|
|
|
 Re: شروط تمويل السيارات في السودان - ولاية الخ (Re: الحاج حمد الحاج)
|
اجمل ما اعجبني في الشروط ان لايزيد العمر عن 60 عاماً
ليه خايفين منو يتلحس وللا شنو ؟؟؟
قبل فترة احدى الجاليات السودانية اشترطت ان لايقل عمر رئيس الجالية عن 35 عاما
في حين ان رئيس الوزراء الكندي يبدو لي انه اقل من 30 عاما
ااحد المرشحين الآن للرئاسة الفرنسية يادوب بداقش عشان يصل الأربعينات
اليومين ديل شنو حكاية المسنين الحايمة دي شنو
| |
  
|
|
|
|
|
|
|
|
Re: شروط تمويل السيارات في السودان - ولاية الخ (Re: Ahmed Tuhami)
|
ابو الزهور سلام
الورقة المرفقه مضروبه لا علاقة لها ببنك لو طلعها بنك تكون كارثة
قيمة السياراة بحد اعلي 450000 بالجديد
المقدم 40% 180000
المتبقي 270000
نسبة الهامش 27000 دا لو فعلا كان ثابت الهامش مركب الفعلي للبنوك
الاجمالي لمتبقي التمويل ونسبة الهامش من غير التامين والرسوم الادارية 297000
تقسمها علي 12 شهر بجيك القسط الشهري 24750 من وين اسدد الراجل علما بان الراتب 5000
لاحظ من غير الرسوم الادارية والتامين
ثم ثانيا البنوك السودانية تعمل بنظام الفائدة المركبة في العقار والسيارات مثلها ومثل البنوك السعودية وشركات التمويل السعودية
العربية لو ب450000 بطلعوها ليك بالفوائد والتامين 900000 جنيه
حكاية تمويل عقاري او سيارات للعاقل غير مجدية وبتدفع فيها مبالغ خياليه اللهم الا تستفيد من وقعت دولار ود الباوقة واجيب ليك الفرق
وحكاية الدولار هي السبب الاساسي في ايقاف تمويل العقار والسيارات حسي الشقق في الخرطوم بالاقساط بالدولار
افضل ليك تشتري في دبي ما تشتري في الخرطوم لو مفكر في عربية شوف نص عمر كاش لو مفكر في بيت اشتري ارض وابني ليك اوضتين خلف خلاف
مع خالص التقدير
| |
|
|
|
|
|
|
|
|
|
Re: شروط تمويل السيارات في السودان - ولاية الخ (Re: ايمن الصادق)
|
Quote:
سلامات ... للأسف يا دسيس ما أورده زهير صحيح ، عترت فيه الإسبوع الماضي بموقع بنك السلام ( أو مصرف السلام ) .
|
ايمن سلام
تبقي كارثه البلد عدمت المصرفي الذي يقوم باعداد سياسة تمويل
الشروط والضوابط لو جينا فندناها كلها كلام خارم بارم
لو جينا للسيارة في عضما باسم البنك كيف تكتبني شيكات
المفروض كمبيالة واجبة الدفع انا غلبني اسدد شيل عربيتك والسلام عليكم
شكل الضمان به اجحاف للمتعامل مع البنك او العميل كما يقال
تقلع عربيتك ودخلني السجن علما بان العربية مؤمن عليها تامين شامل شكل الضمان مركب
في حكاية العمر كما علق احد الزملاء هنا للاجنبي 60 عام سعودي الا اشيلو الموت
ما دام انا مواطن ووضعت سياسة مالية بضمانات للفرد الحق في التمتع بالتسهيلات البنكية ما دام قادر
مثلا انا 70 عام وعندي عقارات مؤجرها وعمل تجاري لا يحق لي بالتملك
كما ان حكاية الشيكات في البيع بالتقسيط وليس بالتاجير العربية تكون باسمي
تمشي تشيل ليك عربية وتكتب شيكات وباسم البنك تكون زول داقس لو اتاخرت 10 يوم بتلقي العسكري قدام الباب وعربيتهم بشيلوها ميته وخراب ديار
بلدنا ام فكو الناس كلها البتفهم خلت ليهم البلد وهاجرت
| |
|
|
|
|
|
|
|
|
|
