{ مطبات نواعم} بقلم / دفع الله ود الأصيل

مرحبا Guest
اخر زيارك لك: 03-29-2024, 01:32 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-28-2018, 03:31 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: { مطبات حسن و نعيمة} بقلم / دفع الله ود الأص� (Re: دفع الله ود الأصيل)

    {88}
    يجازي محنك باشمهندس صديق
    أگان فريت لي البسمة فوق شلاليفي
    و أنا أصلي ما بعرف أضحك؛ وجل ضحگي
    (تگشما). عمومن حأحگي ليك واحدة بطلا
    واحد زقزوقي( نسبة لأولاد الزقازيق)، كما
    سماها واحد (فگي مفترس). و ربما أكون
    تطرقت إليها في ( مطبات نواعم ).
    [} فديل اتنين گيزان و لا غيرم، بصراحة
    ماني عارف، لگن زملاء الروح ما تروح، و طوالي
    لاصقين الحنك في الحنك بس(قدة في مخلوفة).
    ففي يوم عزما قال ليها أرح معاي الشقة نذاگر سوا
    لامتحان باكر. و نصيحة لله ، الزول كان بريء براءة
    الذئب. و لكن (بعد لكن طوالي يأتي شيطان التفاصيل).
    [} ففضلو مساهرين يذاكرو لي تلت الليل الأخير . فلامن
    خلاس النعاس داهم جفونم، تذگر إنو السرير واحد فقام
    جاب المخدات قسم بيهن السرير بالطول ؛ و فسح ليها
    المجال تنوم على شق ، و راح يغط في نوم قرير العين
    هانئها على الشق التاني، بعد أن باعد تمامن بين(بيضتها)
    و (حجره). أما هي فلم تذق للنوم طعما ، حيث أمضت
    ليلتها تلك تتقلب مع القمراء (متل السنسنة الحمرا).
    [} أها لامن مشو للجامعة في الصباح الباگر، وصلو
    متأخرين و لقو البوابة مقفولة. فقام اقترح عليها
    إنهم يطفرو الحيطة. و لكنها سخرت منه و قالت:
    "تعال إتا ياخوي كان غالبگ الليل دا گلو تطفر
    ليك شوية مخدات دلاقين،و جاي هسي تعبر
    ليك حائط أعلى و أعوص من خط بارليف؟!".
    فبالله عليگ ، شايف جنس گيف؟!
                  

09-30-2018, 12:08 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: { مطبات حسن و نعيمة} بقلم / دفع الله ود الأص� (Re: دفع الله ود الأصيل)

    (89)
    و هنا مثالٌ جيدٌ لمطبات أ يمةٍ بأسرها.

    : هل صحيح البشير في العناية المركزة؟!

    Quote: امتثال عبدالله كلام امل كردفاني ده كلام خطير....
    و اذا جينا للكلام الصحي فان الف عمر بشير افضل من قوش
    واحد وهو المعروف بتعذيب البشر في بيوت الاشباح..يعني
    دولة بوليسية نازية ميه فيالميه..استر يا رب ...واللهم
    اشفه شفاءا تاما لا يغادر سقما....


    لك كامل الأحترام و التقدثر أختنا امتثال يا حربية ،
    يعني يا مستجيراً من رمضاء بشة بضحضاح نيران (قوش)
    و لكنمعاك حق ، فللأسف الشديد الوضع مربك لدرجة إنو بقينا
    فعلنغالبنا البنسويهو ظاطو مع (هؤلاء) يعني باقية ترا حكاية :
    (لا بريدك ولا بحمل براك ). ففي بوست مجاور مسلن نقرأ:


    Quote: امتثال عبدالله : أكرم لنا ولك ان تستقيل يا سيدي!!


    #
    # بصراحة ما جبت الاقتباسين أعلاه جنباً إلى جنبٍ ليس إلا
    كدليلٍ دامِغٍ على مدى حيرة دليلنا في بلدٍ ما بكينا فيها من يومٍ و إلا
    بكينا عليه في صبحة الغد الباكر مباشرتن. يذكرني لسان حالنا المايل
    والما يسر عدواً ولا صليحاً بطرفة تحكي عن دكتورة أسنان شاطرة ، لامن
    اكتشفتذات مصادفةٍ محضةٍ بأن زوجها يخونها ، انطلقت لا تلوي على شيء
    تشكيه إلى قاضي الاحوال الشخصية و تطلب تأديب زوجها ذاك الخائن الغدار
    أبوعين زايغة و ما يملاها علا التراب . و كان مولانا القاضي لمَّاحاً بما يكفي لكي
    لاحظ ارتباكها و مناوراتها الذكية لملازوتها من الوقوع في مطب الطلاق و هو
    طبعن(أبغض الحلال إلى الله ) فجعل مولانا يخاطبها بمصطلحات مجال تخصصها.
    فقام قال ليها: تعرفي يا بتي راجلك دا فعلن زول مو نافع، و عشان كدا حا(نخلعو)
    ليك من كناكينو نريحك مرة واحدة. فهنا زولتك الملقوفة خافت من و قالت ليه:
    يا مولانا إنتا جادي و بي صحك؟! كدي إمهل شوية، ما بلاش يعني
    حكياة ( الخُلُع) دي ؛ يعني مافي طريقة (نلخلخو ساي، بس عشان
    نضمن إنو يتأدب و أ بداً تاني ما يعملش حاجة زي كدا؟!!
    هذا، مع خالص مودتنا لناس معزتنا،،،

