قلبى مع ايران ..... فريق يلعب بمسئولية و التزام خططى جاد اليوم لا سبيل لهم غير الفوز و الفوز عاوز لعب هجومى ....... اهو و بالمرة نتحول من تشجيع الفرق العربية لى فرق اسلامية ما عدا السنغال طبعا
06-25-2018, 09:44 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
**ايران قربت تحقق المفاجأة .. البرتغال تأهلت بشق الانفس ، المهاجم الايراني ضيع هدف في الدقيقة 94 مبالغة عديل ، الزول ده لو رفع الكورة فوق الحارس بكل هدوء رونالدو كان جا راجع مع المصريين بعد ضربة الجزا الضيعا دي لكن الحظ بفوت رونالدو يمشي وين ؟ غايتو هاردلك جلال .. ** المغرب كمان لعبت كورة محترمة للمباراة ال3 على التوالي وللاسف حظها نايم ، المجموعة مفروض يتاهلو منها المغرب واسبانيا بحساب مؤشرات الاداء ، بس عيبهم الوحيد انو ما عندهم مهاجم كبير .. ** كده اسبانيا المتصدرة حتقابل روسيا ، البرتغال حتقابل الاورغواي في ال16.
06-26-2018, 01:39 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
فعلا ياهو الحظ يا عبدالله بالنسبة للاداء الروسى اسبانيا متوقع تصل دورى التمانية لكن البرتقال ما ظنيت شبح الصراع بين ريال مدريد .و برشلونة حايم فوق المباراه صراع تانى بين سواريز و كرستيانو
06-26-2018, 03:48 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20423
المسلسل الكرتوني ( سميسون ) دائما ما يتنبأ بحداث مستقبلية بعضها قد حدث بالفعل .. ولقد تنبأ المسلسل بوصول فريق البرتغال والمكسيك للنهائي ... واذا حدث ذلك فاني ارشح البرتغال لنيل البطولة 2018 .. والله اعلم ,,
عااالم بطاالــــــــــــــــــــة ,,
06-26-2018, 09:22 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
شي مخجل و الله الذي حدث في مباراة الأرجنتين و نيجيريا، الأرجنتين كالعادة قدرة تستفيد من أبسط الفرص رغم تفوق نيجيريا في الفرص و عدد الهجمات. الأرجنتين اعتقد انها لن تتجاوز المرحلة القادمة.
06-26-2018, 09:31 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
Quote: المسلسل الكرتوني ( سميسون ) دائما ما يتنبأ بحداث مستقبلية بعضها قد حدث بالفعل .. ولقد تنبأ المسلسل بوصول فريق البرتغال والمكسيك للنهائي ... واذا حدث ذلك فاني ارشح البرتغال لنيل البطولة 2018 .. والله اعلم ,,
مرحبا مجيدو نعم ده اولمبياد مفاجات لكن ما للدرجة دي عمك سيمبسون ده بكون ما شاف بلجيكا
06-26-2018, 11:35 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
تأهل الارجنتين بشق الانفس يوضح تماما مستواها المتواضع بصراحة فريق مفكك بلا هوية ، ما عارف المدرب بتاعهم ده قاعد يعمل في شنو ؟ التشكيلة بتاعتو دي من حوالي سنة ما اتغيرت ، نفس الاداء ونفس النتائج المتذبذبة ونفس التوهان ! ياخي غير حاجة طالما ديل ما نافعين ده شنو الممل ده ؟ لييه لاعب موهوب زي لو سيلسو يقعد كنب ولعيبة ما يسوو تعريفة زي ميتزا وبافون بلعبو اساسيين ؟ ليه الاعتماد على ماسكيرانو شيخ شيوخ الدوري الصيني في مركز يحتاج للياقة بدنية وذهنية كبيرة جدا ليه وسط الارجنتين بلعب بكثافة منخفضة جدا جدا وهو عارف انو عندو خط هجوم عل مستوى عالي ودفاع ضعيف جدا ما بتحمل اي ضغط ؟ لم اشااهد اي نشاط هجومي لظهيري الدفاع طوال البطولة ؟ غايتو لو ما قدم ميسي مهاجم صريح وراهو ديبالا وادخل لو سيلسو في الوسط ، فرنسا حتاكلهم وااقفين علي طولهم ..
