طلب (رخيص) من حاتم ابراهيم

Quote: 5. على العموم، فلتعلم أن حصولك على رسالتي—بعد عمر طويل بإذن شاء الله—ليس نهاية المطاف، بل بداية سقوطك. وبإذن الله ستهرب كما هربتَ من قبل بعد أن كنتَ تطلب مني على مدى شهور تزويدك بترجمة من ترجماتي لكي تقتص مني. وعندما عرضتُ عليك 27 صفحة من ترجمتي إلى اللغة الإنجليزية، هربتَ وتملصتَ بحجة واهية وباطلة وهي أن الترجمة قانونية. ويعلم كل من يشتغل بالترجمة أن الترجمة القانونية من أصعب ضروب الترجمة، وأن الحساب فيها بالفاصلة. ومن الواضح أنك حسبتَ أن تغافلي عن تلبية دعوتك للحوار باللغة الإنجليزية في بادئ الأمر سببه ضعف لغتي الإنجليزية، فلما تبين لك خلاف ذلك، ولما لم يفتح الله عليك بما تثبت به جهلي، آثرتَ الهروب وصرتُ أنا من يطاردك من منشور إلى منشور لجرك إلى الحوار. أخشى أن يكون هذا مصيرك مع البحث!

Quote: للأخ حاتم تاريخ حافل من ترصد أخطاء الزملاء والزميلات والسخرية منهم ومن إنجازاتهم، وأنا من ضحاياه، وسأرد له الصاع صاعين، ولن تأخذني به رأفة أبدًا. Re: عيدية للأخ حاتم إبراهيمRe: عيدية للأخ حاتم إبراهيم

Quote: أنا منتظر وصفك (للخطأ الواضح)، الخطأ شنو بالضبط؟ وفي بوست منفصل بالله طالما واتتك الشجاعة تستمر في (النقد) بتاعك دا. Re: هل تُرْجِمت رواية (موسم الهجرة إلى الشمال)Re: هل تُرْجِمت رواية (موسم الهجرة إلى الشمال)

