|
|
|
 Re: حادث حركة ... سنة 1967 و سنة 2017 (Re: يحي قباني)
|
عمنا يحى قباني
غايتو انت بالغت ،،بالغت ،،بالغت،،،مقارنة اوسكار بين عهدين
مختلفين تمام الاختلاف واوضحت لنا بهذه المقارنة المبسطة
الاوسكار فعلا كيف تحول المجتمع السوداني من مجتمع مسالم
مجتمع يتسم بعادات سودانية اصيلة وشهامة ليست لها نظير
مجتمع متنرفز وشرس ومجتمع يتسم بالعداء الشديد للتسامح
ومجتمع تغير ت مفردات نقاشه وحديثه، ومجتمع يضع الف حساب
للنفوذ السلطوي ،،بهذه المقارنة الاوسكار اختصرت مقال من عشرات
الصفحات الى فقرتين وفهمنا فيهما تاريخ عهدين مختلفين ، ،،
وشكرا وكل سنة وانت طيب
مع وافر الاحترام والتقدير
| |
 
|
|
|
|
|
|
|
|
Re: حادث حركة ... سنة 1967 و سنة 2017 (Re: Hamid Elsawi)
|
الأسبوع الماضي كنت جاي من مدينة الغابة المديرية الشمالية ومتحرك حوالى الساعة 3 ظهرا ولم اتوقف طوال الطريق الا في نقاط التفتيش وصلت مع المغرب الى الخرطوم ذهبت الى مدينة بحرى لتوصيل زميل جاي معاى من المشروع في شارع المعونة والدنيا خميس وزحمة بحاول اتصل تلفون وانا مركز مع التلفون والعربية متحركة صدمت العربية القدامى ووقفت ونزلت لقيت السيارة القدامى كرولا ما شاء الله نضيفه جدا من كل النواحي ونزل منها شاب في العشرينات مدا يدة لى مصافحا وسالنى ياحاج انت كويس وسلم على كويس جدا وازيك ياحاج وحصل خير وانت كويس واللة هذا الشاب ادهشنى تماما بأدبة الجد وسلامة وترحيبة كأننى ما أنا البادى وصادم عربيتو ولا انا الغلطان دا حصل لى في بحرى قبل أسبوع .والشاب سامحنى وانا اعتذرت لة وشاب مهذب واللة كنت على استعداد كامل لاصلاح سيارتة وشكرة بعد الإصلاح لطريقة تعاملة الراقية جدا وادبة وتهذيبة .
قبل عدة أعوام في يوم جمعة بالرياض المملكة العربية السعودية حصل لى حادث مع شباب سعوديين هم حوالى ثلاثة واللة كمية الاساءات التي سمعتها لشخصى وأبى وكل اهلى لازالت تشعرنى بحرقة وقصة كل ما اذكرها .
فيا يحيى يا اخوى واللة لازال الخير فينا والحمد للة لحدى ما مدفق
| |
|
|
|
|
|
|
|
|
|
Re: حادث حركة ... سنة 1967 و سنة 2017 (Re: Mohammed Ahmed Saeed)
|
اظنك يا محمد احمد كنت محظوظ شديد لانك صدمت شاب خلوق متربي في
قرية بعيدة عن الخرطوم ومتخلق باخلاق القرية التي من صفاتها الشهامة والكرم
واحترام الصغير للكبير،،
واحمد الله ما لاقاك من النوع المشار اليه في البوست، وخاصة اذا كان والده وزير
او من المتنفذين، كنت لهسع وراء القضبان،، عشان حادث حركة،،،
واظن ان جملة الدنيا لا زالت بخير ممكن تنطبق على بعض القرى والبوادي البعيدة عن الخرطوم..
