|
|
|
 Re: الاسم المشفر (Re: حمد عبد الغفار عمر)
|
Quote: كلوريد الصوديوم مهم للحياة على كوكب الأرض. فتحتوي الأنسجة الرقيقة وسوائل الأجسام الحيوية على نسب مختلفة من الأملاح.
كما أن الخلايا العصبية تتطلب Na+ لقنوات أيونات الصوديوم حتى تعمل لتتم عملية نقل الرسائل.
قمع مثل هذه المستقبلات أو غياب Na+ يسبب في التوقف الوظيفي المباشر مع أعراض أخرى. كما تحتاج الأنسجة الطلائية Cl- للوظائف المناسبة وغير المناسبة لقنوات Cl- التي تسبب اضطرابات مثل التليف الكيسي. |
عايز المنبر مالح ولّ مليح يا حمد ؟
| |
 
|
|
|
|
|
|
|
|
Re: الاسم المشفر (Re: حمد عبد الغفار عمر)
|
بس طبعا يا مولانا عملية الاستقلاب للأسماء المشفرة دي بتطلب جهد كبير
لتغيير طريقة الكتابة واللهجة وطريقة الإقناع عشان تفلت من الكشف بواسطة الخبراء
هنا في ناس حافظين الشولات البتكتب بيها فالموضوع حيكون عايز حرفنة
| |
|
|
|
|
|
|
|
|
 Re: الاسم المشفر (Re: محمد البشرى الخضر)
|
اسلوب الكتابة يشبه البصمة ...
الكتابة لكل فرد هنا سمة مميزة ، لها طعم ورائحة ولون وطريقة رص للمفردات
في سطور متتالية او بعد سطرين ، حتي الكلمات لها مايمزها ، والمصمون له مايميزه
والمحتوي العام والاهداف البعيدة التي تشكل اتجاهاته واعتقاداته ، وقد يظهر حتي المحتوي
النفسي للكاتب ، وتنسكب شخصيته علي السطور ....اذا كنت نافذا اكثر لماوراء الشاشة
الصماء البكماء ، يمكنك رؤية اختلاجات الوجه ، حالات الغضب وحالات الحبور
حالات الضحك المقهور وحالات ضحكت ماهماني شئ ! يمكنك ان تعرف اذا كان يشرب الان شايا
ام يدخن سيجارة ام يحتسي كاس عرقي ....، يمكنك معرفة اذا كان متشاكل مع اهله او زوجته او ذهب لشراء
حاجياته ثم عاد ، قد تعرف انه يقرا فقط ولايود الرد عليكم ام يجهز لرد او بوست جديد !!
لاداعي للاسم المشفر امام كل هذا الوضوح كدم الشهيد !
| |
|
|
|
|
|
|
|
|
|
Re: الاسم المشفر (Re: وضاحة)
|
بداية المنبر اصحاب الاسماء الحركية كانوا من اكثر الاعضاء نشاطا وتهذيبا ..
في الوقت الراهن الاسم المشفر اصبح خطر لانه تخفى وراءه البعض للنيل من مخالفيهم واغتيال شخصيتهم
خيرا فعل بكري بإيقاف منح العضوية تحت اسم حركي
-
انا غايتو كنت حاختار " حاج الركز" :)))
| |
|
|
|
|
|
|
|
|
Re: الاسم المشفر (Re: حيدر حسن ميرغني)
|
في 2003 رفضنا التسجيل في منبر بكري .. لأنه طالبونا بكتابة الاسم الحقيقي...
فهاجرنا إلى منتديات أخر...
وبعد عقد من الزمان ( رجعنا إلى وطن القماري) وعدنا بالاسم الحقيقي ....
يا حمد ( الأسود ) يليق بك .... خليك من الكيمياء الما جايبها همها دي..
..
| |
|
|
|
|
|
|
|
|
 Re: الاسم المشفر (Re: معاوية المدير)
|
هلا يا ود البشرى
والله قربت أزوغ زي زوغة جلالدونا
ياخ بوستك دا يا ما قريتو يا نسيتو والتانية دي أقرب
أنا قصدي هل بتقدر أو ترغب بعد العمر دا كلو في الكتابة بنك نيم الناس تحتار في سيدو منو
وأنا في بداية البوست كنت عايز اكتب بئس الأسم الفسوق بعد الإيمان
جليتها لأنها قد تُفهم بأنها طعن في الناس البكتبو بنيك نيم
لكن أهو جلالدونا جابا ليك بالدرب عديل
الفويسق دا كويس معاك ؟
لكن فيهو جنس حلاة نيك نيم ما تفتح خشمك مع زول على طول يقول ليك الجواب يكفيك عنوانو 
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
مرحب عبد اللطيف
لاداعي للاسم المشفر امام كل هذا الوضوح كدم الشهيد !
