سورييون يشعرون بالعفن في السودان ويسيئون للبلد (توجد صور)

Quote: نحن عايشين في البهدلة و في الوسخ و عدن النظام و نأكل في أي مكان و نشرب الشاي في البنابر. و بعد ده نكون حساسين؟

(عدل بواسطة Adam Youssif on 07-19-2016, 08:55 AM)

Quote: على قول المثل الحسنة فى المنعول ذى الشرا فى القندول ومن لم يشكر الناس لايشكر الله كتر خير العفن اللماكم من جحيم الحرب الشردتوا منها

Quote: من عمايلكم دي ربنا سلط عليكم من لا يخافه ولا يرحمكم

Quote: نستاهل نحن عاملين فيها عروبيين أكثر من بني قحطان .. ما عارف قضية فلسطين والقدس وغزةصدقني إسرائيل أحسن لينا منهم مليون مرة ..

Quote: أعتقد تعبير عادي و وجهة نظر شخصية. حتى نحن لما نروح لبلدهم بنشعر بالفرق . بس مشكلتنا نحن ما بنشعر إنه هندنا مشكلة . نحن عايشين في البهدلة و في الوسخ و عدن النظام و نأكل في أي مكان و نشرب الشاي في البنابر. و بعد ده نكون حساسين؟ في الاول خلينا نشعر بمشكلتنا. و الله طالما إنه شاعرين إنه ما في مشكلة أصلوا حالنا ما بينصلح. و عفوا للهواء الساخن و مع إحترامي الشخصي لك

Quote: لا خير في الاعراب تمد ليهو يدك يقوم يعضيك يجب معاملتهم بالمثل وقبل كم يوم تم القبض على سوري مزور عملة من فئة الخمسين جنيه تقدر ب 50 مليار وتم توزيع 10 مليار. لقد ولى عهد الطيبة بلدنا العفنة دي خلوها بس ابقو رجال وعيشو في بلدكم بعد ما تحررورها من بشار. الفلسطينين والسوريين والعراقيين والليبين والله ما يحدث لهم من قتل وبلاوي لا تحرك في ساكنا وببساطة لانه لا يحركهم ما يحدث لنا والله لا نملك الا ان نقول لهم الباب يفوت جمل وانشاء الله اليوم قبل باكر.

Quote: مرت على في الفيس والشباب جابو (اسكرين شوت ) مختلف شويه الظاهر في شويه تعديل على الكلام

Quote: أما ذاك الخاوي الذي قال أنو كان بيحب المطر وكرهو في السودان فذاك لا بفقه شيء لأنو لو فكر بقليل من العقل لو عندو فهم أصلا ً كان قال لنفسو والله المطر الهنا في السودان أرحم لي من مطر الحريق النازل فينا في سوريا .

Quote: أعتقد ان احب التعليق في الصورة الثانية وصاحب المنشور الثاني مالك لمطعم في المنشية

Quote: شكرا محمد نفس الكلام الذي كتبه السوريون كتبه سودانيون وانا من اكثر الناس كتابة عن وسخ بلادنا واهمال الخدمات وتصرف الناس الهمجي ، هذه حقيقة يجب ان نقبلها ، كما ان التعميم مخل فكم عدد السوريين الذين كتبوا ما تكره مقابل العدد الآخر الذي لم يكتب . واتفضل وشوف زملاء المنبر قالوا قبل سوريا ما تتدمر !!! الخرطوم أوسخ وأعفن وأنجس مدينة في العالمالخرطوم أوسخ وأعفن وأنجس مدينة في العالم الخرطوم من اسـوأ عشـر مدن في العالم ( مبرووك للانقاذ)الخرطوم من اسـوأ عشـر مدن في العالم ( مبرووك للانقاذ)

Quote: مالك يا صاحب البوست جليت كلام أخونا محمد الزبير .. هل مسموح للسودانيين التحدث عن وسخ العاصمة وعفانتها بينما غيرهم لا يجوز لهم ذلك ؟؟الفرق شنو ؟

(عدل بواسطة Adam Youssif on 07-19-2016, 01:02 PM)

Quote: لو أنها جاءت في أسلوب نقدي يعرضون فيها ما شعروا به في إسلوب حضاري يشيرون فيه لمناطق الخلل وكان ممكن الصحف المحلية تتناول الملاحظات وتعرضها ومن خلالها يتم العمل على تفادي تكرار هذه الحالات ( العفن )