Quote: 10-05-2018, 02:53 PM يقول عبد العظيم: "وانا ماري علي النت لقيت موضوع كتب منشورة عن الترجمة ... الكتاب الأخيــر دا منشور في أمازون وبنفس إسم أخونا محمد صديق. يا حاتم دا الكتاب الإنت قاصده ولا واحد ثاني ؟ وتعال قولينا قصته شنو ولا موضوعه شنو وبرضه نسمع من محمد صديق إنت ليه خايف الكتاب يقع في يد حاتم ؟" الرد على سؤالك الأخير هو: لأني خايف على رزقي يا عبد العظيم؟ وكمان حاتم ده قال لي "خسيس" أو حاجة زي كده لما ظهرت بعد غيبة وقال إني عايز أعمل ترويج لكتابي. أها الحمد لله الفرج جاني من حيث لا أحتسب. براك عملت لي ترويج. بعدين "ماري" دي حلوة. من متين إنت مهتم بالترجمة يا عبد العظيم؟ ما ظبطت كويس. كان أفضل لو المبادرة بنشر موضوع الكتاب جات (منك) ... أقصد من حاتم. ويقول عبد العظيم: "يا محمد صديق انت ما بتشوف الا البورط حاتم؟ انت ناصب الشرك وبتمني نفسك بصيد ثمين، اي مداخلة توزنها علي وزنة شرك المصيدة عشان كدا اللوغريثم بتاعك بيطلع ليك النقاط البتدعم بيها المطاردة". هسي شغلك ده ما شغل مطاردة يا عبد العظيم؟ وكمان بتدردق الموضوع لي حاتم. بعدين التوقيت خطير شديد. كان لازم بعد النيران الصديقة من بريمة وفضيحة قاموش المشاهير والنجوم تظهر حاجة قوية للتشتيت، والكتاب بيعمل شغل كويس. لكن خليني أسألك يا عبد العظيم: علاقة الكتاب بإنك تعرش المنشور ده شنو؟ ده منشور عن شركة كلماسوفت وما حا يقيف قريب إلا بعد نعمل تقييم أكاديمي شامل لمحتوى الموقع. نمشيبعد ده لي أحمد محمد عمر اللي أدَّانا محاضرات عن محاربة الرزق لما قال: "بالنسبة لموضوع لبوست ماااافي أي مبرر في الدنيا يتيح للأعضاء مطاردة عضو في مصدر رزقه". وأضاف: "قناعتي إنه مصدر الرزق والعوائل خط أحمر عريض وأي كلام فيهن بعتبرو ضرب تحت الحزام". وكمان زيادة: "شوف يا عمر مافي أسوأ أخلاقاً من التعرض لشخص في رزقه - في حاجاتك الذكرتها دي". وكمان زيادة: "و عاوز تتكلم في رزق الراجل ومكان عمله بقول ليك عيب عليك والله ودة سلوك ما نبيل. لو عندك مشكلة مع حاتم بسبب مداخلات في البورد حلها بمداخلات جوة البورد بدون شغل نبيشة المعايش ورزق العيال." أها يا أحمد عمر إنت ما شايف الحاصل ده مطاردة عضو في مصدر رزقه؟ هسي كتابي ده حاتم إلا ينتظر صرف الختَّة حتى يقدر يشتريهو (2 مليون و800 ألف جنيه سوداني تقريبًا) وبعد ده قاعد يقول رخييييس، وشوف براك لو هو بوَّظ سمعة الكتاب وهو مصدر من مصادر رزق وليداتي حجم الضرر علي حا يكون قدر شنو. ومن الآن بأكد ليك وزي ما هو قال بعضمة لسانه حا تلقى منه تعليق بطال عن الكتاب في أمازون عشان يخرِّب سمعة الكتاب. بعدين إنت قايل تحضير الدكتوراه في جامعة لندن ده بقروش شوية عشان حاتم يكرتني بالسهولة دي ويضايقني في رزقي؟ خليني أحسبها ليك بالتقريب لو افترضنا إنك إنت جاي لندن تحضر للدرجة دي عشان تعرف حاتم حا يضرني قدر شنو في رزقي. 1. رسوم الجامعة 51 ألف جنيه إسترليني، يعني حوالي 2 مليار و300 مليون. 2. مواصلات (بصات بس) 984 جنيه إسترليني في السنة، مضروبة في 3 سنوات (2,952) بتساوي حوالي 133 مليون. 3. إيجار غرفة تقريبًا 500 جنيه إسترليني في الشهر، مضروبة في 12 شهر، مضروبة في 3 سنوات تساوي 18 ألف إسترليني. يعني 810 مليون جنيه. 4. أحسب 300 جنيه بس مصاريف وأكل لي زول بيطبخ في البيت بس، وفيها مصاريف موبايل وفواتير خدمات، مضروبة في 12 شهر بتساوي 10800 جنيه إسترليني. يعني بالسوداني 486 مليون. ما حا أحسب ليك مصاريف تذاكر السفر من السودان وإليه مرة في السنة ومصاريف اللبس والمراجع والطباعة والمرقات والفسح وغيرها. خلينا في ديل بس. ممكن في ناس في لندن يقولوا لي إنت حسبت أقل من الواقع. لكن خلينا نسقف على كده. الجملة بالإسترليني= 82752 جنيه إسترليني. وبالسوداني تقريبًا 3 مليار و723 مليون جنيه. وسامحني إذا غلطت في الحساب. أها بعد المبالغ دي يا أحمد عمر يجي واحد زي حاتم قبل ما يقرأ رسالتك يكرتنك. عليك الله ده مش ظلم؟ شوف لينا طريقة مع حاتم ده ما يقطع رزقنا بعد الاسترحام الطويل ده لو سمحت.

Quote: أها مسعولين من الخير، وين أحمد محمد عمر صاحب مبادرة "مناهضة قطع الرزق"؟ ووين أخونا عبد العظيم عشان يشوف المطاردة دي. Re: الرسالةRe: الرسالة