|
|
|
 Re: لو جبتو لينا والي ولا ولية من الاقاليم فوق (Re: ABUHUSSEIN)
|
كدي يا ابو حسين ورينا الكفاءات في نظرك يكونوا كيف ؟ شهادات وخبرات اقليمية في منظمات !!
وحات الله مرة جا اشطر خبير من البنك الدولي لعمل خطة واصلاحات اقتصادية قعد تلاتة شهور ويوم جا ماشي سألوه عملت شنو قال ليهم في اي مكان في العالم بنجد عنصر او معيار ثابت واحد نرتكز عليه من خلاله نتحكم في باقي المعايير الاقتصادية عندمكم مافي فما قدرت اعمل حاجة ولا حا يجي زول بعدي يقدر يعمل حاجة دي بشاهدة خبير اقتصادي كان مرافقه قريبي ...
النظريات شيئ والواقع شيئ وهو واقع عجيب جدا فعلا داير ناس زي مدني عباس مدني ممكن يعملوا حاجة الباقين مع احترامنا لشهاداتهم وخبراتهم مستحيل يصمدوا اما تيار سيل من الفساد الاصبح شئ اصيل من تركيبتنا اديك مثال 99% من الموظفين مرتباتهم الف الفين واقل حاجة تقضي ليهم الشهر 20 او 30 الف الفرقة دي بتتغطى لغف وهبر ورشاوي افرض ضيقنا الحتة دي للموظف بس وريني حا ينتج كيف ؟ بلد من ساسها لي راسها اتبرمجت على كده تجي في لحظة تحاول تغيرها اكيد الوزير بتاع النظريات ده من قولة تيت حا يواجه بكره وتعطيل ومضرة ما بعدها مضرة لمن يحتار في حنانه زاتو
ابو حسين عندي برنامج اقتصادي شغال وناجح وكل يوم بنتج وليه ابعاد كبيرة انصحك تقراه امكن تفهم معاني الوطنية منه ناسك ديل وحات الله نظريا الواحد ما عنده برنامج واضعه للسودان من بدري اها لمن يفهم الحاصل ويستوعب بتكون التلاتة سنين مرت قبل ما يضع برنامج سليم ولو اسعافي ثم ثانيا هو اي زول ممكن يدير دي الادارة علم وليه كلياته وخبراءه المتمرسين فيه نحن للأسف ما بنحترف بالعلم ده بدليل اديني واحد من ناس علوم الادارة المتصصين في وزراءانا كلهم اطباء وصيادلة ومهندسين وخريجين اقتصاد نصهم اجانب متجنسين بالجنسية السودانية لليوم ده
وكل ده ما موضوعنا ...
موضوعنا والي الخرطوم ما يجيبو لينا زول ما مننا والي علينا ولا يختو لينا حرمة مع احترامنا لنساء بلادي غاية الاحترام بس في حاجات العقل بيقبلها ونحن لسه ما وصلنا مرحلة دولة المؤسسات لسه وولاية الخرطوم دي دايرة زول شفت نزيه عملي جدا من اهلها عارف جخانينها ودروبها واتربى فيها وليعرف يتعامل مع سكانها
| |
 
|
|
|
|
|
|
|
|
Re: لو جبتو لينا والي ولا ولية من الاقاليم فوق (Re: توفيق عيسى مكي)
|
والي دي جاية من اصول اسلامية فما بيصح يكون والي اولا امرأة ثانيا لو ما من أهل البلد والمنطقة بيتم تعيين والي من الجهة المحتلة للمنطقة ويسري الكلام للامارة والامير ...
عمدة مدينة او محافظ الخرطوم انسب للعلمانية البينادوا بيها الناس ديل ..
كيف تكون علمانية ومسمياتها اسلامية عشان اوريكم الناس ديل طير كيف ...
عمركم سمعتوا بوالي ولاية نيويورك ولا والي ولاية لندن يا وهم ...