    * ود ا لحيشان التلا تة،،،،،




                  

10-24-2018, 08:33 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
π حب ملغوم , في الجوار√ (Re: دفع الله ود الأصيل)

    πحب ملغوم , في الجوار√
    - b----ـــــــ{90}ـــــــ--------
    [} تضع صورة طفلةٍ ملائكيةٍ بريئةٍ على صفحتها ،
    أرسلت إليه طلب صداقةٍ للتواصل ، تعرف عليها من مداخلاتها
    قبل أن يراسلها ، فهي كاتبةً مجيدة و مُهْرةٌ جَخُوحٌ لا يُشقُ لها غُبارٌ في
    مضاميرها؛ تدوزن حروفاً أنيقةٌ فتريق بها مداداً مدراراً سلسبيلاً . و هي
    قارئةٌ فنجانٍ نهمةٌ واسعة الإطلاع . يظهر هذا من ألمعية ثقافتها الكثيفة.

    [} تبدو حادة الطبع شيئاً ما في تعاملها مع الرجال ؛ و لكنها تتجنب
    تجريحهم .لبقةٌ في إرسال إشاراتها الذكية؛ تضربك في حتةٍ حساسةٍ
    تحت الحزام و كلاكماتبتسمان برضاءٍ تامٍّ. . هل تخشاهم؟ هل تكرههم؟
    هل تضع الحدود التي فرضها(الشارع)!؟ كل هذه الأسئلة و غيرها تطرح
    نفسها عليهبإلحاحٍ ، لعله يسبر أغوارها فيفك طلاسم شخصيتها.

    [} أشد ما أستواه فيها غموضها و لكن مجرد الانجذاب ربما شيءٌ
    و الحبالذي يخشى بأس الغوص في مستنقعه شيءٌ مختلفٌ، حاورته
    و ناورته كثيراً لِتَبُثَّ في روعه قناعةً لديها بأن:{العشق وحدَه ، و ليس
    الخبز، كفيلٌأن يحيا به الإنسان} فليجربه معها أو مع غيرها ؛ بل إنها
    لا تتصور آدميا يمتطيظهر كوكبنا بلا حبيبٍ..

    [} راودته بدهاء نون النسوة المعهود حتى أوقعته في حبائلها؛
    إلى أن تعلق بها گما لم يتعلق قلبه من ذي قبل {طفلةً عربيةً..تنعَّم
    بالديباج و الحلي و الحلل}. و راحت صورتها في ذهنه تزداد
    رسوخاً شيئاً فشيئاً، و تشعره بأنه دونجوان زمانه.

    [} طرح خوفه من المجهول جانباً و عشقها، لم يخبرها بذلك رغم
    تصديقه لزعمها بإنفصالها عن حبها الأول ، أراد منحها و قتاً كي تستعيد
    فيه توازنها رغم توقه لجاذبية أنوثتها الطاغية و أنها عرضة لتضيع مع غيره ،
    ثم ذات يوم، بينما محادثتهما تسير بإيقاع عالٍ و همسٍ دقيق زي النسمة ترتاح
    علي هدب الدغش و تنوم أنا مساهر.. في عز الليل .. هو في قمة نشوته تفاجأ
    بها ترسل إليه:(أنا بردانة) تشابه عليهالبقر ، تشابكت خطوط حنابل المطر،
    حتى تلاطمتأمواج البحر فارتبك بين عفوية العبارة و ما قد تنطوي عليه
    من (سخونة) مغزى التلميح .

    [} بلع ريقه تلات مرات ثم جاوبها بتحفظ من يتماثل لأخذها على قدر
    عقلها:(إتغتي بالبطانية كويس) . أخذت تفكر ثم أردفت ليه: { سمح، حاضر
    يا سيدي، لكن ما بتدفيني زي حضن بطانيتك البشرية) و في كل رسالة تزيد
    حرب أعصابه ضراوة و تأجيجاً (عنفوان رغبة، دقة قلب،دقة باب، دقة محلب،
    دقة دلوكة ، خيبة أمل، صدمة سگر ، و نهايتا فراق الطريف لي جملو !!!؟).