06-27-2018, 00:22 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: فرنسا ,الارجنتين واروغواى و البرتقال بحسب القرعة ح يكون فى فريق واحد من المجموعة دى فى دورى الاربعة تخمينى ماشى مع الاروغواى
يا جلالدونا غايتو انا بقول واحد من اتنين يا فرنسا يا البرتغال و بتمنى البرتغال كيتن في ميسي و عبد الله إدريس. يا عبد الله إدريس فرنسا ح تمزمز حناننم ذاتو و زولكم دا ح تطير ليهو هههههههه
06-27-2018, 04:55 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: يا عبد الله إدريس فرنسا ح تمزمز حناننم ذاتو و زولكم دا ح تطير ليهو هههههههه
نجهت المانيا لحقتها الصح ، داير تنجه ميسي سيد الناس كمان
لاكين بالجد مفاجأة غير عادية بالمرة ، نعم في عدة مرات طار حامل اللقب من مرحلة المجموعات ، بس مش المانيا ، ومن مجموعة عادية جدا ! كاس عالم غريب بالجد ، والمكسيك تترش 3-صفر من السويد ؟
06-27-2018, 05:19 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 446
ليست المفاجاءة في الخروج المدوي والتأريخي للمانشفت فقط ولكن على يد كوريا الجنوبيه التي لم يكن ناقه لها ولا جمل غايتو ابان عويناتن صغار ديل خلو الكثيرين فرشو
06-27-2018, 09:14 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
***انجلترا - بلجيكا مباراة قمة لفريقين من اروع فرق هذه النسخة مع تفوق بلجيكي في نظري .. المباراة ح تكشف مدى جدية وجاهزية الفريقين للمنافسة على اللقب خاصة بعد سقوط المانيا كابوس الجميع في كاس العالم اختبار حقيقي للفريقين مع مباراة خاصة بين هاري كين ولوكاكو اتوقع فوز بلجيكا ..
السنغال - كولمبيا مباراة صعبة جدا للسنغال التي يكفيها التعادل فقط للصعود ، هزيمتها ستجعلها تحت رحمة بولندا الضعيفة التي يجب ان تفوز على اليابان لكن كولمبيا ليست بالفريق السهل وتطمح ايضا للفوز والتأهل بيد ان التعادل لا يخدمها بالمرة ، عشان كده حتهاجم وعندها مهاجمين على اعلى مستوى ، خط وسط ودفاع السنغال لازم يكونو في فورمة كويسة لاحتواء خميس رودريغيز و فالكاو ومورييل وكوادرادو اتوقع نتيجة التعادل
06-28-2018, 03:07 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
السنغال لحقت السعودية و مصر ياما انت كريم يا رب الانجليز دخلو فى حيص بيص اليابان لعبت بى اسلوب الكريسيدا فى دورى المجموعات من هنا و لى قدام ح تلعب بى اسلوب الهينو و الزد واى جنس شق هو .. قيزان لندن الله قال بى قولا _____ السوفينى ده من هسى بقيت اشتاق ليهو و خايف عليهو
06-28-2018, 10:15 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