Quote: ما تبقوا ملكيين اكتر من الملك

Quote: صحيح بلدنا فيها الكثير من السلبيات المزمنة و لكن في نهاية المطاف هي التي وفَّرت للَّاجئين السوريين و من قبلهم الفلسطينيين و غيرهم، ملاذاً آمناً من ويلات الحروب الضروس المندلعة في بلدانهم. ملاذاً آمناً لم يتوافر لعشرات إذا لم يكن مئات الألوف من المواطنين السودانيين في بؤر مشتعلة مثل دار فور و جنوب النيل الأزرق. فكان من اللياقة بهؤلاء أن يتذكروا المعروف الذي أسده إليهم هذا البلد، و أن يحتفظوا بآراءهم السلبية لأنفسهم. فالأعور لا يحتاج إلى أحد أن يذكِّره بأنه أعور.

Quote: والمسيح بقول الضربك في خدك الأيسر ما تدي شلوت

Quote: هل مسموح للسودانيين التحدث عن وسخ العاصمة وعفانتها بينما غيرهم لا يجوز لهم ذلك ؟؟

Quote: ثم إنه الناس دي حتتعلم متين ما زي ما عندهم رئيس ديكتاتور حالف يكتلهم بالصواريخ والبراميل المتفجرة وقصف المدافع نحن برضو عندنا رئيس ديكتاتور حالف يكتلنا بالوساخة والأمراض وقطع الكهربا وإنعدام الخدمات

Quote: ودي دايرة كلام ؟؟؟؟؟ هسع لو جاك ضيف أو حتي شحاذ وأكرمته بالموجود هل مقبول منه أن يقول ليك بيتك دا مالوا وسخان كدا ؟ أو يمشي يقول لناس تانين الزول دا بيتوا وسخان جنس وسخ

Quote: كلامك سمح ياعبدالغني بس الله يسالك المسيح قال كده؟؟

Quote: قالوا نحن عفنين قالوا نحن شينين قالوا نحن كسلانين ياخ ما كل زول كلامه بعبر عن نفسياتو وفهمو ولباقتو لحدي متين العقلية المهووسة بالقالوا عنك إمكن الغيرني منك دي ساكنانا يعني بكرة لو قالوا نحن أجدع ناس يا بيه خلاص حنبقى أحسن ناس

Quote: أرحموا عزيز قوم ذل .. رفقاً بهم وبحالهم .. وقليل من التعقل لا يضير ..

(عدل بواسطة منتصر عبد الباسط on 07-19-2016, 11:51 PM)

Quote: الاخ محمد الزبير تحية طيبة اعتذر لشخصكم عن اي كلمة غير لائقة و وغير مقبولة في حقكم والعفو والعافية.

Quote: لملمو بقجكم وأتخارجو شوف ليكم بلد نضيفة تمسكم..بكدا تكونو خففتو على أهل البلد ووفرتو الإساءات ...

Quote: غايتو جنس تخطي وقوة عين!! البلد إذا عفنة ما معناها خلقها الله عفنة،

Quote: الخرطوم اعفن واوسخ عاصمة في العالم ونحن كسودانيين ثقافة النضافة ما عندنا. نأكل الموز ونرميهو في الشارع ونشرب قوارير الموية ونحن سايقين ونجدها في الزلط ونسف التمبارك ونبزقو في السراميك وناكل التسالي ونرميهو في الحافلة ونقشر قناديل عيش الريف ونجدعها السوق ونفرش الخضروات في الشارع والبائع يتنخم ويبصق في الخدار ننضف البيوت ووسخنها نرميهو قدام الباب ونقش اطراف الحيشان ونترك الوسخ مكوم في طرف الحيطة. تشيل عربات القمامة الوسخ وتوزعه بالعدل في كل الحي عندما يحاول الاطفال الشغالين في فزر القوارير والبلاستيك وكأنك يا زيد ما غزيت. مجاري طافحة في عنابر المستشفيات وغيرها وغيرها. الجيل الحالي دا نشيلو وترميهو في البحر ونستثمر في اطفال رياض الاطفال نعلمهم النضافة وقيمتها ولانو فاقد الشئ لا يعطيه

Quote: هنالك مجموعات من شباب العرب خاصة من مصر وفلسطين يقومون بتحريف هكذا مداخلات وتغريدات وشغالين فيما بين الشعوب العربيه طحن فانتبهو

Quote: التحية و التقدير للاخوين الكريمين نصر و حامد بدري فقد اوجزا ..

Quote: ماسكين في ضنب الجماعة ديل مالينا الا البعر في حين انو كان ممكن نظبت وضعنا براس الرمح الافريقي والبخلي الراس والمزز ويمسك الضنب يجني ثمارو