Re: شروط تمويل السيارات في السودان - ولاية الخ (Re: عباس الدسيس)
|
ايمن شوف الوضع السياسة التمويلية زول وهم كيف
التحليل الفوق لو زول عايز اسدد في سنة
طيب نعمل تحليل مالي صغير لزول عايز اسدد في 60 شهر والراتب 5000
قيمة السيارة 450000
المقدم 40% ودا بوضح ليك عجز الدراسة ما دام انا عندي النسبة دي ماشي للبنك مضيع قروشي ليه
باعتبار عايز اضيع قروشي المقدم 180000
المتبقي 270000
الهامش قال ليك ثابت معناه 10% خمسة مرات يساوي 135000 ما اعتقد ثابت مركب السياسات الحالية كلها تتعامل في تمويل السيارات والعقار بالمركب
اجمالي الاقساط الشهرية غير التامين والرسوم الادارية 6750 الراجل راتبو 5000 ياكل نيم اجيب الفرق من وين
اجمالي المبلغ للتمويل 585000 زائد الرسوم الادارية والتامين تحصل ليك 700000
| |
|
|
|
|
|
|
|
|
 Re: شروط تمويل السيارات في السودان - ولاية الخ (Re: عباس الدسيس)
|
التحية للجميع بورداب وعابرين
والاستاذ أيمن والاستاذ عباس الدسيس
المهم هذا ما تم الاتفاق عليه مابين البنوك والمصرف المركزي وشركات ووكلاء العربات في السودان
سوف يتم رفع سقف التسليف حسب مقدرة المقترض وهذا لا يتطلب موافقة البنك المركزي بعد هذه الائحة
المشكلة يا جماعة هنالك تخصص كنت أنادي بوجوده من أيام التمويل الاصغر في بدايته هو أخصائي مخاطر ديل ما موجودين في البنوك السودانية
بعدين ليس هنالك أرقام حقيقة عن الديون الذي تقدمه البنوك وشركات ومؤسسات التويل الاصغر الي الان
والاخطر من كدا الان ممكن أن تحول نشط مؤسسة تمويل أصغر الي شركة أقراض تجاري بأرباح معلومة
الوضع في السوق المصرفي السوداني خطير البنوك الان جزء من منظومة الفساد السائد بل لاالبنوك الحكومية كلها خاسرة
وحتي مسالة بيع بنك النيلين عشان يصبح بنك للمغتربين ماتت الي الابد لرفض محموعة من المغتربين أصحاب روؤس الاموال لهذا
بل البعض منهم أشتري أسهم في بنوك أخري وجديدة وكات التعويل علي بنك الساحل والصحراء الذي تم الاتفاق مع الحكومة الليبية علي تصفيته لصالح مجموعة نافذين
الامر غريب ويندرج تحت مسألة تحريك عمل البنوك من خلال خلق خدمة جديدة
وخدمة هدف بعيد يسعي له بعض النافذين هو أعادة فتح باب دخول السيارات المستعملة
تعرفوا ما في جديد نفس العك والوسخ
| |
|
|
|
|
|
|
|
|
|
Re: شروط تمويل السيارات في السودان - ولاية الخ (Re: زهير عثمان حمد)
|
Quote:
المهم هذا ما تم الاتفاق عليه مابين البنوك والمصرف المركزي وشركات ووكلاء العربات في السودان سوف يتم رفع سقف التسليف حسب مقدرة المقترض وهذا لا يتطلب موافقة البنك المركزي بعد هذه الائحة المشكلة يا جماعة هنالك تخصص كنت أنادي بوجوده من أيام التمويل الاصغر في بدايته هو أخصائي مخاطر المصدر ديل ما موجودين في البنوك السودانية
|
سيء مؤسف يا زهير
مسلسل الفساد سوف يستمر
المضاربات العقارية والسيارات بترجع تاني
والدولار لو وقف في 30 اكون كويس
ناس Risk management ديل اخر ناس بتمر بيهم الدراسة التمويليه
وبحددو تاخذ و ل ما تاخذ
| |
|
|
|
|
|
|
|
|
|
Re: شروط تمويل السيارات في السودان - ولاية الخ (Re: عباس الدسيس)
|
أهلآ وسهلآ يا عباس .
