|
|
 احكي ليكم عن اجازتي للسودان
|
07:09 AM Sep, 08 2015
سودانيز اون لاين
عباس الدسيس-Saudia
مكتبتى فى سودانيزاونلاين
البعد ولا البلاد ام سعد
البعد ..كسر الباء والعين ... يعني الابتعاد - ام سعد ...كسر السين والعين.. نبات ما عندو فايدة وضار تلقاهو علي ضفاف النيل الابيض .
المقصود: ياخي شوف ليك اجازة في محل تاني غير السودان بلاد الله واسعه وزيد في غربتك وهجرانك لي وطنك الي ان يفعل الله ما يريد واعلم ان ذهابك للاجازة بالسودان ليس للمتعه بل للاذيه ولسلامتك وسلامة اولادك اعرض عن هذا.
بداية بميناء سواكن ومن تخت رجلك علي السودان تدفع بس كل الناس منتظره موسم الاجازات عشان تحل مشاكلها علي حساب المغترب بداية بمخلص العربية البعملو كلو بجيب ليك ورقه اقول ليك سجل فيها اغراضك الموجوده في العربية واعمل كدا واعمل كدا وفي النهاية تلقي نفسك عملت كل حاجة واقول ليك جيب 300 الف نمشي لي الطريق والرحلة..
الملاحظ الحمامات بقروش كان تتوضأ او تخش ((الادبخانه)) أو تستحما كلو بي سعرو بعد عطبرة وانا صايم وقفت اصلي دخلت اتوضيت ومع العطش والسخانه وجرست رمضان غسلت راسي بي مويه الغريبه ما لقيت زول حارس الحمامات أها قلته اطمبج بالمويه امكن تروي عطشي بليت القميص مع لفحة الهواء الجميلة والمويه مبلله راسي واطرافي وفرحة الوصول للبلد تعديت عتبة الباب قابلتني بت عمرها حوالي 21 سنة شايله ليها ورق من عملة السودان وبادرتني... يلا ادينا يا استاذ.
طوالي خمنته الزول دي الطلعت فجأة من مفاجأت الوطن العزيز بدون سابق انذار بتطلع ليك الحاجات.
اديتها جنيه حديده عشان امشي بسرعه...
قالت دا شنو يا استاذ انت استحميت بي خمسة جنيه.
قلت ليها انا اتضويت وبليت قميصي ما استحميت
ردت ... البضمني شنو انك اتوضيت وانت ملان مويه كدا وكمان طولت جوه امكن تكون بعد استحميت ((عملتها)) ادينا غلينا نشوف غيرك اتلفت لي وراء لقيت في ناس بتابع الحوار دخلت في اضافري وكان موقف محرج في نقاش دخول الحمام وانت عملتها وما عملتها لقيت ما عندي فكه معاي عشرة جنيه اديتها ليها وقلت ليها خلي الباقي عشانك امكن الواحد عمل ليهو بوله ونساها.
ماشي في الطريق العساكر بتاعين نقاط التفتيش عندهم حركة ارهاب استقلاليه إوقفك وإعاين جوه العربيه زي البفتش ياخد ليهو دوران حول العريبة وانت في تلك اللحظات بتقول ربنا افكني من الزول دا ما اطلع لي بي مصيبه وعشان المفاجأة كنت خاتي التربتك والجواز واستمارة العربية والرخصة في الدركسون نرجع لي العسكري لازم إدردق بي كلام عشان اطلع منك بي حاجة واضعف الايمان كان ما لقي عندك حاجة بقول ليك عندنا ناس ماشين قدام بالله وصلهم لينا معاك ... لو قال كدا من اول ممكن تتماشي معاهو أو توصل اي زول في النهاية التوصيل عمل خير وفيهم كمان البتكلم معاك وادخل راسو جوه شباك العربيه يعني انت ما ماشي مالم يصل مرادو.
حكاية تفتيش العربية والدوران حولها زعلتني وغاظتني بعد انتهي جاء دخل راسو جوه الشباك وبدأ شغلو..
كان الحوار التالي:
ياخي ما عندي قروش سودانية... ما مشكله جيب سعوديه انا بفكها ...القروش المعاي كلها فئات كبيرة.
ياخي انت ما فيك كده اصلو جيت من وين طيب عندي جماعه عايزين إصلو قدام شيلهم معاك !!!
ما قاعد اشيل معاي زول غريب...
خلاس فرتق مننا انشاءالله تتقلب بيك و ل تخش ليك في شاحنه.
شكرا يا نبي الله الخضر انشاءالله دعواتك مقبوله.
واصلت رحلة الوطن .
