|
|
 Re: andquot;الرايقة هوياandquot; إحدي درر التراث الش� (Re: معاوية المدير)
|
| Quote: بل اسم حمد الملك موجود عندنا في القولد وفي كجبي وبين العمراب في أمري وفي الحلفاية .. |
تعرف يالملك انت لفت نظري لحاجة مهمة جدا..
منطقة المناصير والشايقية منطقة تداخل قبلي شديد الإزدحام، لو عددت ليك القبائل والأعراق الفيها ح تاخد مننا وكت طويل..
بس خليني في حتت كجبي دي..
في جنس مشترك بين الشايقية والمناصير اسمهم (الكجباب) في خلاف شديد في تسميتهم البعض نسبهم لكجب بن منصو، انا دائما كان رأي انهم نوبة لا علاقة لهم بما يسمي (كجب بن منصور) دلوكت لا حظت ورود اسم (كجبي) عليك الله كان عندك معلومة عن الموضوع ده، او اي واحد تاني ادونا ليها سريع...
نجي لكلام جلالدونا (الزبيد) و (الزباد)
طبعا اتفق معاك في انو الزباد نوع من القطط اكبر حجما حتى من الضربان، وضنبو ليهو هرش كتير،
اما الزبيد الفي الحجرة قام
يرعى فيهو الوز والحمام
معروف انو في نوعين بس من النبات بيقوم بروس عند حجرة البحر (الكردي) والتاني نبات كدي يشبه الرجلة بنسميهو (الجبركولا) باقي النباتات مزروعة(سلوكة بس) غالبا المقصود هو الجبركولا..
بالنسبة لود المدير
كلامك صاح طبعا زمان الناس كانوا ناس شغل جماعي وشراب جماعي ، ودايما شغلهم اكترو فزع، وبعد سداد البوغة ولا بنيان طين، ولا قلع (اقنيق) ساقية،دائما بعقبها طشمة مريسي، ودي ما كانت بتحلو بدون شعر وشعراء (زي نظام القعدات حاليا) اها في عز الطشمة ديك بتبدا المجادعة بالشعر (دوبيت) أو رباعيات، يقوم واحد يجيب القافية، وبعد داك تبدأ التمومة بتولي الشعرا الباقين بالزيادي على الوزن نفسو، وتبقى اغنية، متعددة الرؤس.. وبعد داك تبدأ المجاراة، يجي شاعرا فحل كدي يعملو قصيدي على نفس النغمة والمنوال، وتشتهر الأخيري، ويختفي التراث، زي اغنية القمر بوبا، حقت شاعرنا الكبير / اسماعيل حسن، هي مبنية على نسق اغنية تراثية قديمة إن ربنا مد في الأعمار بجيبها ليكم..
عندك كمان الأغنية بتاعت الكابلي (مروي) تم تحريف المقطع بتاع ناس القوز علينا ظلم، في المناصير لي:
يا ناس الكاب كشفنا الدور
لقينا تلاتة عبدو التور
سليم وسعيد وعلي منصور..
نجي لحبيبنا علي عبد الوهاب: يا على مناطق الشايقية والمناصير في الصل هي اراضي دناقلة، عندك نحن في الكاب المعروف بصورة مؤكدة أنو الكاب ده صاحبو الأصلي دنقلاوي اسمه (حسن بليغ) حتي انو اسمو تحت تحت كدي (كاب بليغ) أو (كاب حسن بليغ) وبعض القري فيها احتفظت بالأسم النوبي الأصلي زي (برتي) و (أوس) و (بوني) و (شري) (شرري) وهكذا..
اخونا كمال عباس:
الإمكانية موجودة عشان نقول انو المقصود بيها بت الزعيم الكبير / حمد الملك، لكن...
لو تتبعت سيرة حمد الملك وقوة شخصيته، وفراسته، واثرو في تاريخ المنطقة، تجد من الصعوبة بمكان أن يتجرأ شاعر للتغزل ببنت من بناتو، مما يحكي في التراث، أو ممكن يربطك بحبل من ورق البصل ويرميك في الشمس و يا ويلك إن جاء لقي الحبل مقطوع، علما بأنو حبل البصل بمجرد ما ينشف بتقطع براهو، يعني كدي كدي مويلك مويلك.
