|
|
|
 Re: فلانة ليست طبيبة. (Re: سيف النصر محي الدين)
|
Quote: لا يستطيع التمييز بين التخصصات الطبية فلا يعرف الفرق بين اختصاصي
امراض الدم و تقني المختبرات |
لا فض فوك د. سيف
قرأت البوست المعني ولاحظت الخطأ الفظيع ولا يمكن بأي حال من الأحوال أن يقع طالب في كلية الطب ناهيك عن طبيب في خطأ كهذا ويخلط الأمور بتلك الكيفية.
ورمضان كريم
| |
 
|
|
|
|
|
|
|
|
Re: فلانة ليست طبيبة. (Re: يحي قباني)
|
سلامات باشمهندس قباني
ماذا لو قدم من ينتحل صفة طبيب ارشادات طبيةخاطئة لمريض؟
مهنة الطب ترتبط مباشرة بحياة الناس ولا مجال للمجاملة والمطايبة
ودكتور سيف فعل الشيء الصحيح ودق ناقوس الخطر.
ولو كنت مكانه لصرحت بالاسم ولتكن محاكمة منبرية ولنرى فلربما ولعل.
المهم ممكن نعتبر البوست دة peer review زي ما قال دكتور سيف.
--
في اواخر التسعينات عمل معنا معنا شخص ادعى انه طبيب عمومي في مستشفى ام درمان التعليمي وكل ما يتزنق ونشكك في أمره يطلع لينا صور فوتوغرافية
لأيام دراسته في الولايات المتحدة وكانت كلها صور لحفلات اعياد ميلاد وحفلات اخري متصور فيها مع خواجات لا علاقة لها بالطب. كنا اطباء امتياز ولكن
كشفنا أمره.
| |
|
|
|
|
|
|
|
|
|
Re: فلانة ليست طبيبة. (Re: سيف النصر محي الدين)
|
د. سيف سلامات وكيف الحال..
كثيرا ما يقع الناس في مشكلة الترجمة .. عندما نتحدث عن فلان متخصص في امراض الدم ذلك لا يعني بالضرورة طبيب اختصاصي في امراض الدم .. قد يكون ممرض متخصص في امراض الدم .. وقد يكون تقني او صيدلاني او اية مهنة طبية .. .. ... وأما بالنسبة لعدم القدرة في النقاش حول مسألة كالاخطاء الطبية على سبيل المثال .. فيوجد كثير من الاطباء وللاسف الشديد لا يستطيعون استقراء ونقد بحث طبي بسيط حول الاخطاء الطبية يشتمل على اخطاء فادحة جدا ..
جلست الشهر الماضي لامتحان يؤهلني لأن أكون ( BPS Board Certified Oncology Pharmacist (BCOP .. وذلك كتخصص اضافي من تخصصات الصيدلة
لو جاء احدهم وترجمها لاختصاصي في الاورام وهو يتحدث عني بخلفية كوني صيدلانيا فذلك لا يعني عدم معرفته بالتخصصات الطبية المتعلقة بالاطباء .. وكذلك هو الحال عندما اتحدث عن تقني مختبرات متخصص في امراض الدم .. اعلم بحكم عملي في مركز لابحاث السرطان ان بعض الزملاء في المختبر عندهم تخصصات كهذه .. وان كنت غير متأكد تماما من اسمائها.
المهم هذا ما عن لي قوله في هذا الصدد .. لا اكثر ولا اقل
مودتي يا صديق..
| |
|
|
|
|
|
|
|
|
|
Re: فلانة ليست طبيبة. (Re: محمد حيدر المشرف)
|
واللة يادكتور كدا البوست اوقع اثرا من ذكر الاسماء ...بعدين في اطباء ممارسيين للمهنة وبعض الذين لم يمارسوها لسبب او اخر يفقدون رخصتهم الطبية وربما الكثير من المعلومات الطبية الاساسية ولكنك لاتستطيع ان تنكر انة طبيب ولدية شهادة
كذلك ذكرت ان سبب فتح البوست ان الطبيبة الفلانية اتهمتك بالحقد عليها ..لذلك البوست لم يكن يشبهك وحسنا مافعلت
| |
|
|
|
|
|
|
|
|
|
Re: فلانة ليست طبيبة. (Re: Mohd Ibrahim)
|
شكرًا لجميع الإخوة الأعزاء
ملاحظتي ليس سببها فقط موضوع الاختصاصات الطبية
و لكنها ترسخت عبر مدة من الزمن و بقراءة كمية من المداخلات
التي تؤدي لهذه الخلاصة.
| |
|
|
|
|
|
|
|
|
|
Re: فلانة ليست طبيبة. (Re: محمد حيدر المشرف)
|
| Quote: عليك الله دع الخلق للخالق |
نجيب أمثلة يا مستر قباني على تركك خلق الله لخالقهم والا نخليها مستورة؟ 
الخالق ده الناس بتتذكرو عند اللزوم!
المهم يا دكتور سيف لو انك بترى ان الموضوع فيه حماية لمهنة الطب ومصلحة للعباد فعليك بواجبك وجلي المواهيم بتاعين خلوها مستورة والعفو والعافية ودع الخلق للخالق والمونساتية ديل!
| |
|
|
|
|
|
|
|
|
|
Re: فلانة ليست طبيبة. (Re: سيف النصر محي الدين)
|
الأخ العزيز د. فتحي
تحية طيبة ورمضان كريم ..
انا والله شاكر جدا لهذه المعلومات ولكن يبدو لي انك لم تقرأ كلامي جيدا ..
أنا لحسن الحظ افهم, الى حد ما, الفرق بين طبيب اختصاصي في أمراض الدم وبين تقني مختبرات اختصاصي في امراض الدم .. ويوجد كذلك ممرضين اختصاصيين في امراض الدم ويدور اختصاصهم حول التمرسض واعطاء الادوية الكيمياوية ومتابعة المرضى ورصد الاثار الجانبية والدعم المعنوي والارشادي الخ عمليات التمريض المعروفة.. بالنسبة للصيادلة لا يوجد تخصص لامراض الدم لحالها ولكن يوجد تخصص الاورام من البورد الامريكي ويشتمل على الاورام الصلبة وسرطانات الدم ... زي ما تقول كده بتعبيركم Oncology/Haematology Pharmacy Specialist .. ,وهو كذلك بالفعل By book .. وده يا عزيزي مختلف جدا عن الصيدلة السريرية او فارم دي او غيرها. فالاخيرتين درجتان اكادميتان يمنح فيهما البكالريوس والماجستير والدكتوراة وهكذا..
