|
|
|
 Re: قصّة سنهوري وسارا من زاوية أدبية (Re: أبوبكر عباس)
|
سكنت في القصيم مع زميل بيطري اسمو يزيد السراج
شقيق زهير السراج
يزيد دا، يحب مصطفى سيد أحمد حب فوق التصور
يمتلك كل الكاسيتات لكل أغاني مصطفى
ويمتلكها كتابة في كتاب يشبه المصحف المكتوب باليد،
يعرف كل شعراء الأغاني ومناسباتها
يعني لو سألتو ترتيب الحب عندو يقول ليك:
بعد الله والرسول مصطفى دا
يومياً يونسني عنه
أونسه عن كذبة الدين
أثّر فيّ بحب مصطفى
ولم أترك في دينه أثر
| |
 
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
الأخ أبوبكر
قصة سنهوري و سارا من ناحية أدبية
منتظرين التناول الأدبي للقصة..بعد عرفنا القصة الأصلية(الحقيقية)بتاعة الجماعة ديل و ما فيها سئمنا من النواحي القانونية...
في الحقيقة جذبنا لبوستك الظريف ده عنوانه. و أجمل ما في الكون هو الخيال و التخيّل...
خاصة حينما يكون الواقع كئيب أو ممل .
واصل على أقل من مهلك.
تسلم حبيبنا..
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: ABUHUSSEIN)
|
أووو نعوم
كيفك؟
يا أخي، القلوب عند بعضها
سبب البوست مداخلتك الغاضبة وتأليبك لصديقات سارا الاسفيريات
أعتقد العلاقات الإسفيرية الانسانية حتى لو في جانب منها كذب، فهي أعمق من كدا
لا أعتقد أن سنهوري كان يكذب في تفاعله مع الحالات المنفردة من الصداقات
في زمن دا لو لقيت ليك يستمع لك دون إسقاطات، فهو بالتأكيد نبي
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: Deng)
|
ودعباس
مفــارق كيـــف تخليـــنــا لشوقنا و ذكــري ماضينا
و كيف بعدك يكون الحـال و كيــف تصبـــح لياليـنــا
(منبرنا) الكان مفرهد بـيك و عــاش روعـــة تلاقينــا
صبح حزنان و ما مصـدق في يــوم ترحــل تخلينــا
| Quote: الزمن داك الوهابيون كانوا مسيطرين على القصيم |
ما كانوا بسجلوا اسمك في اللستة حقت صلاة الفجر ؟
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: Ahmed Yassin)
|
سلام عبد الله،
طبعا يا أخوانا سميح الزي دا هو الراحل الأستاذ سعيد شايب هو عند الجمهوريين لا يقل مرتبة عن الأستاذ محمود محمد طه.
هو من الناس الذين يحعلوا للحياة معنى وأمل، مثله مثل مصطفى سيد أحمد
الأتنين تعشقهم بحيثوا بصبحوا جزء من حياتك
يعني لو عايزين نشبه تعلق سنهوري بمصطفى
أقرب مثال علاقة الجمهوريين بسعيد شايب
حب فكرة في شخص زول
بالنسبة لي الأتنين أنبياء
وسنهوري عاشق لا يتقيد بالقوانين والتجاوزات
بالله يا أخوانا، لو الواحد فيكم ما جرب العشق بمعنى العشق؛
ما يحكم
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
| Quote: سبب البوست مداخلتك الغاضبة وتأليبك لصديقات سارا الاسفيريات |
أبداً يا دكتور ، هو ضيق و ليس غضب!
أحسن المتضررات ياخدو حقهم بالقانون بدل الكتابة المتناسلة و المتشعبة في إتجاهات بعيدة ما عندها علاقة بطبيعة الضرر الوقع عليهن.
برضو محاسبة علاء الدين ستردع كل من تسول له نفسه بتقليد هذا الإحتيال
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: نعمات عماد)
|
تقريبا شاهدت مع يزيد شريط فيديو حفلة الدوحة عشرات المرات،
سمعت معه كل أغاني مصطفى كلها
كثير منهن كان أول مرّة اسمعن
يزيد كان مجنون بمصطفى وعشقه له يفوق عشق أي صوفي لله،
سحرتني أغنية شوق الشوك
وأدمنت قمر الزمان
تعلمت أن أكتب رسائل غرام وتتخيلها امرأة في صورة وطن
كنت أطلب منه دائما أغنية بشرى الفاضل
لما تطلعي في الشوارع شوفي كيف الناس تصارع
ولما يصل
كل زول من عند سلافك لا لا قال دايرلو كاس
كنت أتذكر حبيبة الأسافير دينا خالد
باعتبار ما يكون
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: osama elkhawad)
|
سلامات يا أبو بكر
شكرا لك. أول مرة أسمع أغنية شوك الشوق وكتير من الكلمات ما فرزتو. لكن عمنا قوقل ما بقصر معانا، ما نحن ناسو الما عندنا غير الله وغيرو. يا زول هبشت لقيت ليك الكلمات. يا سلاااااام . عجيييييبة.
كلمات اغنية شوك الشوق مصطفى سيد احمد
شوك الشوق لى الشوف آ خَىْ
ضارب قطن النسج الحى
يا منقاش أحزانى إنشرت
وادى الفرح إتمدد صَى
يا راحلين عِـنْ دُغُش الليل
ما لاقيتو جناياً زى ..
تكية نخل الفجُر الجاسِر
فوق فى المتَرَة .. عَرَاجِنْ ضَى
آ رعاوة .. العرب الرُّحّل
ما لاقاكُنْ فى المطرانى ؟
فى كاويقْ الجرف الأمحل
بين أسراب الرهو الراحِل
ساند أكتاف الليل الميّل
عِنْ ساساق الغيمة عليكُن
بين رقراق الخيمة معاكُن
ما أديتوهو شِوَىْ ... بى حرجل؟
*************
آ رطّانة الليلُن ليّل
ما لاقاكُن فى ونساتكُن؟
بين الشادِى وبين كاساتكُن
فى صلواتكن .. عِنْ دعواتكن
أو .. دقساتكُن عِز خلواتكُن
.. زول .. زول الله
إن مِحِن .. آ .. بِسأل
الهبّاد لى غُلبْ أخواتو
الفرّاح عوّان الحلّىِ
الفدّاع لى الليل ظُلماتو
آ نجمات .. شقيش قولن لى
ما لاقاك طالِع .. متدلّى ؟
المطيوب من طيبة أُمّاتو
كالفجّاج .. الندّ نباتو
موج البحر اللّحَمَر هوجتو
وعِرق العِرِق .. اللاّوى ثباتو
جانا الشَدر الأخَدَر منو
ونار الشدر الأخَدَر جاتو
فات شِقيش ...
أب قولاً واحِد ..
وليش ما يرجع من غُرباتو
طوّل طُول .. ما طلّ علينا
وقاطِع مِننا جواباتو
الغابات جات تنشِد منو
والعربان راجين جياتو
أديناهم عرقو .. وعَلَقو
صورتو يقلِّب فى كِتْباتو
ضُل رشاشو .. ركيزة زولو
ساعة سِلمو .. ويوم حوباتو
سِن طوريتو ولون أبرولو
حِس طنبورو البى نغماتو
لهْلَب عِشق الناس الفقرا
وبرّد جوفُن .. بى غنواتو
... ويا غنواتو
الدخلت فينا
تمرق .. جينا على جِلاّتو
وجِيداً جينا .. طلقنا وشينا
وش الدنيا الليلة حلاتو
وش أطفالنا الليلة حلاتو
وغنى معانا غنانا هويتو
غنِّى العالم
غنى حياتو
لا ساومنا عليها قضيتو
ولا فكينا من إيدنا .. وَصَاتُو
ألف شليل يا نورة يفوتو
عشان ما يجيك شليلك زاتو
| |
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
تحياتى للجميع.
وما فائدة الأدب إن لم يمتع قارئيه؟
شخصيا أستمتع بكتابات أبى بكر(فى أى موضوع كتب) حد الثمالة ، أبدأ قراءتى للمنبر بالبحث (من حيث انتهيت فى آخر زيارة) عن كتاباته، بعدها أنصرف إلى ما عداها من مواضيع.