    [} هنا تجلى له بما لا يدع مجالاً للتشكك في: أي نوعٍ من ( اللَّبْوَاتِ)
    تكون هي!! الأمر الذي بعثر أحاسيسه و {جهجه باگاته} ؛ لكنهلحسن الحظ،
    لم يفتأ يلعن إبليسه و يحسن الظن على مضضٍ ، و قبل أن يرد عليها زودت
    العيار و لكن لخوفها أن يطق فيه عِرْق النسا قالت: (يا راجل ، قول بسم الله ؛ أنا
    مرتك وهدي لي راقدة ليك في صفاقك ياخ ) يلا ، بعدينك قعدت تشرح ليه
    كيف يتعامل الرجل مع زوجته حلاله في مثل هذا البيات الشتوي القارس.

    [} أظلمت الدنيا في وجهه و بالكاد إستطاع لملمة أطرافه و استجماع
    رباطة جأشه، حتى يكتب إليها معاتبا: حرام عليك، ياشيخة شاحد
    الله عاد يبهدلك، أكان سيلتي لعابي .. و سيحتي لي ركبيني.

    ∆ لِمَ كُلَّمَا أوغَلْتُ في عَيْنَيگِ ، يغتالُني ظمؤ السنين!!

    ¶ ود الحيشان الت لا تة،،،

    (عدل بواسطة دفع الله ود الأصيل on 10-25-2018, 07:38 AM)

                  

10-25-2018, 12:53 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {خدعة بتي كلب}√ (Re: دفع الله ود الأصيل)

    {خدعة بتي كلب}
    ((((((1/91))))))
    تملك منه الجوع ،، جاب شوارع
    قاع المدينة بحثا عن ما يسد به رمقه ،،
    فقد أصبح لا يقوي علي النباح ،، لمحها من
    على بعدٍ تمشي الهونا حاملةً (عظماً) بن فكيها.
    فكر بكيفية الحصول عليه منها بأي ثمن،، أيطلبه
    منها مستجدياً عطفها عليه؟! كلا، فسوف لن تقبل
    و ربما تستهجنه ، أم يظفر به غصباً و عنوةً و اقتداراً
    ¶ مجموعة متزاحمة من الافكار بدأت تخطرت بباله
    و لم يقتنع بواحدةٍ منها . أخيرا قرر أن يخدعها
    مستغلاً في تنفيذ مخططه حاجتها الي الحنان
    والرومانسية حاول بقدر الإمكان ان يخفي
    ملامح الجوع الظاهرة عليه واستبدالها
    بملامح العاشق الولهان

    ¶ ثم دنا منها و تولَّه ، ثم نبح عليها
    و تبختر ثم أدبر و كشر عن أنيابه كي تحسبه
    مستسماً محيياً إياها . رمقها بنظرة فاحصة،
    مبدياً لهامدي افتتانه بقوامها السمهري الممشوق.
    ¶ لم تكن مصدقة انها أخيرا وجدت الكلب الذي
    تحلم به الكلب الذي يتوجها ملكة علي قلبه في افخم
    (كوشة) في المدينة . هزت له زيلها بغنج واضح. أدرك
    انها غرقت في احلامها سألها برقة عن اسمها
    ردت بإبتسامة عريضة ظهر علي اثرها
    نوائبها المليئة ببقايا لحم ،،
    - (سااامية)
    ¶ فسقط العضم من فمها
    التقطه علي الفور وهم بالمغادرة
    ادركت انه خدعها كغيره من الكلاب أرادت
    ان تسترجع عضمها ،، سألته مستدركة :
    - و لكن لم تقل لي ما اسمك؟
    رد دون ان يلتفت عليها و هو مولياً
    دبره لا يلوي على شيءٍ ؛ و
    عاضاً علي غنيمته بنواجذه.
    ¶- إدريس .. إدريس،
    يا بت الشيخ !!
                  

10-25-2018, 12:55 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {خدعة بتي كلب}√ (Re: دفع الله ود الأصيل)

    (((((((2/91)))))))

    ¶ طبعن ، أبدع ما في حبكة الكلب
    هو تمكنه من تخيره لمصفوفة حروف
    اسمه/إدريس. ما يعرف في علوم فقه
    اللغة{ Linguistics} بأحرف{Fricative}
    و التي تقوم على صك الأسنان و اللثة.
    ¶ يعني لو جاب أي اسم فيه أي من حروف الحلق
    و الجوف ككأ، يقول :{الياقوت عبد الفتاح}مثلا،
    مع الاعتذار، كان حقو راح.
    ¶ بالمناسبة عمنا الكلب اصلن ما مشى بعيد .
    لأنو زي ما قالو قال:هو أساسن اسمو/ حاج إبراهيم ؛
    علا لاكين سامع الناس بي تحت تحت قاعد تقول ليه
    الكلب. فما في زولن هاين روحو أبدن
                  

10-25-2018, 01:00 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {خدعة بتي كلب}√ (Re: دفع الله ود الأصيل)

