Quote:
Amin Edries :كتب
القامة ود الأصيل لنا الاستمتاع بما تكتبون ..
ياخ امكانية تنظم لينا جلسة مع الدكتور دالي شنو ؟؟
|
الوريف أمين قُلَّة، ، كويس القرصة صحتك مرقت فاخورتك من تحت البطانية.
أبشرك اللقاء مع د/ ضالي مرتقب . علا لاكين أوعة تخذلوني، ترخو معها و تعصرو علي.
● هو ما طبعن ود لزبنة ، هسي قاعد يناور و يدودر ، نازل فيني دغدغة (Temptation)
و نظام تنويم مغنطيسي على مخدة جدودي العركيين. و بس بشرط اللقاء يكون عندك؛ و تظبط
لينا البان كيك؛ بكدا الجية بتستحق المجازفة. لأنو أهلي لو شافوه جاي على ردتنا سااي حيكون
محتوم و يومي أسود مصيري إما يكطعو يديني و كرعيني من خلاف ، أو ينفوني من الأرض.
● بس تعرف لا جمهوريين و لا غيرم مهما يحاولون عشمُن فيني عشم إبليس في الجنة
لأني أصلن ضد التخلف زي ما قلنا مية مرة حزب كنبة و في الكنب بنحب المقاعد الخلفية
بعيد من الشاشةعشان ننقش الحاصل كويس و ليس من عين رضًى كليلةٍ عن كل عيب.
● بحكاية العشم في الجنة دي ، ذكروني التعايشي خليفة المهدي لامن مشى يتشوبر يختب
للأمير/ محمود ود الدكيم في منو انقر؟! ياخي موش هنا، كريمة أمراء العبدلاب المشاكسة/
،أختنا حنان آل النقر، عشان الوليمة تكون بي قفة جوافة من حوة حلاة و حمار؛لا ياخوي
عمك المرة دي كبر الشبحة ، مشى طلب ليه يد ملكة التاج البريطاني، الملكة اليصاباتشخثيا،
و قولت خير تكة سروال أو هكذا سمعت حبوبتي بت المنى بت ود التاي تنطق(Elizabeth).
● المهم إنو ود الدكيم و كتبن زفو ليه البشارة( في الليلة دي) لقوه يمص ليه في لالوب.
فجاءت ردة فعله باهتة و مخببة للآمال ، حينما تنحنح و قال: (و الله كدي لامن نشيف).
ود ال حي شا ن الت ل ا ت ة
مؤذنٌ محجورٌ منزلياً بجزيرة مالطة
دفع الله ود الأصيل
فيس بوك
تويتر
انستقرام
يوتيوب
بنتيريست