شكرا علي .. يلا تعال شوف دوري ال8 : الفائز من الارجنتين - فرنسا ضد الفائز من البرتغال والاورغواي .. صدام محتمل بين ميسي ورونالدو وان كان احتمال ضعيف الفائز من البرازيل - المكسيك ضد الفائز من بلجيكا - اليابان .. غالبا البرازيل ضد بلجيكا وده انا بعتبرو نهائي مبكر الفائز من السويد - سويسرا ضد الفائز من كولمبيا - انجلترا .. غايتو الانجليز ماشة معاهم باسطة لو شدو حيلهم شوية دوري الاربعة ساهل جدا ليهم الفائز من اسبانيا - روسيا ضد الفائز من كرواتيا الدنمارك .. غالبا اسبانيا حتقابل كرواتيا وحتكون مباراة صعبة جدا جدا
06-28-2018, 11:04 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
تشاهد غدا : ميسي و رونالدو خارج المونديال ! اصلو مونديال شفع ، هولندا مافي ـ ايطاليا مافي ، المانيا اتكلت من الدور الاول وبلدا ما فيها تمساح يقدل فيها الورل ، غايتو حظ ود المدير
06-29-2018, 10:31 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: راهنت ب ١٠٠ يورو بفوز السويد وكوريا وصربيا خسرتها...اذا صربيا فازت كنت بربح ٥٤٦٠٠٠ كنت ناوي اوبها لعمل منتزهات لالعاب الاطفال في جبال النوبة اي والله
مرحبا عمر نملة جميل ان نفكر في اطفالنا دائما ، اطفال جبال النوبة يستحقون العيش واللعب والتعلم مثلهم مثل اطفال سويسرا .. ليت الحظ حالفك .. الرياضة بدون حس انساني لا تستحق الاحتفاء .
رغم هزيمة الأرجنتين 1 صفر ورغم الضغط الفرنسي إلا أنه في نظري ربما تفوز الأرجنتين اليوم (هذا ما لا اتمناه) لانو ببساطة فرنسا لا تستثمر فرصها جيد و تضيع فرصها بسهولة أمام دفاع أرجنتيني تعبان.
06-30-2018, 04:31 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Argentina out ! France qualifies +++ نتيجة منطقية جدا .. ده مستوى الارجنتين وده مستوى فرنسا ولو ان احراز الارجنتين ل3 اهداف شكل مفاجأة كبيرة جدا بالنسبة لي شخصيا نظرا لتواضع هجوم الارجنتين وقوة دفاع فرنسا وخط وسطها المنيع جدا بوجود كانتي وبوغبا وماتويدي ولذا اعتقد ان ديشامب سيكون محبط جدا وقلق بالرغم من تأهله لأنه في الغالب سيواجه اسبانيا ان لم تحدث روسيا المفاجأة +++ رغم غزارة الاهداف لم تكن المباراة ممتعة ، ما شفنا كورة حلوة ما شفنا لمسات وباستثناء مبابي لم يبرز لاعب بشكل واضح .. +++ منتخب الارجنتين لم ينظم نفسه جيدا بعد هدفه الثاني المفاجيء وتلقى 3 اهداف في 10 دقائق ودي فضيحة على سامباولي قبل الفريق انت عارف كويس انو دفاعاتك ووسطك ضعيفة جدا فنيا ، لازم تلجأ لحلول تكتيكية سريعة جدا مش تربع يدينك وترجى كرامة البليلة مبروك فرنسا
06-30-2018, 07:30 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
الارغوي غالبه واحد صفر و البرتغال تعبانة جدا جدا فقط أولاد عمك سيلفا الاتنين الفي الجانب الأيمن برناندو سيلفا و ادريان سيلفا زايد غيديش و واضح انو الأهداف ح تكون كتيرة في شباك البرتغال.
