شخص يدافع عن حقوق الإنسان
                  
|Articles |News |مقالات |بيانات

05-15-2020, 07:59 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 7876

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: عبدالعظيم عثمان)

    سبجان الله
    دودى يصفنى بالكذب فى شى ساطع زى عين الشمش
    هى بوخة مرة براها معاها علوق الشدة و وجع الولادة
    و الطهورة و العرس فى اسبوع
    خلاص هو ما قال بوخة المرقة قال دخان المرقة
    صحى انت زول حزب امة ساكت
                  
|Articles |News |مقالات |بيانات

05-15-2020, 08:05 PM

نادر الفضلى
<aنادر الفضلى
تاريخ التسجيل: 09-19-2006
مجموع المشاركات: 6366

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: عبدالعظيم عثمان)

    إحتمال يكون حسابها مهكر، سمعت أنها فقدت شقيقها كان من ضحايا كورونا
    هل حقاً التعليق على الصورة إستفزها لدرجة تسقط هذا الإسقاط؟!
    وهل غيرتها ودفاعها عن د. اكرم الشيوعى يصل هذه الدرجة المتطرفة عنصرياً؟!

    دا كلو كوم والخواجية الفى الصورة المعنية كوم شنا عديل كدا، إلا إذا كان اللون الأبيض يعتبر جمالاً.
                  
|Articles |News |مقالات |بيانات

05-15-2020, 08:09 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: عبدالعظيم عثمان)

    كدي ياجماعة - اللي شاف أو إطلع علي إعتذار إحسان فقير ينزلو هنا عشان نشوف توضيحها شنووإعتزارها كان عن ياتو نقطة !
    --- نجي للأخ محمد دودي
    Quote: ثانيا ماهى علاقه النوبه بالموضع لولا تنمر وتنميط ....هل طرح البروف صديق نفسه ممثلا عن النوبه وحتى اذا طرح نفسه كممثل للنوبه اليس من حقه الخوض فى امر وزير الصحه القومى وانتقاد سياسته ام هو اقلقامه كنوباوى من الدكتور اكرم المحسى ؟ ايراد اسم عبدالعزيز والبقاره خارج اطار المقارنه لانه للاخ تاور طارح نفسه كنوباوى ولا الاخ اكرم طارح نفسه كانه محسى .....كمثقف كنت اتوقع منك ادانه احسان فقيرى
    -
    يعني لو كان تاور شايقي أو رباطابي وإحسان فقيري - قالت كلامها دا برضو حا يصنف عنصرية؟-ممكن تقول تنميط أو تقول إنو إحسان كأنما نسبت وجيرت مواقف تاور علي كل القبيلة وطالبتها بإدانة مواقف تاور أو ربما التبرئي منها - ودي ماعنصرية في نظري وإنما تعميم مخل وسحب للموقف الخاص علي الجمع -فالقبيلة هنا ليست كتلة صماء أو قطيع -وإنما أفراد فيهم من يختلف قطعيا مع إنتماء تاور السياسي - ولامواقفه الفكرية والشخصية.وفيهم من قد يتفق معه وهكذا,,,* أنا شخصيا فهمي يختلف في هذه النقطة عن فهمك - بفتكر إنها قصدت إنو مواقفه تتنافي مع مصالح النوبة ومع تهميشهم وهم من هذا المنطلق أولي بالتصدي لتاور !
    * دا زي الناس اللي بستغربو من إنتماء تاور لحزب عروبي - هم يفعلوا هذا مش لأنهمعرب والعروبة تشبههم وحكرا عليهم والنوبة أفارقة أقحاح وإنما بإعتبار أن النوبة أكثر تضررا من الخطاب العروبي والعروبة المدعاة ..!
    * أما النقطة الأولي -بتاع القرد -دي المحتاجة لتوضيح من إحسان فقيري! ماذا تقصد وماالداعي لإستلاف وإستدعاء هذه المفردة؟

    (عدل بواسطة كمال عباس on 05-15-2020, 08:14 PM)

                  
|Articles |News |مقالات |بيانات

05-15-2020, 08:15 PM

Mahjob Abdalla
<aMahjob Abdalla
تاريخ التسجيل: 10-05-2006
مجموع المشاركات: 6466

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    Quote: عضو هنا ب(الخال) وهي الكلمة المقابلة لكلمة (عبد) عند الخليجيين

    عبدالفضيل
    سلام
    و ماذا تعني عندنا نحن السودانيين هذه الكلمة.
    اليس معناها شقيق الام؟
                  
|Articles |News |مقالات |بيانات

05-15-2020, 08:20 PM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    Quote: سبجان الله
    دودى يصفنى بالكذب فى شى ساطع زى عين الشمش
    هى بوخة مرة براها معاها علوق الشدة و وجع الولادة
    و الطهورة و العرس فى اسبوع
    خلاص هو ما قال بوخة المرقة قال دخان المرقة
    صحى انت زول حزب امة ساكت


    والله يا جلال اذا لم تتراجع سوف اعتبرك كذابا اشر
    لاننى اوضحت لك بان كلامك ما صاح
    هات التسجيل وسوف اعتذر لك ومش بس سوف اصل لمكان اقامتك وابوس راسك
    ياخ حرااااااااااام عليك تنقل فى اشاعه لها سنه وتصر عليها على الرغم من ان التسجيل للؤتمر الصحفى موجود فى المنبر العام والبوتيوب
    انا ما عارف ليه تربيتنا كسودانيين سيئه كده؟ ليه نكابر ونرفض الاعتذار عن الاخطاء ؟ ليه نعتبر الخطأ عيب؟

    دودى

                  
|Articles |News |مقالات |بيانات

05-15-2020, 08:28 PM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    Quote: يعني لو كان تاور شايقي أو رباطابي وإحسان فقيري - قالت كلامها دا برضو حا يصنف عنصرية؟-ممكن تقول تنميط أو تقول إنو إحسان كأنما نسبت وجيرت مواقف تاور علي كل القبيلة وطالبتها بإدانة مواقف تاور أو ربما التبرئي منها - ودي ماعنصرية في نظري وإنما تعميم مخل وسحب للموقف الخاص علي الجمع -فالقبيلة هنا ليست كتلة صماء أو قطيع -وإنما أفراد فيهم من يختلف قطعيا مع إنتماء تاور السياسي - ولامواقفه الفكرية والشخصية.وفيهم من قد يتفق معه وهكذا,,,* أنا شخصيا فهمي يختلف في هذه النقطة عن فهمك - بفتكر إنها قصدت إنو مواقفه تتنافي مع مصالح النوبة ومع تهميشهم وهم من هذا المنطلق أولي بالتصدي لتاور !
    * دا زي الناس اللي بستغربو من إنتماء تاور لحزب عروبي - هم يفعلوا هذا مش لأنهمعرب والعروبة تشبههم وحكرا عليهم والنوبة أفارقة أقحاح وإنما بإعتبار أن النوبة أكثر تضررا من الخطاب العروبي والعروبة المدعاة ..!
    * أما النقطة الأولي -بتاع القرد -دي المحتاجة لتوضيح من إحسان فقيري! ماذا تقصد وماالداعي لإستلاف وإستدعاء هذه المفردة؟


    ايوه يا كمال لو قالت ليهو امشى ساعد اهلك المحس برضو دى عنصريه وتنمر وتنميط لان تاور مجازا المحسى هو عضو مجلس سيادى للسودان
    يا كمال الاسبوع الماضى الرئيس ترامب الدنيا كلها قامت عليه عندما رد لمراسله CBS الصنيه الملامح الامريكيه الجنسيه بان توجه سؤالها للصين؟
    نقطه القرد لا تهمنى ابدا وهى خارج اهتمامى
    كلام احسان مرفوض جمله وتفصيلا وعنصرى وقبيح

    دودى
                  
|Articles |News |مقالات |بيانات

05-15-2020, 09:28 PM

Abureesh

تاريخ التسجيل: 09-22-2003
مجموع المشاركات: 22096

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    Quote:
    وقالت إحسان فقيري في تعليق لها على صورة شاب سُوداني متصور مع أحدي النساء الأوروبيات في الفيس بوك بقولهايمكن الخواجية دايرة تعرف عن الحلقه المفقودة بين الإنسان والقرد.


    الأخ دينق
    قد تعرف رأيى فى الحزب الشيوعي السودانى. و لكن القران يعلمنا. لا يجرمنكم شنئان قوم على ان تعدلوا.. اعدلوا هو اقرب للتقوى.. و يقينى هذه ايضا تعاليم المسيح.
    اولا ارجو اخراج الحزب الشيوعي من هذا الخط موضوع لانه لا ناقة له فيه و لا جمل.. ولا نكرر فتنة معهد المعلمين.

    ثانيا فإن أعز ما تملكه المرأة.. أى مرأة هو أنوثتها و جمالها.. فإن طعن شخص فى هده فحينها انسى انها ناشطة او كسلانة او وزيرة.. فإن غريزة الدفاع عن وجودها و كيانها kicks off .. و يتراجع العقل ورا شوية. و كون الواحد يقول للمرأة شينة فإن وقعها ليس كما تقول للرجل شين او حتى جبان او اى شئ..
    لذلك.. ثم ان الصورة كانت قاصمة الظهر.. حين يقول السودانية شينة و ينشر صورته مع(امرأة) أوروبية يعنى انه حكم بالإعدام على اى امرأة سودانية.. و فى هده الحالة المرأة السودانية تكون فى حالة survival.. و هى حالة يستعمل فيها الإنسان كل سلاح فى مقدوره ان يستعمله سواء كان مشروعا او غير مشروع. يكون اثره مساويا للضرر و الأذى الذى لحق بها..
    انا أدين العبارة العنصرية و فى وقت غياب العقل اجد العذر للمرأة.. و خصوصا هى اعتذرت بعد ان عاد اليها العقل و الحكمة.
                  
|Articles |News |مقالات |بيانات

05-15-2020, 09:40 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Abureesh)

    ابو الريش

    سلامات.

    أعتقد أن الدكتورة إحسان فقيري شخصية عامة، وعندما يتم زكرها يكون ذلك مع المناصب والصفات التي تحملها. وزي ما شايف مافي زول هنا أدان الحزب الشيوعي السوداني أو مبادرة لا لقهر النساء.

    شئ أخر.