مع وافر الاحترام والتقدير
| |
|
|
|
|
|
|
|
|
 Re: حادث حركة ... سنة 1967 و سنة 2017 (Re: Mohammed Ahmed Saeed)
|
االتحيه لصاحب البوست وضيوفه
شهدت حادثه مشابهه لما ذكره الاخ محمد احمد سعيد فى شارع الانقاذ ببحرى جهة متنزه عبود
ايام عيدالفطر الماضى وحوالى الثامنه مساء ونسبه لكثره السيارات المركونه امام المتنزه حركه السيارات كانت بطيئه
مقابل الختميه والسيارات فى زحزحه بين حركه ووقوف حتى حدث تصادم من الخلف ايضا ونزل الشاب (فى العشرينيات تقريبا )فى السياره المصدومه
وقبل النظر الى الى مكان الضربه توجه مادا يده بالسلام لسائق السياره ( شاب ايضا لم يتعدى الاربعين تقريبا)التى صدمته ثم بعد ذلك عاينو مكان الصدمه عند التصادم
ولم يحدث شىء لهيكل السياره او الانوار فما كان منهم الاانهم تبادلو حديث سريع وعاد كل منهم الى سيارته وواصلوا طريقهم فى موقف لم يتعدى دقيقتين.
اندهشت للاسلوب المتسامح الذى امتص الجانب السلبي فى الموقف وتحمست لتسجيل الموقف فى بوست على المنبر ولكنى ترجعت لان ناس المنبر مشغول
بشكله اسفيريه مع اثاره موضوع تحديدهويه الاعضاء وهلمجرا فى تلك الايام.
.
المهم فى الامر ان الخير موجود رغم كل السوء والسلبيه والانحطاط فى لغه الحوار عند البعض والحكايه لاعلاقه لها بنشأه فى قريه او مدينه .
فى الزمن دا كلو محصل بعضو - دا راى على اساس انسان معايش الواقع - المهم دور الجميع فى العمل فعل ايجابى تجاه ظاهرة لغه التعامل والسلوك المتحضر
.
وشكرا
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: Khalid Elsayed)
|
سلامات العزيز قبة وضيوفه
العزيزة امتثال
كل مجتمع فيه الصالح والطالح ومجتمع الخرطوم يعج بالشباب الخلوق المؤدب
كما ان مجتمعات القرى تعج بالصنفين من البشر
لذلك يا امتثال تحديد القرى انها منبع الصالحين والحضر منبع الاشرار فيه تعميم مخل جداً
مع اني عارف انك احتمال تكوني ما قصدتي بعبارتك التعميم لكن يجب علينا تصحيح بعضنا احياناً
مودتي
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: Haytham Ghaly)
|
Quote: عمنا يحى قباني
غايتو انت بالغت ،،بالغت ،،بالغت،،،مقارنة اوسكار بين عهدين
مختلفين تمام الاختلاف واوضحت لنا بهذه المقارنة المبسطة
الاوسكار فعلا كيف تحول المجتمع السوداني من مجتمع مسالم
مجتمع يتسم بعادات سودانية اصيلة وشهامة ليست لها نظير
مجتمع متنرفز وشرس ومجتمع يتسم بالعداء الشديد للتسامح
ومجتمع تغير ت مفردات نقاشه وحديثه، ومجتمع يضع الف حساب
للنفوذ السلطوي ،،بهذه المقارنة الاوسكار اختصرت مقال من عشرات
الصفحات الى فقرتين وفهمنا فيهما تاريخ عهدين مختلفين ، ،،
وشكرا وكل سنة وانت طيب
مع وافر الاحترام والتقدير
|
تسلمي يا بتنا ...
اها اضيفي لي ناس الحادث الجديد الكضب و اللف و الدوران و حاجات كتيرة حامياني .... و عييييك ...
زمن و ازمان يا ستهم ....
| |
|
|
|
|
|
|
|
|
Re: حادث حركة ... سنة 1977 و سنة 2017 (Re: يحي قباني)
|
Quote: فعلاً مقارنة تستحق التأمل و التفكير يا امتثال
الإنقاذ لمن جات و علي لسان قادتها قالوا
عاوزين نعيد صياغة الانسان السوداني
أهي دي النتيجة
شكراً يا هندسة |
و كانت الثمرة ... المشروع الحضاري ...