06-30-2018, 07:33 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
بالشى الحاصل ده وحسب مردود الفرق ,دورى الاربعة ح يخلو من الكبار المكسيك وكرواتبا وبلجيكا والاورغواى حضور فى دورى الاربعة مع انو الاحتمال ده نقطة الضعف فيهو بلجيكا
06-30-2018, 07:59 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
حققت الاورجواي المطلوب باي باي رونالدو باي باي ميسي ومافي حد احسن من حد وكلنا في الطيران سوا مونديال روسيا كرة قدم جديده تعتمد على القوه البدنيه والسرعه والالتحام لا مكان بعد الان لطغيان المهارات الفرديه والاستحواذ اورغواي بفرص محدوده في كل مبارياتها وضعت نفسها في ربع النهائي ولكن اعتقد مغامرتها ستنتهي على نقرات الديوك الفرنسيه
06-30-2018, 10:08 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
هلا عبدالله .... قال ليك القون الأول بتاع أورجواي كان اطول ون - تو في تاريخ كرة القدم .... هههههه شوف مسافة الون بعرض قوطر مستطيل نصف الملعب ... والتو بي نصف عرض الملعب ... ياخي اللتنين (سواريز وكفاني) سفاحين عديييل .... شوف الأجسام كيف والجهد المبذول ككيف ... الشي التقول بياكلو طوب مملح بي مونة اسمنت ... ههههه
06-30-2018, 10:39 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
رونالدو يلحق بميسي بعد ساعتين فقط .. ** مباراة قوية جدا بدنيا من طرف الاوروغواي الاثبتو انو الروح القتالية قادرة انها تعوض وتغطي عيوب فنية كبيرة جدا ، منتخب يضم ثلاثة لاعبين معروفين فقط والبقية مغمورين ، لكنهم كالعادة لعبوا بروح قتالية عالية جدا واستحقوا الفوز لانهم استغلوا الفرص القليلة جدا بفعالية شديدة.. ** الشفتنة شي مهم جدا في كرة القدم ، الناس ديل شفوت كلهم اشتغلوا اورنيش وغسلو عربات وحامو في الشوارع ، اجسامهم قوية جدا وما بستسلمو بسهولة ** البرتغال وقعت في السم القدر غداها ، فريق دفاعي ضد فريق دفاعي عشان كده ما قدرت تتعامل مع الموقف كويس ، كانت بتعتمد على الهجمات المرتدة ودي مع الاورغواي مستحيلة .. ** غودين وخمينيز افضل متوسطي دفاع في العالم بامتياز كشركاء ، اثبتو النقطة دي مع اتلتيكو مدريد والان في كااس العالم .. ** فرنسا قدام مهمة صعبة جدا في دوري ال8 حتكلفا مجهود بدني كبير وربما كروت صفراء ايضا ستؤثر عل مسيرتها نحو احراز اللقب ..
06-30-2018, 11:22 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: هلا عبدالله .... قال ليك القون الأول بتاع أورجواي كان اطول ون - تو في تاريخ كرة القدم .... هههههه شوف مسافة الون بعرض قوطر مستطيل نصف الملعب ...
مرحبتين صلاح اجمل ما في المباراة ، دقة عالية جدا فعلا اطول ون-تو كافاني كان نجم المباراة بامتياز عمل شغل دفاعي رهيب ما بتاع مهاجمين ابدا ، وهدفين من مافي وقرب يجيب التالت ..
06-30-2018, 11:48 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: هي نان جيه لينا نضمك عشان نعرف نراها معاك يا حبيب
سفيان يا حبيب انت صدقتا انا زول اسبتنق من الوسطى هههه .. التحليلات دي أنا مازولا... غايتو الفوز حصل إلا تقدير الأهداف ما ظبط .. على كدا ثلاثي كاس العالم فينيتو.. زي ما قلتو أظن كاس العالم في قبضة السغار إذا البرازيل ما ربطت الحزام.
07-01-2018, 00:14 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: سفيان يا حبيب انت صدقتا انا زول اسبتنق من الوسطى هههه .. التحليلات دي أنا مازولا... غايتو الفوز حصل إلا تقدير الأهداف ما ظبط .. على كدا ثلاثي كاس العالم فينيتو.. زي ما قلتو أظن كاس العالم في قبضة السغار إذا البرازيل ما ربطت الحزام.