بالتالي لست مختلفا معاك حول تعريف الطبيب اختصاصي امراض الدم على الاطلاق .. ما اقوله أن كلمة إختصاصي Specialist ليست مقصورة على الاطباء الآن كما كان في الماضي .. العديد من المهن الطبية اصبحت عندها تخصصات .. ومن يتخصص يطلق عليه اختصاصي في حتة الاختصاص بتاعتو ..
صلة الكلام ده بالموضوع ان اطلاق صفة اختصاصي امراض دم على تقني مختبرات ليست خاطئة .. ويكون تعريفه الكامل تقني محتبرات اختصاصي في امراض الدم ..
دي الفكرة ببساطة يا عزيزي.
| Quote: دكتور محمد حيدر هناك فرق كبير بين الطبيب اختصاصي أمراض الدم وتقني المختبر المتخصص في أمراض الدم فالبنسبة للأطباء اختصاصيي أمراض الدم فهذا تخصص دقيق ايsubspecialty. يعني بعد إكمال تخصص general Hinterlist. بيعمل تخصص دقيق. Haematology. ودائما بكون في الغإلى haematology and oncology. وبيكون طبيب استشاري لتشخيص ومعالجة أمراض الدم أم التقني. المتخصص في أمراض الدم فبيكون المامه فقط. Laboratorium. Diagnosis. فقط فتقنيي المختبرات عندهم تخصصات محصورة في التشخيص المعملي هي clinical chemistry. A,haematology, histopathology وهذه أيضا يجب التفريق بينها وبين الأطباء اختصاصيي pathology. الذين لهم أيضا هذه المجالات كتخصص دقيق وحتى بالنسبة لكم انتم كصيادلة يمكن في ألمانيا مثلا أن تعملوا تخصص في clinical chemistry وتشتغلوا as clinical chemist |
| |
|
|
|
|
|
|
|
|
|
Re: فلانة ليست طبيبة. (Re: محمد حيدر المشرف)
|
Quote:
please sorry there was amistake ,I mean the medical doctor specialist in Haematology ,they get this as subspeciality after finishing their residency as general internist (in Germany after finishing the residency as general internist you have to do 2 to 3 years to be haematologist or 3 to 4 years to be haematologist and oncologist ,)
|
شكرا د. فتح الرحمن ..
كلامك صحيح 100%
| |
|
|
|
|
|
|
|
|
|
Re: فلانة ليست طبيبة. (Re: محمد حيدر المشرف)
|
Quote: نجيب أمثلة يا مستر قباني على تركك خلق الله لخالقهم والا نخليها مستورة؟
الخالق ده الناس بتتذكرو عند اللزوم!
المهم يا دكتور سيف لو انك بترى ان الموضوع فيه حماية لمهنة الطب ومصلحة للعباد فعليك بواجبك وجلي المواهيم بتاعين خلوها مستورة والعفو والعافية ودع الخلق للخالق والمونساتية ديل!
|
لا شكراً ...
انا خليت اللعب مع الوليدات السغار زمان ...
يا ايمن يا ولدي التحشر ده ما تخلي ياخي ... و التلصق ده برضو جليو ...
ما عندي ليك زمن و لا اخلاق ...
تعال راجع قول ليك كلمتين فارغات تاني و شوف ليك بعد داك حاجه مفيده اعملها ...
ماشي يا بابا ؟
الله يساعدك بس ...
| |
|
|
|
|
|
|
|
|
|
Re: فلانة ليست طبيبة. (Re: زينب محمد عبدالله)
|
يا مشرف إطلاقا لا اقصد من هذا البوست التقليل من مجهود
و مكانة اي شخص و من نافلة القول ان العملية الطبية الحديثة
تقوم على مبدأ الفريق الطبي و الذي تتساوى فيه جهود جميع
أعضاءه من ال professional .
مسألة التمييز بين التخصصات المختلفة أنا أوردتها كمثال فقط
لان الشخصية المذكورة فعلا ليس لديها اي فكرة عن الموضوع
و حتى شرحك هذا الذي تفضلت به لا أظن انها تقدر على الاستفادة
منه.
| |
|
|
|
|
|
|
|
|
|
Re: فلانة ليست طبيبة. (Re: سيف النصر محي الدين)
|
| Quote: انا خليت اللعب مع الوليدات السغار زمان |
قباني قبال ما تنصح الناس انصح نفسك - بوستاتك بتاعة التحشر والتلصق ما تدي الدرب - لو رجعت تاني حا اضيع زمني معاك واجيبك ليك شواهد
خليك بعيد من دور الناصح عند اللزوم ده وانصح نفسك - هسا البوست ده لو ما كان عن وضاحة "تحديدا" ما كان اتناصحت - بطل تلصق عشان ما نجيب شواهد برضو!
زي ما قلت ليك - لو رجعت تتناصح بتفرغ ليك تماماً
بالله انت من زمن معايرة الناس بانهم صغار؟
شيبتك دي فادتك بشنو!
| |
|
|
|
|
|
|
|
|
|
Re: فلانة ليست طبيبة. (Re: أيمن محمود)
|
د.سيف يا حبيب
احقاق الحق لا غبار عليه
و لكن اذا افترضنا الزول مدّعي بالكلام
لا مسك مشرط لا سماعة
البضيرنا شنو؟ الادعاء !
ما يدعو بالكلام ... هو الكلام بقروش ؟
عموما لك وجهة نظر نحترمها يا صديقي ...
ما ناس كتيرة حالها كده ... لامن تشفق عليهم
| |
|
|
|
|
|
|
|
|
|
Re: فلانة ليست طبيبة. (Re: يحي قباني)
|
أخي أيمن محمود
رمضان كريم
ممكن لو سمحت تعتذر لأخوك الكبير يحيى قباني حتى لا يموت الاحترام بين السودانيين؟
لقد فقدنا كل ما هو جميل في بلدنا، ونظن أن احترام الكبير (المحترم) ومخاطبته بما يليق به
هي من القيم التي تبقت لنا ونأمل في توريثها لأبنائنا فقد تساعدهم في بناء وطن خيّر من جديد
أرجوك، افعلها، فلن تخسر سوى غلطتك الكبيرة.
