Quote: الموصلي دارس موسيقى؛ وينجر نوتات زي السلام عليكم؛ ولكنها مصنوعة صناعة بلا حس ولا موهبة... من النوع داك البعتر ليك تقع.. عشان كدة موسيقاه لا تدخل الاذن الشفيفة المشبعة اصلا بالنغمة السودانية الموهوبة والطبيعية... الموصلي يصنع موسيقى... عشان كدة لا تبقى لو جبرتك الظروف على الاستماع ليها لاخر طيط؛ مش اخر الزمر طيط برضو على قول اهلنا في شمال الوادي!!! الرجل صناعي؛ لو مشى السودان حا تطالبو الحكومة بضرائب ياما... نصيحتك غاليه ليته سمع!!! ................................................................................................................................................. منعم يا فرده سلام الزول دا قلنا ليهو بس راسو قوي وراكبه ليهو حكاية فنان ياخ انا قدر الشوق رجعت ليها حسي بعد كلامي معاهو لقيتا بتشبه لولي الحبشيه بتاعت الزار الراجل دا مسكين نحاول ننتشلو من الوهم بتاعو ما الحق ابو الطيط .... ابو الطيط دا واحد من مدني حي الدباغه بدخل السينما افلام هنديه بس اها الفلم البخشو بقعد شهر اغني اغانيهو كنا صغار بنجري وراهو ((يا ابو الطيط فكنا باغنية هندية)) لو غلبتو الاغنية واتلخبتت ليهو الاغاني بقول لينا ((مريما هابي سداري كهي سداري كهي)) فرماله زي قدر الشوق مشكلة ابو الطيط لما اغني برفع راسو فوق ما بشوف الواطه وبعمل الالات الموسيقيه بلسانو وسنونو تصدق يوم جاريين بوراهو سيره وهو اغني وقع ليهو في حجر كسر الات العزف بتاعتو السنون
واتلاقت الفرد الجربندية ذكورتوني لما كلمني وزير سابق بان رئيس سابق رحل قال ليهو الموصلي خرب الموسيقى في حفل في قاعة الصداقة فقلت للوزير والله دي أحسن شهادة وصدق ابو الطيب المتنبي حين قال “وإذا أتَتْكَ مَذَمّتي من نَاقِصٍ فَهيَ الشّهادَةُ لي بأنّي كامِلُ” I'm very proud
09-06-2016, 03:21 PM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
على قدر الشوق ما بتعجبني وليست أجمل ما قدم الموصلي رسالة لي أمي دي مالها حاقرين بيها كدة ! ..................................................................................................... احمد عمر سلام انت عايز تهبل بالاغنيه و ل صاحبها ياخ دي زي نشيد حنان بلوبلو بتاع جنة الاطفال ((امي يا احلي نشيد) صاحبا ذاتو زايغ نها ما بجيب سيرتها
09-06-2016, 03:27 PM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
ذكورتوني لما كلمني وزير سابق بان رئيس سابق رحل قال ليهو الموصلي خرب الموسيقى في حفل في قاعة الصداقة فقلت للوزير والله دي أحسن شهادة وصدق ابو الطيب المتنبي حين قال “وإذا أتَتْكَ مَذَمّتي من نَاقِصٍ فَهيَ الشّهادَةُ لي بأنّي كامِلُ” ..................................................................................................... ما اكون عبدالباسط سبدرات العندو فرامالة ادها للبلابل رجعنالك والله ياكا انقاذي شوف العقد بتاعتك بدت تظهر يعني الموزعاتي صحبانو وزراء اها اللمبي ما بفردتك الكلام دا كان تقولو زمان وقت نميري حي ولا اصلو شغلك بعد ما الناس تموت تجي تدش الكلام الله ارحمك يا وردي
09-06-2016, 10:00 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ذكورتوني لما كلمني وزير سابق بان رئيس سابق رحل قال ليهو الموصلي خرب الموسيقى في حفل في قاعة الصداقة فقلت للوزير والله دي أحسن شهادة وصدق ابو الطيب المتنبي حين قال “وإذا أتَتْكَ مَذَمّتي من نَاقِصٍ فَهيَ الشّهادَةُ لي بأنّي كامِلُ” ..................................................................................................... ما اكون عبدالباسط سبدرات العندو فرامالة ادها للبلابل رجعنالك والله ياكا انقاذي شوف العقد بتاعتك بدت تظهر يعني الموزعاتي صحبانو وزراء اها اللمبي ما بفردتك الكلام دا كان تقولو زمان وقت نميري حي ولا اصلو شغلك بعد ما الناس تموت تجي تدش الكلام الله ارحمك يا وردي
قلناهو زمان وبالمناسبة نحن نميري غنينا في حياتو بلدنا نعلي شانا في مصنع السكر بالجنيد لما الحرب كانت مدورة ومحاربة الحرب كانت تعنى عقوبة قد تصل للاعدام وغنينا دي قبل الثورة عليهو بي ثلاثة شهور دعوة للثورة من شعر الكتيابي
09-06-2016, 03:27 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: على قدر الشوق ما بتعجبني وليست أجمل ما قدم الموصليرسالة لي أمي دي مالها حاقرين بيها كدة !.....................................................................................................احمد عمر سلام انت عايز تهبل بالاغنيه و ل صاحبها ياخ دي زي نشيد حنان بلوبلو بتاع جنة الاطفال ((امي يا احلي نشيد) صاحبا ذاتو زايغ نها ما بجيب سيرتها
فهمنا انك غير محترم معاي طيب ياخ احترم هاشم صديق الوردي لحن اخر اغنياته من شعره احترم وردي يا عباس "الدسايس" امشي شوف ليك امير نافقو قال اميركا وبيتزا اميركا دي ياها الحمياكم اكلو عيش ساكت
امشي شوف ليك امير نافقو قال اميركا وبيتزا اميركا دي ياها الحمياكم اكلو عيش ساكت .................................................................. كدا كثافتك ارتفعت يا حبيبنا الموصلي كبير الموزعاتيه انا مصر اخد فيك اجر وانصحك بخليك بعد تروق شويه لي بكره وبجيك راجع انشاءالله ربنا اهديك وتعمل مدرسة الشفع القلتها ليك الكلام دا في مصلحتك ما تزعل
يا الدسيس وحاة الله رسالة لي أمي دي لو سمعتها رايق تدخلك عالم تاني الغريبة أنا شايف أجمل ما غنى الموصلي سهم طائش بتاعة عبد القادر الكتيابي لكن أبيت أذكرها مخصوص عشان لحنها واحد خفت تقولوا زي النشيد تقوم تطلع لي دي ذاتا نشيد !
البوست خرب وأصبح شغل شفتنة ما عندها علاقة بالموسيقى والمنطق لكن هل الدسيس ملام ؟ أبداً البدأ الشفتنة هو الموصلي ذات نفسه من الفيسبوك بردد عبارات من شاكلة كل قرد يطلع شجرته وهنا قبل مرحلة الشفاتة الأخيرة دي الموصلي كان بستعرض بعبارات من شاكلة أنا ود الإشلاق البعفص الصعاليك يعني هو النزل العود واترجل من المسرح ومشى يطالع الناس في الغابة الموضوع طلع من الموسيقى وبقى في مرحلة منو الأشفت أنا كعربي جزيرة بقيف مع أولاد مدني والحصاحيصا ديل بكل تأكيد
يا موصلي هذا ما جنته يداك هل ما مارسه الإخوان تجاهك عنف لفظي .. نعم بكل تأكيد لكن هل هو مبرر ؟ تلك تحتاج منك مراجعة عنفك اللفظي تجاه الكثيرين هنا بدءاً من حملة الحظر في الفيسبوك
مع تمنياتي بعودة السلام للبوست
09-06-2016, 03:55 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: البوست خرب وأصبح شغل شفتنة ما عندها علاقة بالموسيقى والمنطق لكن هل الدسيس ملام ؟ أبداً البدأ الشفتنة هو الموصلي ذات نفسه من الفيسبوك بردد عبارات من شاكلة كل قرد يطلع شجرته وهنا قبل مرحلة الشفاتة الأخيرة دي الموصلي كان بستعرض بعبارات من شاكلة أنا ود الإشلاق البعفص الصعاليك يعني هو النزل العود واترجل من المسرح ومشى يطالع الناس في الغابة الموضوع طلع من الموسيقى وبقى في مرحلة منو الأشفت أنا كعربي جزيرة بقيف مع أولاد مدني والحصاحيصا ديل بكل تأكيد
يا موصلي هذا ما جنته يداك هل ما مارسه الإخوان تجاهك عنف لفظي .. نعم بكل تأكيد لكن هل هو مبرر ؟ تلك تحتاج منك مراجعة عنفك اللفظي تجاه الكثيرين هنا بدءاً من حملة الحظر في الفيسبوك
مع تمنياتي بعودة السلام للبوست
العنف ده هنا بداه الدسيس انا ما بديتو بعدين رسالة الى امي دي أغنية لا تفهمها الرجرجة الدهماء تحياتي انا بس حبيت أعرفهم ما تفتكرو انو الفنانين مساكين زي ما بعضهم بهرب من أول معركة في سزدانيس اونلاين وغيرها يعني الرقة دي تبارينا لي متين يا احمد أخوي
09-06-2016, 03:52 PM
د.محمد بابكر د.محمد بابكر
تاريخ التسجيل: 07-16-2009
مجموع المشاركات: 6614
انا أعتقد أن هذا الموضوع قد قتل بحثاً و أن الجميع قد كونوا رأياً حول الموضوع و أن الاستمرار فى مناقشة هذا الأمر لن يأتى بجديد..لكن على ذكر ''على قدر الشوق'' فشخصياً لم اسمعها الا مرة واحدة وبالعود و بصوت الراحل وردى..فمن هو ملحن هذه الأغنية وما علاقة الاستاذ الموصلى بها، المعروف أن شاعرها هو الاستاذ سوركتى..
09-07-2016, 03:28 PM
Elmosley Elmosley
تاريخ التسجيل: 03-14-2002
مجموع المشاركات: 34683
عذرا د محمد ما تجاهلنا الرد عليك ولكنني كنت انتظر الاخوة الذين ذكروا الاغنية كثيرا قائلي بانها الوحيدة عندي عموما على قدر الشوق هي لحنين واحد لوردي وواحد للموصلي ووردي تنازل لي لاحساسه بان لحتي هو الافضل و الحقيقة كنا في حفل زواج مشترك بامدرمان وعندما بدأت أغنيها خرج وردي من مكان ضيافته ووقف أمام المسرح حتى انتهيت من الغناء وذهبت الى مكان استراحتنا فخاطبني قائلا جبت النص ده من وين يا يوسف فرديت عليه اداني ليهو سوركتي فقال انت عارف انا لحنت النص ده؟ فقلت له معقول يا استاذ اكزن عارف وأتجرأ؟؟؟؟ فضحك وقال لي لحنك افضل واعتبرت هذا شهادة واشارة بالاستمرار ثم التقى بي في القاهرة حينما كنت اوزع له شريط أرحل فخاطبني قائلا ياخي الاولاد في البيت جنوني بعلى قدر الشوق حقتك دي يقصد جوليا ومظفر وكانا صغارا حينها وعشان واحد ما يجي يقول ليك انا قلت الكلام ده بعد رحيل وردي انا حكيت الكلام ده في حياتو وهو عارف المهم نجحت على قدر شوق الموصلي فغناها معظم الشباب من الفنانين وهاك نماذج كمثال
09-06-2016, 03:44 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: قام اضاف حاجات بسيطة جدا علي حسب كلام الموصلي. بالتالي و بما انو هو اخر هذه السلسله و بي ايدو الحذف او التعديل او الاضافة ليخرج العمل النهائي علي حسب التصور الفني للعملاق وردي. يبقي هو نظريا الموزع الموسيقي (راؤول). بمعني ... انو راؤول من غير الورشه الحصلت دي ما كان حا يقدر يوصل احساس الغنا والموسيقي بنكهتنا السودانية المميزه. و من الواضح جدا انو وردي كان يرغب في اشراف (راؤول) علي العمل النهائي و لكن علي حسب مخرجات الورشة بشكل اساسي و مباشر. أنا في رأي انو هنا تتجلي عبقرية وردي رحمة الله. تحية و شكر و امتنان لكل من ساهم في هذا العمل الجميل و علي رأسهم الاستاذ الموصلي و لكل غيور و محب و ساعي بالخير و الجمال بين الناس (لؤي و اللندي) تسلمو كتير
عزيزي ناصر شكرا لمساهمتك ولسه الحقائق في الطريق
09-06-2016, 04:16 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
التحية لاستاذنا الموصلي والاستاذ لؤي لكم التحية والتقدير حقيقة بوست جميل وشيق واضافة الاخوة الاستاذ حاتم ابراهيم والدكتور كودي لمسات موسيقية بطريقة وفزلكة علمية استطاعوا تهدئة البوست وتنويرنا بالمدارس المختلفة للفن والموسيقي ولكن نرجع للب الموضوع وهو حقوق التوزيع السؤال الذي يطرح نفسه هل هنالك Contract بينكم والشركة حتي يطفئ الجدال الدائر وزي ما قالواالاولو شرط اخرو نور ومشكاتنا نحن السودانيين نتعامل بعفوية وبكل بساطة نضيع حقوقنا والقانون لا يحمي المغفلين.من الذي خلف تسريب تسجلات امريكا قبل ان تري الشمس؟حتي يصل الكل الي الحقيقة الغائبة ارجو عدم الرد علي المهاترات والتعامل من الناس بدون استعلاء لان هذا ينقص في حقك كانسان وليس كمزسيقار وبهذه الطريقة تكسب ود المستمعين الي اعمالك .القامة الموسيقار وردي له الرحمة يجبرك توزيع موسيقاه والحانة الي الاستماع اليه باستمرار لكم الشكر والتقدير
Quote: التحية لاستاذنا الموصلي والاستاذ لؤي لكم التحية والتقدير حقيقة بوست جميل وشيق واضافة الاخوة الاستاذ حاتم ابراهيم والدكتور كودي ل مسات موسيقية بطريقة وفزلكة علمية استطاعوا تهدئة البوست وتنويرنا بالمدارس المختلفة للفن والموسيقي ولكن نرجع للب الموضوع وهو حقوق التوزيع السؤال الذي يطرح نفسه هل هنالك Contract بينكم والشركة حتي يطفئ الجدال الدائر وزي ما قالواالاولو شرط اخرو نور ومشكاتنا نحن السودانيين نتعامل بعفوية وبكل بساطة نضيع حقوقنا والقانون لا يحمي المغفلين.من الذي خلف تسريب تسجلات امريكا قبل ان تري الشمس؟حتي يصل الكل الي الحقيقة الغائبة ارجو عدم الرد علي المهاترات والتعامل من الناس بدون استعلاء لان هذا ينقص في حقك كانسان وليس كمزسيقار وبهذه الطريقة تكسب ود المستمعين الي اعمالك .القامة الموسيقار وردي له الرحمة يجبرك توزيع موسيقاه والحانة الي الاستماع اليه باستمرار لكم الشكر والتقدير
البوست ده لو قريتو كلو من الاول وهسع بقى 4 صفحات انا تعاملت بطكريقة متحضرة حتى مع من فتحة وحاولت أكون غاية التهذيب أنظر الى الاشادات السابقة بموقفى من ردود الهتر والتعدي وكثر من الاحبة من عدم مجاراة الذين يحاولون الاثارة وفي النهاية يا عزيزي الا انسان ماشي التراب زي البهاتروا ويتطاولو ديل يعني انت لمن تجي تخربش كديسة هي بتقوم تخربشك "وحينها تنتفي كل صفات الإلفة" وانا شايف كتير من المحبين الذين دافعو عن موقفي هنا في الموضوع الاصلي لم يعجبهم تجاوبي مع المستفزين وقالو ان هؤلاء يريدونني أن أخرج عن طوري بس لمن واحد يديك حصة عن الدين والنبي والله ويستمر في الطعان واللعان تقول عليهو شنو ------------------------------------------- عموما انا بعتذر ليك ولكل الاصدقاء ان رايتم أنني انجرفت في تيار تندفع فيه مياه الحماقة والاسفزاز لدرجة الاساءة لامرأة فنانة سودانية هادية طلسمفقط لانها قالت الحقيقة بكل تهذيب
(سلام أخ خالد كودي يبدو لي أننا نتكلم عن مفهومين مختلفين، ربما لم أوفق في إطلاق الاسم (experimental approach) والذي عنيت به الانتاج الإبداعي الموسيقي بالفطرة بدون دراسة أساسية نظامية وليس "التجريب" كتيار أو مدرسة ضمن النشاط الإبداعي الموسيقي الأكاديمي و"التجريب" كتيار لا يتأتى لشخص لم يتلقى دراسة نظامية لأنه في الأساس عمل جماعي يتطلب حد أدنى من المعرفة لغرض التواصل على الأقل.