هههههههههههههههههههه و الله يا مولانا من لحظة قريت تحليلك داااك قاعد اضحك قلته مولانا خلاها عائمة عشان تلفق معاهو كل الاتجاهات هههههههه وفعلاً لفقت معاك
07-01-2018, 03:53 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20423
فعلاً يا خواض الشاب دا مبالغه قوة و مهارة و سرعة و خيال ممتاز في اللعب و التمركز عموماً الساعات القادمة ودوري الأربعة ح يتضح و غالبا كرواتيا و اسبانيا يلحقوا بي فرنسا و الارغوي.
07-01-2018, 04:07 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20423
Quote: Kylian Mbappé Lottin is a French professional footballer who plays as a forward for Paris Saint-Germain, on loan from Monaco, and the France national team.
Current team: France national football team (#10 / Forward) Trending
Born: December 20, 1998 (age 19 years), Bondy, France
Height: 5′ 10″
Salary: 17.5 million EUR
Did you know: Kylian Mbappé is the second-most expensive Association Football transfer (£128 M, from Monaco to Paris Saint-Germain in 2018)
07-01-2018, 04:14 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
ايوة 19 سنة و هو أصغر فرنسي يلعب في كأس العالم و المستقبل أمامه. لكن يا اسامة الروح القتالية و القوة لهذا الشاب و معه رفاقه في المنتخب الفرنسي بتخليني اتمنى نهائي طرفه فرنسا و الارغوي أو فرنسا و كرواتيا وذلك أيضاً للروح القتالية لدى الكروات و الارغوانيين حتى نستمتع بكرة قدم فيها عرق وقوة و مهارة و أهداف.
07-01-2018, 04:47 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20423
Quote: لكن يا اسامة الروح القتالية و القوة لهذا الشاب و معه رفاقه في المنتخب الفرنسي بتخليني اتمنى نهائي طرفه فرنسا و الارغوي أو فرنسا و كرواتيا وذلك أيضاً للروح القتالية لدى الكروات و الارغوانيين حتى نستمتع بكرة قدم فيها عرق وقوة و مهارة و أهداف.
لماذا أهملت المقاتل البلجيكي "لوكاكو" وصحبه؟؟
بالمناسية سواريز اشتهر بعضّاته:
07-01-2018, 07:27 AM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
فعلا يا خواض موبابي سيكون له شان كبير في المستقبل ارشحه مع نيمار لتسيد الساحه الكرويه بعد انقضاء فترة ميسي ورونالدو وهو اخطر مهاجم صريح موجود في الساحه الان
حرامي الشية في كسلا كانت توجد حديقة عامة أمام المجلس البلدي ولصق الجامع الكبير كما يوجد امام الحديقة موقف التاكسي العام. داخل الحديقة كان يوجد مطعم للحوم والمشاوي. اشتهر بشية السلات مع الطبائخ الأخرى. والسلات هو شوي لحم الضأن على الحجر المسخن بالجمر. وطباخ السلات يسمى السلات بتشديد اللام. وكان رواد المطعم من تجار وزوار السوق وسائقي التاكسي وغيرهم من الفئات المجاورة. وكلهم يتناولون طلباتهم حسب استطاعتهم. وضعت طاولة السلات في خارج المطعم. بسبب الدخان ورائحته المستفزة التي تجعل البطون تتلوى وتتمرد. يوم ما أحد الشباب المشردين وقف يتفرج على طباخ السلات . وهو يشوي كتلة ضخمة من لحم الضأن الصافي والخالي من العظم والشحوم ثم يقطعها في شكل مكعبات صغيرة تسيل اللعاب يملأ بها صحن كبير من الالمونيوم اللامع. قبل أن يوزعها في اطباق صغيرة وهي طلبات الزبائن . انتهز المشرد فرصة ذهاب الطباخ لأحضار شيء ما فخطف صحن الشية وجرى به متجها ناحية الباب الجنوبي المقابل للمجلس البلدي مسافة بطول ملعب كرة القدم . قبل أن ينتبه له العاملون بالمطعم ويطاردونه. لكن من العجائب أنه المشرد كان يؤدي عدة وظائف في وقت واحد. يجري ويحافظ على الصحن في حضنه ويتناول منه الشية ويأكل ويمضغ ويبلع.