حزنك ياوطنى احزنى
اختنا نور سلام وربنا يحقق السلام ان شاءالله. الموضوع ذى ماقلتى معقد للغايه والبحيّر فيهو انو موضوع جبال النوبه اصبح مطيّه فى ايدى ناس لاعلاقة لهم بالموضوع ولا المنطقه امثال الانتهازى عرمان. عرمان يعلم تماما انو ماحيدخل ساحة السياسه السودانيه الا بالبندقيه والاتفاقيات وشوفتوهو لما كان مع الجنوبين والان مافى سودانى يمكن يوم يقتنع بانو يصوت لحزب سبهللى ذى الشيوعى او اى فصيل متحد مع عرمان عشان كده كرتو الواحد انو يتاجر بدماء الاشراف والمساكين.
انا حقيقه مهما يحصل برضو حارمى اللوم على النخبة النوبيه الاصليه لانها بعيده ومنقاده جدا لتاثيرات خارجيه وفاكا الحبل على اخرو لقطاع الطرق البتاجرو بدماءهم فى الحركه الشعبيه , المفروض يتوحدو ويحلو قضيتهم بعد ابعاد ثلاثى المرتزقه البتاجرو بيهم حاليا. الحكومه ذى ماقلتى مبسوطه بالبحصل ده ويدها العليا فى القتال ومابتبذل مجهود لما تنزنق فى الحرب ان تميز بين برئ وبين عسكرى ومسلحين الحركه اسوأ حالا فلمتين حيستمر الوضع ده؟؟
برغم فعايل الحكومه لكن واضح جدا انو سعيها للسلام اكثر جديه واقوى رغبه من تجار الحركه والمفاوضات الفاتت كلها خير دليل وطموح عرمان وانانيتو دائما هى حجر العثره فى تحقيق السلام ده فلمتين حيصمت اهل الوجعه الحقيقين؟
بعدين طالما فى طرف تالت وهو اذيال المنتفعين من عرمان وديل الحايمين فى عواصم العالم المختلفه ولوسالتو الفرق بين الدلنج والفاشر شنو مايعرف لكن تلقاهو فى كل مظاهره فى اوربا شايل ورقتو ويطالب بوقف فعائل الحكومه و و و وصدقينى ده مابفيد ولا بحل (مش لبراءة الحكومه) لانو بساهم فى تعبئة المجتمع الدولى الاصلا هو عارف كل حاجه وفاهم لكن بستغل البحصل ده عشان يعملو غطاء فى سوء نياتو عشان كده الافضل التظاهر الحقيقى مفروض يكون ضد الطرفين وكشف انتهاكاتهم ومطالبتهم بحل المشكله ومطالبة الداعمين ليهم بوقف امدادهم بالسلاح ودى خطوه فى مشوار ميل لحل المشكله.
أعجبني · رد · 14 ساعة
.....
الآخ الفاضل من نواحى الفيس بوك..
.....
حينما وصلت قضية جنوب السودان مرحلة معقدة للغاية..
كان السودانيين حينما يريدون التعبير عن موقف ميئوس منه..
يقولون ( دا بقى زى مشكلة الجنوب) !
وهذا هو حال جبال النوبة اليوم..
و كما تفضلت..
فأنها ليست معقدة فحسب..
ولكنها متشعبة وتصل جذورها الى أى ركن فى السودان..
والسبب هو أبناء وبنات الولاية أنفسهم !
لآنهم حينما ينتمون الى جسم عسكرى أو سياسى أو حتى اجتماعى..
يعملون لمصلحة تلك الجهة على حساب ولايتهم..
لذلك تجدهم يحاربون مع الحكومة السودانية بشراسة..
ويحاربون مع الحركة الشعبية بشراسة..
ويتمددون ويتسربون وينتشرون فى كل الاجسام و الفعاليات السودانية..
وقد كان بالامكان ان يكون هذا المسلك ينصب لصالح الولاية وأهلها..
ولكن لا ...
أزمة الهوية هى التى تجعل أهل جبال النوبة..
يخلعون أنتمائهم الاصلى بكل سهولة..
ويلبسون أنتماء الغير..
..
الآمر على ما هو عليه..
لا يمكن أن تعالج هذه القضية بسهولة..
أو حتى فى فترة زمنية محددة..
تطرقت الى قيادت جبال النوبة..
وأنا أتفق معك..
فقد اصبحوا جزءا من الآزمة..
من كثرة التشرذم الذى عمق الخلاافات.,..
ولكن..
وبالرغم من هذا الوضع المخيف..
ألا أن هناك من ابناء هذه الولاية..
من يعملون ليل نهار..
وفى جبهات مختلفة..
وهم..
وهن..
وأن كان العائد ضئيل بسبب الضباب الكثيف الذى تثيره الحكومة والحركة..
ألا أن جهودهم تنصب فى الاتجاه الصحيح..
المسألة تحتاج الى وقت طويل وصبر وجلد..