للمغتربين .. مقولبت الجنيه السودانى بالريال.

Quote: سلام عباس أضحك الله سنك سؤال : الزول دة قرض الكيس كلو كيف وإنت ما ماخد بالك ؟ غايتو أنا لو في محلك كنت حأمد يدي وأغرف من الكيس واصل فأنا أعرف أن ذاكرتك مترعة بمثل هذه الحكاوي

Quote: عندي زبون بجي يشتري مني وهو مغترب .. دة كرهني البيع والشرا .. يقول لي جركانة الزيت بي كم الصغيرة بي اربعين فيها كم فيها اربعة ارطال ونص ارطال !!!! نحن هناك في المملكة بنشتري بالدرزن والوزن بالكيلو .. تشيل حاجاتك تختها في العربية ويوزنوها ليك وطوالي الحساب يطلع ليك والاسعار مبرمجة ومافيها زيادة . وعندهم جهاز لو دفعت قروش حاجة بكورك براهو .. يعني الاربعين ج دي ما يعادل هناك في المملكة عشرة في ستة وسبعة ناقص تمنية في اربعطاشر تساوي شنو كدة ما عارف ريال واللبن دة بي كم وتعيد نفس الاسطوانة بشيلني الهم في الاجازات كرهني المملكة والريال زاتو مرة داير ازوغ منو قلت ليهو ماشي اشتري كهربا . اداني درس في انو هسة حاجز وهو قاعد في البيت وبشتري الكهربا والموية وبسدد رسوم شنو وشنو وهو منبطح جوة البيت . غايتو يا المغتربين بتازونا لامن تجو كدي شوف ديل كم ؟ القروش السودانية دي انا ما بعرفها

Quote: بقيت في حالة صعبة زي الزول الصايم رمضان وفوت مواعيد أذان المغرب ما لقي موية ولا اكل ، فجاة عمك قال لي سواقتك كيف قلت ليهو طياره اسوقها وقف ونزل لي مسكت الدركسون نص ساعة براقب في سواقتي بعد اطمأن وانا براقب فيهو بنظرة من قعر العين الراجل نام صحيتو في الرياض والكيس فاضي لا فيهو مويه لا عصاير لا فطاير والخمسة وخمسين ريال كانت قاعده معاي شهرين.