|
|
|
 Re: مريم بت الحسييييين..يا ست البنات ..جيداً جيتي...و نورت (Re: Sana Khalid)
|
العزيزة سناء خالد...
والله مشتاقين كميّات... وحياتك بعد اعتزال الحياة السياسية قلنا نستت شوية كده.. لكن لقيت ليك الدور عجبني .. وجرّه معاي...
لاوزت لي مواضيع كتيره وحاتك مغستني ليك مغسه.. كنت دايره أجي أفضفض هنا... الترابي مرق اتكلم.. واسرائيل حاصرت حماس.. والأمم المتحدة كانت دايره ترسل لينا جيش في دارفور... ومشاكل مياه الخرطوم.. وقناة السودان الفضائية الوهم... واشتقت لكم أغنية كده كنت دايره أزن في عمك تنقو ولا راكوبه يجيبوها لي... لكن وحاتك التستت عجبني وقفلت ليك دي بي طينه ودي بي عجينه...
انت كيفنك وكيف عيالك... ؟  ... ضحكتيني الليلة، ربنا يسعدك ..
شكرا ليك..
بنت الحسين
| |
 
|
|
|
|
|
|
|
 Re: مريم بت الحسييييين..يا ست البنات ..جيداً جيتي...و نورت (Re: مريم بنت الحسين)
|
مريومة الحبيبة..
و الله فقدناك بشدة..
و شلتي من طعم البورد معاك و مشيت..
لكن لقيتك متستتة و لا على بالك
عافييييين ليك..
بس لازم تعوضينا كل الغياب..!
عارفة..جبتيها صاح..
الراجل دبييييييب كبيييييير!
لكن شفتي جلده الجديد كيف..؟
الله يستر ما يعجب أحد من مدعي الإستنارة ..
و يخمهم زي ما كان خامي مدعي الإستنارة (برضو).. الإسلامية !!
| Quote: انت كيفنك وكيف عيالك... ؟ |
بتسألي فيني بمزااااج..
زولة متستتة و بالها مافي أروق من كده.. (بغر و الله ما حسد)..
أنا كايسة روقتك و ما لاقياها..
شغالة سواق..
العيال ربنا يخليهم كويسيييين و الحمدلله..
لكن كل زول في مدرسة و لا روضة براه..
و مواعيده براها..
و أنا أزازي..!!
...
يا زولة و الله الحمدلله..
نحن كويسين..
بس أصلو البني آدم لما ما يلقى حاجة يشكي منها بيشكي من النعمة..!!
ربنا يديمها علينا و عليك..
و أشوف فيك (جنس الغلبة دي )
| |
|
|
|
|
|
|
|
|
|
Re: مريم بت الحسييييين..يا ست البنات ..جيداً جيتي...و نورت (Re: Sana Khalid)
|
سناء خالد.. والله عاد تقولي شنو يختي.. انا طبعا اكتشفته ليك الفيلم من بدري.. عارفه الموضوع بعدين ببقى سواقه وطبيخ وأفلام تانية كتيره.. قلت أخير لي أنجمممممممممممممممممممه...
وحاتك الترابي من شدة ما مغّسني وهراني لما ما عرفت زاتي أقول ليهو شنو... حضرته الندوة بتاعته الفي جامعة الخرطوم .. وزدت مغسه على العلي.. العجب لما الناس يصفقوا ليهو.. والله الطحال كان ليهو مراد يمرق لي برّه... يا اخوانا الناس دي نست الزول ده .. ولا خبرة خمسين سنة معاه ما كفّتهم؟؟ العجب لما يجوك المستنيرين ويقولوا ليك فرصه!! يا اخوانا هو الدين ده لعب ولا حق الترابي براه؟؟ المهم والله غايته اتفشيت مع لنا اخيتي دي .. وفضفضته ليها زييييييييين...