وإلا فليمسحها قباني في وشنا الخجلان دا
-------
تحياتي دكتور سيف
| |
|
|
|
|
|
|
|
|
|
Re: فلانة ليست طبيبة. (Re: معاوية الزبير)
|
Quote: أخي أيمن محمود
رمضان كريم
ممكن لو سمحت تعتذر لأخوك الكبير يحيى قباني حتى لا يموت الاحترام بين السودانيين؟
لقد فقدنا كل ما هو جميل في بلدنا، ونظن أن احترام الكبير (المحترم) ومخاطبته بما يليق به
هي من القيم التي تبقت لنا ونأمل في توريثها لأبنائنا فقد تساعدهم في بناء وطن خيّر من جديد
أرجوك، افعلها، فلن تخسر سوى غلطتك الكبيرة. |
أوافق الرأي.
وأضيف حتى لا تبدوا صغيرا في أعيننا ايضا.
| |
|
|
|
|
|
|
|
|
|
Re: فلانة ليست طبيبة. (Re: ombadda)
|
كان فلانة طبيبة تعالو عضوني في اضاني الكلام دا صاح مليون في الميه ممكن تكون ممرضة ولا دايه او شيء من الاشياء المشابهة والله اعلم
سيف شغلك نضيف يا صديقي للامام
| |
|
|
|
|
|
|
|
|
|
Re: فلانة ليست طبيبة. (Re: عادل ابراهيم احمد)
|
Quote: لا يصح الا الصحيح
رمضان كريم على الجميع
تحياتي اخي سيف لك ولمتداخليك الكرام |
شنو يا عادل ياخ .. تلاتة مرات .. عملتها ظاهرة
تحياتي دكتور سيف وضيوفه
حقيقةً الاستنتاجات التي أوردتها فعلاً يمكن ان تضع الشخص المعني في دائرة الشك
ولكنها لا تعدو حتى الان انها مجرد استنتاجات وملاحظات على شخص ما
المهم لا نريد ان نتعرض بالظلم دون بينة واضحة وأتمنى من الشخص المعني
ان يكون شجاعاً ويثبت صدقه وصحة ما يدعيه هنا في هذا البوست
والا سيكون ما استنتجه اخونا الدكتور سيف صحيحاً الى حد كبير
تحياتي تاني
| |
|
|
|
|
|
|
|
|
|
Re: فلانة ليست طبيبة. (Re: فرح الطاهر ابو روضة)
|
سلام يا سيف
وتحية واحترام للجميع
Quote: اذا كان هذا البوست بخصوص الاخت وضاحة
بحسب ما ورد في بعض مداخلات الاخوة
لن ينف هذه الاتهامات الا ان تجلب شهاداتها العلمية
حتي يكون الجمييع علي بينة |
بأي صفة تُطالب ؟
منو قبل كدا الطالبوهو بإبراز شهادات تثبت تخصصوا في غير ما يستوجب ذلك مثل لجان تقييم أو لجان معاينات أو أماكن عمل
لو قابلك أي زول في الشارع مع الونسة قال ليك أنا محامي بتقول ليهو وين شهاداتك ؟
بالمنطق دا هسة أنا أقوم أقول لسيف النصر انت ما دكتور ومحمد المشرف انت ما صيدلي وقباني انت ما مهندس إلا تجيبوا شهاداتكم
أنا لا أعرف وضاحة (إن كانت هي المعنية طبعا) ولكن إفادة شخصين هما الطيب يوسف وأبوساندرا اكدت إنو وضاحة طبيبة
| |
|
|
|
|
|
|
|
|
|
Re: فلانة ليست طبيبة. (Re: حمد عبد الغفار عمر)
|
حمد يابلديات رمضان كريم
ياخي الدكترة خشم بيوت وعيادات :)
مرة واحد صاحبي من النوع ده كان مسافر للاردن
طلع نداء من كابينة الطائرة " لو في حدا بينكم طبيب يجي يساعدنا ...لدينا حالة مرضية حرجة"
نكر ليك " شهاداتو" دي حطب :)
-
سلام دكتور سيف
رمضان كريم
| |
|
|
|
|
|
|
|
|
|
Re: فلانة ليست طبيبة. (Re: حيدر حسن ميرغني)
|
سيف النصر زعلان عشان مسحت مداخلتو!!
الغريبة أنا فطتني أبت ترد هناك مكان سحب مداخلة سيف، لكن ما زعلان!
لكن يا بكور، إتّا نان الزيك منو؟!
يا ريت الجنيات كلهم زيك كدا
| |
|
|
|
|
|
|
|
|
|
Re: فلانة ليست طبيبة. (Re: امجد الجميعابى)
|
Quote: اذا كان هذا البوست بخصوص الاخت وضاحة
بحسب ما ورد في بعض مداخلات الاخوة
لن ينف هذه الاتهامات الا ان تجلب شهاداتها العلمية
حتي يكون الجمييع علي بينة |
و اتنين شهود عدول
و شهادة من رئيس اللجنة الشعبية
و شهادة حسن سير و سلوك من اللجنة الشعبية
و يجي معاها ولي امرها حاملا ايضا افادة من شاهدي عدل بانه ابوها
و كمان لو جابت تحليل الحمض النووي DNA يبقى عود لاقى حربة
و تجيب حمد عبد الغفار الغالاط دا معاها.
ثم
ينظر و يفاد
| |
|
|
|
|
|
|
|
|
|
Re: فلانة ليست طبيبة. (Re: علي محمد الفكي)
|
يا حبيب
وين الخصوصية هنا
في شخص بقول انه طبيب وعايز يفتح عيادات
وفي شهادات بتقول نعم
وفي استنتاجات بتقول لا
وليه انت اهتميت اصلا بجزء من كلام أبو روضة واهملت الباقي وقلنا اذا ثبت عكس ذلك على
دكتور سيف اعتذار وبنفس الشجاعة
وقلنا التشكيك موجود ويدور همسا
وحتى تلميحا في بعض البوستات
وقلنا هناك مزوراتية يعتلون أعلى مناصب في الدولة والبعض يبارك ذلك
وقلنا اد يدعي شخص بأنه طبيب على هذا العالم الافتراضي أقل ضرر من أولئك
ده كله جدعتو البحر
وركزت على حكاية الشجاعة
فعلا والله شجاعة
لما لهذا البوست من تحمل مسؤلية اذا ما ثبت عكس ما هو مطروح كما أقسمت انت
عموما نتابع
| |
|
|
|
|
|
|
|
|
|
Re: فلانة ليست طبيبة. (Re: فرح الطاهر ابو روضة)
|
ما قريت البوست البتتكلموا عنه ولا عندي خلفية عن بداية الموضوع
اصلاً النت بجينا بالقطارة زي الموية الأزهري وجبرة البتحرسها تلايت الليل عشان يمكن الموتور يشتغل
لكن نفرض إنها طلعت ما طبيبة .. المشكلة وين ؟
لو كانت بتوقع مداخلاتها بحرف الدال أبو نقطة بتقول أنا كطبيبة بعتقد كذا وكذا ممكن تحاكموها زي ما عاوزين
لكن بس ساااااي كدة عشان الناس شايفاها دكتورة وانت ما شايفينها دكتورة تدقوا ليها الطار وكمان واحد يقول تجيب شهاداتها !!!!!