نواصل في الحكي................
|
|
 
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
سلامات يا عباس ,,
ربنا يتقبل الوالدة أحسن القبول ويجعل الجنة مثواها
ويصبركم الصبر الجميل على فقد أعز الناس,,,
لما تجي ماشي السودان أسحب كلمة إجازة دى وخت مكانا
أى كلمة أخرى وعندك خيارات كثيرة وحاول تبقى حريف
وتقلل هامش المخاطر بالإبتعاد عن أشياء كثيرة أولها
قصة أنك تمشي سايق عربيتك لأنو دى براها ممكن تبقي
ليك سبب عويق مستمر طيلة الفترة التي ذهبت لتقوم
بواجبات كثيرة نذهب لقضائها هناك أولها وليس آخرها
حق الإنسان الطبيعى في دخول بلده ورؤية أهله وأسرته
وعشيرته مرورا بكل التفاصيل وصولا لإجراءآت العودة التي
تفنن المسؤولين في أن يجعلوها جحيم حقيقي علي الناس..
حمدالله على السلامة يا زول,,
| |
|
|
|
|
|
|
|
|
|
Re: احكي ليكم عن اجازتي للسودان (Re: أيمن الطيب)
|
بسم الله نبدأ ونقول ليكم كلام مغاير ان شاء الله تعدوني كوز
دخلت مطار الخرطوم صبيحة ثالث يوم عيد الفطر المبارك
مع عائلتي وتم اخراجي من صف الجوازات مراعاة لأطفالي
بعد ان استأذن الشرطي ممن في الصف...وهو كان صف طويل
بالرغم من انني (ما كوز) ولا اعرف الشرطي...ولا علاقة لي بأحد في المطار
بل ولم اخبر احد بعودتي....في اقل من خمس دقائق...ختموا لي جوازاتي
بعد ان سمحوا لافراد العائلة بالعبور من بوابة الجوازات الي الصالة...
فاستلمنا عفشنا ولم نتعرض لأي تفتيش....بل وساعدوني مجانا ساكت
في دفر التروللي المحمل بالعفش...ومعاها كل سنة وانت طيب...ولأنو ما كان معاي قروش
سودانية ...سألت وين ممكن افك العملة عشان ارجع ادي الناس الساعدوني ديل حويجة
فقال لي مرافقي المتبرع بأن لا داعي لذلك امشي اصل اهلك وبعدين فك قروشك بي راحتك
وصلت بيتنا ولقيت الكهرباء ما قاطعة والموية ما قاطعة...والناس في امن وأمان
الملاحظة الاولي من داخل بيتنا...كانت الشكوي من الغلاء الفاحش وان الزيت بي الشي الفلاني والرغيف بي عييك
نزلت السوق لقيت الاسعار اقل من الاسعار حيث اتيت بي فرق كبير....ولا توجد ندرة ...بل كل شي متوفر
لو مشيت السوق المحلي....ريحة المنقة تجيك من اول زقاق....وكل انواع الخضروات السودانية موجودة
وباسعار معقولة....والجرجير ...جرجير...فيه لذعة حارة...ليس كما الجرجير المسكين بتاع بلاد بره
ليمونة وطماطمتين وبصلة بيضاء وزيت سمسم لن يكلفوك اكثر من نصف دولار (بي خمسة جنيه تحديدا)
اللحمة بالرغم من غلائها في السوق...كيلو الضان بي 60 الف...الا انك ممكن تشتري خروف فيه
30 كيلو بي 900 الف...ودي الفكرة الطبقتها فعلا في احد الاحياء..وخليتهم يتشاركوا خروف عشان
الكيلو يطلع ليهم بي 30 الف ...بجيكم راجع...الكلام كتير
| |
|
|
|
|
|
|
|
|
|
Re: احكي ليكم عن اجازتي للسودان (Re: وضاحة)
|
فاتني ان اعزيك اخي عباس...
احسن الله عزاكم وجبر كسركم...وربنا يتقبل الوالدة القبول الحسن مع الصديقين والشهداء والابرار
ويصبركم صبرا جميلا علي فقدها....انا لله وانا اليه راجعون
| |
|
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
يا ريكس ...
حمديلا على السلامه ...
ونسال الله ان يرحم الوالده برحمته الواسعه
وان شاء الله اخر الاحزان ...
في احدى السنوات نزلت بالسياره ...
وفي احدى نقاط التفتيش وانا مشغل عثمان حسين ..
العكسري قال لي ما تدينا الشريط دا ياااخ ... وله ما كان ..
اها طبعا ... الاغلبيه مننا بنزل السودان ليس للراحه والاستجمام ( دي ليها بلاد اخرى )
وانما لزيارة الاهل والاصدقاء ولقضاء حوايجه الخاصه نحو مستقبل افضل ...
اما لشراء قطعه ارض .. او ترميم وصيانه منزل قديم .. او شراء بيت جديد .. وهكذا ....