عليك الله شفتي "كيفنك دي كيف؟" ما بتذكرك بالحبوبات وهن شغالات في أدوار القهوة الضحوية كده ومعاه انبطاحه في عنقريب حبل ... غايته بركه الكويسين .. واحنا برضنا كويسين.. عجبني والله كلامك عن انه الزول لما ما يلقى شي يشكي منّه بيشكي من النعمه.. والله عبارة بليغة بشكل.. والله الواحد يحمد الله سااااي انه بقوم صحيح البدن كل يوم الصباح.. وحبّانه كويسين.. الحمدلله...
اها ما قلت لي.. كيف اخبار المنبر.. انا اظني من ايام الرسوم مافيشه.. ولا حتى قبلها... الحاصل على الناس دي شنو.. بعدين ايه الاسماء الغريبة الحايمه دي؟ الزول بالله كان قايل روحو كتب العنوان غلط.. كان ماشفته ليك "خبر هام للسودانيين المقيمين في امريكا" المابتغباني.. كان قلت بكري استقال...
بنت الحسين
| |
|
|
|
|
|
|
|
|
|
Re: مريم بت الحسييييين..يا ست البنات ..جيداً جيتي...و نورت (Re: خدر)
|
أبو لقاء... والله فيك الخير.. اتذكرتني مع أروع فلم في التاريخ.. عندي في البيت DVD .. لكن بخليهو فترة عشان انساه وبعداك اجي احضره كأنه أول مره.. طبعا جوليا روبرتس الفنانه المفضله في عائلتنا الصغيرة.. اي فلم ليها ده لازم يتحضر... أمس دي انا شايفه Notting Hill ده فيلمي التاريخي ... شفته اكتر من 7 مرات.. بس امس شفته في اااااااااااااخر لحظات...
قول لبارعة أخيتي.. خليك صامده.. انت بديت في الكلام الما ببقى.. كسلانه شنو.. لقاء دي full time job... ربنا يخليها ليكم .. ويديكم العافية والصحة.. وتكبر ليكم تبقى أميره...
خدر.. النبي فيك .. خت لينا الغنية بتاعت "اشتقته ليك" هنا.. والله نفسي فيها لي زمن.. العجب اغنية أسرار بتاعت "يا الديمه ناكر"... مباااااااااااااااااااااااااااااااااااااااالغه.. وانا طولت منها طول.. بس حسي خت لينا حقت.. وحقت أسرار بعرف أجيبها من وين...
شكرا ليك على الترحيب، وتحياتي لبارعه وللجميله لقاء.. كان عندك بخور ولّع قدر ما تقدر..
| |
|
|
|
|
|
|
|
|
|
Re: مريم بت الحسييييين..يا ست البنات ..جيداً جيتي...و نورت (Re: smart_ana2001)
|
سمارت صاحبتي .. ورفيقة السينما.. وحاتك السينما طارت لي في راسي.. طبعا انا بقيت ما بقدر ادخلها براي.. حسي معقوله اخلي نادر براه وامشي السينما؟ ولا انا زاتي بشوف الفلم نافع لو هو ما معاي.. لكن وحاتك مشينا قريب ده لي Big Mama's House 2... والله ضحكنا لما الله غفر لينا... mission impossible 3 اظنه عاملين حولينه هيلمانه عشان Tom... يختي جايب ليهو بنيه وفرحان بيها... وقالوا كيتي يختي ربنا حلّاها بالسلامة ومرقت على الناس كمان.. عليك الله عان دي.. الاربعين ما تمتها المارقه ليها شنو.. ما عندها حبوبة تمسكها في البيت؟؟؟
والله يا سمارت مشتاقين...
بنت الحسين
| |
|
|
|
|
|
|
| |
على محمد على بشير
مريم بنت الحسين
lana mahdi
smart_ana2001
خدر
... ربنا يديك العافية ان شاء الله.. ويخلي ليك كل الأحباب...
عشة بت فاطنة
فيس بوك
تويتر
انستقرام
يوتيوب
بنتيريست