|
|
|
 Re: بالواتساب البشير يحل مشكلة قطر (Re: عماد الدين الطيب عمر)
|
يا ريس.
الناس ديل ترامب قال ليهم عاوز مليار و نص.
500 من السعودية
500 من الأمارات
500 من قطر و البحرين (نص بالنص)
قالوا ليه لييييييييه ؟؟!! القريشات ديل ندفعن ليك في شان شنوووو ؟؟!!!
ترامب أخد صنة. و دنقر ثم فكر ثم قرر.
قال ليهم القريشات في شان حمايتكم من إيران و كدي...
أها زولك تميم قال ليهم.
أنا ماني دافع. وأصلا الأمريكان لمن عملوا القاعدة عندي كان بسبب إنهم عاوزين يسيطروا علي مدخل الخليج العربي.
وأنا قطعتي ناصية وموقعها سمح معاهم.
المهم. أنا المفروض يدفعوا لي هم.
سلمان و ولاد زايد وحمد قاموا إتضايقوا. وقالوا ليه إنت كلامك ده ما قلته قدام ترامب مالك؟!
قال ليهم والله القعدة كانت سمحة والناس مستمتعة بمؤتمر أمريكا والعالم الإسلامي.
فما حبيت أبقي زولا ثقيل وأخرب الونسة.
أها دحين يا ريسنا.
إن سألوك إنت مع الجماعة ولا مع قطر
هاك النجيضة.
أرفع سماعة التلفون وقول لحاج سلمان و ولاد زايد.
يا أخوانا إنتو مشكلتكم مع قطر دي أنا ما عندي بيها شغلة.
إنتو ناسا أهل وقرايب ونسابة. يعني القصة خلاف عائلي.
وثم تانيا. الشغلة دي الشيطان دخل بيناتكم بسبب القروش.
و شان تكون زولا حصيف و نضيف. لازم تكون زول نصيحة.
وإنت زولا ما هين من زمان و زول جوديات و مبادرات.
أها الكلام مفروض تقوم و تدق صدرك.
أربط عمتك و ألبس المركوب النمري و شيل عصاتك الأبنوس.
أمش علي الناس ديل. و قول ليهم أنا جاييكم زول مبادرة صلح.
سميها مبادرة " رأب الصدع الخليجي "
نادي سلمان و ولاد زايد و حمد.
نادي تميم.
لم الناس ديل كلهم هنا عندنا في الخرطوم دي.
وأعمل ليهم رحلة نيلية لحدي السبلوقة.
أضبح ليهم و جيب ليهم الغنايين والمداحين.
وأعرض. عليك النبي أعرض ليهم عرضة سمحة بالسيف والعصاية.
بعد الغداء و تشربوا الشاي. أقعد معاهم و صالحهم علي بعض.
خلي تميم يسلم لسلمان فوق جبهته " الراجل قدر جده ".
ويسالم حمد و ولاد زايد و يقالدهم لمن نفسهم يتخم.
والناس ديل أول شيء يتعافوا و يتصالحوا.
أها بعد داك.
رسل طه الحسين لترامب " باقي زولو "
ويقول ليه ياخ المليار و نص كتيرة.
يدوك مليار وميتين و خمسين.
ترامب ده أنا بعروا بالحييييييييل. زولا تاجر و ود سوق . بوافك بإذن الله.
و كدي المشكلة تكون اتحلت. و إنت لا زعلت ديل ولا زعلت ديل.
إلا عليك الله ما تختار. يا ريس النبي فيك ما تختار.
كفاية علينا اختيارك في كفوة صدام حسين مع الكويت بطاعة حرب الخليج 91 " متذكر؟؟!!!"
*ملحوظة:
السيسي كان ضرب ليك ما ترد عليه.
وكان جاك في واتساب. أحظره.
#النصيحة_نور
| |
 
|
|
|
|
|
|
|
|
Re: بالواتساب البشير يحل مشكلة قطر (Re: عماد الدين الطيب عمر)
|
سلامات عماد الدين و رمضان كريم
بشة عامل فيها اطرش
Quote: تررررن ترررن
بشه : منو معاى
معك خادم الحرمين ..ايش حتسوى بخصوص قطر
بشه: منو الركب القطر ؟؟؟
اقولك ايش بتسوى بخصوص قطر
بشه: منو الوضعو خطر؟؟
اقولك ايش بتسوى بخصوص قناة الجزيرة
بشه: نجيب من وين فطيرة ؟؟ والله الخط بقطع طال عمرك والشبكة كعبة شديد
تووووت ..توووووت (هذا المشترك لايمكن الوصول اليه حاليا) |
| |
|
|
|
|
|
|
| |
Nasser Amin
فيس بوك
تويتر
انستقرام
يوتيوب
بنتيريست