|
Re: ابوقردة،موسي محمد احمد، التجاني سيسي وغي� (Re: Mohamed Adam)
|
نظام الحركة الإسلامية لايعترف ولايحترم حوار ولا يحترم اسلوب التداول السلمي للسلطة! قالوها ليكم من زماااان، انهم، ما ح يسلموها إلا لسيدنا عيسي بن مريم وياهو "الشيخ" علي عثمان محمد طة طلع من بياتو الشتوي وختاها ليكم برا وواضحة بتاع عنز !! السلطة اتت ليهم من الله فما ح يفكوها لسوداني غيرهم الا لو هم ماتو!! عمر البشير مشي لأبوحمار وقالها بكل وضوح انو حيسلم سلطة الحركة الإسلامية للكاكي وزي ما مسكها بكضبة، الآن برضو عايز يسلمها بكضبة!!!
يا شركاء حكومة الوفاق الوطني هل عمر البشير شاوركم لما قال بأبوحمار انو ما ح يثق في اي جه اخري، يسلمها السلطة غير تكون لابسة كاكي؟ هل علي عثمان محمد طة شواركم، لما قال ح يطلع كتايبه لقتل الشعب! وماهي صفة علي عثمان محمد طة في حكومتكم،الموقرة، حكومة الوفاق الوطني حتي يقول، ويزعم، ويحرض!! هل انتم مجرد كومبارس وصفر كبير علي شمال العدد!!
يبدو لي انتو عارفين انكم ما اصحاب مشورة ولا أصحاب قرار ولا صناع قرار بهذة الحكومة المسماة حكومة الوفاق الوطني وانما انتم مجرد ناس صغار ساي!! طيب.. اي توافق وطني توافقتم عليه والشفوت ديل ماشغالين بمدخلات ولا بمخرجات ماتوافقتم علية من حوار!! اسألكم هذه الأسئلة: هل توافقتم علي الحوار الوطني علي أن عمر البشير يسلم السلطة للكاكي ام يسلمها لصناديق الإقتراع! هل توافقتم بالحوار الوطني ان اي زول عمل بحكومة سابقة يكون عنده الحق في ان يتدخل في امور مصيرية هب من مهامكم انتم كحكومة وفاق وطني بالضبط كما فعل الشيخ علي عثمان محمد طة بقناة 24 ؟ يا ابوقردة، ويا باقي شركاء الحوار الوطني في الحقيفة انتو لاحولا ولاقوة لكم بهذه العصابة، عشان ماتتحدثوا عن حوار وطني وعن انتخابات 20/20 ! مشاركتكم في هذه الحكومة تمومة جردق .. اتضح لكل ذو عقل، إنتوا ياشركاء الإنقاذ، ليسوا بشركاء فعلين وإنما انتم مستخدمين مجرد غطاء لاسادة والقادة الفعلين وهم ناس شيخ علي عثمان ونافع وابوالجاز...الخ المسيرنها هم من خارجها امثال علي عثمان، نافع..الخ!
محمد آدم.
|
|
|
|
|
|
|
العنوان |
الكاتب |
Date |
ابوقردة،موسي محمد احمد، التجاني سيسي وغيرهم | Mohamed Adam | 01-09-19, 07:10 PM |
Re: ابوقردة،موسي محمد احمد، التجاني سيسي وغي� | Mohamed Adam | 01-09-19, 07:17 PM |
Re: ابوقردة،موسي محمد احمد، التجاني سيسي وغي� | د. بشار صقر | 01-09-19, 07:38 PM |
Re: ابوقردة،موسي محمد احمد، التجاني سيسي وغي� | Mohamed Adam | 01-09-19, 08:18 PM |
Re: ابوقردة،موسي محمد احمد، التجاني سيسي وغي� | محمد أبوجودة | 01-09-19, 09:16 PM |
Re: ابوقردة،موسي محمد احمد، التجاني سيسي وغي� | Mohamed Adam | 01-09-19, 10:11 PM |
Re: ابوقردة،موسي محمد احمد، التجاني سيسي وغي� | منتصر عبد الباسط | 01-10-19, 00:15 AM |
Re: ابوقردة،موسي محمد احمد، التجاني سيسي وغي� | محمد عبدالله مختار | 01-10-19, 01:00 AM |
Re: ابوقردة،موسي محمد احمد، التجاني سيسي وغي� | محمد عبدالله مختار | 01-10-19, 01:08 AM |
Re: ابوقردة،موسي محمد احمد، التجاني سيسي وغي� | Mohamed Adam | 01-10-19, 06:24 AM |
Re: ابوقردة،موسي محمد احمد، التجاني سيسي وغي� | Mohamed Adam | 01-11-19, 01:13 PM |
|
|
|