    صاحب الصورة لا علاقة له بالتراشق الذي تم بين إحسان فقيري والشخص الذي تحدث عن "شنات" السودانيات. أنهم شخصين مختلفين تماما. والمطالبة بالإعتذار هنا مطلوبة لأصحاب الصورة الذين لا دخل لهم في ما حدث.
                  
|Articles |News |مقالات |بيانات

05-15-2020, 09:50 PM

Abureesh

تاريخ التسجيل: 09-22-2003
مجموع المشاركات: 22096

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    Quote: صاحب الصورة لا علاقة له بالتراشق الذي تم بين إحسان فقيري والشخص الذي تحدث عن "شنات" السودانيات. أنهم شخصين مختلفين


    اهلا دينق.. و شكرا على التوضيح.. النقطة هذه ما كنت عارفها. و كان على إحسان ان تتثبت أولا.. ثم توجه حديثها الذى طبع التعليق على الصورة.
                  
|Articles |News |مقالات |بيانات

05-15-2020, 09:57 PM

نادر الفضلى
<aنادر الفضلى
تاريخ التسجيل: 09-19-2006
مجموع المشاركات: 6366

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    Quote:
    وزي ما شايف مافي زول هنا أدان الحزب الشيوعي السوداني أو مبادرة لا لقهر النساء.

    دينق سلام

    طيب لو قام الحزب الشيوعى نكر عضويتها الرسمية للحزب .. يعنى شيوعية من منازلهم .. العمل شنو؟
    مبادرة لا لقهر النساء هى المطالبة بالإدانة وإتخاذ الإجراء اللازم إلا إذا إعتبرت ما مس نساء
    السودان من تعليق على الصورة فيه قهر لهن ..

    وياريت دكتورة إحسان تظهر وتوضح. عهدناها رشيدة فيما تكتب.

                  
|Articles |News |مقالات |بيانات

05-15-2020, 09:58 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 4376

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)



    Quote: الاخ حافظ بشير

    أصحاب الصورة لا علاقة لهم بصاحب التعليق الذي أساء في للسودانيات ووصفهم ب "الشينات"


    شكراً جزيلاً دينق للتوضيح
    لم أنتبه لعدم تطابق صاحب الصورة مع كابي التعليق
    والذي إتضح لاحقاً بعد نشر الفيديو لصاحب الصورة أنه ليس هو كاتب التعليق
    وربما وقعت الدكتورة إحسان فقيري في نفس الخطأ
    ويلزمها الإعتذار عن محتوى التعليق وعن الخطأ في تعليقها على الصورة أصلاً.

    عموماً أنا ذكرت أن تعليق الدكتورة إحسان أتى في سياق معين يجب محاكمة ما كتبته داخل السياق الذي ورد فيه.
    أنا كرأي شخصي أرى أن في تعليقها ركاكة ولكن فهمي له لا ينفصل عن أنه رد لشخص يبحث عن تحسين النسل بالزواج من اوروبية بيضاء.
    فإذا كانت قناعته أن الزواج بالأوربية فيه تحسين للنسل فحق للأوروبية أن تراه من نسل أقل منها.
    وهذا ما فهمته أنا من تعليق الدكتورة إحسان فقيري
    قد يكون فهمي خاطيء وقد يكون صحيح ولا ألزم به أحد.

                  
|Articles |News |مقالات |بيانات

05-15-2020, 10:08 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 4376

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Hafiz Bashir)


    سلام محمد دودي
    Quote: اللاسف الكلام الفوق ده تنميط سخيف

    وين التنميط هنا؟
    خلينا نتفق في الأول على تعريف للتنميط العنصري:
    التنميط العنصري هو إلباس نمط او صفة أو فكرة مسبقة على كل أفراد طبقة أو مجموعة معينة وتعميم تلك الصفة على جميع افراد الطبقة او المجموعة.
    إذا إتفقت معاي على هذا التعريف،
    ياريت توريني الصفة او الفكرة التي يمكن إستخلاصها من تعليق الدكتورة إحسان فقيري والمعممة على فئة او مجموعة معينة.
    وبإعتبار أن المجموعة هي النوبة، فما هو النمط او الصفة او الفكرة التي عممها تعليق الدكتورة على النوبة كمجموعة إثنية؟


                  
|Articles |News |مقالات |بيانات

05-15-2020, 09:59 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 6417

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    الحبيب دينق .. تحياتي
    توقفت قليلا عند اسم (( فقيري ))
    ناس فقيري .. من عندنا من ضواحي الدنيا
    (( فقيري )) في الغالب لا يطلق كإسم ولكن صفة أو لقب
    (( فقيري )) هم (( الفقرا )) رجال الدين
    فقير كلمة جاءت من العربية كمعظم المسميات الاسلامية لدى أهلنا النوبة
    وأضافة حرف الياء .. للجمع ( فقيري) هو الفقراء

    ولا تخلو منطقة عندنا من (( فقيري مار )) بمعنى (( حلة الفقرا))
    لأن رجال الدين ( الفقرا ) عندنا كانوا معزولين قليلا عن مجتمع الترابلة والمزارعين
    لأنهم لم يكن لديهم نشاط زراعي ..

    وفقيري من اسماء الحصرية بالنوبيين .. مثل ( ساتي ، وسمل ، ارباب ، شمت .. الخ )،

    معليش يا دينق .. ربما احسان نفسها لا تعرف هذه المعلومة .. لأن أهلنا بدأوا الهجرة
    من الجد الرابع تقريباً
    احسان من نوبة الشمال والحبيب تاور من نوبة الجبال ..

    والغريب أن الحزب الشيوعي أكثر حزب بعيد عن العنصرية .. كنا اعضاء فيه لسنوات طويلة
    ايام الشباب والعنفوان .. ثم مرحلة اليأس والضياع واصبحنا بدون حزب .. مع أكل العيش فقط




                  
|Articles |News |مقالات |بيانات

05-15-2020, 10:38 PM

عبد الله حسين

تاريخ التسجيل: 08-08-2009
مجموع المشاركات: 450

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: علي عبدالوهاب عثمان)

    غايتو إذا زميلتنا دكتورة إحسان فقيري طلعت عنصرية !!، ما عارف الفاضل شنو تاني.

    شاهدوا الفيديو أدناه وأحكموا بأنفسكم.



                  
|Articles |News |مقالات |بيانات

05-15-2020, 11:33 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: عبد الله حسين)

    عبد الله حسين

    مافي زول قال إحسان فقيري عنصرية، ولكن ما كتبته يعتبر كلام عنصري.
    وهي عندها فرصة توضح وتعتذر للذين وجهت اليهم هذه العنصرية.
                  
|Articles |News |مقالات |بيانات

05-16-2020, 00:03 AM

عبد الله حسين

تاريخ التسجيل: 08-08-2009
مجموع المشاركات: 450

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    دينق

    أنا عضو في هذا البورد منذ 2004، وأنت شخصياً خاطبت أحد الأعضاء هنا بعبارة " يا خال "، وهي تعني في الخليج ومناطق أخرى الشامة السوداء، أي الشخص الأسود، وتستخدم على سبيل التحقير والحط من الشأن، ولم تعتذر عن ذلك، فقبل أن تطالب الدكتورة إحسان فقيري بالاعتذار فيجب عليك الاعتذار عن ذلك، فهل تفعل ؟.
    حتى الآن وفي غياب السياق الكامل التي وردت فيه عبارة دكتورة إحسان ومن الذي وضع الصورة وإذا ما كانت دكتورة إحسان تعرف أن المخاطب ليس صاحب الصورة، فقد فهمتها على أنها تريد القول نحن نساء قبيحات ولكن النساء الأوروبيات القاشرين بيهن ديل بنظرن ليكم ولينا نحن جميعاً كقرود، يعني ما تفرح بيهن على حسابنا، مع ذلك إذا ثبت لي بعد وضوح المشهد بشكل كامل، أن دكتورة إحسان قد قصدت أي مقصد عنصري فأنا أدين ذلك بالفم المليان وأطالبها بالاعتذار.
                  
|Articles |News |مقالات |بيانات

05-16-2020, 00:11 AM

امتثال عبدالله

تاريخ التسجيل: 05-15-2017
مجموع المشاركات: 4449

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: عبد الله حسين)

    عبد الله حسين
    لكن يا عبد الله دينق ما خليجي..واذا خاطب أي زول بكلمة خال فهو يقصد بالتأكيد الخال بالمعنى السوداني
    خال =شقيق الأم...اما الخليجيين فمعروفين انهم عنصريين...الا من رحم الله ..اقصد الأغلبية..
    ..ورمضان كريم
                  
|Articles |News |مقالات |بيانات

05-16-2020, 00:24 AM

عبد الله حسين

تاريخ التسجيل: 08-08-2009
مجموع المشاركات: 450

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: امتثال عبدالله)

    Quote: عبد الله حسين
    لكن يا عبد الله دينق ما خليجي..واذا خاطب أي زول بكلمة خال فهو يقصد بالتأكيد الخال بالمعنى السوداني
    خال =شقيق الأم...اما الخليجيين فمعروفين انهم عنصريين...الا من رحم الله ..اقصد الأغلبية..
    ..ورمضان كريم


    امتثال عبد الله

    رمضان كريم

    أبداً

    السياق الذي كان يجري فيه الحوار أو الحرب إذا شئتي يؤكد بدون لبس أن المقصود هو معنى الخال كما يستخدم في الخليج، لأن دينق كان يقول له أن هناك كريمات لتفتيح البشرة والفوتشوب وغيره، ولأن الشخص المعني يقيم في الخليج.
                  
|Articles |News |مقالات |بيانات

05-16-2020, 00:22 AM

صباح حسين طه

تاريخ التسجيل: 08-04-2007
مجموع المشاركات: 908

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: عبد الله حسين)

    إحسان فقيري وهي عضوة في المنبر ولا يوجد أي عضو في المنبر تحمل من التعذيب مثلما لاقته وهي المصابة بالسكري دفاعاً عن حقوق ناس دارفور وضد الكيزان
    الإستعجال في الجري بالشينة شين
    كتير من الأحيان الناس تستعجل بالشينة وتنتقد وتلقى نفسها إنجرت ورا خبرية تم تفسيرها بالنية
                  
|Articles |News |مقالات |بيانات

05-16-2020, 00:43 AM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: صباح حسين طه)

    Quote: وين التنميط هنا؟
    خلينا نتفق في الأول على تعريف للتنميط العنصري:
    التنميط العنصري هو إلباس نمط او صفة أو فكرة مسبقة على كل أفراد طبقة أو مجموعة معينة وتعميم تلك الصفة على جميع افراد الطبقة او المجموعة.
    إذا إتفقت معاي على هذا التعريف،
    ياريت توريني الصفة او الفكرة التي يمكن إستخلاصها من تعليق الدكتورة إحسان فقيري والمعممة على فئة او مجموعة معينة.
    وبإعتبار أن المجموعة هي النوبة، فما هو النمط او الصفة او الفكرة التي عممها تعليق الدكتورة على النوبة كمجموعة إثنية؟