هذا مع قناعتي بإنه وضاحة كيسها فاضي وما بقرأ كتاباتها وشايف الناس مدينها أكبر من حجمها .. لكن ضد تجريمها وممارسة شغل التفتيش دة عليها
| |
|
|
|
|
|
|
|
|
|
Re: فلانة ليست طبيبة. (Re: حمد عبد الغفار عمر)
|
اطالب بصفتي قارئ للبوست وهل في ذلك مشكلة؟
قبل انضمامي للمنبر اذكر ان الاخت ميادة قامت بعرض شهادتها الجامعية
بعد ان قام البعض بالتشكيك في مؤهلاتها لتقلد وظيفة
انا لا اهتم بالدرجات العلمية لاعضاء المنبر وفي النهاية هذا الامر متروك لوضاحة وهي غير مجبورة-حتي-ان ترد وتتداخل في
هذا البوست
| |
|
|
|
|
|
|
|
|
|
Re: فلانة ليست طبيبة. (Re: معاوية الزبير)
|
| Quote: وإلا فليمسحها قباني في وشنا الخجلان دا |
سلامة الوش الصبوح ده يا حبيبنا ...
ما عليك ...
صدقني انا الوليد ده لا بتذكره لا بي خير و لا بي شر ... و لا برجا منه اعتذار ...
لان طوبته ما زي طوبتي و طوبتك و طوبة د. ام بده ... و الناس الجميلين ديل ...
انحنا بنعرف العيب ...
وهو الله يساعده ... دواخله ما تمام ...
| |
|
|
|
|
|
|
|
|
|
Re: فلانة ليست طبيبة. (Re: سيف النصر محي الدين)
|
المشكلة يا ودالفكي انت حايم وراها من بوست لبوست تشكر حتى لايوجد بوست لها لا يوجد لك مداخلة أو مبالغة
انا لاحظت التناقض في البوست المعني وحاولت لفت النظر بس الشكارة ما بدوك فرصة ما عدا دكتور سيف
وبروف عوض محمد احمد
| |
|
|
|
|
|
|
|
|
|
Re: فلانة ليست طبيبة. (Re: عبد الصمد محمد)
|
Quote: حافظ الإمام محي الدين · University of the District of Columbia
يادكتور سيف هي وضاحه دي قالت إنها دكتوره الليله وللا أمبارح؟ والمستشفى بتاعها ده كنا مفتكرين إنك حتكون مديره بسبب سكاتك. معقول بس عشان قالت ليك إنت حاقد تقوم تمرقها من ملتكم ملة الدكاتره. مداخلتك كانت شتره في بوستيها ورديت ليك بي شتاره زي شتارتك فحقو تكون روحك رياضيه أو تكون حقاني زي ما بتدعي وتوري السبب الخلاك تفتح البوست ده شنو، أقول ليك كلامي ده وأنا أكثر زول هنا تساءل عن حقيقة وضاحه لكن طريقتك دي طفوليه حبتين. |
| |
|
|
|
|
|
|
|
|
|
Re: فلانة ليست طبيبة. (Re: عبد الصمد محمد)
|
التحية للجميع .. واختص دكتور سيف ..
يا دكتور تعرف جيدآ مع احترامي وتقديري لك وما زلت في نفس
المكانة .. ولكن يؤسفني جدآ ! أن اجد بوست كهذا لمجرد استفزاز
من وضاحة ! لان وضاحة لم تاتي اليوم و من زمان موجودة
اين كان هذا البوست ؟
هذا لايعني دفاعآ عن وضاحة لان وضاحة لاتهمني كطبيبة غير انها
زميلة اصغر مني سنآ ويجب ان اوجهها اذا اخطأت ولكن لاتدخل في
مهنتها لانها لاتخصني ..
ولكم جميعآ وافر الاحترام ..
| |
|
|
|
|
|
|
|
|
|
Re: فلانة ليست طبيبة. (Re: مني عمسيب)
|
هل كونو وضاحة غير طبيبة بيحل مشكلة السودان؟
يكفينا منها مساهاماتها في توفير الادوية لبعض المحتاجين
معذرة اخي د. سيف
فلنوجه اقلامنا لما هو اكبر واجدى
ولك احترامي وتقديري
| |
|
|
|
|
|
|
|
|
|
Re: فلانة ليست طبيبة. (Re: مني عمسيب)
|
| Quote: ولكن إفادة شخصين هما الطيب يوسف وأبوساندرا اكدت إنو وضاحة طبيبة |
الكلام الفوق دة مافي زول انتبة ليهوا ولا هبب ليهوا لي شنوة
رمضان كريم
| |
|
|
|
|
|
|
|
|
 Re: فلانة ليست طبيبة. (Re: سيف النصر محي الدين)
|
سلام سبف النصر
وضاحة دي من زمان الناس بتقول ليها
يا دكتورة شن جد الليلة ؟
بوست ما بيشبه زول مستنير ليهو
قراء ومعجبين
ومطلوب حضور الاخ الطيب
لانو فتح بوست واظنو جاب صور
للاخت وضاحة قبل فترة
| |
|
|
|
|
|
|
|
|
|
Re: فلانة ليست طبيبة. (Re: Muhamed Hassan Abdalla)
|
قباني ... وأيمن محمود ..
ناس سمحين مع الجميع ... إلا مع بعضهما البعض
ليه كدا بس ..؟؟
أي زول مدعي أنه صاحب شهادة علمية أو صفة مهنية من حق الناس تثق في حديثه أو تتشكك فيه...
التعامل بشفافية أفضل ...
Let's call thing with its proper names.
الشغيل
| |
|
|
|
|
|
|
|
|
|
Re: فلانة ليست طبيبة. (Re: عبد العزيز محمد عمر)
|
Quote: Quote: قباني ... وأيمن محمود ..
ناس سمحين مع الجميع ... إلا مع بعضهما البعض
ليه كدا بس ..؟؟
|
ما ليك حق يا عبد العزيز ... كانوا انا خاتي عليهو !