    (((((((( 3/91))))))))
    بالمناسبة عمنا الكلباصلن ما مشى بعيد .
    لأنو زي ما قالو قال:هو أساسن اسمو/ حاج
    إبراهيم ؛ علا لاكين سامع الناس بي تحت
    تحت قاعد تقول ليه الكلب.
    # فمافيس زولن هاين روحو أبدن.
    بعدين دي ظاطا ميها أول (خدعة)
    يرتكبا واحد { ابن كلب}. لأنو قبال كدي
    سارقلو لسان تمساح و كاب بيه الزوغة. قام
    وكتين لقاه طويل علي فكينو ، ترا بقى مدلدلو
    و جاري بيه و هو يلهث {إن تحمل عليه يلهث،
    أو تتركه يلهث}. خسوسن لامن يلاقوه ناس
    يذكروه بي جريمتو و يكوركو فوقو يقولولو :
    أمسك الحرامي سيد اللسان جاك.
    *هذا، مع خالس معزتنا لناس مودتنا،،،
    * ود الحيشان التلاتة ،،،
                  

10-25-2018, 01:04 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {خدعة بتي كلب}√ (Re: دفع الله ود الأصيل)


    على قولة أخونا بو صديق: كم من سامية
    تربت يداها دون عظمٍ و كم من إدريس نجا
    بفعلته مع عظم التشكيل نصف الفهم.
    أوجزت و أبلغت يا ود الحيشان
    لك التجلة و التقدير
    ((((((4/91)))))))
    # أشكر لك صديقي الوفي أبو صديق
    حسن صنيعك بأريحية إصغائك الجميل.
    و مثلما أنه ياما للخداع ضحايا (ساميات)؛
    فكذلك ياما هنالك كلابٌ بشريةٌ ممن مردوا على
    السلب و النهب و لا يزالون يبرطعونفي الهواء
    العليل أحراراً طلقاءَ كيوم ولدتهم أمهاتهم.
                  

10-25-2018, 01:07 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {خدعة بتي كلب}√ (Re: دفع الله ود الأصيل)


    كتب الأديب و الشاعر/ عيسى محمد مُعلقاً:
    حاولت اقرا النص بواقعيته ففشلت فالقضية اكبر من استغلال المكر و
    الخداع لنيل حقوق ليست للكلب القضية اعم واشمل في صفحات كتاب حياتنا.
    *******(((5/91)))*******
    آسف جدن ، و الله أستاذي المبجل عيسى محمد ، لمروري سهواً على تعليقگم الراقي هنا.
    و أما محاولتگ يائساً ، لقراءة نصنا عاليه ، فلم تفشل ، و إنما لگونه مگتوب بلغة أقرب إلى
    أبجدية (برايل)، بحيث تحتاج للمس حروفها بأطراف عصبنا السابع ، أكثر من نظرها بأعيننا
    المجردة. أو گما ذگرت لك من ذي قبل، هي أشبه بلغة الضفادع ، و التي تريد قول شيء ما ،
    مع إرادة لازم معناه ، أكثر منها مجرد ( غوغاية) ، في شگل أوبريت گورالي رتيب.
                  

10-25-2018, 01:13 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {خدعة بتي كلب}√ (Re: دفع الله ود الأصيل)

    كتب عيسى محمد:
    يا للروعة ، إذن فهي الرمزية
    في بعدها الخامس لعصبنا السابع
    لما فوق الواقعية أو سمها إن شئتَ الواقعية
    الفائقة ، كما اعتمدها أساتذتك السيرياليون من
    شاكة بدر شاكر السياب ، عمر الطيب الدوش
    و شاعر نا الفيلسون/ تجاني سعيد
    (((((((6/91)))))))
    أستاذي عيسى محمد،،،،
    [}<إنا لله وإنا إليه راجعون{]
    لعلك فهمت أخيراً يا ولدي لماذا قلت لك لا تكبر؟!
    فمصرٌ لم تعٌد مصراَ .. و تونس لم تعد خضرا
    و بغدادٌ هي الأٌخرى .. تذوق خيانة العسكر.
    و إن تسأل عن الأقصى .. فإن جراحهم أقسى
    بني صهيون تقتلهم .. و مصرٌ تغلق المعبر..
    وحتى الشام ياولدي .. تموت بحسرةٍ أكبر
    هنالك لو ترى حلبا .. فحق الطفل قد سٌلِبا
    و عرِض فتاةُ يٌغتصبا .. ونصف الشعب في المهجر.
    صغيري انني أرجوك .. نعم أرجوك لاتكبر.
                  