الشهادة لله هو من المؤثرين القلائل بكتاباته فى هذا المنبر.
إن غاب أبوبكر عن المنبر، سوف ينقص لك من المنبر كثيرا.
....
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: Yasir Elsharif)
|
"بين سجن وبيت أشباح ** وعطالة ودم مباح ** ومذلة تودِّي الغربة ** والغربة جراحا جراح
القصيدة في لحظات تلحينها مع مصطفى والموصلي في القاهرة
بين سجن وبيت اشباح
كلمات مصطفى سيداحمد
****************
بين سجن وبيت اشباح
وعطالة ودم مباح
ومذلة تودى الغربة
والغربة جراحا جراح
والحل فى بلدك ذاتا
تتحدى سلاح بسلاح
تهزم خفاش العتمة
ويغسل سودانا صباح
************
الخمج الماحق سوقنا
من بعض وفا المحتاج
والعبرة الرابطة حلوقنا
من فيض كاس الدجال
الوهم الداير يسوقنا
اصبح مفضوح الحال
ما فضل الا مروقنا
وبسلاحنا نعدل الحال
بسلاحنا نعدل المال
*********
يا غضبة نيلنا الطامح
وكتين يكسح طوفان
يا سيل الشعب الجامح
فى الثورة بعد عصيان
يا ضراع الولد الجارح
بسلاحك فى المليان
الكى للالم الناتح
والعبرة لكل غبيان
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: محمد جمعه الخير)
|
قال انتهى!!
انتهى بتاع فنيلتك!! يا قول صديقي الاسفيري كيكي "عبد الكريم الأمين أحمد" له التحايا من بعد الأشواق فبوسته الباذخ يستحق أن توضع وصلته هنا
ام المفاجات (الصحفي هاشم كرار يروى من قلب صحيفة الايام اسرار اعدام الشهيد م...د محمد طه)ام المفاجات (الصحفي هاشم كرار يروى من قلب صحيفة الايام اسرار اعدام الشهيد م...د محمد طه)
شوك الشوق اتجدد تاني
كلمات أغنية كوني النجمة..الشاعر قاسم ابو زيد…غناء الأستاذ مصطفى سيد أحمد
قولى الكلمة لصمت الليل
وطولى النجمة
وامشى معانا درب طويل
وكونى النجمة
وادى الفرح امتد مساحة
نادى الامل الجوة عيونا
شوك الشوق اتجدد تانى
باقى احلامنا جدار من كونا
نار الالفة البينا سنين
صحت فينا احلام يوم باكر
غيم الامل الشارد يوصل
وانت معانا فى عمق الخاطر
ايد مبسوطة تقابل الحنة
نغم الليل السال شبال
نخلة تغازل فى عيون طفلة
طفلة وحفلة ورقصة فال
وادى الفرح امتد مساحة
نادى الامل الجوة عيونا
شوك الشوق اتجدد تانى
باقى احلامنا جدار من كونا
Merken
مشاركة8
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: osama elkhawad)
|
أعتقد انو Androw Niccol سرق فكرة فيلم
Simone
من علاء سنهوري
حكينا رواية سنهوري لواحدة لم يشوه صفاءها العالم الاسفيري
قفزت صايحة
دا أروع من فيلم آل باتشينو
بسرعة مشت مكتبة أفلامها وأهدتني النسخة بشرط ارجاعها
استمتعت بالفيلم وشكرت خيال سنهوري الجامح
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
قصة الفيلم:
"تتمحور قصة الفيلم حول مخرج سينمائي يدعى فيكتور تارانسكي[8] (آل باتشينو)، يعمل على فيلم جديد، إلا أن البطلة المختارة للفيلم، تتخلى عنه، لعدم قناعتها بفكرة الفيلم، على الرغم من كونه صاحب الفضل في إكتشافها، مما يدفع بالمنتجين إلى رفض الفيلم خوفاً من الخسارة، لعدم وجود نجمة تلعب دور البطلة. وفجأة يظهر مبرمج كومبيوتر يُدعى هانك ألينو (إلياس كوتييز)، على شفير الموت، لإصابته بورم سرطاني في العين، يعرض على فيكتور مشروع برنامجه الذي أسماه (Simulation One)، مجاناً، قائلاً له أن هذا البرنامج قادر على إبتكار شخصيات على الكومبيوتر، لا فرق بينها وبين الشخصيات الحقيقية. في باديء الأمر لم يصدق فيكتور ما سمع، ويتجاهل العرض، وبعد أسبوع يقوم محامي هانك بزيارة فيكتور، ويعطيه القرص المدمج الحاوي على البرنامج، حسب وصية هانك. بسبب يأس فيكتور من وجود نجمة سينمائية للعب دور البطلة، وبالتالي رفض المنتجين الفيلم ما لَمْ توجد بطلة حقيقية، يشرع فيكتور بإستعمال البرنامج كحل وحيدِ، مغيراً اسم البرنامج إلى (Simone). في باديء الأمر يفرح فيكتور بنجاح فيلمه، والأفلام التالية، إلا أن إعجاب الناس الزائد عن الحد بشخصية سيمون، يجعله يشعر بالحنق، فيعمد إلى مسح البرنامج من الكومبيوتر، وإلقاء جميع الأقراص المدمجة في قاع البحر. تتهمه الشرطة بقتل النجمة السينمائية سيمون، ويعجز عن إقناعهم أن سيمون ما هي إلا لعبة فيديو، إلا أن إبنته تنجح في استعادة البرنامج المحذوف، وتقوم بإظهار شخصية سيمون على قنوات التلفاز العالمية، فتنقذ أباها من السجن. عندها استخلصَ فيكتور أن الحقيقة لا تَفضي دائماً إلى النجاة"
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
الفرق الرئيس و المحوري بين الفلم و قصة السنهوري انه المخرج في الفلم اضطر لخلق البطلة لينجح الفلم ما عشان يشكّر بيها رقبته وعزلها عن الناس وضرب سياج حولها و منع تواصلها عكس المرحومة التي اقتحمت مجتمعات المهيرات و خلقت لها واقع وحياة و على اثرها تواصلت مع الناس و اوهمتهم بتفاصيل حياة و هناك ما اثير عن تبادل الرسائل الخاصة و التي قال غازي السنهوري ان علاء السنهوري تعهد بابادتها وهذا جزء من العلاج وكدا.
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
طيب ما ياهو دا الانا كنت قاصدو
من مجمل جريمة علاء سنهوري المدانة من كل صاحب عقل ومنطق
نحنا الما كنا بنعرفو ديل عرفنا انو هنالك من هو يحاول على الاقل
مواصلة مشوار مصطفى سيد احمد .. نعم ما اظن يتلقي نبي زي مصطفى
لكن اهو على الاقل في ناس متمسكين بي سنتو.. وبحاولو ويمدو في الدروب
عليك الله يا مستنير شوف الابداع في خلق شخصية واستنباطها بكل صفاتها
وخلق اسلوب خاص بها وايجاد ظروف لحياتها .
هذه الشخصية وهمية نعم .. ولكنها اصبحت مؤثرة في بعض الناس المحتكين بها
بصورة او بأخرى .. اليس هذا خيال خلاق يجب علينا ان نحاول اعادة توجيهه بصورة ايجابية
اي نعم ما حدث من علاء مدان ويعد جريمة اخلاقية في المقام الاول ولا احد يرتضيها
ولكن يجب ان نرى الابداع في كل شيء حتى مساوئنا فيها نوع من الابداع
ياخي معظم افلام السرقات تعجبني لما فيها من ابداع وذكاء بالذات Italian Job
وبالتأكيد هذا لا يعني اني اشجع مثل هذا السلوك ولكني اقيم الابداع حتى في الاشياء السيئة
اسع الواحد لو ما خايفكم تشنو عليهو حملة كان حكى ليكم قصة البدوي المبدع الذي
حاك سيناريو استمر اكتر من الف عام ونيف
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: عبدالحفيظ ابوسن)
|
| Quote: فلننظر للترابي والبشير وكل اهل السلطة والتمكين من منظور الادب ونقرظ عملهم |
مع انو الموضوع والتأثير مختلف يا حفيظ لانو موضوع علاء ما فيهو جريمة مادية حصلت
ولا اضرار جسدية ولا قتل ولا اغتصاب ولا غيرها .. كل الحصل استيلاء على خصوصيات ناس
ودي برضها جريمة لا تغتفر
لكن موضوع ناس الترابي وعمر البشير اتعدى كل الحدود وبقى جرائم حرب وابادة
لكن شوف الابداع بتاعهم وين..