    الاخ حافظ بشير
    التنميط العنصرى هنا بانها خاطبت صديق تاور بمساعده النوبه وهى تنميط بمعنى ابعد من اكرم وشوف الناس البشبهوك ...اكرم ليس من مستواك .. تماما مثل ما قال ترامب لمراسله CBS ذات الملاح الصينيه قبل كم كده لو انت من سكان
    امريكا او كندا او متابع لل بى بى سى الانجليزيه
    انا يا حافظ عايش فى امريكا وكندا لاكثر من ربع قرن وواعى ومدرك لانواع التنميط والعنصريه التى تواجه الاقليات ....كلام احسان يفقدها كل وظائفها فى الحال فى الغرب

    دودى
                  
|Articles |News |مقالات |بيانات

05-16-2020, 01:15 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 4376

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)



    سلام محمد دودي

    Quote: الاخ حافظ بشير
    التنميط العنصرى هنا بانها خاطبت صديق تاور بمساعده النوبه وهى تنميط بمعنى ابعد من اكرم وشوف الناس البشبهوك ...اكرم ليس من مستواك


    غير صحيح أبداً
    دا فهمك إنت لكلام مبتور مُخرج من السباق الذي قيل فيه
    كلام دكتورة إحسان فقيري جاء في سياق رد لإحدى منسوبات حزب الأمة وهذه المنسوبة هي التي أدخلت كلمة النوبة
    وهنا تعليق منسوبة حزب الأمة ثم رد إلدكتورة إحسان فقيري عليها

    كتبت Zee Zanobia
    Quote: Zee Zanobia
    زمان لمن قلنا في حزب الأمة ما عندنا تحفظ على اي زول في السيادي سوى تاور كونه بعثي وما بنفع يمثل قومية النوبة لكل ما هو معلوم، سقطوا راينا بالتصويت،
    حسة عشان هبش أكرم القيامة دايرة تقوم!
    انا ضد اقالة اكرم تماماً - لكن للأسف الحاصل دة تجييش عاطفي، ودايرين يدخلونا تااااني فيلم وليدات المصارين البيض .. فيلم بايخ وكجّناه


    وردت عليها دكتورة إحسان فقيري بالآتي
    Quote: Ihsan Fagiri
    Zee Zanobia بالنسبة أكرم
    ما ود المصارين البيض
    أكرم مخلص وثابت وعندو رؤية لتحسين النظام الصحي
    حقو النوبة هم من يحتج علي تاور يا زنوب




    يلا يا محمد دودي وريني التنميط السخيف هنا وين؟





                  
|Articles |News |مقالات |بيانات

05-16-2020, 01:22 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 4376

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Hafiz Bashir)



    بإختصار يا محمد دودي واحدة قالت إنو حزب الأمة كان عندو تحفظ على تعيين في السيادي لأنه بعثي ولا يمثل قومية النوبة

    إحسان فقيري قالت ليها حقو النوبة هم من يحتج علي تاور
    المقصود حقو النوبة (وليس حزب الأمة) هم من يحتج على تعيين تاور في السيادي لأن تاور لا يمثلهم.


                  
|Articles |News |مقالات |بيانات

05-16-2020, 01:48 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Hafiz Bashir)

    سلام أخونا حافظ بشير
    قطعت جهيزة قول كل خطيب

    الموضوع نقاش أشبه مايكون بونسة بين صاحبات !

    كادر حزب الأمة هو من ربط مابين تاور وقومية النوبة - وذكرت إن حزبها إعترض علي تاور بإعتباره بعثي -وعشان هو بعثي ماب يمثل قومية النوبة ! (بالمناسبة إختيار أعضاء المكون المدني في السيادة - بُني علي تمثيل كل الأقاليم_
    دكتورة إحسان ردت علي صاحبتها قائلة حقو النوبة يحتجو عليه ! إي أن الإحتجاج علي تعيين تاور في السيادة بإعتباره - ممثل لأقليم ثقله النوبة مفترض يأتي من أهل المنطقة مش من حزب الأمة.. والإحتجاج النوبي لاعلاقة بموقف تاور من أكرم وإنما قصد به الإحتجاج علي تعيين تاور بالسيادة من الأساس
    فلماذا خطف أصحاب الغرض في صحيفة صوت الهامش كلام إحسان فقيري وأخرجوه من سياقه بل تعاملوا بإنتقاء خبيث حيث أغفلو "كلام كادرة حزب الأمة وإنتزعو رد إحسان !وأبرزوه
    *وبالمناسبة أنا أصلا ماشايف في الموضوع عنصرية
    قلت لمحمد دودي
    -
    Quote: تقول إنو إحسان كأنما نسبت وجيرت مواقف تاور علي كل القبيلة وطالبتها بإدانة مواقف تاور أو ربما التبرئي منها - ودي ماعنصرية في نظري وإنما تعميم مخل وسحب للموقف الخاص علي الجمع -فالقبيلة هنا ليست كتلة صماء أو قطيع -وإنما أفراد فيهم من يختلف قطعيا مع إنتماء تاور السياسي - ولامواقفه الفكرية والشخصية.وفيهم من قد يتفق معه وهكذا
    ,,,* أنا شخصيا فهمي يختلف في هذه النقطة عن فهمك - بفتكر إنها قصدت إنو مواقفه تتنافي مع مصالح النوبة ومع تهميشهم وهم من هذا المنطلق أولي بالتصدي لتاور !

    أحمد للأخ محمد دودي حساسياته المفرطة ضد العنصرية -ولكن أطالبه بالتحقق والتوثقوإفتراض حسن النية - في الآخر -قبل أصدار أحكام
                  
|Articles |News |مقالات |بيانات

05-16-2020, 01:23 AM

نادر الفضلى
<aنادر الفضلى
تاريخ التسجيل: 09-19-2006
مجموع المشاركات: 6366

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)


    دكتورة إحسان فقيرى الفيديو عبر عنها جيداً. أكيد لم تقصد معنى او إشارات عنصرية فيما يخص الصورة . وأنها فقط قابلت تعمييم الشنا على نساء السودان، بأن ردت عليها بالمثل ولكن ليس تعميماً، عادى جداً بالذات النساء يقول ليك شين بس قريد (قرد). أرجح هذا قصدها. وأكيد بإمكانها أن توضح ما قصدت.

    عن تعليقها عن النوبة وتاور أيضا بدون خلفيات كل الحوار فيكون الحكم لها أو عليها صعباً، ولكن فى كل الأحوال لم تكن حصيفة فوقعت فى المنطقة الرمادية، ومن أسباب ذلك التعليقى الكتابى السريع بالكيبورد لا يعطى راحة فى التعبير عما فى الذهن وما تقصد، فتقع فى الخطأ، لو كان كلام مباشر لقعدت الكلام بما لا يحتمل لبسس ولوضحت ما تقصد فى حينها.

    سيرتها تشفع لها، فلا داعى لنصب المشانق .. ورمضان كريم
                  
|Articles |News |مقالات |بيانات

05-16-2020, 01:42 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 4376

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: نادر الفضلى)



    وعشان أزيدك يا محمد دودي دا تعليق منسوبة حزب الأمة على رد الدكتورة إحسان فقيري
    Quote: Zee Zanobia
    Ihsan Fagiri انا والله ما عندي اي راي في د. اكرم وشخصياً ضد اي كلام عن اقالته، لكن تجييش العواطف والهبة دي واكرم خط احمر وهلمجرا دي ما عاجباني..أما قصة انو المن حقهم يحتجوا على تاور النوبة بس دي انا ما بتفق معاك فيها البتة فالنوبة قومية موجودة في كل الاحزاب ، ونحن في حزب الأمة ايضاً نوبة والموضوع بتاع حساسية تعيين ممثل ليهم فكره قومي عربي حاجة مضرة لمصلحة وطنية وحقو كلنا مش نحن في حزب الامة بس نكون شايفين كدة.
    ودمتي في امن وامان يا ستو 💕


    وإذا عايز تقرأ الحوار بالكامل دا رابط بوست الزميلة تهاني عباس في الفيسبوك الذي ورد فيه تعليق الدكتورة إحسان فقيري عن تاور

    "https://www.facebook.com/permalink.php؟story_fbid=681722395720308andid=100016476603875https://www.facebook.com/permalink.php؟story_fbid=681722395720308andid=100016476603875"


                  
|Articles |News |مقالات |بيانات

05-16-2020, 01:48 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Hafiz Bashir)

    سلام أخونا حافظ بشير
    قطعت جهيزة قول كل خطيب

    الموضوع نقاش أشبه مايكون بونسة بين صاحبات !

    كادر حزب الأمة هو من ربط مابين تاور وقومية النوبة - وذكرت إن حزبها إعترض علي تاور بإعتباره بعثي -وعشان هو بعثي ماب يمثل قومية النوبة ! (بالمناسبة إختيار أعضاء المكون المدني في السيادة - بُني علي تمثيل كل الأقاليم_
    دكتورة إحسان ردت علي صاحبتها قائلة حقو النوبة يحتجو عليه ! إي أن الإحتجاج علي تعيين تاور في السيادة بإعتباره - ممثل لأقليم ثقله النوبة مفترض يأتي من أهل المنطقة مش من حزب الأمة.. والإحتجاج النوبي لاعلاقة بموقف تاور من أكرم وإنما قصد به الإحتجاج علي تعيين تاور بالسيادة من الأساس
    فلماذا خطف أصحاب الغرض في صحيفة صوت الهامش كلام إحسان فقيري وأخرجوه من سياقه بل تعاملوا بإنتقاء خبيث حيث أغفلو "كلام كادرة حزب الأمة وإنتزعو رد إحسان !وأبرزوه
    *وبالمناسبة أنا أصلا ماشايف في الموضوع عنصرية
    قلت لمحمد دودي
    -
    Quote: تقول إنو إحسان كأنما نسبت وجيرت مواقف تاور علي كل القبيلة وطالبتها بإدانة مواقف تاور أو ربما التبرئي منها - ودي ماعنصرية في نظري وإنما تعميم مخل وسحب للموقف الخاص علي الجمع -فالقبيلة هنا ليست كتلة صماء أو قطيع -وإنما أفراد فيهم من يختلف قطعيا مع إنتماء تاور السياسي - ولامواقفه الفكرية والشخصية.وفيهم من قد يتفق معه وهكذا
    ,,,* أنا شخصيا فهمي يختلف في هذه النقطة عن فهمك - بفتكر إنها قصدت إنو مواقفه تتنافي مع مصالح النوبة ومع تهميشهم وهم من هذا المنطلق أولي بالتصدي لتاور !

