|
|
|
 Re: بيان للناس جميعا و لاعضاء و قراء المنبر ال (Re: الطيب رحمه قريمان)
|
الاخ الطيب رحمة قريمان سلام
بيان وافي شرحت فيه كل الحاصل بشفافية
وشخصياً اثق واصدق ماقلت لماذا لانني قابلتك وعرفت من انت دون اي حواجز اشهد لك بالصدق في عملك كمعارض وكذلك عضو وفد الحوار
وحتي اللآن تدافع عن ماتعتقد انه صحيح ولديك هدف واحد تعمل علي ان يكون السودان ومواطنه في افضل الأحوال ..لاعليك كل صاحب
رسالة معرض الي ذلك السوء والحرب التي ليس لها حدود . وترفعك عن الرد يعتبر جزء من ألذي يسوء أعداء النجاح ..لك التحية حيث
ماكنت
| |
 
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: محمد المسلمي)
|
حبيبنا الطيب .. مودتي ..
شهادة أبوالنسب المسلمي تكفينا
كان خوفي الوحيد عندما قرأت العنوان أنك سوف تغادر المنبر
ولله الحمد انت باق معنا ..
حبيبنا الطيب خذ الموضوع من جانب الاخوانيات ونفرزة وتحقيق الانتصارات ورفع الضغط
تماماً كما يفعل الحبيب ودالباوقة وهو يتعرض أحياناً إلى عنف لفظي خطير
ولكنه قادر على الاستيعاب وإحتواء الاخر .. فيكون رده دائماً ( بوستات ترفع الضغط ) دون الدخول
في الأمور الثانية ( إنبهلت ، الدولار هبط ، سيد الرئيس ، ... إلخ )
وخاصة أنت تعيش في العالم المتقدم وهم مشهورون بسياسات الاحتواء ( containment )
المفورض نتعلم منكم نحن ناس ضواحي الدنيا ..
أوصيك بأسلوب ودالباوقة .. وأهم شيء تكون معانا في الحوش
تحياتي الحبيب الطيب .. مودتي ..
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: علي عبدالوهاب عثمان)
|
| Quote: منذ ان ذهبت الى المشاركة في الحوار الشامل و الذى عقد في الخرطوم العاصمة .. الكثيرون لم تعجبهم مشاركتى |
مشاركتك بخيتة عليك إذا كنت صرفت عليها من حر مالك.
أما أي مليم إتصرف عليك في مشاركتك دي من المال العام فذلك يعني أنك في زمرة أكلة أموال الناس بالباطل و أنك نابت من سحت.
و أنا شخصياً في الحالة دي ما عافي ليك حقي.
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Hafiz Bashir)
|
المونساتية فيهم من يرى
ان عصابتك الحاكمة دى أس بلاوى السودان
و الاحزاب المالية البلد سبب مآسى السودان
و الحركات المسلحة لها نصيب فى خراب السودان
و التلاتة مجتمعين كده لعنة و حلت على السودان
كدى عاين لى اجزابك دى و شوف كان تلقى فيها شعرة من فكرة سودانية
الاتحادى صنيعة مصرية من اجل استعمار مصرى للسودان باسم الاتحاد
الامة صنيعة انجليزية لمقاومة فكرة الاتحاد
الشيوعى فكر مستورد من اقاصى شرق اسيا
الاخوان المسلمون جاتنا سابحة عكس تيار النيل
و قس على ذلك ناس البعث و القوميين العرب و الناصرية و ناس الكتاب الاخضر
و ينو الفكر السودانى فى الاحزاب دى
وينا بضاعتكم مع الناس ..
المونساتية ديل فيهم من يجرّم اى سودانى رفع سلاحه فى وجه سودانى
فما بالك بمن قال : قتلت عشرة الف بس ... و عشان شنو ؟ الاجابة جات for nothing
ثم تأتى انت لتبايع زعيم ... القتلة و المجرمين .... رئيسا للبلاد ما اقام القتل فينا و سفك منّا الدماء
و المقابل بضع دريهمات و اقامة فى فنادق و اجازة مجانية و طيب طعام على حساب شعب مقهور
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Deng)
|
أنت كان لديك فرصة ذهبية بأن ترد للشخص الذي أتهمك بالاحتيال عليه في ذلك البوست، ولكنك قمت بمسح مداخلاته ورفضت الإجابة.