الابداع هو في انهم نجحوا يخلقو عقليات متبلدة متحجرة معولقة زي الكشفت عورتها بتنا وئام شوقي
اها دا نوع من الابداع في الجريمة كونك تستطيع ان تؤثر في كمية بشر زي ديل وتطلع منهم الات غبية تدافع بغباء
عن هوامش الدين وتترك اللب المؤثر في حياة الناس ،
فدى نوع من (الشر الابداعي) .. دا مصطلح نجرتو عشان خاطرك
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: عبدالحفيظ ابوسن)
|
Quote:
Quote: أو يلج البقر من سم الخواض
اسحب يا مستنير، ثم يلزمك إعتذار ... |
لا والله وعلي الطلاق ما يعتذر ...
هذا ما يجيده ، الطاقة التدميرية الهائلة في الشتم المجاني....
برافو عليك...
ومشكلة البيطار انه من مدني:
يعني معيار الابداع متقدم وعالي جدا:
أين من عبدالحي وأحمد الفضل ومحمد محيي الدين والسر خضر وغيرهم من الفرسان؟؟؟
لن يتم قبوله في رابطة الجزيرة والآداب والفنون...
إمضاء :
القطب الرابع في سودانيزاونلاين...
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: osama elkhawad)
|
هسّ إتّا يا خواض، جيتك للبوست سببها رأي حول موضوع البوست؟ ولّ زعل قديم تسعى من خلاله منعي من الكتابة؟
أعتقد هو زعل قديم بالرغم من محاولتك إيجاد سياق لاحقاً للمداخلات الأولى.
أنا أجد نفسي معك أمام خيارين
إما أكتب وفق قوانينك للكتابة وعدم المساس بمقدساتك
أو تظل تطاردني هكذا حتى أتوقف عن الكتابة هنا
الأسهل عندي الخيار الثاني
لسبب بسيط
أنا رجل حر بكل ما تحمل هذه الكلمة من معنى، وكل يوم في شأن وأفكر في الأمور بشكل مجنون مزعج للآخرين
سوف أنسحب، لأنه يحز في نفسي أن أسبب لك أَذًى ، فأنت بالرغم من مكاجرتي لك
رجل كان له دور عظيم في المشهد الثقافي السوداني
الشي الغريب الذي لم تلحظه أن هذا البوست يحاول أن يتفهم مشكلة سنهوري التي إلى حد كبير
تشبه مشكلة الخواض مع تغيير الأجيال وتغير اهتماماتها
المهم زي ما قال لي مصطفى سيد أحمد
أسكن مع البدو في الخلا ولا أرضى غير الريح تجادلني ولا تقنعني
فتك بعافية
| |
|
|
|
|
|
|
|
|
 Re: قصّة سنهوري وسارا من زاوية أدبية (Re: osama elkhawad)
|
.
..
.
يا بكري ...
المناوشاوت الحاصلة في (حرب الشوارع) بينك وبين الخواض ممتعة خالص خالص ...
.
..
.
بالاضافة الى أن انتشالك لود الخواض من حفرة الجدية والصرامة الكان متقوقع فيها الى رحاب الضحك والفرفشة (منح اللوحة ازدواجية القراية) ...
.
..
.
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: osama elkhawad)
|
أنا ما عايز أقلل من قيمة الخواض أو أكسر تلج للظلامي ابوبكر
لكن من ناحية شخصية لو فتح الظلامي بوست والخواض بوست فسأفتح بوست الظلامي أولاً
ولو فتح هاشم الحسن بوستاً فسيكون له الأسبقية على الظلامي ونادراً ما يفعل
عشان كدا عندي قائمة المعلقين
وهي البوستات التي ادخلها لأن أخر من علق عليها هو أحد هؤلاء الPost-Booster الخمسة وهم بالترتيب:
1- هاشم الحسن
2- أبوبكر عباس
3- علي عبدالوهاب عثمان
4- محمد الزبير محمود
5- كبر
طبعاً القائمة دي مبنية على انطباع شخصي بحت وليس لها معايير تفضيلية ولكن شخصيات تهمني وجهة نظرهم في القضايا المطروحة منبيرياً ولهم انفرادية في وجهات النظر بتولع لمبة في ركن البوست المظلم والرتيب بمداخلات القطيع.
وهناك أخرون ولكن يأتون في مراتب لاحقة وربما في بعض الأحيان حسب نوع البوست المطروح ومضمونه يعني في النفايين محمد ودالبشرى هو الأول لقراءة وجهة نظره في موضوع تحوم حوله الشكوك.
ونكرر دي وجهة نظر شخصية عشان ما يتحسس فيكم من يتحسس
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: Frankly)
|
شكرا للمتداخلين وللبيطار الذي وصفني أيام الصفاء بأن العبدلله واحد من أربعة أقطاب في سودانيزاونلاين "المرجع موجود لو حضل غلاط"....
ليس لدي ولاينبغي لي الاعتراض على من يحكي ذكرياته كما يفعل الببطار أحياناً ، لكنني ضد ابتذال المفاهيم مثل "الاستنارة" و"النص السردي الحديث"....
فاعتراضي هنا في هذا البوست حتى يفهم ابوبكر مجيئ إلى هنا ،هو -وللمرة الكم ما عارف" -معارضة لابتذاله للنص السردي \القصصي الحديث عبر شكل "المقدمة الاولى والمقدمة الثانية" التي احتوت "إعادة تدوير" لحكايات سابقة لا علاقة لها بالعنوان الجاذب "زاوية أدبية"...
وليست هناك زاوية أدبية ولا يحزنون...هو يبتذل النص الادبي الحديث ، ويضرب عصفورين بنص مبتذل واحد:
السخرية من أنصار الحداثة الادبية من أمثال العبدلله،
والسخرية من الذين يعتقدون أن ما كتبه نص أدبي سردي حديث...
أها يا من تعتقدون في إبداعية البيطار "خمو وصروا"..
ولأحباب نصوصه ، أقول:
هذا سقف ذوقكم الأدبي....
أما عن العبدلله فالبيطار يعرف رأيي فيها
، وقد أورده حين تكلم عن "أقطاب سودانيزاونلاين الأربعة"....المرجع موجود لأنصار منهج "الشك"..ههههههههه
وهذه الحكايات لا تؤهله بالتأكيد ليكون عضوا في "رابطة الجزيرة للآداب والفنون"...
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: Frankly)
|
وعشان خاطرى يا بيطرى .. لو طلبتا منك عدم المغادرة .. ولاّ ما عندى خاطر عندك ؟ .
انا بحبك فى الله يا ابن عباس , رضى الله عنك وارضاك .
وانتا قايل الانترنت ابن الجزمة ده فايدتو شنو ؟ .. فايدتو انو كسر الصفوية فى الكتابة .. كسر الشلة المحتكرة الكتابة .. كسر نخرة اصحاب دور النشر , كسر نخرة رئاسة تحرير الصحف الورقية , كسر نخرة لجان الاستماع فى الاذاعة البتجيز الاصوات .
اى واحد عايز يغنى يغنى , اى واحد عايز يكتب يكتب , اى واحد عايز يعمل فيلم يعمل , اى واحد عايز يعمل فيها مناضل يعمل / المافى شنو / .
الانترنت يا قريبى اصبح قطاع عام , مثل الشمس والهواء , فاعرض علينا بضاعتك , ان قبلنها لك اجرين , وان رفضناها فـ طظ فينا .
* صعيدية قًحة علمتنى حكمة فى الحياة .. سمعت انها تعمل مِشَ مصرى قديم ابن وسخة , وذهبت اليها فى دهاليز منطقة شعبية فى جنوب الخرطوم واشتريت منها كمية محترمة , وقلت لها
- لكن يا حاجة هنا ما بيعرفو المِشَ المصرى بالطريقة دى , فى ناس بتشترى مِنك .