لم أطلع على كل الفيديوهات ولكني سأرد بالتفصيل فيما يتعلق بهذه النقاط، لاحقاً. +++ أنا لست من محبي أغاني وردي في الأساس ولكن هذا لا يمنعني من إيفاءه حقه ومستحقه.)
نحن اذن متفقين.
اظنك عنيت (self taught artists) ، والتعبير معروف ومتداول في الاوساط الاكاديميه باحترام شديد، فهو يعتبر خبره معادله للدرجات الاكاديميه خاصة في كليات الفنون، والموسيقي والكتابه الابداعيه. فتجد اي اعلانا لتدريس الفنون المختلفه علي المستوي الجامعي عادة مايتضمن الدرجة الاكاديميه المرغوبه ، ثم غالبا ياتي تعبير (or #####alent experience) وهؤلاء عادة علموا انفسهم، فماذكرته صحيح.
كل كليات الفنون والموسيقي والكتابه الابداعيه ، احد تقييم مستوياتها هو برامج الفنانين الزائرين ، (visiting artist) وهذه البرامج هامه مثلها مثل المكتبه والمباني والادوات او الالات... وتصرف عليها المؤسسات التعليمية الكثير، وكثيرا مايكون هؤلاء الفنانين غير دارسين اكاديميا، والهدف من برنامج الفنان الزائر هو ان يتاح للدارسين التداخل والتعلم من فنانين من اتوا بخبرات مختلفه و يمارسون الفن في الحياه الحقيقيه . وكليات الموسيقي عادة تستضيف فنانين من كل انحاء العالم وبشكل دوري مما يجعل تجربة الصلاب والمجتمع غنيه. . راجع الويب سايتس في المداخلات السابقه. الفنان ايضا يستفيد من التداخل مع الطلاب وهيئة التريس في هذه الكليات فيؤثر ويتاثر ، ومرات كثيره يتم التعاون في انتاج اعمال مشتركه.
الراحل حمزه علاء الدين تمت استضافته من الكثير من المؤسسات التعليميه كاستاذ/فنان زائر، ولعل تجربته في اليابان من انجح التجارب.
دعني ارجع الي الفقره ادناه من مداخلتك السابقه:
(ذن، تصبح حقيقة السؤال أعلاه (هل من الضروري دراسة نظرية الموسيقى؟) والحقيقة أن هنالك الكثير من الجدل حول أهمية الدراسة النظرية، فرافضيها يعللون بأنها تضر بملكة الإبداع للفنان وهي بذلك مضيعة للزمن عبر استغراقه في حفظ القواعد والقوانين.
عن نفسي، اختصر وأقول أن نظرية الموسيقى بهيئتها الحالية تعبر عن الفن من منظور غربي يهتم أساساً بمسألة التناغم (الهارموني) وتعدد الخطوط اللحنية في نهج هو أساساً إرث تاريخي له ما يسنده وضارب في الحضارة الغربية اجتماعياً وعقدياً بينما موسيقانا تهتم باللحن المجرد النابع من تقاليدنا لذلك فبساطة النسج الموسيقي (texture) لموسيقانا تتيح لغير الدارس الإبداع غير المحدود فهو غير مطالب بتأليف سنفونية عبر الأسلوب التجريبي لكنه بالتأكيد قادر على "اكتشاف" ما يؤثر على عواطف الناس بكل أريحية وهذا بالتأكيد يترجم إلى حسن اختياره للآلات الموسيقية والألحان والأجزاء المناسبه لها وهو "التوزيع" بصورة أو أخرى بخلاف الدارس الذي ينحاز من البداية إلى قواعد لم توضع في الأساس لمراعاة بيئته المحلية، فحتى مفهوم الهارموني ليس الانسان في بيئتنا على استعداد للتفاعل معه كما يفعل الأوروبي لذلك فدائماً تجيء المزاوجة بين الألحان المحلية في القوالب الغربية على غير ما يشتهي الدارس وعلى النقيض مما ينتظره المستمع.))
واتفق معك ان احيانا (دراسة الفنون) قد تحد من الابداع، فمرات كثيره يقارن الدارس امكاناته بملكات الفنانين العظام في المجال المحدد، وقد يكتفي الدارس بالتحول الي متقن لروائع الفنون العالميه او مدرسا لها، ولكن ايضا قد تصنع الدراسه من المبدعين نماذج متميزه وفنانين كبار. لعل النموذج الجيد لهذا (الكمبوزر والكوندكتر) الصيني تان دان (Tan Dun). وهو احد خريجي جامعة كولومبيا بي نيويورك (ونحنا ناس بوسطن ونيويورك الشحمه والنار) !!
(:
فالموسيقي الريفية او الشعبيه الصينية تشابه في مقاماتها الي حد كبير (موسيقانا) )، تان داان، ابدع في توظيف داراسته الاكاديميه والاستفاده القصوي منها في تقديم الميلودي الصينية برؤيته كمبدع وكمبوزر له خصوصيه، وزاوج بينه وبين الالات (الغربيه) - ومه هذا لم يجعل احدي اهم الالات الصينية تفقد هويتها ، بالعكس اعطاها موقع (الاهم) !!! اي لم تسلبه الدراسه الاكاديميه التجريب والرجوع الي مفردات ثقافته الشعبيه ولا ان يلهم بمفردات الطبيعه او تفعيل الحواس... وبالمناسبه هنالك تشابه كبير بين مصادره ومصادر الراحل حمزه علاء الدين !!
هو من الموسيقيين المفضلين لدي، وهنا فيديو لاحد اعماله:
وفي الجانب الاخر تجد الاستاذ...... نصرات فرح علي خان. Nusrat Fateh Ali Khan وهو بدوره محترم في مدارس الموسيقي !
.
09-06-2016, 09:54 PM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
الاخ عبد العزيز خطاب، وين الحي بيك. جميل طلتك ... وابقي مارق! وبالمناسبه شاهدت فيديو لاحد ابناءك منذ فتره علي البيانو، اتمني ان يكون مواصلا فيهو ... واتمني ان نراه قريبا في احد المؤسسات الاكاديميه الحديثه دارسا ثم مبدعا مجددا... هذا الجيل يمكنه التقدم بالموسيقي السودانيه ، وتقديمها الي جمهور عالمي. تحياتي مرة اخري.
09-06-2016, 10:19 PM
محمد اسماعيل موسي محمد اسماعيل موسي
تاريخ التسجيل: 01-25-2016
مجموع المشاركات: 21
شكرا لك الاستاذ لؤي علي تعديل عنوان البوست الذي يرقد في مسواه الاخير كلنا نحترم الاستاذ الراحل المقيم الموسيقار محمد وردي الذي يكن له كل الشعب السوداني والجيران علي ابداعاتة ومساهماته الوطنية وهي موجودة في وجدان كل سوداني ونقدر موقفك للدفاع عن اعماله والمحافظة علي حقوقه ولكن ايضا نحفظ حق الاخر في المساهمة في الاخراج الجميل لتسجلات امريكا تسلم استاذنا الموسيقار الموصلي علي الرد انا احترمك ومن المعجبين بفنك ونوزيعاتك الموسيقية وربنا يقدرك علي تقديم المزيد للموسيقة السودانية ودعم الاجيال القادمة ونتمني ان تستفيد من الاخطاء الفادحة وترك العاطفة في الاعمال التي تحفظ فيها حقك الادبي في اي عمل مستقبلي
تواضع يا دا؛ انت لم تخلق الارض؛ ولم تلحن الود؛ والله انت زول الله ساكت مِسيكين... كلمة توديك وكلمة كمان ترجعك؛ اياك تعتقد ان بردودك دا بتوضح انك شفت ومتربي في الاشلاقات؛ والله ردودك ردود زول رايحلو التوزيع في لوس انجلوس؛ وبجي يفتش ليه في سودانيزولاين فتامل!!! ويمكنك ان تتململ؛ وبالمناسبة نحن مارقين للرباء والتلاف؛ نرشك رش من لا يخشى البلل؛ ولا نلوي؛ وما عندنا حاجة بنخسرا عنقالة ساكت لي الله سيدنا... نحن سودانيين اقحاح؛ نحترم لانسان اي انسان فقط لكونه انسان ؛ ونحترم الشخص المتواضع؛ والمهذب؛ والمتربي في بيوت كبيرة؛ وبالمناسبة كل البيوت السودانية كبيرة؛ ومحترمة؛ بس اي كائنا كان يفتري على الشعب؛ وعلى الناس التحتانية؛ ويرفع نخرتو فوق نملاها ليهو تراب؛ وبُتاب؛ سنعطيك كل يوم؛ جرعة من الحتة الفيها الحديدة؛ حتى ترعوي؛ واذا عدت عدنا؛ وان لم تعد؛ عدنا.. ودا بناء على طلب الشعب بالرسائل والاتصالات؛ فقط كوننا نعبر عما يجوش بخاطرهم من قراءة ردودك المفترية؛ والمليئة بالكثافة؛ ولسع؛
عباس الدسيس: (البهلة)* الجاية معاك
التعديل لاضافة العبارة الاخيرة؛ * مستلهمة من المستنير؛ ومن صديقنا علي دفع الله...
Quote: شكرا لك الاستاذ لؤي علي تعديل عنوان البوست الذي يرقد في مسواه الاخير كلنا نحترم الاستاذ الراحل المقيم الموسيقار محمد وردي الذي يكن له كل الشعب السوداني والجيران علي ابداعاتة ومساهماته الوطنية وهي موجودة في وجدان كل سوداني ونقدر موقفك للدفاع عن اعماله والمحافظة علي حقوقه ولكن ايضا نحفظ حق الاخر في المساهمة في الاخراج الجميل لتسجلات امريكا تسلم استاذنا الموسيقار الموصلي علي الرد انا احترمك ومن المعجبين بفنك ونوزيعاتك الموسيقية وربنا يقدرك علي تقديم المزيد للموسيقة السودانية ودعم الاجيال القادمة ونتمني ان تستفيد من الاخطاء الفادحة وترك العاطفة في الاعمال التي تحفظ فيها حقك الادبي في اي عمل مستقبلي
محمد اسماعيل لك الشكر والتقدير نحن حقنا القانوني تاني ما نسيبو لاي كائن من كان كفايةمآكل في حقوقنا مادية كانت أم أدبية القنون كفيل بي كل شئ تحياتي
09-07-2016, 02:49 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3453
إذا أخذنا ما يقوم به الموصلي يا كودي، من اعادة توزيع لبعض الأغاني كعلم مدروس، وقارناهو مع بعض أعمال وردي غير المعادة التوزيع أو قبل التوزيع، هل نستطيع أن نصف وردي بأنه بعيد أو جاهل بهذا العلم المفترض في بداية مداخلتي؟
09-07-2016, 03:59 AM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
(شكرا يا كودي على المداخلات النيّرة والمفيدة جدا. كأني أرى لك من خلال هذه المعرفة رأيا سالبا في الموسيقى السودانية تستحي أن تقوله بوضوح.
يا حاتم، يعجبني استخدامك لكلمة توزيع داخل قوسي اقتباس!!)
انا مثلك احب الموسيقي السودانيه ، واطرب لها ( موسيقي الوسط ، موسيقي امدرمان) بشكلها الذي نشانا عليها وتم نشرها عبر وسائل الاعلام المختلفه لتصبح الموسيقي السودانيه وتشكل ذوقنا ... ، لكن موضوعيا لا اعتقد انها ستدخل العالميه، مواصفاتها لاتؤهلها الي العالميه، علي الاقل في هذا الوقت ! ابناء وبنات السودانيين في المهاجر (لو اهلم خلوهم يدرسوا ويمارسوا الموسيقي) فرصهم اكبر من جيلي والاجيال التي سبقته.
كتبت:
(إذا أخذنا ما يقوم به الموصلي يا كودي، من اعادة توزيع لبعض الأغاني كعلم مدروس، وقارناهو مع بعض أعمال وردي غير المعادة التوزيع أو قبل التوزيع، هل نستطيع أن نصف وردي بأنه بعيد أو جاهل بهذا العلم المفترض في بداية مداخلتي)
وردي ملحن فذ، مبدع .
ولااعرف ان كان وردي قد درس التوزيع اكاديميا او لا. احيانا كثيره لاينتقص من ثقل (الكمبوزر) شيئا اذا ماترك (الارينجمنت) لموسيقي اخر ! لا اعتقد ان وردي (جاهلا) بهذا العلم ، فهو اكيد يعرفه ويعرف عنه... وردي كملحن جيد بالضروره هو مستمع جيد، واكيد ان وردي يستمع الي الكثير من الاعمال لفنانين كثيرين ، ولكن الحقيقه لاي من استمع الي وردي عن قرب واستمع لاعمال عالميه تم توزيعها يستطيع ان يقول ان وردي لم يوزع اعماله او توزيعه الي اعماله (basic arrangement)
ويمكنك ان تجد نمازج لاعمال تم توزيعها من الروابط التي ارفقت، في المداخلات السابقه وهاك نموزج تاني وانشاء تكون (دقه قديمه) :
هنا جيمس براون وبافراتي في عمل موزع في حفل للمرحوم بافراتي سنوات قبل رحيله:
وهنا جيمس براون تسجيل 1967:
،من الحفل نفسه شاهد اغنية ( باري وايتس) ....