والان أنت مازلت تواصل في تهربك المشين.
فهل تستطيع الان تشرح للناس تلك الملاباسات؟
ولماذا يتم أتهامك أنت الطيب رحمة قريمان من دون خلق الله؟؟
| |
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: جلالدونا)
|
حبيبنا الطيب .. مودتي .. البوست فتح نافذة تحتاج إلى تعليقات
إن أي إنسان يظهر ميل أو إتجاه سياسي .. عليه الاستعداد للرأي الآخر
وإبداء الرأي يختلف من شخص لآخر ( أحياناً الرأي بالرأي وأحياناً شخصي وأحياناً تهشيم الصورة )
كل هذه الاساليب واردة في المجال السياسي وعلى أعلى المستويات وفي أي دولة مهما كانت متقدمة أو متخلفة
مثال ترامب :
يتعرض لتهشيم صورته مثال : (الممثلة الاباحية ) .. ( شهادة كاذبة ) .. ( قصة 130الف دولار بالتفاصيل الدقيقة )
وترامب نفسه لا يقصر .. يوزع الشتائم يميناً وشمالاً .. ويثير قضايا أنصرافية ..
هكذا عالم السياسة ربما قالها شارل ديقول ( لعبة قذرة من لايجيدها عليه البقاء في دور العبادة )
وأحسب أن هذه الممارسات سوف تكون من إختبارات القاسية لشخصك الكريم ومتى ما خرجت منها
بأقل ضرر وبشخصية تمتاز بقوة التحمل وإستيعاب الاخرين سوف يكون أكبر إنتصار لذاتك وسوف تكبر قناعاتك
وإيمانك بقدراتك الشخصية .. وهذا سيكون أكبر نصر لك في الحياة حتى إذا لم تذهب بعيداً في السياسة ..
يكفيك أن تنجح في إختبار قوة التحمل ..
حبيبنا الطيب لقد أثرت موضوع مهم جداً .. تحياتي ..
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: عمر أبوعاقلة)
|
الاستاذ الطيب رحمة قريمان
كلامك كله طيب وما فيه عوجة ...
بس بقول ليك اذا انت شاركت في وفد الحوار والحكومة ما صرفت عليك ولا مليم ولا قطعت ليك تذكرة ولا نزلت في فندق على حساب الحكومة فلك الحق في كل كلامك ..ولكن وكما قال لك حافظ بشير اذا شاركت بحر مالك فلك كل الحق في أن تشارك وتتفاوص مع الحكومة كما تريد ولكن غير ذلك فلا نقبل مشاركتك في وفد الحوار ..مع وافر التقدير والاحترام
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: امتثال عبدالله)
|
يا صيام، هذه محاولة للنيل من قريمان من غير مبرر،
تحاول فيها إلحاق الأذى النفسي به
الرجل يشعر بضيم ويبدو أنه رجل حساس تزعجه هذه المعارك والتهم الشخصية
البوست ملخصه:
يا جماعة ليس هناك شيء شخصي وأتمنى أن يبتعد من أخالفه في الرأي عن الشخصنة وأن تكون خصومتنا عاقلة
شخصيا إحساسي بقول لي انو الزول جيد
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Bashasha)
|
تحياتى يا قريمان
كلام اخونا حافظ بشير المقتبس ادناه ماتهملوا لازم ترد عليه
لتبرئة ذمتك .
مشاركتك بخيتة عليك إذا كنت صرفت عليها من حر مالك. أما أي مليم إتصرف عليك في مشاركتك دي من المال العام فذلك يعني أنك في زمرة أكلة أموال الناس بالباطل و أنك نابت من سحت. و أنا شخصياً في الحالة دي ما عافي ليك حقي
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: علاء سيداحمد)
|
Quote: مشاركتك بخيتة عليك إذا كنت صرفت عليها من حر مالك.
أما أي مليم إتصرف عليك في مشاركتك دي من المال العام فذلك يعني أنك في زمرة أكلة أموال الناس بالباطل و أنك نابت من سحت.
و أنا شخصياً في الحالة دي ما عافي ليك حقي.
|
الاخ حافظ بشير.
