|
Re: عُـدت إلى المنبر عشان عشرينية بكري .. وحاج� (Re: عمران حسن صالح)
|
مبرووووووووك عشرينية بكري أبو بكر...
وسعداء أن كُنا من خريجي هذا الصرح العظيم... واليوم السعيد الجمعنا بيك يا ود الصايم والأحباب بورداب الرياض ومهاجر السودانيين المختلفة...
تحية وتعظيم سلام للأخ بكري ولطاقم العمل المعاهُو...
إتفضَّل المايِك...
الخبير الإستراتيجي خالد بن سعيد الارباب
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: أبو الحسين)
|
Quote: وسعداء أن كُنا من خريجي هذا الصرح العظيم... واليوم السعيد الجمعنا بيك يا ود الصايم والأحباب بورداب الرياض ومهاجر السودانيين المختلفة... |
أووو عمكـ أبو الحسين ياخ .. والله فعلا المكان دا جمعنا بناس سمحين جدا ما كان نحلم نلاقيهم في أي مكان .. إنت واحد من الناس ديل
منتظرين بقية عطالة الرياض
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: HAIDER ALZAIN)
|
Quote: القصة دي ما ممكن تكون صدفة |
حافظ يا بشير .. يعني ما صدفة خااالص كـدا .. غايتو العربي ود البشرى لعب دور كويس في الموضوع دا !! أو حقيقة في لم مجموعة من الناس الفوق ديل!!
فـ حقو بعد دا بكري يدي ود البشرى دا وضع خاص شوية بدل ما يديهو 30 مداخلة في اليوم مثلا .. يعملا ليهو 15 !!
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: اساسي)
|
Quote: خلي رمضان يا ابو حسين سمعت قالوا بقي عندك وضعك هنا وبقيت شخصية محورية عديل في المكان |
هسي كـدا كويس يا أبو حسين .. يا عمكـ المعلمين راجعين فحقو تتصرف تصلح لياقتكـ أو تاخد الساتر .. ليك فترة بتلعب مع الحمام الميت!!
________ أساسي ولكم باكـ ياخ .. شكرا ليك ياخ رجعت في البوست بتاعي دا
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: علاء سيداحمد)
|
مرحباً بالرجل صاحب الصورة الضاحكة بطيبة تشبه بلدنا.. وذلك جيل من (السودانيزيين) المخضرمين حين كانت سودانيز قمة في كل شئ من السياسة والثقافة والفنون وحتى تلك البوستات التي (يخورنها) بكري مع سبق الإصرار والترصد. كنّا أانذاك من (المتاوقين) المدمنين للمنبر وكان حينها الإنترنت عزيز وغالي ورغم كوني طالباً كنتُ احرص على جلب قيمة النت مثلما يحرص تلميذ نزِق على علبة سجائره كل خميس. وكنتُ أُمضي صبيحة الجمعة كلها في صفحات سودانيز أونلاين مستمتعاً بالبوستات ومستمعاً لإبداعات الاعضاء حين يرفعون أغنيات قام اتعزز الليمون لمحمد سلام والزول الوسيم في طبعو دايما هادي. كان المنبر مليئاً بالأسماء من العيار الثقيل التي تضيف إضافات جاذبة في شتى الضروب .. عوداً حميداً محمد عبدالماجد الصايم.
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: محمد قسم الله محمد)
|
Quote: مرحباً بالرجل صاحب الصورة الضاحكة بطيبة تشبه بلدنا.. |
عمكـ محمد قسم الله .. ياخي أديتني كلام كبار كبار خلاص أنا ما قدرو والله
أهو غايتو يد على يد يمكن نرجع الكلام الكان حاصل زمان دا .. لأنو سودانيز هسي فعليا بقت ما زي زمان .. يبقى الشين يرجع لي ورا .. وحباب الحاجات السمحة
| |
|
|
|
|
|
|
Re: ذبح الخروف لود الصايم (Re: بكرى ابوبكر)
|
Quote: و الجاي انشاء الله في السودان سمعنا قالوا اتوهدت فيه.....من اسع جهز نفسك و عارف درب بيتنا |
ياااا ود حبيب جاهزين موية ونور .. اليومين ديل في الرياض لكن بإذن الله نتلاقى في الحلفايا نشوف نجيضة الخروف
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: علي عبدالوهاب عثمان)
|
Quote: وقمة الخرمجة في مجالنا نحن ديل!! |
مرحب حبابك أستاذنا محمد عبد الماجد الصايم ... انا من الأجيال الحديثة في سودانيز .. يعني برلوم صغنتوتي ... عندنا قبيلة الكروراب تخصص ونسه وخرمجه ويطلق عليهم مونساتيه وأحيانا الكروراب .. ندعوك للإنضمام ما دام دا مجالك .. والدعوة دي بإيعاز من رئيس الجماعة ديل المدعو عووضه ... تحياتي واحترامي ... (هكذا ادبنا عمنا ابوحسين بالإنجليزي نايب رئيس المجموعة)
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: علي عبدالوهاب عثمان)
|
شفت البوست شكيت قلت المنبر دا اتهكر ولا شنو سنين نتاوق بالحيطة .. ونباري الجدعات الحلوة من بداية الألفينات ونجري الصباح بدري نفتح المنبر عشان نشوف هناي داك برد يقول شنو وعيييك حاجات كتيرة شكلت وجدان البرالمة .. أنا ونحن وهم وكلنا لحدي ما جينا داخلين بالباب ونلقا أغلب تلك الأسماء اعتزلت مورتا أساسي عمران ودالصايم ياخ والله تستاهلوا الضبح عدييييل وعوداً حميداً مستطاب وعقبال البقية مودتي
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: Osman Awoda)
|
مرحباً بالحبيب ود الصايم والله الواحد من شدة ما فرحان لحدما شاعر بي دوخة. ما صدقت عيوني وراجعت تاريخ البوست أكتر من مرة. ثم إني شفت أساسي ومورتا وعمران وأبو ساندرا وأحلم بشوفة بقية الأحباب: تمبس وهبة منى خوجلي Humida Elsanosi Badr عمر الفاروق ........... ........... وآخرين كانوا عاملاً رئيساً في إدماننا هذا المكان. ______________ #شكراً ود الصايم
| |
|
|
|
|
|
|
Re: عُـدت إلى المنبر عشان عشرينية بكري .. وحاج� (Re: ابو جهينة)
|
ود الصايم كيفنك ...
بس اوعك نعمل زي اخوانك ... كلهم تاوقوا و يااك ... و بعدها عادوا الى فيسبوكّهُم .. و لم نرى لهم أثرا ... الزمن قساي و نساي يا محمد ... الا انت صوت ضحكتك ما زال يجلجل في المنبر ..
ياخ خليك هنا .. و اختار من ديل واعملها سبب و اركز بي جاي: - جناً تعرفوا .. - من فات قديمو. - العرجا لي مراحا .. - الما بعرف شنو يحرم على الجيران ..
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|