فردت بحكمة
- اهو يا ابنى , انا بعملو , اللى عايز يشترى يشترى , واللى مش عايز ....
ولو اردنا الترجمة للحكمة الصعيدية بعد حذف الكلام الما يهو , ممكن تكون الترجمة don't give up , مع لوحة الضفدعة .
فاكتب حتى يكل متنك , ولما يكل , لا تكلمنا واكتب .. فقد قالوا فى التراث ان رجل ادعى النبوة , وتانى يوم طوالى امر الخليفة بالقبض عليه , واحضروه اليه وسأله
- لمن بُعثت .
فقال بكل رجولة الجعليين
- او تركتمونى اُبعث لاحد , انتو قبضتو علي تانى يوم من النبوة .
(منقولة بتصرف) .
تخيل ده لو كان لقى انترنت , الخليفة واضاتو بتكون اصبحت .
فاكتب بحبرك .. ومارس جنونك .. وشاغب .. وكسر قواعد ,, لانو اهم قواعد الكتابة فى الانترنت , ان لا قواعد , والحياة قصيرة .
مع حبى الذى قد لا تعرفه .
واصل كفاحك .. خليك حريص .. انتا القايد وانتا الرايس .
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: قسم الفضيل مضوي محمد)
|
Quote: غايتو يا ابكر موش لو نطيت الترعة وقمت جاري ...
الخواض دا شايل عكازو وراجيك ولسان حاله بيقول ليك :
ان جيت للحول ما بخليك ......
. |
أقول ليك يا قسم الفضيل ، رغم خلافنا لكنك واحد من "اذكى القراء " في سوق ام دفسو الاسفيري....
فالقصة المأساوية هي:
جماعة "المؤمن صديق"....،
يعيدو ليها التدوير برضو مصدقين، يقولوا ليهم كلام غير تام "برضو مصدقين"،،
تجيب ليهم عنوان "برّاق " وما تشتغل بيهو، برضهم مصدقين...
؟؟؟؟
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: osama elkhawad)
|
صاح وصفتك بالقطبية، لكن غيّرت رأيي
وزي ما قال المفكر جعفر نميري:
"الثورة تراجع ولا تتراجع"
زايد انو أنا كل يوم في شأن
يا شاهين، يا أخي، دا كتير علينا
يا أخي، أنا لو شكرني المغمور منتصر؛ يومين ما بنوم
خلي الشكر يجي من عظيم زيك!
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
| Quote: منو الأكثر ابداعاً |
بصفتي متدرب على العدالة باشراف مولانا، وعشان ما تهدروا وقت العدالة الثمين.
بعد دفع الرسوم، لازم أول وبالتبادي، يا صاحب العرضحال، تحدد الآتي للمحكمة؛
١) ابداع في شنو؟
٢) ادوات الابداع كانن شنو؟
٣) خصائص الابداع دا، هن شنو؟
٤) الابداع دا بتميّز بي شنو؟
٥) تجاوب إجابة صحيحة على سؤال؛
أحلى حلاوة لكوم ولا أسرع الغزال؟؟
++++
يا أسامة يا خواض،
قلتا حكاية (زاوية أدبية) دي فيها؛ سخرية من الحداثة الادبية، وسخرية ممن يصدقون أن ما يخطه القائل هو نص أدبي..
١) سخرية من الحداثة الأدبية ومن أنصار الحداثة الأدبية.
٢) سخرية حتى من القراء ممن يقرأ لكاتب النص، وبالذات من يصدقون أو يعتقدون أن ثمة أدب في هذا النص (المبتذل!)
٣)....... .... ...
شايفك نسيت ٣) وهي منطقية جدا لمن يعرفون كتابة أبوبكر. وأيضا متسقة منطقيا مع سياق كلامك..
٣) وسخرية من نفسه التي تبتذل النصوص التي تكتبها..
وخليك منصف، هسع دا ما موقف فلسفي جدير بالتأمل بالله عليك؟
ياخي لو هو بسخر من ديل كلهم، طيب انت زعلان من شنو؟
أنا اضمن ليك؛ سخريته لن تضر بالحداثة ولا بالقراء ولا به..
انتا ما تتضرر بيها، وكفيتم شر النصال على النصال..
من جهة تانية:
رأيتك وكأنك يا أسامة جاد جدا بل و(تقترح) معيارا بعينه لمقاربة النص (السردي القصصي الحديث)!!
يا أسامة انت يا كافي البلا بآخرتها بقيت (متأكدم) ولّ شنو!!
عليك الرسول، هسع تقنية اختراع السيناريوهات ومن ثم تسريب الأفكار عبرها، دي براها ما متعة متجددة؟
ياخي هنا الحكاية/القصة/النصوص، لم تعد غاية في ذاتها، بل مجرد ناقلات أفكار.. أليس هذا هو أصل الأدب؟
اعتبرها حالة تأصيلية في تجربة اسفيرية.. ههههها.
من جهة تالتة:
مقاربات المستنير لنصوص الآخرين، القاسية والشخصية جدا أحيانا، ولكنها ودائما جد مبتسرة ومستعجلة، ما حبابا،
أما نقد محيّث يشفي الغليل، أو سلام قول من رب المجرات الرحيم..
لا أسامة ولا أي كاتب أو مبدع آخر سيرضى أو يتقبل بالانطباعات الشخصية البلا أداة نقدية، كحكم أدبي، خاصة لو جاءت في لغة ساخرة..
وأحسن نكون صريحين: دا هو سبب زعلة أسامة من أبوبكر.. شوفوا لينا حل!
من جهة رابعة:
طيب انت يا ابوبكر مالك؟ ما خلاص عرفناك ما بتحب كتابة أسامة، يعني مافي داعي كل يومين تقول لينا كدا؟
إلا طبعا لو قصدك تكرهنا فيهو! وكترة التكرار في الحتة دي نوع من التدخل المتعمد المتعسف في اختياراتنا التي قد لا تتفق وذوقك الأدبي..
ما معقول واحد يحدد معيار للسرد وإلا ... والتاني يحدد معيار القراءة،،، على أذواقكما!!
من الجهة الكم؟:
في نفس الوكت المطاردات العابرة للبوستات بقت بايخة وأظن كلنا اتفقنا على كدي.. كل موضوع موتو بيهو في محلو وخلاص..
من جهة خامسة:
حسب فهمي لطريقة المستنير الاسفيرية، أي بالتعامل مع السيناريوهات الجانبية كمقبلات وفاتحات شهية، وكحوامل للمعاني، أكثر منها أدوات لنسج أي حبكة (أرسطية). فأعتقد أن مقاربته النفسية ــ بطريقته؛ أي عبر الموصلات من السخريات الفوق ديلاك ومن وراء غلالة الحكايات الممتعة (حتى ولو مستعادة) ـ لقصة سنهوري ولمعنى ومخاطر الكينونة الاسفيرية التي أصبحت تفرض نفسها كينونة موازية أو حتى بديلة؛ هي مقاربة مختلفة وجديدة وذكية ومتفهمة وقد توصل إليها في سياق حوار اسفيري (اسأل د. نعمات وهيثم غالي). أنا أيضا لم أفهم المقدمة الأولى ولكن بما هي مقدمة (بوشية) فقد (بوشتها)، أما المقدمة الثانية فعلاقتها بمصطفى سيد أحمد واضحة وعلاقة مصطفى بعلاء السنهوري أوضح وعلاقة كل شيء باختلاق الكينونة هو مغزى البوست.. أبوبكر دا من أنصار الضحكة والمتعة يا اسامة، كثير من بهارات الشخصنة البضيفها في كتابته وفي مداخلاته وحول نفسه قبل الآخرين، هي طريقته في اضفاء المتعة.. شوف الكلام الجاي دا| Quote: هذا البوست سوف يكون آخر علاقة لي بالسوشيال ميديا. عايز أكون إنسان طبيعي وأتخلى عن سودانيز، واتساب المجموعات والفيسبوك. إنسان طبيعي يمشي في الأسواق وأشاهد السينما وأشرب شاي كرك في ميدان عبد الناصر. أشاغل الهنود والباكستان بالأردو، ويوم الخميس أمشي البيتش وأقطع تذكرة يانصيب وأنا عايد من محطات البترول، وأشتري قهوة تركية من الماكينة. |
بعد ما يقول أن الزول الاسفيري ما زول طبيعي، ودا تمهيد لموضوع علاء السنهوري، وكذا قد يكون احساس كاتبه الحقيقي، الطبيعي، فالباقي بتاع الشاي والأوردو وغيره ، فهو من الحقيقة الواقعية، سوى أنه هنا مجرد احتمال للطبيعي الذي في كتابة الغد أو ما بعده، قد يكون هو الشر بعينه..