10-25-2018, 01:26 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {خدعة بتي كلب}√ (Re: دفع الله ود الأصيل)

    آخر مشاكسة من صديقنا اللدود الودود/ Abdelazeem:
    طيب هو وكتين اسمو حاج ابراهيم جاب ادريس دي من وين.
    )))))))7/91((((((
    ما هي دي لعبتا كدا ي عبدو يا فهيم ياخي،
    موش هو الكلب دا قالو سارقلو لسان jومساح
    عشاري، و لما لقاه طويل على حنكو وداه للترزي
    يكفو و لا يقيفو، برضوما فيش فايدة، فبقى متوكح
    بو جاريبو وعامل نظام تمويه في تياب عمنا حاج
    إبراهيم . فكلمال ياقوه شفع يكروكو فوقو"سيد
    اللسان جاك"يديها رفة يفك البيرق لغادي.فا
    شنو بالله تاني أوعك تسعلني أسعلة بايخة
    زي خقلقتك كدا. عامل راسك الغليد
    ومقدودس مت سرج العجلة دا ؟!

    «« توقيع ود الحيشان التلاتة »»

    «« قف.. تأمل وكم من أ ملٍ مر الخداع؟!»»
    ¶ ف هل شَاهَدْتُمْ يَوْمَاً كَلْبَاً يلهث عَضَّ يَدَاً تَرْعَاهْ؟
    ¶ أَمْ هَلْ قابلتُمْ يوما ذِئْبَاً فِي الْبَرِّيَّةِ أَكَلَ أَخَاهْ؟
    ¶ لَا، بَلْ هَلْ عِاشِرْتُمْ فِيلَاً يَكْذِب، ينهب، يَسْرِقُ,
    ¶ يَزْنِي ، يَشْهَدُ زُوْرَاً ، يُنْكِرُ حَقَّاً، يُفْشِي سِرَّاً،
    ¶ يَمْشِيْ مَغْرُوْرَاً بَيْنَ يَدَيْ مَوْلَاهْ؟!.. فَهَذَا
    ¶ لَعَمْرِيْ، أَقْرَبُ مَا يَنْطَبِقُ عَلَىْ مَأْسَاةِ
    ¶ {مشروع لاحضاري لاخْتِطَافِ
    بَلَدٍ بِحَالِهَا)
    ¶ .. ثُمَّ مَاذَا بَعْدُ؟... الجواب :
    ¶لستُ أدري ود الحيشان التلاتة.

                  

10-26-2018, 09:49 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {خدعة بتي كلب}√ (Re: دفع الله ود الأصيل)

    {92}
    ق.ق.ج
    محتال
    ــــــــــــــ
    كان يعرف گيف ينتقي فريسته بعناية،
    ثم من أين يؤگل گتفها. ليس لسهولة الظفر
    بها و لكن لمتعة الوصول بعد معاناة . يرمي
    طُعْمه بتعليقات منمقة و مذهلة . نَفَسُه طويل
    گگلب بسبعة أرواح . بارع في الإقناع بنقاء دواخل
    سريرته. صندوق بريد دردشاته أشبه بغرفة إجتماعات
    سرية لسياسي محنك ، ضحايا كثيرات بَكَيْنَ على سذاجة
    وقوعهن في حبائل شيطانه إلا هذه اللبوة بالذات.

    [} كانت واعية له ، تتعامل معه بحذر ، كلما يفتح نافذة
    لهواه توصدها في وجهه بنوع من الهدوء الذي عادة ما
    يسبق العاصفة ، يطول الزمان و يقصر على هذا و يزيد
    هو إصرارا و عنادا و نشوة ، ثم في ءات يومٍ أرسلت إليه
    تستشيره في معضلة تخصها أجابها بأنه مشغول و لكن
    سيلتقيها بالطابق العلوي{ساعة النسمة تنوم على هدب
    الدغش و ترتاح في عز الليل و أن مساهر} ، هناك
    حل لها المعضلة و لكنَّ هاتفها حَبِل منه سفاحا .

                  

10-28-2018, 12:10 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {دميتان فقط!!؟}√ (Re: دفع الله ود الأصيل)

    (93)
    دميتان فقط!!؟
    @ظلا متزوجين ردحاً، كانا خلاله يتصارحان حول كل شيء
    و يسعدان بقضاء كل الوقت في الكلام او خدمة أحدهما الآخر ولم
    تكن بينهما أسرار،ولكن الزوجة العجوز كانت تحتفظ بصندوقفوق أحد
    الرفوف، وحذرت زوجها مراراً من فتحه او سؤالها عن محتواه ولأن
    الزوج كان يحترم رغبات زوجته،فلم يأبه بأمر الصندوق حتى كان يوم
    ذات أنهك فيه المرض الزوجة و قال الطبيب إن أيامها باتت معدودةً بأصابع
    اليد الواحدة .و بدأ الزوج الحزين يتأهب لمرحلة الترمل ، و يضع حاجيات
    زوجته في حقائب ليحتفظ بها للذكرى. ثم وقعت عينه على الصندوق فحمله
    وتوجه به إلى السرير مرقد زوجته المريضة ، التي ما أن رأت الصندوق
    حتى ابتسمت في حزن و قالت له: لابأسن الآن بإمكانك فتح الصندوق.