محتال كندا لن يستطيع الإجابة عليك لأنه يعلم الإجابة جيدا، وهي قد تورطه أكثر.
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Deng)
|
بغض النظر عن موقف الطيب من الحوار و الحكومة وسائر القضايا العامة فهذا امر يخصه وله الحق في اتخاذ اي موقف كان وتحمل تبعات هذا الموقف من نقد و نقاش
لكن ليس من أحد الحق في التجاوز لشخصه و تعدّي ما يطرحه في المنبر من مواقف وآراء هذا من ناحية مبدأ
لكن ولأن موضوع اتهامك بالإحتيال من قبل زميل اثير هنا ولم يصل لنهاياته أو لم نطلع على نهايته سيظل ماثلا و يلق بظلاله على كل خلاف او نقاش معك, فا نصيجتي لك يا الطيب إن كنت انهيت الموضوع مع الزميل هيثم في الخاص بشكل او بآخر ان تطالبه بكتابة هذا الأمر في العلن كما اثار الاتهام في العلن
وإن كنت لم تفعل - تنه الموضوع مع هيثم - فأنصحك ان تفعل! هذا اتهام لا يمكن السكوت عليه
وعلّمتنا التجارب في سودانيز وفي الاسفير و المجتمع السوداني بصفة عامة أن هذا النوع من الأمور لا يعالجها السكوت و الغطغطة بل يفاقمها وناسنا لواييق وبحبوا التكرار اللا نهائي للحاجات دي حتى تكاد تصبح حقيقة
لذا لا مفر من قطع العرق و تسييح دمه كما يقال و الوصول بالحاجات لنهاياتها, غير كدا ستظل هذه الوصمة لاصقة بك ولو هنّق حمار الوادي أو كما قيل.
حافظ بشير.. قوم لف
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: محمد البشرى الخضر)
|
الحبيب ول أبا الطيب .. رجل والرجال قليل ..
هذا المنبر عظيم .. لقد خرج رجال في السياسة والأدب والفنون والعلوم .. كثيرون مروا من هنا واليوم هم رموز في المجتمع في مجالات مختلفة ..
أنذركم .. بظهور شخصية وطنية عامة .. تخرج من رحم زخم هذا المنبر .. سير يا ول أبا الطيب .. وقشة ما تعتر ليك من أصحاب الملاواة والدرب المعوج.
كلي فخر بك ..
بريمة
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: نعمات عماد)
|
المطبطباتية أمرهم غريب مع علمهم بأن الموضوع يتعلق بقضية احتيال علي أحد أعضاء المنبر آثارها بنفسه في أحد بوستات قريمان تت ازالتها وعدم الرد عليها.
كما ان تهرب قريمان من الرد يؤكد صحة الاتهام.
هل يستطيع قريمان تكذيب ادعاء العضو الذي تم الاحتيال عليه!.
قريمان لو انك نضيف فلتدعو العضو وتواجهه امام الملأ.
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Arif Nashed)
|
| Quote: قريمان لو انك نضيف فلتدعو العضو وتواجهه امام الملأ. قريمان لو انك نضيف فلتدعو العضو وتواجهه امام الملأ. |
دا مش التحشّر ذاتو .. هل لديك حق مع الطيب ..؟ .. هل لديك حق عام، خليك من الحق الخاص، مع الطيب ..؟ هناك يمكنك سؤاله ..
هذه مسألة بين شخصين فقط .. والحل بينهما هم ..
ما سبب الأبتزاز والتنطع .. يا ناس ..
--------------------------------------------------------
دكتورة نعمات .. تدخل في هذا الرد علي عارف ..
بريمة
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: نعمات عماد)
|
Quote:
دا مش التحشّر ذاتو .. هل لديك حق مع الطيب ..؟ .. هل لديك حق عام، خليك من الحق الخاص، مع الطيب ..؟ هناك يمكنك سؤاله ..
هذه مسألة بين شخصين فقط .. والحل بينهما هم ..
ما سبب الأبتزاز والتنطع .. يا ناس ..
--------------------------------------------------------
دكتورة نعمات .. تدخل في هذا الرد علي عارف ..