ما تمسكو ضنب الفيل وتقولوا ده الفيل الفيل اليفعصكم زي ما فعصتنوا لينا خرطومنا الكانت جميلة
| |
|
|
|
|
|
|
|
|
 Re: لو جبتو لينا والي ولا ولية من الاقاليم فوق (Re: muntasir)
|
سلام يا أميرنا هاك المديدة الحارة دي ههههه
Quote: غايتو ياناس الجزيرة طلعتو مفتحين وشيخكم قوي ﻭﺯﻳﺮ
ﺍﻟﺪﺍﺧﻠﻴﺔ ﺍﻟﻄﺮﻳﻔﻲ / ﻣﻦ ﺍﻟﺠﺰﻳﺮﺓ ﺍﻟﺠﺪﻳﺪ ﺍﻟﺜﻮﺭﺓ
ﻭﺯﻳﺮﺓ ﺍﻟﺘﻌﻠﻴﻢ ﺍﻟﻌﺎﻟﻲ ﺍﻧﺘﺼﺎﺭ ﺻﻐﻴﺮﻭﻥ / ﻣﻦ ﺍﻟﺠﺰﻳﺮﺓ ﺍﺭﺑﺠﻲ
ﻭﺯﻳﺮ ﺍﻻﻋﻼﻡ ﻓﻴﺼﻞ ﻣﺤﻤﺪ ﺻﺎﻟﺢ / ﻣﻦ ﺍﻟﺠﺰﻳﺮﺓ ﺍﻟﺤﺼﺎﺣﻴﺼﺎ
ﻭﺯﻳﺮ ﺍﻟﻄﺎﻗﺔ ﻭﺍﻟﺘﻌﺪﻳﻦ ﻋﺎﺩﻝ ﻋﻠﻲ ﺍﺑﺮﺍﻫﻴﻢ / ﻣﻦ ﺍﻟﺠﺰﻳﺮﺓ ﺍﻡ ﺳﻨﻂ
ﻭﺯﻳﺮﺓ ﺍﻟﺸﺒﺎﺏ ﻭﺍﻟﺮﻳﺎﺿﺔ ﻭﻻﺀ ﺍﻟﺒﻮﺷﻲ / ﻣﻦ ﺍﻟﺠﺰﻳﺮﺓ ﻭﺩﻣﺪﻧﻲ
ﻭﺯﻳﺮ ﺍﻟﻤﺎﻟﻴﺔ ﺩﻛﺘﻮﺭ ﺍﺑﺮﺍﻫﻴﻢ ﺍﻟﺒﺪﻭﻱ / ﻣﻦ ﺍﻟﺠﺰﻳﺮﺓ ﻭﺩﻣﺪﻧﻲ
ﺷﻜﻴﺘﻜﻢ ﻟﻲ ﺍﻟﻠﻪ ﻳﺎﻧﺎﺱ ﺍﻟﺠﺰﻳﺮﺓ ﺳﻮﻳﺘﻮﺍ ﻟﻲ ﺣﻤﺪﻭﻙ ﺷﻨﻮﻭ
ﻛﻔﺎﺀﺍﺕ ﻛﻔﺎﺀﺍﺕ غايتو يا ناس الجزيرة طلعتو اصلين كيف |
| |
|
|
|
|
|
|
|
|
Re: لو جبتو لينا والي ولا ولية من الاقاليم فوق (Re: توفيق عيسى مكي)
|
Quote: سلام يا أميرنا هاك المديدة الحارة دي ههههه
|
كلو ولا ناس الجزيرة وأكد والابيض يا النزير يا أخوي .. هههه
في زول بنبز نفسه
الحزيرة درست فيها جذء من الابتدائي والعام كله واعتز بيها جدا وزرعت فيها كمان واتعلمت الزراعة برضو فيها وتربية الحيوانات وكل المكنون المتفجر جواي هسي اصله من تربيتي فيها وبين اهلها الطيبين
الابيض موطن الوالدة بحي القبة الجميع سكانه اهلي (حزينين اليوم برحيل الخال الدكتور ميرغني ابو قسي) طبعا مشبع بي طبايع اهلها وهم متغلغلين في دمي كنتاج طبيعي واتعلمت فيها الحب ونمت عندي فيها كل المواهب لن يمر يوم الا والحنين يجرني ليها ...
