الكوز الذي حصل على اللجوء في هولندا بحنك انه ملحد

Quote: الشئ التاني الهولنديين او غيرهم لا يمكن انهم يمشوا لزول في بيتوا يقولوا ليهو تعال ارح نديك اللجوء فى هولندا. ولا القوانيين بتاعت اللجوء زاتها بتسمح انو موظف الحكومة الهولندية يمشي لزول في بيتهم عشان يعزهم لجوء فى هولندا. دا حنك تقولوا لزول تاني. الناس بيمشوا يطلبوا اللجوء من السلطات دي فى محلها. يا اما فى البلد ذات نفسه بالذهاب لمراكز الهجرة اما فى سفاراته فى الخارج. And one has to come up with a good case> لازم تفتل كيسك كويس عشان ينطلي على الخواجات. الشئ الثالث طبعا حكاية اراء فقهية دي شطحة كبيرة شوية. و الله الواحد لمن يسمعها كده يقول يا ربي دي حكاية الحلاج ولا شنو؟ اراء فقيهة بتاع الساعة كم ياخي و الزول دا كيسو افرغ من فؤاد ام موسي ها دا ياهو قدامك، اول ما زنقناهو قد يسوى نيجيري نيجيري، هسة دا مستوي زول بينتج اراء فقهية و فكرية؟ بعدين فى اراء فقهيه و فكرية فى بيت عرس؟ و الدراما التى حصل بسببها علي اللجوء منشائها كلها فى بيت عرس!