وحدة تراث المنطقة:
وحدة الأغاني التراثية وطريقة غناها المتشابهة باقي لي جايي من طبيعة المنطقة، المنطقة دي ضيقي شديد ومضغوطة في اتجاه قيف البحر بصورة خلت الاراضي الصالحة للزراعة ممطوطة طوليا ومحصورة بين الجبل والصحراء، الحاجة دي قربت المسافات بين القري والمدن المنتشرة على ضفاف النيل لحدت حلفا، عشان كده بتلقى الناس دي بتعرف بعض بصورة كبيرة، والحصر ده ادى لأنتشار صلة النسب بين الأعراق دي، فحتما ولا زما تلقى ليك منصوري امه أو حبوبتو شايقية ، أو شايقي امو ولا حبوبتو منصورية، وكذلك الأمر بالنسبة للرباطاب والدناقلة.. الملاحظ في المنطقة دي انو نفوذ النساء قوي شديد، اجتماعيا في اعتراف كبير في ادخال نسبها في البطون والأفخاذ والقبائل معترف بيهو، فتلقي صلة اولاد الحبوبات ولا الخالات ولا العمات واضحه وواجبة الوصول بقوة..
زمان ما كان في زول بقدر يصرح بصورة مباشرة بأسم الحبيب أو الإشارة للمرأة بصورة فاضحة، عشان كده نشأ الترميز فالشاعر لمن ينشد قصيده في المعشوقة، كان بيرمز ليها بحاجة مشهورة و عندها اثر أو طعم مشهود ومعروف:
زي:
الدهب..
ازيك واعلك عافي يا دهب الجنيه الصافي.
أو التفاح:
ماسك لي تفاحة في راس بوني
اكل فيها ما شافوني..
وهكذا ..
فالأمثلة لا استطيع حصرها الأن نسبة للغربة ومشاغلها، لكن كدي خلونا
ليكم جميعا محبتي
|
|
 
|
|
|
|
|
| العنوان |
الكاتب |
Date |
| "الرايقة هوي" إحدي درر التراث الشايقي و تعد من أطول قصائد الشمال..!! | سيف اليزل برعي البدوي | 09-09-19, 07:45 PM |
| Re: andquot;الرايقة هويandquot; إحدي درر التراث الشايق� | محمد على طه الملك | 09-09-19, 11:30 PM |
| Re: andquot;الرايقة هويandquot; إحدي درر التراث الشا� | كمال عباس | 09-09-19, 11:45 PM |
| Re: andquot;الرايقة هويandquot; إحدي درر التراث الشا� | النذير حجازي | 09-10-19, 00:09 AM |
| Re: andquot;الرايقة هويandquot; إحدي درر التراث الشا� | كمال عباس | 09-10-19, 00:37 AM |
| Re: andquot;الرايقة هويandquot; إحدي درر التراث الشا� | محمد على طه الملك | 09-10-19, 00:43 AM |
| Re: andquot;الرايقة هويandquot; إحدي درر التراث الشا� | النذير حجازي | 09-10-19, 01:47 AM |
| Re: andquot;الرايقة هويandquot; إحدي درر التراث الشا� | كمال عباس | 09-10-19, 01:53 AM |
| Re: andquot;الرايقة هويandquot; إحدي درر التراث الشا� | كمال عباس | 09-10-19, 02:17 AM |
| Re: andquot;الرايقة هويandquot; إحدي درر التراث الشا� | جمال المنصوري | 09-10-19, 12:31 PM |
| Re: andquot;الرايقة هويandquot; إحدي درر التراث الشا� | محمد على طه الملك | 09-10-19, 02:30 PM |
| Re: andquot;الرايقة هويandquot; إحدي درر التراث الشا� | محمد على طه الملك | 09-10-19, 03:04 PM |
| Re: andquot;الرايقة هوياandquot; إحدي درر التراث الشا� | علي عبدالوهاب عثمان | 09-10-19, 10:43 PM |
