لي السودانين من تجيب لي كلمة صيني خلاص الموضوع منتهي عندو .؟

سودانيز اون لاين
الطيب عباس-ناوي للبلد الامين
مكتبتى
رابط مختصر

في الواقع مافى جهاز الكترونى او للمستهلك غير مصنوع في الصين.. حتى المصانع الأمريكية قفلت ونقلت اعمالها الصين..

أما البضائع الرديئة في السودان فأسأل التجار.. الواحد فيهم يقول لصاحب المصنع داير ارخص حاجة عندك، لما يحير مدير المصنع زاتو..

التجار لا يهمهم مطابقة المنتج لمواصفات الجودة، كما لا تهم الصيادلة الأدوية المنتهية صلاحيتها.. الســـودان باظ والشعب ما عنده وجيع.

القول ما قاله ابوريش,,

Quote: أما البضائع الرديئة في السودان فأسأل التجار.. الواحد فيهم يقول لصاحب المصنع داير ارخص حاجة عندك، لما يحير مدير المصنع زاتو.. التجار لا يهمهم مطابقة المنتج لمواصفات الجودة، كما لا تهم الصيادلة الأدوية المنتهية صلاحيتها.. الســـودان باظ والشعب ما عنده وجيع. لا ضمير يراقب الفرد ولا قانون يردع.. تنتظر شنو تانى؟

متدنية القيمة أصلا وقليلة الجودة بأغلى الأسعار!!!!!!

الصينييين واضحين جدا بجيبو ليك المنتج بدرجات جودة تصنيع مختلفة ويقولو ليك دا بدولار ودا هو نفسه لكن مصنّع جيدا وبجودة أعلى و بعشرة دولار,,,

جماعتنا بستوردو أبو دولار ويبيعوه بعشرين دولار!!!!

لطيب عباس

وضيوفه الكرام أسعدتم صباحا

تعرف الهيونداي بضوا كنا بنقول كورية وصفيح ساااي

وزي ماشايفين حاليا متصدرة المبيعات في السوق السوداني ، بمختلف طرازاتها ..

كنت في زيارة قبل شهر لابني معاذ في السنة الاخيرة في شيانغ ((فوشون)) الصينية .

وتعمدت السفر وقضاء اكبر وقت في ((غوانزوا)) التجارية ومهبط التجار من كل نواحي الارض وخاصة السودانيين

وفعلاً عندهم تفاوت في الجوده لكل سلعة وكل بي تمنو زي مابقولو

محبتي لكم ولي عوده بإذن الله...

ود حكمة الاقتصاد الحر ، الذى أسس لة حمدى والعصابة

دون توفير مقومات الانتاج ورفع يد الدولة عن مسؤليتها

وهذة التدعيات لن تتوقف ، بل سوف تزداد بعد دخول

الاقتصاد الصيني رسميا فى أزمة انكماش اقتصادى

(عدل بواسطة Abureesh on 03-02-2016, 03:41 PM)
(عدل بواسطة Abureesh on 03-02-2016, 03:44 PM)

**فعلى أسوأ الفروض لو كنت الصيني لما تجاوبت مع طلب يسيء لوطني في المقام الأول ثم لشخصي.**

يا حاتم الصينيين ديل ما يصنعوا حسب الطلب، عندهم بضائع بمستويات مختلفة حسب ميزانيتك.. في زول فقير يشترى جلابية من قماش خفيف ممكن

يتشرط، لكنه خمس ثمن القماش الجيد، يشترى الرخيص ولو اتشرط يخيطه بيده.. الغنى لا وقت له للخياطة وفى نفس الوقت مستعد يدفع خمسة اضعاف

عشان يرتاح من الخياطة والرقيع، المشكلة شنو؟.. الصينيين ارسلوا رواد فضاء للفضاء الخارجى، هل تقنية اكبر من تقنية الصواريخ؟ ثم ازيدك من الشعر بيت. الان المفاوضات

جارية مفاوضات بين أمريكا والصين لتقوم الصين بتصميم وبناء القطارات السريعة لأن أمريكا لا تملك الخبرة الكافية في مثل هذه التقنية.. في أوروبا جربوها ولكن المشروع

تم الغاء المشروع بعد احتراق القطار في التجربة.. وفى الصين كل مرة يفتتحوا خط جديد بين مدينتين.. من مطار شنغهاى الى بودونق سرعته حوالى 450 كيلومتر

في الساعـة.. يعنى الخرطوم بورتسودان اقل من ساعتين.. ويسير فوق مخدة هوائة ارتفاعها من القضيب بوصتين.

بعدين شنو سمعة الصين.. هل التي شوهها تجار السودان؟ العالم كله يستورد كل شيء من الصين.. والأدوات المكتبية فقط التي تستوردها أمريكا منها تعادل ربما كل

ما يستورده السودان من الصين، وما عندها اى مشكلة سمعة هنا.. وبالمناسبة هنا أيضا توجد البضائع الرخيصة وتباع في محلات الـ 99 cents اى اقل من

دولار، والناس تشتريها وعارفة نوعيتها ومبسوطين.. ولكن عكس السودان التجار هنا يبيعونها بتسعة وتسعين سنت فقط. يعنى لو مسافر لمدينة تانية ونسيت

مكنة حلاقتك (الجيدة) في البيت، تمشى اقرب دكان وتشترى مكنة استعمال واحد بخمسين سنت فقط، ثم ترميها.. المشكلة شنـو؟

تعليق القصور على شماعة الغير عادة متأصلة عند كتير من السودانيين. وشكرة متيل او ماتيل التي تملك Toys-R-Us وزعت العاب أطفال مستوردة من الصين

فيها عيوب سلامة وتأمين، وفعلا الشركة لامت الصين انها باعتها بضاعة مغشوشة، ولكن الصينيين أثبتوا بالدليل ان الشركة هي التي قامت بالتصميم، ثم ضغطوا

على الشركة لكى تعترف علناً للجمهور لتبرئ ساحتهم.. وكانت النتيجة هذا الفيديو المحرج للكبرياء الأمريكي:

رئيس الشركة اعترف فى جلسة سمع الكونقرس بمسؤوليته عن المشكلة، ونائب الرئيس ذهب شخصياً الى الصين واتعذر لشعبها هناك