لا زلت أذكر حوارات هنا عن الكتابة والكاتب الاسفيري اسهم فيها اسامة الخواض اسهامات كبيرة. ولكن لا أظن أن كثر يجيدونها سودانيا كإجادة ابوبكر لها في هكذا منبر حواري.. كتابة فيها حكاية أو حكايات، ودوما مكتنزة بالسيناريوهات ويمكنها أن تختلق دراماها وكوميدياها وتراجيديتها أيضا. ولكن هنا فارق أساسي، أن الاهتمامات الفنية لم تعد كما كانت، أي باللغة وبالأسلوب أو بالحبكة السردية، ولا بأي من تقنيات الكتابة التقليدية. حتى الدراما أصبحت تترك للتصاعد تلقائيا بالتداخل الايجابي أو السلبي أو لتموت.. أعتقد أن هذا هو أحد أشكال الأدب الاسفيري الجديد وبالذات أدب منابر الحوار..
بالمقارنة؛ وبمناسبة الدفاع القوي لشاهين عن الحق الاسفيري المطلق في الكتابة خارجا عن أي قيد.. أنا معجب (سري) كبير بأدب وقصص و(مشاريع روايات) شاهين. وأعتقد أن كتابته كتابة متفردة من حيث مقاربتها الصادقة، بل والفاضحة جدا، للطبقة الوسطى السودانية. وأيضا من حيث تقنيتها التي تميل للاختزال السردي وللدقة اللغوية، وربما أشياء أخرى فيها. بيني وبين معارفي ومنذ وثت طويل، أطلق على شاهين ألقابا مثل (شيّال حال البرجوازية السودانية) أو ما يقاربها في المعنى.. كل ذلك الاعجاب وأنا لا أتداخل في بوستات كتابته الابداعية خوفا من كسر انتظامها ككتابة تقليدية مستقلة عن التداخل.. للاسف هو لا يدعها تكتمل حتى يمكن التداخل معها من باب النقد أو التقويم النهائي. في داك اليوم قبل اسبوع يمكن، لو لم يبادر (الملك) لما تجرأت وانتهزتها فرصة للتعبير عن شكري ورأيي. وليس غريبا أنني كنت مستعجلا وكأنني أخاف أن يرجع شاهين لمنضدة كتابته فيضبطني مخربشا في دفاتره.. هذا بالضبط وتماما عكس تصوري لكتابة أبي بكر التي بغيرما خربشات من خارجها ستفقد هي رغبتها الذاتية الأصيلة في الخربشة.. ولولا إنها كتابة اسفيرية بامتياز لما كانت ارتهنت هكذا للمحفزات من خارجها..قل إنها كتابة (سمكة) وبحرها هو خضم الجدال والنقاش والحوار..
المهم: أسوا ما في كتابة المستنير صاحب الظلامي، إنو كتابتو لا تكاد تكتمل أبدا.. ياخي أنا لا أزال هنا منتظرا أي نهاية لقصة (عقيقة في القصيم) لأنني أساسا أعرف أحد أبطالها وأعرف لأي حد هو ممتع وبتاع قصص وأفلام، وكنت أتوقع منه قدرا مقدرا من المفارقات المضحكات المبكيات بحسب الزمكان النجدي للقصة.. لسان حالي: كرهتونا ياخي! بما يعني؛ طالما وعدتنا بالمتعة فلتنجز يا أخينا..
وربما تكون هناك كتابات أخرى مكتملة لصديقنا هذا ذي النزعات الأدبية والفلسفية والقناعات الفكرية المتحركة دوما والتي أعرفها مباشرة، ولكن الكتابة الوحيدة التي أذكرها قد جاءت منه وهي متكاملة، فهي ذلك النص بعنوان (ستاربكس) الذي أظنه نصا مكتملا ويمكن أن يقدم نفسه كقصة قصيرة على شرطها الفني التقليدي المعتمد.. في حال رغب الخواض أو أي آخر في إجراء تشريح (تقليدي) أو للكشف عن أي من علامات وأعراض (الابتذال الأدبي)، فذاك النص هو الأكثر جاهزية للتمدد على طاولة الجراحة النقدية التقليدية..
=======
كمال فرانكلي: شكرا ياخي على الانطباع الطيب.. أنا أيضا أتمنى أن يكسبك الأدب وبعيدا عن السياسة.. ولكن لو أصريت، فبما إنني اعتقد أنك متوفر على عقلية استراتيجية مستشرفة، فحنرفع ليك الفاتحة في خلوة فكي أبكر إنو جماعتكم ديل يعيِّنوك مسئول استراتيجي كبير.. بس للشئون الخارجية وبعيدا عن الشئون الداخلية وعن مخازن الأسلحة..
بالمناسبة، حقو انتا وصاحبك المستنير تتفقدوا لينا صاحبنا المشرف.. ليهو زمن مختفي..
======
دكتور ياسر الشريف: شوك الشوق ياخي.. بالله عليك راجع نص شوك الشوق واستبدل كلمة X(قطن) الفي السطر الثاني بكلمة (إطْن) التي تعني عصب/وتر/حبل/رباط/نياط/.... وقبلا فهي أصل كلام حميد... وما حلوة أن تندرج القصيدة في الأسافير بمثل هذا الخطأ.
شوك الشوق لى الشوف آ خَىْ * ضارب (إطن) النسج الحى
كدي جرب (إطن) دي براك وشوف الزنّة المابعد المعنى، الحتملا قلبك.
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
يا ريت لو الحاجات دي بحكمها قاضي ..
براك عارف دي حاجات حكمها عند القراء..
شايف صاحبك الظلامي خت معيارو..
وأنت ذاتك ختيت معيارك ووصفت نفسك بصاحب (الأخيلة )..
خليني أقول الرطبة ..
ثم جلس إلى مجلسك الروائي المبدع شاهين ..
أي كلام أكتر من كدا اتا يا طرشقت يا انجذبت ونبقى في دور الحقونا يالصلاح ..
التحية ليك وللخواض ولكل زوارك ..
المحبة دي اتا فاكرها صنعة ؟
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: محمد على طه الملك)
|
يا هاشم، كل نصوصي عظيمة إبتداءً من أول نص أدبي كتبتو في دقيقتين اسمو:
سميرة راجل بانقا
كتبتو بسودانيات ومن ديك وعيك
شكرا يا جلال على المرور ويا ملك، الفيك عرفناها
النص:
رحل لفريقنا* و سكن جنب فسحة الدافوري بتاعتنا، سعادة اللواء م: علي بانقا علي، رجل ليهو شنبات، فارع الطول تحسدو علي مشيتو، قال بشرى الفاضل في تشكير بطلته البنت طارت عصافيرها:"اخذت من الضباط أجمل ما فيهم؛ مشيتهم، ومن الناس أخذت ألبابهم"، من اليوم الأول جانا قبل الدافوري يبدا ووقفنا طابور وهرشنا وقال لينا: اسمعوا هوي يا صبيان، إزعاج قبل الساعة خمسة ما دايرو، كورة بعد المغرب يأذن ما دايرها، والبلقاهو قبل المواعيد دي أو بعدها بكسر ليهو كرعينو الاتنين، مفهوم؟
سبينا ليهو كلنا، طبعا بسرنا، وطنطنا وقلنا: هو أهم حاجة في الدافوري، المكاواة بعد المغرب، المعفن دا داير يمنعا ليها، هو رجالتو دي ما بمشي يسويها في الجنوب!! لكن نسوي شنو مجبورة خادم الفكي علي الصلاة
سعادة اللواء بطلع كرسيهو قدام بيتو الساعة خمسة بالتمام معلنا بداية الدافوري وبدخل بيتو مع أذان المغرب.