بريمة
|
تحشر شنو يا جاهل موضوع أثير في عدة بوستات ولم يحسم الوضع الطبيعي أن يحسمه قريمان في الملأ كما أثير في الملأ ويظل قريمان محتال ونصاب ان لم يحسم هذا الأمر وكلام الإنشاء الذي كتبه يبله وتشرب مويته معاه..
وضح ليك
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Deng)
|
تعرف يا ابوبكر عباس ، قريمان ده سايق الموضوع ده برواقه واحساسي انو الزول ده ح يدخل مع البعض هنا في محاكم وح يكسبها ربك يستر بس!!
سكت، ورد ونفي، وطلع بيان، والخطوة الجاية اظن بيلم الورق ويطبعن والمداخلات وبيديها لمحامي مع مقدم الفين دولار وح نقعد في باركوها ده لو لحقنا.
غايتو السيناريو ده متوقع وربك يكضب الشينة لانو الزول ده مغبون شديد
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: نعمات عماد)
|
Quote: صدق إحساس المحامي الحيمشي ليهو الطيب مختلف خالص من إحساسك
إحساس المحامي بيقول إنو مافي أي زول هنا ممكن الطيب يدخلو في محاكم ناهيك من إنو يكسبها
|
ههههههههه
تعرف يا حافظ غايتو نتمني ان احساسي يخيب!! لكن سكوت الزول وسواقتو الشايفا دي ياها سواقة زول محاكم.
غايتو لو قنع ليهو من الفين دولار واداهم لمحامي مغمور وجربندي ساااي بجهجه باكات ناس كتار هنا!!!!
ممكن الموضوع في الدول الغربية ياخد ليهو زي سته شهور كده لكن الجهجهة بتحصل!!
اما ناسنا الفي الخليج ديلك وخاصة ناس المملكة لو الزول ده (اتهور) ح يبلعوها ناشفة وسريع
غايتو يا حافظ خليك قريب ممكن نحتاجك في باركوها
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Deng)
|
بالعكس يا دينق، امس كنت بتحدث مع زميل قانوني وذكر ان هذه الحالة مكتملة كما ان معظم القضايا الان لها ابعاد في السايبر في الحق الشخصي بشقية المدني والجنائي،
وذكر ان اقتران اسم المجني عليه في محرك البحث google باشياء سالبة ونعوت تؤثر علي سمعته الشخصية وافراد اسرته كما ذكر عدة اشياء يمكن اضافتها في الملف الجنائي ضد اخرين .
انا اتمني ان لا يلجأ الطيب الي هذا الباب
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Deng)
|
Quote: طيب لو أنت أنت أتبرعت له بي الاثنين الف دولار ما بتكون قصرت معاهو.
بعدين أنت السنوسي ده كيف عرفت أنو قريمان لم يحتال على الشخص المزكور؟
علشان تعتقد أنو هو ممكن يكون صاحب قضية؟؟
لو أنت فعلا زول نصيحة فعليك بنصحه بأن يرد للناس أموالها أولا. |
طبعا يا دينق انا ما بديهو ولا بتبرع ليهو بتعريفه الزول ده لسبب بسيط هو ان الزول ده كتب بيان هنا (بيبايع) فيهو فار افريقيا ومجرم لاهاي.
اما بخصوص احتياله وعدم احتياله انا ما بقدر ادعي بحدوث ذلك لانو ما بملك دليل علي الاقل يخولني توجيه اتهامه بالاحتيال لشخصه
كنت اتمني من اصحاب القضية (المدعاة) ان وجدت التحلي بالشجاعة الكافية لتوضيح الامور حتي لا تتخذ ذريعة للثأر الشخصي.
الطيب ده زول فرد ساكت ولم يكن شخصيه عامة، هو يكتب هنا وهذا حقه ولا اتأثر بكتابته سلبا او ايجابا فهو فرد من وسط اكثر من تلاتين مليون سوداني وان ادعي غير ذلك.
لكن بالمقابل هناك جانب اخلاقي تجاه حقوقه كفرد علينا الالتزام بها
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Elsanosi Badr)
|
سلام تاني يا السنوسي
زميلك القانوني دا شكلو شارب زيت.
او إنت ما وريتو ملابسات البوست و البوستات ذات الصلة.