ثم تعود قبل نهاية الاجازه باسبوع لترتاح من عناء اجازتك في السودان ...
والله المستعان ,,
تحياتي ,,
| |
|
|
|
|
|
|
|
|
|
Re: احكي ليكم عن اجازتي للسودان (Re: محمد مجيدو)
|
الشفيف عباس الدسيس احسن الله عزاءكم وجبر الله كسركم وتقبل الوالده بالاحسان ان شا الله ,,
وحمد لله الف على السلامه ... والله بتصدق لي كم يوم اقول افقدك جيت ولا لسه في السودان لكن مع الدوامات الما بتخلص دي والله المستعان ,,
طبعا متوقع انك تفتح بوست عن معاناتك وتجسدها لنا هنا عشان كده منتظرنك من رمضان عشان نستمتع بالحكي الطاعم فواصل من غير فواصل لغاية ما نصلك بالدرب ,,, وتحياتي لك وللاسرة الكريمه يا حبيب ..
تحياتي : ياسر العيلفون
| |
|
|
|
|
|
|
|
|
|
Re: احكي ليكم عن اجازتي للسودان (Re: ياسر السر)
|
خارج النص:
زميل المنبر والصديق الدرديري كباشي رجل نكته كان بحكي لي في معاناتو في الاجازة المت به وعكه صحية رقد المستشفي السكر ارتفع عليهو الجماعه لمو فيهو حقن في الصرة.
قال ليهم يا جماعه أنا عاضيني كلب....
تمشي وراي اقدرك تجي قدامي اكعبلك
ما تقول اشتريتها بسلفية جبتها بي دهب الولية
عبارات مكتوبة في الرقشات والرقشات عالم تاني لو ما كنت حريف زي مسي بتعفص ليك واحد عندهم نظرية في القيادة بقول ليك دخل قدوما عشان تمشي بي سرعة دخلت محل العاب اطفال في مدني حي الدرجة فيها العاب بي تجهيزات حديثه وجميلة جدا المشكله الاولاد اندهشو الالعاب بنظم فيها شرطي شايل ليهو سوط عنج كل دقيقه طاخ في حديده جمبو الاولاد بصف والبنات بصف ((لي اطفال)) ياهو دي الحركات البتودي داعش قررنا الذهاب وتزاكرنا لي حسي معانا... الظاهر جينا بدري الشفع لما زهجو وطلعنا لقيت العربية محاطه بي قوات ابو الجعران من الرقشات ما تطلع من الزحمة لو مسحته العربية بي ويكه وتعال شوف المجاجه ... دقيقه يا أصلي... لف يمين يا فرده لف شمال اقرص هنا يا جوكر لو ما غبار السودان وكوراك الناس تقول انت في مومباي.
لما تقيف في محطة بنزين بسالك عامل المحطه ((اكب ليك كم خط)) تقول ليهو امليء التنك بسألك بنهره وليس استغراب .. كلو يا زول.. يوم الوقفه قلته اكب البنزين العصريه عشان احافظ عليهو ايام العيد امكن المحطات تكون مقفوله فعلا دا الحصل عند المغرب بديت رحلة البحث عن البنزين والوصف المحطات المريت بها البنزين خلص منها ربك رب الخير لقيت لي محطه منزويه في ركن فيها بنزين المسؤل منها رجل ظريف الظاهر كان في الخليج وفضل الاستقرار في السودان فتحت التنك قال لي العامل دا بكون عايز التنك ملان ((وبدأ سريان البنزين كما يسري الدم في عروقي)) وفجأة في نص التنك المسدس بتاع الطلمبة وقف .
في شنو يا زول مالك وقفته؟؟؟
والله البنزين قطع
يا جماعه الحكاية شنو !!!
