► حاتم ابراهيم ... موضوع تعريفى ..◄

Quote: نذكّرك بى موضوع البوست معروف وحاتم شخصين ام شخص واحد لانو فى مقال حايم فى الاسافير بالاسمين ديل

Quote: ما عندي فكرة يا جلّي لكن بصفة عامة اي احتمال في الدنيا قابل للتحقق بس عايز اثبات وكدا بعدين يا جلّي ما قضية انا ذكرت كلمة الغبينة كم مرة! القصة في انها تأبى إلّا وأن تمد عنقها كل مرة, هسّي شوف انت مثلا كاتب شنو : حييت شبلي على نقله ردود موجهة للحساب علي ماهر وفي نفس الوقت ختمت مداخلتك بالتذكير بموضوع البوست الذي لا علاقة لعلي ماهر به!! هي الغبينة دي كيف اصلهاّ وبتظهر متين! ما ياهو جنس الطلاشة دي :)

Quote: مساء الخير جلال ذكرت جمهور الدفاع بانه حتى في حالة كون الاسمين لكائن واحد، فانه قد مارس الانتحال الذاتي self-plaigiarism وفي ذلك مخالفة لاخلاقيات البحث العلمي. بس كلهم طنشوا مداخلتي.

Quote: طبعاً الغبينة موجودة، خصوصاً ضد زول بيستهزأ بالمحاور بتاعه. الحوار القائم على الاستفزاز (وكرونرت) الطرف الآخر بيولد الغبينة والزعل. والقصة هي خيارات في نوع الخطاب، فلو اخترت الخطاب الذي يبعد عن الاستفزاز وينشر المعرفة ستقي نفسك من ردود الأفعال وإلا فالعكس أنا شايف وجهة نظرك وعاجباني جداً، الاختلاف مهم وبطريقة محترمة زي بتاعتك دي بتشيع الفائدة. حاتم بيستفز وما أظن هدفه المعرفة ونشرخا بأي حال من الأحوال. هدفه تحطيم أشخاص في نظره (مدعين للمعرفة)، وبالتالي يريد هدمهم في الأساس (الأيام دي بهبش في محسن خالد). وشخص مثل هذا مضر للحوار وطبعاً كلنا ما برئيين من موقف (من أخذته العزة بالإثم). اليوم داك قريت لي بوست بيني وبين بشاشا (استنكرت العملته وخجلت عديل كدا). طبعاً يا ود البشرى أنا ملخصي إنه حاتم (أخد على رأسه) في البوست دا لأول مرة في تاريخه. بقول الكلام دا كقراءة عامة. أنا أجزم إنه هو ومعروف ابو الحسن شخص واحد وحاتم هو من انتج النص نفسه، لكن مهمته التى كرس لها وقته وجهده تتطلب هذا الإخفاء، ليه؟ نوع الخطاب البيستعمله حاتم غير مقبول (ثقافياً) عندنا، وبالتالي هناك نوع من (الاحترام) كما أسميناه يتطلب حصافة قارن بين (حسن موسى) و(عبد الله بولا شفاه الله)، نفس الأفكار والنقد ولكن اسلوب مختلف في التناول. سهل جداً أقول ليك (نقطتك القلتها دي بتوري جهلك وإنك ما بتعرف حاجة) وكوني أقول (أنا ممكن أختلف معاك حبة لأنه أنا قريت حاجة بتشوف الموضوع دا من وجهة نظر مختلفة غير الانتا اتناولتها بيه) القرآن بيقول (ولو كنت فظاً غليظ القلب لأنفضوا من حولك) ففي في واحدة من معاني كلمة الفظ (خشن الكلام). ليس بالضرورة أن تكون جاهلاً أو لتكون فظاً. حاتم يهتم بالمثقفين وهم (هدفه) المفضل، وليس القراء ولذلك يسعى ويقتنص الفرصة (متى ما وجدها) وذلك بصرف النظر عن من هو (المبتديء)، أنا أتكلم عن (تحليل خطاب حاتم) الفظاظة تولد الغبينة بلا شك، والغبينة تجعلك تحاول الرد ما أمكنكك. الصراع ليس بين اختلاف في (حوار)، بمعنى أن الاختلاف هنا ليس في من يعرف أكثر أو خلاف حول نقطة معينة في نقاش. الخلاف هو بين أسلوب محدد، لذلك هذا البوست هو محاولة (لكسر هذا الخطاب) هل نجح في هذا؟ أعتقد أن البوست ناجح جداً في (مقروءاً مع قبله من بوستات مشادة)، وللحقيقة اعجبني اعتذار حاتم لدكتور المشرف (بصرف النظر عن الدوافع)، لأنه لم تأخذه العزة بالإثم. كما قلت فإن استعمال (الخطاب) المضاد هنا وجد بغيته في هذا البوست. وسيستعمل كترياق مضاد لـ(فظاظة) حاتم الحوارية. وهذا ما يزيل الاحتقانات (إقرأ = الغبائن). وحاتم أذكى من أن يأتي هنا، ولكنه سيعي الدرس وستتغير طريقته تدريجياً. وسيختار كلماته (استفزاته) بعناية في المرات القادمة.