والفرق واضح.
09-07-2016, 02:57 AM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
ياموصلي ياخي اولاد مدني ومن شايعهم ديل حايفوروا دمك ساكت، اكان شلته الكفر يجيبوا واحد تاني وكان نفستو ليهم برضو يمشو الطرمبه ينفخوه. فبالله ركز معانا شويه.... و (keep a good sense of humor) ...
مارايك في ان مرحبا ياشوق من اغني الحان وردي، ومن اغني الاغنيات السودانيه طبعا، وتصلح لقطعه توزع لتؤدي باوركسترا سيمفونيه كامله مع كواير كامل ايضا؟ اوركسترا من اربعه مجموعات woodwinds, brass, percussion, and strings violin, viola, cello and double bass.....
؟
.
09-07-2016, 06:22 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
شكرا حبيببنا احمد محمد عمر للتضامن تحياتي للوجيه عبدالمنعم للمداخله الثره الاعزاء حاتم وكودي ثقفتونا في الموسيقي إن عدتم عدنا وسوف تتوالي نصائحنا لحبيبنا الموصلي: معهد الموسيقي والمسرح الذي تتفاخر به وتترتكز علي دفوعاتك العلمية للموسيقي به هذا المعهد حتي الان يدور في فلك الحان الكاشف والشفيع وعثمان حسين وابراهيم عوض.... الكاشف امي والشفيع وعثمان حسين ترزيه وابراهيم عوض حداد بالله يا متعلم يا موزعاتي جيب لينا نص لحن من الحانك نقارن بيهو مقدمة لحن من الناس ديل كان ما متنا شقينا المقابر وكان ما قرينا موسيقي بنسمع. تعرف بعد البوست دا مشيت افتش اعمالك يا تلقاها زي اناشيد طابور الصباح بتاع المدارس و ل زي اناشيد الالعاب الشعبية بتاعت الاولاد والبنات (( هودنا يا هودنا ما كبريتي يا جنا)) الغريبه لقيت ليك رقصة عروس عامل موزعها بتغني فيها والله خجلت ليك بتاعت يا الهجروك علينا سنة سنتين شويه ما دخلت فيها قون العروس مالك. غايتو كان طقيت راسك بالسماء ما عندك جنيه واحد بالقديم من اعمال وردي قارصه معاك مشروع مدرسة الشفع للموسيقي من المقدمات ممكن تحل ليك مشكله. قال الرجرجة الدهماء بالله يا بتاع الهجروك عليا انت قايلها بتنافس جميلة ومستحيلة. تحياتي وتقديري يا موصلي
09-07-2016, 07:46 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
ابناء وبنات السودانيين في المهاجر (لو اهلم خلوهم يدرسوا ويمارسوا الموسيقي) فرصهم اكبر من جيلي والاجيال التي سبقته. ........................................................................................................................................................................... دا الكلام القلنا للموصلي بس بقالب تاني مدرسة شقع بتأكل عيش يا الهجروك علي اللحان انصاف مدني بالدلوكه احسن منها
09-07-2016, 08:22 AM
Osama Siddig Osama Siddig
تاريخ التسجيل: 10-08-2006
مجموع المشاركات: 1078
تحية لكل المتداخلين رغم "العفرة" الكثيفة. همسة و رجاء لأخى عباس ،(لو سألتنى بياتو أمارة يا عباس، حاقول ليك أنا من ناس مدنى ما بحكم الميلاد و لكن بحكم الدراسة، إبتداء بمدرسة الأهلية الوسطى فى بانت و استاذى محمد الحسن عجاج و انتهاء بمدنى الثانوية و مديرى عبد العظيم التجانى عليه رحمة الله)، بعد المقدمة الطويلة دى يا عباس أستحلفك بكل ما هو غال عندك أن تكف عن هذا، و لحدى هنا كفاية .نرجع لموضوع الخلاف ، كلنا عندنا حق فمن تحيز لوردى له حق و من ناصر الموصلى له حق، تذوق الفن و الغناء يختلف لذا تجد اختلاف الأذواق حتى بين أفراد الاسرة الواحدة. تصدق يا عباس الجماعة(الحكومة) عندى فى البيت بحبوا أغانى ندى القلعة لدرجة الهوس، اليوم داك أنا و الله بخت طاقيتى و أنزل لحدى ما "سعادتها" تخلص وصلتها .نرجع للجد ، فى معرض قراءتى للردود ذكر أحد الزملاء أن "مرحبا يا شوق" هى أجمل ما غنى وردى، فعلا يا عباس "مرحبا يا شوق" هى من أجمل روائع وردى، ليتك تسمعها بتأنى .أنا أعرف أن محور الحديث يدور عن وردى و لكن العملاق محمد الأمين غنى اغنية "يا منى أهدى إلى المهجة أنفاسا و عمرا" و هى من نظم الشاعر معتصم الإزيرق و هو شاعر مجيد لم يحظ بالإحتفاء اللائق ، هى أيضا تضارع "مرحبا يا شوق" تضارعها جمالا.ما أود أن أقوله ، لندع كل هذا العراك جانبا فهو لن يقود إلا إلى مزيد من التوتر و الإحتقان .دم بخير ....
(عدل بواسطة Osama Siddig on 09-07-2016, 11:33 AM) (عدل بواسطة Osama Siddig on 09-07-2016, 02:09 PM)
09-07-2016, 07:51 AM
Elmosley Elmosley
تاريخ التسجيل: 03-14-2002
مجموع المشاركات: 34683
QUOTE]شكرا حبيببنا احمد محمد عمر للتضامن تحياتي للوجيه عبدالمنعم للمداخله الثره الاعزاء حاتم وكودي ثقفتونا في الموسيقي إن عدتم عدنا وسوف تتوالي نصائحنا لحبيبنا الموصلي: معهد الموسيقي والمسرح الذي تتفاخر به وتترتكز علي دفوعاتك العلمية للموسيقي به هذا المعهد حتي الان يدور في فلك الحان الكاشف والشفيع وعثمان حسين وابراهيم عوض.... الكاشف امي والشفيع وعثمان حسين ترزيه وابراهيم عوض حداد بالله يا متعلم يا موزعاتي جيب لينا نص لحن من الحانك نقارن بيهو مقدمة لحن من الناس ديل كان ما متنا شقينا المقابر وكان ما قرينا موسيقي بنسمع.تعرف بعد البوست دا مشيت افتش اعمالك يا تلقاها زي اناشيد طابور الصباح بتاع المدارس و ل زي اناشيد الالعاب الشعبية بتاعت الاولاد والبنات (( هودنا يا هودنا ما كبريتي يا جنا)) الغريبه لقيت ليك رقصة عروس عامل موزعها بتغني فيها والله خجلت ليك بتاعت يا الهجروك علينا سنة سنتين شويه ما دخلت فيها قون العروس مالك.غايتو كان طقيت راسك بالسماء ما عندك جنيه واحد بالقديم من اعمال وردي قارصه معاك مشروع مدرسة الشفع للموسيقي من المقدمات ممكن تحل ليك مشكله.قال الرجرجة الدهماء بالله يا بتاع الهجروك عليا انت قايلها بتنافس جميلة ومستحيلة.تحياتي وتقديري يا موصلي
الدسيس والله انا قررت تاني ما اتشاكل معاك احسن كتير اصحح مفاهيمك الخطأ مالها الحجروك عليا؟؟؟ دي اغنية تراثيه زي القمر بوبا هسع هبشت وردي في عضموووردي هو المعلم لمن تلاه في استخدام التراث ----------------- عزيزي الدسيس استخدام التراث واعادة صياغته مسألة معروفة جدا في الموسيقى العالمية "قالب موسيقي"اسمه Theme and Variations القالب ده بيعنى بمعالجة فكرة لحنية قد تكون حديثة او شعبية مثل الحجروك عليا
طيب شنو يعني العملناهو في الحجروك عليا اولا كان اسمها الهجروك عليا ولم تكن رقصة عروس ولكن اغنية تغنت بها النساء وبالمناسبة غنوها فنانين كبار جدا في السودان لو سمعت النص كويس فقد تغير النص الى وطني يساند الوطن والمرأة السودانية وعنيف جدا ضد الرجعية والتخلف بالقولمنو القال ليك بسيبك يسيبك كيف حبيبك يصيبني القال يصيبك نصيبي انا ونصيبك نقيف اتنين في وجه العوادي نتحدى الاعادي ونهتف يابلادي غرامك هو المبادي وريدتك هي الهوية
وده مقطع من نص يمتلئ بهذه المعاني اما من حيث اللحن فاول تنويع لحني هو مقدمة موسيقية جديده ثم تنويعات داخلية في المتن حتى النهاية حيث"يا الموت البسالة يالعيشة الهنية --------------------------------------------------------- الاغنية الشعبية هي مجهولة المؤلف وتتغير بانتقالها سماعا بين الناس سماعااها مثلا دي حنان بلولو بكلام مختلف
ودي بتاعة الموصلي بصوت نشرين هندي واخوها مهند
بالله يا دسيس امشي انكت دي فرصة اشرح ليك وللماعارفين شنو يعني استلهام التراث الشعبي
وياريت لو جو خالد كودي وحاتم زادو في الشرح
09-07-2016, 08:20 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
+++ ......................................................................... وزعتا شنو ومسحتو ما تفقد اعصابك !!!! رجعت لي قوقل تاني لقيت عندك اغنية يقال عنها وطنيه 00بلدنا نعلي شأنها يا ناس00 بالله لو سألناك حسي دي اغنية وطنية والملحمة بتاعت ود اللمين واكتوبريات وردي في مقارنه بينهم شغل وردي وود الامين لو شغلتو في ميدان جاكسون تلقي الدم ركب أما بتاعتك دي تصلح للرقشات اللحن بتاع بنات دلوكه زي اللحان رقيص العروس احيانا ادتني احساس ام بتقول لي ولدها الصغير ((حلاتو حلاتو يا ناس)) الحاجة البكبرها فيك زول مكافح ومصر علي النجاح جربت الغنا فشلت فيهو مشيت للتوزيع برضو النتيجه مثل الغنا بعد كدا ما خسران شيء ممكن تفيد المجتمع باقتراح مدرسة الشفع للمغتربين والمهاجرين كلو اكل عيش. جاري البحث في ارشيفك لمحاولة الغناء الفاشله ما تزعل يا حبيبنا دا نقد من المستمعين الرجرجه الدهماء
09-07-2016, 08:40 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: +++ ......................................................................... وزعتا شنو ومسحتو ما تفقد اعصابك !!!! رجعت لي قوقل تاني لقيت عندك اغنية يقال عنها وطنيه 00بلدنا نعلي شأنها يا ناس00 بالله لو سألناك حسي دي اغنية وطنية والملحمة بتاعت ود اللمين واكتوبريات وردي في مقارنه بينهم شغل وردي وود الامين لو شغلتو في ميدان جاكسون تلقي الدم ركب أما بتاعتك دي تصلح للرقشات اللحن بتاع بنات دلوكه زي اللحان رقيص العروس احيانا ادتني احساس ام بتقول لي ولدها الصغير ((حلاتو حلاتو يا ناس)) الحاجة البكبرها فيك زول مكافح ومصر علي النجاح جربت الغنا فشلت فيهو مشيت للتوزيع برضو النتيجه مثل الغنا بعد كدا ما خسران شيء ممكن تفيد المجتمع باقتراح مدرسة الشفع للمغتربين والمهاجرين كلو اكل عيش. جاري البحث في ارشيفك لمحاولة الغناء الفاشله ما تزعل يا حبيبنا دا نقد من المستمعين الرجرجه الدهماء
الدسيس انت استمر في البتعمل فيهو ده مامشكلة انا المسحتو ان الفيديوهات النزلتها طلعت فيديو واحد ما عدة فيديوهات زي ما انت شايف ولما جيت اعدل في نفس البوست القصة جاطت فمسحت ونظمت ورديت عليك بطريقة محترمة وانا عافي منك لله والرسول على مخاطباتك الخشنة وشكك غير المحدود غير المعقول
09-07-2016, 08:30 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ياموصلي ياخي اولاد مدني ومن شايعهم ديل حايفوروا دمك ساكت، اكان شلته الكفر يجيبوا واحد تاني وكان نفستو ليهم برضو يمشو الطرمبه ينفخوه. فبالله ركز معانا شويه.... و (keep a good sense of humor) ...
مارايك في ان مرحبا ياشوق من اغني الحان وردي، ومن اغني الاغنيات السودانيه طبعا، وتصلح لقطعه توزع لتؤدي باوركسترا سيمفونيه كامله مع كواير كامل ايضا؟ اوركسترا من اربعه مجموعات woodwinds, brass, percussion, and strings violin, viola, cello and double bass...]