عشرة أيام بالتمام والكمال، ما دقنا للدافوري فيها طعم وفكرنا نحول ميدان الدافوري شرقا، لكن أولاد فريق تكاريمو كانوا عاملين معانا مشاكل وما بنقدر نمشي للميدان الجنبهم، لعنة الله علي الديش و الدياشة.
اليوم الحداشر جاب الفرج، اليوم داك اللواء ما طلع كرسيهو برة، قبل الدافوري يبدأ قلنا لعثمان مُشكلة: الليلة ما بدقها معانا عشان إنت ما دافع الإشتراك. عثمان مُشكلة ما كضب طوالي شال الكورة وشاتها في بيت اللوا و قام جاري..
إتوكلت علي الحي الدائم و مشيت لبيت اللوا عشان أجيب الكورة وقبل ما أدق الجرس، لقيت ليكم الباب متاكا والكورة بتاعتنا قاعدة مصنقرة براها في نص الحوش، و براحة إدبيت لجو البيت، وكانت المفاجأة:
لقيت ليك سميرة موقفا ليك سعادة اللوا طابور، في نص البرندة، و بتهرش فيهو وصاحبنا بقول ليها: ما خلاص يا سميرة إنتي ما تزعلي و الاهي (و الله) اللبن أبجُمادة وبقية الحاجات ديك، بكرة بجيبها، وهي تقول ليهو: بكرة شنو؟
هسي دي هسي تلبس هدومك وتدرع عمتك ومن دربك دا تمشي تجيبها... قال ليها حاضر بس إنتي ما تزعلي عشان الضغط...
ختفت الكورة و جري للجماعة، وأطرش ليهم الشمار، عثمان مشكلة سمع الكلام دا، من بعيد وطوالي فللي جري بيتم وجاب ليهو صفيحة واشتغلنا ليهو شغل عبد العزيز بركة:
دياشا.. دياشا.. ووب عليا أنا،
دياشا.. والديش نقلو فتاشة،
كُّر .. كُّرعلي أنا،
و من اليوم داك بقينا نلعب لحدي صلاة العشاء وما شغالين ليك "بسميرة راجل علي بانقا" دا!!
يتكلم معانا نجيب الصفيحة و نشغل الغنا...
* رحل لفريقنا = رحل جنبنا، قدم إلي حيّنا (حسب لغة سحاسيح مدني)
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
اهلا هاشم
اول حاجة البيطار خطابه ليس واضحا ومشوشا وكل شيئ عنده قابل للجزمجة والمهزلة حتى الاشياء التي يدافع عنها مثل الاستنارة...
ولا ادري لماذا يخرجني من جنة السرد؟؟؟
مثل كتاباته تجاوزا ،
استطيع ان اكتب مثلها عشرات في اليوم، وأي قارئ بقليل من المهارة يستطيع تحويل الاحداث التي تمر به الى سرد "مقبول"...
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: osama elkhawad)
|
عاين كدي في روايتي جك الفول
قلت:
حدثت حاجة كسرت رتابة الروتين وجعلت هذه الأحداث أحداث ممكن تروى بشكل أدبي
وهي خروج رحاب العاقب كل يوم بتوب الصلاة وهي شايلة جك بلاستيك أصفر عشان تجيب فول من عمك بانقا
الكاتب هنا إلتقط رومانسية الحدث وأسقط عليه ضوءاً أعطى الحدث تشويق
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
ثم بعد ذلك أرسلت رسالة استنارة ونقد قلت فيها:
الزمن داك لسّ ما حصل التمكين وأي زول كان ممكن يشوف ليهو بنوتة بهذا المشهد الرومانسي بحبها بحبها
وأردفت منتقدا ومخاطباً نفسي:
طيب لو زي ما بتقول ما كان حضرتو زمن الصعلكة كيف عرفت اسمها؟!!
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
كذلك في روايتي أربعة مداحين انتقدت الدين والبعث بلسان الكمساري،
وفِي استاربكس حاولت أدعو لسلام اجتماعي ومحاربة العنصرية عبر تكوين الشخصيات
رئيس تحرير جريدة مشهورة قال لي:
هذه كتابة باتعة العبقرية
من اليوم داك كلمة باتعة دي مكسراني
يعني يا شاعر الغفلة الموضوع ليس أحداث عادية وتطرشها
التكتيك والفكرة والهدف
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: علي دفع الله)
|
بكووور
تعرف افشل ناس في الدنيا هم النقاد في مجالتهم المختلفة
شووت حاجاتك و عاااااجبانا و بنحتفي بيها
وكدي عاين في مجال الرواية و القصة القصيرة و الشعر
الغالبية العظمى من خارج المجال.
القصة ، الرواية،او الشعر لمن تكتب عن الناس و للناس و بذكاء
لا في نقد و لا مصطلحات ولا اكاديميات و لا ورش تقلل من قيمتها
وان كره المتثقافون.
رش رشك و ها هنا منتظرون لكتاباتك
صاحبنا الظلامي فرانكلي جاب قائمة و ما بختلف معاهو كتير
بس بعتبرك الاول (رأي شخصي)
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: Nasser Amin)
|
Quote: اجرت عربتي الفاتت ذاتا
18 يوم ب 18 مليون
اليوم بمليون جنيه طق طرق وعندما ناقشت صاحب الوكالة ان هذا المبلغ كان قبل أسبوعين
عشان موسم العيد
ضحك وهو يسملني العقد للتوقيع
ان البلد دي ما فيها حاجة سعرا بنزل ابدا
احمد ربك بس
استقبلني في المطار الصديقين مطر وابوعبيدة
وسلموني العربية في الخرطوم اتنين وسقتها حتى البيت في واوسي
وانا المرهق أصلا من الاسفار
كانت الخطة ان يوصلني الصديقين البيت وخاصة ان اليوم جمعة وشلة الكوتشينة في الحلة مجتمعة
لكن ظهر لهما ظرف عمل طاري وودعتهم
وتوكلت ووصلت بيتي بسلام
واستقبلني الطيب ابني باكيا
وفطومة كذلك بكت وعادوا وفرحوا بوصولي
وجبتا ليهم شبس من النوع المفضل لهم
فابتهجوا ايما بهجة؛
لاحقا في المساء الطيب تلاتة سنوات قاوم النوم بشدة
فقد غادرتهم قبل أسبوعين وكان نائما وعندما صحا وجدني مافي
فخاف ان ينام ويجدني تاني مافي
اخذته في حضني ونومته معي في ذات السرير في الحوش الفسيح
وصحى باكرا وفرح اذ وجد اباه بقربه....
انعل أبو الغربة ياخ!!! |
أعلاه سرد من عبدالمنمم الطيب حسن، ما قال دي رواية ولا قصة قصيرة...
فرقها شنو من مذكرات البيطار؟؟؟
ولا أدري لماذا غابت رابطة الجزيرة للآداب والفنون من مذكرات البيطار؟؟؟
بعدين زول بغير رايهو في الناس من "قطب" إلى صفر ، يجب الاحتراس عند التعامل معه....
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: محمد على طه الملك)
|
دا يا هو السبب ذاتو يا علي، المخليني أخطط للانسحاب من المشهد الظلامي.
شكراً يا ناصر، يا معجب،
قصّة انو الظلامي فرانك ختّ هاشم قدامي مزعلاني
خفت أعترض، يقولوا لي شكار نفسو الخواض
البسوي فوقو ابليس دا غيّرة وحسد
زول جابو الدرب، قال ليهم بتعملوا في شنو؟
قالوا ليهو نحن الأدباء
شال القلم كتب ليهم في الحيطة في دقيقة أدب عالمي ومشى
أها أدباء الغفلة ديل شالوا جمراتم ويطقعوا في شيطان الكتابة
القصّة دي يا ناصر،
قسمة ونصيب بس
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
(ما جعل الله لرجل من قلبين في جوفه )صدق الله العظيم، يا زندقة كمان قصة إنك أديب دي واسعة شوية ياخ ما تستقل محبة كتبها الله لك في قلوبنا والله ما حارقني إلا شكير أديب كبير زي شاهين ليك و هو عندي صنع الله إبراهيم السوداني حقنا فخوفي ان نعاني وبالها كما عانينا حين قال ناصر للقذافى ذات مرة إني أرى فيك شبابي😂
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
Quote: قصّة انو الظلامي فرانك ختّ هاشم قدامي مزعلاني
خفت أعترض، يقولوا لي شكار نفسو الخواض |
يا ظلامي قبل ما تزعل كان تسألني ختيت هاشم قدامك بمعيار شنو؟
لو كان عندي معيار حداثي كان ختيتك قدام "مصطفى ذكري" في "سرد ما بعد الحداثي" بس ما تصاحبني شديد زي ما قال ليك صاحبك اللضيض وفي رواية اللديد هشام أبو فلسكاب!