مسؤل المحطه الظريف بابتسامه قال لي... انت قايل روحك في ارامكو احمد الله لقيت نص تنك
نرجع لي سواكن:
اتحركنا من سواكن الساعة السادسة صباحا واحنا طالعين طلب مني رجل طيب الرفقه معاهو للخرطوم كانت معاهو الاسرة والعربية حام بيها شويه في جدة عايزة اتمو ليها البنزين اقترحت عليهو اتم البنزين في محطه بره من سواكن للضمان اخذ رقم الجوال لو في مشاوره اثناء السواقه اتحركنا لسؤ الحظ المحطه البره سواكن قالو بتفتح بعد الساعة ثمانية دخل في مشاوره مع المدام ننتظر و ل نمشي المدام قالت نمشي نكب قدام اقرب محطه هيا من ملاحظتي للراجل وقت طلب رقم الجوال كان بايعاز من المدام جاتني خاطره الزول دا منبرش من المشاورات الكثيره مع مرتو... اتورط معاهو سفرة قائد اسطولها مدام وصلنا مدينة هيا المحطه الكهرباء قاطعه فيها سألنا بتجي متين قالو الله اعلم.. حسي... العصر.. المغرب ما معروف طيب يا جماعه اخر مرة قطعت جاتكم بعد كم ساعة قالو 12 ساعه... هنا اول مرة اسمع صوت المدام ((قلت ليك البطاطين مافي داعي تمشي تفتشها في جدة كملت بيها البنزين راسك القوي دا)) في اللحظة دي انسحبت ... قررت المدام نمشي لي قدام البنزين حقهم بودينا للمحطه الجايه علي بعد حوالي 40 كيلو تحركنا اثناء المشي في الطريق سرحت ومشيت بسرعه شويه اتصل علي الراجل بتكلم من الجوال مربوط مع البلوتوث... يا زول مالك اختفيت مننا ؟؟؟
سرحت شويه خلاس برفع رجلي شويه عشان تحصلوني اخذته لي صنه وصاحبنا الظاهر نسي إقفل الجوال من بلوتوث العربية جاني صوت مرتو:
زولك الشبكتو فينا دا طاير لاحق شنو أنا من تحشرو مع ناس محطة البنزين قلبي ما رادو اصلو انت غير الكوارث ما بتجيب لينا حاجة.
وصلنا المحطه الثانية وكان الغبار شديد والمحادثه الجاتني طايره خلتني اعمل ساتر والزم عربيتي ومن ملاحظتي من بعيد وناقاشات عامل المحطه عرفته مافي بنزين وعمك راسو ضرب !!!
مشي لي مرتو وجاني .. الحل شنو مافي بنزين والزوله دي زعلانه شديد وقالت اشوفك تكب لينا من عربيتك.
العربات الجديدة ما بتقدر تكب منها بنزين مالم تفك الضبه بتاعت التنك تحت لانو فيها مصفي ودي شغلتها كثيره نمشي قدام في زبيديه ببيعو بالجركانه علي الطريق اشتري منهم...... نواصل
| |
|
|
|
|
|
|
|
|
|
Re: احكي ليكم عن اجازتي للسودان (Re: عماد حسين)
|
أخ/عباس السلام عليكم...والف رحمة للوالدة ولجميع موتى المسلمين....
Quote: زولك الشبكتو فينا دا طاير لاحق شنو أنا من تحشرو مع ناس محطة البنزين قلبي ما رادو اصلو انت غير الكوارث ما بتجيب لينا حاجة.
|
لكن والله موقف محرج وإنت قبك أبيض مشيته بمزاجك.....
| |
|
|
|
|
|
|
|
|
|
Re: احكي ليكم عن اجازتي للسودان (Re: ياسر السر)
|
Quote: سلامات يا عباس ,,
ربنا يتقبل الوالدة أحسن القبول ويجعل الجنة مثواها
ويصبركم الصبر الجميل على فقد أعز الناس,,,
لما تجي ماشي السودان أسحب كلمة إجازة دى وخت مكانا
أى كلمة أخرى وعندك خيارات كثيرة وحاول تبقى حريف
وتقلل هامش المخاطر بالإبتعاد عن أشياء كثيرة أولها
قصة أنك تمشي سايق عربيتك لأنو دى براها ممكن تبقي
ليك سبب عويق مستمر طيلة الفترة التي ذهبت لتقوم
بواجبات كثيرة نذهب لقضائها هناك أولها وليس آخرها
حق الإنسان الطبيعى في دخول بلده ورؤية أهله وأسرته
وعشيرته مرورا بكل التفاصيل وصولا لإجراءآت العودة التي
تفنن المسؤولين في أن يجعلوها جحيم حقيقي علي الناس..
حمدالله على السلامة يا زول,, |
سلام يا حبيبنا ايمن الطيب
اللهم امين شاكر ومقدر للتعزية
حكاية العربية تاني توبة يا حبوبة
تشعر هناك في ازمات مفتعلة تاكيدا لكلامك اضيف ليها المعاناة الموجودة اصلا
تقديري واحترامي
| |
|
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
Quote: رحم الله والدتكم اخي الدسيس وجعلها من اصحاب اليمين
الكلام دا الا يكون حصل ورانا مشينا عددا من المرات
ما شفناه
براميل من الود |
عمر سلام وتحية
اللهم امين.....
يا شيخ عمر انتو زينا احنا المساكين
انت زول ماك ساهل عضو مؤتمر وطني بتكون التلفونات شغاله للاستقبال والتسهيلات وانت ما اتحركت من ميناء جدة.
بس عشان تبقي زينا والزول ما بتمني ليك الشين
انشاءالله تاخذ ليك زرة في الجيلي وانت ماشي السودان تلاقي ناس الدعم السريع ما صرفو ليهم الرواتب ليهم 15 يوم
بعد كدا ممكن نسمع رايك.
