|
|
 Re: طاحونة العجب (Re: درديري كباشي)
|
طاحونة العجب
14
عدت الى سريري محاولا النوم وأمي لازالت تحوم حولي تحملها الشفقة .. أعمل ليك حاجة يا حمودي .؟ أمسحك بالفازلين ؟.. عندك حمة ؟
حركات الأمهات ورقتهن .. خاصة عندما تحس بأن ابنها تعرض لظلم .. صحيح هي لا تستطيع أن تنتصر على أعداءك لكن تعوض ذلك بمحاولة الانتصار على أوجاعك ..
قلت : يا أمي أنا كويس الحمد لله أمشي نومي خليني أنا كمان أنوم .
والله بصراحة ما قدرت أنوم .. أرقد على الظهر احسي كأني نايم على أمشاط من المسامير .. أنام على الجمب أحس بالتعب . وهكذا فضلا عن ذهني الذي لازال مشغولا بقصة العجب والطاحونة .. كل الذي عرفته منها الآن قصة عادية ولا تعتبر سر في حد ذاتها ..أجانب متغربين من دولة متقدمة لا ينجبون رجعوا الى بلدهم لزيارة الأهل والبحث عن علاج للعقم .. هل عادوا وما الذي جعل العجب بطلا للحكاية .. الجزء الأهم قطعه جدي لأمي الله يهديه ويعطيه العافية .. لا أدري متى نمت .. المهم تغلب الأرهاق على الألم فنمت ..
صحيت على ألم شديد في كتفي قمت فذعا .
- بسم الله في شنو يا ولدي ؟.. هذه أمي توقظني للمدرسة لمست جرحا على كتفي .
- يا أمي لمستي جرحي بس ما في حاجة .
وأنطلقت في نوبة دعاء وشتيمة .. الله يازاهم الأزوك الملقطين الما بشبهوا الناس . أنشاء الله يلاقوا الينجضهم زي ما نجضوك يا ود حشاي .
قلت معليش يا أمي هم أعمامي برضو .
- قالت : عمى كباسة انشاء الله .. هم ديل بيعرفوا يكونوا أعمام بدل ما يكونوا ليك سند وحماية هم يكونوا سبب الأزية الله لا يبارك فيهم .
- في شنو يا مرة مشغلة اسطوانة الدعاء والردحي من الصباح .
- ليك حق تقول كدا ما أنت ما حاسي بالعملتوه في الولد أنت وأخوانك وأبوكم المخرف .
- يا مره أستغفري الله .. ما هو ولدنا زي ما هو ولدك .
- هو انتو لو شاعرين به ولدكم تعملوا فيه كدا ؟.
- انا عايز اعرف الفتح الموضوع تاني منو .قالها وهو ينظر ناحيتي ,
- ما في زول فتحوا الولد نايم يشخر جيت اصحيه لمسته في كتفوا نط زي كأني طعنته بسكين .. بعدين هو الموضوع بالنسبة ليك خلاص أنتهى عشان تقول الفتحه منو ؟
قلت : يا جماعة خلاص خلونا نمشي نحصل مدرستنا ,
أبوي كذلك دخل الغرفة ليغير ملابسه للشغل وهو يهز رأسه يسرة ويمنى .
بعد قليل كنت بدراجتي على باب المدرسة التقيت بمحمود .. وجلسنا في الفصل متجاورين .. محمود رجل طيب جدا و بن ناس طيبين .. كان منكسر النفس قابلني بحياء وأعتذر لوالدته قال : يا أحمد ما تزعل من كلام أمي أنت عارف هي بتريدك كيف ..
قلت له بالعكس يا محمود أنا مدين لك بأعتذار تلاقيك ما قدرت تنوم من جلدة أمس وحاجات كلها أنا جريتك لها جر ما كان عندك فيها رغبة .
- لا جريتني ولا حاجة أنت أقنعتني وأنا اتحمل تصرفاتي كاملة.
- قلت والله أنت راجل يا محمود أنا عارفك لكن برضه ما تحاول تدخل أهلك في مشاكل هم ناس في حالهم .
- ضحك قائلا : يعني أنت المفروض تدخل أهلك في مشاكل ؟
- قلت له ..لا لكن انا عندي رغبات فضول ما أقدر أقاومها .. وأنت بتجاريني فيها . عشان كدا أحسن حاجة تسمع كلامك أمك وما تباريني .. قلتها وأنا أضحك .
