|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(((2))) بالموناسبة واحد شكلو كدا مشكنب ولامستهبل، ال لينا عندو حلول ناجعة مبتكرة و جاهزة للتخلص نهائياً من أزمة السيوووولة الحاصلة في البلد دي. لحدت ما السيولةدي ح تعمل ( سيلان) في الشوارع ، للِّي ما يشتري و يشيل (على قفاه ) ممكن يتفرج . فا شنو؛ قال إيه، قال ح ينصح "هؤلاء" يطبعو لينا جنيهات جديدة تضبح الجدادة من اللضان للَّضان، و يقومو يعلموها بي مُدَد صلاحية محدودة ، بحيثُ تنتهي خلال شهرواحد بس بالكتير، عشان لزوم الما بجيبا يوردا للبنك تقوم تموت تجمع ليو في يدو .
# فبالله شوف جنس نوعية البني آدم دا شغال حماية و لا مكافحة مستهلك؟! و لَّا خليك من كدا، هو تبع جهاز شنو؟!
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(((4))) في قاعة المحكمة: # كانت المفاجأة المُجلجلة.. الزوجة تدعي بأنها أنجبت طفلاً من نفس طليقها شخصياً. كيف!! من هنا بدأت خيوط قضية غاية في الغرابة والإثارة.
# أصل الحكاية تعود تفاصيل القصة إلى أن الزوجين تعثرا في الإنجاب. ذهبا للأطباء فأشارت تقارير الكشف المخبري إلى عدم وجود أي عيوب خُلقية أو أمراض تُحيل دون إنجاب الاثنين. ومن هنا بدأت رحلة البحث عن "طفل" وطرقا جميع أبواب الطب بكل أنواعه.
# أخيراً قررا الدخول في تجربة "أطفال الأنابيب" عن طريق تلقيح البويضة خارج الرحم (مركز إخصاب).. لكن الزوج لم ينتظر نتيجة "طفل الأنابيب" فقرر الزواج للمرة الثانية.
# القرار كان صاعقاً للزوجة الأولى فرفضت الأمر وطالبت بالطلاق. ولم تكن تتوقع أن يتخلى عنها زوجها فيضطر للتخلي عن فكرة الزواج الثاني. وصعقت بقراره أنه سيكمل إجراءات الطلاق، بل وإلغاء إقامتها في البلد العربي الذي تقيم فيه مع زوجها.. فرضخت للأمر الواقع ولكنها أضمرت في نفسها. :
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(((5))) # فكرة شيطانية: كيد النساء عظيم كما تقول الآية (إِنَّ كَيْدَكُنَّ عَظِيمٌ..). فبعد تطليق الزوج لزوجته بعدة شهور نشأت فكرة شيطانية للزوجة المطلقة. ذهبت إلى مركز الإخصاب الذي كانا يتابعان العلاج فيه ، وطلبت منهم الاستمرار في محاولة التخصيب لبويضاتهما المحفوظة بالمركز، وكان لها ما أرادت. وبعد محاولتين هاتفها المركز يُفيد بنجاح العملية وأن الجنين الآن في شهره الثاني وطلبوا منها الحضور لاستكمال الإجراءات الطبية اللازمة لنقل البويضة إلى رحمها لتكمل مسيرتها الفطرية.
# وتحقق لها حلم حياتها وحملت ووضعته ذكراً وألحقته باسم أبيه (طليقها) بُغية إثبات نسبه له وتحقيق حُلم حياتها.
# و كل هذا دون أن يكون لطليقها أي علمٌ بالدراما التي ظلت تُحاكُ و تجري من وراء ظهره بِليلٍ ، و هو طبعن بسلامته كعادته دوماً كان آخر من يعلم .
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(((6))) إعلان محكمة : # كان طليقها يتمتع بحياة مستقرة في حُضْنِ الزوجة الجديدة و حبه الأخير، حينما تسلم إعلاناً من المحكمة للمثول أمامها لنظر الدعوى المقدمة من زوجته السابقة (طليقته).. تطالب فيها بـ (النفقة). واعتقد الزوج أنها أمور عادية وتبعات نفقة وم ؤخر صداق و حاجات تانية كمان ،في السياق الذي يمكن أن يحدث بين أي طليقين، فأخبر محاميه للذهاب للمحكمة و دفع ما تطلبه زوجته السابقة يتم إغلاق هذه الصفحة إلى الأبد بعد أن أنعم الله عليه بالولد من زوجته الجديدة .
المفاجأة بقى : إنو قالولو:(جالك ولد) ؛ يا دي المصيبة!!: # وفي الجلسة الأولى كانت المفاجأة الداوية .. محامي الزوج "طليقها" فوجئ بغرابة طلب طليقة موكله.. مطالبتها (إثبات نسب) ابنها لأبيه (زوجها سابقاً).
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(((7))) # في الجلسة التالية بعد أن مثل الزوج السابق أمام المحكمة أخبر القاضي أنه طلقها قبل عام ونصف.. فكيف ينجب منها!!.حيثُ أمر القاضي بتحليل (الجينات الوراثية) المعروفة علمياً بـ(DNA) وهو فحص أصبح متوفراً في المعامل الجنائية بالسودان.
# أجرى الفحص اللزم وكانت الصَّمدةُ الصاعقةُ للزوج.. نتيجة التحليل (الطفل.. ابنك)..ولكن الزوج السابق كان مُلِحَّاً و مُصِرَّاً على إنكاره.. كيف ينجب وهو بعيد عنها لأكثر من عام ونصف.
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(((8))) كشف المستور: # بعدها جلس الزوج مع محاميه وناقشا الأمر سويا، وتذكر أنه مع زوجته الأولى زوجته القديم (طليقته) كانا يُتابعان في مركز للإخصاب.. ونصحه بزيارة مركز الإخصاب ومحاولة أخذ الملف الخاص بحالتهما أو الإطلاع عليه و محاولة معرفة الحقيقة.ولأن المفاجآت في القصة لا تتوقف، تفاجأ الزوج بأن عملية التخصيب تمت بعد الطلاق.. ولا يوجد توقيع الزوج بالموافقة على أوراق العملية.
# هنا رجع المحامي إلى المحكمة وأخبر القاضي أن الزوجة قد حملت من طليقها دون إذنه أو موافقته وأنها (زوَّرت) أوراق العملية في مركز الإخصاب . المحامي قال للمحكمة: (هذا الحمل من غير ارتباط شرعي بينهما مما يجعل هذا الحمل سفاحاً).
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
جريمة.. "حمل سفاح": النيابة العامة جرَّمت الزوجة السابقة على إقدامها على هذه الفعلة غير المسبوقة. وبما أنه لا يوجد قانون ينص على هذه الجريمة المستحدثة فأكتفت باتهامها بـ(التزوير في أوراق رسمية) لكي تكمل عملية الحمل، وأنها نسبت الطفل لزوجها السابق بشهادة الميلاد رغم علمها بأنه شرعاً ليس بأبيه. (((9))) المحكمة في حيرةٍ من أمرها:
المحكمة احتارت في أمرها ورأت أن النسب صحيح لتطابق الحمض النووي وحكمت بصحة نسب الطفل لأبيه. واحتفظت للأب بحق نقض الحكم والطعن فيه والمطالبات الأخرى، وحوَّلت القضية برمتها لمجلس الفتوى والإرشاد للفصل فيها.
قرارٌ صادمٌ جقاَّ: # ثم جاء رد هئية الإفتاء بأن التراضي كان قائماً بين الطرفين آنذاك، وحينما حدث الطلاق لم يطلب أيٌّ من الزوجين التخلص من مُتَعَلِّقاتهما المَنَوِيَة المودعة بالحفظوالصون لدى "بنك الإخصاب"، و هذا أعطى الحق للأم بأنتواصل المسير ة في إجراءات التخصيب الصناعي لتحقيق أمنيتها ، علَّا برضو الواحد كمان يرجع يقول الراجل:( ياخي موش تحمد ربك بس ظاطو لما جابت ليك كيس مليان تيمان شُفَّغ أنابيب؟!!)
# و لكن طبعن دا علماً بأنها لم تأخذ من حيوانات زوجها المنوية شيئاً بعد الطلاق و لم تقابله.. فربما تكون بذلك استخدمت جزءاً لا يتجزأُ من حقوقها شرعاً وأن الحمل صحيح وأنّ يُنسب الابن إلى فراش أبيه .
السؤال: هل بما جاء به مجلس الإفتاء صحيح ٌام معيبٌ، أم ماذا تقولون؟!
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(((10))) ( ورطة في عز صلاة الجماعة) (منقوووووووول ) حيث يحكي أحدهم : أمبارح في صلاة العشاء حصل لي موقف غريب جدا ولو الموقف دا ما حصل لي انا شخصياُماكنت صدقتو ابدا انا كنت واقف في الصف الأول وفي نص الصف وبصلي بكل خشوع والركعه الأولي عدت بكل سكينه و خشوعٍ تامٍّ . وقمنا صلينا الركعه التانيه وجلسنا جلوس الوسط القبل السلام يلا اتاريهو في اللحظه دي واثناء ماانا جالس يقوم يجي ضب من وراء وينحشر لي ب تحت السروالوانا لحدي اللحظه دي مارعارفو دا ضب الأ بعدين الجماعه الوراي وروني انو دا ضب وهم شافوهو لحدي دخل لي بسروالي # اها فجأه كدا حسيت لي ب حاجه خشنه حايمه جمب ركبتي وانا جالس .في البدايه ماركزت قلت تلقاهو دا السروال اتكرفس مع القعده واتكرضم بعد شويه كدا أحس ليك بالنصيبه دي ماشه طالعه فيني ب وراء حاولت اتململ شويه كدا عشان لو في طريقه ينزل وفعلاًهدأ اللعب شويه قلت خلاص الحمدلله مرق وانا ماعارفو دا ضب برضو اها تمينا التشهد بتاعالنص وقمنا ع حيلينا اها مع الوقفه دي احس ليك ب حاجه وقعت لي تحت في مناطق العمليات وشكلو كدا الوقعه دي خوفتو لأنو هاج فيني هيجه ماعاديه بقي يجري جوه يمين شمال وغالبو يسوي شنو وانا بهنا طبعا دخلت في عالم تاني لأنو الضب دا بلعب في اعز مااملك في حتات كدا حساسة شديد و ما بتسحمل أي هبشه لأنو كلها مرتبطه ب اعصاب متعصبه شديد ومتشدده اها بقي هو بجوه يفرفر و انا ب بره أفرفر وراسي ينقز براهو زي راس الجريوكس البختو في العربات ب قدام داك المهم حركات كدا لاشعوريه وكتفييرقص براهو واشتح في كرعي واضم فيهن وهو لسه يفرفر وانا مستغرب دا شنو دا ياربي الأنحشر لي دا خلاني زيالمنشحط لي فوق في صاج حار لامن بوخو يلوي .
اها بعد شويه كدا الفرفره وقفت قلت الحمدلله وفجأه كدا وبدون اي مقدمات يقوم الضب يعضيني واول مره في حياتي اعرف انو الضب بعضي اها عليك امان الله الساعه الكجمني ليك في حته كدا مابقدر اقول اسمها لمن صرخت جاااااااااااااااااااك لمن صداء الجامع كلو بقي يقول جاك جاك جاك . اها كان قاعد جمبي عم الطيب بصلي في كرسي وهو قاعد وجمبو لصقو طوالي حاج الطاهربرضو بصلي في كرسي قاعد اها مع العضه وصرختي ديك اقوم لا شعوريا اكفت عم الطيب في قدومو لمن قنت قال اوووووم بصوت مكتوم كدا ومسك قدومو بيدو وقبل يتمهل سمح ألحقو ليك ب رفسه في كلوتو لمن قلبتو في حاج الطاهر وحاج الطاهر التقول قاعد ع الهبشه ف برضو جا متهايرفي الجمبو بهناك وقطعوا صلاتهم الاتنين وبقوا يقولوالاحولا ولا قوة الأ بالله في شنو ياناس السقف وقع ولا شنو؟!!
