عهدك كنت بصونو بكــــــــل امانـــــــــة وريدتك تفني حياتي واقول علشانة ولو لا حساب اخلاصي وجدت اهــــانة كنت اجود بالـــــــروح لو عـــــزة مكـــــانة
(عدل بواسطة مني عمسيب on 02-22-2016, 10:27 AM) (عدل بواسطة مني عمسيب on 02-22-2016, 10:41 AM) (عدل بواسطة مني عمسيب on 02-26-2016, 09:32 PM) (عدل بواسطة مني عمسيب on 04-23-2016, 01:49 PM)
02-23-2016, 07:16 AM
أمير محمد أحمد أبيض أمير محمد أحمد أبيض
تاريخ التسجيل: 12-07-2015
مجموع المشاركات: 367
مني عمسيب شكراً على الإختيار الأنيق أري في رأيك على كلمات أغنية "فارقيهو دربي" غير ذلك حيث أن الإحساس يصعب التعبير عنه بكلمات فكل نظم الشاعر وإبداعه لا يستطيع أن يعكس إحساسه الحقيقي وكل ما أبدع الشاعر في النظم كلما قرب الصورة ليس إلا. تعريجه أغنية اليوم وكل يوم يجب أن تستمر عسى أن تصفو أجواء المنتدى ورونا نرفع الفيديوهات كيف كلما لفيت لي فيديو وحاولت أرفعه يرتد إلى خاسئا
02-23-2016, 10:49 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
شكرا مني علي البوست المهديء للأعصاب يقتلني الحزن كلما أسمع صوت خوجلي أو شهيد الحقيقة يطوف حزني علي الشباب المبدعين الذين فجعنا بهم خليل فرح, كرومه, مصطفي, خوجلي, محمود عبد العزيز و آخرون
لك الف رحمة و لو تعيش
تمنيت ان تبقي دار لي كل لاجيء و حنان جوه الملاجيء و للاطفال حكاية و للفلاح سنابل و للثوار سلاح أقوي من قصف القنابل
تمنيت ان تعلم طفل لسه ما عرف الكتابة ما أجملها من امنيات
في هذه الاغنية سر خلودك يا عميري
.........
(عدل بواسطة Hamid Elsawi on 02-24-2016, 06:17 AM) (عدل بواسطة Hamid Elsawi on 02-24-2016, 06:21 AM)
02-24-2016, 08:32 AM
almulaomar almulaomar
تاريخ التسجيل: 07-08-2002
مجموع المشاركات: 6485
العزيزة بت عمسيب يعجبني فيك الوضوح(الذي نفتقده) و حماسك مع طلة الوجه الباسم. بس عايز اطرح رؤية مختلفة اختلاف بسيط في موضوع الكرامة ده. المشكلة إنه الحب بينسيك أن تفكر في الكرامة. الانجذاب و الإعجاب و و بيخليك تعمى عن العيوب و تتناسى الهفوات و تغفر الأخطاء. بعدين الإنسان بيكون حساس عشان كده موضوع الكرامة مرتبط بالتجاهل و جرح الكبرياء. و المحب بالمقابل بيكبّر الأشياء. فالإنشغال يحسبه تجاهل و الغضب يعتبره كراهية و جرح للكبرياء و هكذا. أخيرا اقول أن تحب يعني ان تتنازل.هكذا الحال في قاموس المحبين.و المحبين ذاتهم خشم ناس من أول نظرة ..و ناس بيوت فارقيه دربي.. وناس تردي أو ماتردي بكتب ليك يوماتي.. و ناس لو وشوش صوت الريح...و ناس أنا المظلوم جفاني حبيب..
02-24-2016, 12:17 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
صباح الخير الملكة بت عمسيب وضيوفه الكرام أغنية اليوم ، بل قولوا اغنية كل يوم ، الأغاني هي الوعاء الوحيد الذي يسع كل ما تحمله دواخلنا من فرح .. حزن .. شجن .. أمنيات حتى ضحكات .. وابتسامات ما اجمل الفن السوداني الذي يسعنا ..وما اجملكم وانتم تسعوا ارواحنا ..
يا بت عمسيب شكرا على هذه الشللاات من الألحان و الكلمات القوية. بعدين شوية شوية علينا كتيرة لين هههههه يعني يا دوب الواحد يلحق يتذوق اغنية و لا اثنين الواحد ما يقدر يشيل نفسه بعد يسمع واحدة من الاغاني الدسمة النزلتيها. و بعدين كل واحد عنده اغنية اثيرة و ذكريات المشكلة معظم الاغنيات النزلتيهم اغنيات اثيرة و لها بصمات و في القلب مكان عزيز. تسلمي و الله يديك العافية
03-30-2016, 07:15 AM
almulaomar almulaomar
تاريخ التسجيل: 07-08-2002
مجموع المشاركات: 6485
من بت عمسيب و الله سكتيني .عاد اقول شنو تاني من ناحية خرخرة هي خرخرة. نعمل شنو؟ يا زولة ما مشكلة بنجي كل يوم. بس استحملينا. بالمناسبة .... لاحظت إنه كلمات اغنية من اوصاف عديدة رهييييبة بالرغم من إنه سمعتيهاكتيرا.. لكن تركيزي كان في اللحن و في صوت ابراهيم خوجلي.