مطامير من الورد والمحبه
| |
|
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
Quote: بسم الله نبدأ ونقول ليكم كلام مغاير ان شاء الله تعدوني كوز
دخلت مطار الخرطوم صبيحة ثالث يوم عيد الفطر المبارك
مع عائلتي وتم اخراجي من صف الجوازات مراعاة لأطفالي
بعد ان استأذن الشرطي ممن في الصف...وهو كان صف طويل
بالرغم من انني (ما كوز) ولا اعرف الشرطي...ولا علاقة لي بأحد في المطار
بل ولم اخبر احد بعودتي....في اقل من خمس دقائق...ختموا لي جوازاتي
بعد ان سمحوا لافراد العائلة بالعبور من بوابة الجوازات الي الصالة...
فاستلمنا عفشنا ولم نتعرض لأي تفتيش....بل وساعدوني مجانا ساكت
في دفر التروللي المحمل بالعفش...ومعاها كل سنة وانت طيب...ولأنو ما كان معاي قروش
سودانية ...سألت وين ممكن افك العملة عشان ارجع ادي الناس الساعدوني ديل حويجة
فقال لي مرافقي المتبرع بأن لا داعي لذلك امشي اصل اهلك وبعدين فك قروشك بي راحتك
وصلت بيتنا ولقيت الكهرباء ما قاطعة والموية ما قاطعة...والناس في امن وأمان
الملاحظة الاولي من داخل بيتنا...كانت الشكوي من الغلاء الفاحش وان الزيت بي الشي الفلاني والرغيف بي عييك
نزلت السوق لقيت الاسعار اقل من الاسعار حيث اتيت بي فرق كبير....ولا توجد ندرة ...بل كل شي متوفر
لو مشيت السوق المحلي....ريحة المنقة تجيك من اول زقاق....وكل انواع الخضروات السودانية موجودة
وباسعار معقولة....والجرجير ...جرجير...فيه لذعة حارة...ليس كما الجرجير المسكين بتاع بلاد بره
ليمونة وطماطمتين وبصلة بيضاء وزيت سمسم لن يكلفوك اكثر من نصف دولار (بي خمسة جنيه تحديدا)
اللحمة بالرغم من غلائها في السوق...كيلو الضان بي 60 الف...الا انك ممكن تشتري خروف فيه
30 كيلو بي 900 الف...ودي الفكرة الطبقتها فعلا في احد الاحياء..وخليتهم يتشاركوا خروف عشان
الكيلو يطلع ليهم بي 30 الف ...بجيكم راجع...الكلام كتير |
نزار حسين
سلام يا حبيبنا
ذكرتني ايام احلام الهجرة لي جزر القمر
منتظرين عودتك
سلامي وتقديري
| |
|
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
Quote: اخى عباس
ربنا يتقبل الوالدة أحسن القبول ويجعل الجنة مثواها
ويصبركم الصبر الجميل على فقد أعز الناس |
سلام يا دكتورة وضاحة
اللهم امين
أسأل الله العظيم ان يبدلها دارا خيرا من دارها
واهلا خيرا من اهلها وان يدخلها الجنة بلا حساب
وان يعيذها من عذاب القبر ومن عذاب النار .
اللـهـم اني اسألك ان تعاملها بما انت اهله ولا تعاملها بما هي اهله .
اللـهـم اجزها عن الاحسان إحسانا وعن الأساءة عفواً وغفراناًًًًً
اللـهـم إن كانت محسنةًًًً فزد من حسناتها وإن كان مسيئاًًًً فتجاوز عن سيئاتها
اللـهـم اّنسها في وحدتها وفي وحشتها وفي غربتها
اللـهـم انزلها منزلاً مباركا وانت خير المنزلين
اللـهـم انزلها منازل الصديقين والشهداء والصالحين وحسن اولئك رفيقا
اللـهـم اجعل قبرها روضة من رياض الجنة ,ولا تجعله حفرة من حفر النار .
اللـهـم افسح لها في قبرها مد بصرها وافرش قبرها من فراش الجنة .
اللـهـم اعذها من عذاب القبر وجاف ِالارض عن جنبيها
اللـهـم املأ قبرها بالرضا والنور والفسحة والسرور.
اللـهـم إنها فى ذمتك وحبل جوارك فقها فتنة القبر وعذاب النار , وانت أهل الوفاء والحق فاغفر لها وارحمها انك انت الغفور الرحيم
اللـهـم انها كان تشهد أنك لا إله الا انت وأن محمداً عبدك ورسولك وانت اعلم بها
اللهم ثبتها عند السؤال بالقول الثابت
اللهم انا نتوسل بك اليك ونقسم بك عليك ان ترحمها ولا تعذبها
اللهم آمين آمين آمين
شاكر ومقدر
| |
|
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
Quote: فاتني ان اعزيك اخي عباس...