# أها انا مع العضه وبعد الصرخه ديك لا شعوريا كدا ختيت يدي في محل العضه وقبضت الضب تحت الهدوم لقيتو ليك نصيبه كبيره خلاص ولحدي هسي انا ماعرفتوضب ف لمن لقيت النصيبه كبيره افتكرتو دابي كبير ف نطيت من الصف من الأول لقدام وانا ماسك الضب تحت الهدوم وبقيت اكورك الدابي الدابي واجري بقدام الأمام لحدي نهاية الصف هناك واجي راجع وانا قابضو تحتهدومي وأكورك الدابي الدابي ياناس انتوا بتصلوا في شنو الحقوني ياخ و تاني اجي افنجط قدام الأمام وشوف عيني دي الأمام يعاين لي بقعر عينو وهو عامل فيها بصلي اها لمن شفتو بعاين لي بقيت أكورك كلكم كضابين ماعندكم صلاه ياهو دا امامكم يتلفت براهو اخير تلحقوني ساي وبرضو مافي زول اشتغل بي عاملين فيها خاشعين ومابتلفتوا ولا بقطعوا الصلاه وطبعا عم الطيب وحاج الطاهر لسه متكايتين يكربشوا عايزين يقوموا وماقادرين وحاج الطاهر يصرخ مخروقتي انكسرت أحي احي احي وانا افنجط اصل نهاية الصف واجي راجع ولسه قابض الضب تحت هدومي في النهايه بديت املص في هدومي واجدع وانا جاري جدعت الجلابيه والفنيله الداخليه وبقيت بالسروال بس طابيهو وبحاول افك فيهو عايز اتمولص ليهم ميطي رسمي
# اها في اللحظه دي هم تموا الصلاه وجوني جارين مسكوا السروال قبل املصوا ليهم لقوني قابض الضب تحت السروال بقوا يقولولي كدي اقيف يازول كدي فك السروال دا قلت ليهم مابفكوا بطلع لي فوق كان فكيتو قالوا لي هو شنو هو؟ قلت ليهم الدابي دا وانا ماسكو هسي قالوا لي دابي شنو دا ضب يازول وياهو دا ضنبو مقطوع كدي صلي ع النبي فكو خلينا نمرقوا منك المهم بعد تحانيس فكيتو ليهم قاموا برررااااحه نفضوا السروال والضب جا واقع تخ قدر الهجمه وقع نجيض مااتحرك شبر واحد شكلو كدا مات ولا دايخ من القبضه الكنت قابضا ليهو ماعارفو المهم جابوا لي هدومي المجدعات بالجامع كلو وشالوا الضب جدعوهو بره قمت براحه وانا خجلان لبست هدومي وطلعت من الجامع مدنقر في الواطه خليتم يرفعوا في عم الطيب وحاج الطاهر ومشيت بيتنا وحلفت بيني وبين نفسي كدا انو تاني ما اصلي في الجامع دا ابدا ماعشان الضب ولا حاجه عشان خجلان وعيني اتكسرت مابقدر اقابل الناس ديل اقابلهم بياتو وش وانا انفضحت قدامهم بالصوره دي شي مليص هدوم وشي كواريك وشي جري وفنجطه المهم وصلت بيتنا وجسمي كلو يرجف ومكوش براهو ولسه حاسي بفرفرة الضب جواي لمن شعر جلدي كلو واقف شوك شوك والحمدلله انو ابوي ماجا الصلاه اليوم داك كان فضيحتي بقت ب جلاجل و كان قطع رقبتي وحشاها حش من قعرها ياخ انعل ابو دا ضب دا زاتو.!!
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
{12} // عيشة الدجالين في المسحلبين // عاجل بمانشيت صحيفة الدار العصير: ∆ دجالة تنهب 150 مليون كاش، من عشمانة في العرس.
[} دي واحدة بابريكس ملهلبة لجأت لدجاله تدرعا في الجنا الباكية فوقو بكآ السنيين لامن مريلة و قافله عليهو ب( دو هارت). الشاهد الدجالة قبضت منها البياض و قالت لها اعتبريه من هسي في حضنك! و احجزي صالتك ساي لانو الأمر مقضي خلاس.البنية. ما صدقت دفعت لها عرق جبين أبوها و عاشت سنين ضوئية في أحلام ليلكية و أماني سندسية. مشت و جات بكرة تقابلا المسا. يلا فضلت تدق في الباب لامن الجيران مرقو قالوا ليها دي قامت دغش بطيارة دبي؛ و لو قريبه بتكون متجدعه جديع الضان في شاطئ الراحة. أول تعليق😂 - فعلا، حلم البايركس عقد. هسي كان شلتي قروشك وجيتي جبرة جنب جامع بلال تلقي الغنامة كيمان متل كلاب الحر في الضللة.تعزلي طلبك. تشتري ليهو. ركشة جانسي بي 70 مليون..و حفلة و حنة و الذي منو في الشمندورة؛ معاهو عشاء ب40 مليون، شيلة ب 10مليون ؛ زايد ريحة ب10 مليون.و تاخدو شهر شهرين عسل ب 10مليون و التالت يمر إن شاء الله بصل ب5 حيكون باقي ليكي فكة 5 مليون تديهو ياها نثريات لزوم العلف.صدقيني عريسك بكون مبسوط لآخر ضرس؛ و ح يكتب في ضهر ركشتو بي ورا {السمحة قالو مرحلة}. (بالله عليك الله، موش عرب و الحظ ضرب؟!)!
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: Amira Hussien)
|
Quote: ضحكت كتير ......وبكيت أكتر رحم الله أمهاتنا ، ومهما طال الفراق ، ما زالت الأنفاس الزكية والأرواح الطاهرة ترمى بظلال وريفة على دنيانا...
|
((15)) [} لادألا، لا أضحك الله لكم سنا، و لا أنزل منكم دمعا و لا أشبع لكم بطنا إلا بحلال طيب گطيبة قلبكم و نقاء سريرتكم ؛ آمين.
[} كانت تلك مجرد وقفات متلفتة إلى دواخلنا بحثا عن أثر بعد عين لملامح جنود مجاهيل ياما سقونا من نبع الحنان و ياما غرسناهم هناگ؛ و لكن ما دفناهم.
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(15) في جوار الجامع الكبير ، حيث يزدحم المكان و يعج بالشحادين ، ناس طالب من الله ، من ذوي الاحتياجات الخاسة . و مع قولة فتاح يا عليم رزاق يا كريم جاهم زول مرسلاه جعمية خيرية و معاه كيس مليان ضحاكات. فأول ما الراجل قال بسم الله ، فتح الخرتاية و بدأ يوزع على الجماعة ، يجي ليك واحد نشال طاير من هنووك و منِّيش عليه متل الحدية على السِّوسيو و راح خاتف منو الجمل بما حمل و لحس راحاتو و أطلق بيها كرعينو مع الريح لا يلوي على شيء و خلَّا أخينا دا محتار و فاتح خشمو ملح ملح .
# لكن جماعتك المتضررين من عملية السطو، قالو : على مين يابا و ما يتحير علا مغَيِّر، يلا في رمشة عين نسو عاهاتم و قامو ليك الأعمى شايل المكسر فاكين البيرق ورا النشال؛ بالله خلال دقايق بس جابوه متل الكلب الأكل الدريش ولقوه جنازة شبعو فوقو لطم و شلاليت.
| |
|
|
|
|
|
|
Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)
|
(16) عمك كرستلاوي مغترب في السعودية . عايش خرمان ريقو ناشف لامن يوم داك جاي نازل إجازة اتصل بصاحبو من أيام الزمن الجميل يلاقيه يستقبلو. فداك جاه ليك بجركانتو مليانة بالزي منو . لكن الموشكلة إنو نسيبو أنصاري سنة برضو حلف إلا يجي معاه . فهم راجعين في الطريق و بعد تبادل فروض السلام و عبارات الشوق و الحنين صاحبو قاللو: و الله جايب ليك معاي هدية بتحبها علا لكن الظاهر ما ليك في الطيب نصيب ، لأنو زي ماك شايف قطرنا فيه عسكري ؛ فماني عارف كيف نضرب السنة دي قدام نسيبك الحقنة دا، غايتو علا بعد نوصل ، داك طبعن شفقان قاللو: نوصل وين ياخي ما برضو حا يجونا مية حقنة يساهرو بينا صباحي . قاللو: يا زول ابشر، و ما يتحيَّر علا مغَيَّر؛ فوضعو ليها الخطة (ب) قاللو: في الطريق إتا تشيل الجركانة تنزل تضارىبيها وراء بُتُّق الشدر و تكجر فوقا هدومك تعمل فيها زي البتتسير و يلا تاخد لك فيها كرعتين تلاتة تملأ قرنك تب و تجي راجع تناولني ياها أنا حتي أشيلا أطلع بيها زي الناس و أجي و هلم جرا. فصاحبنا أنصاري السنة شايفم ليك بعملو في العملية المهببة دي قال ياربي الجماعة ديل عندهم سلس بول و لا انفلاتريح ولا شني الحكاية ؛ الكلو شوية شايلين الجركانة مسوين بيها الدرب ساساقة و يجو فقام لاقى عمك و هو راجع مسك منو الجركانة قال حتو داير يكطع الجمارو بالمرة يتوضأ للعصر.بس عشان ربنا يكشف أمرهم . فلامن في النهاية اضطرو يوروه إنو دي فعلن موية صافية لامن شفافة؛ لاكين ما طاهرة و غير صالحة للاستنجاء ناهيك عن الوضوء
| |
|
|
|
|
|
|
Re: عنصرية تقيلة معتتة شنو راح لامز مزننمة عدييل (Re: دفع الله ود الأصيل)
|
(18) [} واحد قال جاني إتصال📞 بس مع رفعة الطبق للإفطار و أنا بتكلم في التلفون ، مرتي عينا ضيقة، قعدت تسنتت و قالت لي: صحبانك ديل يهود ياخي و لا شنو ؟! يا كافي البلا و يا حايد المحن ؛ الشي لا بصلوا لا بعرفوا الله! دحين هسي دي عليگ الله بس مواعيد يتصل فيه بني آدم فيها و لا يعني بس نظام تحنك؟ قلت ليها يا زولة قولي بسم الله : دا فلان أخوك فلان جاي، قالت . أنا طوالي زولتك فصلت و قالت : هي يا حليلو ود أمي ، تلقاه لسة ما أذن عندهم .
😂😂😂😂😂
| |
|
|
|
|
|
|
Re: عنصرية تقيلة معتتة شنو راح لامز مزننمة عد (Re: دفع الله ود الأصيل)
|
{19} [} ﻣﺮﺿﺖ إﺣﺪﻯ ﺑﻨﺎﺕ ﺍلأﻣﺮﺍﺀ ﺑﺼﺪﺍﻉ ﻧﺼﻔﻲ ﻣﺰﻣﻦ ﻓﻲ ﻋﻬﺪ ﺍﻟﻄﺒﻴﺐ ﺍﻟﻤﺴﻠﻢ ﺍﺑﻦ ﺳﻴﻨﺎ ﻓﻨﻮﺩﻱ ﻋﻠﻴﻪ ﻟﻌﻼﺟﻬﺎ . ﺩﺧﻞ ﺍﺑﻦ ﺳﻴﻨﺎ ﻋﻠﻰ ﺍﻟﻤﺮﻳﻀﺔ ﻭ ﺑﻌﺪ ﻓﺤﺼﻬﺎ ﻟﻢ ﻳﺠﺪ ﻓﻲ ﻇﺎﻫﺮ بدنها ﻋﻠﺔ تذگر.
[} ﻓﺄﻣﺴﻚ ﻧﺒﻀﻬﺎ ﻭ ﺭﺍﺡ ﻳﺮﺩﺩ ﻋﻠﻰ ﻣﺴﺎﻣﻌﻬﺎ ﺍﺳﻤﺎﺀ ﻣﻨﺎﻃﻖ ﻭ ﺃﺣﻴﺎﺀ قاع ﺍﻟﻤﺪﻳﻨﺔ . ﻭ ﻋﻨﺪﻣﺎ ﻭﺻﻞ ﺍﻟﻰ ﺍﺳﻢ ﺣارة بعينها لاحظ ارتفاع في وتيرة ﻧﺒﻀﻬﺎ ﻭ تسارعا في ﺿﺮﺑﺎﺕ ﻗﻠﺒﻬﺎ... ﺭﺩﺩ ﺍﺑﻦ ﺳﻴﻨﺎ أسماء أزقة ، نفافيج و ﺑﻴﻮﺕ ﺍﻟﺤارة ﻋﻠﻰ سمع ﺍﻟﻤﺮﻳﻀﺔ ﻓﺰﺍﺩ ﻧﺒﻀﻬﺎ ﻋﻨﺪ ﺫﻛﺮ ﺍﺳﻢ ﺑﻴﺖ ﺍﺳﺮﺓ ﺑﻌﻴﻨﻬﺎ .. [} ﻋﻨﺪﻫﺎ ﺍﺧﺬ ﺍﻟﻄﺒﻴﺐ ﺍﻟﺤﺎﺫﻕ ﻳﺮﺩﺩ ﺍﺳﻤﺎﺀ ﻣﻦ ﻳﺴﻜﻨﻮﻥ ﺫﻟﻚ ﺍﻟﺒﻴﺖ ﺣﺘﻰ ﻭﺻﻞ ﺍﻟﻰ ﺍﺳﻢ بعينه ﻣﻦ ﻓﺘﻴﺎﻥ تلك العائلة. ﻓﺈﺫﺍ ﺑﻘﻠﺐ ﺍﻟﻤﺮﻳﻀﺔ «ﻳﺪﻕ .. يدق و أنا قلبي بدق » ﺑﺴﺮعة ﻭ ﻳﺰﺩﺍﺩ ﻧﺒﻀﻬﺎ ﺯﻳﺎﺩﺓ ﻣﻠﺤﻮﻇﺔ. [} ﻋﻨﺪﻫﻬﺎ ﺻﺎﺡ فيهمﺍﺑﻦ ﺳﻴﻨﺎ ﻭ ﻗﺎﻝ: ﺯﻭﺟﻮﺍ ﺍﺑﻨﺘﻜﻢ ﻣﻦ ﺫﺍﻟﻚ ﺍﻟﻔﺘﻰ ﻓﻬﻮ فارس أحلامها و طبيب ﻋﻼﺟﻬﺎ!!! [} أيوة گدة ياخي ﺩﻳﻞ دﻛﺎﺗﺮﺓ زمان الناس حونان ﺍﻟﺒﻔﻬﻤﻮ ﻓﻲ ﺍﻟﻄﺐ و لا بلاش . ﻣﺶ ﺩﻛﺎﺗﺮت غفلتنا هسي ؛ الواحد يلم فيك: طلع لسانك و قول باااااااااااع و أجبد نفس عميق؛ خرفان ضحية نحن ياخ؟ ثم گيف تجي دي زاتا بالله ، أجبد نفس و أنا فاتح خشمي بي بلاجة و مارق لساني شبرين؟!؛
[} فأي ﻭﺍﺣﺪﺓ خسوسن لو بايريگس بالذات أهلها ﺣﺎﺳين ﺃﻧﻬﺎ عندنا خمة نفس و وجع صفقات طوالي يدﻗﻮﺍ ﻋﻠﻰ عمك ﺍﺑﻦ ﺳﻴﻨﺎ " ﺍﺫﺍ ﻣﺎ ﻋﻨﺪﻛﻢ ﺭﻗﻤﻮ ،،،، ﺩﻗﻮا ﻋﻠﻰ ﺍﺧﻮﻫﻮ ﺟﻮﻥ ﺳﻴﻨﺎ ، و لا حتى الراحل كمال سينا من ظرفاء أمدرمان😂😂😂😂
| |
|
|
|
|
|
|
Re: عنصرية تقيلة معتتة شنو راح لامز مزننمة عد (Re: خضر الطيب)
|
{ 20} سلمت أخوي خدر و يسلم لي ضراعك. و دي كمان اندياحة من جوة بيت كلاوي الحراك بشعاراته النارية حيث « حرية سلام و عدالة و مدنية خيار الشعب».