    أحمد للأخ محمد دودي حساسياته المفرطة ضد العنصرية -ولكن أطالبه بالتحقق والتوثقوإفتراض حسن النية - في الآخر -قبل أصدار أحكام
                  
|Articles |News |مقالات |بيانات

05-16-2020, 02:07 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    بالرجوع لمقتبسات التويتر التي تكرم الأخ حافظ بشير بإنزالها تجدني مضطر للتعليق علي
    كادرة حزب الإمة

    رد كادرة حزب الأمة علي كلام إحسان فقيري:

    Quote: .أما قصة انو المن حقهم يحتجوا على تاور النوبة بس دي انا ما بتفق معاك فيها البتة فالنوبة قومية موجودة في كل الاحزاب ، ونحن في حزب الأمة ايضاً نوبة والموضوع بتاع حساسية تعيين ممثل ليهم فكره قومي عربي حاجة مضرة لمصلحة وطنية وحقو كلنا مش نحن في حزب الامة بس نكون شايفين كدة.
    ودمتي في امن وامان يا ستو
    -


    بس نست كادرة حزب الأمة إنها هي من قالت!
    Quote:
    زمان لمن قلنا في حزب الأمة ما عندنا تحفظ على اي زول في السيادي سوى تاور كونه بعثي وما بنفع يمثل قومية النوبة لكل ما هو معلوم، سقطوا راينا بالتصويت،
    -
    شنو الخلا دي رجل ودي كراع ؟
    إذا كانت قومية النوبة "موجودة في كل الاحزاب " فمالذي يمنع أن يتقلد تاور مقعد السيادة عن
    منطقة النوبة؟
    وإذا أخذنا بمنطقها هذا " تاور كونه بعثي وما بنفع يمثل قومية النوبة لكل ما هو معلوم،"
    طالما إن تاور لاينفع النوبة أو منطقة النوبة فمن باب أولي أن يأتي الإحتجاج منهم بإعتبار أنهم أهل المنطقة وأهل الوجعة فهم أولي بالإحتجاج من حزب الأمة وغيره
                  
|Articles |News |مقالات |بيانات

05-16-2020, 02:53 AM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    Quote: أحمد للأخ محمد دودي حساسياته المفرطة ضد العنصرية -ولكن أطالبه بالتحقق والتوثقوإفتراض حسن النية - في الآخر -قبل أصدار أحكام


    يا كمال الكلام الفوق ده لو قالو ابوى غلط وعنصرى وسخيف
    من حق احسان ان تنتقد صديق تاور ذى ما عاوزه لكن عيب والله عيب تقول ان المن حقهم يحتجوا على تاور هم النوبه....
    كلام كادر حزب الامه تاكيد لقرارنا باننا كنا ضد المحاصصه الحزبيه والكل يعلم بان المجلس السيادى راعى تمثيل كل القوميات واقاليم السودان وكنا ومازلنا نؤيد التمييز الايجابىوهو يختلف
    تماما من عنصريه احسان وتنميطها بان بروف صديق تاور عالم الفيزياء النوباوى عضو المجلس السيادى مفروض يركز على مشاكل النوبه فقط ويترك ناس اكرم لحالهم لان مستواهم غير

    بالمناسبه
    اانا تفق مع سياسه اكرم العامه التى تعمل على تاهيل القطاع العام الصحى بعيدا من الخصصه

    دودى
                  
|Articles |News |مقالات |بيانات

05-16-2020, 02:42 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 4376

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)



    سلام أخي كمال عباس

    نثبت مبدأ إنو مافي أحد فوق النقد
    سواء كان ناشط ثوري مناضل تقدمي او غيره
    ولكن يجب الإنتباه لأن هنالك من يستغل هذه النقطة ليدس السم في الدسم.
    هنالك حملة منظمة هدفها تشويه صورة الثوار والناشطين وإستهلاكهم في صراعات جانبية لا تخدم أهداف الثورة.
    طريقة الكيزان في زراعة الفتن والخلافات ودق الأسافين بين مكونات المعارضة في زمن حكومة الإنقاذ معروفة
    ومازالت أساليبهم مستمرة حتى الآن في محاولات شق صفوف الثوار وزرع الإحباط بينهم.
    لذا وجب الحذر في أن ننجر ورائهم ونحقق مبتغاهم.


                  
|Articles |News |مقالات |بيانات

05-16-2020, 03:40 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Hafiz Bashir)

    تحياتي محمد دودي ..
    Quote:
    كلام كادر حزب الامه تاكيد لقرارنا باننا كنا ضد المحاصصه الحزبيه والكل يعلم بان المجلس السيادى راعى تمثيل كل القوميات واقاليم السودان

    المحاصصة الحزبية - حدثت في السيادي وقد نال أحد نواب حزب الأمة في العهد الديموقراطي مقعدا فيه وكذلك كادر إتحادي وآخر بعثي !
    ثانيا تعلم أن " إختيار أعضاء المكون المدني في السيادة - بُني علي تمثيل كل الأقاليم_" ولم يشترط عدم حزبيتهم !
    ثالثا تقول كادرة حزب الأمة بأن حزبها تحفظ علي تاور لكونه "
    ..
    Quote: بعثي وما بنفع يمثل قومية النوبة لكل ما هو معلوم"

    ماب ينفع يمثل قومية النوبة وليس الأقليم والمنطقة فحسب !
    إذا سلمنا بكلامها هذا فسيصبح من المنطقي أن تقول إحسان فقيري إنو النوبة "اللي ماب ينفع يمثلهم تاور - حقو هم اللي مفترض يحتجو علي تعينه بالسيادة مش حزب الأمة !
    إي أن دكتورة إحسان ردت علي صاحبتها قائلة حقو النوبة يحتجو عليه ! إي أن الإحتجاج علي تعيين تاور في السيادة بإعتباره - ممثل لأقليم ثقله النوبة مفترض يأتي الإحتجاج من أهل المنطقة مش من حزب الأمة..

    يقول دودي عما أسماه ..
    Quote:
    عنصريه احسان وتنميطها بان بروف صديق تاور عالم الفيزياء النوباوى عضو المجلس السيادى مفروض يركز على مشاكل النوبه فقط ويترك ناس اكرم لحالهم لان مستواهم غير
    ..


    غلط ودا تلبيس واضح
    كلام دكتورة إحسان فقيري عن ا لإحتجاج النوبي لاعلاقة بموقف تاور من أكرم وإنما قصد به الإحتجاج علي تعيين تاور بالسيادة من الأساس
    وإنما المقصود به أنالإحتجاج علي تعيين تاور في السيادة بإعتباره - ممثل لأقليم ثقله النوبة مفترض يأتي من أهل المنطقة فطالما إن تاور لاينفع النوبة أو منطقة النوبة فمن باب أولي أن يأتي الإحتجاج منهم بإعتبار أنهم أهل المنطقة وأهل الوجعة فهم أولي بالإحتجاج من حزب الأمة وغيره
    ورد كادرة حزب الأمة يؤكد أن مقصود إحسان بإحتجاج النوبة كان - الإحتجاج علي تعيين تاور بالسيادة لا موضوع أكرم:-

    .....
    Quote: ..أما قصة انو المن حقهم يحتجوا على تاور النوبة بس دي انا ما بتفق معاك فيها البتة فالنوبة قومية موجودة في كل الاحزاب ، ونحن في حزب الأمة ايضاً نوبة والموضوع بتاع..بتاع حساسية تعيين ممثل ليهم فكره قومي عربي حاجة مضرة ......
    .....

    .............
                  
|Articles |News |مقالات |بيانات

05-16-2020, 03:57 AM

Biraima M Adam
<aBiraima M Adam
تاريخ التسجيل: 07-05-2005
مجموع المشاركات: 15613

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)


    عنصرية ونص وخمسة .. يجب طردها من أي شيئ يخص مؤسسات الدولة .. وإلا يكون الحزب الشيوعي مهادن للعنصرية.

    بريمة
                  
|Articles |News |مقالات |بيانات

05-16-2020, 04:26 AM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Biraima M Adam)

    Quote: المحاصصة الحزبية - حدثت في السيادي وقد نال أحد نواب حزب الأمة في العهد الديموقراطي مقعدا فيه وكذلك كادر إتحادي وآخر بعثي !
    ثانيا تعلم أن " إختيار أعضاء المكون المدني في السيادة - بُني علي تمثيل كل الأقاليم_" ولم يشترط عدم حزبيتهم !
    ثالثا تقول كادرة حزب الأمة بأن حزبها تحفظ علي تاور لكونه


    حزب الامه لم يزكى ولا اى زول ....السيد شيخ ادريس تم تزكيه من احد مكونات قحت الخمسه بعد ان تم اختياره ممثلا للشرق
    نحن اساسا ضد ان تزكى الاحزاب ارادها للمجلس السيادى والوزراى لكن ده ما موضوع الحوار

    الموضوع ان الاخت احسان ارادت ان تنتصر لعضو الجبهه الديمقراطيه (ما عارف تم تصعيده للحزب ام مازال جبهه ديمقراطيه ام جمد نشاطه) الاخ اكرم ولكنها دافعت عنه بشئ عنصرى
    قمئ ومعيب ....ياريتها عايرت البروف صديق تاور ببعثيته وحزبيته او باى شئ اخر ولكن ان تقول له امشى ساعد النوبه ده كلام عيب والعيب الاكبر ان تجد من يدافع عنها وفى هذا الفضاء الرحب

    حتى الان لم اقرا لك ادانه لتصريح احسان العنصرى والانكى والامر يا كمال عاوز تمارس على دور الابيض تجاه الاقليات كلما تمت مواجهته بعنصريه فيكون الرد بانكم معشر الاقليات حساسين شديد

    المفروض تتم ادانه اى شكل من اشكال العنصريه مهما كانت من دون اى مواربه اقلها اعتذار احسان الغير مشروط

    دودى

    دودى
                  
|Articles |News |مقالات |بيانات

05-16-2020, 05:05 AM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 4577

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    Quote: حديث البيئة ليلة القدوم الميمون
    واليوم هو خارج السلطة وخارج قحت
    فالذين لهم قرابة العام في السلطة ومؤيدوهم
    ماذا فعلوا وقالوا في إصحاح البيئة ...قد صرنا اضحوكة بسبب عدم اهتمامنا باصحاح البيئة
    قاتل الله إسفاف وخبل مدعي النضال والمتاجرين بدماء الشهداء بحق وحقيقة
    سأسحب الفيديو بعد يوم أو يومين إن شاء الله


                  
|Articles |News |مقالات |بيانات

05-16-2020, 05:20 AM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 4577

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: منتصر عبد الباسط)

    ما شاء الله منزل الصادق المهدي والأشجار الغالبة عليه
    والمجلس الذي أجلس عليه رئيس الوزراء حمدوك يوحي
    بأنه فعلياً مهتم بالبيئة
    يا جلالدونا ول رايك شنو ؟
    وفي ذلك منه دعوة عملية للإستفادة من مناخ السودان الجاف الجميل الذي
    غير متوفر في كثير من بلاد الدنيا.

