|
|
 شكرا لمن صنعوا (فرحة العيد) لاطفال المايقوما .. (صور) وأطنان محبه...
|
سيكون عيد اطفال المايقوما هذا العام (جديدا) وجميلا...
(طولنا من الهدوم الجديده)..
الاطفال يفرقون بين ماهو جديد وماهو دون ذلك..
تختلف حتي الضحكه وحركة الايادي وهي تمسح علي اللبسه ...
(عاين دي هدومي الجديده)..
العيد ... في الدور الايوائيه عامة والمايقوما خاصة له طعم ولون ورائحه مختلفه...
حتي الضحكه لها طعم (أطعم) بكثير..
شكرا لمن رسموا الضحكه..
|
|
 
|
|
|
|
|
|
|
|
Re: شكرا لمن صنعوا (فرحة العيد) لاطفال المايقوما .. (صور) وأطنان محبه... (Re: naeem ali)
|
البركه ....
عند المتصوفه (في اي ديانه)..
لها كتله وليس لها وزن... ومن خواصها (الالتصاق)..
كنا كمتطوعي المايقوما نرفض تلقي مبالغ ماليه ونحرص علي (الدعم العيني)..
وذلك لعدة اسباب (اهمها) ان المواد (العينيه) تأتيى الينا وقد التصقت (نيات) اصحابها بها.. تاتي مبروكه..
أن تعطي ما ذاد عن حاجتك هذا (تكافل)..
لكن ان تعطي (جديد) ... هذا عطاء..
شكرا لاصحاب هذا العطاء..
ملابس جديده لعموم اطفال المايقوما..
نعم ... لهم اجمعين..
بكرة أحلي اذا..
| |
|
|
|
|
|
|
|
|
|
Re: شكرا لمن صنعوا (فرحة العيد) لاطفال المايقوما .. (صور) وأطنان محبه... (Re: naeem ali)
|
قبل ان نشكر نبعث بصوت لوم للجمارك السودانيه..
500 جنيه سوداني (500 الف بالقديم) كانت جمارك (الثلاث شنط) من الملابس الجديده المرسله من السعوديه.. لاطفال المايقوما..
قام بدفعها (شخصان) ليس لديهم الرغبه في الافصاح عن انفسهم (لهم المحبه)..
500 جنيه رغم اننا قمنا باستخراج مكتوب من الدار بتبعية الشحنه لهم..
وصوت شكر للمخلص الذي رفض ان يتقاضي اتعابا علي تخليصه للحقائب
وقد وهبها لروح والده (نسأل الله ان يرحمه ويغفر له)..
| |
|
|
|
|
|
|
|
|
|
Re: شكرا لمن صنعوا (فرحة العيد) لاطفال المايقوما .. (صور) وأطنان محبه... (Re: naeem ali)
|
ثلاث حقائب من (الحجم ابو كديس) ارسلت من السعوديه (فاعلي خير) عن طريق
الاخ الحبيب عضو المنبر (صديق الموج)..
له ولهم ولكل من ساهم في ايصالها الينا (حتي عمال الشحن والتفريغ بالمطارات)...
كل المحبه وصادق الدعوات..
منذ الامس السبت تسلمت (ماما حنان) مشرفة الامهات مهمة توزيعها علي الاطفال..
ثم لابد من شكر (ادارة دار الطفل اليتيم بالمايقوما) لتحملهم طلبي الثقيل بضرورة جرد محتويات الحقائب..
وقد قاموا بتسليمي ايصال استلام بالجرد..
بيكم كلكم ... بكرة أحلي..
| |
|
|
|
|
|
|
|
|
|
Re: شكرا لمن صنعوا (فرحة العيد) لاطفال المايقوما .. (صور) وأطنان محبه... (Re: معتصم ود الجمام)
|
جرد محتويات الثلاث حقائب
1- ملابس متنوعه وعددها حسب الانواع الثلاث
371 لبسه
405 لبسه
170 لبسه
وكلها جديده وموضعه داخل اكياسها
2- الجوارب (الشرابات) ثلاث انواع ايضا
50 شراب
66 شراب
114 شراب
3- بشاكير نوعين
20 بشكير
38 بشكير
بالاضافه الي ديتول وبودرة اطفال ولوشن
صابون لايف بوي (وهو مهم جدا بالمناسبه) نوعين ايضا
72 قطعه
79 قطعه
وكل الحاجات دي جديد واول مستخدمين لها سيكونوا اخوانا الصغار في المايقوما باذن الله..
عليكم الله بكرة أحلي ولا ما أحلي..؟؟
| |
|
|
|
|
|
|
|
|
|
Re: شكرا لمن صنعوا (فرحة العيد) لاطفال المايقوما .. (صور) وأطنان محبه... (Re: Dr.Elsadig Abdalla)
|
الاخ الحبيب Dr.Elsadig Abdalla
Quote: ده زاتو البخلي الواحديفكر
ألف مره قبل الشروع في مشاريع مساعدات...اتيحت لي عدة فرص من هنا لمساعدة المرضى في السودان.لكن بعد السؤال ...والجمارك ..ألخ...تريثت قليلا .. |
ماتتريث والله ياحبيب..