[} فإذا كان الحوثيون قاعد يهددو السعودية والامارات و السودان بالصواريخ و الطيارات المسيرة بدون طيار. طيب السعودية و الإمارات ديل عندهم مضادات صواريخ . و لكن نحن مع شنو ناس قريعتي راحت ؛ مضاد حيوي ما عندنا لأبوبئة الگوليرا المسمنها تدليعا: مجرد « إسهالات مائية!! الله لا كسبك يا الحميرلاي حميرتي. 😭😭😭😭😭😭😭😭😭😭😭😭😭😭😭😭
| |
|
|
|
|
|
|
Re: عنصرية تقيلة معتتة شنو راح لامز مزننمة عد (Re: دفع الله ود الأصيل)
|
{21} ∆ بقلوب فائضة بالحزن و الأسى و بوجدان غاصة بالألم ، فإننا مضطرون لنرفع لمقام حضرة سمومكم العاطفي و نتقدم إلي جلالة قدركم بصادق التبريكات ، معطرة بأطيب التمنيات و منمقة بأحر التهاني، بمناسبة حلول هذا العيد الشهيد، و الذي عاد علينا في عامنا هذا و في بلدنا هذا بوجه تعلوه الگآبة و تلفه الرتابة ؛ فسالناه: « بأية حال عدت يا عيد أبدماء قد سفكت و كرامة أزهقت، أم العصيان فيك تمديد؟! »
| |
|
|
|
|
|
|
(من أطْرَفِ طَرَائف العرب) (Re: دفع الله ود الأصيل)
|
Quote: بالله يا ود الحيشان، يا ريت تكتر لينا من شمارات العرب ياخي ديل ياما تحت السواهي دماهي و نكون ليك شاكرين ، أخوك المشتاق دايمن و أبدن / أبو النور |
(23) حاضرين يا سيدي/ أبو النور بس شريطة تكونو حاضرين و متابعين و عشان خاطر عيون حلوين .. بشوف في رموشها ليل ونهار ولهفة تشيل مشاعرنا تقصر للخطي المشوار نجيكم نحنا مشتاقين فراشات تسأل النوار وخضرة قولنا عند اللقيا ياالسمحين تجف تحتار ***** عشان خايفين تسيبونا عشان خايفين نعيش في ودار حزين قلبآ بزورو الحب يا ريتو لو ما زار ***** شلنا الريدهةيا أحبــاب يباس أيامنا شلنا خــدار إنتو املنا إنتـــو اهلنـــا في غربتنــا إنتـــو الــدار و شراع الريــد بعيد عـدى و يتحدى طول سكة المشوار
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(((24))) @ يلا خلينا نقول بسم الله و نبتي بأول طريفة من طرائف العرب ، خاصةً و أنه ما أشبه بارحة لسان حالهم بليلة ما يدور في ببلدنا هذا:
@ فقد دخل أحد النحويين السوق ليشتري حماراً فقـال لسبايي الحمير: أريد حماراً ليس بالصغير المحتقر و لا هو بالكبير المشتهر: إن قدرت عليه علفه تراه صبر، وإن بحبحت له شكر، حماراً لا يدخل بي تحت البواري و لا يزاحم بي السواري، إذا خلا في الطريق تَنَهَّقَ، و إذا كَثُر الزحام ترفق فقال له السبابي وقد تشجر من فزلقته بالكلام :
- دعني إذا مسخ الله القاضي فلاناً حماراً بعتُك إياه. ولعله كان يرمز بقوله إلى القاضي الشهير إياس بن معاوية الذي لمَّا قيل له: إن فيك عيوبـًا: أبرزها دمامة الخَلْق،وإعجابك برأيك، وعَجَلتك بالحُكم قال مكابراً : أماا لدمامة فليس أمرُها بيدي. وأ ما اعتدادي برأيي، قال : أفليس يعجبكم ما أرى؟ قالوا: خوفاً من بطشهه بل يُعجبنا. قال: إذاً ، فأنا الأحرى بأن أعجب بقولي. و أما العجلة بالحكم ، فكم هذه؟ومدّ أصابع يده. قالوا: خمس. فقال:و كأني بكم قد عْجَلـْتم بالجواب و لم تَعـُدُّوها إصبعـًا إصبعـًا. قالوا:كيف نعدّ مانعلمه؟! فقال لهم:و أنا، كيف تريدونلي أن أماطل بذمتي فأؤجل البتفي حُكمَ ما أعلمه بداهةً؟!
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
{25} {] بمناسبة فگة حظر النت، طبعن دي ما ممكن تعدي مرور كرام. يعني في أضرار كدا بسبب الانكطاع ما بتتعوض أبدن و كلو كلو خسوسن خسائر الأرواح و المعنويات؛ القيقات الراحن هينات😔
[} فدا وأحد اخونا مغترب أول ما النت ردت ليه الروح اتصل إيمو و هو يتحرق شوغا ل«حبيبة عمره يفش الخبر». الجكسوية بت لزينة بتاعة«حبيبي أمسك لي و أنا بكطع ليگ بالحاصل بي و الحاصل بيك» صدق لقاها باعتو بتمن بخس،. و يلا شترت « تيك أوي » و شتت تأكل رز بالعسل ، وين ! في شهر العسل !!! 😭😭😭
فا شنو، فقدوا جكسوااكم آ ناس هوي😢💔😢
| |
|
|
|
|
|
|
Re: (من أطْرَفِ طَرَائف العرب) (Re: Amira Hussien)
|
مرحبن بك و مسهلن بك أيُّ هذا الكعبُ العالي، بحجم وفدٍ كاملٍٍ و رفيع ا لمستوى ؛ و كفانا بك زائراً مواظباً بين الفينة و الفينة على تعطيررضابنا الخالية و بيادرنا اليباب بغُبار النور تنفضه من زعفران قرع نعليك .
© هذا، رغم إنو شُلتنا نس ود الماطامير و أبو إيثار و سواح عاشق الترحال و التنين نفاخ النار طبعن حاقدين جدن كانو بقولو لي خزعبالتك القاعد تخرمجا هنا دي ولا في زولن كدي قاعد يقراها ليك . فقلتُ لهم: تباً لكم أيها الإوغاد أتدعون أنه لا يقرؤني أحدٌسواي،إذنن، فمن أين لگم بهذه الارقام المهولة من المشاهدات الفلكلية المسجلة أمام ناظريكم هنا ، اللهم إلا إذا كنت متعدداً لذاتي . أم أنها يا تُرى أنهم عفاريت من عيال الجِنِّ أو (بنات إبليس)، حيث يأتونَ يوماتي بقطعٍ من الليل، زرافاتٍ و وُحْداناً، لنزول ساحتي و زيارة زاويتي . يعني بعد كدا و أنا جاي أتاوق ، ما اسمي الله و أدخل بيميني .
# فقط واجبٌ علينا التنويه ، إلى أن ما أكتبه هنا ليست مجرد ثرثرةٍ نتخذها ذريعة و حيلةٍ ماكرةٍ لطرد خلوف الصائم عن الكلام بطول االسكات الذي يقال جزافاً أنه من ذهب ؛ كما سميتَه ا لبعض ، و إنما هي آراءً حُرَّ ومقالات ضاربة في صميم الشأن اليومي العام و نريد من وارء رزميتهاقول الكثير المثير من المسكوت و المغاضى عنه ، إما من باب الخوف منه أو الخوف عليه.
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
……….(29)……… قال بنان الطّفيلي: دخلتُ يوماً على بعض بني هاشم فإذا أمامه لَوْزِينجَ من النَّشا و بياض البيض، حشوة اللوز المقشّر مع السكر والعسل الأبيض، ومندّىبالماورد،إذا أُدخِلَ الفم سُمِعَ له نَشِيش كَنَشيش الحديد إذا أخرجته من النار وغمستَه في الماء. فلم يزل يأكل ولا يطعمني. فقلت: يا سيدي: "إنّ إلهَكُمْ لوَاحِدٌ وإن لالدين لواقع". فأعطاني واحدة. فقلت: :إذْ أرسلنا إليهم اثنين". فأعطان يثانية. فقلت: "فَعَزَّزْنَا بثالث". فأعطاني ثالثة. فقلت: "فَخُذْ أربعةً من الطَّير فَصُرْهُنَّ إليك". فأعطاني رابعة. فقلت: "خمسةٌ سادسُهم كلبُهم". فأعطاني خامسة. فقلت: "خَلَق السموات و الأرض في ستة أيام ثم استوى على العرش". فأعطاني سادسة. فقلت: { وَلَقَدْ آتَيْنَاكَ سَبْعاً مِّنَ ٱلْمَثَانِي وَٱلْقُرْآنَ ٱلْعَظِيمَ}. فأعطاني السابعة. فقلت: "ثمانيةَ أزواجٍ من الضَّأن اثنين ومن المعز اثنين". فأردف لي بالثامنة. فقلت: { وكان في المدينة} تسعة رهط يفسدون في الأرض و لا يصلحون}. فأعطاني تاسعة. فقلت: "تلك عَشَرةٌ كاملة". فأعطاني عاشرة. فقلت: يا أبَت إني رأيت أحَدَ عشر كوكباً و الشمس و القمر رأيتهم لي ساجدين". فأعطاني الحادية عشرة. فقلت:" إن عِدَّةَ الشهور عند الله اثنا عَشَر شهراً في كتاب الله". فأعطاني الثانية عشرة. فقلت: "إن يكن منكم عشرون صابرون يغلبوا مائتين". فقذف بالطبق إليّ و قال: كُل يا ابنَ البغيضة و اغرب عن وجهي! فقلت: و الله لئن لم تُعْطيِنِه لقُلتُ لك:" و أرسلناه إلى مائة ألف أو يزيدون.
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(30) {دي بقى واقعية من طرايف أهلنا الغبش} [} يروي بطلها: كنت جاي على مدني من الخرتوم محل حميرتي و البلهان بنوم و التيارة بقوم. نزلت قريب الحصاحيصا حلتنا فركة قدم في جو خريفي حالم : المطر نازل بعنف مع المغرب و في عز الضباب الرؤية شبه معدومة.
[} إذا بعربة ملاگي تدنو مني، فظنيت صاحبا أبو مروة داير يرفع كراعي معاه يجنبني بهدلة المتاعب و ينوبو فيني ثواب . ففتحت الباب و ركبت و سرعان ما بادرته بإلقاء تحية الإسلام السلام ؛ و أردفتها بتوجيه صوت شگري و عرفاني و امتناني لموقفه الإنساني النبيل و حسن صنيعه بي.
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(31) [} كانت المفاجأة الصادمة حد الدخول في فلم رعب خطير ؛ أنه لم يكن هناك سائق أصلن لگي أجزل له تشگراتي أو لأجاذبه طرفي الحنك . و من هنا حنكيني زاتن بدن يطاقشن و أرتجف خوفاً لامن شعرت جلدي كلبت.و ما زاد طيني بللاً فوق صبيب المطر، هو أنني شعرت و شفت بأم عيني يداً خفية تمتد من خارج النافذة لتمسك بعجلة القيادة و تتحكم بتوجيه خط سير الغربة تارة ذات اليمين و ذات اليسار تارة أخرى ، و ببطء شديد ؛ مما حدا بي لأهم بالاندفاع خارجاً كي أنفد بجلدي بكل ما أوتيت من قوة و من رباط الخيل؛ لو حالة الذعر عطلت حواسي الخمس و أصابني و جوز و تبلد.
