|
|
|
 Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
المشهد الرابع :
شفت بالله الزول داك طلع ماتبعنا كيف ؟.. تصدق الزول عندو رأى فى موضوع القوات الاممية وقال رافض المسألة دى عديل كده ؟!! والله نكرهو ليك حياتو زاتها كل يوم بوست نهزرة لحدى مايرتد عديل كده !!
وشفت سميحة كمان قالوا طلعت من ناس حزب العجب امو .. خلاص دى تخت تحتها خط احمر ..طلعت من الملّة عديل كده!!
الويل لهما معا !!
صراخ
بوستات صاخبة يذهب معظمها الى الخور !!
انطباعية !!
ثم !!
| |
 
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
المشهد الخامس :
قلت ليك انا خلافى معاك فى الطرح انتى طرحك فطير وكسرة مرة عديل كده ماعاجبنى موش على كيفى ؟!!
ثم على استحياء بعد جدال عقيم ومعارك ضروس !!
ياهووى مافى زول هنا فوق النقد فاهم الكلام ده ولامافاهم ؟!!
لو ابوى سجّل فى بوست بكرى ده بنتقدوا لانو ولدنى من غير يشاورنى !!
جدااااااااااااااااااال
ثم
اجاويد ربما !!
ثم اختلاف الرأى لايفسد للود (الذى غالبا مزعوم) اى قضية !!
انطباعية
ثم !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
شنو يا ماما
متين اصبحنا
واقول ليك صباح الير اولا
واضيف فى المشاهد
واحد يجى طاير لا يعرفك لا تعرفه ويقول ليك علاقتك بداك شنو وماادراك ماداك...
وتانى يقوم يجى ناطى واحد ار وهو لا فاهم شئ ولا عارف شئ ولا عارف الناس بناقش فى شنو وغايب عن المنتدى سته اشهر
يجى يقول ليك اسمعنى انت عملت كدة وفعلت كدة وييكون قابض على كلمة واحدة لا فهم ولا عارف ....
زول زى دا يعملوا ليه شنو بالضبط ..
كدة افيدونا على شان نعرف نتعامل مع هذا النوع من البشر
تشكرى استاذة على هذا الطرح
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
المشهد السابع :
راجع ايميلك رسلت ليك فيهو كل المعلومات عن الزول ده جبتها من مصادرى الخاصة !!
ثم رد فى الايميل
لاحولااااااااا
هو بالله الزول الخلاقة ده بيسوى كده ؟... لا خلاص خلى على بوضبو ليك تب مافى عوجة طول مامنبر بكرى دى مسجلين فيهو بمجهودنا الكبير ده فى تقصى المعلومات !!!
مناكفة
بوستات باسم المتهم !!
تهديد مبطن!!
عنف لفظى يصل حد الاشتباك بالالسن !!
ارهاب عديل كده !!
والدليل
الانطباع الاولى !!
ثم !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
الاستاذة نادية سلام
اشكرك كثيرا على هذا التجسيد الموضوعى لواقع الحال فيما عرضتى من مشاهد ولوحات تصويرية تعكس احطتك بما يدور بقصد ودون قصد ، وتكشف عن جهل او ربما سوء فهم لمقاصد المنبر ومراميه وما يطرح من موضوعات وقضايا واخبار وتحليل ، فالجدية مطلوبة وهنالك فسحة للمزاح والدعابة البريئة والمنضبطة بل الترويح مطلوب والتعارف وسيلة للخروج من دائرة الى اخرى اكثر رحابة وسعةبسعة الوطن وقضاياه وسعة الصدر فيها مندوبة فى مثل هذه المنتديات والسمو بالنفس فضيلة والعفو والاعتذار قيم تنافسية لابد منها ، ولكن الخروج عن اللياقة والعرف والتجنى والاسفاف والارجاف يجعلنا فى كثير من الاحايين امام ازمة تحط من قدر المكان وسعته وادب الحوار والخلاف واحترام الاراء والافكار للغير ، ليتك بالمقابل اوجدتى من المشاهد والصور الاخرى ما يضيق هامش الانطباعية والسطحية الجالبة للكراهية والاستعلاء لنجعل الود مكان العداء هو شعار لمن يريد بناء امته ووطنه بالكلمة والحجة كيفما كان طرحه ورؤيته ....مع عاطر الود ...آدم خاطر
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: عاصم ابوبكر حامد)
|
مشهد تاسع
ايوة صاح كلامك من مصدر موثوق به عرفنا كل سكناتها وحركاتها من ولودوها ..
ياخي دي كوزة وفي الامن.برضو نفس المصدر دا قالينا انه هي كانت شيوعية
لما كنت بتدرس في المعهد..