تحياتي يا هندسة ...
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: يحي قباني)
|
حبيبنا قبانى
تحياتى
قبل يومين فى صفحة عامة فى الفيسبوك اتداخل أستاذ جامعى اعرفه جيداً فرد عليه احد الشباب اسمع يا حاج انت ......... نفسك
دخلت على الشاب فى الخاص و طلبت منه سحب كلامه و الاعتذار للاستاذ فقال لى يا زول هوى ( افتح) ظز فيك و فى أستاذك ده و ظز فى جامعتكم دى
حجاج ..........
المهم رسلت رسالة للبروف و طلبت منه يطلع من الصفحة و فعلت ذلك و حتى الان انا فى حيرة من امرى و لا ادرى ما الذى انتاب مجتمعنا ؟؟!!
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: د.محمد بابكر)
|
تحياتي يحيى والمشاركين
يبدو إنكم طولتو من السودان و معلوماتكم عن السودان سماعية
السودان فيه بشر عاديين، بعضهم راقي جداً وبعضهم سئ والغالبية فيهم الخير
أنا عملت حادث خفيف في بحري في (عهد الإنقاذ)
واحد خش لي في الشارع بتاعي وأنا ضربته من ورا
بعد السلام وحمدلله على السلامة عايننا للعربيتين لقينا إنو الشغلة بسيطة وإتفارقنا في سلام
هسة دي الشهادة التالتة في البوست ده هههه
الجيل الجديد بخير يا جماعة
طبعاً أكتر حاجة بتستفزني لمن الناس القدام ينسبوا الإنقاذ للجيل الجديد
كأنو الترابي والبشير ونافع ديل دفعتنا
رمتني بدائها وانسلت 
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: أيمن الفاضل)
|
الزمن داك كان سمح ياقباني يأخ ..
والناس كانت شبعانة وعيونا مليانة ..
هسه الناس جعانين ومفجوعين ..
عشان كده اخلاقهم زي الطين ..
حتى كان بقوا مقرشين حتلقاهم ..
ماعندهم رحمة ولا اخلاق ولا دين ..
الزول مايصدق يلم في زول فقران ..
عشان يطلّع فيهو كل عقده النفسية ...
راسمالية الانقاذ جوا من العدم ..
أغلبهم ناس كراويش ساي ..
عشان كده مفجوعين ومستجدين نعمة ..
زي قوم ياجوج وماجوج ..
يلموا فيك أقنع من رويحتك تب ..
الله لا كسب النظام ده ..
شقلب حال البلد وناس البلد ..
انها إعادة صياغة فار التجارب ..
المواطن السوداني الذي جعلوه ..
مسخا شائها لانه قابل للتشكيل ..
ومن السهل جدا التأثير فيه ..
واعادة صياغته ومسخه وسخطه ..
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: جمال ود القوز)
|
Quote:
والشاب سامحنى وانا اعتذرت لة وشاب مهذب واللة كنت على استعداد كامل لاصلاح سيارتة وشكرة بعد الإصلاح لطريقة تعاملة الراقية جدا وادبة وتهذيبة .
فيا يحيى يا اخوى واللة لازال الخير فينا والحمد للة لحدى ما مدفق |
يا محمد احمد يا حبيب ...
لما يبقى الحدث الكويس قصة تتذكرها و تسردها ... يبقى هناك خلل ...
لو الحصل ليك ده الشي الطبيعي اليومي ... ما بتتذكرو و لا بتكون منبهر بي طريقة الشاب ...
لانو ده الطبيعي ... و لكن لانها أصبحت عملة نادرة فانت مندهش ...
و اكيد رغم كل شي ... لابد من وجود البذرة الطيبة ...
