امس كنا ماشين لاختي بالليل والجو كان جميل مفتحين قزاز السيارة منذر ((عمرو سنتين)) كان في البيت شايل الجوال وفاتح اليوتيوب علي فكرة بعد ما تنزل الشارع الراوتر بكون مشبوك مع الجوال اها نتونس انا وامو والعربية ماشة رمي الجوال بالشباك عشان نشوف سبب التصرف دا شنو لقيناهو زعل من قطعت النت. الوالده الله ارحمها واجعل مثواها الجنة معاها صاحبتها عشة البوب مشو اباركو لي مراة عقدو علي بتها جابت ليهم الشياله بتاعت الحلاوة وحلفت تعمل ليهم شاي قالو ليها خلاس شيلي الشيالة دي واعمل لينا شاي سكر خفيف احنا ناس سكري وضغط المراة حلفت هي يا بنات امي واحده ما بتسوي ليكم حاجة وطلعت تعمل الشاي جاء ولدا داخل وقع ليك في الحلاوة تكوضم ومرة اخت ورق الحلاوة جمب امي ومرة جمب حاجة عشة قدر ما حاولو مع الولد اقف من الاكل ماقدرو لما امسكو يدو جااااااااااك يصرخ وادردق بالواطه ... هي يا بنات امي حسي المراة كان جات تقول علينا شنو امي قالت لي عشة الولد دا ما نخليهو امرق من هنا لما تجي امو تشوف الاكل الحلاوة منو اها قعدو اتونسو معاهو وماسكنو من يدو والولد لسع بياكل ... يا ولدي الحلوة بتعمل ليك اسهال ومقص انت شاطر كفاية... والولد ولا شغال بيهم لما انتهت الحلاوة الشافع قعد اناتل في يدو واصرخ وهن نسوان كبار ما بقدرن علي المناتله فكنو قام جاري طلع بره الاوضه امو جات شايله الشاي لقت ليك ورق الحلاوة مردوم في التربيزة عاينت ليهم بدهشة وقالت ليهم اجي يا بنات امي سويت ليكم السكر شويه انمشي ازيدو. اتذكرت صاحبي الخليجي المشي ادرس في امريكا وبعد الدراسة انتهت جاء راجع بعد عشرة سنوات الفترة القعدها في امريكا غيرت طباعو وعاش علي مثاليات امريكا ونسي لبس الثوب ((الجلابية السعودية)) والشماغ اول حاجة عملها مشي محل تفصيل جلاليب عمل ليهو كم جلابية يوم استلم الجلاليب بداء اخت الشماغ ختت الشماغ اعقد من العمة تلقي الواحد فيهم نص ساعة بظبط فيهو قامت الجلابية انشرطت من الاباط رجع للترزي وشرح ليهو كلام كثير عن حقوق المشتري وما يجب علي البائع صادف لقي صاحب المحل السعودي قاعد قال ليهو انت عايز شنو قلل كلامك ؟ قال عايز تعويض لاستهلاك الزمن في بضاعة غير جيدة الراجل قال ليهو امسك الباب واطلع من هنا و ل قسما عظما اقوم عليك اشرط ليك اللابسو دا اخليك ميطي يلا بره ... اخونا زعلان مشي الشرطه اشتكي بعد سمعو كلامو قالو ليهو تمشي وزارة التجارة جهة الاختصاص ساكي الوزارة كم يوم بعريضه ليها ضل بعد فترة قالو ليهو حولناك حماية المستهلك بتابع مع الموظف المختص قريب شهر كل مرة بقول ليهو لم يتم اتخاذ اجراء كان بقابل المدير اجي ماشي فيهو المدير اكحلو بعينو وامشي يوم قال الموضوع اخذ منو زمن طويل ولازم اقابل المدير السكرتاريه قالو ليهو المدير في اجتماع الراجل قاعد من الساعة 9 صباحا حتي 12 ظهرا قالو ليهو قوم خش قابل المدير دخل شايل صورة من الشكوي وعايز اشرح للمدير الحاصل قبل ما افتح خشمو المدير طلع 200 ريال من المحفظه وقال ليهو كرهتنا الشغل واليوم العرفنا فيهو الشغل عملت لينا قلق بجلابيتك شيل 200 ريال مني انا امشي اشتري ليك جلايبة وتاني ما اشوفك هنا. يا ربي مافي منظمة حقوق الوالدين ضد اضرار الاطفال ... فكرة لعمل منظمة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عباس الدسيس
فيس بوك
تويتر
انستقرام
يوتيوب
بنتيريست