الله كيف ما تغالط ياخي.. الزول القالينا دل صاحبهم عديل بيعرفهم
وقالينا انه ناس السفارة بيدفعو ليهم ايجار الشقة
وكل شهرين بتمشي السودان تقدم تقرير كافي
عن البورد...بيدفعو ليها قروش التذاكر ..
الكلام دا بقوليك قالو لي زول صاحبهم..
وزوجها عاطل يجلس في البيت اصلا مشى معها
مرافق وكدا...وهو اصلا ما متعلم..
اكاذيب وافتراءات
يتكون منها انطباعات
ثم
قصص و قصص
ثم مواقف
رغم انك لم تكتب يوما ما يثبت انك كوز او في الامن
تتحول الى بوق للنظام
وضد ناس دارفور
انطباعات
مبنية على افتراءات
وتسود
وتنتشر
وتتحول الى حقائق
..
العقلية السودانية الجديدة..
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
Quote: متعودين عليها ياعاصم اخوى الغالى
اسمع انت الليلة طبعا فرحان بالتسجيل الجديد وماجييك نوم صاح ؟!!
انا برضو اول ايام سجلت فى منبر بكرى من الفرحة ماكنت قادرة انوم وهسة برضو ماقادرة انوم لكن من الغصة للاسف !! |
والله طبعا ولدك
ما متعود عليها شديد لكن الانسان ممكن يجرب
ويجب ان نتعود على كل الاجواء والعواصف لكى نستطيع ان نعيش فى الحياة ...
والله الليلة انا سعيد جدا جدا
النوم فى لكن الحوار مع عملاقة الاون لاين يطير النوم من العيون والجفون بقت تنطق عديل كدة
اما نتى يا ماما
نومى ساى وختى بطيخ صيف الحكاية ما بتستاهل اطلاقا ....
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: Muna Khugali)
|
منى خوجلى الجميلة شكلا وموضوعا
بت ماما جارة الغالية علينا
| Quote: مشاهـدك تسـاهم في ايقـاظ الضـمائر.... تفتح خـلايـا العقل علي مشـاهـد قـد تبـدو غـريبة علي بعضـنا...اسـتمري فيها... |
حاااااااااضر ياحبيبة .. وانتى خليك متابعة فلوجودك طعم الطمأنينة يامنى ..
Quote: انا برضو اول ايام سجلت فى منبر بكرى من الفرحة ماكنت قادرة انوم وهسة برضو ماقادرة انوم لكن من الغصة للاسف !!
فـلا تسمحـي لأي شـئ أن يعطـلك عـما ترغـبين! |
فى هذه فانا معك واحمد الله العظيم الذى منحنى ثقة بالنفس يزيدها تعامل الراقيين امثالك ..
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
العزيزة نادية
سرناقمندو ...
صباح الخير
اولا اسمحي لي ان اعبر عن عميق تقديري لطرحك هذا الموضوع الحساس ( جدا )
فعلا هو سؤال هام لماذا الانطباعية او العدائية دون سابق معرفة
واود ان اطرح بعض الاسئلة على نفسي اولا
* ماهو اثر تركيبتنا النفسية السودانية لهذا الموضوع اقصد بعض صفاتنا ومن اهمها الانتقادية لكل ماهو خارج عن ثقافاتنا .
* الاختلافات السياسية الواضحة بالمنبر رغم وجود الكثير دون اي توجهات سياسية فمثلا قد يحدث توجس من اي شخصية لسبب بسيط هو انه لا توجد اي معلومات عنه وبسرعة يتم الافتراض ( x = كوز ) و (y = يسار )
*لماذا يلاحظ ان الكثير من البوستات يوجد بها تشابه في الردود والمتداخلين والمجاملين ( الحزم البوردية ).
عزيزتي نادية هذه مجرد تساؤلات قد تكون لها صلة بهذه الانطباعية او العدائية ...
ولكن الجميل ان تتعامل مع الكل بطيبة وبنقاء بغض النظر عن من هو الذي تتعامل معه ...
وبغير ان تفكر عن توجهاته او خلفياته العامة والاسرية وتاريخه السياسي وووووو الخ ...
لماذا لا نتفق على ان اختلاف افكارنا وتوجهاتنا هو ميزة وليس عيبا ؟؟؟؟؟
ان الاختلاف ينير عقول الجميع ويجعل الكل يتعرف على ثقافات وافكار وتوجهات اخرى
وفي النهاية نحن نتكامل ونخلق ( الانسانية )
لي عودة لمواصلة الحديث
وتسلمي
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: ايوب عبدالرحيم)
|
الغالى ايوب عبد الرحيم
اللهى ادو باريكريو يالهى
تسلم على المداخلة الثرة جدا والموضوعية جدا ولازم تعود للمواصلة
Quote: عزيزتي نادية هذه مجرد تساؤلات قد تكون لها صلة بهذه الانطباعية او العدائية ...
