حبيبنا الفاضلابي .. مودتي .. إذا كان هناك بروفايل فيه عمق واصالة هو بروفايلك الجميل .. ورغم سنين العمر مازالت صورة بروفايلك توحي لي بالاصالة وترجعني إلى الزمن الجميل .. هذه الابنة حفظها الله تذكرني بنفس ما كنا نقوم به وخاصة أن النخلة التي تنثني برأسها لتهدي الثمار هي ( القنديلة ) كما قال شاعرنا هاشم صديق : ( تنية حلو للشبال ) كلما أشاهد هذا البروفايل أتذكر منزل جدنا وكيف كنا نصعد إلى السقف لنجد القنديلة في المتناول وهذه الصورة معبرة جداً ولها عمق ووقع خاص لأمثالنا ناس ضواحي الدنيا .. جميل يا فاضلابي أن يحمل الانسان الوطن في دواخله ويستحضره في اللحظات الخاصة ..
وحفظ الله هذه الابنة الصغيرة الجميلة ما شاء الله ..
يا ملك حياك الله و بياك ياخ زمان لمّا قلنا ليكم اتعلموا قراية اللوحة ما كان من فراغ و عشان خايفين من جنس قرايتكم دى """ التنوير عملية مرهقة و ربّنا يكون فى غون المستنير """ غايتو كقراءة اولية بالحساب كل شى ممكن بعد شوية بجيكم للقراءة الثانوية ثم القراءة الحقيقية و بوستاً ما فيهو المستنير يقدل فبهو جلال
02-08-2017, 11:55 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
سلامات يا فاضلابي وجلال ودرديري .. يا جلال لوحتك دي ممكن تتعدد قرايتها.. ؤ يكون فيها العلمي والأدبي .. علمي دا أنا ما لي فيهو .. ممكن يجينا زول علمي يهندس معرفتنا بحساب الحركة وزوايا الميلان وكده .. خلينا في أدبياتنا .. أنت كزول عديل ومستقيم في حياتك قول ذي العود اللحمر دا .. طبيعة الحياة وحراكها المستمر بتخت قدامك مطبات وعقد .. ذي المطب فوق الدائرة البيضاء البتحرك عليها العود اللحمر دا.. يا إمّتا باصرتها وتجاوزت مطباتها المتعرجة بسلام .. أو كمان إنكسرت .. بعبارة أخرى إستقامتك لا تعيق تجاوز المطبات والعقد .. دي قرايتي الطلعت بيها .. بس دا ما بمنع وجود قراءات أفضل منها كان علمية كان أدبية .
02-08-2017, 01:18 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
على عبدالوهاب يازول من ضواحى الدنيا ,, سلام بعدد حبيبات القَرَّاع فى الاقليم الشمالى كله. والله ماطالبنى حليفة عشان عارفك مسكون بالشوق لضواحى الدنيا كنت داير ارسل ليك رسالة منذ مدة عشان تدينى تلفونك ارسل ليك فيه الفيديو ده مما شفتو فى الواتساب عجبنى ليك وقلت ارسِّلو ليك.
02-08-2017, 07:26 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
Quote: يا قضلابي دي بتشرح ليك كيف الحرامي ممكن يدخل بشيش الشباك هههههههههههه مو هيك يا جلة
أووو درديرى ليك وحشة يازول ياحلو جلجل يالدرديرى حايمسك فى كلام الملك ده بإيديوهو واسنانه ويطلِّع لينا شيتو الزى الهون الـ بلا قعر دى من عجايب الدنيا الإتنين.
02-08-2017, 10:17 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: تسلم مولانا المك تحليلك عميق جداً انا غايتو بتعني لي الأغتراب الكفيل لأفي حولك وانت بتتزاوق تحياتي جلادونا
هههههه تعرف يا أسامة تعليقك ده ذكرنى واحد ابوهو كان راقد مستشفى فى الخرطوم وقالوا ليهو تجيب ناس ناخد منهم دم لابوك والمشكلة انو كان هو وود عمه بس واهلهم فى البلد ومابعرف زول ,, بقا قاعد محتار ويبحلق فى الناس الجايين يزوروا مرضاهم وكل مايشوف ليهو واحد غليييد يقول لود عمه: ياسلام والله ده تلقا فيه كترة دم !!!
02-08-2017, 10:53 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
أيواتا ليك يا ملك قراية من العمق العاشر من الناحية الادبية يا فاضلابى بعد كلام الملك ده مافى كلام تبمش اهلنا الكبار بقولو الهوا داقسو ما تفقاسو و برضو عندك ابو مركوب لامن الهوا جاهو من جميع الجيهات
02-09-2017, 05:08 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
الشئ الاحمر ده ياعبد العزيز عديل ودغرى وما انحنى للمطبات واللولوه وتعامل مع الوضع بالالتفاف حوله ومعايشته لاحظ ماحاول يغير الطرف الاخر ماكل من نتعامل معهم يوافقوننا فى كل شئ ولكن يبقى حبل التواصل والتعايش والمصالح المشتركة وقبول كل طرف للاخر على علاته
02-10-2017, 03:49 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
اها قراية اخونا عماد دى براها قصة تانية يا قريش الشى اللحمر ده مع انو مستقيم لكنو مال بى مقدار و لو كانت حركتو فى خط مستقيم كان فشل فى العبور ___ مرحب اسامة تصدّق نظام الكفيل ده انا ما فاهمو و ما دام تحتاج تزوغ منّو , يبقى زول عكليتة ليس ألاّا
02-12-2017, 02:16 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
شنو يا حمد الذى لبد الهجوم الغير مبرر ده تعرف فكرة تحويل الحركة من رأسية لى افقية هى نفس فكرة الدفرنش فى العربية و لولاهو العربية ماب تمش عشان تحلل مشاكلك لازم ترّكب تروس
03-12-2017, 01:22 AM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
الأخ جلال تحياتي .. ياخي رجاء تغيير الصورة المتحركة بأخرى ثابتة لأنها عاملة بطء شديد في التصفح ... خصوصا في البوستات العندك فيها مداخلات كتيرة (بوست أسلاك مثلا) ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعزيز الفاضلابى
محمد على طه الملك
علي عبدالوهاب عثمان
جلالدونا
اسامه العريفي
عماد قريش
Osman Musa
حمد عبد الغفار عمر
قسم الفضيل مضوي محمد
فيس بوك
تويتر
انستقرام
يوتيوب
بنتيريست