صدق دي اغنيتي المفضلة ووردي عارف القصة دي وطلب مني توزيعها وكنت بديت فعلا فيها في لوس انجلس هسع واحد يجي يقول لي بعد وردي مات الخ الخ انا بفتكر انو مرحبا ياشوق غرة جبين الغناء السوداني قاطبة ------------------- بالنسبة لي ناس مدني ديل والله اهلي الدناقلة والمحس زعلانين شديد في الرياض وانا فلت ليهم انا شخصية عامة واتحمل كل مايقع على شخصي وانا في الحقيقة مفروض ما أجاري اي محاولة لجري الى حماقات غير حميدة طالما طرحت نفسي عضو هنا فكرتك دي يا خالد طرحوها لي ناس كتار غير الراحل وردي منهم الليندي قبل يومين شكرا
09-07-2016, 08:49 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
الدسيس والله انا قررت تاني ما اتشاكل معاك احسن كتير اصحح مفاهيمك الخطأ مالها الحجروك عليا؟؟؟
بالنسبة لي ناس مدني ديل والله اهلي الدناقلة والمحس زعلانين شديد في الرياض ....................................................................................................................................... حبيبنا الموصلي في الاقتباس الاول اللغة اتغيرت شوية من رجره ودهماء لي مفاهيم ودي نقله كويسه للتعامل مع مستمع ينتقد تجربتك الغنائية اما ما عايز تتشاكل معاي ... انا ما قاعد اشاكل فيك لو فهمت كلامي شكل تكون غلطان او انت انسان تهوي فقط المجاملات في تقييم تجاربك انتقادي كمستمع لاعمال فات فيها الفوات انت الحمد لله حسي عمرك ماشي لي قدام وحكاية موهبة تعديتها والقديم اصبح كلو تجارب رغم القلة. حكاية الشكل نشيلها بره.......... الموصلي انا في الرياض واهلك زعلانيين ... تقصد شنو وأهي تجربة ما عرفتها... ما تخوفنا عليك الله. تحياتي وتقديري
09-07-2016, 09:32 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الموصلي انا في الرياض واهلك زعلانيين ... تقصد شنو وأهي تجربة ما عرفتها... ما تخوفنا عليك الله. تحياتي وتقديري
يا دسيس هم على كيفم في زعلهم وانت على كيفك في زعلك على وردي قلت لي على قلتو ههههههه انت يادوبك بتفتش وحتغرق في ربورتوار ما عند اي فنان تاني كدي هسع وريني فهمت الموضوع الشرحناهو ليك ولا لسع براحة بتعرف وانت كمان الكلام البتقول فيهو ده ما ليهو علاقة بالنقد النقد عندو اصولو ومن كتاباتك واضح انك بتجهل الاصول دي لكن كمان انا مفروض اتقبل كلامك كمستمع عادي "حب الناس مذاهب" بس كمان حقو تعرف انو الناس البتكلمو عن الموصلي باعجاب ما مجاملة وحقو تديهم حقهم من الاحترام وتراعي مشاعرهم ولا شنو؟؟؟؟ هسع لو عملت "سيرفي " وسط الاجيال الموسيقية الجديدة حتلقى الموصلي هو المؤثر الاول معليش مل تزعل دي الحقيقة انت زول واحد ومعاك يمكن هنا اتنين هسع ليه مارديت على د محمد بابكر ودافعت عن وحيدتي العاجباك لى قدر الشوق ووريتو انو على قدر الشوق الناجحة هي حقت الموصلي ولا دي حارة كمان ياخي الانصاف وقولة الحق من شيم "لبنشامى: تحياتي
09-07-2016, 09:06 AM
Elmosley Elmosley
تاريخ التسجيل: 03-14-2002
مجموع المشاركات: 34683
ا خونا الدسيس بعد ما شرحنا ليك شنو يعني استلهام التراث الشعبي واعتقد انك فهمت نفس العملناهو في الحجروك عليا الكانت "الهجروك عليا" عملناهو في بلدنا نعلى شانا الكانت "الجمعة الكان معانا" اما النجاح منقطع النظير الصادفتو هذه الاغنية فعجيب كل مسارح السودان كل المدن السودانية تفتح الماسورة تلقى بلدنا تغنت بها كل الكورالات في كل الكليات السودانية تغنى بها عشرات الفنانين في عشرات القنوات ودة مش لانها الاحسن ولكن لانها صادقة وسهل ممتنع وزي ما قلت ليك دي اتحدينا بيها الانقاذ ١٩٩٠ بمصنع سكر الجنيد حيث اتغنت للعمال هناك وهاك نماذج عدة
وعشرات الفنانين لا عد ولاحصر لهم شفت الثورة الموصليه يا الدسيس
09-07-2016, 09:14 AM
Elmosley Elmosley
تاريخ التسجيل: 03-14-2002
مجموع المشاركات: 34683
مارايك في ان مرحبا ياشوق من اغني الحان وردي، ومن اغني الاغنيات السودانيه طبعا، وتصلح لقطعه توزع لتؤدي باوركسترا سيمفونيه كامله مع كواير كامل ايضا؟اوركسترا من اربعه مجموعاتwoodwinds,brass,percussion,and stringsviolin, viola, cello and double bass.....؟_________________________________________________________الصديق خالد كودي ، يا خي الله يخليك ...من خلال مداخلاتك في هذا البوست عرفنا لك جانباً آخر إضافة إلى تعدد مواهبك وعليه نقول لقد ظفرت بك كلية الفنون الجميلة وخسارة كبيرة لمعهد معهد الموسيقى. أسال نفسي كم كان يكون حجم عطاءك واسهاماتك لو قدر لك دراسة الموسيقى؟؟؟؟ .
مرحبا مسا الخير ياموصلي ياحبيبنا الفنان راسمالو تواضعو وجمهورو البحبو وردي كامل مكمل في الغناء ولو غنى بالطنبور ياهو وردي مع احترامنا لمسيرتك الفنية وشخصيا احد المعجبين باعمالك بالذات تسجيل البلابل بتاع القاهرة لاتستجيب للاستفزاز وتتعامل بردود الافعال الموضوع بسيط جدا وهو مرتبط بحقوق ووردي اعترف واتا بي خط يدك اعترفتا لو اخطأت قول معليش ودي ماحتنقص من حبنا ليك ولا مكانتك الموسيقية
اولاد مدني اشفت من ناس الاشلاق
09-07-2016, 02:10 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: مرحبا مسا الخير ياموصلي ياحبيبنا الفنان راسمالو تواضعو وجمهورو البحبو وردي كامل مكمل في الغناء ولو غنى بالطنبور ياهو وردي مع احترامنا لمسيرتك الفنية وشخصيا احد المعجبين باعمالك بالذات تسجيل البلابل بتاع القاهرة لاتستجيب للاستفزاز وتتعامل بردود الافعال الموضوع بسيط جدا وهو مرتبط بحقوق ووردي اعترف واتا بي خط يدك اعترفتا لو اخطأت قول معليش ودي ماحتنقص من حبنا ليك ولا مكانتك الموسيقية
حامد تحياتي انا المحيرني الناس جابت من وين الكلام باني قللت من وردي ياخي ده فناني الاول واستاذي عليك الله راجع كلامي كلو ما حتلقى غير احترام حقيقي مسالة الاستجابة دي بتفقط معاك فيها انا غلطان والله الاختلاف في نوزيع راؤول المزعوم وده حسمناهو بشهادة الاساتذة المشاركين في العمل
اولاد مدني اشفت من ناس الاشلاق لا لا لا لا لا لا لا دي حكمك فيها ماصاح ابدا والله انا هسع ماخليتهم يهيجو ويقولو لي نرشك وشنو ما عارف لكن لكن برضو انا غلطان لانو اي تجاوب مع الاستفزاز وخروج عن الروح محسوب علي هسع ناس مدني ديل لو جوهم ناس الاشلاق الساكت بوروهم نجوم الضهر ههههه تحياتي وشكرا لنصيحتك وانا بتفق معاك
09-07-2016, 03:44 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3453
بالمناسبة، مدني دي خشم بيوت، ناس الدسيس اولاد الدباغة ديل كانوا بقلعوا سندوتشاتنا نحن أولاد بانت الحناكيش فشنو؟ اشلاق وبلي ديل ما عندي ليهم مروءة لكن الجميل في البوست دا، أنا وكودي تزاملنا في المتوسطة والثانوي، هو أكبر مني بسنتين عشان ما تقولوا أنا كبير! في المتوسطة كان بدور لينا الطابور بحجة جدو صول وكدا، وكمان هو من رسم اللوحات في برندات المدرسة أو شبه إليّ؟! الواحد بكل فخر ممكن يقول هو جونير الفنان كودي لكن كودي السياسي أبرا واستبرا منو
Quote: بالمناسبة، مدني دي خشم بيوت، ناس الدسيس اولاد الدباغة ديل كانوا بقلعوا سندوتشاتنا نحن أولاد بانت الحناكيشفشنو؟اشلاق وبلي ديل ما عندي ليهم مروةلكن الجميل في البوست دا، أنا وكودي تزاملنا في المتوسطة والثانوي، هو أكبر مني بسنتين عشان ما تقولوا أنا كبير!في المتوسطة كان بدور لينا الطابور بحجة جدو طول وكدا، وكمان هو من رسم اللوحات في برندات المدرسة أو شبه إليّ؟!الواحد بكل فخر ممكن يقول هو جونير الفنان كوديلكن كودي السياسيأبرا واستبرا منو
ههههه يعني انتو حبينو في البلاط وقريتو في الراهبات زي قول صديقي جلال الصحافة جارنا عموما اتنين من ملاكمي الخرطوم واحد فيهم دقه ملاكمكم المشهور خدوري ورماهو بالقاضية الفنية اما كاسميرو كاساري أو محمد مرحوم فاعملو حسابكم
ما عارف عن الموصلي الا انه سرق ليهو لحن بتاع اغنية سباتة قديمة ونسبها لنفسو ثم اتي و وع لوردي اسوأ شريط مما يعني انو زول زيو وزي الة الكمبيوتر ما عندو اي ذوق بس بينفذ الدرسه في المعهد بدون اي اجتهاد وهنا الفرق بين الفنان والحداد عموما الصورة الجابها ناصر الليندي بتنسف كل ادعاءات الموصلي تماما https://www.0zz0.com
09-07-2016, 05:52 PM
Elmosley Elmosley
تاريخ التسجيل: 03-14-2002
مجموع المشاركات: 34683
عصمت عمر يعني فهمك دا الموصلي سرق ليهو لحن ووزرع لوردي اسو شريط فكيف بالاستاذ محمد وردي ان يرضي بهذا التوزيع وان ياتي ويشرك الاستاذ الموصلي في اعماله في اميريكا وانا اقول اشتراك اذا كان الكورال او النوته او التوزيع ود المختلفين حوله في هذا البوست ، لكن الاستاذ محمد وردي ما تشكك في مقدرات الاستاذ الموصلي ومعروف عن الاستاذ محمد وردي وبعده عن المجاملات في الغناء .الرحمه والمغفره للاستاذ محمد وردي بقدر ما اعطي لهذا الوطن والتحيه للاستاذ يوسف الموصلي
الظاهر في ناس كتيرة عندها أحقاد بايتة مع الموصلي ولقت البوست ده فرصة شان تعبر بما في نفوسها بالله أرحمو نفسكم شوية وغلطان الموصلي إنو برد على ناس عنقالة ساى فاكرين انو عندك باسويرد في سودانيز اونلاين ممكن تفتي في أي حاجة!!
09-08-2016, 07:23 AM
ناصر احمد الامين ناصر احمد الامين
تاريخ التسجيل: 03-29-2009
مجموع المشاركات: 2913
فعلا الموضوع طلع من حتة النقد البناء او النقاش من اجل الوصول الي الحقائق مهما كان يا اخ عثمان الدسيس فالموصلي رقم في مسيرة الموسيقي و الغناء في السودان نختلف معه كثيرا في مجال انتاجة و في تصريحاتة و في ذوقة الموسيقي وهذا شي محمود و لكن يجب ان يرتقي الاختلاف الي مستوي رقي هذا الفن. الزملاء حاتم و كودي شكرا ليكم كتيرعلي المعلومات و الحوار الجميل\ فتناكم بي عافية سلام
09-08-2016, 02:24 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
العزيز حامد بدري اذا طبقت المقتتبس اعلاه اصلا ما بنطبق على الفنان وردي ...وردي ما في شك انو فنان وموسيقار وملحن واختيارو للاغاني والموسيقي بنم عن ثقافة غنائية عالية ومن الرموز السودانية الغنائية التي خلدت اسمها في تاريخ الاغنية السودانية ..لكنه غير متواضع ومفتري وكلامو دبش وما شايف في الساحة غيرو وكم فنان ينعدو في الاصابع على حسب تصريحو للدكتور البوني في سهرة حضرتها في قناة النيل الازرق لمن قال البوني انتو الفنانين الكبار على طول وردي قاطعوا وقال ليه هم كم الفنانين الكبار اقل من عدد اصابع اليد الواحدة ..اذا حسبنا وردي وود الامين فضلو اتنين .. وفي بروفاتو المصورة ينهر ويبستف ..وردي الله يرحمو فنان لكن كان متعالي ومغرور... اقول قولي هذا مع واستغفر الله لي ولكم ..غ
ههههه ابو الدر يا جميل انت عارف مداخلتك دي ذكرتني واحد في جريدة الوطن السعودية اسمو احمد الزهراني في صفحة اسما نقاشات كتب ام كلثوم صوتها ولا جميل وامكانيانها متواضعة بس لقت ملحنين وشعراء وموسيقيين كبار ..علي الايمان نزلوا فيه القراء وخاصة المصريين والعرب قربوا يهدروا دمو بعد ما موجة الهجوم بردت قام جعفر عباس في عمودو زاوية منفرجة كتب انو متعاطف مع احمد الزهراني وكتب عبد الحليم حافظ برضو ما بعرف يغني ههههه بس زول هببو ليه مافي عشان عارفنو انسان ساخر ... فشنو هسي الله يستر علي هههه
09-08-2016, 03:03 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
( العزيز حامد بدري اذا طبقت المقتتبس اعلاه اصلا ما بنطبق على الفنان وردي ...وردي ما في شك انو فنان وموسيقار وملحن واختيارو للاغاني والموسيقي بنم عن ثقافة غنائية عالية ومن الرموز السودانية الغنائية التي خلدت اسمها في تاريخ الاغنية السودانية ..لكنه غير متواضع ومفتري وكلامو دبش وما شايف في الساحة غيرو وكم فنان ينعدو في الاصابع على حسب تصريحو للدكتور البوني في سهرة حضرتها في قناة النيل الازرق لمن قال البوني انتو الفنانين الكبار على طول وردي قاطعوا وقال ليه هم كم الفنانين الكبار اقل من عدد اصابع اليد الواحدة ..اذا حسبنا وردي وود الامين فضلو اتنين .. وفي بروفاتو المصورة ينهر ويبستف ..وردي الله يرحمو فنان لكن كان متعالي ومغرور... اقول قولي هذا مع واستغفر الله لي ولكم ..غ ) مسا الخير اخونا على بستفة بتاعت معلم لتلاميذو مقبولة ومهضومة وهنا لو لاحظتا في الفديو قاليو انا ماألفتها كده فكان زعلو للمزيكا ماحاجة شخصية وبعدين وردي سكن الكلاكلة صنقعت محطة تلاتة ومعروف هناك شغل التقاطعات بين الفنانيين وتصريحات الصحف ترباس قال وحمد الريح قال دي بهارات زي حقت الكورة
ههههه ابو الدر يا جميل انت عارف مداخلتك دي ذكرتني واحد في جريدة الوطن السعودية اسمو احمد الزهراني في صفحة اسما نقاشات كتب ام كلثوم صوتها ولا جميل وامكانيانها متواضعة بس لقت ملحنين وشعراء وموسيقيين كبار ..علي الايمان نزلوا فيه القراء وخاصة المصريين والعرب قربوا يهدروا دمو بعد ما موجة الهجوم بردت قام جعفر عباس في عمودو زاوية منفرجة كتب انو متعاطف مع احمد الزهراني وكتب عبد الحليم حافظ برضو ما بعرف يغني ههههه بس زول هببو ليه مافي عشان عارفنو انسان ساخر ... فشنو هسي الله يستر علي هههه ---------------------------------------------
(هذا المعهد حتي الان يدور في فلك الحان الكاشف والشفيع وعثمان حسين وابراهيم عوض.... الكاشف امي والشفيع وعثمان حسين ترزيه وابراهيم عوض حداد ) ...... كلام في محله يدل على عظمة الموهبة المكتسبة بالفطرة
09-08-2016, 10:40 PM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
( كودي ، يا خي الله يخليك ...من خلال مداخلاتك في هذا البوست عرفنا لك جانباً آخر إضافة إلى تعدد مواهبك وعليه نقول لقد ظفرت بك كلية الفنون الجميلة وخسارة كبيرة لمعهد معهد الموسيقى. أسال نفسي كم كان يكون حجم عطاءك واسهاماتك لو قدر لك دراسة الموسيقى؟؟؟؟ )
(: وانته ماحالك مع الموسيقي، ام طاحونة الحياة مازالت مدوره بيك؟ الاتجاه المعاصر للفنون الان يقربها وبعضها البعض عكس ماكنا نظن في مؤسساتنا (المصطكه) ! تحياتي ونسمع منك ياخي!