04-05-2016, 10:36 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
و الله يا منى البشوفك تشاكلي بي هنا و تناتلي بي هنا ما بيقول عندك الكم ده كلووو من المشاعر و الأحاسيس و التذوق. الله يزيد. يا زولة هوووي انا قلت ما شاء الله ... .....و بعدين كمان انا عيني باااردة. الله يحفظك لينا و تسكتي الخشّامة..ههههههه
04-06-2016, 10:52 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
تعرفي جيت اوروبا و زرت بعض البلاد. و رغم قصر الزيارة التي استغرقت عشرة ايام فقد كانت جولة ظريفة جدا استمتعت فيها بالطوال و العرض... و عرفت فيها الكثير. و بصراحة مش شديدة... كنت أود ان اكتب عن تلك الرحلة و لكن قلت ياخ الناس في شنو و إنت في شنو؟ انتي كمان فاتحة لينا مية بوست شيء نسوان الإنقاذ و شيء ( يا للهول) و سعر تحويل اليورو و.... اها .....بعد ده ينفع اكتب عن رحلة عمل او سياحة في اوروبا.؟ و الناس فاضيين كده عشان احكي ليهم عن ذكريات و خبرات خاصة ؟ و خاصة اكان سلوا عليّ لسانهم لأنو في واحدين ...الله لا وراك طولة لسانهم. لكن بيني و بينك انتي بتقدري عليهم. المهم حسب نصيحتك لم احاول أن اكسر التأشيرة.... ....... و رجعت سالما غانما. خلاص كفاية كترت الكلام... الباقي بعدين أو فيما بعد.
04-06-2016, 03:15 PM
almulaomar almulaomar
تاريخ التسجيل: 07-08-2002
مجموع المشاركات: 6485
الأخ الملا عمرمشكوووور على الكنوز المخبأة دي ...يا جماعة و الله أنعشتوا ,معنوياتنا زي ما انعشتو ذاكرتنا.المشكلة كل يوم نكتشف إنه ما مضى كان أجمل.شكرا كثيرا على الروائع دي يا ملاّ..... الواحد كان متمنّي يشارك بإنزال بعض الروائع و لكن الإيد قصيرة ...موهبة التقنيات الفنية عندي قاصرة شوية.عشان كده ما بقدر اجاريكم انت و بت عمسيبفأرجو المعذرة يا حبايبنا
بلداً هيلي نا.. دموعه.. دموعي نا.. أساها...أساي أنا.. ضميرها..ضميري نا.. كل آمالي نا.. السلام يملاها..يطلع من هنا.. و الحَمَام يتشابى! تقدل طفلة حلوة و بين إيديها كتابا.. و الحبوبة تمسح بالحنين اكوابا و القمرية تصدح..تستريح دبابة.. و القطر القبيل يمشي و يشق الغابة.. البالمبو يفتح للقلوب أبوابا.. و النُقارة ديك أم كيكي و الربٌابة. البلد الحنين سميتو يمة ويابة بين العالمين عزة وجمال ومهابة الحزن القديم يمكن تزيلو سحابة لا أطفال حزانا نازحين وغلابة في العصرية شفع جارية لي العابا والشاي في المغارب وذكريات وصبابة اشجار التبلدي العمرة بي ترحابا واشجار النخيل وخضرتة الخلابا ناس من كل لون ..إتعمٌرت أنسابا و النيل في الهجير...دوٌزن وتر أعصابا.. سمحة الدنيا..بيك..و بين إيدينا حبابا.. يانا أهل بلدنا و قُدرَتم غلاٌبة.
يا جماعة الخير بنسأل من صاحب البوست..... المشرقة منى عمسيب. وين مختفية؟ ليها قريب لي أسبوع مختفية.... الأخت منى... يفتقد المنبر حماسك و صراحتك و مناكفاتك و مناتلاتك و مشاغلاتك
04-11-2016, 01:55 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
لك عااااااطر التحايا وارق الاشواق .. وما نفقدك بشينة .
الي جميع الاحبة ... اصدقاء البوست .
لما اختفي ما تشفقوا بكون مشغولة بحاجات رسمية او التزام رسمي وبالنسبة لي دا التزام اخلاقي ولازم انفذو فعشان كدا بختفي منكم لكن بكون شوقي ليكم اتراكم حد الزحام .
Quote: يا جماعة الخير بنسأل من صاحب البوست
ومشكور يا الحبيب .