    # فعل ذلك و وجد بداخله دميتين من القماش مع بعض إبر الكروشيه
    وتحت كل ذلك مبلغ 75ألف دولار، فسألها عن تلك الأشياء.همست له :
    عندما تزوجتك أبلغتني جدتي العجوز أن سر نجاحنا يكمن في تفادي المناقرة
    في الهينة والقاسية ونصحتني بأنه كلما تغضبني، أكظم غيظي وأصنع دمية من
    القماش مستخدمة الإبر..هنا شرق بدموعه. دميتان فقط؟ يعني لم أغضبها طوال
    عمرنا سوى مرتين؟ و رغم حزنه على كون زوجته في فراش الموت فقد أحس
    بالسعادة لنبل مشاعرها نحوه . ثم سألها: حسناً، عرفنا سر الدميتينولكن ماذا عن
    75 ألف دولار؟ أجابته زوجته: هذا هو المبلغ الذي جمعته من بيع الدمى.
    و ربي يوعدكم عاد بمطبات ناعمة زي دي
    * هذا، مع خالصس مودتنا لناس معزتنا


    * ود الحيشان التلاتة ،،،

                  

11-10-2018, 06:45 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {دميتان فقط!!؟}√ (Re: دفع الله ود الأصيل)

    Re: π {دميتان فقط!!؟}√ (Re: دفع الله ود الأصيل)

    😂😂😂
    {94}
    [} واحد قاعد يتفرج مع مرته في التلفزيون في برنامج اﻷسرة ..
    لحدي ما المذيع قال : إن الرجل اﻷمريكي يري أن النساء السمراوات
    هن أكثر جاذبية وأنوثة من النساء صاحبات البشرة البيضاء..!!
    [} الزوجة صلحت جلستها وبدت تستمع بإنتباه شديد ، وبعد ما
    إنتهي الخبر ، قعدت تتجدع وتنظر لراجلها نظرات سعادة وفرح
    و استطردت قائلة : غايتو أنا العاجبني في الخواجات ديل النصيحة
    دي أصلو ما بدسوها ، وحات الله واضحين زي عين الشمس ..!!
    راجلها عاين ليها وخشمو ما فتحو ؟!!

    [} و في نفس البرنامج .. واصل المذيع وقال :
    و في دراسة أمريكية أخرى أشارت إلي أن تعدد
    الزوجات يقي الرجال من أمراض الشيخوخة كما
    يطيل عمر الرجل وكما أن الزوجتان تعيشان في
    هدوء ...!!و بعد سماعهما للخبر اﻷخير مع بعض.
    الزوج أخد ليه نفس عميييق (تنفس السعداء)
    و بارتياح و أربحية شديدة ولع سجارته وقعد
    يعاين للحاجة نظرات ﻻ تخفي عليها ..!!

    [} الزوجة جرت طرحتها بإستحياء و قعدت
    تحك في راسها .. وقالت ليهو : مخيييييير الله..
    غايتو يا أخوي إنت أقعد صدق لي الكفار ديل
    وأسمع كلامهم ، لمن تلقي نفسك يوم القيامة
    توووووووووش في نص جهنم ...!!!!
    عفيت منها الحاجة كفرتم كلهم العلوج 😈🐸😆 .

    (عدل بواسطة دفع الله ود الأصيل on 11-12-2018, 05:36 AM)

                  

11-15-2018, 06:20 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {دميتان فقط!!؟}√ (Re: دفع الله ود الأصيل)

    {{{95}}}
    [} و هي بتكنس تحت العنقريب المنتكي فوقو راجلا، دقشت لها
    تلاتة (دقارات) سفة سعوط مدردقات بتحت ، عفصتن بلغاويسن.
    لامن قربت تطرش؛ قامت ناطة علي حيلا و قالت بتأفف و قرف
    يقرف الليمون: تف، تف، يا مهند ياخ ما گرهتنا، ما قالولك ياخ
    خرتمية مرة : العواليق دا بجيب سرطان الفشفاش و بيورم
    الشراشيف ، ياخي دا الجداد البرمرم دا، شدت ما بعافو ،
    لامن يكز يقبل منو كدي ؛ أها بتخليه بتين عليك الله!؟

    [} انقلب مهند و انبطح على حمير قفاهو ؛ و يلا مرق كيس التمباك
    عدلو و قعد يدنگل ليه في سفة طاظة- و دي طبعن، إحدى حالاتٍ ثلاثٍ
    لا بد تلقاه فيهن، يا إمتن و هو بدردم و يباصر فيها يسهلا من قعر الگيس؛
    و يا إمتن گمان بتخن في تلاليشو يگرضما تحت اللسان ؛ و يا إمتن بجمع
    في شلاضيمو و يطرح فوقن زي البعير الهايج ، و يبزغا يلفضا يجدعا متل
    هنووگ، زي الشي الگعب؛ و قال ليها: تعرفي يا نور يا روحي، حاجتين في
    دار الدنيا ديأنا عايش على حبهن زي عيوني؛ و هن خليتن علا مع بعض
    و بعداك بموت طوالي: أها تراگي إنتي دي و گيس التمباگ؛ والله صحي!!