أكد دي انتظر كلامي عنها للحبيب خضر الطيب ...
| |
|
|
|
|
|
|
|
|
|
Re: لو جبتو لينا والي ولا ولية من الاقاليم فوق (Re: توفيق عيسى مكي)
|
| Quote: انت جادي انك خرطومي ولا اكدي ؟ تنسب لأكد في الشمالية ؟ |
شوف يا اخوي خضر انا أمير سوداني أصيل الاصل عندي والمنبع أكد نهائي مافي كلام بحمل جين كردفاني من الوالدة لكني برضو بحمل جين خواجاتي من حبوبتي صوفيا (صافيناز هانم ) اها لمن أكون بموطن واحد من ديل بديهو حقه وبدافع عن حقوقه كأنه هو وطالما اتولدت انا وابوي وجدي في أرض موطن حبوبتي البيتها هسي وزارة الثقافة الحالي قبل ما يقلعوه منهم ثوار المهدية بعد فتح الخرطوم وتاني ما رجعوه ليهم واتصادر نهائي للابد اها ما ندافع عن حقوقها ولا انا غلطان ...
عشان كده لما اقول ما دايرين زول من الاقاليم يكون والي فوق راسنا أكيد مستحيل عن طريقه يرجع الحق لاصحابه نحن اما حرمة وست غيرة ساااي امكن تصادر بيتنا الفي الحلفاية الهسي المرأة عاطفية لا تصلح للولاية ومنهي عنها ونادر نجاحها ومش بقول ما بتنجح لكن نادر ونحن في محك حرج ما دايرين نخاطر دايرين الشغل بالعربي واحد زايد واحد يساوي اتنين لانه ولاية الخرطوم دايرة شغل ضفاري كلها مافيات اراضي وسماسرة وتجار وانتهازيين ما ينفع معاهم الا زول من غير مشاعر عنده هدف واحد بنتمناه لمديتنا الجميلة ...
| |
|
|
|
|
|
|
|
|
|
Re: لو جبتو لينا والي ولا ولية من الاقاليم فوق (Re: توفيق عيسى مكي)
|
سلام حبيبنا توفيق
مسألة تولي المرأة للحكم او القضاء او اي وظيفة عليا جائزة و لا حرج فيها
ما تسمع لي كلام الوهابية ديل الناس ديل ما عارفين الدنيا ماشة كيف لسه عايشين في العصر الحجري
هسي محمد بن سلمان اقنع العاهات ديل بانو المراة بني آدم ديل بعد 14 قرن اكتشفوا انو المرأة بني آدم
و سمحوا ليها تسوق السيارة و سمحوا ليها بالسفر بدون محرم و تطلع جواز بدون ولي و بعد شوية حيسمحو ليها تتزوج بدون ولي
يسمحوا للمرأة انو يكون معاها سواق اجنبي هي بتأمرو يوديها لي صاحبا او يوديها اي مكان ما بقدر يرفض
وهو ذاتو ممكن يكون صاحبا و ممكن يطلع بيها مكان بعيد و يغتصبا و حصلت حاجات ذي دي خلال فترتي في السعودية
طبعاً انا ما قريت آية في القرآن بتحرم ولاية المرأة اذا عندك جيبا
انحنا في القرن الواحد و عشرين , اصحى يا توفيق يا توفيق اصحى
الآن المرأة متفوقة على الرجل و القليل منهن متساويات مع الرجال في الدراسة و العمل و التميز
المرأة السودانية دخلت البرلمان و في مجال العمل من سنوات طويلة
انا شايف انو تمثيل المرأة في الحكومة المدنية دي ضعيف جداً
اتمنى من الاحزاب في فترة الديمقراطية اعطاء المرأة حقها مناصفة
بالمناسبة المرأة كائن حي ياتوفيق
| Quote: المرأة عاطفية لا تصلح للولاية ومنهي عنها ونادر نجاحها ومش بقول ما بتنجح لكن نادر |
| |
|
|
|
|
|
|
|
|
|
Re: لو جبتو لينا والي ولا ولية من الاقاليم فوق (Re: خضر الطيب)
|
التكنو قراط يا توفيق الاصلي يا هودا
https://up.top4top.net/
التكنو قراط المزيف اداة البنك الدولي والتنظيمات الدولية المشبوهة يا هو دا
https://up.top4top.net/
درس قانون ومن 1964 ولحدي هسة بحكمك في السودان ومن الجزيرة فقط
وبحكمك بي الجيل الرابع من الدولة المركزية المتربطة بامصر والخليج والبنك الدولي
https://up.top4top.net/
ده ذو النون والترابي ...القشرو بيه الشباب في ثورة "تسقط بس "
https://up.top4top.net/
وده ذو النون ومعجزة 2019 حمدوك ..