- كيف يعني تقصد نتقاطع .
قلت : لا ما كدا .. أنا أجيك في البيت وأنت تجيني في البيت نذاكر مع بعض وكل شئ ..لكن مشاويري الخاصة لا تلزمك ولا تسألني منها عشان ما تعق والديك .
بصراحة أنا قررت أهئ نفسي للمرحلة القادمة مرحلة السر الخطير . وحتى أكون أهلا لهذا السر لا بد أن اكون وحدي ... ربما أضطر أن ازور الطاحونة مرة أخرى لأطابق معلومة ما من سرد جدي .
نحن في حوارنا في الفصل قبل أن تبدأ الحصص يقف الساعي في باب الفصل .
أحمد عبد الله ومحمود خليل الناظر عايزكم ( مدير المدرسة )
أصبح رأسي ضخما وكذلك محمود كأنه سكب على رأسه جردل من الماء البارد ..
نظر لي قائلا : في شنو تاني يا أحمد ؟ .. قلت الله أعلم .
لكن لو عايزين يفتحوا موضوع المظاهرة مرة ثانية ويجلدونا يمين أجدع ليهم الكتب وأقول لهم ما عايز مدرسة تاني .
الغضب واليأس أكسبوني شجاعة غسلت الخوف من نفسي تماما ..
وكنت ماشي بخطوات سريعة وثقة وكذلك أثرت خطواتي في محمود طرد منه الخوف وجارني في المشي والغضب .
أول ما دخلت باب مكتب المدير وجدت معه الأستاذ عبد السلام مدير المدرسة الابتدائية .أذا الأمر واضح هو موضوع المظاهرة بلا شك .
بدون سلام تملكني الغضب وقلت : يا أستاذ لو موضوع مظاهرة الأمس ؟؟ خلعت قميصي وكشفت ظهري لهم .. لازالت به أسر الجروح والدماء الناشفة .. عندكم محل تاني عايزين تجلدونا فيه ؟
مديرنا تعوذ وقال : دا شنو دا منو الجلدك كدا يا ابني ؟
أستاذ عبد السلام : قال أنت تسرعت يا أحمد أنا لسع ما فتحت الموضوع مع أستاذ السر وهو ما عنده أي فكرة عن حكاية المظاهرة .. لكن طلبت منه أن ينادي الطالبين أحمد ومحمود حتى الكلام يكون قدامكم من أوله ..وأنا أصلا جايي معترضا على فظاعة العقاب .. وخفت الخبر يجي لمديركم من جهة ثانية ويعاقبكم من جديد .. والله ما تفتكروا أنا فرحت لجلدكم .وأنا لو كنت عارف أنه جدكم ممكن يعاقبكم بالفظاعة دي ما كان شكيتكم له .
مديرنا : ما تفهمونا الحاصل شنو بالظبط .
وبدأ استاذ عبد السلام مدير المدرسة يشرح ويحكي لمديرنا .
مديرنا ابتسم وقال : لا كان كدا كفاكم أصلا عقاب زي دا يكفيكم لأي حاجة تعملوها تاني لغاية ما تتخرجوا يلا أمشوا على فصلكم .
لم ننسى أن نشكر الأستاذ المحترم أستاذ عبد السلام وعدنا للفصل.
محمود : والله يا أحمد أنت فظيغ لكن .
قلت : في حاجات ما بتتحسم الا كدا .
خلص دوام اليوم وجات سليمة الحمد لله عدنا الى بيوتنا .
أمي : يا أحمد بعد العصر قبل ما تمشي الكورة عايزاك تشيل العيش تدققه في الطاحونة .
أذا مشوار للطاحونة أياها .
مشاهدة للعجب من زاوية مختلفة
جات مدتحرجة لوحدها
رغم أني لم أدخل في باب السر حتى الآن .