أؤمن علي كل سردك المهم أعلاه وهو ما يخلق المعاناة بإعتبار أن الكفاءات المهنيه المحترفه غير موجوده في كثير من المؤسسات المهمه ، وكذلك تشريد أصحاب الخبرات التراكميه لمختلف الأسباب ، وفي الحقيقه في حاجات غريبه بتحصل ومفاهيم غريبه ( فيما يتعلق بالتمويل ) منها مثلآ موضوع الضمان فواضح جدآ أن البنوك بتفترض في العميل الخيانه وليس الأمانه ( مبدأ التخوين ) والأكثر كارثيه أنه بتغيب تمامآ عملية تثقيف المواطن في أمر التمويل والإقتراض وأنواعه فكثير مثلآ بتلاقي شخص عايز يتمول لكن بتساءل ، دراسة جدوى يعني شنو ؟ مرابحه يعني شنو ؟، وفترة سماح شنو ؟، وهامش الربح شنو ؟ ، وشيك الضمان ، وخطاب الضمان ؟
ولا تنس التخبط والسياسات التي تصدر بإطراد عن البنك المركزي فيما يختص بالتمويل (بمختلف أنواعه ) .
لما نجي للشق التاني المعني بالمجتمع والشباب هو دعم المنشآت الصغيره ، أو تمويل الراغبين في عمل استثمارات صغيره نجده شبه غائب فكل الدول المتقدمه اليوم ، والإقتصاديات الكبيره لها إدارات فاعلة تدعم وتمول وترعى المنشآت الصغيره وهي ما أوصلها للرياده .
* البنوك يجب إلزامها أنها من المواطنين و لدعم المواطنين مش لإستنزافهم والضغط والتعامل بأنانيه .
* المواطن يجب أن يفهم أن التمويل ( أيآ كان نوعه ) لمساعدته وتحقيق المنفعه مش هو مال سائب وحصل عليه أو أخذ التمويل وتوجيهه لغير غرضه ( ما يٌعرف بالكًسِر ) .
* بعض البنوك - للأسف - يبحث منتسبيها في من يثقون بهم من يمولونه ( يعني يا فلان تعال نديك تمويل !!! ) وهذا برأيي يفرغ التمويل من مضمونه وهدفه ... هو كيف يكون ولمن ؟؟
المهم لي عوده ... مع كل الخير وشكرآ للمساحه يا الدسيس وزهير .
| |
|
|
|
|
|
|
|
|
|
Re: شروط تمويل السيارات في السودان - ولاية الخ (Re: ايمن الصادق)
|
سلامات يا استاذنا زهير .
بينما فتحت صفحة الرد صرفتني بعض الحاجات عن الرد بسرعه حينها سارت من تحتي ردودكم التي حوت بعض ما عنيت ، كل الخير لكم ، نأمل في سياسات إقتصاديه بنكيه تمويليه مسئوله تراعي مصلحة الإقتصاد والمواطن مع المساهمين ( مش تبقى سياسات لزيادة ارباح مساهمي البنوك فقط ) .
ويا استاذنا زهير في مسألة الناصح أو المراقب في كل بنك دي من ضمن إختصاصات إدارات المنشآت الصغيره التي هي جهاز حكومي ينصح ويرشد ويقوم ، ويزيل التعسر وكل شئ لأجل نجاح المموَل ( المستفيد من التمويل ) .
لكن البنك لا يعنيه في كل هذا شئ غير شيك الضمان وضمان حقه للأسف ( يغض النظر عن ما لحق بالمموَل !)
| |
|
|
|
|
|
|
|
|
|
Re: شروط تمويل السيارات في السودان - ولاية الخ (Re: ايمن الصادق)
|
Quote: التحية للجميع بورداب وعابرين
والاستاذ أيمن والاستاذ عباس الدسيس
المهم هذا ما تم الاتفاق عليه مابين البنوك والمصرف المركزي وشركات ووكلاء العربات في السودان
سوف يتم رفع سقف التسليف حسب مقدرة المقترض وهذا لا يتطلب موافقة البنك المركزي بعد هذه الائحة |
الأخ زهير ما يتعلق بموضوع نسبة التمويل و سقف التمويل المسموح بها للبنوك يتطلب موافقة البنك المركزي.