(عدل بواسطة مني عمسيب on 04-11-2016, 02:07 PM) (عدل بواسطة مني عمسيب on 04-11-2016, 02:11 PM)
04-11-2016, 02:02 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
عزيزتنا الغالية بت عمسيب حمدا لله على السلامة الجمعتي. عارفنك مشغولة بي حاجة و لا حاجات ..لكن كمان ليك وحشة شديدة. و زول نسأله منك مافي. المهم .........أهلا ببشائر طلتك الغالية الإتعودنا عليها الله لا يحرمنا منك
04-11-2016, 07:26 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عفواً للأستاذ عثمان موسى الرجل الذي يعشق الإبداع فلتسمح لي بهذه الكسرة: بخصوص الفنان ابراهيم دينق قبل أن يسرقنا الوقت و تفوت المناسبة. فالفنان ابراهيم دينق هو نموذج شجاع لإنسان تخطّى من خلال الفن عقبات عدة تتمثل في القيود و التعقيدات الإثنية و الثقافية معتمداً على موهبة فطرية. له التحية و التقدير. علماً أن تجاوز الحدود الإثنية و الثقافية ليس بالشيء السهل حتى بالنسبة لمن أوتي حظاً مقدّراً من العلم و الثقافة. كما أن الفن قد اثبت في كثير من الحالات انه سفير بين قلوب و عقول البشر لا يعترف باللغة و لا العرق او اللون. و على الصعيد المحلي نستشهد بإفتتان السودانيين خلال فترة الثمانينات او قبلها بالأغاني الافلام الهندية و كذلك الإفتتان بالأغاني العربية و الإثيوبية .
04-12-2016, 11:33 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
الأخت منى صاحبة البوست و الأخ الملا عمر المساهم الرئيسي و الأخ ملهم و بقية المشاركين النشطاء أولاً اعتذر لأنه أنا ضعيف حبتين( حبتين بس؟) في حكاية التنزيل و تظبيط التسجيلات. لكن ما مهم بتابع و بسمع و بشوف ..هي ما كفاية لكن....نعمل شنو؟ المهم هناك فنان صاحب أغاني رومانسية وذات ألحان خفيفة و شجية نفتقده هذه الايام و يا ريت نشوفو في هذا البوست ذو النفس الطويل..... ههههه عيني باردة. هو الفنان صاحب أغنية( خلاص يا قلبي كان خاصم ..ضميرو...) و (نجمة نجمة الليل نعدو) و (يا غيمة امشي زيارة) و ( مالو غيابك طول) طبعا إنه الفنان ابراهيم حسين شفاه الله. شوفوا بالله روعة الكلمات:
خلاص ياقلبى كان خاصم .......ضميرو يحاسبو خليهو تمر ايام وينسى غرورو ........ويلقى هوانا راجيهو يعاتب يوم ويزعل يوم .........ويعذبنا بى ريدو يتحدانا يوم يزعل .............تقول اقدارنا فوق اييدو نقول ياريتو لو يعرف........ عذاب الحب وتنهيدو بدل مانحنا بنعاتب............. بنفرح يوم يعاتبنا ونسال عنو كان طول......... وماهاميهو كان غبنا خلاص حرام ترمينا للايام ........حنانك يامعذبنا نحلف قلبك القاسى ...........بكل حنان مودتنا بافراحنا واشواقنا .........وبى لهفة محبتنا رضينا عذابنا فى حبك ........حرام تتناسى ريدتنا خلاص ياقلبى كان خاصم ضميرو يحاسبو خليهو تمر ايام وينسى غرورو ويلقى هوانا راجيهو تحياتي و مودتي لكم جميعا
04-20-2016, 09:31 AM
almulaomar almulaomar
تاريخ التسجيل: 07-08-2002
مجموع المشاركات: 6485
الأخ محمد عبد الله الحسين خالص تحياتي وأختيار رائع وإليك أهدي " خلاص يا قلبي كان خاصم ضميرو" وأسأل الله ان يمن بالشفاء والعافية والمعافاة على الفنان إبراهيم حسين
04-20-2016, 09:39 AM
almulaomar almulaomar
تاريخ التسجيل: 07-08-2002
مجموع المشاركات: 6485
كنت بخاف من كلمات المذيع اللامع شيبة الحمد عبد الرحمن ألحانى وغناى auto_play=falseandamp;hide_related=falseandamp;show_comments=trueandamp;show_user=trueandamp;show_reposts=falseandamp;visual=true">
05-25-2016, 07:08 AM
almulaomar almulaomar
تاريخ التسجيل: 07-08-2002
مجموع المشاركات: 6485
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مني عمسيب
أمير محمد أحمد أبيض
Hamid Elsawi
محمد عبد الله الحسين
Khalid Saeed
Fatima Alhaj
Emad Ahmed
عباس الدسيس
وضاحة
عفاف أبو حريرة
عمر عبد الله فضل المولى
خالد علي محجوب المنسي
Osman Musa
ملهم كردفان
فيس بوك
تويتر
انستقرام
يوتيوب
بنتيريست