    [} شعرت نور بتيار الحبگان يسري سااااقطن في دباديبها، يزلزل أرگن
    وصالها، بس تقول: تسوتامي البرگان ؛ لامن صنقعت و ندقرت خجلاً ، ثم
    جات صنقرت جنب مهند لصق في بطن السرير اللضان باللضان و اللسان
    في اللسان ؛ و هي لسة ماسكة مقشاشتا تقردن فيها بگل دوبان في مستنقع
    الحنان . و يلا انعدلت و قالت ليه: غايتو الدكاترة ديل عليهم جنس كضبن،
    قال ليگ شنو ، قالو : ود عماري الجيد الواحد دا بجيب السرطان . أها،
    وحات الله، هداگ أبوي الله يرحمو، كان قاعد بسف ليهو أربعين سنة:
    و لا يوم گدي ساي شفناه و لا سمعنا بيه الحبة دي جاتو!!

    (عدل بواسطة دفع الله ود الأصيل on 11-15-2018, 07:04 PM)
    (عدل بواسطة دفع الله ود الأصيل on 11-18-2018, 06:33 AM)

                  

12-18-2018, 07:44 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {دميتان فقط!!؟}√ (Re: دفع الله ود الأصيل)

    {{{96}}}
    هضربات جعلية ...
    [} مرة كدة ولدي تعب علينا بالليل وجري جرينا بيه (الطيب بطبعو حنين شايل الولد ومتجرس اكتر مني ..اها لقينا لينا عيادة خاصة فاتحة اسعفوهو لينا.كان التهاب كاتم .. اها الدكتورة طلعت بت ظريفونة وطيباانة ..ما قصرت معانا حتى قروش الكشف خفضتن لينا ... ولدي اتحسن شديد شكرناها وشلنا علاجاتنا وجينا البيت .

    [} كمم يوم كدة تاني ولدي تعب جري الطيب ساقنا لنفس العيادة ونفس الدكتورة و عاد المرة دي اتكبكبت فينا كبكبة شديدة ... جنس اهتمام ورعاية... . ونص القروش حلفت منهن 🤓... اها وانا بتونس معاها عرفت انهن اتنين عند أمهن..واختا الأصغر منها متزوجة و عايشة برة .. و أنهم ناس مرطبيييين والعمارة الفيها العيادة حقتم المهم اتونسنا كدة مسافة الطيب مشى الصيدلية اها ودعتها و اتبادلنا الأرقام وطلعنا

    [} ولدي بقى كويس الحمدلله. يلا كمم يوم واتصلت تطمن علي ولدي .. وفي نص الكلام قلتليها ضرووري تزوريناوقفلت ونمت. بكرة من الصباح كان القاها ليك في وشياستغربت جيتا. المهم رحبت بيها وحلفت عليها تفطر معانا وفعلآ قعدت.الطيب طبعآ في الشغل..اها في نص الونسة كل مرة تجيب لي سيرة الطيب..شكلا (ختت عينا الزايغة عليو) قالت لي ممكن اتكلم معاك بصراحة !؟ أااكيد ي دكتورة😇 اتنحنحت وصلحت طرحتا ( ح اعمل معاك صفقة مربحة لي وليك😉) دي شنو لغة التجار دي 🤨! (في سري) أااكييييد قولي ي دكتورة🧐 .. طبعآ زي ما حكيت ليك انا لسه ما جاني نصيب ... يلا ح اكون دغرية وادخل في الموضوع بدون مقدمات قووووولي يا دكتورة ( خلااااص جاني حول وشلل في الوش!! طبعآ انا اخترت الطيب زوج لي ...وبطلب منك توافقي انك تسمحي لي اشاركك فيه كزوجة تانية ...وعد تكوني اسعد ضرة في العالم ... وعمرك ما حتندمي .. ( كلام دكاترة 😎)

    [} طبعآ ماني قادرة اوصف ليكم احساسي وانا بسمع في الكلام 😖😖😖...اتهجمت و اتبجمت واتسمرت ... بعد مسافة كدة جمعت وفهمت الموقف 😑😑 وعرفت اني ما في كابوس ... ... بلعت ريقي .. وجريت نفسي وقلت ليها مواااافقة بس بشرط 🤨 قولي يا جعلية😇

    - تسكنينا انا واولادي معاك في العمارة ...🤨
    مواااافقة
    - تقري اولادي وتقومي بكل مصاريفم ..🤨