| Quote: المشكلة يا جماعة هنالك تخصص كنت أنادي بوجوده من أيام التمويل الاصغر في بدايته هو أخصائي مخاطر ديل ما موجودين في البنوك السودانية |
ادارة المخاطر (Risk Management) موجودة في كل البنوك السودانية و هي من الادارات المهمة و لكن كما ذكر أحد الاخوة قد لا تقوم بمهمتها على الوجه الصحيح (او لا تعطى الصلاحيات اللازمة للقيام بذلك)
تحياتي
| |
|
|
|
|
|
|
|
|
|
Re: شروط تمويل السيارات في السودان - ولاية الخ (Re: الحاج حمد الحاج)
|
صرخة ألم ✔ ــــــــــــــــــــــــــــــــــ
ماذا اقول وماذا أكتب عن شباب مدني ؟
عزيزي ان كنت تبحث عن الانسانية قم بزيارة اقرب شارع او زقاق او مستشفي في ولاية الجمال والانسانية والطبع السمح (مدني) فماذا اقول فيكم يا اهل مدني ؟
كان يا مكان في يوم الجمعة الموافق 17/2/216 الســـــــــ 5 ــــــاعة مساء _ ك العادة اطلع الي السوق في هذا اليوم بالذات لشراء بعض الضروريات المنزلية وهو اول يوم بعد ولادة ابني جهاد ... ذهبت وفي اثناء نزولي في موقف (امجاد) وجدت تجمهرا غريبا من بعض الناس ، سالت ما الذي يحصل ؟ قال لي احدهم ان هنالك رجال من المباحث يحاولون ان يقتادوا هذا الرجل الممسك بعامود احد مظلات الموقف ويقاوم في الشرطة ويبكي ويقول لهم ابنتي مريضة حضرت الي مدني للذهاب بها الي المستشفي دعوني افحص لها وبعدها ساسلم نفسي الي قسم الشرطة (الاوسط) واقسم لكم بذلك !!
فعلا وجدت بنته ممسكة بيديه وتبكي وتصيح فيهم (فكو ابوي فكو ابوي) وهي ذات ال 9 سنوات ... تاثرت جدا وتدخلت بالراي ولكن لم يعرني احد من رجال الشرطة اهتماما .
تاتي قصة الرجل انه استدان مبلغ 6500 ج من مايسمي ( التمويل الاصغر ) او قل من عصابة تدعي انها التمويل الاصغر ادخلت جميع فقراء بلادي الي السجون بعد ان عجزوا عن تسديد المبالغ التي عليهم ... وبكل بجاحة علم بعض من رجال المباحث بقدوم الرجل الي مدني وهو من قري المناقل وتتبعوا خطواته ودون اي انسانية ارادوا اقتياده الي قسم الشرطة دون ان يراعوا لصحة ابنته المريضة ؟
ارادوا اقتياده بالقوة ولكن هو جالس علي الارض ومعه بنته ممسك بها وممسك في العمود كما ذكرت لكم سلفا ... قمت بامساك البنت المريضة وابعدتها من تحت اقدام رجال المباحث الوحوش حتي لا يدوسوها باقدامهم القذرة .... وتدخل شاب بعدها يشتم في رجال الشرطة واتهمهم بانهم لا ضمير لهم فقام احدهم محاولا ضرب الشاب وتهديده بانهم سيفتحون له بلاغ بذلك ... ثم فجاه انقلب الجميع علي رجال المباحث وقامو بمنعهم من اقتياد الرجل ووعدوا بان يدفعوا المبلغ مهما كان ... فسال احد الشباب ( ياعمو كم عايزين منك الناس الحيوانات ديل) قسما بالله بعد سماع تلك الكلمة من الشاب نزلت دموعي وكان الاب ابي والبنت اختي ، ثم قال له الاب 6500 ج ! فقال الشاب لرجال المباحث لحظة بس (نلقط) القروش ونمشي معاكم القسم نلغي البلاغ !!!!