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(32) [} و رغم إنني كنت عامل فيها أشفت زول ولا بؤمن بالطيرة، و لا بأنو نوع «الشينين سراي الليل» من عفاريت الجن و بنات إبليس يكون ليهم سلطان على بني الإنسان و إنو ممكن يوم يلاقوك براك في فرقة و يجهجهو باكاتك و يلحسوك المرقة !!
[} لكن اليوم داك عرفت حاجة. و قعدت غايتو أتمتم بشيء مما تيسر لي من آيات الذكر الحيكم.المهم لغاية ما قدرت شنو استجمع قواي البدنية و العقلية المعتبرة شرعاً و قانونا لأقذف بجتتي المتهاكة في حالة إغماء تام. ما فلو منها إلا أيدي شبان وجدهم و قد حملوني إلى استراحة كافتيربا خلوية هناك.
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(33) [} فوقوني من شبة غيبوبتي لأجدهم متحلقين حولي في لهفة و تشوق عجيب لگي أقص عليهم فصولو شمار مأساتي المذهلة. في الأثناء ، و بينما نحن منهمكون و مستمخون مع محبكة السرد ومتعة الإصغاء، إذا برجلين غريبين أشعثين أغبرين يدخلان علينا في الكافتيربا ، و قد بدا عليها أثر الإنهاك و وعثاء السفر . يل، أول ما وقعت عين أحدهما في عيني، إذا به يشير لصاخبه ناحيتي و يقول ليه:" شوف ياهو داك الزول الأناني المعفن القبيل جاناىإتچگن ركب لينا جوة العربية و نحنا لازنها؛ دا بدل ما كان يمد بدو يساعدنا"
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(35) السائل:- دخلت لي في صندوق وشلت أول صرفه وكبيت الزوغه!. هل ممكن ربنا يغفر لي؟ الحكيم :- باب التوبه مفتوح... بس عشان ربنا يغفر ليك رجّع ليهم قريشاتهم أو أخد العفو منهم. السائل:- المشكله القروش عرست بيها ومشيت بيها شهر عسل في ماليزيا!. الحكيم :- بالغت ياخ!....ليه عملت كده؟! السائل :- حدث ماحدث. الحكيم :- بالله شعورك كان شنو وانت في ماليزيا وخامي قروش الناس. السائل:- زي إحساس حميدتي حسع!. حسع الحل شنو؟ أطلق المره وللا أعمل شنو؟ الحكيم :- الحل في كلمه واحده. السائل :- شنو؟ألحقني بيها الحكيم :- توباااااااااااااااااااااااااااااااااااااااااااااو ∆ و أهم شيء: مدنياااااااااااااااااااااااااااااااااااااااو.
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(36) واحد مستنكح حب يستفيد من جوا لفوى الخلاقة الحاصل قا كابي الزوغة مع الجكسوية بتاعتو و تاهو في دهاليز وأوكار كولومبيا . و لامن قضى أوطاره وجا راجع الولية عملت لو لجنة تحقيق وقفت لو شوكة حوت في لهاتو : * و ين كنتا هامل كم يوم ؟!! و الله أهلي فقدوني من يوم فض اللعتصام خافو علي أكون في عداد الموتى أو المفوقدينن فمشيت أطلهم و أوريهم وشي. فلقيتم مفرشين على أمي ماتت بسبب حسرتا على شبابي!! * طيب ما تسأل عني أنا الحصل أنعلي بجاي شنو بوراك؟! ياخ موش الجنجويد جو ساقوني و هددوني يا أغني و أرقص ليهم ؛ يا يموينوني و ييودني لبيوت الأشباح يسوو فوقي السبعة و زمتا ؟!! - أها ، و إن شاء بس زينوك ورقصتي ليهم حتيتي كمبلة زي الناس لأنو الخيار التاني معروف البسوو فيك أخير منو تموتي عدييل كدا - طبعن ما بقدر أغني وأرقص و أمك ميتة لسة عينا ما انقدت. هههههههههه ود أم زقدة على قولت سمعة تحين ما قفلتو نوبة.
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(38) نكتة قديمة (بشة واردوغان واللمبي) ههههههههههههه ∆قالك بشة على أيام قبال الخلعة ،مشى تركيا التقي اردوغان سألو: قدرت تنهض بي تركيا لمصاف الدول العظمى عملتها كيف دي؟! رد عليهو وقال: بختار مساعدين ذكياء - بشة: بتعرفوهن كيف اذكياء.... اردوغان قال ليهو بي كل بساطه بسألهم أسئلة بسيطة... البشير قاليهو: زي شنو يعني؟
∆ ابتسم اردوغان و قال: دقيقة: بوريك... . نادى الوزير داؤود أوغلو وقاليهو: ياداؤود ناس امك و ابوك رقدو ما بعضم وجابو ولد هو لا اخوك و ولا اختك ممكن يطلع منو دا؟ داؤود جاوب بكل بداهة: ما دا انا طبعن. ∆ البشير رجع متكيف وقال أسأل الجماعة.... لاقاهو عبد الرحيم في المطار أثناء ما هم راجعين سأله قاليهو: ياعبد الرحيم امك و ابوك يوم رقدو رز سوا في الليلة ديك و جابو فنطوط لاهو اخوك و لا اختك أها يطلع منو دا كمان يلا كلها يا شاطر؟
∆ عبد الرحيم راسو سخن قاليهو: اديني فرصه افكر شوية و اجيك.زولك سأل طوب الواطة مافي زول عرف الجواب، بعد يومين صادف صلاح قوش ناداهو :ي قوش امك و ابوك جابو شافع لاهو اخوك و لاختك يطلع منو؟ قاليهو يا زول بي صحك دا ما انا زاتي!!
∆ عمك رجع متكيف للبشير قاليهو: نقشتها يا بشة. قاليهو: اه يابو العريف منو؟قاليهو: ما طلع صلاح قوش.. قام البشير قاليهو: انا عارفك غبي من يومك واحد لمبي عوير و ما بتفهم الاجابة الصحيحة داوووووووود اوغلوووووووو
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(40) بالعودة إلى طرائف العرب و سرعة البديهة عندهم من براعة الإمام علي بن ابي طالب ورد أن أمير المؤمنين - عمر بن الخطاب - رضى الله عنه- لقى حذيفة بن اليمان فقال له عمر: كيف أصبحت يا حذيفة ؟ فقال حذيفة : أصبحت أحب الفتنة و أكره الحق و أصلى بغير وضوء، ولى فى الأرض ما ليس لله فى السماء .. فغضب عمر غضبا شديداً ، وساعتها دخل عليه الإمام علىّ بن أبى طالب وما زالت آثار الغضب على وجه عمر ، فسأله علىّ : يا أمير المؤمنين: على وجهك أثر للغضب ، فقال عمر: إنه حذيفة بن اليمان ، قلت له كيف أصبحت ؟ فقال:أصبحت أحب الفتنة و أكره الحق و أصلى بغير وضوء، ولى فى الأرض ما ليس لله فى السماء .. فقال علىّ : لقد صدق يا أمير المؤمنين .. يحب الفتنة : أى المال و البنين لأن الله يقول ( إنما أموالكم و أولادكم فتنة)، و يكره الحق : يعنى الموت.. و يصلى بغير وضوء : يعنى يصلى على النبى صلى الله عليه و سلم بغير وضوء أى فى كل وقت .. و له فى الأرض ما ليس لله فى السماء : يعنى له زوجة و ولد و لله لم يتخذ صاحبةً و لا ولداً .. فقال عمر: والله يا أبا الحسن لقد أزلت ما فى قلبى على حذيفة من غضب!!
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(41) // درامة رمال متحركة// { بس، متل حجوة أم ضبيبينة}
∆ مدير شركه قال لسكرتيرته : عندنا أنا وانتى رحلة عمل أسبوع رتبي امورك !
∆ السكرتيرة اتصلِت على زوجها قالت له عنديّ وحلة مع مديري أسبوع انت دبر امورك !
∆ الزوج إتصل على زوجته الثانيه اللي متزوجها في السر : قال لها زوجتيّ حتسافر اسبوع خلينا نقضي الأسبوُع مع بعض !
∆ زوجته الثانية تعمل مربيه لولد صغير إتصلت قالتِ له أنا عندي شغل أسبوع كامل ما بقدر اجيك ..
∆ الولد إتصل على جدّه قال له : جدي المربية عندها شغل أسبوع كامل ..
∆ وما بتقدر تجى خلينا كل يوم نروح مكان ونغيّر جو .
∆ الجد طلع نفسه هو مدير الشركة اتصل على السكرتيره قال لها : الغي الإجتماع لأنى مشغول مع حفيدي !!
∆ السكرتيرة اتصلت على زوجها قالت له : اتلغِت الرحله وأنا راجعة البيت !
∆ الزوج اتصل على زوجته الثانية قال لها زوجتىّ ما حتسافر وما حقدر اشوفِك ..
∆ الزوجة الثانية اتصلت على الولد الصغير قالت له لا خلاص ما عندي شغل وأنا حأجيك بكرة.
∆ الولد : اتصل على جده وقال له خلاص ياجدي المربيه حتجي خد راحتك ..
∆ الجد رجع اتصل على سكرتيرته وقال لها : حضري نفسك لازم نسافر للاجتماع .. كملوا باقي القصة أنا تعبت
*هكذا تجري 🏃🏃🏃🏃🏃🏃 مفاوضات الحوار الوطني بالسودان. *****((((+)))))*****
∆ ياخ واحد كرستلاوي عبر عن حواراتتا وطني على مجتمعبي بطريقة بلدية موووولالغة. قال: باقية علينا حكاية: مرة راكبين لفاتحة بهوستن داوودي موديل من حفرو البحر{سنة أم دقنوس}. ∆ قام وحلنا في ترس حقنة و وقف حمار الشيخ في العقبة. اللوري كطع سير مروحة؛ فما لقينا حل علا واحد مننا أتبرع بي تكة سروالو. درجتنا شوية و انكطعت؛ ملصنا تكة واحد تاني و هلم جرا؛ # لحدما كملنا تككنا تشت عليهن. حتين وصلنا بكان الفراش. هناك محتاربن ظاطو، شن نسوي: نرفع الفاتحة و لا نمسك لباساتنا.؟!
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(42)
Quote: كتب المرحوم mahagoub ابدعته فواصل بدون فواصل |
يا مرحباً و يا مسهلاً بعودتنا لهمس النوارس يحدو سربها العم المبجل الراحل /المحجوب ود عمر والنوارس لمَّا ترجل ما بترحل باختياراو الله لو كان هذا المتبر محزونا لانفضاض سامنا بعد رجعون نفسك المطمئة إلى ربك رضية مرضية ، أوقل لو كنا محزونين بقيراط و احد، فواللله لقد كان معيار وجدي لفراقك تحديداً 24 قيراطاً. فلكم تمنيت يوم افترقنا، وكم من أمل مر الخداع، وقفةً أقرأ فيها لك أشعارالوداع .. ساعة أغفل فيها لك أجيال امتناع. يا مناجاتي وسري و خيالي وابتداعيتبعث السلوى وتنسي الموت مهتوك القنــــاع .. دمعة الحـزن التي تسكبهـــا فــوق ذراعــي.. قف تأمل ، إذاً لتقرأ ما كتبته في حقك يوم رحيلك ياحبيبي شفت كل الكون مسافر لا زهر في روضة غنا و لا زهر عطر بيادر لا تلاقي يروي شوقي لا حديث يجبر بخاطر.......
(عدل بواسطة دفع الله ود الأصيل on 08-20-2019, 12:32 PM)
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(43) [} حكى لي واحد مغترب في قطر من جبل أولياء. قال : أمي جايبالا صلصة من جماعة (منتهي الصلاحية). فتحت لها علبة للملاح لقت الدود فاير جواها . قمت أنا خاتف العلب و فللي على سوق الجبل؛ هنا محل حمدوك بنوم ، و التيارة بقوم ؛ موش في ناس أبو گرشولة.
[} لميت في الشافع لقيتو شغال «سريح» تبع هامور كبير. رحت مقبقبو ليك ؛ دفرني متل هنوك و قال لي: ياخقوم لف،إتا بي صحك؛قايل إيدي دي بقدر يلوبها الزيك دي ربيانة بالمنتهي و الأجر على الله. شعارنا هنا بس أسغر منك دوسو دوس» دحين أبعد دمك و خلنا نلقط رزقنا.