ولكن الجميل ان تتعامل مع الكل بطيبة وبنقاء بغض النظر عن من هو الذي تتعامل معه ...
وبغير ان تفكر عن توجهاته او خلفياته العامة والاسرية وتاريخه السياسي وووووو الخ ...
لماذا لا نتفق على ان اختلاف افكارنا وتوجهاتنا هو ميزة وليس عيبا ؟؟؟؟؟
ان الاختلاف ينير عقول الجميع ويجعل الكل يتعرف على ثقافات وافكار وتوجهات اخرى
وفي النهاية نحن نتكامل ونخلق ( الانسانية ) |
اما هذه الكلمات فهى قد اثلجت صدرى والله.. ولو تحققت لكان منبر بكرى هذاجنة الله على شبكة النت !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: ودقاسم)
|
الغالى ود قاسم
بركة بالشوفة يازول رائع
Quote: نادية
الرسالة ما وصلتني ،،، يمكن اتهكرت ،
وإيميلك ما عندي عشان أرد عليك ... |
لا لا ياخ
انا عرفت ليك القصة .. مشيت لى زول بتاع هكر متخصص قام ورانى ليك الاى بى بتاع فتحية طلع فى حلة خوجلى جنب عمارى اولاد مزاج !!
الاى بى بوديهو فى داهية عشان تانى يعمل فيها شفت !!
اتهامات متبادلة
بحث واستعانة بخبراء
ضياع اموال
انطباع
ثم!!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
مشهد عاشر :
اسمع كلامى ياخ انا زول خمستاشر سنة حوامة فى المنابر دى ..لمن مايكروسفت زاتو كرهنا وكره يوم النت زاتو !!
تدخل بوستات المثقفين بتكون زول جهبذ ومحترم !!
تدخل بوستات السياسيين بتكون زول مقاتل من الطراز الاول وليك كاريزمتك المعتبرة !!
تدخل اى بوستات تانية انت زول طرور ساى وبتتخنا فى حضيض المنابر !!
ثم !!
دخول للبوستات وفوق دون معرفة محتوى البوست !!
يارائع يامبدع انحنا كتاباتك بتأثرنا !!
يامقاتل سدد الله خطاك فى طريق السؤدد والنصر المبين
هتافات
مداخلات مشاكسة من اخرين !!
انطباع
ثم !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: banadieha)
|
الاستاذ الحكيم بناديها (دى حقيقة موش انطباع لان كلامك يشبه حكمتك)!!
| Quote: الحقيقة عنوان البوست كفاني لأوجز بالقول - رغم قراءتي للمشاهد التي سقتيها يا أخت نادية: أن تجارب العمر علمتني أن من يعاديك أو يكجنك بالإنطباعية بس عليك أن تبعد منه ولا تصالحه أصلو |
عن نفسى اكثر مايؤلمنى هو ان يحكم على احدهم من خلال انطباع وعيون اخر وهذا الاخر نفسه ليس لديه عنى سواء مجرد انطباع من كلمة ربما او ملامح صورة او شمار طاير او غيره !!
| Quote: بينما من يشاكلك لموقف معين فتوقع يوما ما المحبة بعد العداوة..لأن الأخير صادق بينما الإنطباعي هوائي آريال ليس إلا. |
ارتاح جدا لمن يختلف معى بادب .. ولاانتظر ممن يختلف معى ودا لايفسد القضايا بقدر مااحتاج منه احتراما وتناولا موضوعى لوجهة نظرى او كتاباتى بعيدا عن الانطباعات من نوع (فاكاها فى روحها)!! التى لااعرف لها معنا حتى الان !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
الأستاذة نادية عثمان
لك التحية
كتير من الأخوان كتبوا عن بعض الممارسات في هذا المنبر ومعظم الآراء كانت صائبة لما في المنبر من صراعات لا أرى لها مبررا...
وها أنت تكتين عن السبب الرئيسي وراء معظم هذه الممارسات ألا وهو (الإنطباعية)
عمر الشعب السوداني ما كان إنطباعي لكنه أصبح كذك... لماذا لا أدري!!!
أما العدائية فحدث ولا حرج... فهي بقت موجودة في كل مناحي الحياة
إبتداءا من: يازول مالك بتعاين لي كدا...
إلى الحجر على رايك البتكتبو...
مابين الإنطباعية والعدائية ما ننسى الإستعجال (الشفقة) في فهم ما تكتب دون فهم المغزى والمعنى... هنا طوالي تلاقي (متلقين الحجج) نطوا ليك..