استاذنا موصلي، تحياتي:
(اولاد مدني اشفت من ناس الاشلاق لا لا لا لا لا لا لا دي حكمك فيها ماصاح ابدا والله انا هسع ماخليتهم يهيجو ويقولو لي نرشك وشنو ما عارف لكن لكن برضو انا غلطان لانو اي تجاوب مع الاستفزاز وخروج عن الروح محسوب علي هسع ناس مدني ديل لو جوهم ناس الاشلاق الساكت بوروهم نجوم الضهر ههههه تحياتي وشكرا لنصيحتك وانا بتفق معاك)
والقال ليك من مدني دي زاته مافيها اشلاق؟
تعرف ناس مدني ديل كنا او ما نشوف الشكله فيها اي زول من مدني نخش نضارب اول، وبعدين نسال: يااخوانا الحاصل شنو!! (: لكن صراحه ، صراحه ... الشباب ديل هنا قصدوك ... كدا بس. مساهماتك ياعزيزي في اثراء فن الغناء لن يستطيع ايا كان الانتقاص منها. والقاعده الفنيه تفصل بين الفنان واعماله. فاعمالك، متي ماانتهيت منها وقدمتها للجمهور ، تقف بارجلها، وتخضع لقوانين الموسيقي، ومن يريد نقدها يجب ان ينقدها كعمل موسيقي، هذا غض النظر عن رايه فيك انت كشخص او كفنان! فيااخونا الدسيس ... (افرز) علي وزن ديجانقو في سينما الخواجه... الموصلي او اغاني الموصلي ...ولاتظلم اغانيه .
ابوبكر عباس:
(المناسبة، مدني دي خشم بيوت، ناس الدسيس اولاد الدباغة ديل كانوا بقلعوا سندوتشاتنا نحن أولاد بانت الحناكيش فشنو؟ اشلاق وبلي ديل ما عندي ليهم مروءة لكن الجميل في البوست دا، أنا وكودي تزاملنا في المتوسطة والثانوي، هو أكبر مني بسنتين عشان ما تقولوا أنا كبير! في المتوسطة كان بدور لينا الطابور بحجة جدو صول وكدا، وكمان هو من رسم اللوحات في برندات المدرسة أو شبه إليّ؟! الواحد بكل فخر ممكن يقول هو جونير الفنان كودي لكن كودي السياسي أبرا واستبرا منو)
صحيح نحن في جمعية الفنون رسمنا البرندات، والجرائد الحائطيه (ونسخنا المنشورات) كمان! وغايتو الحاجه المتزكره انو انته الكنته قدامي بي دفعتين تلاته! (:
والذي يهم هو ماتتبرآ منه من (ماهو سياسي)! انته قالو ليك سبب (الاصطكاكه ) الثقافيه دي شنو ؟ سبب الركوض الثقافي ، وقحط الابداع والمبدعين في كل المجالات الفنيه وغيرها هي ثقافة الاجترار والتكرار ، وفلسفة التلقين وقهر النساء والرجال ... تجريد الانسان من الحق في التفكير والتجريب من مهده الي لحده ... يعني نحن في ثقافه لازالوا يجلدوا فيها البني ادم ويدمدموه ويصادروا كتبه..وياخي ده موضوع تاني ومكانه اخر... لعلك تذكر اساتذتنا في الجمعيات الثقافيه ...من صلاح الي ابوغره ...كيف كانو يشجعوا تلاميذهم علي الابداع كتابة ... شعرا ورسما وغناء ... فيازول ... (انسي بس) و دي اغنيه بالمناسبه...تحياتي!
محجوب علي والموصلي:
( ( اتنين من ملاكمي الخرطوم واحد فيهم دقه ملاكمكم المشهور خدوري ) ياموصلي انت ماسمعت نكتة خدوري قال ليك لمن كفتو بونية ووقع ، المدرب يكورك قوم ياخدوري قوم .... ارفع راس مدني ارفع راس الجزيرة .... خدوري رد عليه وقال : انا قادر ارفع راسي عشان ارفع راس الجزيرة ...هههههه)
اعملوا حسابكم. .
09-09-2016, 06:43 PM
نزار عبد الوهاب نزار عبد الوهاب
تاريخ التسجيل: 05-14-2014
مجموع المشاركات: 582
في الثقافة الغربية يطلقون المصطلح (Music Theory) على نوعين من المفاهيم المعنية بهذا المصطلح:
(الموسيقى النظرية): وهي الجانب المدروس منها والذي يمكن توصيله عبر الطرق المختلفة بالتعليم ويشمل تاريخ الموسيقى وطرق تمثيلها البصرية (التدوين والقراءة) وخصائص الآلات الموسيقية وبعض تقنيات الأداء، وهذا يتمم بالجانب العملي أي التدريب على العزف مثلاً.
(نظرية تأليف الموسيقى): وهنا المقصود الدراسات المتعلقة بكيفية الإبداع الموسيقى، والتركيز يكون غالباً على فترات بعينها مثلاً الموسيقى الكلاسيكية تحديداً فهي من بين الأنواع المختلفة هي الأقرب لصياغتها في نماذج يمكن إجراء حسابات عليها ولذا فإن هذا النوع من الموسيقى يطلق عليه أيضاً الموسيقى الأكاديمية (Academic Music)، والفكرة من وراء النظرية هنا الإجابة على السؤال (كيف كانوا يؤلفون بتلك الطرق والتقنيات)، لأن معرفة الإجابة تسهل معرفة الطريقة ومن ثم يصبح من السهل إعادة التأليف بنفس الكيفيات أو حتىإعادة صياغة أنواع أخرى من الموسيقى في القالب الكلاسيكي الغربي.
أما "نظرية التأليف الموسيقي" بحسب مدلول المصطلح فهي للأسف ما يرسخ خطأ في أذهان المتلقين للدراسات العليا في الموسيقى من أنها الموسيقى "المفترضة" أي الواجبة على العالمين تذوقاً بتأثير من السرد المكثف لفترات النجاحات في العصور المختلفة بدءاً من عصر النهضة ثم الباروك ثم العصر الرومانسي وأخيراً العصر الحديث، هذه النظريات في الأصل محاولة لحفظ التراث الموسسيقي الغربي بطريقة ذكية، فبدلاً من حفظ التسجيلات يحاولون استنباط الكيفية التي كان يفكر بها أمثال فيفالدي وموتسارت وبيتهوفن وباخ وغيرهم من مشاهير تلك العصور.
مشكلة التغريب
هي مشكلة التناول غير المقنن لثقافات موسيقية طاغية بحكم الانتاج الكثيف والمنظم والمدروس بما لا يترك فرصة لإعمال العقل في محاولة للثبات أو على الأقل المحافظة على السمات الأصلية للثقافة الموسيقية المحلية.
فالموسيقى النظرية بحسب المعنى الأول للمصطلح هي ما يصادفنا في مدارس الموسيقى وفي المحتوى المنشور على الانترنت وهو الذي عنيت من الإشارة إلى ضعف تأثيره بحسبانه مجرد أدوات تعين على سرعة التعلم في مقارنة مع طريقة التجريب، والقصد أن هذه الوسائل التعليمية من الأوجب توجيهها بعناية للمحافظة على التراث الموسيقي في بلدان لا تقع ضمن منطقة الموسيقى الغربية بدلاً عن استيعابها بدون تغيير.
وإلا فأن الملاذ الأخير هو "التجريب" بمعنى الحفاظ على المبدعين ممن لم يتأثروا بهذه الموجة، والمثال الأبرز هنا "ياني خريسوماليس" (Yanni) فهو لم يتلقى أي تعليم نظامي موسيقي واعتمد على فطرته وذائقته في التدرب على العزف ثم على التأليف فيما بعد، ترك إرث عظيم خلفه وبدأ بتقليد الموسيقى الغربية بأحدث آلاتها (الموسيقى الإلكترونية) فلم يصب نجاحاً يذكر، أكثر من 10 ألبومات في الفترة من 1980 إلى غاية 1995 حتى لجأ في النهاية إلى الموسيقى بآلاتها التقليدية (Accoustic) مع دمج التراث بل حتى إقحام الجغرافيا بتسمية المقطوعات على مدن مثل سانتوريني وأكرويالي وبغداد بل أبعد من ذلك بتوظيف الآلات الشعبية في هيئة احتفائية وأحياناً أخرى إعادة الحياة لأغنيات منسية مثل (Jivaeri). وغير ياني كثير من المشاهير سلكوا طريق التجريب والبعد عن التلقي الأكاديمي أبرزهم مايكل جاكسون ولكنه خضع بعد الشهرة لدروس في الغناء، وإيريك كلابتون عازف الجيتار وفرقة الخنافس وكلهم يعزفون.
وسواء جاء الإبداع عن طريق التلقي أو التجريب فالنتيجة واحدة طالما كان الناتج مرضياً للمتلقي ويخاطب وجدانه، ذلك لأن في الغرب الفيصل هو الجمهور ومؤهل لذلك عبر تقديم دراسة الموسيقى في مراحل مبكرة إلزاماً وهذا بحسب الدراسة النظرية التي أشرنا إليها في معرض شرحنا لمدلولات مصطلح (Music Theory).
أذكر في فترة سابقة كنا لأول مرة نشاهد آلة موسيقية إلكترونية وكانت كاسيو VL-Tone (اعتقد الكثيرون سيتذكرونه) لعبة كنا نتعلم عليها العزف وبالتحديد كانت تشدنا أغنية (عازة في هواك) لم نكن نعرف سوى لحنها الذي حفظناه بالتكرار، ولكن بسرعة جداً اكتشفنا أننا لو عزفنا على المفاتيح السوداء لكان اللحن "أقرب" لما نسمعه من الإذاعة لتلك الأغنية بالتحديد، فكانت تلك أولى محاولاتنا التجريبية لإرضاء مزاجنا الموسيقي.
لم ندرس الموسيقى ولم نكن نعلم أننا كنا نختار إحدى أنماط المدرج الخماسي (السلم الخماسي) بالفطرة مع أن اللعبة كات تجيء بموسيقى مسجلة "لم تطربنا"، هذا يعني أننا نختار ما يطرب وجداننا في الأساس وليس ما "يبهرنا".
النظرية تلي التجريب
والموسيقى كإبداع تقوم في الواقع على التجريب، كل الإرث المخصص لدراسة أنواعها وتقنياتها وتاريخها يثبت أنها مرت عبر التجريب واستساغة السمع لنغمات معينة ومجموعات ألحان مصاغة بقوالب محددة وإيقاعات مميزة.
بمرور الوقت تراكمت القوالب المخصصة للعزف فيما يعرف الآن بالمدرجات الموسيقية "السلالم" (معظم الأغاني الغربية على المدرج الصغير minor) ثم توالى اكتشاف أن الدمج بين نغمات مختلفة يعطي صوت ألطف وهذه النغمات جمعت أيضاً في قوالب تربط طريقة التأليف بواحدة من النغمات المحببة وطريقة الانتقال بينها فظهرت المترافقات (chords) في الموسيقى الغربية وسميت بالتناغم أو الهارموني، ولهذا فمن الطبيعي أن يعمد الغربيون إلى العمل على صياغة كل بطريقة أكاديمية، فهذه طريقتهم في الحياة، إذن فهو نوع من تقعيد الإبداع ودورة طبيعية من التقنين ثم الارتجال بحرية وإعادة التأطير.
الموسيقى ليست تطبيق
بل روح في المقام الأول وذلك ليس بالنظر إلى مآلاتها المعاصرة "كحرفة" بل إلى بداياتها الأولى "كعلاج" لا يزال يضطرد في صور إبداعية مختلفة.
فكل الكلام عن (هارمونيات) و(حركة هارمونية عكسية) وغيرها من المصطلحات هي نتاج تجريب يتم تقديمه الآن على هيئة "نظرية" يجب أخذها بمنظور أكاديمي وليس إبداعي لأسباب متعددة أهمها مراعاة التذوق واختلاف المزاجات حتى في المنطقة الجغرافية الواحدة.
فالبالنظر للموسيقى الغربية الكلاسيكية (أو الأكاديمية) فتلك التقنيات ذات المصطلحات أعلاه لم تكن شرطاً للإبداع في زمانها، وحتى أولئك الموسيقيين لم يلجأوا إليها إلا لأنها كانت ضمن الاستايل الذي كان شائعاُ تلك الفترة والذي نراه غريباً ومميزاً من وجهة نظرنا المعاصرة. موتسارت بيانو سوناتا (Piano Sonata No.16 in C major)
وهما نموذجين لأعمال كلاسيكية من عصر الباروك لا يتضمنان أية ألحان مقابلة (كاونتربوينت) من أي شاكلة، فقط ميلودية (لحن) مع لحن مصاحب، لذلك أرى من الغرابة التلهف على توظيف تلك التقنيات في الموسيقى المحلية بدون هدف واضح، ولشرح المفاهيم علينا أولاً معرفة موقعنا في البداية:
واضح أننا بمحاولة إقحام تقنيات كلاسيكية إنما نمد أيدينا لما يمكن أن يضر بسمعة ثقافتنا الموسيقية، فالمستمع الخارجي لن يجد أي سمة أو ميزة فيها سوى طريقة يائسة للتقليد، فالفائدة -إن وجدت - من حشد تقنيات الموسيقى الكلاسيكية في الموسيقى المحلية في الواقع فائدة شخصية فهي لا تؤثر في السامعين ولن تصلح تقنيات عصر الباروك (*) مع موسيقى في أغلبها تصنف عند الغرب على أنها بلوز (blues).
