حكايات من زمن آخر.....(1) إسحق سكسونيا

مرحبا Guest
اخر زيارك لك: 03-29-2024, 02:31 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة صلاح الدين ابراهيم أحمد الأحمر(صلاح الأحمر)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-29-2008, 02:06 AM

صلاح الأحمر
<aصلاح الأحمر
تاريخ التسجيل: 03-24-2006
مجموع المشاركات: 807

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حكايات من زمن آخر.....(1) إسحق سكسونيا (Re: صلاح الأحمر)

    Quote: طفق الزاكي يروي قصة تلك اللحظات المرعبة وماأن هم بوصف تلك الجنية الجميلة
    حتى رأى إسحق يشق الجموع متجها نحوه والشرر يتطاير من عينيه المتقدتين كالجمر.
    ـ ياهو ده.. ياهو ده سكسونيا أسالوه .واشار بيده حيث لااحد هناك.
    تلفت القوم كمن تخطفتهم الطير فما استبان أثر لإسحاق في المكان .تهامس الكل ،
    مسكين الزاكي ود الحاج جن!


    اختفى سكسونيا من دروب القرية دون سابق إنذار .امتد غيابه وطال فاتحا الباب امام آلاف الأسئلة

    وحكايات لا تعد نسجها الناس من وحي رواية الزاكي ودالحاج الذي نسي الجميع المصيبة التي حلت به، إذ رأى

    ما لم يره بشر من قبل.بعضهم أقسم أن إسحق نفسه جني يسكن في الخيران الموحشة الممتدة بين حلةعديد السنط

    وحلة الشيخ البلال.

    آخرون زادوا أن إسحق يحرس هناك كنوزا منذ عهد السطنة الزرقاء . دفع البعض عنه ذلك وجاءوا برواية أخرى

    هي أن إسحق (بعاتي) من سلالة قبيلة الجرناي التي استوطن عدد كبير من أفرادها في منطقة الصعيدمع بدايات

    القرن التاسع عشر بعد هجرة طويلة من مكان مجهول جنوب الصحراء نحو سلطنة وادي الفور . هناك استقروا أشهر

    قليلة قبل أن يفتك بهم عسكر الشرتاي صونو بحر تركاوي، ويطردوا ماتبقى منهم خارج حدود السلطنة بعد ثبوت

    تعاطيهم السحر الأسود وأكل جثث الأطفال الخدج.

    في مجلس العمده الجاك أب قرجه جلس العديد من وجهاء القرية يحتسون فناجيل قهوة الضحى ويتسامرون حول أحوال

    بلدتهم وناسها وذلك التحول العجيب الذي طرأعلى حياتهم منذ أن حل بها سكسونيا.

    ـ الزول الغريب ده من يومو الدخل البلد دي والناس بقت ماعندها شغله غير إسحق قال ،إسحق سوى،إسحق مشى ، إسحق

    جا.ولحدي هسه مافي زول عارف قصتو الحقيقيه شنو.

    رمى الزبير التلب ناظر محطة السكه حديد كلامه ومد يده نحو جيب بنطلونه الكاكي المهلهل ليتناول (حقة الصعوط) .

    ضرب على قاعها بحركة مسرحية موزونة وسحب غطاءها . ملأ راحته من تمباك شديد الرائحة وكبه تحت لسانه .جال بعينيه

    في وجوه الحاضرين كمن ينتظر جوابا منهم. صمت الجميع وتشتت نظراتهم متقاطعة في جميع الإتجاهات.

    اعتدل الجزولي وكيل البوسطه في جلسته وبصوت جهور ونبرة واثقة حاول ان يسخر من قصة زواج إسحق بجنيه ،قائلا:

    ـ والله ياجماعه أنحنا بقينا مسخره وسط ناس البندر. يومداك كنت في ود مدني عشان أورد فلوس الأمانات في البوسطه

    المركزيه. تصورو المدير بتاعنا قال لي شنو؟قال لي ماعندكم جنيه في الحله اعرسها ؟امكن تساعدني اطلع الكنز

    بتاع جدنا المك نمر الدفنو في حلة المفازه لما كان مهاجر لي الحبشه. غايتو ماقدرت اقول ليهو حاجه،سكت ساي

    واخدت بعضي ومشيت.

    انبرى له السر كورتي أ حد كبار التجار ،و المشهور بجهله وإدعاءاته ،بقوله

    ـ أها وقتليهو شنو؟ زولك ده باين عليهو ماسك العصايه من نصها، بعدين هو يعني بيقدر ينكر كلام ربنا في القرآن؟

    كان حقك تقول ليهو انو سيدنا سليمان زاتو اتزوج جنيه من سبا اسمها بلقيس وبعد داك آمنت وبقت ملكه على اليمن.