مشكلتك أنك ظلامي ومصاحب ود دفع الله أبو بردعة
شوف القصة دي بيقال عنها أنها من القصص الغير مكتملة والغير منتهية
Three wise men of Gotham,
Went to sea in a bowl:
And if the bowl had been stronger,
My song would had been longer.
وهذا قبس من متعة فن سرد المتاهات
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
يا مستنير،
ابوبكر (البيطار) دا ممكن يكون اسم شهرة خطير.. زي سيمون دي بوفوار، ينفع اسم أدبي.. بعدين ما تنكر حق أسامة!!
(أبوبكر البيطار) يمكن يكون أشهر من (الزنديق الكبير أبوبكر الرازي^) زاتو.. وقد ينفعكـ لو احتجت يعني ههها
بعدين شنو يا أخوانا، انتو بقيتو حساسين شديد ول إيه العبارة؟
واحد (أبوبكر) عايز يشرح لينا حكاياتو وقصصو ورواياتو كلها، علما بأنو فهمناها قبل كدا فهم معقول يعني؟
والتاني (أسامة) قال لماذا يريد أن يخرجني من (جنة) السرد؟! يخرجك كيف يعني وأنت في ملكك الحر يا أيها المشاء القديم؟
لكن برضو أسمع كلام الملك يا أسامة، أبوبكر (البيطار المستنير) دا ممكن يقول لي أي زول وبمنتهى المحبة: يا كيشة!!
لكن انت ما اتعودت على الطريقة دي.. فاهمني؟
وطبعا معروف انو دا منبر حوار عام غير متخصص وأن الانطباعات فيه تغلب على النقد المؤسس،
وحتى الاطراءات، فأيضا جلها عن انطباع ولا تقوم على أي أساس منهجي أو غيرو.
الفرق بس؛ مافي زول بزعل من الاطراءات!
ولكن، ما ممكن نمنع الناس عن الانطباعات الإيجابية أو السلبية، وعلى أية حال فالمنع لن يكون محبذا.
كل المطلوب هو ألا نشخصن الأمور.. يعني إذا كان من الضروري جدا يعني ولا بد منه،
فالأحسن بدل أقول للواحد (انت ما بتعرف تكتب).. أقول ليهو (الكتابة ما عجبتني).
بعدين شنو حكاية البيطار دي يا أسامة؟ ألا يجوز عندك أن يتكلم البياطرة في شؤون الأدب؟
ألا يحق للبياطرة أن يكتبوا أو ينقدوا أو يعبروا عن انطباعاتهم؟ ولّ شنو كلامك؟
خلي بالك انا بعرف جوقة من البياطرة الروائيين والشعراء والفنانين خالص خالص!!
قبل اسبوع قرأت رواية جيدة للبيطرية ناهد قرناص، ودفعتها البيطار الشاعر خالد حسن عثمان الشاعر
ورفعت العركي الشاعر والقاص وبتاع الومضة والهايكو كمان والذي سيكتب أحدى أهم روايات المستقبل..
وزميلنا القديم هنا بو عسل السيد بوعسل، ديل كلهم كتاب تقليدين واسفيريين من دفعة واحدة درسهم هذا المستنير،
وتلاقح معهم لقاحات الأدب.. تحسبو لعب... باالله ما تشاغل البياطرة!
يا أسامة، قلت ليك: أبوبكر البيطار دا ممكن يقول لي أي زول وبمنتهى المحبة: يا كيشة!!
لكن من ناحية تاني لو قام اتفرغ لـ (تقلدة) قصصه، ثم استعان بحكاية البيطار دي لنشرها ورقيا،
فأنا حأكون شاهد على حقوقك في اختراع الاسم، لكن بشرط؛ تاني ما تزعل من المشاغبات!
#نقطة جادة: هل الموقف الأدبي الرافض للنص الأدبي الحديث أو ما يسمى بنصوص الحداثة، هل يتطابق والموقف من الحداثة؟
أحدهم لا يحب شعر سعدي يوسف ويفضل شعر المعري مثلا.. هل هذا موقف سلبي من مجمل مفهوم الحداثة؟
حاجة واحدة بخصوص أشغالك يا أسامة وأنا أتفق فيها مع المستنير؛
الأوديو بتاع النص الفلادلفي داك، فعلا أوديو (أحرش*)! بالله شوف الكلمة دي زابطة كيف!!
أها شوف، لولا مبادرتك الريادية في الملتيميديا، (أحرش*) دي ولا كنا سمعنا بيها!
الأخ المستنير دا قال مثلو الأعلى هو أبو جهل عمرو بن هشام، فلتكن أنت بمثابة نبي إذن،
وتصلح الشغل داك!
=+++=
* حسب ادعاء أبوبكر فكلمة (أحرش) من صناعته الفورية،
وهذا فعلا مما سيدلل على خصوبة الخيال عنده.. تم لينا القصص ياخي القاموس ملحوق!
^ زندقة الرازي حسب عبدالرحمن بدوي، أنا ما بعرفو قدر معرفة منتصر للمستنير..
=+++=
يا مستنير، بالله خليك من اللولوة؛
الشجاعة القاصدا علي دفع الله دي يعني ما تصاحب فرانكلي شديد..
مش معناها تقعد تهاجم الناس بانطباعاتك في صمة خشوم أدبهم وبعدين تعمل فيها مسكين؟
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: هاشم الحسن)
|
| Quote: الفرق الرئيس و المحوري بين الفلم و قصة السنهوري انه المخرج في الفلم اضطر لخلق البطلة لينجح الفلم ما عشان يشكّر بيها رقبته |
دة النقيض تماماً لفكرة الفيلم يا محمد
ابتكر الشخصية للترويج لنفسه عشان كدة لما لقاها طغت عليه أنهى وجودها
المشهد أدناه بوضح ليك
كنت عاوز اقطع الفيديو بعد نهاية العبارة لكن غلبني أفوّت مشهد الدفن في أديس
وحقيقة لولا هذا المشهد لوجدت أن فيلم Tootsie (1982) هو الأقرب لقصة سنهوري
لما يفشل دستن هوفمان في إقناع المنتجين بمقدراته الفنية يلجأ لطريقة تانية وهي التنكر في زي امرأة ليمثل دور امرأة وينجح فيه نجاح باهر جداً .. بس المفارقة بين الفيلم وسنهوري إنه هناك في انفصال تام بين الشخصيتين يعني ما استخدمها لترويج نفسه
فيلم Her (2013) رغم إنه يفتقر للقصة إلا إنه أفضل من ناقش الانغماس في العالم الإفتراضي كبديل عن الواقع
______________
تباً لكن أتيتموني بما لا قبل لي به : ونسة السينما :)
| |
|
|
|
|
|
|
|
|
 Re: قصّة سنهوري وسارا من زاوية أدبية (Re: أحمد محمد عمر)
|
تحذير شديد اللهجة
مافي أي زول يقول لي حمداً لله على سلامة العودة وبتاع .. مافي أي عودة لكن أبكر الفقري دة جابني بفيلم من مفضلتي وممثل معلم لا أكاد أفوت له فيلماً
المهم دة هبوط اضطراري ساي وعلي الحلال ما بعتب شبر في المنبر برة البوست دة .. هيع نحن قوم حينما نقرر المغادرة نغادر بب هكذا وليس على طريقة حنسوني قبل أن تفقدوني
آآي نسيت .. يا احمد عمر محمد لمن زول يلخبط بيناتنا زي امتثال في بوست الترجمه النبي فيك تكلمو إنه انت أحمد المسكين ما بتاع المشاكل وقلة الأدب :)
وبمناسبة قلة الأدب بوست الأحضان دة ماكل يدي من الصباح لكن أصلو ما حأنصاع للرغبة المتوحشة في المشاركة .. غايتو الحمد لله ابو سن وصلاح الزبير وجمال القوز فشوني شوية بشجع فيهم من المدرجات
بس الحاجة الاستفدت بيها من البوست عرفت ليه الجنة فيها شباب دائم! عشان الناس هناك شغالة طول اليوم حضناً دحما 
_______
يلا فتناكم بعافية .. لازالت أزمة الزمن في مكانها وعلاقتي بالأسافير اطلاع فقط وفي الويكندات بس
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أحمد محمد عمر)
|
أووووووه أخرجت الأرض أثقالها ..
