|
|
 Re: انت يا الشطفوك (Re: عبدالحفيظ ابوسن)
|
عارف يا ابو سن
في يوم من عام 2007 بتذكر تفاصيلو كويس جداً
ولدي الكبير ماشي على السنة ومصاريف البامبرز والعيادات والالتهابات الشغالة فيه طول العام مع الفلس والماهية أف خلتني زي المجنون .. بكون ماشي في الشارع واحسب فيها
صحيت الصباح على همسات الحلة الأشبه بالكواريك
بت فلان رجعت حامل
وفلان دة رجع الحلة بعد رحلة اغتراب طويلة وبنى قصر واشترى مزارع وأملاك وعربات وبقى زول استقرار خلاص .. جاهو واحد اتقدم لي بتو وقام رفضه رفض شنيع وطردو من البيت .. البت شردت معاهو وما رجعت إلا بعد حملت منه بالحرام .. وفي مجتمعات الجزيرة الناس ما بترحم الحالات الزي دي
عرفت من ناس الحلة إنه خلى كل املاكه وقفل بيته وساق اولاده الخرطوم يندس في مكان لحدي ما يسافر خارج السودان بلا عودة .. وفعلاً ديك كانت آخر مرة نشوفه في الحلة
مشيت الشغل ودخلت مكتب مديري وصاحبي في نفس الوقت وانا مليان هموم وجيبي ما فيه التكتح وبديت احكي ليه عن الفلس ومنظري الجيعان في البيت وتفكيري في ترك الوظيفة إن شاء الله افرش لي ليمون في السوق .. لقيتو ساكت ووشه محمر .. اتخلعت قلت ليه مالك؟ .. ضحك ضحكة مرارة كدة وقال لي ياخي همومك بسيطة خلاص .. يا ريت كل المشاكل بتتحل بالقروش .. اختي أمس بالليل وديناها التجاني الماحي
مديري اخوانه مغتربين ومهاجرين وأوضاعهم المادية مية المية عندهم أختهم الكبيرة الوحيدة عندها أمراض عصبية ونفسية مخلياهم جارين بيها من دولة لي دولة للعلاج بدون فائدة
طبعاً اتكهمت شديد وبقيت بس مدنقر في التربيزة ما قادر أقول أي حاجة
رجعت العصر لقيت واحد من حينا واقف مع ملتي ملياردير من الحي الجمبنا .. عندو مشكلة خصوبة ربنا ما أداهو ولد .. من أوائل الناس العرفو درب الصين وتجارتو انتعشت لدرجة بنى كمية من القصور وبقى بغير عربيته بالاسبوع
جارنا كان بتكلم معاهو بي حسد وغل شديد بقول ليه آآي ما خلاص بقيت من ناس القروش وقالوا بقيت تبني في الخرطوم تاني تصاحب ناس العمارات والمنشية بقروشك دي فاتحة ما تجيبك الحلة
الملياردير كان ساكت بستمع وانا واقف داير الحاسد دة يسكت عشان استأذن منهم وامشي بيتنا أشوف موضوع الفلس حقي .. بعد سكت الملياردير قال عبارة واحدة بس وركب عربيته مشى .. قال ليه (شيل قروشي دي كلها واديني شافع يقول لي بابا)
يااااخي حسينا بي ألم ما طبيعي كلو كلو .. حتى الحاسد لسانو اتعقد
وقتها اتذكرت عبارة مديري (ياريت كل المشاكل بتتحل بالقروش)
ومشيت البيت لقيت أمي مجهزة فتة السخينة بالدكوة البناكل فيها من بداية الاسبوع وشلت ولدي في كرعي وقعدت زوجتي وأمي واختي وضربنا السخينة بالشطة كأحلى ما يكون البروست ونضحك ونتبادل النكات والقفشات حول سخينتنا اليومية ومرتاحييييييين بال عندنا مشكلة واحدة بس وبتتحل بالقروش .. الليلة مافي قروش بكرة بتجي
|
|
 
|
|
|
|
|
| العنوان |
الكاتب |
Date |
| انت يا الشطفوك | عبدالحفيظ ابوسن | 11-18-16, 11:02 AM |
| Re: انت يا الشطفوك | عبدالحفيظ ابوسن | 11-18-16, 11:05 AM |
| Re: انت يا الشطفوك | عبدالحفيظ ابوسن | 11-18-16, 11:07 AM |
| Re: انت يا الشطفوك | أحمد محمد عمر | 11-18-16, 11:08 AM |
| Re: انت يا الشطفوك | عبدالحفيظ ابوسن | 11-18-16, 11:12 AM |
| Re: انت يا الشطفوك | عبدالحفيظ ابوسن | 11-18-16, 11:15 AM |
| Re: انت يا الشطفوك | أحمد محمد عمر | 11-18-16, 11:18 AM |
| Re: انت يا الشطفوك | أحمد محمد عمر | 11-18-16, 11:23 AM |
| Re: انت يا الشطفوك | عبدالحفيظ ابوسن | 11-18-16, 12:03 PM |
| Re: انت يا الشطفوك | مني عمسيب | 11-18-16, 12:04 PM |
| Re: انت يا الشطفوك | أحمد محمد عمر | 11-18-16, 12:09 PM |
| Re: انت يا الشطفوك | عبدالحفيظ ابوسن | 11-18-16, 04:06 PM |
| Re: انت يا الشطفوك | جلالدونا | 11-18-16, 04:13 PM |
| Re: انت يا الشطفوك | يحي قباني | 11-18-16, 05:04 PM |
| Re: انت يا الشطفوك | عبدالحفيظ ابوسن | 11-18-16, 05:28 PM |
| Re: انت يا الشطفوك | ASHRAF TAHA | 11-18-16, 05:37 PM |
| Re: انت يا الشطفوك | Hani Arabi Mohamed | 11-18-16, 05:51 PM |
| Re: انت يا الشطفوك | احمد الشيخ | 11-18-16, 05:57 PM |
| Re: انت يا الشطفوك | Osman M Salih | 11-18-16, 07:13 PM |
| Re: انت يا الشطفوك | اخلاص عبدالرحمن المشرف | 11-19-16, 00:54 AM |
| Re: انت يا الشطفوك | عبدالحفيظ ابوسن | 11-19-16, 06:02 AM |
| Re: انت يا الشطفوك | عبدالحفيظ ابوسن | 11-19-16, 06:27 AM |
| Re: انت يا الشطفوك | عبدالحفيظ ابوسن | 11-19-16, 06:45 AM |
| Re: انت يا الشطفوك | عبدالحفيظ ابوسن | 11-19-16, 07:13 AM |
| Re: انت يا الشطفوك | أحمد محمد عمر | 11-19-16, 07:53 AM |
| Re: انت يا الشطفوك | درديري كباشي | 11-19-16, 08:02 AM |
| Re: انت يا الشطفوك | عبدالحفيظ ابوسن | 11-19-16, 09:21 AM |
| Re: انت يا الشطفوك | عبدالحفيظ ابوسن | 11-19-16, 11:34 AM |
| Re: انت يا الشطفوك | عادل البراري | 11-19-16, 11:51 AM |
| Re: انت يا الشطفوك | عبدالحفيظ ابوسن | 11-19-16, 01:10 PM |
| Re: انت يا الشطفوك | عبدالحفيظ ابوسن | 11-20-16, 05:27 AM |
| Re: انت يا الشطفوك | عبدالحفيظ ابوسن | 11-20-16, 09:14 AM |
|
| |
فيس بوك
تويتر
انستقرام
يوتيوب
بنتيريست