أنا ما قريت مداخلة هيثم المسحوبة (هيثم ياتو؟ هيثم غالي ول هيثم بابكر ول هيثم طه؟) لكن فهمت من مداخلات الزملاء أن هيثم وجه إتهام للطيب قريمان بأنه لم يقم بأداء إلتزام متفق عليه في مقابل مالي تم دفعه للطيب قريمان.
قريمان لم يقم بالرد على إتهام هيثم له بالإحتيال حتى اللآن.
إذا في أي محكمة متعلقة بالبوست دا لازم اول شي المحكمة تفصل في إتهام هيثم لقريمان بالإحتيال
و بعدين المحكمة تشوف هل ترديد الناس هنا لإتهام هيثم دا عندو مبرر كافي ول لأ.
أما قصة محرك البحث google القالها ليك زميلك القانوني الشربان دا ما شرحها ليك كويس
و كدي عشان أشرحها ليك أمشي البوست دا و تعال
دينق او دينج .. الاسم .. المعنى و الدلالة ... !!
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Hafiz Bashir)
|
| Quote: زميلك القانوني دا شكلو شارب زيت. |
غايتو زولي ده شربتو للزيت ما بعرفا لكن ان بقا لزيت الفول فزولي ده شرقان تب لانو شفتا في مطبخو علبة دكوة ماكنة! علا شرقتو المعرفية دي فبأكد انها مجيهة تب!
ممكن وجايز اني ما اكون شرحتلو الحاصل بالتفاصيل لاني غير ملم بيها وبرضو اتناولنا الموضوع عرضا لانو ما اولوية علي الاقل بالنسبة لونستنا!
لكن انطباعاتي الشخصية الوصفتها فوق (بالاحساس) بتقول انو سواقة الزول ده سواقة زول لابد ليهو في جنديله!
يا حافظ الطيب ده زول فرد ساكت وهو لم يتقلد منصب عام ولم نتاثر بكتاباته علي الوجه العام وهو بيكتب هنا زيو وزي ملايين الناس التي يعج بها السايبر كنموذج لحياة اجتماعية جديدة جزء منها ونسة وجزء منها اراء شخصية كتطور طبيعي مقابل الونسة في قعدة كوتشينة او حريق او حتي ضل حيطة مغروس فيها لستك، فما سبب واحد يخليني علي الاقل في اختلافي معاهو في اراءه الشخصية اني اتهمو بحاجة انا ما عندي عليها دليل.
الموضوع يا حافظ ممكن نرجعو للتحلي بالشجاعة في توضيح الامور، انا لم اقرأ مثلك اتهام احد الافراد للطيب باحتياله، وحاولت دون كبير جهد ان اجد ما كتبه ذلك الفرد، وكنت اتمني ان تكون عنده القدرة الكافية يجي يوضح للناس ما دار.
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: Elsanosi Badr)
|
السنوسي.
محتال كندا بكل بساطة كان يجي يكتب ويقول بأنه لم يحتال على الاخ هيثم أبدا، ولم يستلم منه مليما.
الصعب في الكلام ده شنوا؟
مش كان أسهل من ما يقوم بشطب مداخلة هيثم من البوست؟؟
على العموم أنا جهاز لمثل الحالات دي، ولكن تجاربي مع الكيزان والإنتهازيين هي أنهم لا يتجرائون على المواجهة، لأن المواجهة قد تفتح ملفات وقضايا أخرى هم لا يريدون فتحها ولا يستطيعون مواجهة الناس بها.
والسبب بكل بساطة هو لأنهم لا يقفون على حق.
| |
|
|
|
|
|
|
|
|
 Re: بيان للناس جميعا و لاعضاء و قراء المنبر ال (Re: Deng)
|
كلامنا واضح هل مشيت بحر اموالك ولا برضو
من عرق الغلابة والمستضعفين ؟
منذ ان ذهبت الى المشاركة في الحوار الشامل و الذى عقد في الخرطوم العاصمة ..
الكثيرون لم تعجبهم مشاركتى .. و البعض منهم لم يكتفى بذلك بل.. ظل يحاول ان يغتال شخصيتي .
منو الداير يغتال شخصيتك ؟ تقصد هيثم طه ؟؟؟
الشلت منهم المبلغ بالباطل والاحتيال وما داير
ترجعهم ليهم ؟؟؟
قريمان انت طارح نفسك رجل دين البتعمل فيه دا لا يجوز وحرام شرعآ !