و لكن الطالح عمّ ... و الجمال اصبح حدث ...
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: يحي قباني)
|
ايمن الفاضل
انتو الشباب الجيل الجديد القاعدين داخل السودان انتو السبب
في استمرار نظام النهب والسلب في الحكم كل هذه السنوات الطوال
وهم قالوا ليكم جيناكم ننفذ مشروع حضاري ونغير مجتمعكم ....ليه
ما تقولوا لا...( وجه ضاحك) ونحن خارج السودان ما بتقدر نعمل حاجة
غير الكتابة والتنديد بالمنكرات التي يرتكبها مسؤولو النظام ،،،عبر وسائط
الاعلام...وانتو الشباب في الداخل عليكم مسؤولية التنفيذ العملي وتغيير
النظام الى نظام افضل،،،
صحيح انتو ما دفعة الترابي والبشير وابوبكر ، رئيس الوزراء، ( والله نسيت اسمه
بالكامل)،، وعشان كده الدور جاكم عشان تحكموا،، والحرس القديم دوره انتهى...والفرصة
ليكم انتو تقدموا البلد لقدام....وانتو شايفين براكم جوه السودان الناس بتتغذب كيفن
وكيف اخلاق الناس ضاقت وبقت ما بتستحمل بعض....ومسؤول كبير ونافذ قال ليكم
بصريح العبارة ..نحن حرامية..تاني المنتظرين ليها شنو !!!؟
والله يا ايمن لمن امشي السودان اجازة بستغرب....احوالكم ما عاجباني....وجه ضاحك
مع وافر الاحترام والتقدير...
امتثال..
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: امتثال عبدالله)
|
سلامات قباني وضيوفك
أنا غايتــو جني وجن عنطزة الأفنديــه الكبار العاملين فيها إنهم كانوا أنبياء
وشغالين يشوطنوا في الجيل الجديد !!
لو إتعرضوا للضغوط والإنفتاح والكم الهائل من البيانات والداتا البيتعرض ليها الجيل الجيل
كان مشيتوا عرايا في الشوارع
الشباب الهسي دا شباب قوي وطموح ومتحرر من كثير من القيود وماعاوز منكم أي دعم أو مساندة
خلوهم في حالهم وحيقدروا يعملوا الإنتوا ما قدرتوا تعملوه
شيلوهم من رأسكم وما تسقطوا عليهم تصوراتكم القديمة ...
تحياتي
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: امتثال عبدالله)
|
امثال عبدالله
Quote: انتو الشباب الجيل الجديد القاعدين داخل السودان انتو السبب
في استمرار نظام النهب والسلب في الحكم كل هذه السنوات الطوال
وهم قالوا ليكم جيناكم ننفذ مشروع حضاري ونغير مجتمعكم ....ليه
ما تقولوا لا...( وجه ضاحك) ونحن خارج السودان ما بتقدر نعمل حاجة
غير الكتابة والتنديد بالمنكرات التي يرتكبها مسؤولو النظام ،،،عبر وسائط
الاعلام...وانتو الشباب في الداخل عليكم مسؤولية التنفيذ العملي وتغيير
النظام الى نظام افضل،،،
صحيح انتو ما دفعة الترابي والبشير وابوبكر ، رئيس الوزراء، ( والله نسيت اسمه
بالكامل)،، وعشان كده الدور جاكم عشان تحكموا،، والحرس القديم دوره انتهى...والفرصة
ليكم انتو تقدموا البلد لقدام....وانتو شايفين براكم جوه السودان الناس بتتغذب كيفن
وكيف اخلاق الناس ضاقت وبقت ما بتستحمل بعض....ومسؤول كبير ونافذ قال ليكم
بصريح العبارة ..نحن حرامية..تاني المنتظرين ليها شنو !!!؟
والله يا ايمن لمن امشي السودان اجازة بستغرب....احوالكم ما عاجباني....وجه ضاحك
|
شيء مؤسف الهجوم الاعمى على التعميم وتجاهل صمود وتضحيات مناضلي الداخل ومعاركهم اليومية منها ما يطفو الى السطح إعلاميا واغلبها حراك مستمر لأجل الوطن والحرية والكرامة لهذا الشعب.