من يتكلم ومن يسمع هل الولد يقود الجمل
https://up.top4top.net/
****
ياسر عرمان المتسكع بوظ برنامج الحركة الشعبية 2010 وزاغ من الانتخابات وهو قريب البشير بس وزح ليه الخسيس واجهض انتخابات كانت علي الاقل اكسبت الحركة الشعبية شرعية انتخابية دستورية وما يجي واحد يقول ليك سلفا كير قال ليه انسحب ويرميها في الجنوبيين ...لانه مالك عقار نزل انتخاباات وهو حركة شعبية وفاز بالدستور والانتخابات ولازال حتي الان والي النيل الازرق الشرعي
ومحمد يوسف بتاع ق ح ت ....المتحول السياسيا العامل فيها تجمع مهنيين ايضا من بلد البشير ومن خرج الناس بي تسقط بس ولحدي الليلة والاعلان الدستوري الفطير ده
ما احاول حتي يحترم مسيرة جون قرنق الاصلية ورؤته الفدرالية العظيمة وقالو بس يقعد الناس بالمحاصصة المشوهة دي
*****
وهسة يا اخوي الخرطوم ذانا بقت ضهاري وعجبني ليكم جلودكم الجنجويد وحكموك اهل العوض و بقيت تولول...
الخرطوم لو احترمت السيد عبدالرحمن المهدي والسيد علي ومحمود محمدطه ما كان حكموها الكعوك والنجلت بي المشاريع المصرية والانقلابات من 1958 و1969 و1989 وعلم القوميين العرب وصقر الجديان
هسة عايز تكون راجل سوق عمتك السريرة بت مكي الي المحكمة الدستورية البايظة في شارع البلدية بتلفي شباب وعي الايام دي في حزب المؤتمر السوداني واقفين هناك بمطالب واطعن في علم مايو الفبيح ده وطالب بعلم الاستقلال ورد الاعتبار للسريرة بت مكي
ولي الناس الانتخبهم الشعب ورفعو العلم ده ...تحت شعار السودان للسودانيين مش لي ناس قريعتي راحت
****
وعشان كده قلنا ترجع الاقاليم وكل اقليم يحكمو ناسو في مستوى حاكم الاقليم وبرلمان الاقليم و كل ديك في بلدو عوعاي وما يعنينا الحكومة المركزية دي يجي فيها منو بالمحاصصة ...