😂😂😂😂😂 لكن الطريف أن باقي الزبائن لم يشاركوا في المطاردة بل وقفوا يتفرجون ويشجعونه بالتصفيق والضحك. فهو عبر عن رغبات مكبوتة عند الجميع دون شك. حتى من له قدرة على تناول طبق الشية فهي حتما لن تكون بهذه الكمية الكبيرة.🤗🤗🤗🤗🤗🤗🤗 تذكرت هذا المشهد الآن من هدف اللاعب الفرنسي أمبابي وهو يخطف كرة الارجنتينين من أمام مرمى فرنسا ويجري متجها ناحية مرماهم حتى أحرز الهدف. تخيلت كل نيجيرية وأفريقيا وقفت تصفق له ونحن كذلك.🏃♂️🏃♂️🏃♂️🏃♂️🏃♂️🏃♂️🏃♂️🏃♂️😂😂😂😂
07-01-2018, 05:49 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20423
وتتوالى المفاجات .. ** اسبانيا تنضم لالمانيا والارجنتين ، وايطاليا وهولندا تراقبان من الخارج ! ده كاس عالم شنو ده ؟ معقول ؟ دوري ال8 بدون الدول ال5 دي؟ لا اعتقد انها حدثت من قبل .. مين باقي ؟ فرنسا والبرازيل والباقي فكة بحسابات التاريخ .. ** المباراة كانت مملة كأغلب مبااريات النسخة الجارية ، سيطرة اسبانية سلبية وتكتل دفاعي روسي محكم وفرص نادرة جدا تعد على اصابع اليد للفريقين .. ** اعتقد ان هييرو بالغ في تشكيلته نوعا ما ، كان واضح للجميع انو روسيا حتلعب في منطقتا وتشتغل على الهجمات المرتدة ، ومعروف انو القوة البدنية بتساعد الفرق الدفاعية جدا وروسيا لديها لاعبين كلهم ذوي بنية جسدية قوية عكس اقزام اسبانيا ، كان يجب عليه للعب بمهاجمين اثنين وفتح الملعب واللعب عن طريق الاجنحة لان الاختراق من العمق كان مستحيل او استحال فعلا ** اسنسيو وسيلفا كانو نقطة ضعف اسبانيا وكانو عالة على الفريق ، اخطأ المدرب في اشراك اسنسيو من البداية وتأخر جدا في التغيير .. ** ايسكو تحرك جيدا لكن لم يجد تعاون كافي من سيلفا وكوكي .. ** اعتقد ان هذا الخروج يمثل نهاية الجيل الاسباني الذهبي ، انيستا اعلن عتزاله وسينضم اليه بيكيه ويتبقى فقط راموس وبوسكيتس وكلاهما وصل ال30 او تعداها .. ** نشوف روسيا حتعمل شنو مع فرنسا ؟
07-01-2018, 08:11 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
المنتخب الاسباني ساعد الروس باللعب من العمق والتمريرات في وسط الملعب ايسكو كان الوحيد الذي يمرر للاما في وسط المنتخب فكيف تلعب بدون اطراف امام منتخب يلعب ب 11 لاعب امام مرماه وجود كارفخال في الكنبه وهو الطرف الهجومي خطأ كبير ومعروف ان ناشو دفاعي فالواضح كان ان روسيا ستلعب مدافعه لذا كان في حوجه لطرف هجومي تاخر في ادخال انيستا كثيراً ولكنه كاس عالم المفاجأت
07-01-2018, 08:20 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
جلال لازم دوري الاربعة يكون فيهو الفائز من فرنسا وروسيا وانا بقول فرنسا ، لانها ممتازة بدنيا وفنيا ومليانة مواهب وعايز اجر سبحتي لي بلجيكا وانجلترا عشان مولانا الملك وود المدير