فيهم دكتور مضوي وعاصم عمر فك الله اسره ونصره على الظلم.
المعركة لها بعد على ارض الواقع داخليا بعد فكرى لهذا النظام يرتبط بواقع عالمي ....المعركة في حقيقتها اعمق واضخم
من فهم رومانسي لانتفاضه شبيهه بثورة أكتوبر ...يجب على الجميع استيعاب الواقع وضرورة تحمل كل فرد في الخارج قبل الداخل تحمل مسئوليته بالعمل على الأرض قبل ملء الاسافير بالكلمات والقسوة على اهل الداخل.
لا نريد من يجلس في مقاعد المتفرجين ويسخر من معاناتنا وحتى عندما يدخل الملعب ينزل في الفريق الاخر باسم المنافي او .....او ......
هل اذا حدث تغيير ستاتي بما تحمليه من سخط على اهل الداخل لتحصلي على موضع في المشهد باسم النضال وكانه حق مكتسب اسوه بمن دفع مهر الحريه من عمره ودمه ؟؟!!!!!
على كل فرد او مجموعه ان تحترم الاخرين ونضالهم بعيدا عن التقليل من جهد الاخرين.
اذا كان هذا رايك في اهل الداخل تعالى وتحملي مسئوليتك تجاه وطنك وسدى مكان من هاجمتهم بالتعميم .
اهل الداخل خط احمر
.
واحد من اهل الداخل
الخرطوم 28 اغسطس 2017
| |
|
|
|
|
|
|
|
|
 Re: Re: حادث حركة ... سنة 1977 و سنة 2017 (Re: Asim Ali)
|
يا امثال عاوزة تغيير ليه ما تتحركي انتي بدل تدي توجيهات للناس
يا عاصم ناس الخارج ديل كمان مستفزين أكتر من الناس الكبار
حاجة مؤسفة ياخ
عدم تقدير لي نضال جيل قدم دمه واتعذب وإتسجن واتشرد
ويجيك زول في النت يتهمهم بانهم السبب
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: أيمن الفاضل)
|
Quote:
لما يبقى الحدث الكويس قصة تتذكرها و تسردها ... يبقى هناك خلل ...
لو الحصل ليك ده الشي الطبيعي اليومي ... ما بتتذكرو و لا بتكون منبهر بي طريقة الشاب ...
لانو ده الطبيعي ... و لكن لانها أصبحت عملة نادرة فانت مندهش ... |
هسة عليك الله يا يحيى كلامك ده مش يدل على إن زمنكم هو الزمن السيء ؟
قصة من سنة 1977 لسة متذكرة وفاتح بيها بوست بعد 40 سنة
..........................................................
أسمع، حصل شنو بعد الايسكريم ؟ العلاقة مشت قدام ؟
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: أيمن الفاضل)
|
يا عاصم ما تنفعل ساكت
وحتي صاحب الموضوع ايمن فهمني غلط وانفعل..
ولا عاش من يقلل من كفاح ونضال المعارضين في الداخل
فهم الذين ايديهم في النار...
واكني ربما اسات التعبير ونيتي كانت ( الهظار ) فقط ولكن للاسف
في موضع لا يحتمل الهظار...وكنت بكتب ايقونة الوجه الضاحك للدلالة
على ان كلامي غير جاد..
والمهم في غاية الاسف ولم يكن قصدي ابدا فيما فكرتم فيه...