    - مواااافقة و باصمة بالعشرة على گلو. أها، أي طلبات تانية!؟ سكتتني عديييل😇

    [} في نص نقاشنا داك الطيب جا داخل ... طبعآ كنت متأكدة انو لو سمع العرض ماااا حيوافق دا الطيوبة يااااخ حبيب القلب .... بستخيلوووووو. قال شنو 🙀
    قال لي مبروك علينا التلاتة .. انا كنت عارف انك حتوافقي وحتحسبيها صح ... عشان كدة نحن عقدنا من قبل يومين وما هاين علي ادس منك واصريت ع العروس انها تكلمك. من غير احس لقيت روحي جارية ع المطبخ وجبت السكين وقلت الا اكتل الطيب والدكتورة ... وقعدت اكورك بأعلى صوت خاااااين مجرررررم 😤😤😤😤😤 كان القى ليك روحي مدردقة في الواطة وخانقة روحي بالتوب 😑. ..
    الطيب يصحي فيني جعلية مالك ... 😨 وانا اكوووورك الطيب الدكتورة. الطيب الدكتورة ... بقتلكم والله اقتلكم.. الطيب رشرشني بموية. ...فقت وصحيت ... قمت وصنقرت في نص السرير واتذكرت الحلمة وابيت احكيها ليه ..( شان ما يخت الكلام في راسو ويخت عينو عليها ) تدمدمت راجعة واتحسبنت ونمممنت ...

    [} أها ، من الصباح صحيت رتبت بيتي وظبط لي شاي مقنن وعملت زلابية .. وحكيت للطيب خمستاشر قصة عن الدكتورة واجراما وانها شغالة تبع تجارة الأعضاء ... وكل قصة معاها حسبي الله ونعم الوكيل .. لطيب عاين لي كدة🧐. جعلية خلي الكضب الدكتورة دي ضربت تسأل من الولد ... وعزمتنا لعرسا...
    عاد انقسمت لنصي وقعدت اذغرد جنس ذغاريد ... ايوووووووووووووووي 😤
    قلت ليه وحاااات الله بت حلال. .. وسبحان الله من شفتها دخلت قلبي ..باقي
    ناس الدنيا ديل نصابين ساي .. و داخل علي حلف كان امش لعرسا ...

    جعلية الحربية ✌🏻
                  

12-29-2018, 07:03 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {دميتان فقط!!؟}√ (Re: دفع الله ود الأصيل)

    {{{97}}}

    [} غرمت محكمة تركية رجلاً لأنه فقد عقل رومانسيته
    قال لزوجته "أنا لا أحبك" و ألزمته بدفع تعويض مادي
    قمجز جزاء فعلته المهببة التي فعل بشريكة حياته ؛ و ما
    أصابها به من گدمات عاطفية و جروح وجدانية لا تندمل
    و اعتبرت المحكمة ذلك سلوگا إرهابيا عنيفا، و قد يصنف
    كجريمة حرب نفسية و قد ترقى إلى جريمة ضد الآدمية
    نظرا لأنه سببت للمجني عليها ضرراً نفسانياً بليغاً.

    [} بالمقابل ، بعرف ناس الواحد يقول ليها: يومن أسود
    اللماگ علي ، غوري الله لاجاب عقابك من عرفتك ماشفت
    خلقتك ما گسبت يا فقر و هي الغبيانة نفسيتها فوق في
    السماء و تخت صورته في بروفايلا و تكتب راجلي ؤا سلان
    على ريدي .. الخلاك بقبت CD { سيدي} .. لو الأماني بإيدي
    گونتا بهديك عيوني و أسقيگ من و ريدي. و برضو
    تصدق (أفوووتك؟!). مافي داعي أگشف الجنسية
    لكن جنهااااا بس تلحس طماطم بالدكوة
    😀😀😀😀😀😀
                  

12-29-2018, 07:36 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: π {دميتان فقط!!؟}√ (Re: دفع الله ود الأصيل)

    {{{98}}}
    [} قال ليك أبو الجشع عندو مليار جنيه كاش داسيها في البيت.
    المراة قالت ليهو عاوزه لي خمسة مليون اشتري توب قاليها: يا مرة
    إنتي الله ما ليك ماعندي أجيب ليگ من وين ؛ بعد شوية المراة جاتو
    و قالت ليو: هي ما ما كلمتك... مش محاسن جارتنا بلغت في راجلا
    لانو داسي الكاش في البيت...وجوا ناس الأمن الاقتصادي گلبشوه
    خمو قروشو شالوهن ودوهن البنك والراجل جدعوه في السجن
    قاليها با زولة قلتي لي عاوزة عشرة و لا كم !!؟ قالت ليهو : هي
    سجمي تللبلة بقيت أطرش كمان.. ما قلت ليك دايرة ٢٠ مليون.
    🤓😎🤩😜🤪🤓😎🤩😜🤪🤓😎
                  


1 صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de