احسن الله عزاكم وجبر كسركم...وربنا يتقبل الوالدة القبول الحسن مع الصديقين والشهداء والابرار
ويصبركم صبرا جميلا علي فقدها....انا لله وانا اليه راجعون |
شاكر ومقدر يا حبيبنا نزار
اللهم امين وانا لله وانا اليه راجعون
تحياتي
| |
|
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
الاخ العزيز عباس الدسيس
احسن الله عزاكم في الوالدة وربنا يتقبلها قبول حسن مع الصدقين والشهداء وحسن رفيقا وربنا يبدلها دار خير من دارها واهل خير من اهلها وعظم الله الاجر في فقدكم
تشرفنا جدا بمعرفتك استاذنا العزيز وهي عادة المنبر دايما بلمك في ناس رائعين لك كل الود والتقدير
كسرررة
ماخشيت ليهم الظاهر في الجماعة بتاعين ابااااس رطب ههههههههههه
| |
|
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
الأخ الفاضل/ عباس الدسيس
تحية طيبة ...،،،
في البدء
أحسن الله عزاؤكم في وفاة الوالدة وجمعكم الله بها في مستقر رحمته في جنات النعيم ... اللهم أمين
أسأل الله العظيم ان يبدلها دارا خيرا من دارها
واهلا خيرا من اهلها وان يدخلها الجنة بلا حساب
وان يعيذها من عذاب القبر ومن عذاب النار .
اللـهـم اني اسألك ان تعاملها بما انت اهله ولا تعاملها بما هي اهله .
اللـهـم اجزها عن الاحسان إحسانا وعن الأساءة عفواً وغفراناًًًًً
اللـهـم إن كانت محسنةًًًً فزد من حسناتها وإن كان مسيئاًًًً فتجاوز عن سيئاتها
اللـهـم اّنسها في وحدتها وفي وحشتها وفي غربتها
اللـهـم انزلها منزلاً مباركا وانت خير المنزلين
اللـهـم انزلها منازل الصديقين والشهداء والصالحين وحسن اولئك رفيقا
اللـهـم اجعل قبرها روضة من رياض الجنة ,ولا تجعله حفرة من حفر النار .
اللـهـم افسح لها في قبرها مد بصرها وافرش قبرها من فراش الجنة .
اللـهـم اعذها من عذاب القبر وجاف ِالارض عن جنبيها
اللـهـم املأ قبرها بالرضا والنور والفسحة والسرور.
اللـهـم إنها فى ذمتك وحبل جوارك فقها فتنة القبر وعذاب النار , وانت أهل الوفاء والحق فاغفر لها وارحمها انك انت الغفور الرحيم
اللـهـم انها كان تشهد أنك لا إله الا انت وأن محمداً عبدك ورسولك وانت اعلم بها
اللهم ثبتها عند السؤال بالقول الثابت
اللهم انا نتوسل بك اليك ونقسم بك عليك ان ترحمها ولا تعذبها
اللهم آمين آمين آمين ...
الحكي عن إجازات السودان ما بنتهي وآلية الصرف لا تتوقف إلا بعد مغادرتكم وإن بقت على الصرف هين ولكن حينما تغادر شعبا يغالب المعاناة ومستشفيات مثلا تفتقر لأدنى متطلبات الوقاية ما بالك العلاج ...
| |
|
|
|
|
|
|
|
|
|
Re: احكي ليكم عن اجازتي للسودان (Re: معاوية المدير)
|
الشقي عباس ركس يلقى العضم في الكبدة اخاف زولتك خلتك تجرهم بي حبل وتمشي زي باظ السيرة وضارب البوري
في عسكري بتاع مرور السنة القبل الفاتت قالي في السعودية بدقوكم بالعقال تجو تتفنطزو علينا هنا قتا ليو ان (بيييب ) حلتك تعال دقني اتا بالرسمي
حمدلالك بالسلامة اخوي وتعازينا في فقدكم الغالية ست الحبايب ربي يرحمها
| |
|
|
|
|
|
|
|
|
|
Re: احكي ليكم عن اجازتي للسودان (Re: معاوية المدير)
|
الاخ عباس الدسيس ربنا يرحم والدتكم ويغفر لها
--------
تاني تجي المولد ههههههه
يا زول البلد بي غبشتو وكتاحتو وغلاتو ونظامو التاافه دا لكن برضو بتلقى فيه حاجة انت والاولاد محتاجين ليها.