لازم نعتدل في حكمنا على الناس... إذا جاز لنا أن نحكم عليهم
لازم نحترم الرأي الآخر
لازم نعرف بأن معظمنا ليس بكاتب ولا أديب ولا مفكر وإنما نعبر عن رأينا فقط (نفضفض)
ولك جزيل الشكر على ما طرحتي
سامي عبد الوهاب إدريس
[email protected]
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: سامي عبد الوهاب إدريس)
|
الاخ الاكرم سامي عبد الوهاب إدريس
لك التحية بحجم وطن نحلم ان يكون معافى فى بدنه وشعبه !!!
شكرا كثيفا على المداخلة الثرة الحقيقية والمفيدة والهامة جدا
Quote: لازم نعتدل في حكمنا على الناس... إذا جاز لنا أن نحكم عليهم
لازم نحترم الرأي الآخر
لازم نعرف بأن معظمنا ليس بكاتب ولا أديب ولا مفكر وإنما نعبر عن رأينا فقط (نفضفض) |
القول ماقلته يااخى الاكرم سامى .. وليت البسيط من حسن النية يسود العالم والمنبر لتكون الحياة بشكل افضل الى حد ما..
| Quote: ولك جزيل الشكر على ما طرحتي |
ولك جزيل الشكر على مرورك الطيب وكلماتك البلسم
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
المحترمة بنت الناس
نادية عثمان
اسمك دا تشوفي ليهو طريقة ولّل انا اشوف لي طريقة لي اسمي دا
كل ما اشوف اسم نادية عثمان للوهله الاولى يتخيل لي انو الامين عثمان بعدين يطلع نادية عثمان والله اسمك دا قاعد يجهجني مع انو في فرق كبير بين حروف الامين وحروف نادية بس ما عارف ليه
وبي مناسبة الجهجة دي يا نادية كنت متوقعك تكتبي عن حكاية الجهجة والكبكبة الحقيقية البتحصل في المنبر
يعني ما في جكسوية تنزل ليها بوست انشاء الله ما فيهو أي موضوع وتعالي شوفي الكبكبة
بوست رائع يا استاذة
ولي قدام
والنسيم يحي العليا
وكامل مودتي بي دسمها
وكان غابت تعالي شوفي
اين الشفيفة النضيفة الظريفة بتاعة النيفة فلانة
واليومين ديل في كلمات جديدة زي الوريف والوريفة
وناس انا احب نادية بنت عثمان واكجن اللمين ود عثمان
والشعر البقى يتناثر يمين وشمال
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: الأمين عثمان صديق محمد)
|
الاخ المحترم الامين عثمان صديق
Quote: المحترمة بنت الناس
نادية عثمان
اسمك دا تشوفي ليهو طريقة ولّل انا اشوف لي طريقة لي اسمي دا
كل ما اشوف اسم نادية عثمان للوهله الاولى يتخيل لي انو الامين عثمان بعدين يطلع نادية عثمان والله اسمك دا قاعد يجهجني مع انو في فرق كبير بين حروف الامين وحروف نادية بس ما عارف ليه |
انا اى عثمان حايم فى المنبر ده غير عثمان ابوى بيعمل لى جهجهة !!
Quote: وبي مناسبة الجهجة دي يا نادية كنت متوقعك تكتبي عن حكاية الجهجة والكبكبة الحقيقية البتحصل في المنبر
يعني ما في جكسوية تنزل ليها بوست انشاء الله ما فيهو أي موضوع وتعالي شوفي الكبكبة
بوست رائع يا استاذة
ولي قدام
والنسيم يحي العليا
وكامل مودتي بي دسمها
وكان غابت تعالي شوفي
اين الشفيفة النضيفة الظريفة بتاعة النيفة فلانة
واليومين ديل في كلمات جديدة زي الوريف والوريفة
وناس انا احب نادية بنت عثمان واكجن اللمين ود عثمان
والشعر البقى يتناثر يمين وشمال |
ده زاتو مشهد !!
وحانواصل
دون فواصل
وانطباع !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: bashir adam abdalla)
|
العزيزة نادية،
كتاباتك رائعة ومعبرة .. وفي السلك.
بالإضافة لسوء الظن والانطباعية هنالك داء آخر مستشري في البورد هو "حب الظهور" حتى ولو على حساب الآخرين. ومعظم الأقلام التي تتطاير للظهور كالبالونات سرعان ما تطرشق وما تلقى زول يحاول يلمها.
أحيي من خلالك كل الأقلام التي تزرع الأمل هنا وهناك وتزيح الأشواك. تتسلح بحسن النوايا مع نفاذ البصيرة.. والحكمة مع الشجاعة.. والإبداع مع معايشة لواقع الناس البسطاء...