لا داعي إذا كان الجو صحوا ويسود النقاش الود
يا عبد اللطيف الناس (الكتاب) يختلفون في فهمهم لمسألة الكتابة فيهم من يراها واجب للتنوير وفي سبيل ذلك يمكن أن يتحمل الشتيمة لشخصه في سبيل رسالته ولا يريد الرد عليها
ولكن لا يتحمل أن تنتشر شتيمته في الفضاء بين معارفه من غير أن يرد عليها .
هسة نصرف ليك شنو ؟
التوحيدي؟
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
الفاضلابي حبابك
حصحاص البليلة
الما بنقرش وبكسر السن هييييييع
اسامي الكركبة والبوستات المحذوفة
حقو بكري يلقط الأسماء دي ويرسلها ليكم عشوائيا في الإيميل عشان ما تتفرزوا إلا بالقالو حمد
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
حيدرنا هلا بك
بداية المنبر اصحاب الاسماء الحركية كانوا من اكثر الاعضاء نشاطا وتهذيبا .. في الوقت الراهن الاسم المشفر اصبح خطر لانه تخفى وراءه البعض للنيل من مخالفيهم واغتيال شخصيتهم
والله يا حيدر أنا شايف الشتائم كترت بالأسماء المكتملة وزي ما قلت لعبد اللطيف في ناس مجردين للكتابة والتثقيف وما عايزين زول يعرفهم زاتو يعني ما منتظرين جزاء ولا شكورا
هسة الأزمة في رأي ما خلقها إلا ناس الشوفينية وناس خلوني اكتب براي وديل خلقوا تحديات قادت لضيق النفوس وانعدام الثقة بين الأعضاء وتفشي الغل.
تانيا أنت بالله كدا ونحن ما عارفين كمان جابت ليها مواتر
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
الشغيل وينك مختفي
يا حمد ( الأسود ) يليق بك
الأسود ياتو ؟ اللون ول الباذنجان لو التاني ما بحبو الأول أموت فيهو لون السهرات
لما أبيتو كنتو ناويين على شنو بالله انتو من 2003 تكابسوا في المنتديات؟ قديمين ياخ
| |
|
|
|
|
|
|
|
|
|
Re: الاسم المشفر (Re: د.محمد حسن)
|
انا يا حمدنا لو اتيح لي اختيتر نيك نيم كنت سأختار "ابوحتوت"
اما بالنسبة لجلي و ود المدير بختار ليهم "ايكو" و " لبلاب" هم يوزعوها بمعرفتهم الاتين fit in :)
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
هلا أبو حتوت
انا يا حمدنا لو اتيح لي اختيتر نيك نيم كنت سأختار "ابوحتوت"
اما بالنسبة لجلي و ود المدير بختار ليهم "ايكو" و " لبلاب" هم يوزعوها بمعرفتهم الاتين fit in :)
يسلم حتوت ربنا يحفظو
لكن الجوز ديل قرضتهم عديل حيتشاكلو في لبلاب دي
| |
|
|
|
|
|
|
|
|
|
Re: الاسم المشفر (Re: محمد البشرى الخضر)
|
ليه؟ إيكو مالها ؟
ايكو ما متأكد من معناها هل هي Echo
بس لبلاب عندها كم معنى معروفات
اللبلاب ممكن يكون الشجر وممكن يكون التيس اللبلاب الخ هههههه
بخصوص الاقتباس ما عارف مالوا وقف بستخدم كروم هسه كلامك دا خلاني أغير اكسبلورر واكسبلورر
برضو ما ظبط ما عارف السبب شنو نورنا
الضحكة هسة أبا يجيبا لي
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
يا ها Echo ست الإسم زاتها يا حمدنا
ولبلاب الشجرة طبعا
كدي شوف بوستاتن ما بتمرق من كونها صدى بوستات آخرين أو متسلقة عليها 
مافي فكرة جنوين كدا الواحد يدق سدره عليها
خخخخخخ
__________________
الكوت اكتبه كتابه - أعني الكود نفسه كلمة quote بين الأقواس المربّعة [ ] و نفس الكلمة و القوسين مسبوقة بـ / لتقفل الكوت
| |
|
|
|
|
|
|
|
|
|
Re: الاسم المشفر (Re: محمد البشرى الخضر)
|
غايتو أتعبناك بالشرح من مجاميعو يا أبو حتوت
كدي النجرب
| Quote: يا ها Echo ست الإسم زاتها |
الإيكو لعاب واللبلاب جبجاب
يلا يا جلالدونا اشجع اختار واحد ول نعمل القرعة
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
غايتو التحديث الحاصل لى الالقاب ده زي ايكو و الذى منّو
انا بعتبرو تحديث لا اخلاقى
وين الشيخ سيّرو
ضل الدومة
مخ الرقبة
الفعج
كلب الحر
اب ضراع
المطيميس
كلب الحر دى بالذات راكبة بى مزاج فوق راس زول
قال ايكو و لبلاب قال
ايكو ده شنو و بالتأكيد لبلاب زيّو
شفت الذكاوة دى يا حمد لبد
| |
|
|
|
|
|
|
|
|
 Re: الاسم المشفر (Re: جلالدونا)
|
وضاحة كيفك
بنونة بت المك نمر
القومة ليها بت المك
لكن الجماعة بشبعوك نبز على حس المك ساي ..