ما تطول الغيبة
نتمنى نلاقيك في اجازتك الجاية
| |
|
|
|
|
|
|
|
|
|
Re: احكي ليكم عن اجازتي للسودان (Re: علي دفع الله)
|
رحم الله والدتكم رحمة واسعه وأسكنها فسيح جناته مع الشهداء والصديقيين وحسن أولئك رفيقا....
اللهم جازها بالحسنات إحساناً وبالسيئات عفواً وصفحاً وغفرانا...
اللهم أرزقها الجنة بغير حساب...
التعازي الحارة لكم وللأسرة الكريمة...
| |
|
|
|
|
|
|
|
|
|
Re: احكي ليكم عن اجازتي للسودان (Re: ahmedona)
|
أخي عبادس ..
نسأل الله الرحمة والمغفرة والعتق لوالدتكم ..
ونسأله سبحانه ان يجعلها من اصحاب اليمين ..
وأن يلهمكم الصبر وحسن العزاء ..
________________________
والله وحشتنا ووحشنا كلامك وحكيك الطاعم ..
واصل يا حبيب ..
| |
|
|
|
|
|
|
|
|
|
Re: احكي ليكم عن اجازتي للسودان (Re: Yasir Elsharif)
|
الأخ/ عباس
أجسن اللة عزاكم وجعل مثواها الجنة والهمكم الصبر وحسن العزاء
شوف يا عباس دى بلدنا ودا حالنا جيتوها ام جاتكم الواحد فيكم يامغتربين عايز يجى يلقى البلد كلها منتظراهوا تعظيم سلام . دا حالنا ودى بلدنا ما اتغير فيها اى شيء مما طلعتوا لامن رجعتوا فتشوا شوفو الاتغير منو ؟
| |
|
|
|
|
|
|
|
|
|
Re: احكي ليكم عن اجازتي للسودان (Re: قسم الفضيل مضوي محمد)
|
ربنا يرحم الوالدة يا عباس ويلهمكم الصبر
بصراحة أنا كلما أذهب الى السودان احس بمتعة الوطن
وبكون حريص اركب المواصلات وامشي كداري مشاوير بعيدة
وبكتر من زيارة الاهل والجيران
وكل يوم بكون فاطر مع زول من جيراني فطور عفوي
تجيهم خاشي وتاكل الموجود
يا اخي حياة جميلة حلوة والناس احلى
الاجازة بكون مشغول مع البنيان بالرغم بعض المعاناة ولكنها حياة سلسة
زكريات جميلة
وبالمناسبة انا من مدني و درست في مدرسة الشرطة ..دفعة عصمت الدسيس
| |
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
التحية والتعازي لصاحب البوست نسأل الله لوالدته الرحمة والغفران ...
أنا في الحقيقة لفت نظري مداخلة الآخ نزار حسين :
( نزلت السوق لقيت الاسعار اقل من الاسعار حيث اتيت بي فرق كبير.. )
ونتساءل :
هل هذا هو رأي غالب أهل السودان أن الأسعار غير مرتفعة ومعقولة ؟؟؟؟
أم أنك قست الأسعار حسب وضعك ومستواك المادي ؟؟؟؟
من المؤكد أنك أطلقت هذا الحكم ولم تراع لدخل الناس في السودان ؟؟؟
يا أخي الآن في السودان في ناس راتبهم 300 جنيه سألت نفسك كيف الناس دي عايشة ؟؟؟
هل في نظرك أن هذا الراتب كافي ليعيش أسرة ( خلينا نقول متوسطة ) ؟؟؟
ده لو بشتري فقط ربع كيلو لحم راتبو بنتهي في 20 يوم فقط ...!! ربع لحم فقط من دون أي شئ آخر .
لا خضروات ولا رغيف ولا ولا ....
فياخي عشان الحكم يكون عادل لازم الواحد يضع في الإعتبار كل طبقات المجتمع ولا يقيس على
مستواه هو فقط ، أنت مغترب ما شاء الله ربنا يزيدك ويرزقك لكن غيرك دخلو ضعيف ....!!
تحياتي
| |
|
|
|
|
|
|
|
|
|
Re: احكي ليكم عن اجازتي للسودان (Re: عباس الدسيس)
|
احسن الله عزاءكم اخى عباس وحمدا لله على السلامة
كيف يلاقيك اذا كانت كل مؤسسات الدولة تحت خدمتكم
وعشان ما نطلق الكلام على عواهنه قبل اسبوعين من تاريخ اليوم
والزحمة على اشدها فى سواكن وفى ناس ماتت من الزحمة خلاف انتهاء
اجازات واقامات البعض وجشع الوكلاء والتجار من ارتفاع فى اسعار التذاكر
وخلافه ، سالت واحد من جماعتكم قال لى مافى زحمة اتحركنا من الخرطوم
وطوالى ركبنا الباخرة لما دردقتو فى الكلام لقيت جهة كبيرة فى الولاية جندت
ليه امكاناتا واستقبلوه فى استراحة الجهة المعنية وساقوا عربيته ودوها الميناء
وحينما ارادت الباخرة ان تبحر جابوا ليه هايس مكيف ركب هو واولادو ونزلوهم
عند باب الباخرة !!!
