لصديقي ود الاصيل سوف أسرد لك سفاهة العامة وسخف بعض المثقفين !!!#

@ @ جاييك يا خِدِر و ليك متعة خاصة، بس مسكني أخوك زهير لقيتو
هابشني من أمبارح في حتة عصب سابع كدا شديد الرهافة مع .

# طبعن كولنا من جيل واحدٍ و أخوك حنتوبابي على السكين .
وك م أتشرف بانتمائي لهذا الجيل اللي بعتبرو جيل العم جحا، ليه؟!
لأنو حطنا كدا ، جينا واقعين صب بين جيلين متعيين جدن،واقفيتن
لينا كدا مكانك سر كشاخصتين عليهن: ( ممنوع الوقوف و الانتظار).

# طبعن وجه ( الشبح) من و جهة نظري شخصياُ إنوعم جحا قالو قال :
كان زهجان شديد من الناس العرسو قبالو، لأنهم ما وروه إنو (قفص)
الزويجة دا أساسن عبارة عن برميل ملان زِفت لاكين كابين فوقو باقتين
عسل نظام Topping (وششة) لزوم التمويه .فلامن كرع فيه ضاقو ليك
طوالي جاهو خبوب الزفت ، فرجع يسأل: قالولو ياخي موش شكدا ياخ
بالغت جنس بولييغ الظاهر إنك بالشلاقة قتيد البرميل من (تحت).

# لكن ، عمك برضو قال زهجان كمان من جيل ناس مدنيييياو دا
لأنهم راسم ناشف و ما بسمعو الكلام و لا دايرين يسألونا عشان نوريهم
الكان الحاصل شنو و غايتو ترا نا حيرانين معاهم وربك بس يجيبو قوي .

# يا خِدِر ياخ ما تجينا تتاوق بغادي، عندنا عشرتْ ونسات دكاكييني كدا مع
عمك عادل لامن يكون رفايق ورايق عليه قلة أدرب مبطنة كدا عليها جنس طعومية
ترمي في الشوك. تعرف أمس كتبت ليه حاجة كدا كولها تماريف ققام قاللي: كلامك دا
البقراه كأنو راكب لوري هوستن داوودي شاحن زبالة جايو من جيهة حشرو عباس.