لكن تنفع للتمهيد
نشوف
ونواصل
|
|
 
|
|
|
|
|
| العنوان |
الكاتب |
Date |
| طاحونة العجب | درديري كباشي | 02-19-16, 04:26 PM |
| Re: طاحونة العجب | درديري كباشي | 02-19-16, 04:30 PM |
| Re: طاحونة العجب | درديري كباشي | 02-19-16, 04:45 PM |
| Re: طاحونة العجب | درديري كباشي | 02-19-16, 06:05 PM |
| Re: طاحونة العجب | درديري كباشي | 02-19-16, 06:58 PM |
| Re: طاحونة العجب | درديري كباشي | 02-19-16, 08:35 PM |
| Re: طاحونة العجب | درديري كباشي | 02-19-16, 09:38 PM |
| Re: طاحونة العجب | درديري كباشي | 02-20-16, 06:10 AM |
| Re: طاحونة العجب | درديري كباشي | 02-20-16, 10:16 AM |
| Re: طاحونة العجب | الجنيد حمد | 02-20-16, 11:36 AM |
| Re: طاحونة العجب | درديري كباشي | 02-20-16, 04:13 PM |
| Re: طاحونة العجب | درديري كباشي | 02-20-16, 05:12 PM |
| Re: طاحونة العجب | درديري كباشي | 02-20-16, 10:13 PM |
| Re: طاحونة العجب | Saifaldin Fadlala | 02-21-16, 08:13 AM |
| Re: طاحونة العجب | درديري كباشي | 02-21-16, 09:14 AM |
| Re: طاحونة العجب | درديري كباشي | 02-21-16, 10:31 AM |
| Re: طاحونة العجب | درديري كباشي | 02-21-16, 04:18 PM |
| Re: طاحونة العجب | Salah Zubeir | 02-21-16, 05:22 PM |
| Re: طاحونة العجب | درديري كباشي | 02-22-16, 05:56 AM |
| Re: طاحونة العجب | درديري كباشي | 02-22-16, 06:27 AM |
| Re: طاحونة العجب | درديري كباشي | 02-22-16, 05:10 PM |
| Re: طاحونة العجب | درديري كباشي | 02-23-16, 06:14 AM |
| Re: طاحونة العجب | درديري كباشي | 02-23-16, 10:26 AM |
| Re: طاحونة العجب | درديري كباشي | 02-23-16, 05:04 PM |
| Re: طاحونة العجب | درديري كباشي | 02-24-16, 06:33 AM |
 Re: طاحونة العجب | Shueib Medani | 02-24-16, 06:49 AM |
| Re: طاحونة العجب | درديري كباشي | 02-24-16, 10:00 AM |
| Re: طاحونة العجب | درديري كباشي | 02-24-16, 10:01 AM |
| Re: طاحونة العجب | AL-Qassim | 02-24-16, 02:44 PM |
| Re: طاحونة العجب | درديري كباشي | 02-24-16, 03:38 PM |
| Re: طاحونة العجب | Salah Zubeir | 02-24-16, 04:04 PM |
| Re: طاحونة العجب | درديري كباشي | 02-24-16, 04:59 PM |
| Re: طاحونة العجب | درديري كباشي | 02-24-16, 05:00 PM |
| Re: طاحونة العجب | درديري كباشي | 02-25-16, 10:01 AM |
| Re: طاحونة العجب | AL-Qassim | 02-25-16, 10:24 AM |
| Re: طاحونة العجب | درديري كباشي | 02-25-16, 10:36 AM |
| Re: طاحونة العجب | AL-Qassim | 02-25-16, 10:48 AM |
| Re: طاحونة العجب | درديري كباشي | 02-25-16, 11:04 AM |
| Re: طاحونة العجب | درديري كباشي | 02-25-16, 05:09 PM |
| Re: طاحونة العجب | درديري كباشي | 02-26-16, 09:51 AM |
| Re: طاحونة العجب | درديري كباشي | 02-26-16, 12:59 PM |
| Re: طاحونة العجب | درديري كباشي | 02-26-16, 04:03 PM |
| Re: طاحونة العجب | درديري كباشي | 02-26-16, 05:56 PM |
| Re: طاحونة العجب | درديري كباشي | 02-26-16, 08:18 PM |
| Re: طاحونة العجب | درديري كباشي | 02-27-16, 10:58 AM |
| Re: طاحونة العجب | درديري كباشي | 04-09-16, 09:07 AM |
|
| |
فيس بوك
تويتر
انستقرام
يوتيوب
بنتيريست