والله شطحاتي بقت كتيرة،،،وعاوزة لي وقفة مع نفسي للمراجعة
وربما اثرت فينا هذه الغربة المفروضة علينا
ومع وافر الاحترام والتقدير
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: امتثال عبدالله)
|
| Quote: والله شطحاتي بقت كتيرة |
هههه
إمتثال أنا ذاتي آسف على الإنفعال الزائد بدون سبب
هسة ما تشوفي فصاحتي دي. أنا ذاتي قاعد برا البلد
بس عندي راي في حكاية التنظير من الخارج وفرض الوصاية
طبعاً كلنا كسودانيين عندنا ألحق نقول راينا في شئون البلد
بس حكاية نوزع المهام وندي نفسنا مهمة الكلام وناس الداخل مهمة التنفيذ دي ما مقبولة
انتي عارفة التنفيذ ده يعني موت وسجن وتعذيب و قطع ارزاق
دي ما ينفع تطالبي بيها زول وانتي قاعة برا في أمن وأمان
الحل طبعاً ليس السكوت
الحل ندي ناس الداخل ديل مهمة القيادة وتحديد طبيعة المقاومة وتوقيتها واساليبها
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: أيمن الفاضل)
|
سلام كبير للعزيز قباني
كل عام وانت بخير وأهلك أجمعين
Quote:
هو : مساء الخير يا أنسة ..
هي : مساء الخير يا أستاذ ..
هي : تبكي و كفيها على وجهها ..
هو : انت بخير يا آنسة ؟
هي : انا آسفة ... سرحت شوية و ما لحقت ادوس الفرامل ..
هو : حصل خير .. اهم شيء انك بخير ..
هي : ايوة .. بس انا لازم اصلح ليك عربيتك يا أستاذ ..
هو : ابدً ابداً ... دي حاجة بسيطة جدا يا آنسة ..
بوليس الحركة : مساء الخير يا آنسة ... انتي بخير ؟
هي : مساء النور حضرتك ... ايوه الحمد لله ..
العسكري : حضرتك غلطانة يا آنسة ...
هو : ايوه يا حضرة الشاويش ... و انا متنازل للآنسة ..
العسكري ... طيب سلامات ...
هو: تحبي نمشي سويت روزانا تشربي عصير ليمون يروق دمك شوية ؟
هي : لا .. انا عازماك في بمبو ... ناكل ايسكريم ... الدنيا حر ...
نفس الحادث سنة 2017
نزلت سائقة السيارة التي صدمت من الخلف مسرعة لسائق السيارة الامامية ...
و الذي بدوره يستعد للنزول أيضا ...
هي : انت يا حمار .. العن أبو العلمك السواقة ...
هو : انا يا بقره ... انتي عميانة و صادماني من ورا و كمان بتقلي في ادبك ...
هي : عميانة يا حيوان ... عميانة دي امك ...
هو : طبعا عميانة و ستين عميانة و مشغولة بالدين الفي ايدك ده فيس و واتس و كلام فارغ ..
مجموعة من الناس : يا خونا باركوها ...
بوليس الحركة : انتي غلطانة ... افتح ليك بلاغ و قضيتك دي حتكلفك كتير ... ( ملوحا لاستعداده قبول رشوة ) ...
هي : عليك الله غادرنا و شتت من هنا ... انا ابوي منو انت عارف ؟ ابوي فلان ...
هو : بعد سماع اسم ابوها ... خلاص ياخ اتوكلي ... انا اسف و انا زاتي ما بقبل العوض ...
هي : عوض ده أبو امك ... يمين ما تمش من هنا الا تصلح لي عربيتي ...
|
هم ناس الحوادث الكانت بتحصل سنة 77 ديل مصريين واللا شنو ؟؟
دلللللل خخخخخخخخ
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: طلحة عبدالله)
|
ايمن
يعني يا ايمن انت من الناس المرطبين القاعدين بره السودان
وما من الناس الايدينهم في النار،،( وجه ضاحك )..