ايمن ده انا ما بتذكره والله الا لما يجي يقول جنس كلامه الشين ده ...
غير كده و حاتك ما بخطر لي على بال .. وما عندي معاهو اي ضغينة ...
و الحمد لله ما بعرف احقد و اضمر جواي شي ...
__________________________________________
بعدين يا عزيز يا صديقي ...
هو دي سودانيز اون لاين و لا جون هوبكنز ؟
وضاحة كتلت ليها عضو هنا بالغلط او بإهمال و انحنا ما عندنا خبر ؟
ما تدعي كان دايرة تدعي ... الداير يصدقها يصدق و الداير يكضبها يكضب ...
بعدين انت متأكد انو في المنبر ده ما في غير وضاحة مشكوك في مهنتها و مؤهلاتها ؟
دي كلام و الله ما بشبهنا ...
|
| |
|
|
|
|
|
|
|
|
|
Re: فلانة ليست طبيبة. (Re: Muhamed Hassan Abdalla)
|
اتعجب من التبرير الفطير لعدم اهمية الموضوع بالقول كون تلك الوضاحة طبيبة اولا لا يعنينا طالما لم تمسك مشرط
هو تبرير فطير بلاشك ونعم لا يهمني كونها طبيبة ام لا
ولكن يهمني جدا ان اعرف هل هي كاذبة ومدعية حتى اعتذر لصديقي عن مستشفى السرطان الذي بشرته به ...
وحتى اسحب دعواتي الطيبات
وحتى اعود لصديقي واقول له لا ادري من عالج شول منوت بعد انجزمت له بانه تعالج بمساعدةفلانة دي
يهمني الامر بشدة وغالب من يستنكر البوست هم مطبليها وجوقتها المدشدشة عاطفيا بالوهم
يهمني الامر لكي يعرف كل امرئ موضعه
وحقيقة ان جزمت بهذا الامر قبل فترة
وجزم معي كثيرون وان كان للاخ سيف شرف المبادرة
| |
|
|
|
|
|
|
|
|
|
Re: فلانة ليست طبيبة. (Re: محمد عبد الله الامين)
|
أما وضاحه دي
بعيدا عن دكترتها وله شخصيتها الحقيقية
هي زولة يدها في جيبها وقدامية
في المساهمات والتبرعات للمرضى والمحتاجين
وكثير من الاعضاء هنا حولت عن طريقهم مبالغ ومساعدات
فالزول البدفع ويطلع من كيسو ده زول ما ساهل ...
فاتركوها ما تركتكم ...
| |
|
|
|
|
|
|
|
|
|
Re: فلانة ليست طبيبة. (Re: محمد عبد الله الامين)
|
في تناقض ومريب
شخص مهتم بالعمل العام .. والتواجد في وسائل التواصل
شخص كثير التعليق على الأوضاع السياسية والاقتصادية
شخص مبادر وله اقتراحات مشاريع خيرية !
اذا ُ .
لماذا التخفي والغموض ؟ لماذا هذا الجو المليئ بالدخان والضباب والغيوم ؟
هذا الغموض والتخفي الغير مبرر .. هو الذى يدفع دكتور سيف لقول ما قاله .. ويدفع غيره أيضا لنفس القول واكثر
(وكما قالت العرب .. الموضوع فيهو ان )
| |
|
|
|
|
|
|
|
|
|
Re: فلانة ليست طبيبة. (Re: وضاح عبدالرحمن جابر)
|
Quote:
Re: فلانة ليست طبيبة ...! |
جُملة مفيدة، أثّرتْ على الكتيرين من المنبريين ..!
فماذا لو كانت الجملة على هذا النحو:
| Quote: فلان ..! ليس طبيبة ولا هناية ذاتو ..؟! |
فكم يا تُرى، سيحسُّ بعضُهم! بأنهم كأنما يقفون على تلٍّ من الرمال المتحرِّكة ..!
ليست هذه الجريرة الأولى للمُتّهمة ..!
وأمّا المشدوهين بخلالها الخيرية، إنما يبدو لي أنهم تعاملوا مع الأمر من واقع: مَنْ خدَعَنا في الدِّين، انخدعنا له ..!
فانخدعوا براهم.
.....................
بوست تمام، حتى تنكمش هذه الحماقات البائسة من أن تتفشّى بالمنبر العام ..
بلا .... بلا زفت!
| |
|
|
|
|
|
|
|
|
|
Re: فلانة ليست طبيبة. (Re: سيف النصر محي الدين)
|
| كأني اقرأ كتاب أليس في بلاد العجائب | فالفرق بيننا وبين أمم سبقتنا هي معايير الشفافية والحساسية المفرطة فيما يتعلق بالتخصص والاحتراف.
دلوقتي مافي زول في دولة متحضرة بيدعي أي مهنة إلا وهو مدرك تماماً إن أي جهة رسمية حتتحقق من أقواله أو تبعث تحري خاص يتأكد منها ومن تاريخه المهني.
لا أعرف الشخصية موضوع البوست لكن أؤيد بشدة العمل بمبدأ التشكيك في أي مقولات أو أفعال أو ادعاءات تتعلق بنواحي مهنية ولأي شخص عضو أو مشارك.