ولا يهمها إلاّ أن يسود الخير والجمال.
ودمتي،
العوض الطيب
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: Elawad Eltayeb)
|
النبيل الاخ العوض الطيب
شكرا على مرورك الذى يحمل طيبة واريحية فى الطرح
| Quote: كتاباتك رائعة ومعبرة .. وفي السلك. |
شهادة اعتز بها ولك موفور تقديرى على الكلم الطيب فى حق شخصى المتواضع
| Quote: بالإضافة لسوء الظن والانطباعية هنالك داء آخر مستشري في البورد هو "حب الظهور" حتى ولو على حساب الآخرين. ومعظم الأقلام التي تتطاير للظهور كالبالونات سرعان ما تطرشق وما تلقى زول يحاول يلمها. |
وهذه حالة ايضا قد تكون حقيقية عن الشخص المعنى او انها قد تكون ايضا مجرد انطباع خاطئ عن الشخصية التى تعتقد ان هدفها الظهور ايضا !!
كن متابعا ولك منى كل التقدير
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
الأخت نادية
كل الأمثلة التي تفضلت بسردها صحيحة والإنطباعية موجودة حتى في سلوكنا العادي علي سبيل المثال إذا وجدت مجموعة من الناس أمامك وأردت الأستفسار عن موضوع ما من أحد الأشخاص الماثلين أمامك ففي هذه الحالة سيكون تصرفك إنطباعي لأنك ستختارين الشخص الذي أنطبع في ذهنك بأنه الأقدر على الإجابة عن أستفسارك هذه إنطباعية تلقائية لا غبار عليها ولكن الإنطباعية تكون مدمرة وظالمة حين تكون مبنية على حكم سلبي على الآخرين دون معرفة مسبقة عنهم وهذا النوع من الإنطباعية هو الوارد في أمثلتك.
ولكن السؤال يبقى كيف نتعامل مع الأنطباعيين الذين يحكمون على الآخرين ظلماً؟ مما يضطرنا في كثير من الأحيان لمواجهتهم وأيقافهم عند حدهم ، وأحياناً أخرى نلوذ بالصمت عندما نحس أن أنطباعاتهم لا تؤثر في تعاملنا مع الآخرين ولا ضرر فيها لأن الزمان كفيل بتغيير كثير من هذه المفاهيم في عقولهم ومن خلال تجربتي الشخصية وجدت أن كثير من الذين أتعامل معهم بشكل يومي أوشبه يومي يعودون ويقولون لي نحن كنا فاهمينك خطأ ويعودون زملاء أتعامل معهم والعود أحمد. ولكن إلى متي سنظل نصمت عن هؤلا الإنطباعيين فلربما لا تحين لهم الفرصة لمعرفة خطأ تعاملهم الإنطباعي؟
أعرف عشرات الأشخاص المؤهلين مهنياً وعلمياً ولهم خبرة ودراية بمهنتهم ويمتازون بقوة الشخصية ولكنهم لم يفوقوا في الحصول على وظيفة ما بسبب أنهم في المعاينة لم يعطوا أنطباعاً قوياً بأنهم أجدر بهذه الوظيفة وتم أختيار أشخاص أقل درجة منهم في كل المعايير المذكورة لأنهم وبإختصار منحوا الآخرين هذا الإنطباع.
أختي نادية
هنالك أسئلة عديدة تحيرني فيما يتعلق بالإنطباعية وربما أعود مرة أخرى لهذا البوست
مع تحياتي
عادل عبدالرحمن
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: انعام عبد الحفيظ)
|
انعام عبد الحفيظ
البت الحديقة والقلب الطاهر
بفرح لمن الاقى اسمك فى اى مكان والله
Quote: ندوية الغالية
واصلي المشاهد (حتى تفرغين مابداخلك من استياء والم)
وارجو ان لا تطول (حتى لايستمر المك كثيرا)
فانتي عزيزة وغالية ولا نستطيع رؤيتك متألمة
سلمتي من كل اذى |
عارفة يانعومة
فى ناس كتير اعتقدتو انى فتحت البوست ده لانو فى شئ زعلنى انا شخصيا او لانى عندى مشكلة !!
الحقيقة ان البوست ده فتحتو بعد رصد كببببببببببببير لحالات مختلفة حصلت لغيرى ولى فى المنبر ده ودى مشاهد انا وانتى وكلنا عارفين انها بتحصل للاسف !!
وبيتظلموا ناس كتار عشان مجرد انطباع وتتخلق عداءات ماليها اول من اخر ومعارك فى غير معترك والمحصلة زيادة معدل الكراهية والشر فى النفوس البشرية وياريت لو بحق وانما مجرد انطباع !!
