|
|
 Re: اللخيدر شديرة الاراكا يا الاهلك حموك ما ب (Re: Hassan Farah)
|
ديل الشباب البيدوك يقين ورحمن ذات.. انو امسودان فيها خير كتير شديد ياااااااااااااااخ..!
التحية للشاب امير..!
نجضتها نجاض السنين ياااخ..!
الليرك (الكلمات) متسقة شديد كأنوا امير والشاعر هشام ، حضروا زمن (النعيم ود سعد ، الأحى سنن البرامكة..!!) وكل من يحي سنن البرامكة ياهو زولنا تب يا حسن..!
الكلمات سمحة شديد يا حسن..ومافيها كلام..!
دخلة الفوكال..فيها اتساق كبير للغاية..ومثل هذى الأغاني هي اغنيات هادئة (نظام الونسة الدقاقة ديك)..!
التوزيع الموسيقي فيهو اجتهاد جميل شديد..!
دخلة المزيكا (شكلها زي صفارة راعي في غابة سنط وسط بحيرة موية..وهو مشهد عادي ممكن تلقاه في امسودان ، بس امرق لي من بيئة السر قدور وهنا امدرمان..!!!!!)..
الأهم ، ودي الحتة القاعد يغالطنا فيها ول ابا بريمة ، دنة النقارة (الإيقاع)..ولو لقيت فرصة يا حسن فرح..راجع الفيديو واسمع صوت النقارة الحنينة (انسى مساعد الياي/سيدنا الجيتار البيز)..دي النقارة البنعرفها وبنعرف معانيها..كما نزعم..!!
النقارة عندنا يا حسن ليها معاني كتيرة خلاس..يعني نقارة الخراب ليها مجال ، نقارة الحب برضك ليها مجال..!
يعني يا صاحبي العكودابي خدرالطيب (وديني تطلع ود ابوي الطيب عوض ريد الإ اقطع اضانك يا خدر!!)..الغلط في غنية محمد بشير الدولي بتاعة (الجدي) ، يا خدر ، انها غنية غزل اتركبت في ريتم نقارة حرب..!!
كتر خيرك يا استاذنا فرح ، وانت بتجتهد تستعدل سواطة حبيبنا خدر الطيب..!
وبالطبع التحية للشاب امير..وح اتابع اعماله..اي حاجة اقل من الليخدر..بنشدها معاهو للطيش..!
التحية للشاعر هشام ، التحية لناس التوزيع الموسيقي ، والإخراج والإنتاج..!
بالجد يا حسن ده عمل جميل ، ودي شهادة مستمع عادي، يزعم انو سمع انواع كتيرة من مزيكا العالم..!!
اها يا خدر..ناس كبر (بالمناسبة انا برلومك بي كم سنة)..ذوقهم القديم ده ياهو يقين ناس امسودان ، والدليل المزاج العالي بتاع استاذنا حسن فرح..ولمن تقدر تفهم ليه ناس (هنا امدرمان) لسع واقفين في كضبة الحقيبة..وقتها يا خدر ح تعرف حاجة وكم حاجة ذاتو..!!
تحياتي..
كبر
------------------------------------------------------------------------------------------------------------------------------------------------------
نان ما (صبيتا) يا الحبيب....
شغلهم حلو وانت زتو عسل نحل اصيل
ابداع فى الكلمات وفى اللحن وفى صوت الشاب امير
وانت ابدعت فى الوصف...كلام ناس ضهارى ما كلام ناس مدن
شكرا لك الحبيب كبر
|
|
 
|
|
|
|
|
| العنوان |
الكاتب |
Date |
| اللخيدر شديرة الاراكا يا الاهلك حموك ما بحمل بلاك حلفتك ما تطول تعال | Hassan Farah | 10-07-19, 08:00 AM |
| Re: اللخيدر شديرة الاراكا يا الاهلك حموك ما ب | خضر الطيب | 10-07-19, 07:10 PM |
| Re: اللخيدر شديرة الاراكا يا الاهلك حموك ما ب | Hassan Farah | 10-07-19, 08:01 PM |
| Re: اللخيدر شديرة الاراكا يا الاهلك حموك ما ب | خضر الطيب | 10-07-19, 08:15 PM |
| Re: اللخيدر شديرة الاراكا يا الاهلك حموك ما ب | Kabar | 10-08-19, 02:07 AM |
| Re: اللخيدر شديرة الاراكا يا الاهلك حموك ما ب | Hassan Farah | 10-08-19, 05:49 AM |
| Re: اللخيدر شديرة الاراكا يا الاهلك حموك ما ب | Ahmed Yassin | 10-08-19, 06:24 AM |
| Re: اللخيدر شديرة الاراكا يا الاهلك حموك ما ب | خضر الطيب | 10-08-19, 06:40 AM |
| Re: اللخيدر شديرة الاراكا يا الاهلك حموك ما ب | Ahmed Yassin | 10-08-19, 06:53 AM |
| Re: اللخيدر شديرة الاراكا يا الاهلك حموك ما ب | خضر الطيب | 10-08-19, 07:46 AM |
| Re: اللخيدر شديرة الاراكا يا الاهلك حموك ما ب | Biraima M Adam | 10-08-19, 03:37 PM |
| Re: اللخيدر شديرة الاراكا يا الاهلك حموك ما ب | Biraima M Adam | 10-08-19, 03:52 PM |
| Re: اللخيدر شديرة الاراكا يا الاهلك حموك ما ب | Biraima M Adam | 10-08-19, 04:09 PM |
| Re: اللخيدر شديرة الاراكا يا الاهلك حموك ما ب | Ahmed Yassin | 10-08-19, 04:16 PM |
|
تعليقات قراء سودانيزاونلاين دوت كم على هذا الموضوع:
at FaceBook
| |
Hassan Farah
فيس بوك
تويتر
انستقرام
يوتيوب
بنتيريست