_____
التناول العاطفي أقعدنا وبشتن حالنا يا ناس، حسوا شوية |
| |
|
|
|
|
|
|
|
|
|
Re: فلانة ليست طبيبة. (Re: حاتم إبراهيم)
|
رمضان مبارك عليكم
يادكتور واحد من الناس البحترم جدا كتاباتك هنا وادوس على جميع بوستاتك قبل حتى منحي شرف عضوية لهذا المكان
البوست ده ابدا مابشبهك وحقو تعرف انو في ناس مشككه في انو المدعوه دي في عضما مابني ادم ظاتو خليك من كونها دكتورة هي ارتضت لروحا كدي وماضارانا نحنا بشئ شخصيا اتعامل معها في كم قروب في الفيس وهنا في المنبر ايام مصل العقرب في امري ووصلت التلاجات مع الامصال بفضل مجهود مننا جميعا هنا وبعض الاخوة في السودان ولو المدعوه دي طلعت مكانيكي او راجل عديل ابدا العلاقة ماحتتجاوز حدود الكيبورد ولا ضرر ولا ضرار والجهات المختصة لامن تجي تقدم في وزارة ولا سفارة اكيد عندها وسائلا فالدنيا رمضان خلوها في حالا
ومسح مداخلتك كان الافضل تكون عنوان بوست او تتعامل بالمثل تمسح مداخلاتا لامن تجيك
| |
|
|
|
|
|
|
|
|
|
Re: فلانة ليست طبيبة. (Re: حامد بدري)
|
شكرا حاتم ... اوجزت ياحبيب .. هذا ماينقصنا كبشر فعلا
الناس طلعت برة الموضوع نهائي .. د. سيف ليس من اصحاب البوستات المبذولة على شاكلة "هجم النمر"
ماعارف ليه البعض هرول ناحية الدفاع عن ااشخصية موضوع النقاش رغم يقينهم بعدم معرفتهم لها
ليس هناك استهداف كما يتخيل البعض
فقط مجرد رأي حول نقاش جرى بينهم
الغلط وين هنا
| |
|
|
|
|
|
|
|
|
|
Re: فلانة ليست طبيبة. (Re: حاتم إبراهيم)
|
الأخ سيف الدين فضل الله
Quote: اطالب بصفتي قارئ للبوست وهل في ذلك مشكلة؟
|
سؤالي يبدو وكأنه للعامة بس اقتباس مطالبتك أظهر وكأنو موجه ليك (أنا كتبت ما يعني لماذا وضاحة مطالبة )
لكن مع ذلك بقول ليك في مشكلة:
من حقك تشكك لكن ما عندك صفة بتلزم وضاحة تثبت ليك إنها طبيبة ولا حتى د. سيف كاتب البوست ما عندو الصفة دي
وهل تشكيك أي زول بدي مشروعية للمطالبة بإثبات
بالطريقة دي من بكرة أي زول يفرش شهاداتو هنا دا ول يغادر المنبر
الناس حقو تحس بمرارة التجني أو تتخيلها على الأقل والكلام يتعدى وضاحة إلى سواها من الناس
| |
|
|
|
|
|
|
|
|
|
Re: فلانة ليست طبيبة. (Re: حاتم إبراهيم)
|
سلامي لجميع لكل من مر و علق و شارك و احترامي
الاكيد لجميع المساهمات و الاّراء .
معروف ان لكل شئ حد. يمكنك السكوت عن موضوع ما او تحمل وضع
معين حتى تحين لحظة الانفجار فيخرج كل شئ.
اعترف ان دافعي هنا كان استجابة لاستفزاز مباشر من الشخص المعني
و لكن هذا لا يعني أني قد فبركت الموضوع او ان فكرتي هذي وليدة اللحظة
أبدا .. الامر يدور في ذهني منذ مدة كلما قرأت مشاركة في موضوع له
علاقة بالطب كتبتها من أعني .
في بوستي المحذوف كنت قد اشرت الى دور المهنيين في كل مهنة كحراس بوابة
Gate Keepers لمنع تسلل المدعين و منع اي اثار سالبة يمكن ان تنتج عنهم
فالمهنة في وجه من وجهوها هي كيان اجتماعي له صورة يحرص عليها.
| |
|
|
|
|
|
|
|
|
|
Re: فلانة ليست طبيبة. (Re: سيف النصر محي الدين)
|
يا حيدر نا
ليس دفاعا عن وضاحة ولكن لماذا وضاحة تحديدا (بالمناسبة الناس البقولوا اسم وضاحة دا ما لاقانا ) نقول ليهم أسمها/ ياسمين محمد العمرابي
كتير من المهنيين هنا ما بعرفوا يكتبوا عن تخصصاتهم لكن لو مشيت ليهو في محلو بجضم ليك شغلو على أرض الواقع تجضيم.
وأنا بقول لدكتور سيف لو وضاحة دي هسة نزلت ليك شهادة بكالوريوس طب وجراحة وزمالة واحد من البوردات حتمشي من نفسك وين خليك من الناس
يا دكتور التسرع ومباراة الغضب ما كويسة
| |
|
|
|
|
|
|
|
|
|
Re: فلانة ليست طبيبة. (Re: حمد عبد الغفار عمر)
|
| Quote: نقول ليهم أسمها/ ياسمين محمد العمرابي |
كضباً كاضب ....
كم في الخط ؟؟؟؟؟؟
***************************
غايتو البوست دا كان بعدوا عنو الرجافات بصل لي نتائج مرضية للجميع ....
| |
|
|
|
|
|
|
|
|
|
Re: فلانة ليست طبيبة. (Re: سيف النصر محي الدين)
|
السلام عليكم ورحمة الله!
وشهر مبارك،
رغم أن الخوض في موضوع موضوعه وضاحة، يوقع الخائض فيه في الريبة والتهمة،
فما بالك إذا كان سيدافع عنها، أو سيصنف بأنه مدافع عنها!
عموماً دكتور سيف رجل والرجال قليل!
والأخت وضاحة أثبتت وجودها في هذا المكان،
ومدت أياديها البيضاء إلى كثير من المرضى والمحتاجين!
وهذه كلّها مداخل عاطفية، اتفق مع الأخ حاتم في ذلك، ولكن هل يناسب العلاقة بيننا
عبر هذا الإسفير، إلا الأخوة والكلمة الطيبة، والستر على الآخرين!
أما فيما وراء هذا اللقاء الأخوي الاجتماعي؛ فليقم كلّ أحد بما يراه واجباً عليه، بدونما
مجاملة أو تقاعس!
لكن حقيقةً ليس هناك أيُّ مبرّر للتشكيك في انتماء شخصٍ معيّن إلى مهنةٍ بعينها،
استناداً إلى القول بأن منطقه وأسلوب فهمه ووجهات نظر أبداها، لا تدل على
أنه متخصص في هذا المجال!
لا يمكن أبداً!
فنحن نعلم أن المنتمين إلى إي مهنة، بينهم مراتب ودرجات متفاوتة جداً،
بل قد نجد شخصاً لا ينتمي إلى مهنة معيّنة، لو تكلم فيها؛ بذّ بعض المنتمين
إليها!
على سبيل المثال، أنا زول درست قانون، لكن صدقني لو دار
موضوع حواري بين متخصصين، حول موضوع معين من زاوية قانونية،
ستجدني منزوياً، صامتاً، عاجزاً عن المشاركة!
مش لأني ما درست قانون،
لا والله درستو، لكن لم أمارسه بحيث ينصقل وعيي به وكدة!
فالقول ما قال صديقنا قباني!
وشكراً لمعاوية للفتة الجميلة جداً!