[} و بينما تجمهر الفراجة حولنا اللعمى شايل المكسر للشمار، إذا برجل منفعل يتفلت ناحيتي هو خالي أخوي أمي لينبري لي من بين كل الخشد و يحشر فيني كف لامن نزلت مني دمعة و اليوم دا كان جمعة، و اللمة مجتمعة. قاللي: يا ولد عمى يقلع عينك ؛ يعني عشان جاي من «قطر قروش مطرةد» داير تسو لنا فضيحة في السوق ما الناس دي معانا من خلقنا و بناكل في المنتهي دا و فرد يوم ما فينا زولن كدي سمعنابو أبى العيش.
| |
|
|
|
|
|
|
Re: (من أطْرَفِ طَرَائف العرب) (Re: Ali Alkanzi)
|
(44)
Quote: Quote: آخر ما كتب رفيق الخيل واليل و البيداء و القرطاس القلم فقيدنا المرحوم/ العم Mahagoub Omer السلام عليكم ورحمة الله كنت احلم بأن احلق بالقروب فى آفاق اوسع و اشمل و أن نجتمع جميعاً تحت ظل وريف و لكن شاءت الله ان ينكسر جناحى ويمنعنى من التحليق بكم فأعتزر عن فقدانى القدرة فى التحليق واتنحى لمن له اجنجة قوية وإذا إلتأم الجناح وزال الظلام ستجدونىبينكم احلق من جديد وحتى ذلكالحين استودعكم من لا تضيع ودائعه واتمنى للجميع التوفيق ودمتم
متى آن لهذا الفارس أن يترجل؟! لله در هؤلاء الأماجد الذين سبقوني إليك حفاةً ، فوالله لولا خشية أن نكسر عنقك بباقات من أزاهير المدح و الثناء الجميل. لما شبعنا من النظر إليك مقام سمو الغطافي ك السامسبعين رضاً كليلة عن كلِّ عيبٍ ؛ حتى ترضى عنا و تقول فينا ما تظن، و ربما لسانحالنا يقول شيئاً أخر: و لكن عزائنا فيك هو أنك واحد من "ديل أهلي"و هذا الخير و الفالْ.. و إنّي محب ، و بعـضُ الحـبِّ قتالْ، منسوج كيانيمن روح و صلصالْ. و قلبي يصيح بصوت من قالْ : إلهي لا تعذبني فإني مقر بالذي قد مكان مني. و كان عشمنا أن تظل معنا همسة في قلوب العاشقين، و قيد أنملة على أوتار الحنين.؛ وبقايا ذكرى شاخصة لا تموت و لو بمر السنين، سنون العمر تمضي بنا خفافاً، فلا تدع لنا سوى حفنات من تجارب ، و تطوقنا بشريط رفيع من ذكريات ، أو فيض بازخ من أمنيات. عزيزي / المحجوب ، أيا نجماً بازغاً في سمائناً، و يا زورق ألحان ظللنا نبحر على متنك، و تغدق على الكل بعبارات مترعة بالوداد. يا ما تطاولنا عبثاً أمام سمهري قوامك؛ و يا ما تنقلنا معك عبر أروقة النفس نطوف في معيتك بيادر العزة عبرربوع البلاد من أجل أن نطرح البسمة على شفاه الحزانى و ننعش النبض في أوصال الكادحين. حيث ثرثرنا كثيراً عن كل شيءمباح. يأخذ بعضنا بأيدي بعض و نتقاسم عناء الرحلة كما زاد الطريق، ماضين على بركة الله ، فقلبنا معك ، وسدد الله على سراط الجنان خطاك ، لقد أخلصت العمل لله و لم تبخل علينا بكلمات كنت تلقيها بين السطور، لتحيي بها ضميراً ، و توقظ غفلة ، و تزرع بارقة أمل ،و تمسح دمعة ألم. فكيف يهون عليك أنتترجل بكل هذه البساطةً؟ لذا ، اسمح لي بالقول: إن، طلبكم كان مرفوضاً ، و قراركم مردوداً لولا أن المنايا أبد إلى تكون أسرع منا إليك لخطفك من بين أيدينا ! فإلى جان الخلد في عليين؛ آمين. صدر تحت توقيعيبقصر محمول على بساط ريح، و انتهى البيان!!!! !!
(عدل بواسطة دفع الله ود الأصيل on 08-25-2019, 07:21 AM)
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(45) π من أدبرات الثورة £ ∆ أخونا البلولة الكوز قال لمرتو تام زينو: فى شفع كتار فى الثورة حقتكم دى بيكوركوا : (مدنيااااو) ساي و هم ما عارفين زاتو شن معناها . قالت ليو : ما أنت و جماعتك تراكم قادننا ليكم30 سنة تكوركو: (هي لله) و ما ناقشين فيها الدقعة. و «الأَعْرَابُ أَشَدُّ كُفْرًا وَ نِفَاقًا وَ أَجْدَرُ أَلا يَعْلَمُوا حُدُودَ مَا أَنْزَلَ اللَّهُ عَلَى رَسُولِهِ لِهِ وَ اللَّهُ عَلِيمٌ حَكِيمٌ »
| |
|
|
|
|
|
|
Re: (من أطْرَفِ طَرَائف العرب) (Re: دفع الله ود الأصيل)
|
(46) Quote: ةآخر ما كتب المرحوم Mahgoub Omer اثرنى تعبيرك يا أصيل فأرجو أن اكون كما تظن ومتعكم جميعا بالصحة والعافيهحتى تكوتوا نبراس ينير طريق الآخرين فأنتم الزاد وزوادة السفر
|
(46) كان ذاك قيضاً من فيض ما أنت حريٌ به يا غالي وإذا كان تبسمٌ في وجه ذميم أدل على مروءةالمرء فما بالك بإعجابنا برائع و جميل مثلك..فقط نرجو لما قلناه أن يكون خارجاً من قلبنا ليصادف له في قلبكم مستقراً خالياً كن كصندلة ٍ ، تعطر فأس قاطعها كن وردةً ، عطرها حتى لسارقها لا دمنةً ، خبثها حتى لساقيها
| |
|
|
|
|
|
|
Re: π راحت عليگ £ (Re: دفع الله ود الأصيل)
|
(49) { دا واحد جبان رعديد بيحگي} مره قلت أصارح المُدام زوجتي واقول ليها: أنا عاوز اعرس ما قدرت اقول واخيرن كتبت الكلام ده في ورقة و أديتا ليها و أمريلله. كتبت في الورقة: ناوي اضوق طعم {العرس} مرة أخرى و بنكة مختلفة " سلمتها الورقة بيد راجفة. زولتك قرت ليك الورقة و مدتا لي قالت لي امسك و رقتك دي عليك و بس دقائق و بجيك . دخلت المطبخ و يلا الفار نقز في عبي . # جات مارقة و وفي يدها ساااااطور خروف الضحية. لسة بي دمُو ينقط طبعن ما تفتكروني خفت أفففو و أخوكم عاد قايلنو بخاف و لا بعر الخوف أناأخو الرايية ، لاكين بيني وبينكم ، أكان كشكش كديس تلقاني قايم صوووف . فغايتو ، لامن قالت لي بصوت عالي كدي اقرا لي ورقتك دي تاني .قريت ليها الجمله انا بعد إذنك يعني عاوز اضوق طعم (العدس) مره اخري. /center]
(عدل بواسطة دفع الله ود الأصيل on 09-16-2019, 11:27 AM)
| |
|
|
|
|
|
|
π عوداً على ما بدأنا به عن أطرف طرائف العرب £ (Re: دفع الله ود الأصيل)
|
(50) Quote: كتب ابوالنور افوتك مكسر انا معقولة ي عابر ياخ عمومن ، يا ريت نرجع تاني تواصل يا أصيل لينا في في طرائف العرب
|
تبرا ياخ من الكسير وتعيش كنفاً أمناً و جواداً جامحاً لفارسكم الجديد سائل ربي ينمو و يشب في عزكم ليرفع راية عازة في ركاب مجدكم يلا خلاس أبقى لا جوة نرجع تاني نديك شوية من نوادر أهلك العرب @ إذ يُحكى عن أحمد بن المعدل (عن أحد فقهاء اللصوص) قال : كنت عند ابن الماجشون ، فجاءه بعض جلسائه ، فقال : يا أبا مروان أعجوبة ، خرجت إلى حائطي بالغابة ، فعرض لي قاطع طريق، فقال : اخلع ثيابك . قلت : لم ؟ قال : لأني أخوك ، وأنا عريان . قلت : فالمواساة . قال : قد لبستها برهة . قلت : فتعريني . قال : قد روينا عن مالك أنه قال : لا بأس للرجل أن يغتسل عرياناً . قلت : تُرى عورتي . قال : لو كان أحد يلقاك هنا ما تعرضت لك . قلت : دعني أدخل حائطي ، و أبعث بها إليك . قال : كلا ، تريدت حيلة لتوجه عبيدك فيمسكو بي . قلت : أحلف لك . قال : لا تلزم يمينك للص . فحلفت له لأبعثن بها إليك طيبة بها نفسي . فأطرق ثم قال : تصفحت أمر اللصوص منذ عهد النبي صلى الله عليه وسلم إلى وقتنافلم أجد لصاً أخد بنسيئة [ أي : مؤجلاً] فأكره أن أبتدع . قال: فخلعت ثيابي له و عدت إلى أهلي عُرياناً مولاي كما خلقتني و كما ولدتني أمي حراً طليقاً!!
| |
|
|
|
|
|
|
Re: π عوداً على ما بدأنا به عن أطرف طرائف العر (Re: دفع الله ود الأصيل)
|
(51) ∆ واحده ساكنة (الثورة) حارة 13، تحديدن بين حميدان و الرومي ، على شارع الشنقيطي. بعدينك عندها عقدة عويصة من دولابا في غرفة العمليات ، أبدن ما ضايقة فيها طعم الهنا ؛ ليه ، لأنو بس كلما يجي البص ماري بالشارع، الدولاب دا يقعد يتراقص زي جبل الرجاف داگ المابنشاف؛ ضٍلًفٌو يتفتحن براهن.الزولة دي شايلة ليلا و نهارا حيح \ن تقفل و هن يفتحن.
[} لامن يوم جابت لها نجار ، ورتو الحاصل، و إنها خايفة الشيء دا يكونمسكون، مسلن فيه عفريت من الجن و معاه بت إبليس عاملين حفلة (تنكرية)جواه. النجار قال ليها يا زولة استهدي و قولي بسم الله. گدي انا بنحشر ليك في الدولاب دا و بنتظر جوة، عشان أنقش ليك محل الاى و أنت راقبي لي جية البص. يلا، قبال مازولگ يتوهط سَمِح، و في هذه الأثناء المهببة ، يقوم راجل المرة فجأة يجي راجع؛أتاريه ناسي موبايلو في الدولاب؛ طوالي مشى عليه راسو عديل؛ فأول ما فتح يلقي ليك المسكين دا مصنقر مبرعم وعويناتو منططات بُيُّضْ متل بصل الگلاب في الروبو يدينو زي بقولو: « محشورات في جراب الدقيق »؛ جنس بياخة موغف،لا يحسد عليه.
∆ يلا، ما لقى قدامو غير ينفقع من الضحك لحدما سال لعابه, ثم أجهشه البكاء . الراجل قال ليه: يا زول أظهر و بان و عليك الأمان أمان الله ماني هابشك علا بعد توريني المبهدلك گدي و مضحكك لامن مبكيك شنو ؟! النجار قاللو: يا زول، غايتو الداير تسوي سوي؛ لاني موش حلفت ليك ، لو مدغت ليك المصحف قدامك ورقة ورقة و قلت ليك إني مشرور هنا راجي بص الشنقيطي أصلگ ما حا تصدقني .
(عدل بواسطة دفع الله ود الأصيل on 09-19-2019, 06:08 AM)
| |
|
|
|
|
|
|
Re: π عوداً على ما بدأنا به عن أطرف طرائف العر (Re: دفع الله ود الأصيل)
|
( 52) ∆ شايقي وجعلي اتقدموا لي بنية سميحة عليها جنس طعومية لامن ترمي في( الشوق ). الجعلي قال ليها: انا اللسد النتر ، شيال التقيلة ، أنا المفطوم بي بليلة و ممسح بي عجين مر و مكحل بي شطة قبانيت. الشايقي قال ليها: أنا الراقد لمرتي رز ؛ بهابا و بسمع كلاما و بجيب الخدرة بورقا و بفركا و بضوقا (بالكنش) . و بملح ليها تاكل. بعدين، أقول ليكي حاجة: أنا باگل أي شيء خاصة الويكة، و بطبق «الگيكة» فوق «الكيكة» . ∆ يلا، طوالي زولتك فصلت ليك مع الشايقي. و اتلفتت للجعلي قالت ليه : و إنتا يا ساري الليل خليك جنبنا قريب ؛ و خليك مشمر جاهز ليوم الحوبة؛ أكان جانا حرامي متلب بنكورك ليك.