هناك أيضاً مبدأ القبول والنشاز وهذه أمور تعتمد على سيكلوجية الشعوب، فليس من الحكمة استيراد مميزات الثقافة الغربية على افتراض عريض (blanket assumption) أنها "حتماً" ستصلح لأفريقيا جنوب الصحراء بمزاعم من حداثة وتحديث وغيرها، هذا مجرد انبهار مستحكم ونقل غير رشيد ناتج عن فهم خاطيء لا يختلف في نظري عن المحاولات التي انتهت إليها الموسيقى في غرب أفريقيا والمغرب العربي من توظيف تقنية تحويل النغم (autotune) فهي مجرد حلية (embeishment) أو (ornament) تضاف عادة في أجزاء طفيفة على العمل الموسيقي بينما جاء تطبيقها عند هؤلاء بطول كلمات الأغنية كما في النموذج:
ولا اعتقد أن هناك سوداني يمكن أن تجذبه هذه الطريقة في الأداء بصوت مشوه عمداً ولكنها تشيع في المغرب العربي بحيث لا يمكن أن تتصور أغنية بدونها، على أننا أيضاً لدينا من سوء التطبيق حظ ومحاولاتنا انتهت إلى الأسوأ، الآن يؤدون الأناشيد الدينية (المديح) بنمط الكورال على خلفيات موسيقية بآلة الأورغان (الأورغ الإلكتروني بصوت الأورغان الهوائي) بمثل ما يحدث في الكنائس في عصرنا الحالي، الأورغان آلة مرتبطة بالكنيسة والكاتدرائيات أصلاً، تقريباً 90% من المدائح تؤدى بهذه الطريقة.
وضعنا الحالي
فقد وضح من خلال التفريق بين مصطلحي (orchestration) و (arrangement) أن مشكلتنا في الاطلاع على الأساسيات، ثم في فهمها ثم في التطبيق (المناسب) وليس (الصحيح) لأن التطبيق الصحيح يعني ببساطة تقليد الموسيقى الغربية، من ناحية أخرى مشكلة الانبهار وعدم التمييز وحتى الرسالة الصوتية التي يقول صاحبها (نحن متخصصين ودا تخصصنا) لم تضع في الاعتبار أنه حتى غير المتخصص له الحق في التعبير بدون وصاية من دارس أو متخصص، فكيف تكون متخصص في الهارموني والموسيقى السودانية أساساً بل كل موسيقى شمال أفريقيا تعتمد مبدأ الخط اللحني الواحد ولا علاقة لها بالهارموني؟ ومثل هذه "الديباجات" لا معنى لها في هذا السياق التفاكري بدون طرح المعرفة بالتساوي على المتلقي "المستمع".
فإن كان الغرض من كل ذلك هو التجريب، فالتجريب "كتيار" يتطلب وجود قاعدة شعبية لها الإلمام الكافي بالذي يجري باسمها في العلن، إضافة للحقوق التي تمكنها من رفض ما يعرض عليها بدون التعرض لتهم (الدهم والرجرجة) وغيرها أو القهر بالمصطلحات الغريبة وربما هذا هو "المذبح" الذي يوضع عليه المستمع السوداني للقبول مكرهاً بتمرير موس الحلاق البليدة على فروة رأسه مع إهمال الجميع للغرض الأصلي من الموسيقى.
دا يعني زي الواحد لما يتعلم السواقة في الريف ويضطر بعد سنة يدخل العاصمة، ويصطدم لأول مرة بعلامات المرور، ويلقى الزحمة ويعرف إنو ما أي محل ممكن يوقف فيهو العربية، ويصادف إنو يزور لندن ويعمل رخصة ويحس بالزهو الكلنا شعرنا بيهو لما تسوق عربية وسط أهل البلد في الغربة، يقوم يرجع العاصمة بتاعة بلده وينتقد سواقة الناس بأنها غلط في غلط لأنو "المفروض" ياخدو الجهة الشمال من الشارع والدركسون "الصاح" يكون باليمين والتكاسي "مفروض" تكون حمراء.
فالمطلوب في المرحلة الحالية ليس "التوزيع" على النسق الكلاسيكي الغربي بمعناه الأكاديمي بل مجرد الاجتهاد في الأمور الفنية المتعلقة بالتسجيل والإخراج وحسن اختيار الأصوات وتجويد توظيفها.
وردي موزع موسيقي
فطالما ينتقل بالفكرة الأولية للحن إلى العود ثم يقرر استخدام الآلات الحديثة حتى لو كانت من خارج الجغرافيا، ويضيف "حلياته" بالبيكولو والقانون فهذا قطعاً توزيع ليس بناء على قواعد الموسيقى الغربية ولكن برؤيته الوجدانية المعبرة كمؤلف للفكرة اللحنية للعمل الموسيقي (theme) وكمحدد لكل اللزمات والإعادات فيه (motif) وكموسيقار قادر على إضافة مقدمة وخاتمة فهذا هو المتعارف عليه محلياً "بالتوزيع".
الفيديو الذي يبين خلاف في طريقة الأداء يعكس مشكلة تواصل وليس مشكلة نوتة فالتدوين لم يكن ليسعف الموقف بأكثر من إظهار الجدية، فالنوتة لا تبين إلا الحد الأدنى من معالم القطعة الموسيقية وفي أفضل الأحوال تعطي مجرد لمحة مصاغة بطريقة إرشادية (imperative) بينما الإبداع متروك للمؤدي والحكم النهائي للمتذوق.
فعندما يشير وردي لعازف الساكسفون (غنا غنا) وهو لا يتحدث عن تأدية اللحن بل التعبير الموسيقي (expressiveness) وبالضبط ما يعرف باللهج (intonation) غير المتوفرة بالعمق الكافي في آلة الساكس لأنها ببساطة آلة غربية تعبر عن نوع مختلف تماماً من المشاعر بينما الفلوت أقرب للناي وهو أقدم آلة شائعة (وليس لأن ه يعبر عن الميلودي أفضل فالساكس يعبر كذلك لكن عن وجدان مختلف) هذا ببساطة ما جعل وردي يعلق (أيوة كدة) الناي موجود في كل القارات بأشكال مختلفة واختياره من جانب وردي يتسق مع طريقة أداءه عند الغناء بالكلمات مباشرة.
ومسألة التردد في الاختيار بين آلة وأخرى هي ما عنيته بمصطلح النهج التجريبي (experemental approach) وهي الطريقة التي يتم بها عمل الموسيقى السودانية المعبرة عن وجدان أهل المنطقة، أقول هذا مثال ممتاز على اتساق رؤية المؤلف-المؤدي فلو كان وردي نحا إلى الجوانب الأكاديمية في أغنية (الطير المهاجر) لكان أول ما فكر فيه هو أن شكل الفرقة الموسيقية يلزمه باختيار الآلات على غرار المتبع في الغرب بداية بتحديد أنواع الآلات المشاركة في العمل، ثم اختيار المدرج الموسيقي (السلم) مثلاً (Eb) أو (Amin) لأن الأغنية خليط بين الشجن والوطنية والحنين، ثم لانتقل بعدها لإضافة خط تناغمي (هارموني) وحدد له كمية من المترافقات (كوردات) مناسبة "حسب النظرية" ثم أضاف شوية "حركات عكسية" يأخذها من تقنية عمرها يزيد عن 400 سنة ومخصصة للموسيقى الغربية الكلاسيكية، وهذا كله بدون أن يفكر ولو للحظة أنه إنما يعيد و"ينسخ" في أبجديات موسيقى لم تخلق له أو لمستمعيه.
ولقرر بعد ذلك اختيار الكلارنيت أو الأوبوا مثلاً بناء على التأثير الذي يريد فعله من واقع دراستها عند الغربيين ثم لقرر أن الوتريات يجب أن تتضمن التشيلو والبيانو طالما أن اللونية التي يؤديها تصنف إلى البلوز عموماً، ولانتهى إلى محاكاة (imitation) الأسلوب الغربي ولما خرجت أغانية على النحو الذي نعرفه والذي صنع منه فناناً عزيماً وعظيماً في المنطقة.
فما نشهده هنا هو مجرد نزاع تقليدي أتى على هيئة معركة بين الحريص على مجده وبين الساعي لتقدير الذات بوضع اليد عبر العبث بأدوات لم يحسن توظيفها وهذا ما سنراه عند التعليق على (توزيع) أغنية الطير المهاجر من واقع التفاصيل الأخيرة. ______ (*) الباروك: القرن السابع عشر يضع فيه الرجال الشعر المستعار (الباروكة) لإسباغ الوقار.
09-18-2016, 02:44 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
الاخ لوئ والاخ يوسف تحياتى من متابعى الفنان ا لموصلى ومعرفتى به تمتد لسنوات كما معرفتى لوردى الذى تربينا على موسيقاه موصلى بدون القاب يا صديق انت موزع لا يعلى عليه وملحن لا يعلى عليه هذا الشريط الموزع لاغانى وردى كما قال الموصلى ان من اسهم فيه بجانبه الموزع راؤول وهذا البوست فيه الكثير من احقاد شخصية تجاه موصلى كما يتجلى فى الكثير من المداخلات لكن هذا لا يقلل من ان موصلى وضع بصمته فى الغناء السودانى شاء من شاء وابى من ابى ولست منحازة لموصلى ، لكنى انحاز لما قدمه يوسف محمد عثمان الموصلى على المستوى الفنى الغناء على وجه الدقه كملحن والحقائق واضحة وضوح الشمس
09-18-2016, 03:44 PM
Elmosley Elmosley
تاريخ التسجيل: 03-14-2002
مجموع المشاركات: 34683
الزميلة العزيزة سلمى الشيخ سلامة شكرا لك ولكل الذين ساندوني أخير ا وتفهموا المؤامرة ولكن هذه طبخة ممتازة قطع لحمتها لؤي ثم هرب مدعيا انه في مصر وترك الحلة تنضج على نار هادؤة في تكالب ليس على الموصلي بل هلى كل دراسي الموسيقى في السودان وان شاء الله يا لؤي اكون بخير غي مصر "الانترنت" ومنتظرك يا حاتم تفتح بوستك على احر من الجمر
Quote: الاخ لوئ والاخ يوسف تحياتى من متابعى الفنان ا لموصلى ومعرفتى به تمتد لسنوات كما معرفتى لوردى الذى تربينا على موسيقاهموصلى بدون القاب يا صديق انت موزع لا يعلى عليه وملحن لا يعلى عليه هذا الشريط الموزع لاغانى وردى كما قال الموصلى ان من اسهم فيه بجانبه الموزع راؤول وهذا البوست فيه الكثير من احقاد شخصية تجاه موصلى كما يتجلى فى الكثير من المداخلات لكن هذا لا يقلل من ان موصلى وضع بصمته فى الغناء السودانى شاء من شاء وابى من ابى ولست منحازة لموصلى ، لكنى انحاز لما قدمه يوسف محمد عثمان الموصلى على المستوى الفنى الغناء على وجه الدقه كملحن والحقائق واضحة وضوح الشمس
الزميل حاتم انا اليت على نفسي الا أعود الى هذا البوست الذي تركه صاحبه الى غير رجعة ولكنك تطرح موضوع الان وان لم ياتي ذكر اسمي فيه الا أنك تشير اليه تلميحا ونظرا للاخطاء الكثيرة في بحثك هذا "من وجهة الحقائق التاريخية> مثل نسبك اعمال موتسارت لعصر الباروك وكثير من المصطلحات الخاطئة كما ان عصر الباروك هو عصر الكانتربيونت او اللحن المقابل كما تصفه ثانيا النمزذجين الذين اتيت بهما ينضحان به فانني اطلب منك أن تحول موضوعك هذا كله الى بوست جديد وباذن الله نتناقش فيه مع بعض بكل احترام ولكن ان لم تر ذلك فانك حر بالقطع لانني لن أعود الى هنا عموما انا جاهز "طالعني بوست جديد" ههههههه -----------------
موتسارت وبتهوفن عماد وعمود الموسيقى الكلاسيكية وبدايات الرومانتيكية تعلما من عصر الباروك ثم تمردا عليه http://www.biography.com/people/wolfgang-mozart-9417115 Wolfgang Mozart A prolific artist, Austrian composer Wolfgang Mozart created a string of operas, concertos, symphonies and sonatas that profoundly shaped classical music.
Quote: وهما نموذجين لأعمال كلاسيكية من عصر الباروك لا يتضمنان أية ألحان مقابلة (كاونتربوينت) من أي شاكلة، فقط ميلودية (لحن) مع لحن مصاحب، لذلك أرى من الغرابة التلهف على توظيف تلك التقنيات في الموسيقى المحلية بدون هدف واضح، ولشرح المفاهيم علينا أولاً معرفة موقعنا في البداية:
09-18-2016, 04:27 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
الفكرة الجوهرية لمداخلة حاتم ،للأسف الشديد، مسروقة .
يقول مقطع حاتم الملخِّص لجوهر مداخلته: "فالمطلوب في المرحلة الحالية ليس "التوزيع" على النسق الكلاسيكي الغربي بمعناه الأكاديمي بل مجرد الاجتهاد في الأمور الفنية المتعلقة بالتسجيل والإخراج وحسن اختيار الأصوات وتجويد توظيفها".
ومداخلته "منحولة"، من رأي قال به المغني وعضو البورد "طارق أبوعبيدة" في لقاء بجريدة القدس ،بتاريخ "1\4\2015 ،أجراه "صلاح الدين مصطفى".
كان اللقاء بعنوان: "خصوصية الأغنية السودانية لا تحتمل مأزق التوزيع الأكاديمي!
يقول طارق في ذلك اللقاء الصحفي: " لتوصيل الموسيقى – أي موسيقى – يجب ان ننتبه اولا إلى تقنية الصوت لانه اذا لم يتم ترتيبها بشكل جيد تضيع المجهود الموسيقي كله.
مسآلة التوزيع الموسيقي فيها قولان لان بعض موسيقانا السودانية لا يجب بالضرورة توزيعها بالشكل الأكاديمي المعروف، هناك الكثير من الالحان السودانية تحمل خصوصية موسيقية لا تحتمل حشدها
او حشوها او حشرها في مازق التوزيع الموسيقي الاكاديمي المعروف.
في العموم انا اعتقد ان النقطة الجوهرية التي تساعد على توصيل موسيقانا بشكل – مفهوم – هي ضبط تقنية الصوت سواء كان ذلك في الحفلات المفتوحة او في الاستوديوهات".
09-18-2016, 04:18 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
إضافة لما سبق، فإن من ضمن مشاكلنا أيضاً الفهم غير المتعمق لمباديء التقابل اللحني (الكاونتربوينت)
فليس كل لحن مصاحب (accompaniment) يحسب لحن مقابل، وهذا قطعاً يقود إلى الفهم الخاطيء لكل ما ينبني عليه من تقنيات التأليف النظرية القائمة على النسخ (imitation) بكل أصنافه.
الثانية 50 Piano Sonata No.16 in C major, not counterpoint, just broken chords harmoney.
الثانية 1:38 Chopin E minor Prelude, not counterpoint, just accompaniment.
http://www.studio-mozart.com/mozart/pdf/SonataNo16.PDF http://www.gmajormusictheory.org/Freebies/Intermediate/Chopin/Chop-28-4-let.pdfhttp://www.gmajormusictheory.org/Freebies/Intermediate/Chopin/Chop-28-4-let.pdf _____ فيبدو أني سأضطر للشرح بإفاضة في مقدمة مداخلتي القادمة.