وانت بتقول بلسانك ::" الحل ندي ناس الداخل ديل مهمة القيادة
وتحديد طبيعة المقاومة وتوقيتها واساليبها""..
وده بالضبط يا ايمن الكنت انا قاصداهو سواء قلته جادة
او بهظار...، كنت عاوزة اطعم البوست بشئ من الفكاهة لان
المواضيع البتفقع المرارة كترت ، وانت ما شايف المستنير صديق
بكتب شنو،،،
والمهم اعتذاري واسفي لعاصم وليك انت،،،انا ما كده...
تصدق يا ايمن انا كنت بعيدة عن السياسة لكن بصراحة
بقيت سياسية بعد انضمامي للمنبر العام باسبوع واحد
فقط لان الكلام الكنت بقراهو عن السياسة اجبرتني للمشاركة
على حسب معلوماتي الضعيفة عن التاريخ السياسي والاجتماعي
للسودان...
لكن شئ واحد متاكده منه تمام التاكيد ان معظم مسؤولي هذا النظام
الحاكم حرامية ولصوص وبيسرقوا اموال الشعب،، والكلام ده ما من
عندي بس ولكن اكده مسؤول كبير ونافذ{واقرا بوست هشام المجمر}
مع وافر الاحترام والتقدير،،،
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: يحي قباني)
|
Quote: Quote:
لما يبقى الحدث الكويس قصة تتذكرها و تسردها ... يبقى هناك خلل ...
لو الحصل ليك ده الشي الطبيعي اليومي ... ما بتتذكرو و لا بتكون منبهر بي طريقة الشاب ...
لانو ده الطبيعي ... و لكن لانها أصبحت عملة نادرة فانت مندهش ...
هسة عليك الله يا يحيى كلامك ده مش يدل على إن زمنكم هو الزمن السيء ؟
قصة من سنة 1977 لسة متذكرة وفاتح بيها بوست بعد 40 سنة
..........................................................
أسمع، حصل شنو بعد الايسكريم ؟ العلاقة مشت قدام ؟ |
ولدنا الجميل ايمن
ياخ دي ما قصة حصلت اول شي
ده تصوير بين واقع كان زمان و حسي
و انا قبال انفعالك ده قلت مؤكد انو في الناس السمحة و لكن القبح بقى سمة عامة
يعني عندك مثلا انا لما كنت قدركم مستحيل أقول لي زول اكبر مني و ما من جيلي
جنس كلامك لي ...
و كمان مستحيل اكشكشو بي نوع حصل شنو بعد الاسكريم
عيب كان زمنا الكلام ده ...
لكن الان شكلو بقى عادي ...
عموما سامحنا ... التصوير اعتبره ما بشملك و لا بشمل اي زول انت بتعرفه :)
| |
|
|
|
|
|
|
|
|
 Re: حادث حركة ... سنة 1977 و سنة 2017 (Re: Hani Arabi Mohamed)
|
Quote: يعني عندك مثلا انا لما كنت قدركم مستحيل أقول لي زول اكبر مني و ما من جيلي
جنس كلامك لي ...
و كمان مستحيل اكشكشو بي نوع حصل شنو بعد الاسكريم
عيب كان زمنا الكلام ده ...
لكن الان شكلو بقى عادي ...
|
كلامك ده كلام زول زعلان
آسف ولك الإعتذار
واحدة من الاختلافات العاجباني في الجيل الجديد هي الحتة دي بالذات
تقول رايك بدون ما يكون الرد على الكبير عيب
طبعاً لازم الاحترام يكون محفوظ
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: أيمن الفاضل)
|
Quote: ما قلت ليكم بتصرف في اول الموضوع
جاتني من جماعة مصريين ... و اتصرفت بعد داك هههه
|
خخخخخخخخخ
ما هو دي المشكلة الكبيرة يا حبيب
انك ما قلت بتصرف
اتا جيت رميت القصة الما حصلت دي وطوالي
عملتها مباراة ذوق وأخلاق بين شعبي وادي النيل
وصورت الفراعنة هم العندهم ذوق ورومانسية شعبا
وبوليسا وناسنا الغبش ديل هم الأخلاقم مارقة بى نخرتم .. خخخخخ
لكن عموما خيالك خصب يا جميل هههههههههه
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: طلحة عبدالله)
|
طلحة يا صفوة ...
