من جرائم الهالك قرنق إسقاط طائرة سودانير المدنية

Quote: الأخ المحترم/ محمد علي البصير بعد التحية والسلام Quote: الأخ محمد جلال ـ لك التحية أسقاط طائرة مدنية عمل شنيع لا يقبله أي كائن ولا توجد له مبررات ولكن !!!!! هل الضحايا الأبرياء في السودان هم فقط من لقى حتفه في سقوط تلك الطائرة المدنية !!! ؟؟ اليس هناك عشرات القتلي من الطلاب الأبرياء في حادث معسكر العيلفون اليس هناك مئات الألاف من ضحايا الحرب في دارفور والنيل الأزرق وجبال النوبة اليس هناك مئات الضحايا من الأبرياء قتلوا في مظاهرات سبتمبر 2013 م اليس هناك مئات القتلى من الأطفال والنساء جراء هجمات الطائرات الحربية على الأبرياء في جنوب كردفان ودارفور والنيل الأزرق الدفاع عن الحقوق يجب أن لا يتجزأء أخي محمد فكما أدنت قتل قتل ركاب سودانير التي أسقطتها الحركة الشعبية نأمل أن تدين قتل هؤلاء الأبرياء ظلماً تعرف يا أخي محمد كلامك ده بذكرني بي شنو زمان سنة 1997 د. جعفر شيخ إدريس جاء وعمل محاضرة في قاعة الشارقة بعنوان: العلمانية في ثياب إسلامية وكان موضوع المحاضرة الترابي ومنهجه الضال ومخالفته لمنهج الإسلام المهم .. لمن فتحوا باب المداخلات قام واحد من شباب الكيزان ديل متشنج ويكورك: إنتو ليه ما بتتكلموا في الجهاد .. الجهاد في الجنوب والشباب بمشوا يموتوا وقاعدين لي بس في السعودية (الباطلة دي) أي والله قالها بهذا اللفظ! د. جعفر بكل برود أجابه قائلا: شيء غريب . أنا كلما أجي أعمل محاضرة أتكلم في الترابي يجوني يقولوا لي ما تتكلم في الجهاد في الجنوب أو في إنجازات الإنقاذ .. قال أنا عملت محاضرة اسمها كده وموضوعها كده يبقى الكلام يكون في موضوع المحاضرة، لو أنا عايز أتكلم في الجنوب أو غيره ممكن أعمل محاضرة تانية وأتكلم فيها لكن ما ممكن أنا عامل محاضرة عشان أتكلم في موضوع يجيني زول يقول لي ما كان تتكلم في كده. فنبنفس القدر يا أخي محمد .. أنا فتحت هذا البوست وذكرت معلومة تاريخية قد يكون نسيها البعض أو لا يعرفها الكثيرون ولم أمدح الكيزان ولا دافعت عن نظامهم يبقى قصة إنت ما كان تتكلم في كده أو تقول كده بعتبره تحكم ليس إلا ،، أنا تكلمت عن هذه القضايا التي تقولها من قبل وأدنتها في أكثر من مشاركة وأنت لم تطلع على كل مشاركاتي حتى تحكم علي أني لا أتكلم فيها، وأنا لست ملزما كلما فتحت موضوعا لأنتقد المعارضة مثلا أن أسب وأشتم الكيزان وألعن أبو أهلهم وابين جرائمهم حتى أرضي الطرف الآخر أنا يا محمد أكتب بأسلوبي وطريقتي وما يروقني أبقى طيب