مُجردُ اختلافِ سغافاتٍ

♤ أيوة يا《خَوَّال》شايفك فتِرتَ من العِتالة و عِسَّيم الضهر.
دحين قُلتَ تاخد لك جمَّة و نقلبا (أبجديات) و كدي. و إنو من
(انتحر) ليس منكم؟! ثم من أنتم (دي منتحلة من القذافي).

♤ ماعلينا ؛ لكن و الله إنك لتُضحِكني حتى تُسيل لعابي ثم ما
تلبث أن تجهِشني عَبَرات البكاء لرقة حالك التي تدعو للرثاء حقاً.
يا زول مالك هفتان كدي و عامل لروحك فلايت و غضاريف و حال
الدنيا معاك زي الموج..تشيل و تجيب و تاني تودي.. فما تهتَمَّ للأيام؛
ظروف بتعدِّي. صدِّق ، ذكرتني بماساة(أبو الدرداق مع ستو القمرة)
طبعن إتا عارفو بس يخَمخِم في(الحاجات) و يدافر (ورا .. ورا)!!

♤ و العبد لله بجاي رايق و عداداتي راميات في أمان الله،
يمين و شمال. ياخي دا لدرجة بوستاتي المنسيات و مشن
خور المايقومة شايفن هديل الليلة نكتو روابطن و جابوهن
لواجهة البنبر ، علي يدك و رغماً عن أنفك. يلا كتر خيرك يا
عمك ؛ خليالناس تقرأ و تهَيَّص و كمان( تعرِّس و تنبسط).