09-18-2016, 05:02 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
أخي أسامة إذا طبقنا مبدأ الانتحال الذي بينته في مادخلتك أعلاه، سنجد أن كل ما كتبته وستكتبه منتحلا، فلا يمكن التواصل بين الناس إلا من خلال استخدام كلمات عبارات وحتى جمل متعارف عليها وتم استخدامها من قبل. ما اقتبسته من حاتم وقارنته بما ورد على لسان طارق لا وجه فيه للانتحال أو السرقة الأدبية، والرأي الذي أورده حاتم حول الموسيقى السودانية ليس بالضرورة رأيا متفردا لم يسبقه إليه أحد من قبل ويكفي أنه أورد رأيه/فكرته بأسلوبه الخاص، فهذا يعني - في أسوأ الفروض - أنه قرأ وفهم وعبر. ولكأنه لم ينتحل، خاصة وأنه بيّن مدى علاقته بالموسيقى وهي العلاقة التي تأهله لتقديم رأي لا يقل عن رأي الفنان طارق باعتباره من أهل الموسيقى.
Quote: فالمثال الذي ورد في احدي المداخلات من ان الراحل وردي كان (يحتد) مع عازف لم يؤدي (صولو) بالطريقة التي يراها وردي دليل علي مانقول ، وايضا دليل علي ان الراحل وردي رغم قدراته الموسيقية الكبيره الا انه يعتمد علي (الفطره) في (تسيير) شئون موسيقاه! فالاعمال لم تكن منوته ، وتم تحويل ال(صولو) الي اله اخري لحظيا (ويمكن ان نقول هذه موسيقاهو وهو حر فيها) فاليكن .. ولكن ان يضطر الي اللت والعجن مع عازف ليس امامه نوته ، هذه المشكله - فلا اعتقد نموذج غناء وردي يمكن تصنيفه ب(الجاز) والذي في معظم الاحوال ينوت بدوره .
مايكل جاكسون أيضاً يعتمد على "الفطرة" ولا يقدم "نوتة" إلى العازفين بل يدندن فهو لا يقرأ النوتة ولا يكتبها
مرحبا أخ خالد كودي يؤلف كل الأغنية بلحنها وإيقاعها ولحنها المصاحب والهارموني والكوردات والآلات ويقلدها للعازفين ويقوموا هم بالباقي، كتابة النوتة ليست إبداع وينبغي ألا تكون مصدر "فخر" لأي "موسيقار" هنا، هذا ما شرحه مايكل في المحكمة في الفيديو الثاني، غني وقلد الموسيقى. سأله القاضي هل تقرأ النوتة؟ فأجاب: لا، ولا اعتقد أن هذا ضروري. المحكمة تحولت إلى جلسة فنية.
مشكلتنا يا أخ خالد إنو الموسيقيين بتاعننا بيلقفوا بدون فرز، الواحد بيفتش على مصطلح غميس عشان يكاوي بيهو زملانو، دا الهدف. المصدر:
If you've ever heard the below early demo of 'Beat It', you'll know Michael Jackson's extraordinary process of writing songs - by building each element of a track with his voice. Every note of every chord, harmony, melody, bass and even the rhythm through beat-boxing. The full harmonies will blow your mind:
Jackson couldn't read or write music at all. Contrary to received wisdom, he could play instruments a bit - he's credited as playing keyboard, synthesizer, guitar, drums and percussion on 'HIStory' - but none proficiently. He didn't have any formal composition training, though one could say he was trained harder than any other performer by his father.
But just as Mozart could hear whole symphonies in his head, Jackson fully realised his songs before they were put down on paper. "The lyrics, the strings, the chords, everything comes at the moment like a gift that is put right into your head and that's how I hear it," said Jackson during the 'Dangerous' court case of 1994.
A top team of engineers and producers would work on the tracks that he brought into the studio but even they were wowed by his genius. Rob Hoffman, sound engineer, describes the process (h/t Rhythm Of The Tide):
"One morning MJ came in with a new song he had written overnight. We called in a guitar player, and Michael sang every note of every chord to him. “'Here’s the first chord, first note, second note, third note. Here’s the second chord first note, second note, third note', etc etc. We then witnessed him giving the most heartfelt and profound vocal performance, live in the control room through an SM57," says Hoffman.
"He would sing us an entire string arrangement, every part. Steve Porcaro once told me he witnessed MJ doing that with the string section in the room. Had it all in his head, harmony and everything. Not just little eight bar loop ideas. He would actually sing the entire arrangement into a micro-cassette recorder complete with stops and fills."
One of the most interesting and revealing interviews about the way Jackson crafted his work is the audio from the 'Dangerous' court case. Songwriter Crystal Cartier took him to court for plagiarism and during the trial Jackson was asked to describe his song-writing process. "I'll just sing the bass part into the tape recorder," he said between snips of sung melody, totally pitch perfect. "I'll take that bass lick and put the chords of the melody over the bass lick and that's what inspires the melody," he explained, before beat-boxing in court.
On Billie Jean he says: "Listen, you're hearing four basses on there, doing four different personalities, and that's what gives it character, but it takes a lot of work." At this point he had written a couple of hundred songs and said he'd usually be working on five songs at any one time. It's well worth listening to the 10 minutes of the trial in the video above if you want to know more.
Here’s another example of Jackson's ability to beatbox to show how he created ‘Tabloid Junkie’. It's from an interview with Diane Sawyer in 1995 (h/t MJ World) and you won't believe the sound's made by man not machine:
Of course, you don't need to be formally trained in music to be a successful artist. Paul McCartney has sold over 100 million records without learning how to notate. There are loads of ways musicians have found inventive methods to write songs without being able to actually pen down the chords - or if they just fancied going off the traditional path. You've got John Lennon assembling 10 people with pencils used to loop different sonic elements for 'Revolution 9'. Then there's Radiohead 'Idioteque' with a backbone made from a snippet of a recording Jonny Greenwood gave Thom Yorke (Greenwood's the only trained musician in the group). "There was this section of about 40 seconds long in the middle of it that was absolute genius, and I just cut that up and that was it," explained Yorke. Other examples include OMD who created their own notation system early on and Jason Pierce, Spiritualized's lead singer, who wrote all the orchestral parts for 'Let It Come Down' by singing them into a portable tape recorder. Ian McCulloch wrote 'The Killing Moon' by inverting the chords to David Bowie 'Space Oddity' and Goldie basically draws his tracks, using weird diagrams and squares and squiggles to write - watch this episode of Producers House, it's amazing.
Jackson created some of the greatest pop anthems of all time. As anyone who's tried to write a song will know, it's pretty damn hard, even if you have some grasp of chords. That he managed so amazingly without only adds to the sense that what MJ had was a special, special gift. ______ مع ذلك فهو مايكل، بدون تعريف، لم نسمع منه كلمة نابية ولا حركة عكسية واحدة.
09-19-2016, 01:53 AM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
الاخ حاتم، تحياتي، شكرا لهذه للكتابه الغنيه. انا اود كتابه بوست عن الموسيقار الراحل حمزه علاء الدين ، اعتقد انه الوحيد الذي ادخل الموسيقي (السودانيه) الي العالميه (وان كانت العالميه البديله وليس المينستريم) ياريت تنقل مشاركاتك الي البوست بوست حمزه علاء الدين او اي بوست اخر.
تحياتي للجميع.
09-19-2016, 03:46 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3453
يا حاتم، يا أخي، مداخلاتك الأخيرة دي، نقلتني من مود دبرسة شديدة إلى مود بهجة عجيبة، خاصة الجزء الذي تحدثت فيهو عن مايكل؟؟ يا أخي، الفديوهات خلتني لأول مرة أستوعب بشكل عملي سبب إشتقاق كلمة موسيقى من كلمة muse تخيلت مايكل إله للموسيقى والإلهام
الله يعرّس ليك
09-19-2016, 05:07 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24982
نعم يامستنير حاتم ماشاء الله عليه مداخلاته تبعث البهجة في النفس مجضَم شغله لدرجة انك تتخيل نفسك قاعد في قاعة محاضرة وليس بورد غالبية أهله من العنقالة والمناتلين الذين يستلذون بالتنظير في ما لا يعرفون تحية ليك ولحاتم وحبيبنا كودي .
09-19-2016, 08:19 AM
Omer Abdalla Omer Omer Abdalla Omer
تاريخ التسجيل: 03-02-2004
مجموع المشاركات: 4072
" يا حاتم، يا أخي، مداخلاتك الأخيرة دي، نقلتني من مود دبرسة شديدة إلى مود بهجة عجيبة، خاصة الجزء الذي تحدثت فيهو عن مايكل؟؟ يا أخي، الفديوهات خلتني لأول مرة أستوعب بشكل عملي سبب إشتقاق كلمة موسيقى من كلمة muse تخيلت مايكل إله للموسيقى والإلهام
الله يعرّس ليك" شكرا يالمستنير و هكذا يثبت حاتم نفسه كل يوم ثم لا يصف نفسه بالاستاذ و لا المبدع حاتم. الناس تتابع كتابته بشغف و بصراحة الراجل موهوب و كذلك مجتهد.. كل يوم كذلك تثبت الأيام أن مايكل جاكسون كان من أنبياء الموسيقى و يسمعها في راسه كالوحي.. الموسيقى عنده وحي!! من عندالله.. هكذا كان دائما يقول.. أما أسامة الخواض فقد أبدى تهافتا لو قسم لكل اهل البورد هذا لكفاهم بقية التدهر.. قال منحولة قال!
Quote: يا حاتم الخواض ما لاقي ليك جيب يدس فيهو المحفظة المسروقة ؛)
كيفك يا ياسر، الجيب ما بيلقاهو فيني
أهو شايفو درع "المعروضات" في رقبتي أظن "الدليل" بتاعو إنو مافي علامة اقتباس. الغريبة أنا كتبتها بوضوح. وقلت: (أعمل على وضع توضيحات مع نماذج مقارنة بين التسجيلين، من باب التعاون على نشر المعرفة)، يعني: حاتم شغال بيعمل في توضيحات مع نماذج "للإضافات" المرصودة دي، فقلنا نثبتها في مكانها أول، خشية الملاواة.
هسع لو داير تنحر ليك ماسورة مش بتربطها في المنجلة أول؟ شوف ليك جنس خلعات. ____ الخواد دا طلع شرلوك ساكت، شرلوك هولمز يعني، باحث عن أي حاجة.
09-23-2016, 10:50 AM
امير بوب امير بوب
تاريخ التسجيل: 01-02-2013
مجموع المشاركات: 1552
الأخ اسامة الخواض أتمني ان تربأ بنفسك عن هذا الدور السمح ما ممكن ياخ شايل دلوكتك و حايم بيها الشغلانة بقت ظاهرة و مسيخة ! انت تحاول بما أُوتيت من قوة النيل من الأخ حاتم بالحق او بالباطل انتصاراً لنفسك او لصديقك و أراك تستميت في ان تجد فٓرٓقٓة تثبت بها جهل الرجل لتحقق إنتصاراً وهمياً في معركة من بنات أفكاركما ! ... حاتم انا لا أعرفه و لكني احترم آراءه و إجتهاداته و هو من القلائل الذين يبذلون جهداً فيما يُطرح. كما انه ليس لي شرف معرفتك إلا من خلال ما تكتب ... و لكني بصراحة لم احترم محاولتك ان تكون أكثر مُلكاً من الملك و تشيل وش القباحة أحياناً في أمر لا يخصّك بصورة مباشرة ... حتي انطبق عليكما ( شكّارتا دلّاكتا) ! فرق كبير يا شاعر بين التمترس خلف رأي حصيف و مساندة لفكرة وإبداء رأي نقدي محايد و بين الاصطفاف لنصرة صديق و لو علي حساب الحقائق ! و بين ... شكّير الرجال !
09-23-2016, 04:08 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
Quote: الأخ اسامة الخواض أتمني ان تربأ بنفسك عن هذا الدور السمح ما ممكن ياخ شايل دلوكتك و حايم بيها الشغلانة بقت ظاهرة و مسيخة ! انت تحاول بما أُوتيت من قوة النيل من الأخ حاتم بالحق او بالباطل انتصاراً لنفسك او لصديقك و أراك تستميت في ان تجد فٓرٓقٓة تثبت بها جهل الرجل لتحقق إنتصاراً وهمياً في معركة من بنات أفكاركما ! ... حاتم انا لا أعرفه و لكني احترم آراءه و إجتهاداته و هو من القلائل الذين يبذلون جهداً فيما يُطرح. كما انه ليس لي شرف معرفتك إلا من خلال ما تكتب ... و لكني بصراحة لم احترم محاولتك ان تكون أكثر مُلكاً من الملك و تشيل وش القباحة أحياناً في أمر لا يخصّك بصورة مباشرة ... حتي انطبق عليكما ( شكّارتا دلّاكتا) ! فرق كبير يا شاعر بين التمترس خلف رأي حصيف و مساندة لفكرة وإبداء رأي نقدي محايد و بين الاصطفاف لنصرة صديق و لو علي حساب الحقائق ! و بين ... شكّير الرجال !