                  
|Articles |News |مقالات |بيانات

05-16-2020, 05:35 AM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 4577

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: منتصر عبد الباسط)

    نحن أعداء البيئة عباد الحجر وكأن ديننا دين حجر أستغفر الله
    وفي شواطي النيل إما أن تجد اشجار العشر البائس أو كمائن الطوب
    لنروي بماء النيل تراب طمي النيل مخلوط بالروث الذي لم نستغله هو المياه
    وطمي النيل للزراعة في شواطي النيل بل فقط ليحرق ليصير طوب
    إمعانا في معاداة البيئة الصحية حيث تتصاعد الأدخنة في ضفاف النيل
    يا للعار!
    وبعد أن كنا رعاة أبقار وأغنام صليحة للبيئة هي وحرثنا وزرعنا
    صرنا رعاة ركشات تصدر هي وكمائن الطوب الأدخنة لتلوث أرضنا لتزداد جدباً
    على ما هي عليه وتلوثاً
    ليبني الذي هرب ليعمل في المهجر بيتاً وهو لا يدري متى يعود لوطنه!
    الذي يعبث به العابثون

                  
|Articles |News |مقالات |بيانات

05-16-2020, 05:24 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    كتب دودي
    ...
    Quote: لكنها دافعت عنه بشئ عنصرىقمئ ومعيب ....ياريتها عايرت البروف صديق تاور ببعثيته وحزبيته او باى شئ اخر ولكن ان تقول له امشى ساعد النوبه ده كلام عيب

    العيب والمصيبة إنك تصر علي حلب التيس وطيران الغنماية !ماتمارسه هنا تدليس وتلبيس وإستهداف رخيص لدكتورة إحسان فقيري ! إ
    نت قلت ردا علي الأخ حافظ..
    Quote: أما قولها "حقو النوبة هم من يحتجو على تاور" فلا أرى فيه أي عنصريةفهو تعليق يتحدث عن مدى تمثيل صديق تاورالبعثي للنوبة في مجلس السيادة.))الاخ حافظ بشير اذا لم يكون هذا الاقتباس عنصرى فاعتقد بان العنصريه انتهت من عالمنا هذا!!!!!!!!!!!!!!!!!!اللاسف الكلام الفوق ده تنميط سخيف وقبيح ولابد من ادانه قائلته خصوصا من قياديه فى حزب كبير كالحزب الشيوعى السودانى وقياديه فى منظمات المجتمع المدنىإدخل النوبه هنا شنو لولا عنصريه نتنه من احسان فقيرى

    وكمان في ردك علي..
    Quote: من حق احسان ان تنتقد البروف تاور ولكنإ ما دخل النوبه هنا؟؟؟؟؟؟؟؟؟ ثانيا ماهى إعلاقه النوبه بالموضع لولا تنمر وتنميط ....هل طرح البروف صديق نفسه ممثلا عن النوبه وحتى اذا طرح نفسه كممثل للنوبه اليس من حقه الخوض فى امر وزير الصحه القومى وانتقاد سياسته ام هو اقل

    و
    برضو الجاب سيرة النوبة منو؟ جابتها كادرة في حزب الأمة - قالت إنهم تحفظو علي تاور لكونه..
    Quote: بعثي وما بنفع يمثل قومية النوبة لكل ما هو معلوم،
    وما بنفع يمثل قومية النوبة !! لأنو بعثي ..
    Quote: ونحن في حزب الأمة ايضاً نوبة والموضوع بتاع..بتاع حساسية تعيين ممثل ليهم فكره قومي عربي حاجة مضرة ......
    .....إ دا كلام زولتكم ودا كلام حزبكم ! موضوع إقحام قومية النوبة في تعيين تاور في السيادة جاء من جهتكم ! واللي جابو في نقاش التويتر مع إحسان فقيري هو عضو حزبي بحزب الأمة فأين المفر !سيك سيك معلق فيك ولو لسة بتعتبر إنو إقحام قومية النوبة في شأن يتعلق بتاور - دا عنصريةوتنميط فالأولي أن تدمغ حزبك وكادره الذي حاور إحسان -بالعنصرية ! واللا الرمي بالعنصرية أصبح خيار وفقوس وإنتقاء !!............* إحسان لم تقول بهذا الإفتراء وهذا التزييف الفاضح الذي نطقت أنت به:
    .
    Quote: عنصريه احسان وتنميطها بان بروف صديق تاور عالم الفيزياء النوباوى عضو المجلس السيادى مفروض يركز على مشاكل النوبه فقط ويترك ناس اكرم لحالهم لان مستواهم غير

    إحسان ردت فقط علي كادر حزب الأمة - التي ذكرت إنو تاور بعثي وما بنفع يمثل قومية النوبة لكل ما هو معلوم" * إذا سلمنا بكلامها هذا فسيصبح من المنطقي أن تقول إحسان فقيري إنو النوبة "اللي ماب ينفع يمثلهم تاور - حقو هم اللي مفترض يحتجو علي تعينه بالسيادة مش حزب الأمة !إي أن دكتورة إحسان ردت علي صاحبتها قائلة حقو النوبة يحتجو عليه ! إي أن الإحتجاج علي تعيين تاور في السيادة بإعتباره - ممثل لأقليم ثقله النوبة مفترض يأتي الإحتجاج من أهل المنطقة مش من حزب الأمة..


    إذا كلام دكتورة إحسان فقيري عن ا لإحتجاج النوبي لاعلاقة بموقف تاور من أكرم وإنما قصد به الإحتجاج علي تعيين تاور بالسيادة من الأساس بإعتباره - ممثل لأقليم ثقله النوبة مفترض يأتي من أهل المنطقة فطالما إن تاور لاينفع النوبة أو منطقة النوبة فمن باب أولي أن يأتي الإحتجاج منهم بإعتبار أنهم أهل المنطقة دا الكلام بلاتلبيس أوتدليس أو تغبيش فكف عن لي عنق الحقيقة !

    (عدل بواسطة كمال عباس on 05-16-2020, 05:29 AM)

                  
|Articles |News |مقالات |بيانات

05-16-2020, 07:00 AM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 1039

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    يا شاويش، أنت أمس قلت تاور لا يمثل النوبة، لأنه عروبي وما مفروض يختاروه لهذا المنصب،
    يعني تثبت أن المنصب لتمثيل النوبة،
    الليلة تقول لحافظ وما دخل النوبة هنا؟
                  
|Articles |News |مقالات |بيانات

05-16-2020, 07:27 AM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: أبوبكر عباس)

    أبو لمبة

    طبعا أنت كعروبوي جادي هنا تدافع على الباطل.

    أولا أنا لم أصف صديق تاور بأنه عروبوي فقط، ولكني تحدثت عن أن الرجل عضوا في حزب البعث العربي، ولقد تم أختياره في مجلس السيادة لأنه بعثي في المقام الاول. ومثل هذا الاختيار لا يمثل جبال النوبة. كما زكرت في البوست الذي أحتجيت فيه على تعيينه. والان زي ما شايف أن الدكتورة إحسان فقيري عندما وجهت حديثها الى صديق تاور فهي لم تخاطبه كبعثي بل خاطبته ك نوباوي. وهي قد تكون فعلت ذلك من غير قصد جهوي ولكن الدغمسة التي حذرت منها قد حدثت يا أبو لمبة.
                  
|Articles |News |مقالات |بيانات

05-16-2020, 07:40 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)


    سلام دينق
    عليك أتمعن في التغريدات التي انزلها الأخ حافظ بشير في مداخلاته الاخيرةً -اقصد تغريدات احسان فقيري وكادر نسائي من حزب الامة - عشان تشوف السياق الذي ورد. فيه - مسمي نوبة وقومية النوبة - ! الكلام دا جاء علي لسان كادر حزب الامة يادينق

    زولةً حزب الامة هي اللي قالت انو حزبها اعترض علي تاور باعتباره بعثي وقومي عربي وجوده في السبادة لايمثل و. لاينفع قومية النوبة !
    قامت احسان قالت ليهو. اذا حقو اللي يعتزضو عليهو النوبة -" مش حزب الامةً!
                  
|Articles |News |مقالات |بيانات

05-16-2020, 08:24 AM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    مرحبا يا كمال عباس.

    المشكلة انو كلام الدكتورة إحسان فقيري قد أتى ضمن النقاش الذي وصفت فيه صاحب الصورة بالقرد، فمثل هذا السياق من السهولة جدا فهمه بأنه تنميط جهوي.
    وهذا هي الدغمسة التي حدثت بعد تعيين صديق تاور في مجلس السيادة. فالرجل تم تعينه بواسطة حزب البعث ولكن في الظاهر يعتقد عدد كبير من الناس بأنه يمثل جبال النوبة.

    Quote: - * موضوع " يمكن الخواجية دايرة تعرف عن الحلقه المفقودة بين الإنسان والقرد."
    إن صح -فإنه يشمل إحسان ودينق وكمال وصاحب الصورة فكلنا قرود في نظر النازي والعنصري
    الغربي !
    فهل يعقل أن تتبني وتتلفظ د.إحسان -بما يحط من قدرها كإنسانة أفريقية وسوداء ؟ وما
    يحقر أهلها؟
    - إذا إفترضنا إنها تقصد إن السوداني في نظرة هذه الأوربية قرد ..فهذا برضو خطأ فليس كل
    الأوربين والغربيين عنصريين - كما إنها لاتعرف حقيقة صاحبة الصورة!
    -إن كانت دعابة وهزار-فهي دعابة سمجة وغير موفقة .


    عزيزي كمال عباس.

    هنالك بعض السودانيين لا يرون ذلك و يمارسون العنصرية و يصفون سودانيين أخرين بأنهم قرود، ومثل هذا السلوك العنصري البغيض حدث في هذا المنبر، والرجل المحسوب على المثقفين منصر المفتاح فعلها من قبل في هذا المنبر.





                  
|Articles |News |مقالات |بيانات

05-16-2020, 09:00 AM

adil amin
<aadil amin
تاريخ التسجيل: 08-01-2002
مجموع المشاركات: 24787

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    Quote: سلام دينق
    عليك أتمعن في التغريدات التي انزلها الأخ حافظ بشير في مداخلاته الاخيرةً -اقصد تغريدات احسان فقيري وكادر نسائي من حزب الامة - عشان تشوف السياق الذي ورد. فيه - مسمي نوبة وقومية النوبة - ! الكلام دا جاء علي لسان كادر حزب الامة يادينق

    زولةً حزب الامة هي اللي قالت انو حزبها اعترض علي تاور باعتباره بعثي وقومي عربي وجوده في السبادة لايمثل و. لاينفع قومية النوبة !
    قامت احسان قالت ليهو. اذا حقو اللي يعتزضو عليهو النوبة -" مش حزب الامةً!