وزمان يا توفي ..فا زت الخرطومية د فاطمة عبدالمحمود في انتخابات الاقليم الاوسط..بالاغلبية من شعب الاقليم الاوسط الحر ...جو ناس الطلس بتاعين نميري زحوها بي المحاصصة وجابو مالك امين نابري 1978
*****
اوعك تولول تفضحنا
الخرطوم دي بقت ضهاري من غزوها اهل العوض في 30 يونيو 1989 ....وناس ايام ليها ايقاع ونحن 98% وشوف جلسن يا حلاتن واسال عمك شوقى بدري والهادي الضلالي كان حي لحدي هسة (تكون ما سمعت بنكتة الهادي الضلالي مع ناس الضهاري
والله عجبني شديد الحصل ليك ده
بركه بجي ازورك في التجاني الماحي شارع الاربعين اوديك الضل
الهضربة خليها
انتظر ال200 يوم دي ونشوف اخرتا
https://up.top4top.net/
دي الخرطوم 1902-1956 زمن سودانيين وست منستر مش ايتام بابكر عوض الله 1969 والترابي 1989
***
العدد الثاني من مجلة جقود المصورة
| |
|
|
|
|
|
|
|
|
|
Re: لو جبتو لينا والي ولا ولية من الاقاليم فوق (Re: adil amin)
|
| Quote: بالمناسبة المرأة كائن حي ياتوفيق |
ما اختلفنا اخوي خضر في انها كائن حي وهن شقائق الرجال كما يقولون وقد اثبتت الدراسات انها اقوى من الرجل لطبيعتها من اسباب خلقها دعنا نرجع الاشياء لاصلها عرفنا لماذا خلق آدم (نتجاوز هذه الجذئية للذين لا يعرفون ان يبحثوا في النت) .. خلقت امنا حواء لتؤنس وحشة ابونا آدم في الجنة وللقيام بذلك خلقت اقوى منه لسبب بسيط جدا اذ ان الانسان كقيمة معرفية يتكون من اربعة محاور فكر وعاطفة وشهوة ونفس طبيعة الرجل الذي خلق بها تجعله عندما يكون في محور تتعطل بقية محاوره الثلاثة ولتعلم عن ماذا اتحدث اقول لك اتحدث عن علم يسمى علم الباطن وهو علم لا يعرفه عامة الناس ويوهب من المولى تعالى هبة نرجع لاعطيك مثالا عندما يعود الرجل من العمل (العمل محور فكر عمارة الارض) ليخرج من هذا المحور يحتاج لساعة كاملة في منزله يكون لوحده لينتقل لمحور آخر (العاطفة مثلا) فيهتم لحديث زوجته وتفقد احوال اولاده واهتمامه بهم وهكذا ينتقل لبقية المحورين الباقين فعندما يكون في عمق محور العاطفة تعطل عنده كل المحاور الاخرى وهكذا اما المرأة بطبيعة خلقها جميع محاورها تعمل في نفس الوقت الفكر والعاطفة والشهوة والنفس اشرح لك ذلك تشتغل معك في المكتب في نفس الوقت تهتم بالمنزل عندما تعود في الوقت الذي تحتاج فيه انت ان تخرج من جو محور الفكر - العمل - في نفس الوقت تجدها ماسكة الهاتف تتصل باهلها تتفقدهم - محور النفس - في نفس الوقت تصنع الطعام في المطبخ - محور الشهوة - والامثلة كثيرة ...
نخلص ان طبيعة المرأة متداخلة وان طبيعة الرجل احادي في تناوله للاشياء الولاية تندرج تحت محور الفكر وهو اضعف محاور المرأة اذ يكون الضعف لمحورين العاطفة والشهوات ونصف الرجل لمحوري النفس والفكر وهو خلل تكويني يمنع ولايتها
والله اعلم يا صاحبي ...