وده شئ مؤلم للجميع اكيد!!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: Mohammed Haroun)
|
الاستاذة نادية
يجب ان تكون مساحة التوقع لحدوث الاشياء كبيرة جدا كما يجب علينا ان نفرش الارض زهور وورود لاستقبال ما هو مختلف .
هذا البورد يا نادية عبارة عن سوق تعرض فيه مختلف الاراء كما تعرض فيه بضائع شتئ ولذلك لا بد من توقع ان يكون هنالك ضعاف المفاهيم والرؤي .
لابد من النظرالي ذلك النصف الملئ من الكوب .اما النصف الفارغ سوف يمتلئ لاحقا .
يجب علينا ممارسة التمريض لاولئك الذين يعانون من انفلونزا ..........
لكم عاجل ودي
مجدي شبندر
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: maia)
|
maia
شكرا على المرور الطيب
Quote: ما عارفة توارد خواطر ولا شنو لكن لي فترة نفسي افضفض واقول فقلت في بوست كده انه الانطباعية هي سيدة الموقف والبعض يكتب ليس من اجل الكتابة بل تمرير اشياء بيعرفوها براهم
وسياسة الكيمان المفروزة |
ده كلام سليم جدا فى الغالب تكون الانطباعية هى سيدة مواقف الكثيرين هنا سلبا وايجابا !!
فلو الانطباعى بقى مبسوط منك بيرفعك سابع سماء ولا مارقت ليهو بيخسف بيك الارض !!
نعم هى سياسة الاكوام والشلليات .. ولله فى خلقه شئون !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: Hisham Amin)
|
المحترم هشام امين
التحايا النواضر
ومرحبا بك فى هذا البوست
Quote: كلامك صاح شديد وبصراحة اشدا كان عندى تعليق تبادر لزهنى عندما قراءت
عنوان البوست لكن عندما قراءت الموضوع قررت ان اسئالك بعيدا عن التعليق
ما هو الحل فى رائيك وما هو الدواء الذى ينفى العدائية بين البعض دون سابق معرفة؟ |
الحل ببساطة من وجهة نظرى المتواضعة اننايجب ان نفترض فى الاخر انه (كويس )الا اذا ثبت العكس بالادلة القاطعة وليس بالانطباعات والقيل والقال من الاخرين الذين هم ايضا لايعرفون عنك اى شئ غير بعض الخيالات التى يصورها لهم البعض او التى تنقل لهم !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
الا اذا ثبت العكس بالادلة القاطعة وليس بالانطباعات والقيل والقال من الاخرين الذين هم ايضا لايعرفون عنك اى شئ غير بعض الخيالات التى يصورها لهم البعض او التى تنقل لهم !!
وهذا مربط الفرس لذا ادعوا واسجل اقتراحا علة يجد القبول ان لا يتوانى
المحترمون من اظهار ارقام تلفوناتهم لمن يريد ان يسال عنهم فى المسنجر الداخلى
منعا للقيل والقال والمزايدة فى المعلومات وكثرة (البهارات)
ولك تحياتى مرة اخرى
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: Hisham Amin)
|
Quote: ان لا يتوانى
المحترمون من اظهار ارقام تلفوناتهم لمن يريد ان يسال عنهم فى المسنجر الداخلى
منعا للقيل والقال والمزايدة فى المعلومات وكثرة (البهارات) |
انا شخصيا ماعندى ادنى مانع ..وهى فكرة مابطالة ابدا ..بس برضو الماداير خصوصياتو وعلاقاتو بناس المنبر تتعدى العام للشخصى هو حر ومافى زول من حقو يتجسس ويفتش على تفاصيل حياتو للغمز واللمز والتشهير كما يحدث هنا للاسف !!
انا نفسى الناس تكون بتعرف بعضها كويس ومافى زول خالى من العيوب ولاكامل لكن من حق الجميع تحديد شكل علاقاتهم مع الاخر ولاانت رائك شنو ياهشام ؟!!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
ناديه عثمان
Quote: الحل ببساطة من وجهة نظرى المتواضعة اننايجب ان نفترض فى الاخر انه (كويس )الا اذا ثبت العكس بالادلة القاطعة وليس بالانطباعات والقيل والقال من الاخرين الذين هم ايضا لايعرفون عنك اى شئ غير بعض الخيالات التى يصورها لهم البعض او التى تنقل لهم !!
|
هو الحل بكل بساطه ،
و لكن الصعوبه فى القدره على فعل ذلك ،
فالذين لا يملكون أدوات :
( حسن الظن و حسن النيه و حسن الإفتراض )
هم سبب ( الأذيه ) ،
كونى بخير دوما .