عرفت ليه ما بتلاقيكم مشاكل ؟Quote: الكلام دا الا يكون حصل ورانا مشينا عددا من المرات
ما شفناه |
| |
|
|
|
|
|
|
|
|
|
Re: احكي ليكم عن اجازتي للسودان (Re: سعد مدني)
|
عزيزي عباس
احسن الله عزاءكم ونسأل الله ان يدخل والدتكم جنات الفردوس ويجعل قبرها روضة من رياض الجنة..
ونحن نعلم ان اقسى ما يواجهه المرء في هذه الحياة الفانية موت الأم.. لكن الله سبحانه وتعالى بشر الصابرين
على الابتلاءات بما لا عينت رأت ولا اذن سمعت ولا خطر على قلب بشر..
.. عزيزي نزار حسين ..
اقرأ معي مرة ثانية هذه الفقرة التي كتبتها....
في اقل من خمس دقائق...ختموا لي جوازاتي
بعد ان سمحوا لافراد العائلة بالعبور من بوابة الجوازات الي الصالة...
فاستلمنا عفشنا ولم نتعرض لأي تفتيش....بل وساعدوني مجانا ساكت
في دفر التروللي المحمل بالعفش...ومعاها كل سنة وانت طيب...ولأنو ما كان معاي قروش
سودانية ...سألت وين ممكن افك العملة عشان ارجع ادي الناس الساعدوني ديل حويجة
فقال لي مرافقي المتبرع بأن لا داعي لذلك امشي اصل اهلك وبعدين فك قروشك بي راحتك
وصلت بيتنا ولقيت الكهرباء ما قاطعة والموية ما قاطعة...والناس في امن وأمان
الملاحظة الاولي من داخل بيتنا...كانت الشكوي من الغلاء الفاحش وان الزيت بي الشي الفلاني والرغيف بي عييك
نزلت السوق لقيت الاسعار اقل من الاسعار حيث اتيت بي فرق كبير....ولا توجد ندرة ...بل كل شي متوفر
لو مشيت السوق المحلي....ريحة المنقة تجيك من اول زقاق....وكل انواع الخضروات السودانية موجودة
وباسعار معقولة....والجرجير ...جرجير...فيه لذعة حارة....\
....
هل انت فعلا بتتكلم عن السودان ام بتتكلم عن السويد والنرويج...؟؟
واذا كان كلامك ده صحي .. حنرجع باكر الصباح وبصفة نهائية ..
والله يديك الصحة والعافية
| |
|
|
|
|
|
|
|
|
|
Re: احكي ليكم عن اجازتي للسودان (Re: اميرة السيد)
|
| Quote: ام سعد ...كسر السين والعين.. نبات ما عندو فايدة وضار تلقاهو علي ضفاف النيل الابيض |
عليكن النبى تشوف الزول ده ,, كيفِن يعنى السِّعدَة ما عندها فايدة؟
نان الـلبن اللِّجُوغرناهو زمان ده كانن غنمنا بجيبَنُّو من أكل الهامبيرغر؟
أمانا ما بهتَّا السعدة ,, أين إتحاد المزارعين ,, أين إتحاد الرعاة ,, أين جمعيات حقوق النباتات ,,
تحياتى يارجل ياظريف وماتنسى معزوم فنجان جبنة فى بوست الجبنة مع الناس الحلوين,,
نسأل الله للوالدة الفردوس الاعلى وجبر الله كسركم ,, والله دعوت لها فى صلوتى وانا ساجد
نسأل الله ان يتقبل منا ومنكم ويجعلك عملها الصالح.
| |
|
|
|
|
|
|
| |
عباس الدسيس
أيمن الطيب
بشير أحمد
nazar hussien
وضاحة
أبوبكر عباس
جمال السنوسي
هشام عباس
محمد مجيدو
ياسر السر
احمد حمودى
عماد حسين
ismeil abbas
علاء سيداحمد
Hafiz Bakhit
almogira alemam
othman mohmmadien
معاوية المدير
حامد بدري
علي دفع الله
ahmedona
إدريس البدري
هشام كمال عبادي
Yasir Elsharif
Mohammed Ahmed Saeed
قسم الفضيل مضوي محمد
محمد حيدر المشرف
ابو جهينة
Othman Al-Hasan Babikir
يوسف أبو صالح
عبدالعزيز الفاضلابى
فيس بوك
تويتر
انستقرام
يوتيوب
بنتيريست