| |
|
|
|
|
|
|
|
|
|
Re: لو جبتو لينا والي ولا ولية من الاقاليم فوق (Re: توفيق عيسى مكي)
|
| Quote: الخرطوم لو احترمت السيد عبدالرحمن المهدي والسيد علي ومحمود محمدطه ما كان حكموها الكعوك والنجلت بي المشاريع المصرية والانقلابات من 1958 و1969 و1989 وعلم القوميين العرب وصقر الجديان |
سلام يا صاحبي عادل امين هسي يجي واحد يقول ليك الشباب الهسي عندهم وعي اكتر منك فما تضرب لينا سااي الدنيا اتغيرت والمفاهيم والرؤى والثوابت كلها اتغيرت وديل جيل الزمن الهم فيه بالمناسبة اولادي من نفس الجيل ودائما في حوار لا هم بيقتنعوا ولا انا قادر اثبت ليهم الثوابت الهم اساسا ما عارفنها وسمعوا بيها سمع وما مقتنعين بيها زي مثلا فكرة الاقاليم الخمسة والمركز الكان بينادي بيها قرنق الاصلا ما كلفوا نفسهم ليعرفوا كان بينادي بشنو ولا استوعبوا مليونية الساحة الخضراء لمن جا قرنق خطب لانهم في الوقت داك كانوا اصغر من استيعاب شنو سياسة وشنو حكم لصغر سنهم وهم الآن بيمثلوا 67% من المجموع الكلي لسكان السودان وهم يادوب وعوا بما يجري في بلادهم ويحملونا مسؤلية ما وصلنا له ولهم الحق في دي بس السيدين والجمهوري بتعني الاصالة لن نتقدم شبرا ما لم ننتهج مناهج نابعة من اصولنا الثقافية والفكرية وتراثنا وموروثنا الثر ناخذ من الوافد الينا جميله داعما لاصولنا لا ان ننتهجه منهاجا حياتيا يغير من طبيعتنا واصلنا حتى عندما دخل علينا الاسلام احتفظنا باصولنا في الحكم والثقافة والانتماء والاخلاق اضاف لها الاسلام ابعادا سمينا بها وارتقينا لمستويات فاقت في مناحي كثيرة مناطق كانت قريبة من تفجر الاسلام في الجزيرةالعربية فهو أصل الحضارات وموطن اليهود الاصلي ومهبط سيدنا آدم وما تبعه من دلالات يعلمها الله انت اكثر من يقرأ افكاري بحيادية وتفهم وزوق كبير لانك اصيل بنفس معنى الاصالة التي انادي بها لتكون عنوان بلادي ننتظر ال 200 يوم ولكن مسبقا اعلم النتيجة فالتنبؤ اصبح اليوم علم يدرس بقراءة التاريخ ومنحنيات علوم الاحصاء ودراسات علم النفس والهندسة الجينية احارب عن حق مقتنع به اعلم انه سبق السيف العزل وتمكن اصحاب البوادي من المدن في نتيجة حتمية لمشاكل عالمية وهي ليست مشكلة سودانية خاصة او حالة خاصة فمن المتوقع ان يسكن العواصم والمدن في بحر سنوات قادمة 70% من جملة سكان العالم فما بالنا ببلادنا في ظل تدهور النظم السياسية والفكرية ان يكون الحال ولكن ان لم نقاوم ذلك لا خير فينا ففي مقاومته يمكن الاحتفاظ ببعض من ثقافتنا واخلاقنا وبعض موروثنا الحضاري غير ذلك السيل سيجرف كل شيئ ولولا ذلك لحكم السودان اجهلهم اي كان ان تستمر الانقاذ الى ان يتسلمها منهم السيد المسيح وفي رواية مستحدثة حتى المسيح لن نسلمها له
مودتي واحترامي ...
| |
|
|
|
|
|
|
|
|
|
Re: لو جبتو لينا والي ولا ولية من الاقاليم فوق (Re: توفيق عيسى مكي)
|
روزنامة جقود دي الحل 2020
والديمقراطية والفدرالية والاشتراكية موجودة في الداخل في السودان النظيف 1يناير 1956 ما موجودة في الخارج العفن اصلا
وخيارات الشعب السوداني الحرة الدينية والسياسية ما محل وصاية من اجد ساقط ورخيص ...
ترجع الاقاليم الخمسة ويحكمها ابناءها بالانتخابات وليس بالمحاصصة ده هو الحل
لا ولايات ولا الخليفة الاموي ...
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
توفيق عيسى مكي
محمد نور عودو
ABUHUSSEIN
النذير حجازي
خضر الطيب
adil amin
فيس بوك
تويتر
انستقرام
يوتيوب
بنتيريست