    يا كمال يا منقط السياسة
    حزب الامة في قحت
    البعث في قحت
    الشيوعي في قحت
    الناصري في قحت
    الجبهة الثورية في ق حت
    وكلهم عالة علي السودان وجبال النوبة من الاساس لو كنا متصالحين مع نفسنا وعرفنا ما حاق بالناس في جنوب كردفان خلال السنوات العجاف بعد نميري جدع اتفاقية اديس ابابا ودستور 1974 وجاب ولاية السفيه وخلافة الجنرالات
    هذه الكيانات لها تاريخ مشين ومجلل بالعار في جبال النوبة وموثق

    Quote: النوبة في السياسة السودانية
    https://top4top.io/

    لقد عاملت المعارضة السودانية النوبة معاملة أفضل بقليل مقارنة بحكومة الرئيس عمر البشير الحالية .
    و عندما كان حزب الأمة في الحكومة ، كان هو القوة الرئيسية خلف سياسة المليشايات والحملة ضد النوبة . ويتحمل الصادق المهدي ، رئيس الوزراء آنذاك ، الجزء الأكبر من مسئولية ما يجري حالياً من مأساة حقوق الإنسان في جبال النوبة ، وكذلك مبارك الفاضل ، وزير الداخلية، و عبدالرسول النور حاكم كردفان ، و بعض الشخصيات القيادية في حزب الأمة كفضل الله برمة ناصر. كما أنضم بعض سياسي حزب الأمة ، كرئيس اللجنة البرلمانية السابق حريكة عز الدين ، إلى الحكومة العسكرية الحالية ، و هو يواصل المشاركة في الحملات العسكرية.
    أما الآن وهم في المعارضة ، فإنهم يتشدقون بكلمات "الديمقراطية" و "حقوق الإنسان".
    ولكن ليس هناك من مؤشر بأن حزب الأمة قد غير موقفه تجاه النوبة . فالحزب ما يزال يرى أن البقارة هم إحدى دوائره السياسية الرئيسية ، وعتقد أن مساندته للنظرية التوسعية للبقارة هو أفضل طريق لكسب قياداتهم الذين هم مع الحكومة الآن . و لم يعبر حزب الأمة حتى عن ندمه ، ناهيك عن تقديم الإعتذار عن جرائمه في جبال النوبة . و لا يزال النوبة يتشككون في نوايا حزب الأمة ، كما يعارض الحزب بشدة السماح للنوبة بتقرير مصيرهم .
    لقد طال إنتظار بيان واضح من حزب الأمة يقر فيه بجرائمه الماضية في جبال النوبة و يعلن إقراره بمبدأ إحترام كل حقوق شعب النوبة . وحتى يتم تأكيد مثل هذا الإلتزام ، فإن شكوك النوبة الخاصة بأن حزب الأمة لديه نفس سياسة الحكومة الحالية سيكون لها ما يبررها.
    إن الحزب الإتحادي الديمقراطي ليس له مثل هذا السجل السيء في جبال النوبة ، و لكنه ما زال حزباً يمثل مصلحة محلية ضيقة ، بدلاً من أن يكون حزبا قوميا حقيقاً . و كان بإمكان الحزب ، و برؤية أوسع للسودان ، أن يستغل بكل سهولة عدم التوافق بين النوبة و حزب الأمة لمصلحته ، و أن يسعى إلى عمل تحالف إستراتيجي مع الحزب القومي السوداني أو مجموعات النوبة الأخرى في عقد الثمانينات . و لكنه فشل في ذلك. و مثله مثل حزب الأمة تماماً ، فإن الإتجاد الديمقراطي منقسم على نفسه فيما يختص ببعض القضايا ، كالقوانين الإسلامية ، و حق تقرير المصير بالنسبة للجنوب ، مما أثار شكوك النوبة بأن الحزب يشارك الحكومة الحالية رغبتها في إقامة دولة إسلامية . لقد طور الحزب الإتحادي الديمقراطي مؤخراً بعض الرؤى تجاه الشعوب المهمشة في شمال السودان ، و لكن هذه الرؤى لم تترجم إلى إلتزامات بعد . و ما زال النوبة في إنتظار إلتزام واضح من جانب الحزب الإتحادي الديمقراطي فيما يختص بحقوقهم الأساسية.
    يهيمن حزبا الأمة و الإتحادي الديمقراطي على التجمع الوطني الديمقراطي المعارض ، و الذي يطرح نفسه كبديل لحكومة عمر البشير – الترابي. مع ذلك ، فإن للنوبة مبرراً قوياً لشكوكهم بأن حكومة التجمعسوف لن تمثل تغييراً جوهرياً في السياسة الشمالية تجاه النوبة . و أن للجيش الشعبي لتحرير السودان ديناً كبيراً مستحقاً للنوبة ، ليس الآن جبال النوبة كانت ما زالت الجبهة الرئيسية في الحزب ، و لكن لمشاركة أكثر من ثلاثة آلاف من قوات النوبة في المعارك التي جرت في جنوب السودان ، و الذين ظلوا مخلصين بصورة دائمة للعقيد جون قرنق . كما أستفاد الجيش الشعبي أيضاً من القائد يوسف كوة ، كعضول لوفود محادثات السلام و الرحلات الخارجية. و أعتمدت الحركة الشعبية بدرجة كبيرة على مهارات يوسف كوة كرئيس لمؤتمر الحركة عام 1994م. و لكن إلتزامات الحركة تجاه النوبة ظلت موضع سؤال . و لى الرغم من أن الجيش الشعبي يطالب رسمياً بمنح جبال النوبة حق تقريرالمصير ، لكن الكثيرين يتشككون بأن هذا الإلتزام يمكن التخلي عنه من أجل الحصول على إتفاق أوسع.
    و لقد تفجرت مخاوف النوبة العميقة بتوقيع "اتفاقية شقدوم" بين الجيش الشعبي وحزب الأمة ، في 12 ديسمبر 1994م. فبينما تقر الفقرة الثانية من الإتفاق بأن "حق تقرير المصير هو حق إنساني أساسي للشعوب " نجد أن الفقرة الرابعة تحتوي على خلاف ذلك ، و أنها مناقضة لموقف الجيش الشعبي: "2/4 يرفض حزب الأمة ذكر تضمين جبال النوبة ، و منطقة أبيي ، و جبال الأنقسنا في الفقرة الخاصة بحق تقريرالمصير ، لأنه لا يعترف بحق تقرير المصير لأي مجموعة تقع خارج جنوب السودان . كان الموقعون عن حزب الأمة هما عمر نور الدائم ، و مبارك الفاضل.
    يجب على الجيش الشعبي لتحرير السودان أن يعلي من شأن إلتزاماته تجاه النوبة لتصبح جزء مكملا ًلوضعه التفاوضي مع الأحزاب الشمالية و مع الحكومة ، إذا كان ذلك من خلال الإيقاد أي أي وسطاء آخرين (كالرئيس كارتر) . و يجب على الحركة الشعبية أن لا توقع أي إتفاقية لا تعطي النوبة حقوقاً متساوية مع الجنوبيين.
    إن موقف الأحزاب السياسية و الحركة الشعبية تجاه النوبة لمؤشر على وجود مسلك تفضلي واسع الإنتشار وسط القيادة المعارضة. فهم يعتقدون أن إيجاد الحلول يكمن في عمل الصفقات بين القادة ، و ليس في التعبئة الشعبية . و لقد جلبت هذه النظرة المأساة للسودان ، وسوف تظل كذلك.

    والنظيفين في جبال النوبة هم الحزب الاتحادي الديمقراطي الاصل والحركة الشعبية الاصل والاخوان الجمهوريين والمؤتمر السوداني عشان ما يجي واحد يخلط الاوراق كتاب 300صفحة من هيومن رايتس ووتش
    ولانكم في البورد دين حجر وفي السودان دين حجر ما قادرين تطلعو من حقي سميح وحق الناس ليه شتيح
    قتاعة توار بي حزب البعث بتجعل الولوياته التي عاشها مع البعثيين قضية فلسطين بطريقة الطاغية صدام حسين الذى اباد كل مكونات الشعب العراقي بسبب العروبة المستعارة وليس الولويات البعثي او الشيوعي او الناصري الهامش السوداني
    ام حزب دودي التعيس نسخة الصادق المهدي لوثو الكيزان واضحي شريك جنائي لهم حتي اليوم وكلو موثق لو في جرائم معناها في مجرمين ولو في مجرمين مفروض يكون في محاكم الا في السودان
    وهسة الامارات مع الجنجويد وقطر مع الدفاع الشعبي واجنحة الانقاذ المتصارعة في الوطني شغالين قرعة في الولايات عشان نصل الفصل السابع
    الصراع الاساسي القذر الان بين الوطني والشعبي بس ومدعوم من ضباع وقرود السيرك الامريكي الخمسة لتمزيق ما تبقى من السودان
    مصر والسعودية الامارت ديل الجنجويد وقطر وتركيا ديل الدفاع الشعبي والدولة الخفية المستشرية في 18ولاية وسخة
    ق حت غلطت من الاول ما خلت الجنرالات بتاعين اللجنة الامنية وخدم المخابرات المصرية والاقليمية يرجعو السودان براهم الي اخر انتخابات واخر ديمقراطية واخر نظام الحكم الاقليمي للامركزي ودستور 1974 ويسقطو كل هياكل الانقاذ القذرة بي دستور 2005 والمحكمة الدستورية تجدع كل الخزعبلات الجابتا الانقاذ بعد 30 يونيو 1989 مش تجدع الناس بس
    لا البعث ولا الشيوعي ولا حزب الامة التعيس بمثل ناس جبال النوبة في 2020
    حزب البعث اولوياته فلسطين وفلسطين بلعبو بيها ناس حماس وفتح وكل واحد العن من تاني
    الحركة الشعبية بس هي الحريصة علي السودان والسودانيين حتي لو انفصل الجنوب
    لحدي مات جون قرنق كان سوداني صميم وجنسيتو خضراء عديل
    واقرب لي جوبا من عواصم البعث والناصريين في جبال النوبة
                  
|Articles |News |مقالات |بيانات

05-16-2020, 08:35 AM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    كما توقعت بوست نور تاور عبارة عن دفاع مستميت لأخوها صديق تاور ومهاترات فارغة.

    (عدل بواسطة Deng on 05-16-2020, 08:37 AM)

                  
|Articles |News |مقالات |بيانات

05-16-2020, 09:05 AM

Biraima M Adam
<aBiraima M Adam
تاريخ التسجيل: 07-05-2005
مجموع المشاركات: 15613

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)


    العبار دينق،
    أستلم .. بالله أستلم ..
    Quote: وقرود السيرك الامريكي الخمسة
    الما في شنو في سودان العجايب دا .. عادل أمين يصف الناس بقرود السيرك منذ سنوات.