يمين كنت كاتب بتصرف من موضوع غير سوداني ... ههه
بس جيت عملت تعديل في العنوان كنت كاتب 67 بدل 77 و الظاهر مع التعديل الجميل حق بكري سقط سهوا ...
عموما لك العتبى حتى يأتي الهلال بأي كأس خارجية ... و لو كاس ويسكي ...
| |
|
|
|
|
|
|
|
|
|
Re: حادث حركة ... سنة 1977 و سنة 2017 (Re: يحي قباني)
|
Quote: حبيبنا قبانى
تحياتى
قبل يومين فى صفحة عامة فى الفيسبوك اتداخل أستاذ جامعى اعرفه جيداً فرد عليه احد الشباب اسمع يا حاج انت ......... نفسك
دخلت على الشاب فى الخاص و طلبت منه سحب كلامه و الاعتذار للاستاذ فقال لى يا زول هوى ( افتح) ظز فيك و فى أستاذك ده و ظز فى جامعتكم دى
حجاج ..........
المهم رسلت رسالة للبروف و طلبت منه يطلع من الصفحة و فعلت ذلك و حتى الان انا فى حيرة من امرى و لا ادرى ما الذى انتاب مجتمعنا ؟؟!! |
دكتور يا صديقي ...
معليش ياخ ...
رديت على الناس الفايرة بالاول
الناس الرايقة الزيك و مرطبين زينا كده بجيهم بعد داك ... :)
يمين يا محمد ... اخوي الأكبر مني ... و كلنا حوالين الستينات فوق حتة و تحت حتة ...
يمين لو انا خالف كراعي و جا داخل مكتبي بنزلها ...
حسي الحصل شنو ما بعرف غايتو ... :)
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: امتثال عبدالله)
|
امثال عبدالله
برضو بعتذر اذا كنت قاسى فى حديثى ولكن المعايشه اليوميه للوضع والمضايقات المستمره فى اى مكان لا لشىء
الا انو الواحد بيقول الحق وما استسلم يهم ووقف فى صفهم .
كلنا مسئولين فى الداخل والحارج وعلي الجميع التفاهم والتكامل حتى نتحرر من هذا الاستعمار الغاشم باسم الدين
العفو والعافيه
.
.
#الحريه _لعاصم _عمر
| |
|
|
|
|
|
|
|
|
|
Re: Re: حادث حركة ... سنة 1977 و سنة 2017 (Re: عبدالعزيز الفاضلابى)
|
تحياتي قباني
وضيوفه
حضرت حادث . بتاع دفار عندو سيخة شرطت غطا ركشة واقفة في الشارع في السوق الكلام دة
بتاع الركشة كان مافي . نادوهو . وكان متسامح جدا . قال لسواق الدفار
كان تنزل تشوف الحادث
بتاع الدفار قال ليهو
انا لو كتلت ولدك ما بنزل . انا مؤمن .. عندك مشكلة نادي بتاع الحركة
وبقت شكلة
آفة التأمين
| |
|
|
|
|
|
|
| |
يحي قباني
Hamid Elsawi
Mohammed Ahmed Saeed
Asim Ali
Khalid Elsayed
د.محمد بابكر
أيمن الفاضل
جمال ود القوز
عبدالعظيم عثمان
نعمات عماد
طلحة عبدالله
Hani Arabi Mohamed
كمال عباس
عبدالعزيز الفاضلابى
عبدالحفيظ ابوسن
السر عبدالله
فيس بوك
تويتر
انستقرام
يوتيوب
بنتيريست