أحمد محمد عمر شخشياً ..
ما داير أرحب بعودتك ولا أي حاجة ..
لكن إت وحاة الله ما بتتفوت كلو كلو ..
وكان نزلت في طين برجوبة ..
مش في بوست المستنير الأنا مكجنو ده ..
لأتيناك محيين ومرحبين ..
انت ما زولاً هين ولاك لين ..
سعيد يأخ أنا بطلتك دي ..
أنا ذاتي تاني ماداخل البوست ده ..
بعد ما حييتك .. فتكم بي عافية ........
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: جمال ود القوز)
|
| Quote: يا زندقة كمان قصة إنك أديب دي واسعة شوية ياخ ما تستقل محبة كتبها الله لك في قلوبنا والله ما حارقني إلا شكير أديب كبير زي شاهين ليك و هو عندي صنع الله إبراهيم السوداني حقنا فخوفي ان نعاني وبالها كما عانينا حين قال ناصر للقذافى ذات مرة إني أرى فيك شبابي |
يا منتصر أوسكار بعد سلامات
في سوق ام دفسو الاخواني ، كل شيئ ممكن وقابل للتنكيت.
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: جمال ود القوز)
|
Quote: ابتكر الشخصية للترويج لنفسه عشان كدة لما لقاها طغت عليه أنهى وجودها
المشهد أدناه بوضح ليك |
سبحان من خلق الغلاط وجعل له كرعين يمشي يهن وسط الناس
يا احمد عمل ما حمدا لله عى السلامة ولا حاجة - حسب طلبك - لكن كمان ما ممكن تدخل دخلة شمال كدا بغلاط زي دا
جايب لي مشهد من نهاية الفلم بعد ان انتفى الغرض الرئيس من خلق الشخصية الافتراضية المرة الأولى! وهي التي اتحدّث عنها و انفي مقارنتها بحالة سنهوري
المخرج اضطر اضطرارا لإختلاقها لإنقاذ فلمه بعد ان رفضت البطلة المتفق معها العمل, يعني السبب الرئيس لخلق سيمون كان الاضطرار لا اكثر
بعد داك الحصل شنو دا موضوع تاني
في حين سبب سنهوري من اول يوم لخلقه شخصية المرحومة كان هو سنهوري نفسه.
بالمناسبة لو المسلسلات بتزبط معاك انصح بشدة بمسلسل اسمه Designated Survivor
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: محمد البشرى الخضر)
|
يا محمد سبب اقتناعه بفكرة السي دي أساساً هو كلام بنته لما قال ليها حأنهي الفيلم وقالت ليه أيوة عارفاك حتنهيهو لأنك فيكتور ترانسكي
الفيلم كان اثبات لشخصه أكتر من فنه وكان عاوز يوري الممثلة الاستهانت بيه والشركة اللي أنهت تعاقده إنه فيكتور ترانسكي وقادر على الإبداع رغم تعسره في السنوات الآخيرة
السي دي جاهو في لحظة يأس رهن معاها كل ما يملك في سبيل الفيلم البحقق ذاته ويعيد ليه اعتباره قدام بنته وطليقته
من أول فيلم ليها ظهرت عقدتو لمن كان بخليها تقول ليه انت خلقتني وانا بدونك ولا شئ وكان بخليها تشكره قدام الممثلين
المسلسل بالتأكيد حأحضرو .. الفترة الفاتت أنا ما متابع شديد لدرجة ياداب حضرت rectify وبستغرب كيف جلى مني مسلسل زي دة
_______
جمال القوز ازيك يا حبوب
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أحمد محمد عمر)
|
| Quote: مافي أي زول يقول لي حمداً لله على سلامة العودة وبتاع |
| Quote: يلا فتناكم بعافية .. لازالت أزمة الزمن في مكانها وعلاقتي بالأسافير اطلاع فقط وفي الويكندات بس |
يظل أحمد محمد عمر دائماً هو الشخصية الشبحية المفضلة عندي
فهو يستخدم تكنيكات غاية في الذكاء
شوف جمال وروعة تكنيك الدخول والخروج ديل كبف
وقبل ذلك الدقة في إختيار إسم الشخصبة الشبحية.
أحمد محمد عمر إسم قابل للتماهي في أي واقع والإنسحاب من ذلك الواقع دون ترك أثار مفتاحية للبحث عنه. مقارنة بكاميليا التجاني و سارا رحمة التي هي أسماء يسهل البحث عنها.
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: osama elkhawad)
|
عزيزنا الخواض
أرجو أن تأذن لي بالإعجاب بكتابات المستنير وأن تغفر للذين أعجبوا بكتاباته قبل أن تأذن لهم
ثم أقترح عليكم تكوين هيئة أذباء السودان على غِرار هيئة علماء السودان ويكون من أهدافها الزام القراء بذائقة السلف الأدبية و تنقية الأدب من البدع والمستحدثات.
| |
|
|
|
|
|
|
|
|
|
Re: قصّة سنهوري وسارا من زاوية أدبية (Re: أبوبكر عباس)
|
وحاة الله يا حافظ بشير لمن قلت عليك كاتبي المفضل ما عارفك شبح .. صحي الأشباح لبعضيها :)
بالمناسبة قبل فترة فكرت أدخل أفدي الحبيب هيثم الغالي واقول لمعاوية حسين وحاة الله الزول دة اتشبح معانا بالغلط ساي :)
عارفين .....
مرات أقول المطرطش سنهوري دة لو أنهى حكايتو بساين اوت من الفيسبوك كان الناس سألت عنه يومين ونستو
السودانيين ديل عندهم ذاكرة سمكة .. الواحد تلقاهو شغال مظاهرات في الفيسبوك ومعلق صور د. سامر المغدور برصاص الشرطة عليه الرحمة ورافض يضحك في أي نكتة حزناً عليه تجيهو بعد اسبوعين يقول ليك سامر منو؟!
لكن بلقى مشكلة سنهوري هي مشكلة كل المتشبحين بالنساء .. ببقوا عاطفيين شديد ودمعتهم قريبة ودايرين يعيشوا الحنان الجياش حتى في شأن الساين اوت .. بكونوا محتاجين الناس تبكي عليهم ويشعروا بفقدانهم ويتذكروا أيامهم
لاحظت السيناريو دة عدة مرات منها منتحل شخصية بت قضيم وكتاباتها في منتديات سودان توب لمن كمل كتاباتها بدل ينسحب بهدوء قام كتلها مستغل ابتعادها عن الأسافير سنين .. ما كان متوقع إنها حتقوم بعاتي هنا في الاونلاين
_____________
يا ابوبكر قول يا رباً تجيب حاتم .. دي الحاجة الوحيدة البتفك منك الخواض
| |
|
|
|
|
|
|
| |
أبوبكر عباس
Hani Arabi Mohamed
نعمات عماد
عبدالله عثمان
محمد عبد الله الحسين
ABUHUSSEIN
Deng
Ahmed Yassin
MOHAMMED ELSHEIKH
osama elkhawad
محمد البشرى الخضر
Yasir Elsharif
Osama Siddig
محمد جمعه الخير
محمد حمزة الحسين
محمد محمد قاضي
عبدالحفيظ ابوسن
معاوية المدير
قسم الفضيل مضوي محمد
Frankly
shaheen shaheen
محمد على طه الملك
هاشم الحسن
جلالدونا
علي دفع الله
Nasser Amin
جمال ود القوز
Hafiz Bashir
فيس بوك
تويتر
انستقرام
يوتيوب
بنتيريست