|
Re: على هبانى: على تجمع المهنيين و جميع القوى � (Re: علاء سيداحمد)
|
تحياتي علاء تعليقا على خطاب علي هبّاني أو على لغة الوصاية و الأمر دي ياعلي ياخ روق وخلّيك في متاريسك, تجمّع المهنييّن و القوى المتحالفة معاه بل وأصغر طفل برص في حجار يقفل بيها شارع في اصغر حي في اقصى أطراف السودان عارف أفضل منّي و منّك ومن جميع القاعدين برة ماهي انسب وأصلح الطرق لمواجهة النظام وتحقيق هدف الثورة الناس القاعدة برّة كتّر خيرها على الدعم و السند ودا دورها وما مشحودين عليه ياها بلدهم إن هم خرجوا منها مضطرّين فهي لم تخرج منهم ما قلنا شي لكن احد اسباب نجاح العمل الجماعي هو التخصصّية وأن يقوم كل بدوره الذي يناسب امكانيّاته ووضعه انت قاعد في بلاد الواق واق على بعد آلاف الأميال من الخرطوم ما عارف الحاصل في الأرض شنو و حد معرفتك ياها اللايفات و البوستات البتشوفها و بتقراها في حين المشيّر اللايف دا عايش اللحظة و شامي الغاز و اصوات الرصاص تصم اذنيه فهو بالتأكيد الاقدر على تقييم الوضع و اتخاذ الخطوة المناسبة من واقع معايشته الأحداث افضل من الآخرين فا شنو.. خلّو الناس تشتغل و تقدّر الأفضل والنسب حسب قؤاءتهم السليمة للواقع قدّامهم .
الرسالة برضو موجّهة لكل من يريد توجيه التجمّع و الثورة من على البعد! زي مثلا اقتراح تغيير الجدول الصدر في بداية الأسبوع!
|
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|