النصيحة البلجيك يستاهلو السبحة ، انتو شيخ الامين ده مش عايش في بلجيكا ؟
07-01-2018, 09:04 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
النصيحة البلجيك يستاهلو السبحة ، انتو شيخ الامين ده مش ـــــــــــــــ عبد الله نهائي ما فيهو البرازيل اغبش وفي ظني شيخ لينين ما بمرق البلجيك من السامبا خلي شيخ الامين لكن في مونديال الشيوعيين دا كل شيء وارد
07-01-2018, 10:04 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20423
حليلك يا ود ادريس وقعت عليك الجهجهة الواقعة على البرازيل الارروغواى ح تلاقى فرنسا فى دور التمانية و الروس وقعوا فى يد الكروات ___ مولانا الملك انت من زمن البخار البخار يعمل شنو مع الفل اوبشن الزد واى يشق الصحرا و لا مساعد جرى لا حفر
07-02-2018, 05:48 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
لحظة احراز اليابان لهدفها الثاني .. اعتقدت ان المباراة انتهت طوالي اتذكرت مولانا الملك قلت الزول ده تاني بشوفو شايت وين وعكسو طوالي كل الفرق البشجعا بتطير عصرن بدري بداها بي هولندا وبعدها المانيا ربك ستر ....
07-02-2018, 09:17 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
يا علي الجماعة ديل عندهم شيخ الامين رائد الدبلوماسية الشعبية الوطنية الاشتراكية العظمى كلها تقول لي بلة الغائب ، ده دجال محلي ساي الشغل العالمي ده عايز لغات
07-02-2018, 09:38 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
هي المانيا حيرتني براي دي حيرت العالم ياخي .. أي صحيح ما كنت متوقعها تشيل الكاس لكين كمان ما قايلا تغادر من عصرا بدري .. يا ود الفكي بلة الغائب بتاع فنلتك أنا حسمت ليكم الكاس بيد منو من أمبارح بتلعب ولّ بتلعب.
07-02-2018, 09:45 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
كرواتيا فى طريقها الى الاربعة الكبار فروسيا قد دنا خروجها فى دورر الاربعة ح تلاقى الفايز من السويد و انجلترا و الاتنين ما ليهم نصيب فى الوصول للنهائى النتيجة كرواتيا طرف فى النهائى ده شى مؤكّد ما توقّع
بلجيكا بعد الهجمة الدخلتا من الزدواى و جات من الكوشة ما اظن تفرّط تانى قدام البرازيل متوقّع بشدّة وصول بلجيكا الى دورى الاربعة الاوروغواى بتعرف وين و متين تاكل الكتف و الديك الفرنسى ما صيده ساهلة ليها لكن احتمال وصولا كبير عليهو يبقى النهائى كرواتيا ضد بلجيكا او الاوروغواى قضى الامر
07-04-2018, 02:49 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الاوروغواى بتعرف وين و متين تاكل الكتف و الديك الفرنسى ما صيده ساهلة ليها لكن احتمال وصولا كبير عليهو يبقى النهائى كرواتيا ضد بلجيكا او الاوروغواى
اتفق معاك انو اورغواي فريق عملي انتهازي جدا ، لكن برشح فرنسا اما بلجيكا ، نعم يفصل بينها وبين النهائي مفاجأة فقط ، غير كده اعتقد طريقا سالك ..
07-04-2018, 07:14 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
osama elkhawad
جلالدونا
Abdullah Idrees
سفيان بشير نابرى
محمد مجيدو
علي محمد الفكي
طارق عبد الله
محمد أبوالعزائم أبوالريش
محمد على طه الملك
usama Babiker
عمر نملة
Salah Zubeir
معاوية المدير
فيس بوك
تويتر
انستقرام
يوتيوب
بنتيريست