الموضوع هنا (صدف) وتساهيل..
ممكن تلقا زول يعمل ليك (اعفاء كامل)..
واكيد بتلقي ناس في حالة العدم يتشايلوا الجمارك..
هي في النهايه بتلفق يا دكتور..
بس اتوكل وبتسهل..
وبكرة أحلي..
شاكر مرورك يا حبيب...
| |
|
|
|
|
|
|
|
|
 Re: شكرا لمن صنعوا (فرحة العيد) لاطفال المايقوما .. (صور) وأطنان محبه... (Re: naeem ali)
|
Quote: ثلاث حقائب من (الحجم ابو كديس) ارسلت من السعوديه (فاعلي خير) عن طريق
الاخ الحبيب عضو المنبر (صديق الموج).. |
نعيم العزيز كل عام انت واطفال السودان عموم واطفال المايقوما بخاصه فى الف نعمه وخير
لكن مادام جابت ليها شيل حس كدى النفتو كلو
والله انا فاعل الخير الاتصل بى ما بعرفه لكن قلت ليه ياود القبائل
والله ما بصدك بى عشمك ده،ودرع لى الشنط فى رقبتى وذهب، قمت مشيت
لاخونا عبد الفتاح عبد العزيز المدير الاقليمى لسودانير وادانى خصم 50%
ومشيت لوكالة المناوله وهم وكلاء الشحن لسودانير حيث صديقى عامر سنجراب
المدير العام وبعد استخراج البوليصه تنازل عامر عن الخمسين فى المية المتبقيه
وكتب لى على الظرف للمخلص فى الخرطوم ان لايتقاضى مليما واحده نظير اتعاب التخليص
وكتبت المستلم العوض المسلمى وارسلت له البوليصه والمفاتيح مع ابن خالى
هذا ماكان من امرى ،يعنى فاعلي الخير الاشترو الحاجات دى بمبلغ اكثر من عشرين
الف اسمهم ما جاء وما يجى الا اسم حماد الراوية ده.
فعلا الخيل تجقلب..
نعيم العزيز وعدنى بعضهم بارسال بعض الاشياء وانا اناشد كل اهل الخير من سكان الرياض
اعضاء وقراء ان يتصلو بى فى مسالة الشحن دى جعل الله ذلك فى ميزان حسنات الاخوان فتاخ وعامر
لكن زعلتنى حكومة السجم البتتقاضى جمارك من هولاء .
معناها ملاحقتهم ستات الشاى امر تقره الاديان ،والله زى ماقال ود الصديق كان دخلناهم
استثمار ما كان اخدو منكم قروش.
حمالتك على المره الجايه الا اشحنن واكتب المستلم البشير والا على عثمان والا نافع وبالعدم
والى الخرطوم الجديد ده..
بالله دى حكومه دى اوع يكونوا بياخدوا من الاغاثات جمارك برضو؟
بس الساعدوه فى قبر ابوه اعوذ بالله..حسبنا الله ونعم الوكيل
ســـــــــــــــــــــــــلام وكل عام والجميع بخير،،،
| |
|
|
|
|
|
|
|
|
|
Re: شكرا لمن صنعوا (فرحة العيد) لاطفال المايقوما .. (صور) وأطنان محبه... (Re: صديق الموج)
|
الاخ الحبي صديق الموج..
تحية احترام ومحبه..
(فاعلي الخير) الكملوا خيرهم بعدم زكر اسمائهم ديل (قبل اياديهم) المبروكه نيابه عن اطفال المايقوما..
(ملابس جديده) اكتمل بها (صباح العيد)..
فرحة اجتاحت ارجاء الدار..
تمهات وموظفين ومتطوعين ومتطوعات..
صنعوا فرحه بمعني الكلمه..
لهم ولك عاطر المحبه واصدق الدعوات..
والشكر من خلالك للاخوه
عبد الفتاح عبد العزيز المدير الاقليمى لسودانير
وكالة المناوله وهم وكلاء الشحن لسودانير
عامر سنجراب (الزول ده رباطابي من السنجراب..؟)
العوض المسلمى
الاخ المخلص الجمركي
ادارة الدار
وبيكم بكرة أحلي..
| |
|
|
|
|
|
|
| |
naeem ali
معتصم ود الجمام
Dr.Elsadig Abdalla
SHIBKA
انعام حيمورة
نجلاء سيد أحمد
أحمد الصديق
العوض المسلمي
Osama Siddig
صديق الموج
ناذر محمد الخليفة
omer osman
صلاح أبودية
عفاف الصادق بابكر
فيس بوك
تويتر
انستقرام
يوتيوب
بنتيريست