    برضو الكوكلكس عادل أمين في نظر الكثيرين ليس عنصري!!

    بريمة
                  
|Articles |News |مقالات |بيانات

05-16-2020, 11:35 AM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Biraima M Adam)

    علشان الناس ما تجي تحاول أن تصطاد في المياه العكرة.

    رغم اختلافنا حول برنامج الحزب الشيوعي السودان وأيدولوجيته ولكن هنالك حقائق تاريخية وهامة يجب تثبيتها.

    الحزب الشيوعي السوداني رغم ما حدث له من تغيرات ولكن تاريخيا هو الحزب السوداني المعروف أن أعضائه هم أقل الناس عنصرية في السودان.

    الحزب الشيوعي السوداني هو الحزب المعروف تاريخيا بأنه أكثر الاحزاب السودانية تنوعا من حيث العرق والنوع والجهة في السودان.


                  
|Articles |News |مقالات |بيانات

05-16-2020, 11:50 AM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 1039

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    أول مرّة أرى نقاش لدودي ضعيف! العزاء انو المرّة دي لاعب مع حافظ بشير!

    في تطور في نقاش كمال عباس يصل درجة الإشادة ويخلينا نفكر نرفع عنه لقب "المدعو" مستقبلاً
    وفي احتمال أقبل طلب صداقتو في الفيس.
                  
|Articles |News |مقالات |بيانات

05-16-2020, 11:46 AM

طلعت الطيب
<aطلعت الطيب
تاريخ التسجيل: 12-22-2005
مجموع المشاركات: 5466

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Biraima M Adam)

    موقف إحسان فقيري غلط
    من المفترض أن تتقدم باعتذار مكتوب
    حول تعليقها علي الصوره
    وكذلك تصريحاتها الخاصه بتاور.
    الاعتذار بصدق يظهر
    القدره علي احتمال الظهور بالضعف
    امام الناس وهو امر يساعد في المستقبل
    علي سهوله تواصل الناشط مع الجمهور.
    تحياتي دينق
                  
|Articles |News |مقالات |بيانات

05-16-2020, 11:56 AM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 1039

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: طلعت الطيب)

    يا طلعت، كلف نفسك أقرأ مرافعات مولانا حافظ حول موضوع احسان عن تاور
                  
|Articles |News |مقالات |بيانات

05-16-2020, 03:23 PM

طلعت الطيب
<aطلعت الطيب
تاريخ التسجيل: 12-22-2005
مجموع المشاركات: 5466

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: أبوبكر عباس)

    قريت كل المداخلات يا مستنير
    رمضان كريم يا راجل يا طيب
                  
|Articles |News |مقالات |بيانات

05-16-2020, 12:00 PM

adil amin
<aadil amin
تاريخ التسجيل: 08-01-2002
مجموع المشاركات: 24787

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: طلعت الطيب)

    Quote: زولةً حزب الامة هي اللي قالت انو حزبها اعترض علي تاور باعتباره بعثي وقومي عربي وجوده في السبادة لايمثل و. لاينفع قومية النوبة !
    قامت احسان قالت ليهو. اذا حقو اللي يعتزضو عليهو النوبة -" مش حزب الامةً!

    لاالحزب الشيوعي ولا حزب الامة بحددو خيارات الناس في جنوب كردفان شعب جنوب كردفان بحدد ذلك وبي صناديق الاقتراع
    اها يا ناس جمهورية العاصمة المثلثة
    ازمة السودان ازمة الديمقراطية والفدرالية الحقيقية وعوائق والايدولجيات
    من ما فتحنا في الدنيا دي ما شفنا شيوعي واحد فاز في الاقليم الشمالي او جبال النوبة ودينق عايز يشكر الراكوبة في المطر الحزب الشيوعي نشا فى مصر في نفس ماخور الناصريين وعمل انقلاب مع القوميين العرب بدعم المخابرات المصرية
    وحزب الامة نسخة دودي الصادق المهدي تاريخو مشين ومجلل بالعار في كردفان في دارفور
    وكل اماكن انتشار حزب الامة في اي انتخابات حقيقية في السودان مستقبلا اما ورثها الختمية او الحركة الشعبية حتي مالك عقار ختمي من الاساس ممكن يلقي دعم كبير في النيل الازرق وقبل كده فاز في انتخابات 2010 وما قام جاري ذى باسر عرمان ما عارف اللماهو معاهم في الجبهة الثورية المشبوهة دي شنو ..وبقى يتسكع في ملعونة والديها الامارات ..
                  
|Articles |News |مقالات |بيانات

05-16-2020, 12:10 PM

adil amin
<aadil amin
تاريخ التسجيل: 08-01-2002
مجموع المشاركات: 24787

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: adil amin)

    Quote: العبار دينق،
    أستلم .. بالله أستلم ..
    Quote: وقرود السيرك الامريكي الخمسة
    الما في شنو في سودان العجايب دا .. عادل أمين يصف الناس بقرود السيرك منذ سنوات.

    برضو الكوكلكس عادل أمين في نظر الكثيرين ليس عنصري!!

    بريمة


    كانو يا بريمة خمسة (قرود بافلوف الاقليمية )
    مصر السعودية الامارات قطر تركيا
    وفي الداخل
    الشيوعي والبعثي والناصري والكوز والسلفي
    وهسة ضفنا الاتحاد الاوربي وامريكا لقرود بره شخاليت الخلا وكلهم واحد
    الان بقو سبعة
    قرود المركز في السودان الخمسة ديل
    ضفت ليه سعن الروب بريمة وصفيحة المريسة دينق وبقو سبعة
    كسيكم فاضي غير الصيد في الماء العكر ما عندكم حاجة
    ولازلنا في متاهة شعب اسود
    الفرق شنو بين حزب الامة ماركة دودي الصادق المهدي وبعاعيت مايو ديل الشيوعي والبعثي والناصري ؟؟مش كلكم ق حت والنخبة السودانية وادمان الفشل ولي لا
    https://top4top.io/
    ده شعار الماسونية يا بريمة
    والقران وصف ايضا الشخص الممسوخ سلوكا ووعيا بالقردة الخاسيئن
    وانت توظيفي ليها سياسي من الاساس
                  
|Articles |News |مقالات |بيانات

05-16-2020, 12:10 PM

Biraima M Adam
<aBiraima M Adam
تاريخ التسجيل: 07-05-2005
مجموع المشاركات: 15613

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: adil amin)

    هاك يا العبار ..



    بريمة
                  
|Articles |News |مقالات |بيانات

05-16-2020, 12:22 PM

adil amin
<aadil amin
تاريخ التسجيل: 08-01-2002
مجموع المشاركات: 24787

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Biraima M Adam)

    امرق برا يا كمال نمعطك دينق ده ما عنده موضوع

    Quote: إن الحزب الإتحادي الديمقراطي ليس له مثل هذا السجل السيء في جبال النوبة، و لكنه ما زال حزباً يمثل مصلحة محلية ضيقة ، بدلاً من أن يكون حزبا قوميا حقيقاً . و كان بإمكان الحزب ، و برؤية أوسع للسودان ، أن يستغل بكل سهولة عدم التوافق بين النوبة و حزب الأمة لمصلحته ، و أن يسعى إلى عمل تحالف إستراتيجي مع الحزب القومي السوداني أو مجموعات النوبة الأخرى في عقد الثمانينات . و لكنه فشل في ذلك. و مثله مثل حزب الأمة تماماً ، فإن الإتجاد الديمقراطي منقسم على نفسه فيما يختص ببعض القضايا ، كالقوانين الإسلامية ، و حق تقرير المصير بالنسبة للجنوب ، مما أثار شكوك النوبة بأن الحزب يشارك الحكومة الحالية رغبتها في إقامة دولة إسلامية لقد طور الحزب الإتحادي الديمقراطي مؤخراً بعض الرؤى تجاه الشعوب المهمشة في شمال السودان ، و لكن هذه الرؤى لم تترجم إلى إلتزامات بعد. .


    وهسة ده الاتحادي الديمقراطي الاصل 2020 واخر ما وصل ليه
    وثيقة سياسية مع اقوى فصيل عايش ومتعايش في الارض مسلح في جبال النوبة لا جنوجيد والامارات ولا دفاع شعبي بتاع قطر ....المعفنين والمفضوحين ولا مستكعين الجبهة الثورية ايضا
    والمرجعية الواقعية هي الحكم الاقليمي للامركزي ودستور 1974 الذى يتجازو الانقاذ المجرمة بكلياتها وقعد يتمسخر عليه الشيوعيين والجهلة والمتغطرسين من امثال فتحي الضو عايز احسان تكون احسن منه كيف
    ما براكم مدنياوو يا وهم
    https://top4top.io/

    نحن الختمية كان رجعت الاقاليم وانتخابات حاكم الاقليم بندعم ترشيح ممثل الحركة الشعبية الاصل في الجبال في منصب حاكم اقليم وده الانسب للسياسي النظيف والموهوب من القعاد في القصر الجمهوري مع جنرالات زمن الكورونا والعالم الراسمالي التعيس ومصر ودول الخليج ...وتركيا وقطر والاتحاد الاوروبي وامريكا والبنك الدولي ومن لف لفهم
    والتحالف بيبن الاتحادي الاصل والحركة الاصل هي النقطة المضيئة والوحيدة في سماء السودان الحالك الان
    مدنياووووووووووووووووو
    عاش ابو هاشم

                  
|Articles |News |مقالات |بيانات

05-16-2020, 02:21 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 4376

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: adil amin)



    Quote: أول مرّة أرى نقاش لدودي ضعيف! العزاء انو المرّة دي لاعب مع حافظ بشير!


    هه هه
    يا مستنير يبدو إنو محمد دودي مخاصمني ولا يقرأ مداخلاتي ولا يرد عليها
    وبدو أنه آثر سلامة العنز الطائرة بأن يغمض عينيه ويتحاهل مداخلاتي الموجهة إليه.
    وربما يكون السيد الإمام جاءته الحكمة أخيراً وقال ليهم "ما تدخلو يدكم في الفته الحارة".😜


                  
|Articles |News |مقالات |بيانات

05-16-2020, 02:30 PM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 1039

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Hafiz Bashir)

    الانتخابات لو جات يا حافظ، ح أصوت لحزب الأمة
                  
|Articles |News |مقالات |بيانات

05-16-2020, 02:28 PM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 3463

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: adil amin)

    Quote: في تطور في نقاش كمال عباس يصل درجة الإشادة ويخلينا نفكر نرفع عنه لقب "المدعو" مستقبلاً
    وفي احتمال أقبل طلب صداقتو في الفيس.



