|
|
 Re: سؤال لناس ماليزيا: ماهي أفضل الجامعات للد� (Re: Elfadil Sabeil)
|
أولاً أتأسف جداً لعدم تمكني من الرجوع للمنبر خلال اليومين الفاتوا لظروف طارئة!
وللأسف ما كنت أوضحت عما إذا كان بحثي عن الدراسة الجامعية أو الفوق جامعية.
عموماً أتقدم بخالص إمتناني وتقديري لكل الأحباب المشاركين بالبوست .. أجمل شئ
في منبرنا دا هو وجود زملاء في كل بلاد العالم، يعني الزول متأكد إنوا بلقى النجيضة.
Quote: بالرغم من انني لست من أهل ماليزيا
ولكني زرت البلد كثيرا و أزعم انني اعرف القليل عن جامعاتها
وما سمعته عن الجامعة التكنولوجية الماليزية بمدينة جوهور ( UTM)
يؤكد انها احد أفضل ان لم تكن الأفضل لدراسة الهندسة بذلك البلد |
الأخ العزيز زكريا أشكرك كتير يا حبيب على مروك الكريم والمعلومة القيمة ..
طبعاً حاولت أعمل شفت واقوقل ولقيت أعداد ضخمة جداً لجامعات هناك
وأحترت حيرة شديدة! :) ماقصرت ياخي شكرا تاني ليك..
Quote: كثير من الجامعات الخاصة والحكوميه هنا كويسه ولكن بدات هنا بعض الجامعات تطلب توفل كشرط للقبول
بالنسبة لي انا جامعة سي جي كويسة ايضا |
أخونا العزيز أسامة خليفة،، تحياتي وإحترامي ..
من كترت الجامعات الماليزية المبذولة في النت أتمحنت وقربت أنسى
الموضوع هههههه.. شكراً كتير وياريت لو أديتني تفاصيل أكتر متى
ما يتاح لك الوقت عن الجامعات الـ Undergraduate Program
مع خالص تحياتي ..
Quote:
Universiti Tenaga Nasional
اعلاه من الجامعات الجيدة في مجال الهندسة وابن اخي يدرس بها الهندسة الكهرباىية
وقد زرتها بنفسي هي خيار جيد في راي
Universiti Putra Malaysia
ايضا خيار جيد
خصوصا للدراسات العليا |
أخونا العزيز جمال سلامات ،، فعلاً أثناء قوقلتي مر على كذا مرة إسم Tenaga،
وإسم جامعة Putra .. وجامعة Curtin و Infrastructure University و Monash
أنا ببحث لأبن أخي عن الخيارات المتاحة هناك لدراسة الكهرباء أو الميكانيكا. واكون
ممنون جداً ياعزيزي لو أديتني تفاصيل أكتر عن متطلباتهم الأكاديمية زي توفل
أو الجي أر إي ، أو الـ IELTS، وكمان التكلفة للعام الدراسي.. يمكنك مراسلتي
على الأيميل: [email protected] كتر خيرك كتير يا حبيب..
| Quote: لو كان الافضلية مع الاسعار بيكون افضل |
شكراً أخي طارق أبوالفضل .. صحيح يا حبيب من المهم الزول يعرف التكلفة عشان
يقدر يفاضل بين الجامعات الكتيرة دي :) .. كتر خيرك يا حبيب.
Quote:
سلامات أخي الجامعات في ماليزيا ذات مستويات مختلفة. منها الحكومية و الخاصة
افضل الجامعات هي حكومية ذات تصنيف عالمي
UTM
UKM
USM
UPM
UM
|
أخي العزيز الفاضل، إحترامي وتقديري ..
ياسلام عليك يأخي أديتني معلومات قيمة جداً وأكيد حتوفر علي جهد كبير ..
أنا ببحث لإبن أخي لدراسة البكالريوس في الكهرباء أو الميكانيكا..
وانا مثلك بفضل الجامعات الحكومية أكتر من الخاصة ولكن تفاجئت بالنسب
الخرافية دي ، ولدنا جايب فوق الـ ٨٨٪ لكن ماقدر دا. حسب كلامك خياراتنا
حتكون في الجامعات الخاصة بس !! طيب شايف معظم الجامعات الخاصة
أسترالية، أو بريطانية، ياريت لو تديني معلومات اكتر عنها عشان نعرف نقبل
على وين، برضوا في خيار للدراسة في الصين لكن اللغة هناك مشكلة!! برغم
انوا الدراسة عندهم برضوا بالانكليزية لكن إنكليزيهم أبو 18 VOWELS لا
بودي ولا بجيب :) .. كتر خيرك كتير وأرجوا مراسلتي على الإيميل أعلاه.
|
|
 
|
|
|
|
|
| العنوان |
الكاتب |
Date |
 سؤال لناس ماليزيا: ماهي أفضل الجامعات للدراسات الهندسية؟؟ | Ahmed Alim | 08-14-16, 04:09 AM |
| Re: سؤال لناس ماليزيا: ماهي أفضل الجامعات للد� | Zakaria Fadel | 08-14-16, 05:18 AM |
| Re: سؤال لناس ماليزيا: ماهي أفضل الجامعات للد� | اسامه خليفه | 08-14-16, 08:45 AM |
| Re: سؤال لناس ماليزيا: ماهي أفضل الجامعات للد� | جمال الباقر | 08-14-16, 01:17 PM |
| Re: سؤال لناس ماليزيا: ماهي أفضل الجامعات للد� | طارق ابراهيم ابوالفضل | 08-14-16, 01:34 PM |
| Re: سؤال لناس ماليزيا: ماهي أفضل الجامعات للد� | Elfadil Sabeil | 08-14-16, 01:42 PM |
| Re: سؤال لناس ماليزيا: ماهي أفضل الجامعات للد� | Ahmed Alim | 08-15-16, 09:22 AM |
| Re: سؤال لناس ماليزيا: ماهي أفضل الجامعات للد� | جمال الباقر | 08-15-16, 12:57 PM |
| Re: سؤال لناس ماليزيا: ماهي أفضل الجامعات للد� | Elfadil Sabeil | 08-15-16, 02:22 PM |
| Re: سؤال لناس ماليزيا: ماهي أفضل الجامعات للد� | Elfadil Sabeil | 08-15-16, 02:32 PM |
| Re: سؤال لناس ماليزيا: ماهي أفضل الجامعات للد� | Ahmed Alim | 08-15-16, 10:02 PM |
|
| |
Ahmed Alim
فيس بوك
تويتر
انستقرام
يوتيوب
بنتيريست