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: الطيب رحمه قريمان)
|
المدعو جورج بوك / الذى يكتب باسم دينق زورا ..
جورج بوك انت سوداني جنوبي ..
هذا المنبر كان فيه عدد من الاعضاء من دولة جنوب السودان .. قرر جميعهم الخروج من المنبر لانفصال الجنوب بكل ادب و احترام .. انت يا جورج بوك ظللت موجود فى المنبر .. لماذا ..!؟
لذلك ظن الكثيرون ان اسم دينق اسم حركى يكتب به الكثيرون "شبح" و يستغلونه ..
انا فى تقديرى ان الامر غير ذلك ... !!
و ظل جورج بوك / دينق فى المنبر كل عمله مطاردة .. الشرفاء من الاعضاء .. بكلام سطحي و غير منطقي و لا عقلاني ..
و ذلك لان جورج بوك / دينق لا علم له و لا معرفة ..
غير بعض الكلمات و العبارات التي يكتبها في كل البوستات .. و الدليل على ذلك انه لم يفتح بوست و احد فقط .. كتبه من الالف الى الياء .. و انما النقل .. و النقل أمر يسير يمكن تفعله ابنتي التي لم تتجاوز الرابعة من عمرها ... !!
جورج بوك / دينق ظل يروج للعلمانية و الشيوعية التي لا يعرف منها الا اسمها .. و واضح انه يطارد و يكره كل ما هو إسلامي و دينى .. و للعلم فان بيننا احد الاعضاء المسيحيين في هذا المنبر نكن له كل تقدير و احترام .. عمنا ارنست العجوز .. يدعوا و يروج للدين المسيحي و يجد كل الاحترام و التقدير...!!
للعلم .. لا مشكلة لي مع المسيحي او المجوسي او غير ذلك .. لدى اصدقاء و زملاء في كل مراحل تعليمي من الابتدائية الى الجامعة من قبائل السودان المختلفة بما في ذلك قبائل الجنوب .. و من بينهم أهل و معارف و اسرة ... !!
ان كان في المدعو جورج بوك / دينق خير .. له ان يعمل الخير فى اهله و قبيلته و مواطني جنوب السودان الذين ابادتهم الحرب ... !!
من لا مبادئ له .. لا اخلاق له .. و لا نتوقع منه حتى ان يحترم نفسه ناهيك عن الاخرين ... !!
و اخيرا .. أعمل خير فى نفسك .. ان كانم فيك خير .. و اترك اهل السودان فى حالهم ... !!
فاهم أعمل خير فى نفسك يعنى شنو ... !؟
يا لك من جاهل و غبى ..
تبا لك ..
| |
|
|
|
|
|
|
|
|
|
Re: بيان للناس جميعا و لاعضاء و قراء المنبر ال (Re: الطيب رحمه قريمان)
|
الامنجيه ديل شالو صورتي من الفيس بوك من صفحتي
وكنت في زيارة لجوازات الاجانب في الخرطوم
و قالو انا كنت في المركز العام للمؤتمر البطني بعد ما عملو فيها فوتوشوب
اي زول بيعرفني بي يضحك
انا معارض للكيزان منذ ميلادي
و بعدين هل زيارة حهاز السرقة و الحراميه بقي عندهم عيب
والله كنت بفتكر ان الغش و الكضب حرام في سلوك الكيزان
لكن طلع بقبق و قريمان يمارسون ااكضب و اوسخ الكيزان
تفوووووو والف نفووووووووووووو
| |
|
|
|
|
|
|
| |
الطيب رحمه قريمان
محمد المسلمي
علي عبدالوهاب عثمان
Hafiz Bashir
جلالدونا
Deng
عمر أبوعاقلة
آدم صيام
أبوبكر عباس
Bashasha
علاء سيداحمد
محمد البشرى الخضر
Biraima M Adam
نعمات عماد
Arif Nashed
Elsanosi Badr
مني عمسيب
عبداللطيف خليل محمد على
زهير عثمان حمد
Mustafa Mahmoud
فيس بوك
تويتر
انستقرام
يوتيوب
بنتيريست