الكرة الصفراء والحمى الصفرا

مرحبا Guest
اخر زيارك لك: 03-28-2024, 03:48 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-25-2017, 02:35 PM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الكرة الصفراء والحمى الصفرا

    01:35 PM April, 25 2017

    سودانيز اون لاين
    almulaomar-WALO SAFAR
    مكتبتى
    رابط مختصر

    رياضة التنس رياضة نبلاء بمقاييسنا ونحن ما عرفناها إلا بعد ما خلاص إشتغلنا وهاجرنا وبعدنا.
    الكرة الصفراء أو كرة المضرب حتي في سوداننا أب كتاحه رياضة أولاد عز شورت أبيض وتي شيرت أبيض ونعالات باتا بيض وشرابات وكلها ماركات غير المضرب والبيسبول كاب. أها في الحته دي لو لحقت ساكت بالغلط قلت لي أبوي بدور لي هدوم تنس بشوتني ضفاري لأنه رحمة الله عليه ما قصر تب في تربيتنا وتعليمنا وما تنسوا العلف تلات وجبات رئيسية وبينها حاجات والقصة دي ما لي سكان المنزل على كثرتهم بل تعداه إلي ضيوفنا الكرام ناس إخ وبركت الواحد يجي يطلع علي سبيل المثال باسبورتي ما يكون عنده أي حاجه تثبت شخصيتو غير وشو والوش زاتو داير ليهو شطفه بي مويه وحتي علاقته بيننا تلقاها قرابة من الدرجة الرابعة ، لكين الكلام دا عندنا كان عيب كبير خلاص ما بنقدر نقولو حتى لو كنا بنعرفو وزي ما قالت الوالده عليها رحمة الله السترة والفضيحة متباريات. المهم كانت لنا أيام.
    أها الحته دي حالة كوننا بُرُولِيتاريا ومساكين ويشاطرنا في سكننا حيوانات لا أعرف هل هي التي كانت أليفه أم نحن فغنمياتنا الأربعة والجداد وليس الدجاج حينها وكديس ماكن ليهو عنقره يتطفل على بيتنا ليل نهار ولا نحن شغالين بيهو لا هو شغال بينا.
    وحتى بُرُولِيتارياريتنا ما جابت همها بالرغم من أنها كانت واقعاً لا فكراً إعتنقناها بهوانا وفي حالتنا والكثير من جيراننا أيامها كسرنا نظرية كارل ماركس وفريدريك إنجلز بإعتبار أننا سوف نسيطر على وسائل الإنتاج من الطبقة البرجوازية وأننا سوف نحرر المجتمع ونبني دولة الإشتراكية على حد قوله ونتطاول في لغاية ما نبقي شيوعيين. وصدقوني كل دا ما حصل وفضلنا طبقة غلابه نمارس لعبة سكج بكج والرمة والحراس وكرة الشراب وحرينا وأم الصلص. وبرع فينا من برع في كرة القدم وشتت من شتت ولم يتمكن من مواصلة المشوار.
    أها حكاية إنك تكون لاعب تنس دي ولا في الإحلام ولأنه لم يكن لدينا تلفزيون ولأن الشعب تلات أرباعه كان حاله حالنا كان الإعلام مسلط على كرة القدم فعرفنا حتي بروسيا مونشنجلادباخ وسيكسا موسكو ولم نعرف ويمبلدون أو إسم لاعب تنس واحد أو بطولة تنس عالمية.
    المهم الشئ الحارق رزي بالرغم من أن الذي بين وبين الأرز مختلف جدا هو أنني ضيعت عمري سدى في تعليق صور ريفالدو ومولر وسب ماير وإتفلسفت أيام الجامعة فعلقت صور لعيبة الـ NBA على شاكلة مايكل جوردن وبيل برادلي وماجيك جونسون وأخرين.
    ولم أعرف طعم كرة التنس وطعامة لاعباتها دوت كم إلا بعد أن بلغت من الكبر عتيا فشفت الروسيات يا حلاتن الشقراوات القاتلات ناس شرابوفا ونافارتيلوفا وبنات عمومتهن البيلاروسية فيكتوريا أزارينكا ، والصربية اّنا إيفانوفيتش.
    المهم وأنا غاطس في البطاطس إذا بصديقي اللدود القمز يدخل على وأن في حضرة هذا التأمل فبادرني كعادته بتكتب في شنو يا فاره فضحكت ثم أجبته أنني أكتب في مقال عن لاعبات التنس فقال لي ها إنت كان كده أحوص ما شفت جكس الكرة الطائرة بالله إتفرج على فريق البرازيل أو إيطاليا أو الدومينيكان يا أخي حا تجيك سكته قلبيه ، ولأن قلبي بيهن براهن ساكت قمت إشتركت في beinsport عسي ولعل الكهربه ما تقطع ولسؤ حظي أول ما فتحت التلفزيون بعد الإشتراك يجيني رؤوف خليف أو عصام الشوالي ما بعرف ويكورك بي طول حسو ليو ليو كوره وقووووووووووووووووووووووون. وبعدها طق الكهربه قطعت.
                  

العنوان الكاتب Date
الكرة الصفراء والحمى الصفرا almulaomar04-25-17, 02:35 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de