∆ طبعن، تلقاه دا أبو الشوش قرص ليها قال ليها:" أيوة ، شغليه بودي غارد ، حراسة ليلية" 😂😂😂😂😂
(عدل بواسطة دفع الله ود الأصيل on 09-20-2019, 02:56 PM)
| |
|
|
|
|
|
|
Re: ذكاء الإمام الشافعي (Re: دفع الله ود الأصيل)
|
( 56) ®صــــــراعُ الدَّجَاجَـــــاتَ)® {لا النافية للجنvsس{π × نق²} ® مع كامل احترامنا و تقديرنا لگنداكاتنا المربيات المعلمات الصامدات على نطاق بلادي :هنا دعاء منفعل لإحداهن مدرسة لغة عربية ضليعةو ثائرة على بعلها لأنه ضربها بأختها كنداكاية تانية،معلمة رياضيات عبقرية . لكن ، و بكل صراحة ،إبداع خرافي ؛لخصت فيه علوم النحو و الصرف و بلاغة المعانيمحسنات البديع و فن العروض؛ للعقول التي لاتزال تفقه شيئا من (شوارد بنت عدنان). ************ ∆ اللهم اصرفه عنها و امنعني من الصرف عنه! ∆ اللهم اجعلها مفردة معزولة عن محيطنا الخاص! و اجعل ما بيني و بينه عروة وثقى.. لانفصام لها! ∆ اللهم إن جمعته بها فليكن جمع تكسير و دشدشة! و اجمعني معه جمع مذكر و مؤنث سالمين غانمين!!!
∆ اللهم اجعلها من فصيلة « لا النافية للجنس» و أخوات كان و لم يعد (Was, But, Ceased To Be)بينما تجعلني من أخوات صار و سوف يظل.. و لا يزال العرض جاريا!
∆ اللهم اجعله منصوباً عندي بالفتحة الزاهرة و عندها مگسوراً بالصدمةا لمقدرة على قفاه ، منع من ظهورها تَعَذُّرُ الظروف المهببة و انشغال ( محلنا ) بحرگة الموناسبة و اللاموناسبة )!!
∆ اللهم اجعل معاملته لها {بالشِّدَِّ و الجَزمةالقديمة} و اجعل معاملته معاي {بالضمو السكون التام في الليل الهادي يذكرني حبيبي .. سوهدي و بوعداك .. جنني}!!
∆ اللهم اجعله عندها ظرفا عابراً و اجعله عندي حالاً قائماً و صفة باقية و نعتاً ملازماً و عطفاً لصيقاً و اجعلني له اسم موصول لا محل لما بعد من الإعراب!!
∆ اللهم اجعله عندي مبتدأ و اسماً لإنَّ و أخواتها و اجعله عندها خبراً لِلَيْسَ مقطوعة من شدرة!!
∆ اللهم اجعله لي فاعلاً مختاراً و اجعلني له مفعولاً لأجلي؛و اجعله لها مفعولاُ مطلقاً بالتلاتةِ و بينونة كبرى}
∆ اللهم اجعل شأني عنده مرفوعاً و اجعل شأنها عنده مجروراً جراً بالإضافةِ أو بحرف جر زائد !!!
∆ اللهم اجعلني عنده تاءَ متكلمٍ مبنياً ؛ واجعلها عنده تاءَ تأنيثٍ ساكنةٍ باهتة و لا مَحِلَّ لها من الإعرابِ!!
∆ اللهم اجعلني عنده فعلاً مضارعاً تاماً لاماً غير منقوص؛ و اجعلها عنده فعلاً ماضياً ناقصاً.
∆ اللهم اجعله عندي فعلاً صحيحاً و اجعله عندها فعلاً أجوفَ، زو مريضاً معتلاً في أولِه و في أخرِه!!
∆اللهم اجعله عندي ضميرَ رفعٍ متصلاً و اجعله عندها ضمير نصبٍ (منفصلاً) و مفارقا فراق الطريفي لي جملو!!
* فيا لها من ابتهالات فصاح و دعواتٍ باقيات صالحاتٍ؛ و إذا تقبلها الله عز ظهر غيب، فلا شكَّ أنَّ العلمَ نور، و له دورٌ في صياغة أصدق الدعاء بهواء ملهلب ساخن! *******************************! © ثم جاء دور الضرة لترد على غريمتها صاع التحية بمثلها أو بصاعين أسوأ منها و كانت هي الأخرى استاذة رياضيات لا يشق أنا غبار لي مضمارها؛ لتلقمها طامود صخرحطه السيل من عل ، و تگسحها عصفاً نارياً كاسحاً و (ردماً) عِلْمِيَّاً حاسماً:
∆ اللهم اجعل دعائَها دائرةً شؤم مغلقة تدور عليها..
∆ اللهم غيره عنها 180 درجةً على مقياس رختر لقياسالزلازل و التسوناميهات و الاحتباس الحراري!
∆ اللهم اجمعني معه جمعاً و اطرحها عنها طرحاً
∆ اللهم اجعل حياتي معه جمعاً و قسمةً و نصيباً و اجعل حياته معها ضربا بالشلاليت بالصرمة و طرحاسحلاً بالأرض!!
∆ اللهم اجعله مستقيماً عندي و عندها شبه منحرف و بتاع مننوعات!!
∆ اللهم اجعلني له زاوية واسعة منفرجة؛ و اجعلها له {شقا} أضيق من جحر ضب، و أحرج من سم الخياط!!
∆ اللهم اجعل بيني و بينه قاسماً مشتركاً اعظم في كل حياتنا؛ و اجعله عنصراً محايداً غير قابلٍ للجمع بحياتهما! اللهم و اجعل مضجعي له عشاً هادئاً مرحباً و مسهلاً و علينا معاً برداً و سلاماً؛ و اجعل مرقدها ملالة و « باااي باااى نق ترببع « π × نق² » و ذاك هو المطلوب و إثباته تماماً و تحديدن. هذا ، مع خالص مودتنا للمهرتين على طرفي مضمار الرهان.
(عدل بواسطة دفع الله ود الأصيل on 09-26-2019, 10:28 AM)
| |
|
|
|
|
|
|
Re: ذكاء الإمام الشافعي (Re: دفع الله ود الأصيل)
|
( (57) أحسنت ياخ/ أبو النور و كما رأيت فكل ذي نعمة محسودٌ فما بالك بعبقري كالأمام الشافعي، و الذي من شهرته حتى ينسب إليه نظم أشعارٍ و حكمٍ متواترة كثيرة و هو ربما كان منها براءً براءة الذئب. و منها قوله فى تجارب الحياة : ضاقت فلما استحكمت حلقاتها فرجت و كنت أظنها لا تفرج و أبيات قيلت في كمال الخلق في تقبل تصاريف القدر، يقول مطلعها: دع الأيام تفعل مـا تشـــاء .......... وطب نفسا إذا حكم القضاء ولا تجزع لحــادثة الليـالي .............. فما لحوادث الدنيـا بقــاء وكن رجلا على الأهوال جلدا ....... وشيمتك السماحة والوفـاء وإن كثرت عيوبك في البرايـا. ......... وسرك أن يكون لها غطـاء تستر بالسخــاء فكل عيـب ......... يغطيه - كما قيل- السخـاء ولا تر للأعــداء قــط ذلا .................فما في النار للظمآن مــاء ورزقك ليس ينقصه التــأني .............ولا بؤس عليك ولا رخـاء إذا ما كنت ذا قلب قنــوع .............. فأنت ومالك الدنيا ســواء ومن نزلت بساحته المنايــا ........... فلا أرض تقيه ولا سمــاء وأرض الله واسعــة ولكن .............. إذا نزل القضا ضاق الفضاء دع الأيام تغدر كل حيــن ............ فما يغني عن الموت الـدواء
(عدل بواسطة دفع الله ود الأصيل on 09-22-2019, 06:38 PM) (عدل بواسطة دفع الله ود الأصيل on 09-26-2019, 10:35 AM)
| |
|
|
|
|
|
|
《 الصديق أب نوتة》 (Re: دفع الله ود الأصيل)
|
# يوميات_مغترب قرفان)
جهزوا نوتتكم قبل العودة النهائية
# يحكى أن أحد المغتربؤز المكشوشين اسمه صديق، قد جزم متاعه عائداٌ أدراجه من السعودية داقي خروج نهائي . للبلد وجاء بالشنط مستفة دلاقين و تفاتيف فارغة ، لا تسمن و لا تغني من طوع. بس و طوالي قام بكرة يفتش لبيت للإيجار. . ناس الحلة المخمخو معاه عضة كرامةبمزاب الجية ، أكلو لحمو: زولك عداها فخفخة ساي. .المهم الإشاعات كترت. .وكل زول يلاقيهو يدبن لطعة أحر من لسة الدبور ، يقول لؤله الصديق، إتا هامل عمرك ده كلو في السعودية و جاي أباكك و النجم؛ ماسويتلك ضرا تلم فيه مع اسرتك؛ بدل ماك هسي مشرد!؟ المهم يوم لافي و بفتش لاقاهو واحد ملقوف دور معاه نفس الأسطوانة قالو يا الصديق انت عمرك ده كله ماعملت بيت شكلكم عديتوها سعلكة ساي.
# يلا، عم صديق اخلاس أخلاقو جاتو هنا في راس نخرينو وطلع ليه نوته من جيبو و سأل للزول إنت اسمك منو كدي أديني اسمك:قال ليه اسمي فلان ود فلان. .صديق فتش النوته و قعد يقرأ فبها: انت أنا مش كان مرسل ليك الشيلة و الشنطة حقت عرسك بي مرتك الهلاهة دي .الزول قاللو: آااااي بالحيلوالله بذكر رسلتهن لي زمان صديق:ومش رسلت ليك قروش السماية لأول بطنة ليك طلع و لدك أبو ريالة المتخلف داك قال ليه: أيوة ، تمام ؛ علا لاكين لي شنو بتسألفوقي و مالنو الليلة كلامك حااار كدي ؟!قاللو : لا مافي اجة؛ لكن بندور نوريكم هملتنا وانطلاقتنا و سعلكتنا الكنا بنسوي فيها طوال سنين طفشانة برة!! تحين وقع ليك؟!أها قالو الزول ده بقى من ديك كلما يلاقيجماعة يقوللهم: ياناس الحلة هوي أوعة تاني ما تسعلو الزول دا اطابقلو نوته. و أصبح شهيراٌ بالصديق آب نوتة!! يلا يا خاوانَّا الراجعين ول زول جاي يجيب نوتاتو معاه لازم.!! 😂😂
(عدل بواسطة دفع الله ود الأصيل on 10-01-2019, 05:15 AM)
| |
|
|
|
|
|
|
Re: 《 (صادف فوافق شنَنٌ طـبقةً!!) 》 (Re: دفع الله ود الأصيل)
|
▪ تحكي لنا قصة لا تبع رخيصاً و لا توصي حريصاً و هي من أجمل عيون القصص الشعبي عن حوار دار بين ملك عظيم و عجوز حكيم أمام اندهاش الوزير الذي سمع الحوار جيداً و في محاولة منه لفهم معاني ما دار من ألغةزٍ وطلاسمَ أثنار الحوار ، ثم حصلت المفاجأة التي زادت من دهشته، و علم في النهاية أنه كان ساقطاً ضحيةً لفخٍّ نُصِبَ له بفراسة الملك و ذكاء الشيخ و التي سنتعرف عليها في قصتنا التالية؛ ما يعكس لنانحن بدورنا كيف كانت تُهدَر موارد الأمة و منذ قديمٍ في سبيل إشباع نزوات السلاطين و بطاناتهم سوئهم بهكذا سخفٍ ومهازل.
● ملكٌ عظيمٌ و شيخٌ حكيمٌ: في أحد الأيام كان هناك ملك يجوب في جوىةٍ بالبلاد ليطمئن على أحوال رعيته ويعلم ما يحتاجونه و ما يريدونه فقد اشتهر هذا الملك بكرمه الواسع وسخاؤه على رعيته، وبينما يمشي ذاك اليوم مصطحباً وزيره كعادته وجد شيخاً كبيراً ؛ حيث دار بينهما الحوار التالي :
الملك : السلام عليك يا أبي العجوز. الشيخ : وعليكم كما ذكرتم ورحمة الله وبركاته. الملك : كيف حال الإثنين ؟. الشيخ : أصبحوا ثلاثة. الملك : وكيف حال القوي. الشيخ : لقد أصبح ضعيفاً. الملك : وكيف حال البعيد. الشيخ : لقد أصبح قريباً. الملك : لا تبع رخيصاً. الشيخ : لا توص حريصاً. دهشة و فضول الوزير : ♤ انصرف الملك تاركاً العجوز، وهنا انتهى الحوار الذي أدهش الوزير و أثار حفيظته ما هذه الأسئلة الغير مفهومة ؟ وكيف فهمها الشيخ و أجاب عليها دون أي استفسار، و بما كان يقصد الملك من هذه الأسئلة، بات الوزير ليلته ولا يشغل تفكيره سوى هذا اللقاء بين العجوز والملك حتى جاء الصباح ولم يذق الوزير طعماً للنوم واصر على مقابلة الشيخ وسؤاله عن هذه الأسئلة.
| |
|
|
|
|
|
|
Re: 《 (صادف فوافق شنَنٌ طـبقةً!!) 》 (Re: دفع الله ود الأصيل)
|
{65} نميري معاو الزين كو أثناء حفلة بالبلالبل في قاعة الصداقة. عمك رفع يدو و مسكا بالتانية و أشَّر ليهن بكدا. قام الزين كو برضو عمل زي حلقة بأصبعو و حشر فيها التاني . نميري زعل منو و نهرو : احتشم يا زين العابدين و بطل قلة الأدب ؛ دي شنو الحركة دي؟ قاللو: شن فيها يا سيادتك ما زيك أنت زاتك سويتا قاللو أنا طلبت منهم يغنو لي"تسلم يابعاج أخوي يا دراج المحن" الصعلوق خارج روحو بالراحة: و أنا طلبت بعدا "خاتم المنى" .