| Re: andquot;الرايقة هوياandquot; إحدي درر التراث الش� | كمال عباس | 09-11-19, 00:14 AM |
| Re: andquot;الرايقة هوياandquot; إحدي درر التراث الش� | محمد على طه الملك | 09-11-19, 00:35 AM |
| Re: andquot;الرايقة هوياandquot; إحدي درر التراث الش� | Abdullah Idrees | 09-11-19, 01:51 AM |
| Re: andquot;الرايقة هوياandquot; إحدي درر التراث الش� | جلالدونا | 09-11-19, 02:26 AM |
| Re: andquot;الرايقة هوياandquot; إحدي درر التراث الش� | معاوية المدير | 09-11-19, 03:49 AM |
| Re: andquot;الرايقة هوياandquot; إحدي درر التراث الش� | جمال ود القوز | 09-11-19, 05:23 AM |
| Re: andquot;الرايقة هوياandquot; إحدي درر التراث الش� | جمال ود القوز | 09-11-19, 05:27 AM |
| Re: andquot;الرايقة هوياandquot; إحدي درر التراث الش� | محمد عبد الله الحسين | 09-11-19, 06:14 AM |
| Re: andquot;الرايقة هوياandquot; إحدي درر التراث الش� | جمال المنصوري | 09-11-19, 06:22 AM |
| Re: andquot;الرايقة هوياandquot; إحدي درر التراث الش� | Haytham Ghaly | 09-11-19, 06:23 AM |
| Re: andquot;الرايقة هوياandquot; إحدي درر التراث الش� | جمال المنصوري | 09-11-19, 06:08 AM |
| Re: andquot;الرايقة هوياandquot; إحدي درر التراث الش� | جمال المنصوري | 09-11-19, 06:40 AM |
| Re: andquot;الرايقة هوياandquot; إحدي درر التراث الش� | جمال المنصوري | 09-11-19, 06:46 AM |
| Re: andquot;الرايقة هوياandquot; إحدي درر التراث الش� | Haytham Ghaly | 09-11-19, 07:01 AM |
| Re: andquot;الرايقة هويandquot; إحدي درر التراث الشايق� | الكيك | 09-11-19, 05:45 PM |
| Re: andquot;الرايقة هويandquot; إحدي درر التراث الشا� | الكيك | 09-11-19, 06:08 PM |
| Re: andquot;الرايقة هويandquot; إحدي درر التراث الشا� | الكيك | 09-11-19, 06:17 PM |
| Re: andquot;الرايقة هويandquot; إحدي درر التراث الشا� | الكيك | 09-11-19, 06:18 PM |
| Re: andquot;الرايقة هويandquot; إحدي درر التراث الشا� | الكيك | 09-11-19, 06:18 PM |
| Re: andquot;الرايقة هويandquot; إحدي درر التراث الشا� | محمد على طه الملك | 09-11-19, 10:08 PM |
| Re: andquot;الرايقة هويandquot; إحدي درر التراث الشا� | Haytham Ghaly | 09-12-19, 07:48 AM |
| Re: andquot;الرايقة هويandquot; إحدي درر التراث الشا� | Haytham Ghaly | 09-12-19, 08:00 AM |
| Re: andquot;الرايقة هويandquot; إحدي درر التراث الشا� | جمال المنصوري | 09-12-19, 10:14 AM |
| Re: andquot;الرايقة هويandquot; إحدي درر التراث الشا� | جمال المنصوري | 09-12-19, 10:16 AM |
| Re: andquot;الرايقة هويandquot; إحدي درر التراث الشا� | محمد على طه الملك | 09-12-19, 12:10 PM |
|
تعليقات قراء سودانيزاونلاين دوت كم على هذا الموضوع:
at FaceBook
| |
جمال المنصوري
فيس بوك
تويتر
انستقرام
يوتيوب
بنتيريست