------------------------
تمااام وفي نعمة الحمد لله
يشتمو روحن
والسفيه نبز الباشا
نحن تاريخ واصل
ومحل الرهيفة التنقد
كاااااااااااااااك وتانى وووواك
| |
|
|
|
|
|
|
|
|
|
Re: الاسم المشفر (Re: وضاحة)
|
هههههههه
Quote: الإيكو لعاب واللبلاب جبجاب
يلا يا جلالدونا اشجع اختار واحد ول نعمل القرعة |
اختار شنو يا حمد
... لا تغشنّك و تعرنّك فيسقات ود البشرى ....
غايتو لبلاب دى لو عدلتوها لى اللبلابى يممممكن الواحد يقبل بيهو
اما الايكابى دى كد المدير ما ظنيتو يقبل بيها
| |
|
|
|
|
|
|
|
|
|
Re: الاسم المشفر (Re: جلالدونا)
|
يا جلالدونا اخبارك
التحديث أخلاقي وموحي intuitive مائة في المائة لأنو لازم يعبر عن المرحلة
بعدين لبلاب ومشتقاتها دي أبعد منها ما حصل قالوا ليك زح كدا ما تلبلب فينا زي التيس
غايتو ود البشرى ورطكم نحن غايتو منتظرين بكري
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
هلا شيخ الكرور
Quote: ابو لمبة ولا ابو زبيبة
ايهما اقوم قيلا 🚬🚭⛽[/quote
مافي خيار تالت أبو فراولة مثلا عشان نقدر نختار منهم اتنين بعد داك نختار واحد ؟
كدا صعبت علينا الخيارات
ثم ثانيا بقيت ختير في تحميل الأيقونات شيء طلمبة بنزين وشيء شنو
أي أسم ما كتير عليك بعد دا
| |
|
|
|
|
|
|
|
|
|
Re: الاسم المشفر (Re: حمد عبد الغفار عمر)
|
يا ود عووضة بى مناسبة انك مزارعى
مقروءة مع ايقونة السيجارة بتاعتك الفوق دى
يبقى قش اخدر يناسبك تماما
اصلك قاعد تقشنا
و شغال فينا تعليف ساكت
____
حمد لبد
سمّوا الاشخاص بى اسمائها
ابوصلعععععععععة و ليس
باب كلتوم رمتو يسرية
| |
|
|
|
|
|
|
|
|
 Re: الاسم المشفر (Re: حمد عبد الغفار عمر)
|
| Quote: جلّي ... أوعى تكون زعلت |
يا ود البشرى معقولة ازعل منّك
ياخى من عميق احساسى بالمودة انو باخد كامل راحتى فى التداخل معاك و عنّك
المهم كلامك المكّوت فوق ده
انا بعتبرو فيسقة لم يحالفها التوفيق
... خلاص دكترنى ...
...
Quote: والله يا جلالدونا أنا فهمت بكري غايتو
الباقي دا ممكن تجي منو كلمات لا أخلاقية
لو ما أخاف الكضب |
اى و الله ... كلامك صحى .. يمين الله ماقاصد و براها جات كده
اسمع ... ما تكلّم زول
| |
|
|
|
|
|
|
|
| |
حمد عبد الغفار عمر
محمد على طه الملك
محمد البشرى الخضر
عبداللطيف حسن علي
عبدالعزيز الفاضلابى
جلالدونا
وضاحة
حيدر حسن ميرغني
معاوية المدير
د.محمد حسن
عثمان عووضة
فيس بوك
تويتر
انستقرام
يوتيوب
بنتيريست