وافق رجال الشرطة بذلك وكبرجميع الحضور وبدا كل منهم يدخل يده في جيبه يستحرج ما عنده من مال ... بدأ احد الشباب واستخرج من جيبه 500 ج ثم بدات الاموال تتساقط من كل اتجاه في يد الشاب حتي هنالك 2 من الاطفال يقودون (درداقات) استخرج كل منهم مبلغ 20 ج وهنالك نساء دفعن ايضا وشخصي الضعيف .
ثم قام الشاب بعد الفلوس فوجدها 3800 فقاد معه بعض الشباب وتوجهوا داخل السوق ثم بعد مدة ليست طويلة عادوا واصبح المبلغ 5800 ج ثم فجاه حضر شاب وسال عن الحاصل وحكوا له فقام بالالتزام بتوفير باقي المبلغ وفعلا دفع الباقي وهو 700 ج ليتم المبلغ المطلوب لرجال المباحث لالغاء البلاغ .... ثم فجاه اتي صوت من بعيد من شابان في ريعان شبابهم وتبرعوا بتوفير مبلغ الف ج 1000 لعلاج البنت في المستشفي وشخص اخر تبرع بمبلغ 500 ج مصاريف زيادة للعلاج والمواصلات للاب الكهل الكادح .... يا الله من اي سلالة انتم يا شباب ومن اي صلب خرجتوا ، من انتم هل انتم ملائكة نزلت من السماء ؟
من من الحضور لم يبكي _ من منا لم يتاثر بهذا الموقف الشهم والشجاع من بعض الشباب _ من منا لم يتاثر بفععل هؤلاء الشباب الرائع الذي ادخل فيني وفيهم وفي اهل السودان جميعا البهجة والسرور !!
تم المبلغ وفاض وبكي الرجل وبكينا معه واشترط الشباب تسليم المبلغ لهم مقابل ذهابهم اولا للمستشفي وادخال البنت لمقابلة الطبيب والاطمئنان عليها ثم يتوجهوا جميعا الي القسم لتسوية البلاغ ودفع المال المستحق علي الرجل ... وافق رجال الشرطة وذهبوا جميعا الي المستشفي ومعهم انا ومعي بعض النساء للبقاء مع الطفلة وترك والدها يذهب لتسوية البلاغ !
فعلا جلسنا نحن وذهبوا جميعا الي قسم الشرطة وما هي الا ساعة وحضروا جميعا ومعهم الاب وبعد رؤية ابنته له بكت بكاء الفرح وهي شاهدت منظر اذلال والدها في موقف لن تنساه وشاهدت شهامة شباب لن تنساها ابدا ابدا !
يا الله يالله كم انتم رائعون يا شباب وكم ادخلتم فينا السرور بهذا الموقف الشهم والنبيل وكم حسستونا انا الشباب السوداني والنخوة السودانية ما ذالت بخير رغم الظروف الصعبة التي يمر بها السودان حاليا ... لكم كل الشكر وخاصة الشاب الذي كان يلبس قميص بيجي وبنطلون اسود ويضع نظارات طبية فانت فاتحة الخير والسبب في ازالة البلاء من هذا الرجل ولك الفضل في علاج بنته بعد الله عز وجل فان وصلك منشوري هذا ياخ لك كل الحب والود والشكر والتقدير يا رجل يا شهم يانبيل وهنيئا للسودان بك وهنيئا لنا بك فانت رمز من رموز الوفاء والعطاء لبلادي وعلامة تجارية مسجلة في جبين كل شاب ّ!!!
اما عن عصابة التمويل الاصغر لي لهم عودة انشاء الله لكشف حقيقتهم للناس جميعا وعن تمويلهم (المفخخ ك القمبلة الموقوته) الذي به ادخلوا جميع فقراء بلادي الي السجون والمعتقلات .
التحية لابناء الجزيرة الاوفياء والتحية لعموم شباب بلادي الكرماء ....
ياخ شكرا ليكم وكل الكلمات تعجز عن شكركم ...........Sara Taha
| |
|
|
|
|
|
|
| |
زهير عثمان حمد
الحاج حمد الحاج
ابوحراز
أحمد الشايقي
ياسر منصور عثمان
Ahmed Tuhami
عباس الدسيس
ايمن الصادق
فيس بوك
تويتر
انستقرام
يوتيوب
بنتيريست