    جمع استاذ عبد الفتاح أب دومه ناظر المدرسة الإبتدائية اطرافه ووقف على عجل تمتم بكلام غاضب قبل ان يستاذن من

    العمده للإنصراف.

    ـ غايتو سكسونيا مظلوم في الدنيا دي لأنو مابراهو البهترش في كلامو. خليتكم بي عافيه يااخونا.غادر المجلس يضرب

    كفا بكف وهو يردد:

    ـ هسه جاب الجن علي بلقيس علي سيدنا سليمان علي سكسونيا علي القرآن ،شنو؟

    كان أب دومه رجلا متفتحا لم يكتف بتعليمه الأولي ودخوله معهد بخت الرضا لسنتينن ،بل واظب على تثقيف نفسه بالقراءة

    والإطلاع المستمر.أحبه اهل هذه القريه بعد أن قضى بين ظهرانيهم عدة سنوات . يحترمون فيه صراحته ويقدرون دفاعه

    عن الحق وعدائه لكل الذين يستغلون جهل الناس وبساطتهم في هذا المكان المنسي.


    ومودات بالكوم من ود اللحمر اب زادا مابخمر

    والساقيه لسه مدوره، وانى لي بصبر ذلك الثور الذي يحرك تروسها؟ وتاني راجعين لعوالم سكسونيا.

    (عدل بواسطة صلاح الأحمر on 04-29-2008, 09:40 AM)

                  

العنوان الكاتب Date
حكايات من زمن آخر.....(1) إسحق سكسونيا صلاح الأحمر04-12-08, 10:10 AM
  Re: حكايات من زمن آخر.....(1) إسحق سكسونيا صلاح الأحمر04-12-08, 03:04 PM
    Re: حكايات من زمن آخر.....(1) إسحق سكسونيا سلمى الشيخ سلامة04-12-08, 06:43 PM
      Re: حكايات من زمن آخر.....(1) إسحق سكسونيا Emad Abdulla04-12-08, 07:11 PM
        Re: حكايات من زمن آخر.....(1) إسحق سكسونيا صلاح الأحمر04-13-08, 04:39 AM
          Re: حكايات من زمن آخر.....(1) إسحق سكسونيا صلاح الأحمر04-13-08, 05:05 PM
            Re: حكايات من زمن آخر.....(1) إسحق سكسونيا صلاح الأحمر04-13-08, 06:39 PM
              Re: حكايات من زمن آخر.....(1) إسحق سكسونيا صلاح الأحمر04-14-08, 09:52 AM
                Re: حكايات من زمن آخر.....(1) إسحق سكسونيا صلاح الأحمر04-15-08, 02:46 PM
                  Re: حكايات من زمن آخر.....(1) إسحق سكسونيا صلاح الأحمر04-16-08, 03:56 PM
  Re: حكايات من زمن آخر.....(1) إسحق سكسونيا omer abdelsalam04-16-08, 07:38 PM
    Re: حكايات من زمن آخر.....(1) إسحق سكسونيا عبدالكريم الامين احمد04-16-08, 10:18 PM
      Re: حكايات من زمن آخر.....(1) إسحق سكسونيا صلاح الأحمر04-17-08, 01:09 PM
        Re: حكايات من زمن آخر.....(1) إسحق سكسونيا عبدالكريم الامين احمد04-18-08, 08:39 AM
          Re: حكايات من زمن آخر.....(1) إسحق سكسونيا صلاح الأحمر04-21-08, 00:39 AM
            Re: حكايات من زمن آخر.....(1) إسحق سكسونيا صلاح الأحمر04-22-08, 07:37 AM
              Re: حكايات من زمن آخر.....(1) إسحق سكسونيا صلاح الأحمر04-22-08, 11:37 AM
                Re: حكايات من زمن آخر.....(1) إسحق سكسونيا صلاح الأحمر04-22-08, 09:48 PM
                  Re: حكايات من زمن آخر.....(1) إسحق سكسونيا صلاح الأحمر04-29-08, 02:06 AM
                    Re: حكايات من زمن آخر.....(1) إسحق سكسونيا صلاح الأحمر04-29-08, 09:33 AM
                      Re: حكايات من زمن آخر.....(1) إسحق سكسونيا صلاح الأحمر05-08-08, 12:13 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de