Quote: يلا سؤال يا حافظ و انت ممكن اثق في قراءتهم -إلى حد ما - قول نهائي حاتم ما جا او علق على الموضوع ما الخطوة القادمة و ح يحصل شنو وكيف سيؤثر هذا الأمر على مستقبل أداءه المنبري

Quote: فريق الدفاع لا يعوَل عليه كثيراً في المرحلة القادمة فهو غير مؤهل لشيء سوى الترويج لإنتصارات زائفة.

Quote: المهم اشمعنى غبينتى طق رفعت ليها راية و غبينة غيرى عملتها عارف و ما عارف و اثبات و ما اثبات مع انّو الموضوع واضح و كده

Quote: و اخوانا ود البشرى سارح فى الغبينة و متعامى عن الحاجات دى السرقة ياها السرقة لكن بقت عادية هنا و من الغباء ان تتحدث عنها قول يا لطيف

معقول يا جلي بعد التكرار و تكرار التكرار و شرح العنقريب و شرح شرح العنقريب لسّة بتقول انا متعامي و السرقة بقت عادية!!
افا يا جلّي انت نفسك في بداية البوست حدّدت موضوعه و قلت تنتظر من حاتم ان يجيب على سؤالك, يعني القصّة ما السعي للتجريم و بس
نقطة دكتور الصادق وجيهة لكن اعتقد انّو طرحها الآن مبكّر ولّا شنو؟ اللهم إلّا اذا كانت الفكرة التجريم وسد الذرائع وكدا
عموما حتى في الحالة دي لا اعتقد انه دي نتيجة مجزية مقارنة الآمال العقدتوها و المجهود المبذول في البوست وقومة النفس, يعني من سرقة أدبية و بالعدم انتحال وتناقض ترسى على سيلفي !! دقيييقة ياخ
دي انا ما برضاها ليكم

Quote: نحن موعودون بآكشن قوي و عنيف بعد الأرشفة.. و موعودون بمعارك عنيفة تشبه حرب الشوارع التي تعتمد على الإغارات و الكماين فريق الدفاع لا يعوَل عليه كثيراً في المرحلة القادمة فهو غير مؤهل لشيء سوى الترويج لإنتصارات زائفة.

هييييع دا الكلام
مش معاي حق انا لامن قلت اثق في قراءتك - إلى حد ما :)

Quote: غايتو ان كان هناك فائدة من هذا البوست وما دار فيه من حوار او كوار تثبيت قيمة الاستقلالية في المنبر, والصحوبية لا تعني التبعية

Quote: كل ما اطلبه من الزميل حاتم توضيخ للاتى هل اخذ الموضوع من معروف ابو الجسن و لم يشير الى المصدر فى هذه الحالة ماذا يسمّى الزميل حاتم هذذه العملية أو حاتم ابراهيم هو نفسه معروف ابو الحسن هنا سرال يطرح نفسه هل كان حاتم ابراهيم سنة 2010 طالب ماجستير بجامعة الخرطوم ؟ فى انتظار توضيحاتك و شكراً

Quote: من ملاحظاتي انك زول معاط جدا ( في البوست دا ) يا جرجير انت السبب المباشر في تتابع صفحات البوست في كلام خارم بارم ساي

Quote: في دي يا أمير معاك حق, على الأقل انت لم تبدأ بربط الموضوعين أأسف على ذلك ولك العتبى

Quote: نزل تحت مداخلة أيمن عشان انا قبليهو

Quote: أيمنوف يا شقي مديدتك دي ناقصة سكر واللا ملح غايتو ..خخخخ

Quote: بالباب يعني تعال زول غبينة راسها عديل ما ترفع حقوق الملكية قميص عثمان :)

Quote: يا اخوانا هوي العفو والعافية ...