وكنت أرجو من قباني أن يتسامح ويتسامى!
| |
|
|
|
|
|
|
|
|
|
Re: فلانة ليست طبيبة. (Re: حاتم إبراهيم)
|
Quote: فالزول البدفع ويطلع من كيسو ده زول ما ساهل ...
فاتركوها ما تركتكم ... |
هههههههه
اطعم الفم تستحى العين
والله صدق من قال : كل شعب يستحق الحكومه التى تحكمه
( لا يكذب المؤمن )
{إنما يفتري الكذب الذين لا يؤمنون}
للذين يقولون ماذا يضيركم اذا هى ادعت هذا... نقول لهم كيف نتفاعل ونناقش ونثق فى شخص يدعى اشياء غير حقيقيه
| |
|
|
|
|
|
|
|
|
 Re: فلانة ليست طبيبة. (Re: زينب محمد عبدالله)
|
أولا
هناا في هذا المنبر مرضى أو اعضاء لهم اقارب مرضى ويفتحون بوستات لطلب الاستشارة من أطباء المنبر. ماذا لو ادعى أحد اعضاء المنبر بأنه طبيب ودخل البوست وأعطى ارشادات
وعمل المريض بتلك الارشادات .
أو داء المدعي بمبادرة لانشاء مستشفى وجاء المتبرعون من كل صوب وفي النهاية فشل المشروع للتخبط والادعاء الفارغ.
ثانيا
الأمر ليس بتلك السطحية والسذاجة لمن يطلب أن تأتي بشهاداتها ومؤهلاتها. عن طريق الفوتوشوب يمكن أن يزور أي شهادة في غضون دقائق ولا يجرؤ أحد أو لا يستطيع احد
أن يتحرى صحة تلك الشهادات من عدمها.
ثالثا
اثبات انها طبيبة فقط بما تكتب وتعلق في كل ما يتعلق بالطب وهناك اطباء كثر في المنبر في شتى انحاء العالم مشهود لهم بالكفاءة ويمكن أن يحكموا peer reviewing
وها هو د. سيف أولهم وارجعوا لارشيفه لتروا كم المعلومات الطبية التى اثرى بها المنبر وأنا اتابع كتاباته واستفيد جدا من تعليقاته في الطب.
رابعا
اعجبت بالمثل الذي جاءت به الاخت الكريمة وهو (أطعم الفم تستحي العين)
في المجتمع الذى حولنا نرى كبار الفاسدين الأثرياء يتحلق حولهم السذج والبسطاء ويطلقون عليهم رجال البر والاحسان ويا ويلك لو قلت ليهم الزول دة حرامي وذلك لا لشيء الا لكرمهم وتبرعاتهم السخية والتى لا تؤثر في ثرواتهم وتعمل على تلمبع صورهم في المجتمع..
والسلام
رمضان دخل العضم بدري السنة دي
باقي من الاذان خكسة دقايق
| |
|
|
|
|
|
|
|
|
|
Re: فلانة ليست طبيبة. (Re: حمد عبد الغفار عمر)
|
Quote:
أنا دا الاسم العارفو ليها
لو عندك اسم غير دا قولوا يا أبوحسين
ابو حسين انت شغال شنو
ورينا سريع ومعاها صور الشهادات طوالي |
يااااااااااااااااااااااااااااااااااااااا حمد الحرف الأول من الإسم ينطق كما هو إن إنجليش جاااااااااااااااااااااااااااااااااااا
و أنا شغال جزار زي أهلي كان داير شهادات ما ياهن السكين و الساطور بوريك ليهم (في الخاص) ............
*************************************
بي خصوص موضوع البوست بما إنو صاحب البوست دكتور و شكك في إنسان بإنتحال نفس مهنتو أفتكر من حقوا يتأكد من صدق أو كذب المنتحل ...
الشخصية المقصودة بدأت حملة علاقات عامة طافت فيها كل المنبر بعد مداخلة علي محمد الفكي المعدلة ...!!!!!!!!!!!!!!!!!!!!!!!!
علامات إستفهام كتيرة حامت حول الشخصية دي لكن الرجافات دائماً ما تعوم الحقيقة و تعوم الموضوع و تبدأ حملات العلاقات العامة تخمد النار....
إرشيف المنبر عامر بالتناقضات و الأكاذيب و لو رجعتوا ليها حا تظهر ليكم حقايق يشيب لها الرضع و الخدج كمان ....
و رمضان كريم
| |
|
|
|
|
|
|
|
|
|
Re: فلانة ليست طبيبة. (Re: حمد عبد الغفار عمر)
|
رمضان كريم د.سيف و زوار البوست الكرام....
لم أقرأ البوست أو المداخلات السابقة لهذا البوست و لكن
| Quote: ترسخت عبر مدة من الزمن و بقراءة كمية من المداخلات |
أشاركك هذه الرؤى
خصوصاً خريجي الجامعات الكندية و الأمريكية هم ليسوا أطباء بل دكاترة ...
يمنحوا درجة الدكتوارة مباشرة لأن من شروط التقديم لكليات الطب 90 credit hours و الغالبية يتموها بكالريوس
و تقريباً .%99 من المتقدمين او طلبة الطب حائزين على درجة البكالريوس ...
حسابات عُمر ساي كده
4 سنين بكالريوس + 4 سنين طب + 3 - 4 سنين رزيدنسي أو 6 في حالة الجراحة = 12 سنة - 14 سنة
عدد السنين دي زيد ليهم تاريخ كتابتها هنا لأنه عُرفت بإمتهانها للطب أعتقد منذ تاريخ تسجيلها!
يبدو عليها أصغر من كده بي كتير!
أيضاً كتابات الشخصية موضوع البوست ما بتديني إحساس زولة خريجة بكالريوس كندي عادي...
لأنه خريجي البكالريوسات بياخدوا على الأقل سنتين دراسة علوم إنسانية و أدب و تاريخ و و إلخ
فالشخص خريج البكالريوس بيكون مُلم بالكثير و تفكيره عميق ما سطحي هنا أذكر أشياء من عينة " اب قناية ولا عصاية ما بعرف"
كتاباتها تفتقر لأدنى تحليلات شخص لديه المقدرة على ال critical thinking و دي أكثر حاجة بيعتمد عليها إمتحان القبول للطب ...
صراحة أمرها مُحيِّر ....