(عدل بواسطة دفع الله ود الأصيل on 11-16-2019, 08:29 PM)
| |
|
|
|
|
|
|
♧خذ الحكمة من أفواه المجانين£ (Re: دفع الله ود الأصيل)
|
{71}
● روي في الخبر أن رجلاً قال: لن أتزوج حتى أشاور مائة رجل متزوج ، فشاور تسعة وتسعين و بقي عليه واحد، فعزم أن أوّل من يلقاه في الغد يشاوره ويعمل برأيه،
● فلما أصبح وخرج من منزله لقي مجنوناً راكباً قصبة فاغتمَّ لذلك (للعهد الذي قطعه على نفسه) ، ولم يجد بدّاً من الخروج من عهده فتقدم إليه،
●فقال له المجنون: احذر فرسي كي لا تضربك،
● فقال له الرجل: "احبسْ فرسك حتى أسألك عن شيء"، فأوقفه، فقال: "إني قد عاهدتُ الله تعالى أن أستشير مائة رجل متزوج و أنت تمام المائة و كنت عاهدت نفسي أن اشاور اليوم أول من يستقبلني وأنت أول من استقبلني، فإني أُريد أن أتزوج، فكيف أتزوج؟"،
● فقال له المجنون: "النساء ثلاثة:واحدة لك، و واحدة عليك، وواحدة لا عليك و لا لك"، ثم قال: "احذر الفرس كي لا تضربك و مضى إلى شأنه"،
● فقال الرجل: "إني لم أسأله عن تفسيره"، فلحقه، فقال: "يا هذا ، احبسْ فرسك، فحبسه"، فدنا منه وقال: "فسِّره لي؛ فإني لم أفهم مقالتك"،
● فقال: "أما التي لك فهي المرأة البكر، فقلبها وحبها لك ولا تعرف أحداً غيرك إن أحسنت إليها قالت هكذا الرجال و إن أسأت إليها قالت هكذا الرجال ، و أما التي عليك فالثيب ذات الولد تأخذ منك و تعطي ولدها و تأكل مالك وتبكي على الزوج الأول، وأما التي لا لك و لا عليك فالثيب التي لا ولد لها، إن أحسنت إليها قالت هذا خير من ذاك و إن أسأت إليها قالت ذاك خير من هذا ، فإن كنت خيراً لها من الأول فهي لك وإلا فعليك"، ثم مضى فلحقه الرجل، "فقال له ويحك تكلمت بكلام الحكماء وعملت عمل المجانين!!"،
● فقال: "يا هذا، إن قومي أرادوا أن يجعلوني قاضياً فأبيتُ، فألحُّوا عليّ، فجعلت نفسي مجنوناً حتى نجوت منهم" . مأخوذ من(بستان العارفين).
(عدل بواسطة دفع الله ود الأصيل on 12-06-2019, 12:26 PM)
| |
|
|
|
|
|
|
Re: ♧خذ الحكمة من أفواه المجانين£ (Re: دفع الله ود الأصيل)
|
(74) ● ( و لا يحيقُ المَكْرُ و السيء إلا بأهله ) يُحكى أن ساقياً إسمه محمد, كان يبيع الماء للناس و هو يتجول بجرته الطينية في الأسواق , وقد أحبه كل الناس لحسن خلقه ولنظافته . ذات يوم سمع الملك بهذا الساقي فقال لوزيره :إذهب و أحضر لي محمد الساقي. ذهب الوزير ليبحث عنه في الأسواق إلى أن وجده و أتى به الملك قال الملك لمحمد : من اليوم فصاعدا لا عمل لك خارج هذا القصر ستعمل هنا في قصري تسقي ضيوفي وتجلس بجانبي تحكي لي طرائفك التي اشتهرت بها.. قال محمد : السمع والطاعة.عاد محمد إلى زوجته يبشرها بالخبر السعيد وبالغنا القادم, وفي الغد لبس أحسن ما عنده وغسل جرته وقصد قصر الملك,دخل الديوان الذي كان مليئا بالضيوف وبدأ بتوزيع الماء عليهم وكان حين ينتهي يجلس بجانب الملك ليحكي له الحكايات والطرائفالمضحكة ,و في نهاية اليوم يقبض ثمن تعبه ويغادر إلى بيته .
● بقي الحال على ما هو عليه مدة من الزمن , إلى أن جاء يوم شعر فيه الوزير بالغيرة من محمد, بسبب المكانة التي احتلها بقلب الملك. وفي الغد حين كان الساقي عائدا إلى بيته تبعه الوزير وقال له: يا محمد إن الملك يشتكيمن رائحة فمك الكريهة.
● تفاجأ الساقي وسأله : وماذا أفعل حتى لا أؤديه برائحة فمي؟ فقال الوزير : عليك أن تضع لثاما حول فمك عندما تأتي إلى القصر. قال محمد : حسنا سأفعل. ● عندما أشرق الصباح وضع الساقي لثاما حول فمه وحمل جرته واتجه إلى القصر كعادته. فاستغرب الملك منهذلك لكنه لم يعلق عليه, و استمر محمد يلبس اللثام يوما عن يوم إلى أن جاء يوم وسأل الملك وزيره عن سبب وضع محمد للثام, فقال الوزير: أخاف يا سيدي إن أخبرتك قطعت رأسي. فقال الملك:لك مني الأمان فقل ما عندك. قال الوزير : لقد اشتكى محمد الساقي من رائحة فمك الكريهة يا سيدي أرعد الملك و أزبد وذهب عند زوجتهفأ خبرها بالخبر , قالت : من سولت له نفسه قول هذا غدا يقطع رأسه ويكون عبرةلكل من سولت له نفسه الإنتقاص منك. قال لها : ونعم الرأي . وفي الغد استدعى الملك الجلاد و قال له : من رأيته خرج من باب قصري حاملا باقة من الورد فاقطع رأسه. وحضر الساقي كعادته في الصباح وقام بتوزيع الماءو حين حانت لحظة ذهابه أعطاهالملك باقة من الورد هدية له, وعندما هم بالخروج التقى الساقي بالوزير فقال له الوزير: من أعطاك هذه الورود؟قال محمد:الملك. فقال له: أعطني إياه أنا أحق به منك. فأعطاه الساقي الباقة وانصرف , وعندما خرج الوزير رآه الجلاد حاملاً لباقة الورد فقطع رأسه. وفي الغد حضر الساقي كعادته دائما ملثما حاملا جرته وبدأ بتوزيع الماء على الحاضرين , استغرب الملك رؤيته لظنهأنه ميت, فنادى عليه وسأله : ما حكايتك مع هذا اللثام؟ قال محمد: لقد أخبرني وزيرك يا سيدي أنك تشتكي من رائحة فمي الكريهة و أمرني وضع لثام على فمي كي لا تتأدى . سأله مرة أخرى : و باقة الورد التي أعطيتك؟ قال محمد :أخذها الوزير فقد قال أنه هو أحق بها مني. فابتسم الملك و قال حقاً،هو أحق بها منك, و حسن النية مع الضغينة لا تلتقيان. ************^^^^^^^^^^************
فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
| |
|
|
|
|
|
|
Re: ♧خذ الحكمة من أفواه المجانين£ (Re: دفع الله ود الأصيل)
|
♧ ويحك يا أصمعي £
{ من أندر نوادر ما تحدثت به العربحيث إنَّ من شر البليلة ما يضحكك حتى يسيل لعابك ؛ ثم ما يلبث أن يجهشك البكاء }
♤ لَقِيَ الأصمعيُّ أعرابيةً في فلاةٍ ، و هي بديعةُ الحسن فائقةُ الرقة فاتنةُ الجمالِ ، و يخالطها رجلٌ دميمُ الخلقةِ؛ إذ يغدو منها و يروح . فسألها : من هذا؟! - قالت: هو بعلي . - قال : و هل عقرت بطون العرب حتى ﻻ تجدَ مهرةٌ عربيةٌ سليلةُ أفراسٍ مثلُك غيرَ هذا بغلاً ليتفخذها؟
● فزجرته المرأة بلهجةٍ غاضبةٍ إذ ألقمته حجراً بِرَدٍّ مفحِمٍ : ويحك يا أصمعي ، و تبَّاً لك!! فوالله لو أنّ (بغلي) هذا الذي تراه ركبك ذات مرةٍ ليستدبرك بالذي يستقبلني به في كُلِّ ليلةٍ ، إذاً لأدركت سبب تعلقي به؛ و لبطل لديك العجبُ؛ و لعرفت للرجل حق قدره؛ و لتبدلت مقالتُك فيه.
● فبلع الأصمعيُّ لسانَه حيثُ أوشك أن يقع في شرِّ أفعاله ، لينصرف راشداً ، ثم مضى لحال سبيله منكسفاً (انكسافة الكلب الأكل الدريش) . و قد تلقَّنَ درساً لزمانه ، بأنه ما كان ينبغي له أبداًحشرُ أرنبة أنفه في ما لا نـاقةَ له فيـــه و لا بـــعيـــــــرٍ . فيا لفصاحة القـــــول و يا لبراعة المدلول!! *****^^^^^***** فَمَنْزِلِيَ الفَضَاءً و سًقْفُ بًيْتِي سَمَاءُ الله أو كٌتًلُ السَّحَابِ.. فأَنْـتَ إذا أردْتَ دخـلتَ بَيْتِي عَلَيَّ مُسَلِّمـاً من غَيْـرِ بـابِ .. لأني لَمْ أجِدْ مصـراعَ بابٍ يَكُوْنُ من السَّحَـابِ إلى الترابِ
(عدل بواسطة دفع الله ود الأصيل on 12-20-2019, 08:26 AM) (عدل بواسطة دفع الله ود الأصيل on 12-20-2019, 10:50 AM) (عدل بواسطة دفع الله ود الأصيل on 12-20-2019, 11:06 AM)
| |
|
|
|
|
|
|
Re: ♧ فنقس £ (Re: دفع الله ود الأصيل)
|
{77} ♤أبشرك يا زهير وطنك بخير رغم قساوة المحنِ عزيز أنت يا وطني . بس ترجع لينا سالماً غانماً. صحي عايشين بالبصارة ؛ و لكن نخشى عليها من عين الحسود . كدي هاك نديك نموذج علي بساطتنا: ● دا سوداني أقنع صاحبو يسافرو يعمل عملية بواسير في بريطانيا و عرض عليه يروح معاه و يكون ليه مترجم. وصلوا على بريطانيا و مشو للدكتور...
● الدكتور الخواجة قال للسوداني مترجم المريض : Tell your friend to go up on the bed and to take off his clothes and to bend forward more than ninety degrees and to stay stable as much as possible. ● يعني الترجمة بالعربي الفسيخ كدا :قل لصديقكك المريض ليصعد على السرير و يخلع ملابسه وأن ينحني أكثر من تسعين درجة و أن يبقى مستقرًا قدر الإمكان.
♤ فقال السوداني لصاحبو: #فنْقِس !!😂! يلا زولو ما مقَّق طوالي راح مديها (خِيار و فنقوس).
الدكتور وقف فاغراً فاه مندهشاً 😳 وقال للمترجم : ماهي اللغة العظيمة هذه بحيث اختصرت كل كلامي بكلمة واحدة .
♡ و أجهش الدكتور بالبكاء 😭 ثم طفِقَ يترنم بشيء من رائعة سماعين ود حد الزين علي إيقاعات طمبور مرغني النجار (بلادي أهلاً يا بلادي): ديل أهلي..البقيف في الدارة..وسط الدارة و أتنبر و اقول للدنيا كل الدنياديل أهلي ..تصوَّر كيف يكون الحال لو ما كنت سوداني و أهل الحارة ما أهلي😂😂😂
#زِّوِلَ #وِنَِّسةّ؛؛؛؛؛
(عدل بواسطة دفع الله ود الأصيل on 12-31-2019, 02:38 PM) (عدل بواسطة دفع الله ود الأصيل on 12-31-2019, 05:47 PM)
| |
|
|
|
|
|
|
♧ £ (Re: دفع الله ود الأصيل)
|
{78} { هيييع .. أنا أخو الراسية}
♧ اتنين من عروبنا أهل العوض ديل حايمين في الخرتوم محل حمدوك بنوم و تيارة( تاركو) دا زاتو بقوم. و في أول لقاء ليهم وجهاً لوجه مع حاجة اسمها تلج (لوح تلج الله الواحد دا) .
● فمشو لمطعم و دايرين يشربو يبلو ريقم من البرميل البرة . فكان في زول شارب قبلهم و فضلت معاه حتة تلجة قام بكل عفوية و نكران ذات مداها لواحد فيهم ، شافو زي أشعث أغبر و تبدو عليه آثار وعثاء السفر و كآبة المنظر ؛فقال النستأجر فيه ساي يبرد جوفو بحتة التلجة دي. ● أها زولنا مسكا لقاها ساقطة لامن حس بالهيف هيفا دا ساري ليه سريان في جلدو لا عند أباطو، و قعدت تتراضع فقام جدعا رماه متل الشيء الكعب ؛ و سيد التجلة قامالراجل شالا نضفا و داير يناولا لزولنا التاني.