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: Hisham Amin)
|
الانطباعية او التاثيرية حركة ادبية وفنية خرجت من اكمام حركة الطبيعية
وعاصرتها ولكن وسعت مجالها وقد استخلص انصارها الاوائل فى فرنسا منهجهم
من منهج المدرسة الانطباعية فى السوبر الزينى التى اسسها كلود جونيه
واشتق اسمها من عنوان لوحة التى عرضها عام 1874 م وصور فيها منظرا طبيعيا
وجعل عنوانها (انطباع عن الشمس الشرقية) ومنهجهم يقوم على عدة مبادى منها.
البعد عن التامل فى الاشياء والتفكير فيها والاكتفاء بالاثر والانطباع الفورى الذى
يخلقه فى الاديب الى فرض الانطباع على حواس القارى بطريقة تجعله يشارك يشارك
فى تجربة الكتاب....
اما العدائية......خايف استرسل يا استاذة نادية تقومى تقولى لى حنكك
بيش......بس هم بيعملو كده ليه؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: waleed500)
|
Quote: اما العدائية......خايف استرسل يا استاذة نادية تقومى تقولى لى حنكك
بيش......بس هم بيعملو كده ليه؟؟؟؟؟؟؟؟؟؟؟؟؟؟ |
وليد خمسمائة المحترم
كدى ورينى ياود الخالة انت كوزنتك دى انطباع ولااعتراف ؟؟
شايفة ناس هنا شابكينك ياكوز ياكوز !!
وبعدين انت الكلام البيشبه التحليل ده (كلام كبار كبار ) حقك ولامنقول ؟!!
اعترف لانو ده حاينبنى عليهو انطباع ثم عداء ثم ..ربك يستر بس !!
اعترف قوام اخير ليك !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: Hisham Amin)
|
هشام العزيز
| Quote: شغل الصحافة متعب يا نادية |
اها ده ماانطباع دى حقيقة مائة فى المائة ياهشام والله .. وربنا يرحمنا برحمته بس
Quote: شايفك اون لاين وعلى حسب ما انا عارف اسى الساعة عندكم5:30 صباحا
يعنى يا تفانى فى العمل وبشدة يا صاحيا تجهزى البت للمدرسة |
عندى حوارات للجريدة بجهز فيها وبرضو بصحى البت وانوم بعدها وانا دايرة اموت من التعب ..ربنا يدينا روح للشقاء ده يارب...
| Quote: الله يديك العافية بس ..... |
والله دى احلى دعوة وربنا يديمها عليك ياهشام اخوى يارب
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: Isa)
|
Isa
| Quote: أختنا ال ما فاكّـاها في روحها نادية، تحية صادقة لكي.. وبعـدين تدفعي كم عشـان أوريك معنى فاكيها(فاكاها) في روحو/ها شـنو؟، وبيني وبينك أنا زااتي ما عارفو، لكـن ما مشـكلة هسـع بشـغل ال MSN وبجيب ليك خبرو، ولاّ كمان ممكن أخسـر عليهو تلفـون بي 15 يورو (لاحظي خمسطاشر مش تلاتين) وصححي معلوماتك بالله!!..وبعـدين الحسـاب يجمع! أوكي، |
فوق الخمستاشر بدفع ليك عشرين يورو بس ورينى حرفيا كده (فاكاها فى روحها يعنى شنو وفاكة شنو تحديدا)؟!!
اخوى قال لى معناها الفاكة شعرها وبتتفلهم بيهو صحى ؟!!
قصتك حلوة شديد
والحكمة دى بمائة الف يورو
| Quote: عايـز أقول حقو وببساطة نحـكم على الناس بعـد التعامل المنفتح والمحايد معاهم، وليس لمجـرد إنو في شخص لم تعجـبنا طريقتو في الكتابة أو أسلوبو أو ميولو السياسية أو الدينية الخ (هنا في المنبر)، أو لم تعجبنا طريقتو في الكـلام أو اللبس او غيرو (خارج المنبر).. فربما، أو غالبا في الحقيقة، سنكتشف ومتأخـر خالص أن حكمنا الانطباعي (السـلبي) ذاك قد جانبه الصواب... ولكي الشـكر الكتير... |
يديك الف عافية يارب
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: سجيمان)
|
سجيمان اخوى العزيز
نورت البوست بالطلة الغالية والله
عساك طيب يازول ياابو قلب طيب
| Quote: نضم في التنك.....وما تنسي الايميلات لمقاطعة اعداء الديمقراطية والتقدمية والتحرر |
الرسول فيك ياسجيمان كان فاهم تفهمنى ..العلاقة شنو بين الكتابات السجيمانية والناديوية والمنتجات الدنماركية ؟!!