أخيراً
| Quote: اعجبت بالمثل الذي جاءت به الاخت الكريمة وهو (أطعم الفم تستحي العين) |
تحياتي لكم جميعاً
| |
|
|
|
|
|
|
|
|
|
Re: فلانة ليست طبيبة. (Re: فردوس جامع)
|
ما وضاحه دي
بعيدا عن دكترتها وله شخصيتها الحقيقية
هي زولة يدها في جيبها وقدامية
في المساهمات والتبرعات للمرضى والمحتاجين
وكثير من الاعضاء هنا حولت عن طريقهم مبالغ ومساعدات
فالزول البدفع ويطلع من كيسو ده زول ما ساهل ...
فاتركوها ما تركتكم
11111111111111111111111111111
الأخ محمد عبد الله الأمين
لا فض فوك...
وهذا هو عين المنطق وما يجب ان يكون ..
ولا يجب ان تكون المداخلات والتعليقات او البوستات الجديدة ردود افعال غاضبة ..
والتحية للاساتذة الاجلاء يحي قباني، وعلي محمد الفكي ومحمد مجيدو والذين قالوا حقائق
لا يمكن إلا ان نقبل بها.. فما يهمنا كما قال محمد عبد الله الأمين اعمالها وافعالها الخيرة .. ولا شئ غير ذلك..
ونتمنى من الدكتور سيف النصر سحب البوست لانه فعلا وكما اشار البعض هذا البوست لا يشبه مواضيعه الممتازة
التي عودنا ان نقرأها له...
| |
|
|
|
|
|
|
|
|
|
Re: فلانة ليست طبيبة. (Re: السر عبدالله)
|
أحي أنا
في الخاص ليه ما قلتو عايزين الشفافية دخل الساطور والسكين في الإسكانر ونزلهم هنا
وبعدين هسة مغلطني عشان قلت ياسمين بدل جاسمين
معليش يا دكتور سيف احتلينا بوستك بس ما بوعدك أقيف لازم أحددها مع أبو حسين دا
| |
|
|
|
|
|
|
|
|
|
Re: فلانة ليست طبيبة. (Re: حمد عبد الغفار عمر)
|
محير جدا امر الذين يدعون دكتور سيف لسحب البوست او تعديله !!
أي زول بيفتكر انو قباني زول نضيف من جوة ومحترم - يرفع يدو - عشان أثبت ليهو انو غلطان .. غلطان شديد - أي زول! (عادي ممكن افتح بوست مخصوص بالموضوع ده وما حا اكتب حرف من نفسي - اخلي بوستاتو تتكلم براها)
وأي زول بيفتكر انو الكبير سناً يجب احترامة - بسبب سنه - يبقى غلطان وستين غلطان - احترامنا للزول مبني على احترامه لنفسه والاخرين - اذا كان هو شافع صغير او شايب - أي قلة أدب يتحمل عواقبها.
رغم اسفي على التشويش على البوست - ولكن حاجة مستفزة جدا انو مستر قباني يتقمص دور الداعي لترك الناس في حالها وتاريخه يشهد عليهو وعلى تطاولو على الناس دون وجه حق ومبادرتو بالتهاتر وقلة الادب وياما اتمسح بيهو الارض وبوستات عديدة تشهد
| |
|
|
|
|
|
|
|
|
|
Re: فلانة ليست طبيبة. (Re: امجد الجميعابى)
|
Quote: هذه العبارة التي وردت في مداخلة للاخ دكتور سيف
نسفت البوست تماما |
أمجد يا حبيب - وين ياخ رافع القزاز؟
ما بتفق معاك في النقطة دي - الدافع - ممكن يكون أي دافع - هسا في زول سألك او سأل عن دافع المدافعين عن وضاحة؟
لأنو بغض النظر عن دوافع كل واحد منكم الشيئ المهم الوحيد هو: مدى وجاهة وجهة النظر "المخالفة" لفرضية دكتور سيف وبنفس المنطق الذي يهم فعلا هو مدى وجاهة "فرضية" دكتور سيف وقوة ما يعضدها او ينفيها.
لحدي الآن (عدا مداخلات دكتور المشرف) على ما اذكر - مافي أي مداخلة ناقشت وحاولت تفند فرضية دكتور سيف بشكل موضوعي ومنطقي - المداخلات من شاكلة خلوها مستورة ووالله دي بت ناس وقصة دع الخلق للخالق والبوست ده ما بشبك دي كلها عواسة ساي - مع احترامي الشديد لستات الكسرة!
كلام دكتور سيف مبني على شواهد قوية واي زول بختلف معاهو يكونو موضوعي زي دكتور المشرف ويرمي ورقو او يصمت
| |
|
|
|
|
|
|
|
|
|
Re: فلانة ليست طبيبة. (Re: أيمن محمود)
|
كتب الجميعابي
(هذه العبارة التي وردت في مداخلة للاخ دكتور سيف
نسفت البوست تماما :
لا ما اعتقد .............. في فرق بين الدافع والمحفز وبين الموضوعية
لو كان الدافع والمحفز شين وانعكس على الموضوعيه اوك بكون ناسف للبوست
البوست ممكن ينسفه تأكيد الأعضاء على انه هل من حق عضو التشكيك على مؤهلات عضو العلمية خصوصا انه هذا المؤهل العلمي .. لا يمسنا مباشرة في هذا المنبر
لانه ما عندنا سراير علاج ولا معامل فحص ..
والبنسف البوست تايييدا لى كلامي .. هو متن البوست نفسه والدليل الذى ارتكز عليه دكتور سيف .. في انه دليله عدم مشاركة الدكتورة في المواضيع الطبيه
اذا زول لامى روحو عليهو وما ضارينا بي شي هل في سبب لى انه نشكك في مؤهلاتو العلمية ؟
| |
|
|
|
|
|
|
| |
سيف النصر محي الدين
محمد المسلمي
ombadda
يحي قباني
محمد حيدر المشرف
Mohd Ibrahim
أيمن محمود
زينب محمد عبدالله
معاوية الزبير
Mustafa Mahmoud
ABUHUSSEIN
عادل ابراهيم احمد
Sharif Nasirladeen
Saifaldin Fadlala
فرح الطاهر ابو روضة
حمد عبد الغفار عمر
حيدر حسن ميرغني
أبوبكر عباس
معاوية المدير
امجد الجميعابى
علي محمد الفكي
مامون المعتصم أحمد
مني عمسيب
د.محمد حسن
جلالدونا
Muhamed Hassan Abdalla
Dania Elmaki
ناصر حسين محمد
محمد مجيدو
وضاح عبدالرحمن جابر
محمد أبوجودة
حاتم إبراهيم
حامد بدري
فردوس جامع
فيس بوك
تويتر
انستقرام
يوتيوب
بنتيريست