    الموضوع واضح جدا ، ما عارف ليه دودي ودينق وغيرهم ما عايزين يفهموهو
    حتى الناس البتقول ان صديق ما قال انا بمثل النوبا ، لا بيمثلهم ونص
    مجلس السيادة تم فيه مراعاة تمثيل جغرافي - ثقافي ، الناس ديل ما اختاروهم ساي كده
    صديق تاور تم اختياره لعامل الكقاءة وفهم مشكلة السودان ولانو من جبال النوبا ، احد اكثر
    المناطق التي عانت من التهميش والاسلمة والتعريب ، فلمن يكون بعثي عربي بالتأكيد الموضوع مثير للجدل !
    ياخي قصة زول يكون بعثي دي ساي كده ما تتبلع ، اي حركة او حزب احيائي دايما بيكون عنصري
    ومتطرف .. خليك من بعث عربي في السودان ، دي كمان حكاية تانية
                  
|Articles |News |مقالات |بيانات

05-16-2020, 02:52 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Abdullah Idrees)

    كتب مدعي الاستنارة أبو لمبة:

    "الانتخابات لو جات يا حافظ، ح أصوت لحزب الأمة"

    يا لها من إستنارة زائفة.

    بئس الاستنارة
                  
|Articles |News |مقالات |بيانات

05-16-2020, 02:59 PM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 1039

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    تقصد انو دودي ما مستنير يا شاويش؟
                  
|Articles |News |مقالات |بيانات

05-16-2020, 03:02 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: أبوبكر عباس)

    دودي هنا دخلوا شنوا؟

    ولا ده نظام المديدة الحارة وكده؟

    وهل أزعجنا دودي في هذا المنبر و أدعى الاستنارة في كل بوست؟؟
                  
|Articles |News |مقالات |بيانات

05-16-2020, 05:36 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    سلام حافظ بشير
    يا أخي ماتكمل جميلك وتشوف حكاية القرد دي وردت في إي سياق ؟
    '
    أنا ما قادر إستوعب الحكاية دي خالص خالص ..
    يعني شاب سوداني قام إتضور مع أوربية "خطيبتو, ,زوجتو.زميلة,صديقة )
    والأوربية ممكن جدا تكون ماعنصرية ولانازية والشاب ماعندو حساسية ضد الأروبي مجرد لون
    بشرتو وخلفية الأروبي الإستعماري أو المتعالي -إتعامل الزولة كإنسانة فحسب..
    *أها تجي دكتوراة إحسان بلامعرفة أو تداخل أوخلفية مع الناس في الصورة تفوم تعلق تعليقا
    دا ! حتي لو تهكم مامبلوعة ولو قاصدا إنو دي نظرة هذه الأوربية أو الأوربيين للرجل أو لنا
    -برضو دي مامهضومة ! لأنو الجملة لو إترمت كدة بلا مناسبة وبلاخلفية - تبقي شترا
    مهما كان حُسن نية قائلها وبعده عن التحقير..
                  
|Articles |News |مقالات |بيانات

05-16-2020, 06:37 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    كمال عباس.

    الزول صاحب المشكلة مع الدكتورة إحسان فقيري كان خاتي الصورة بتاعت الزوج والزوجة، وأصحاب الصورة لا علاقة لهم بالمشكلة أصلا.

    ولكن للأسف الشديد كلام إحسان كان موجه لأصحاب الصورة.

    وصاحب الصورة هو صاحب تسجيل الفيديو الذي أدان فيه إحسان فقيري.

    وأنا طالبت إحسان فقيري أن يكون إعتذارها موجه الى الناس الذين أسائت اليهم وليس لمنظمة لا لقهر النساء كما فعلت.
                  
|Articles |News |مقالات |بيانات

05-16-2020, 06:49 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 12092

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    سلام يادينق
    Quote: كمال عباس.الزول صاحب المشكلة مع الدكتورة إحسان فقيري كان خاتي الصورة بتاعت الزوج والزوجة، وأصحاب الصورة لا علاقة لهم بالمشكلة أصلا.ولكن للأسف الشديد كلام إحسان كان موجه لأصحاب الصورة.وصاحب الصورة هو صاحب تسجيل الفيديو الذي أدان فيه إحسان فقيري.وأنا طالبت إحسان فقيري أن يكون إعتذارها موجه الى الناس الذين أسائت اليهم وليس لمنظمة لا لقهر النساء كما فعلت
    .
    كدي وضحت !
    الزول كان بهاجم في المراةالسودانية ويطعن في إنثوتها وجمالها -وأظنو كلامو كان مشاغلة وإغاظة"وقلقلة" لأنو المراة السودانية هي أمو وأختو ! وكلام إحسان اللي وجهتو ليهو كان بإعتباروصاحب الصورة -كان برضو إغاظة -الخواجية الفرحانة بيها بتعتبرك قرد ..!
    * طيب أتضح إنو الناس اللي في الصورة ماعندهم شغلة بالشمطة الحاصلة هنا كان علي الدكتورة إحسان أن تعتذر إعتذارا صادقا لأصحاب الصورة ..

    (عدل بواسطة كمال عباس on 05-16-2020, 06:51 PM)
    (عدل بواسطة كمال عباس on 05-16-2020, 07:11 PM)

                  
|Articles |News |مقالات |بيانات

05-16-2020, 07:08 PM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: كمال عباس)

    بالضبط كده يا كمال.
                  
|Articles |News |مقالات |بيانات

05-16-2020, 08:03 PM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3447

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    Quote: الموضوع واضح جدا ، ما عارف ليه دودي ودينق وغيرهم ما عايزين يفهموهو
    حتى الناس البتقول ان صديق ما قال انا بمثل النوبا ، لا بيمثلهم ونص
    مجلس السيادة تم فيه مراعاة تمثيل جغرافي - ثقافي ، الناس ديل ما اختاروهم ساي كده
    صديق تاور تم اختياره لعامل الكقاءة وفهم مشكلة السودان ولانو من جبال النوبا ، احد اكثر
    المناطق التي عانت من التهميش والاسلمة والتعريب ، فلمن يكون بعثي عربي بالتأكيد الموضوع مثير للجدل !
    ياخي قصة زول يكون بعثي دي ساي كده ما تتبلع ، اي حركة او حزب احيائي دايما بيكون عنصري
    ومتطرف .. خليك من بعث عربي في السودان ، دي كمان حكاية تانية


    الاخ عبدالله ادريس رمضان كريم
    كلام احسان عنصرى وقمئ وسخيف وعيب على قياديه تراس منظمه ضد التمييز؟؟؟
    كونها تحدد الجهه او القوميه المفروض عضو المجلس السيادى يهتم بها لانه ببساطه هبش دكتور اكرم ده كلام عنصرى
    اذا حصر صديق تاور اهتماماته فقط بالنوبه فيكون غير صالح للوظفه لانه يمثل اعلى جهاز سيادى للببلد لخدمه كل البلد..فما تدافع بالحميه العقائديه او الشلليه

    اخونا ابوبكر المستنير
    رمضان كريم
    الاخ حافظ اتى باقتباس لمشاركه ذكرت تحفظ حزب الامه على المحاصصه الحزبيه ...انا على اتساق تام مع قناعاتى وذكر النوبه والشرق وكل الهامش كلام عادى
    المشكله الاخ حافظ وكمال عاوزين يشتتو الكوره والاختباء خلف كلام ناشطه حزب الامه التى ذكرت النوبه وبين كلام احسان العنصرى
    الخلاصه ..
    كلام الناشطه والقياديه بالحزب الشيوعى احسان بخصوص صديق تاور عنصرى ويحمل تعال اجوف بالتحديد اهتمامات الناس بحكم اثنياتهم وقبائلهم ..نفس العنصريه
    التى تعانى منها الاقليات فى امريكا

    دودى
                  
|Articles |News |مقالات |بيانات

05-16-2020, 09:40 PM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 3463

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Mohamed Doudi)

    Quote: كونها تحدد الجهه او القوميه المفروض عضو المجلس السيادى يهتم بها لانه ببساطه هبش دكتور اكرم ده كلام عنصرى
    اذا حصر صديق تاور اهتماماته فقط بالنوبه فيكون غير صالح للوظفه لانه يمثل اعلى جهاز سيادى للببلد لخدمه كل البلد..فما تدافع بالحميه العقائديه او الشلليه

    اهلين دودي - كل سنة وانت طيب
    لا والله لا عندي شلة ولا حزب ولا عندي اي جهة بلقا نفسي مضطر ادافع عنها كيفما اتفق ..
    احسان غلطت في موضوع الصورة وبس ، كلاما عن صديق هو مجرد اشارة لمفارقة
    لو انت شايفا من زاوية تانية اوكي ، بس زاويتك ما مفروض تصل لانك تصفا بأنها
    عنصرية ، لانو الموضوع ما فيهو ريحة عنصرية من الاساس.
                  
|Articles |News |مقالات |بيانات

05-17-2020, 10:54 AM

Deng
<aDeng
تاريخ التسجيل: 11-28-2002
مجموع المشاركات: 49828

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Abdullah Idrees)

    شكرا إحسان فقيري على الإعتذار

    قبل قليل شاهدت فيديو للدكتورة إحسان فقيري وهي تقدم فيه أعتذار كاملا حول ما كتبته
    أنا شخصيا لا أعتبر إحسان بأنه زولة عنصرية، وذلك لأنها لها تاريخ حافل، ولكن الذي كتبته كان كلام عنصري.

    مرة أخرى شكرا لك على هذا الإعتذار .

    ولي عودة مرة أخرى.
                  
|Articles |News |مقالات |بيانات

05-17-2020, 11:21 AM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 7848

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: Deng)

    الإعتذار من شيم الكبار.

    أتمنى أن يتقبل الشاب جمعة بوش إعتذار د. إحسان.

    مع تمنياتي له بحياة زوجية سعيدة و مديدة مع المرأة

    التي أختارها و أختارته، عن حب كما يبدو.🎉

    وين فيديو الإعتذار؟
                  
|Articles |News |مقالات |بيانات

05-17-2020, 11:27 AM

النذير حجازي
<aالنذير حجازي
تاريخ التسجيل: 05-10-2006
مجموع المشاركات: 6595

للتواصل معنا

FaceBook
تويتر Twitter
YouTube

20 عاما من العطاء و الصمود
Re: قيادية في الحِزب الشيوعي ومدافعة حقوقية ت (Re: نعمات عماد)

    سلام يا حلوين،
    ياريت زول ينزل ڤيديو الإعتذار
    بالرغم إنو العنصرية ما فيها إعتذار
                  
|Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de