جد محتارة لانو ايميلات التحريض لمقاطعة بوستاتى وبوستاتك كانت فى ايميل واحد وتوقيت متزامن مع مقاطعة المنتجات الدينماركية ..نكون جبنة لافاش كيرى ونحنا ماعارفين ولاشنو ياسى جى ؟!!
ده موش انطباع والله ده جن احمر عديل كده !!
ولا انت شن قولك ياسى جى اخوى ؟!!
المر خبارو قاطع الارسال ؟!! سلم عليهو كتييير !!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: نادية عثمان)
|
Quote: طيب والحل شنو من وجهة نظرك انت ؟
|
خلينى أحكى ليك طرفه صغنونه إمكن تلقى فيها الحل :
ود الشايقى كان مدافع فى فريق المريخ و تم إختيارو للفريق القومى ،
و فى أول مباراة له مع المنتخب دخلت فى شباك العملاق سبت دودو 3 أهداف نتيجة
أخطاء ود الشايقى .... كانت أول مره تحدث أنو تدخل 3 أهداف فى مرمى
سبت فى شوط واحد !!! يحكى ود الشايقى فيقول :
و نحن طالعين من الملعب فى نهاية الشوط الأول جيت قريب من سبت و انا
خايف من زعلو و داير لى منو كلمة تشجيع بحكم إنو دى اول مباراة لى مع
المنتخب القومى .. فسألتو : كيف أنا كنت يا كابتن سبت ؟
و تنصحنى بى شنو ؟؟
قال ليهو سبت :
أنسهك تبتل الكوره دى خالس خالس 
أها إن شاالله يا ناديه عرفت الحل ؟
| |
|
|
|
|
|
|
|
|
 Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: مصدق مصطفى حسين)
|
| Quote: أنسهك تبتل الكوره دى خالس خالس |
المحترم مصدق
سلام
ولحدي ما تجي نادية اقول ليك كلام سبت في الصميم وانا اتفق تماما معك ومعه
تصدق انا ذاتي تروادي فكرة تبطيل كورة المنبر دي رغم اني اعتبر لسه جديد في المنتخب زي ود الشايقي كدا وتاني اتراجع عشان ناس نادية ونجود وسعد الدين وناذر وميادة وبعض الذين يصنعون البهجة بمثل مداخلتك هذه
وود الشايقي وسبت بيناتهم طرائف كتيرة
مرة ود الشايقي في لقاء تلفزيوني قال بعد ما ترك المريخ وانتقل للهلال كان في مبارة بين الهلال وفريق تعبان كدا قال غلبنا الفريق دا يمكن سبعة وهو الباك جاب فيهم قون ومافي أي كورة جات لي سبت
قال سبت قال لي : شايقي شوت علي خلي نعمل لقطة الجمهور دا يصفق شوية
ود الشايقي قال مسكت لي كورة وعاينت لي سبت دا كويس وعلقت ليهو في الثمانية هناااااك قون !!!! قال سبت عاين لي كدا وقال لي
شايقي انت لسه مريخ !!!!!!!!
| |
|
|
|
|
|
|
|
|
|
Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!! (Re: حسن الجيلى سعيد)
|
الاكرم حسن الجيلى سعيد
Quote: نادية العزيزة
غايتو بعد كتاباتك وتعليقاتك دى انتى اتصنفتى خلاص ربنا اكون فى عونك اناخايفك تحصلى ناس فلانه اللطلعو مع الجماعة على حسب تحليلات الجماعة التانين..واكان فهمتى اشرحى لى ...
اديك العافية |
اقايتو الحاجة الوحيدة الفهمتها من كلامك ده قولة الله يديك العافية !!
اها كده شوف لينا بوردابى محنك يشرح لينا كلامك ده وكت انت الكتبتو مافاهمو (وجه حاسى بانطباع ماهناى كده )!!
| |
|
|
|
|
|
|
| |
عاصم ابوبكر حامد
bayan
بدرالدين شنا
Muna Khugali
Ahmed Abdallah
aosman
فيصل نوبي
ايوب عبدالرحيم
ودقاسم
banadieha
سامي عبد الوهاب إدريس
saadeldin abdelrahman
bashir adam abdalla
Elawad Eltayeb
adil rahman
عبد الله عقيد
saif massad ali
انعام عبد الحفيظ
القلب النابض
Mohammed Haroun
مجدي شبندر
Hisham Amin
waleed500
قرشـــو
سجيمان
حسن الجيلى سعيد
فيس بوك
تويتر
انستقرام
يوتيوب
بنتيريست