● أها عاد داك من شاف البقت في رفيقو ، جر عكازو و برز وقف بعيد هنووك متحرفاً لقتال ، و قال للراجل : اسمع هوي اللخو على طلاقن بالتلاتة تلحق لامن تصلني جاي ، حرَّم علا كالوتي دا ياباك براو؛ فرد لقِطَّن واحدة علا أطير نافوخك. وت اللزينة ، دحين بتدور تدوخنا بي نصايبك ديل عشان تسولب الفي جيوبنا تعدّمنا التعربفة؟! حتين الراجل الطيب بالراحة انقرع.
منهم و انسحب. (هييع أنا دابي الخلا، أخوك آالراسية). ● أها، و بعدما اتخارجو كان بسأل في زولو :أها آ فلان، النصيبة دي نعلها لي هسي موجعاك؟!! داك قال ليه و الله تراها خايرت شوية، علا لاكين لي هسة هدي تنتح و توٍج متل وجيج العقرب.
(عدل بواسطة دفع الله ود الأصيل on 01-18-2020, 00:28 AM) (عدل بواسطة دفع الله ود الأصيل on 01-18-2020, 00:50 AM) (عدل بواسطة دفع الله ود الأصيل on 01-18-2020, 09:39 AM)
| |
|
|
|
|
|
|
Re: ♧ £ (Re: دفع الله ود الأصيل)
|
الله يجازي محنك يا ود الاصيل ،،،، ويجازيك دائما بالخير والبركة ،،،فانت تنسينا هموم الغربة القساية وتنسينا اخبار السودان الحزينة البتخلينا مرات نفقد الامل في اصلاح الحال،،،،ونضحك من الاعماق ،،،، لكن بصراحة اذكى من كلثوم بن الاغر ده ما سمعنا بيه قبال كده ،،، فشكرا ليك على كل ما كتبت ،،، والله يديك الصحة والعافية
| |
|
|
|
|
|
|
Re: ♧ الناجي الوحيد £ (Re: امتثال عبدالله)
|
{79} ● الحاج أبو عباس كان هو الوحيد الذي كٌتِبت له النجاة بأعجوبةٍ من حادثة انفجار الطائرة الأوكرانية : ● الحاج أبو العباس قبل تلاوة دعاء السفر قال لزوجته الحبيبة و هي منهمكة بمسح حذائه و انتقاء ربطة عنقه و نفض بدلته الأنيقة بآخر لمَسات حنانِهةا: سفرتي ماشي فيها لمأمورية ( شُغُل ) مهم شديد في أوكرانيا مع شركة طيران أوكرانية. فبعد طبعه آخر قبله على جبينها قال لها: إنتي دايرة شنو تحبيأجيبو ليكى معاي يا أرقًّو أحنَّو أحلى شريكة حياة و أم أولاد في هذه الدنيا الفانية العجيبة؟
♡ قالت له بعد أخذ تنهيدةٍ عميقةٍ : سلامتك و بس ؛ والله ماني متنية أي حاجة غير إنك تمشي و ترجع لينا سالماً غانماً.و هي يا حليلا النايمة على حيلا، مي ناقشاه ؛ إنو كان أصلن مارق يتسكع مع (مهرة) جموحٍ أخرى غير (بغلته) القديمة !!
¤ طارت الطيارة و بعد إقلاعها بقليلٍ انضربت بصاروخ إيراني و جميع من كانوا على متنها لقوا حتفهم ما عدا عمنا/الحاج أبو عباس، كان الوحيد الانكتب ليه عُمر جديد، حيث كان يمضي ليلته الشتوية تلك دائباً لشوشته في دباديب ( بطانيةٍ بشريةٍ) بأحضان بعلته (الرديفة) على الجانب الآخر لنفس شارع بيته. و هسي عمك أصبح خائفاً يترقب مزنوق زنقة جِقِر في طاحونة ؛ و شايل هم : كيف يقدر يمرق يرمي كيس القمامة في مكب النفايات المجاور ؛لوجود سرادق العزاء منصوباً هناك، حيث أم عياله و ذويه و أقربائه يتحلَّون بالصبر و الجميل و يتذرعون بحسن العزاء لفقدهم الجلل ؛ و يرفعون أكف الضراعة بالدعاء (المستجاب) لروح الفقيد الطاهرة أن يبدله الله داراً أبرح و أهدأ من داره ، و حضناً أدفأ و أطعم من حضن أهله.
● سؤألنا: ممكن واحد منكم عنده فكرة كيف يرجع الراجل إلى قواعده سالماً و يشمشم الحاصل شنو !؟ واحد كرستلاوي جاوب قال: بسيطة جدن، ممكن عمك يتلفَّح بملابس تنكُّرية و يجي عادي يشيل معاهم الفاتحة و يخوض في طق الحنك عن مآثر المرحوم و سيرةعمره العطرة اللي قضاها في البَرِّ و التَّقَوِّي متيمناً بقوله (ص) (اذْكُرُوا مَحَاسِنَ مَوْتَاكُمْ وَ كُفُّوا عَنْ مَسَاوئهِمْ) 😩
(عدل بواسطة دفع الله ود الأصيل on 01-19-2020, 10:32 PM)
| |
|
|
|
|
|
|
Re: ♧ الناجي الوحيد £ (Re: دفع الله ود الأصيل)
|
{80} *إياكم والعدس*فعذابه إلى يوم البعث 😄 ● تزوج رجلٌ ثريُّ بفتاةٍ طيبةٍ و رغم أنه كان ميسور الحال، إلا أنه شحيح النفقة و لا يعرف من أصناف الطعام إلا صنفاً واحداً لاغير إنه (العدس).ثلاثُ وجَباتٍ فى اليوم و على مدارالأسبوع و الشهر و العام. ● صبرت زوجته عليه مدةً طويلةً من الزمن إلا إنها من حين لآخر تفاتحه فى الأمر و تطلب منه أن يأتيها مرة بلحم أو دجاج أو أى شيء غير العدس لأنها أصبحت لا تطيقه و تفضل الجوع على أكله لكنه كان يرفض رفضاً قاطعاً و يفقعها ليك بمحاضرة صوتية عن فوائد العدس و زهد ثمنهو هو ( بيت القصيظ).
● ففى ذات يوم من الأيام ذهبت لزيارة أهلهالكنها كانت تجدحرجاً في ان تحدث أهلها فى هذا الأمر لكن أخوتها لاحظوا أنها ليست على ما يرام سألوها ما الأمررفضت ان تحكي لهم و بعد إلحاحٍ و إصرارٍ شديدٍ منهم لمعرفة ما هى المشكلة التى جعلتها مهمومةً مكسورة الخاطر ، حكت لهم عن بخل زوجها و شحه و أنها من يوم زواجها منه لم تذق شيء غير العدس قالوا لها : دعِ الأمر لنا كل ما عليك هو أخذ هذه الحبة المنومة و وضعها له فى طعامه المفضل من العدس.
● أخذت منهم الحبة المنومةوفعلت كما طلبوا منها ثم جاءوها إلى بيتها ووجدوا زوجها قد ذهب فى سبات عميق متأثراً بمفعولالحبة المنومة فجردوه من ملابسه وألبسوه كفناً ثم أخذوه إلى غرفةمظلمة و أنتظروه حتى أستيقظ ليجد نفسه فى مكان مظلم و عليه الأكفان فظن أنه مات فعلاً !!ثم ظهر له أثنان من أخوات زوجته و هما متنكران و عاجلاه بالسؤال : من ربك ؟!فايقن أنه قد ىاك فيهاو أنه فىتلك اللحظة يُسأل أمام منكر و نكير وأجاب وهو يرتجف من الخوف ..بعد ان كررا عليه السؤال :-من ربك ؟ قال : الله .. لا إله إلا هو وحدهلا شريك له. - وما دينك؟ قال : الإسلام - ومن الرجل الذى بعث فيكم ؟قال : محمدىز عبد الله صلى الله عليه و سلم - ماذا كان طعامك فىالدنيـا ؟ قال : العدس و الله لم أذق طعاماً غيره فقالا له :لم تذق سوى العدس والله سبحانه وتعالى يقول لك :(كلوا من طيبات ما رزقناكم) !!إن عذاب العدس أن تجلد بالسياط إلى يوم البعث وأخرجا كرباجين و أنهلا عليه ضرباً بالسياط حتى أُغشي عليه فحملوه و أعادوه إلى مكانه وألبساه ملابسه ؛ ثم أنصرفا راشدين .
● ولما أفقاق الرجل وجد زوجته بجانبه؛ سألها و هو يرتجف من الخوف ويتوجع من الألم :- ألم يحدث شيء لى، ألم امت ؟! قالت : - لا لم يحدث شيءٌ و ها أنت ذا حيٌ ترزق سأذهب لأعد لك فطورك سأحضر لك حالاً شوربةعدوسب ساخنة . فصرخ فيها قائلاً :- لاااااااااااااااء إياك والعدس دابالذات ؛ فعذابه شديدٌ إلى يوم البعثسأذهب لاشترى لنا لحماً و فاكهةً و أبا و زيتوناً و نخلاً متاعاً لمم و لأزواجكم فالله سبحان وتعالى يقولفي محكم تنزيله :(يَا أَيُّهَا الَّذِينَ آَمَنُوا كُلُوا مِنْ طَيِّبَاتِ مَا رَزَقْنَاكُمْ وَاشْكُرُوا لِلَّهِ إِنْ كُنْتُمْ إِيَّاهُ تَعْبُدُون). أيوة كدا. دحين، ما قلتو نوبة !!؟
(عدل بواسطة دفع الله ود الأصيل on 01-20-2020, 01:07 PM)
| |
|
|
|
|
|
|
♧ هاااااااااااامٌّ و عاجلٌ £ (Re: دفع الله ود الأصيل)
|
⛔ {83}*البنك المركزي يعلن عن بداية إطلاق قروض ميسرة بدون فوائد لصالح الشباب المعسر من عمر 20 إلى 60 سنة..و الراغب في إكمال نصف دينه الحلو بالزواج .. و ذلك على مستوى كافة بنوك حمدوك .. حددت قيمة القروض ب500 مليون لكل عناس و عانسة...**على الشباب المعني بالأمر**التوجه إلى أقرب بنك مرفقين بملف يحتوي الوثائق المهمة جدن التالية: 1- ريشة من ذيل نعامة يتيمة ضايعة بين وحوش الغابة الكاسرة؛ 2- شهادة وفاة هتلر عليها ختم بلدية حائط برلين المنهار؛ 3- مقدمة ابن خلدون مشفوعة بصورة طبق الأصل لجواز سفر إبن بطوطة؛ 4- لبن الطير في الباقير لعلاج ضرس ضبع عندو مرض سلس البول السكري؛ 5- شوية غبار النور شرطن يكون مخموش من على سطح عطارد أو زُحَل؛ 6- رقم موبايل فرعون موسى عليه و على نبينا الصلاة و السلام؛ 7- نسخة من عقد قران روميو و جولييت في ثالة سبارك سيتي؛ 8- صورة سيلفي لطارق بن زياد أثناء فتحه للأندلس.. بالتوفيق إن شاء الله لكل الشابين و الشابات العوانس 😂😂😂😂😂
(عدل بواسطة دفع الله ود الأصيل on 02-06-2020, 11:14 AM)
| |
|
|
|
|
|
|
♧ يسوو شنو بس بالله £ (Re: دفع الله ود الأصيل)
|
{84} ♧ قلنالك الشغلانة مطمجة للطيش لامن جايبة الزيت : ♤ تقعد مجمبع كدا في بلدنا دا الدولار تراهو مسحسح. ¤ تقدم ليك لوتري تلقى ترآمب العلج قفلا في وشيك . ● تشتت .في السنبك تلقى بريطانيا كبت الزوغة بالبريكزت. ▪ يشيلوك منحة في الصين تظهر ليهم كرونا تغتس حجرك . * تقول تجازف ليك عقد عمل في الإمارات من أي وكالة يودوك مرتزقة في ليبيا حفتر و لا يمن الحوثي تتلحس فطيس . ○ تجي تشجع الهلال يطيروه ليك في عقر دارو في أم درمان. غايتو الله المستعان بس؛؛؛؛ ✈✈🙊🙈🏃🏻♂😂😂😂😂😂😂😂😂😂😂😂😂😂😂😂😂😂😂😂😂
(عدل بواسطة دفع الله ود الأصيل on 02-02-2020, 04:33 PM)
| |
|
|
|
|
|
|
Re: ♧ £ (Re: دفع الله ود الأصيل)
|
شكرا ود الاصيل فقد خففت كثيرا من الام مرضي حيث ان الطرائف والقصص البهية التي اوردتها هنا رسمت البسمة في قلوبنا،،، اما قصة الاعرابي مع الرجل الكريم وزوجته البخيلة، والرجل البخيل وزوجته الكريمة فقصة اوسكار
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|