معركة من بنات افكاركما!!!!!!! عزيزي أمير هل حصل شفتني تداخلت مع حاتم ده في بوست حقو؟؟؟؟ فتش وجيب حاتم يلاحقني في كل بوستاتي كمحاولة "لبلابية للتسلق" بعدين فعلا هو مجتهد مع قوقل اجتهاد شديد لكن في الموسيقى دي ما عندو التكتح والبغيظني انو المسألة دي فايته على الكثيرين هسع نمسك مسالة التحليل دي شنو حكاية يلقط تحليلي "لانو ما موجود في قوقل"وما يشير ليهو وكمان يصدر حكم على شخصي من خلاله وين العدل هنا يا أمير؟؟؟ وين شوفكم؟؟؟؟ انا عرفت انو قوقلابي لاني كلما ازرو في حاجة ليس لحبيبو قوقل علاقة بها فانه يقف ذاهلا وبلا حراك ومرة غلط ودق سدروا قبل عدة اشهر وقال حيكتب نوتة أغنيتي "الكلام القالو عنك متحديا" ثم نام نوم العوافي ببساطة لانها غير موجودة في قوقل اها عشان خاطرك يا امير انا بقول لحاتم
أوفي بتحديك فيما يختص بالكلام القالو عنك وانا ابصم ليك بالعشرة اها يا امير بوب خش معاي في الطلب ده وتاني حاتم ما بيسمع مني غير جميل الكلام أوعدك
09-23-2016, 04:38 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
سلام أستاذ موصلي و شكراً علي التعقيب و المداخلة و لكن دعني اختلف معك في حتّة انو حاتم مستقصدك دي انا من خلال متابعتي لما يكتبه حاتم ابراهيم توصلت الي انه زول عكليتة و من النوع البحكها لمّن تجيب الدم و يحاول تصحيح بعض الأشياء التي يراها غير سليمة وفقاً لوجهة نظره ، و يستميت في الدفاع عن وجهة النظر هذه من خلال بذل مجهود خرافي من البحث و التدقيق و الأتيان بكافة الأشياء التي تدعم وجهة نظره تلك ولهذا يري الكثيرون هنا انه شخص مجتهد و مكرّب شغلو كويس و إن كان لايعني بالشخوص في حد ذاتها و ليس إستهدافاً لشخص بعينه و لكن إستهداف لما يراه خطأ حسب رأيه و من خلال هذا الطرح فإن حاتم قد يلجأ للمخاشنة أحياناً و لإستفزاز الطرف الآخر في معظم الأحايين ! و من خلال قراءاتي لبعض مساهمات الرجل فإنني اتفق معه في الكثير و إن كنت اختلف معه في الاسلوب. و بنظره سريعة لمساهمات حاتم المختلفة تجده قد خاض نفس المعركة في بوست ابولو و في محاولة تصديه للأخ محمد مختار حول موضوع الدرون و غيرها من الموضوعات إذن حسب ما أراه انا فإن حاتم يستهدف فكرة او طرح معين و يجادل فيه بكل ما أُوتِي من قوة ولكني لا أري في الأمر إستهداف للشخوص في حد ذاتهم و إلا باعتبارنا نقاش حاتم السابق حول ابولو او الزراعة الطائرة فيه إستهداف للباشمهندس محمد مختار و هكذا دواليك... ولذلك أشرت مسبقًا الي انها معركة من جانبهما من غير معترك ! بإختصار لا اري ان حاتم قد إستهدفك كالموصلي و لكنه استهدف بعض ما طرحته و أعتقد انه كان سيسلك نفس السلوك لو ان هذا الطرح أتي من شخص آخر! النقطة الثانية .. اري الكثيرين من الذين يختلفون مع حاتم يعيبون عليه إستخدام قوقل و يعايرونه بذلك و كأنها منقٓصة و انت يا إستاذ موصلي من ضمن هؤلاء رغم ان قوقل يعتبر اليوم من مصادر العلوم المعتبرة و يعتبر وسيلة معرفية أساسية و صار الإستخدام الإحترافي لقوقل يحتاج لدراسة في حد ذاته و الآن تقدّم العديد من الكورسات و الدرجات في كيفية الاستخدام الأمثل و العلمي لخدمات قوقل يعني ما كل زول بيعرف يُوظَّف خدمات قوقل و توظيفها التوظيف السليم الذي يخدم معارفه ، إذن لا اري في استخدام قوقل أي نقيصة ! فليس العيب ان تستعين بقوقل و لكن الأهم هو كيف تستخدمه للحصول علي المعلومة الصحيحة ومن مصادر موثوقة. كان بإمكانك يا أستاذ موصلي ان تجيب علي أسئلة الأخ حاتم بتلقائية شديدة و تجادله الحجة بالحجة بل و تدحض طرحه بصورة علمية و منهجية و تبيّن جهله بالموسيقي كما تعتقد بدلاً عن تحويل الأمر لمعركة شخصية و القول بالتتبُع و الاستهداف الشخصي لك ! و من ثم تأتي جوقة الإسناد و محاولة تصوير الأمر و كأنه إستهداف و تنبري لإثبات جهل حاتم و تطاوله حسب وجهة نظرهم لقامة بحجم الموصلي ! قد يكون حاتم بايخ في أسلوبه احياناً .. و ربما مستفز جدا ... و كتّال كلاب و لكن للرجل ما يقوله ... فلماذا لا تستمعان له و تقارعانه الحجة بالحجة بدلاً عن الورجغة البعمل فيها الخواض دي !! بالمناسبة ، حاتم كما سبق وان ذكرت لا أعرفه ... و لا دخل لي فيما يكتب و عن تحديه في كتابة نوتة الكلام القالو عنك ، ما يهمني فقط هو الإصطفاف الأهوج الذي يمارسه أسامة الخواض حتي صار شايل يفجرون و واهب نفسو للدفاع عنك و للبحث عن سقطات للأخ حاتم يقنع بها نفسه بإنتصار وهمي لك و له ! صدّقني ما يفعله الخواض يعتبر خصماً عليك ... و يجعلك تبدو في موقف ضعيف علي عكس ما يعتقد هو ...!!
09-23-2016, 07:44 PM
Omer Abdalla Omer Omer Abdalla Omer
تاريخ التسجيل: 03-02-2004
مجموع المشاركات: 4072
Quote: شايل يفجرون و واهب نفسو للدفاع عنك و للبحث عن سقطات للأخ حاتم يقنع بها نفسه بإنتصار وهمي لك و له !صدّقني ما يفعله الخواض يعتبر خصماً عليك ... و يجعلك تبدو في موقف ضعيف علي عكس ما يعتقد هو ...!!
ياسيدي امير يبدو انك غير متابعأي بوست كتب عن الموصلي أو نودي فيه للموصلي هو بيجي يبقي سيدو اكتر من الموصلي لو محتاج انا بجمعهم ليك هنا تشوفهم براك ----- هذه واحدة ثانيا هذا البوست كتبه لؤي اتهمني فيهثم تركه ليقينه بان كلامه لم يكن صحيحا خصوصابعد أن جاءه الكلام من اسياد اللحم والراس الذين شاركوهادية طلسم واحمد باص وعثمان مبارك ثالثا علمت من مصادر موثوقة بان الليندي سأل بعض الذين شاركوا غيرر المذكورين هناوخبروه الحقيقة بما يتطابق وروايتيواحتمال يكون كلم لؤي المهمسيد البوست انسحب من مدة طويلة والزول الاتعمل فيه البوست قال ما داير يجي تاني اها عجوبة الخربت سوبا مالها بعدين انا ما بتاع قوقل بمشي لي قوقل لمن في حاجات داير اعرفها او ما عندي كتوثيق اما حاتم فهوطبيب عالم فضاء عالم علوم عالم هندسة عالم لغة وموسيقى خصوصا تخصصي التأليف الموسيقي وووووووو الخ وواحدة من ديل ما قاعدة في راسو الا بواسطة الشيخ قوقل لكن اعرف بانه صبور ومثابر مع قوقل وربما يكون تخصصه الكومبيوتر وده انا جاهل فيهو ربما انه متفرغ للنوع ده من الشغل خصوصا في السودان حيث "الجداد الاليكتروني"
أستاذ موصلي سلام من خلال متابعتي للبورد ... لا أعتقد ان للأخ حاتم علاقة بالجداد الإلكتروني كما ألمحت و هذا رأي شخصي جداً غير مبني علي معلومات ! بغض النظر عمّن يكون الرجل و ماهو تخصصه و هل هو دارس للموسيقي ام هاوي او متلقّي حجج ساي كما تقول كنت أتمني ان تناقشه نقاش علمي فيما يطرح بغض النظر عن مصدره ان كان قوقل او غيره و ذلك لمصلحة الحوار و إثراء الساحة لفائدتنا نحن القراء و المتابعين.... فإن كان ما يطرحه حاتم محض هُراء فبالإمكان حسمه علمياً بكل سهولة و دحض وجهة نظره و من ثم تصحيح طرحه الذي يتبناه و هكذا تعم الفائدة و تكون قد ألقمت الرجل حجراً إذا كان يهرف فيما لا يعرف ... او يستطيع هو ان يدعم وجهة نظره المخالفة لك و أيضاً تعم الفائدة لنا كجربندية ساكت و يتم تبادل المعارف بينكما كمختصين في المجال بدون تحديات و بدون غالب و مغلوب! أعتقد ان شخصنة الأمر ذهب به الي منحي آخر و فوّت علينا فرصة الاستمتاع بنقاش هادف و مسئول. عموماً نحن الخسرانين !
سلام
09-24-2016, 04:41 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
رحم الله المبدع محمد وردي .. دكتور الموصلي .. يا دكتور تاريخك لم يكتب بعد ولكن قطعا بصماتك وإسهاماتك العالية إن لم يكن الآن فسوف يكون لها شأنها بين الأجيال الصاعدة في المجال .. متعك الله بالعافية وكلل خطواتك الابداعية بالنجاح .
09-24-2016, 05:07 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3453
قبل أيام لخوني لخ شديد في واحد من البوستات جا الخواض داخل قال: استمتع برائحة الشواء الآدمي جيت هنا لقيت حاتم قال ليهو: راسك ذاتو ما فيهو مخ قلت: يكون خوخو هسع مستمتع بريحة شواء اضانو!
09-24-2016, 05:33 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: رحم الله المبدع محمد وردي .. دكتور الموصلي .. يا دكتور تاريخك لم يكتب بعد ولكن قطعا بصماتك وإسهاماتك العالية إن لم يكن الآن فسوف يكون لها شأنها بين الأجيال الصاعدة في المجال .. متعك الله بالعافية وكلل خطواتك الابداعية بالنجاح
حبيبنا محمد علي طه المك احترامنا جميعا لوردي وخصوصا شخصي خلقه وردي بابداعه غير المحدود تعلمت منه انا شخصيا في المدرسة الاولية الخرطوم غرب واحد ولحنت به اناشيد بالعربية في حصص العربي ثم تحاببنا وتصادقنا وتعاونا بعد أن شب بي الطوق --------------- مشكلة بعض السودانيين أنهم لا يحتملون أن يختلف المبدعون مع فنانهم النموذج والغريبة أن وردي أ متقدم عن هؤلاء بفراسخ ولدي الكثير من الحكايات معه والوثائق هذا ليس وقتها وردي فنان عظيم نعم ولكنه انسان ايضا يخطئ ويصيب ويجوك ناس اما حبا في الظهور او للكيد يلفو ويدوروا كما يحلو لهم في موضوع تم حسمه بخروج صاحبه نفسه الذي فتح البوست لعلمه يقينا باتضاح الحقيقة عليك الله ياقريبي شوف البوست ده وصل وين؟؟؟ تحياتي واحترامي ووردي مهما كان خلافنا فسيظل استاذي الذي لن ينمحي من ذاكرتي بكيفي أو غير كيفي
09-24-2016, 05:44 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: أستاذ موصلي سلام من خلال متابعتي للبورد ... لا أعتقد ان للأخ حاتم علاقة بالجداد الإلكتروني كما ألمحت و هذا رأي شخصي جداً غير مبني علي معلومات ! بغض النظر عمّن يكون الرجل و ماهو تخصصه و هل هو دارس للموسيقي ام هاوي او متلقّي حجج ساي كما تقول كنت أتمني ان تناقشه نقاش علمي فيما يطرح بغض النظر عن مصدره ان كان قوقل او غيره و ذلك لمصلحة الحوار و إثراء الساحة لفائدتنا نحن القراء و المتابعين.... فإن كان ما يطرحه حاتم محض هُراء فبالإمكان حسمه علمياً بكل سهولة و دحض وجهة نظره و من ثم تصحيح طرحه الذي يتبناه و هكذا تعم الفائدة و تكون قد ألقمت الرجل حجراً إذا كان يهرف فيما لا يعرف ... او يستطيع هو ان يدعم وجهة نظره المخالفة لك و أيضاً تعم الفائدة لنا كجربندية ساكت و يتم تبادل المعارف بينكما كمختصين في المجال بدون تحديات و بدون غالب و مغلوب! أعتقد ان شخصنة الأمر ذهب به الي منحي آخر و فوّت علينا فرصة الاستمتاع بنقاش هادف و مسئول. عموماً نحن الخسرانين !
حبيبنا امير والله كلامك كلام عقل وانا طلبت منه ان ينقل وجهة نظره حول الموضوع الفني في الاغنية الى بوست جديد لنتحاور فيه ويستفيد الناس لانني كنت قد نوهت الى أنني لن أعود الى هنا ولكنه لم يرد بل تمادى مستغلا غيبتي مما اضطرني للعودة لردعه فيما يفعل وكما قلت لك ما الداعي له أن يستمر حفره في بوست تركه صاحبه بعدخمسة ايام من انزاله؟؟؟ فقط لان البوست عندو قراء كثر فاقوا الثلاثين الفا كان ممكن التاني يكون له قراء كثر ايضا ولكن لشئ في نفس يعقوب تجاهل طلبي متعمدا ليستمر في الايذاء هسع خليهو يفتح بوست جديد وانا باخد اجازة من الشغل اتفرغ له ليستفيد القراء هنا ونتعاهد هلى الحوار المتحضر لك التقدير على مشاركاتك المتحضرة وخلافك الرزين وهذا نموذك نحتاجه كثيرا هنا
09-24-2016, 06:09 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
يا اسامة الخواض دعك من جامعة الجزيرة التي تخرجت منها ... و خلينا في المفيد انا لم اتعدّي عليك في شيء ... كل ما هناك انني أقوم بتوصيف الدور الذي تقوم به و هو مما لم أعهده من قبل ! ... طالما انك غير متخصص في الموسيقي و هي غير مجالك ، فكان من باب أولي ان تترك استاذ الموصلي ينبري لمواجهة حاتم و لا اعتقد تنقصه القدرة علي تحديد خياراته إما بالخوض في الجدال الدائر و تفنيد أسئلة حاتم و إما بتجاهله و عدم التداخل معه ان رأي ذلك ! بمعني آخر ، خلّي الراجل يحدد خياراته. ما لا أفهمه صراحةً هو إصرارك الغريب علي حشر نفسك في الأمر و محاولتك لتبخيس ما يطرحه حاتم بل و تعدي الأمر لتصويره مرة علي انه يغرف من قوقل ليس إلا و مرة عاوز تطلعوا حرامي و مرة شبح إسفيري ! كل ذلك متزامناً مع محاولة بلهاء لتلميع الموصلي ( ولا أعتقد انه في حوجة لذلك)و محاولة إثبات أشياء هي معلومة بالضرورة ! هذا الدور السمج الذي تقوم به هو ما لا استطيع ان اجد له توصيف سوي انه نوع من دق الطار او الدلوكة ... وهو أقرب عندي لتشكير الرجال و إن إمتعضتٓ ! .... تقول إعتبراني عابر ! عابر كيف يا زول و انت حاشر نفسك بين البصلة و قشرتا و متدرّع الموضوع و أحيانا شايل وش القباحة أكثر من صاحب الأمر ! أعتقد السعوديين في الحالة دي بقولوا الزول دا ملقوف ! ... و دا توصيف قد يكون اخف وقعاً من سابقه.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عزيز
Elmosley
عباس الدسيس
د.محمد بابكر
جلالدونا
محمد اسماعيل موسي
Khalid Kodi
عبدالمنعم الطيب حسن
Osama Siddig
bakri abdalla
حامد بدري
MAHJOOP ALI
ناصر احمد الامين
علي دفع الله
حيدر حسن ميرغني
نزار عبد الوهاب
حاتم إبراهيم
سلمى الشيخ سلامة
osama elkhawad
محمد الأمين موسى
Omer Abdalla Omer
WIDTH=710 HEIGHT=510>
Yassir Tayfour
محمد على طه الملك
فيس بوك
تويتر
انستقرام
يوتيوب
بنتيريست