|
|
|
 و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
الحبيب ابني مكي..
الله الله !
.. فرنقبية و كمان مندولة و مقشاشة و براتيل محبة ، و كل هؤلاء الميارم أخواتنا و بناتنا!
..أعدتم بهذا العرس الذاكرة إلى مهد الطفولة في دارفور الحبيبة و إلى " واي واي سبيتا سبرجو"
و نحن نركض خلف النساء يحملن البراتيل، و أغطية البساتيل، و سلاحا أبيضا في غمده المطرز بسيور
الجلد، و قد طرزن شعرهن ( الممشط ) حديثا و خصيصا للمناسبة بالخرز الملون و لبسن الفساتين
الجميلة.. هن حوريات بلادنا يتحلق حولهن هؤلاء الملائكة الصغار، نحن الأطفال..
.. ليتني كنت حاضرا هذا العرس يا صديقي! ليتني كنت حاضرا لأبارك عيانا لحفيد السلاطين و سليلة
الملوك و أمتع ناظري بالدهشة و الجمال و الأصالة! لكن.. كنت وسأظل معكم بالقلب و أعبئ رئتي
برياح الوطن و حب ناسه الأجمل، غبشه، و إن عصفت بهم رياح المنافي فإنهم مازالوا يصنعون الفرح
الأصيل..
.. شكرا يا عريس.. شكرا يا عروس.. و ألف ألف مبارك .. و بيت مال و عيال و جمال فال..
محبتي
| |
 
|
|
|
|
|
|
|
 Re: و إي عرس يبعث الحنين و الذكريات إن لم يكن هذا؟ (Re: اسماعيل عمر ابراهيم)
|
Quote:
الاخ العزيز / مكي ابراهيم
التحايا.. و كل عام و انت بخير
و عبرك اسمى التهاني و اجل التبريكات
للعريس عبدالعزيز خميس و عروسته تسنيم إسماعيل
تمنياتي لهما بحياة زوجية سعيدة تحفها الرفاهية و الهيام
و تهانيً لأهل العروسيين و معارفهما... و الف ..الف مبروك
|
اخي الفاضل اسماعيل عمر ..
يا زول انت وينكـ .. وكم افتقدناكـ ساعتها.~
سنه حلوه وكل عام وانت طيب ..ّّ~~
ونشوفك في الجايات اصلو اليومين ديل القطر متحركـ...ّ~
وعقبال فرحكـ يا صديقي ....ّ~~~
مندولة محبه نهديها ليكـ
__________
MAKKI MAKK
| |
|
|
|
|
|
|
|
|
|
Re: (Re: مكي ابراهيم مكي)
|
| Quote: و إي عرس يبعث الحنين و الذكريات إن لم يكن هذا؟ |
الف مبروووووووووووووووووك
للعروسين
وفعلا غاية فى الجمال والروعة
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote: مكي يا اخي عرس مبالغه
مبروك لفتيه الهامش القادم بقوة
انه السودان الجديد قادم من ارحام ونطف هؤلاء الشباب.
شكرا رابطة دارفور بهيوستن فقد زففتم عريسكم وما قصرتم و الله في
تقديم لوحة تراثيه ممتازه.
مبروك وبيت مال وعيال باذن الله
لعبد العزيز وتسنيم. |
ام الامورين حازم و سند
تراجي !!
يا هلا بمقدامكـ الميمون .~
وما سطرهـ يراعكـ من احرف يكفيني عن الكلام ..~
وعبد العزيز وتسنيم رسموا لوحه رائعه لسودان الغد الواعد ...~
التهنئه للفتي الابنوسي عزيز والسمراء بنت الجبال تسنيم ....~
وبيت مال وعيال ....~
برتال من دار ابراهيم قرض ( منواشي )
نهديها لمقامكـ الرفيع ..
MAKKI MAKK
| |
|
|
|
|
|
|
|
|
 Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote:
الف مبروووووووووووووووووك
للعروسين
وفعلا غاية فى الجمال والروعة |
الاخ الفاضل على عمر ..
كيف عامل مع الدنيا .. وازيكـ مع الايام .~
تشكر علي الاطلالـه وجميل العبارات ..~
وفعلا كان ليله رائعه ...~
عادت بنا الي ماضي الايام الخالده ....~
وقصدناه ان تكون بهذه اللونيه حتي نربط .....~
الاجيال بماضي ارثنا و تقاليدنا السمحه ......~
_____
نهديكـ ,,, بدل مندوله ,,, مندولات وقداحه من دارفور
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
يا مكي بالله توصل عقد الكنداكة العمرو اكثر من 3 الف سنة، هدية لتنسيم حفيدة الملك ام دبالو
تهانينا لعبد العزيز و تنسيم (مستودع الأصالة و التاريخ و الحق القديم)
التحية و التهنئة لكل الاهل في دارفور و الجبال
عاشت ثقافة : المندولة، و الوازا، و الفرنقبيا، و السفروك، و طمبور التوم، و الكُرب
و صولجان العبادي الهزا بيهو تمبس فوق عروسو داليا
| |
|
|
|
|
|
|
|
|
 Re: و إي عرس يبعث الحنين و الذكريات إن لم يكن هذا؟ (Re: أحمد طراوه)
|
Quote: يا مكي بالله توصل عقد الكنداكة العمرو اكثر من 3 الف سنة، هدية لتنسيم حفيدة الملك ام دبالو
تهانينا لعبد العزيز و تنسيم (مستودع الأصالة و التاريخ و الحق القديم)
التحية و التهنئة لكل الاهل في دارفور و الجبال
عاشت ثقافة : المندولة، و الوازا، و الفرنقبيا، و السفروك، و طمبور التوم، و الكُرب
و صولجان العبادي الهزا بيهو تمبس فوق عروسو داليا
|
الدكتور احمد طراوهـ
سلامات .. والتحيه لكـ .. وكل عام وانت بخير .`~
الهديه التاريخيه دي تشكر عليها يا اخي !!
ووصلتها الي السمراء حفيدة ام دبالو..``~
وقالت ليكـ شكرا كتير علي هذه الهديه التي ....``~`
لا تقدر بثمن
______________
نهديكـ براتيل محبه من زعف البنو ..
وكاسين من (القرعه) البيضاء ..
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: الغالى شقيفات)
|
Quote: الاخ مكى تحية وسلام
مليار مبروك وبيت مال وعيال
عمل رائع وليلة جملية |
شقيفات .. يا صاحبـ
كيفكـ يالانسانـ المعطونـ بحب دارفور وربوعها وبواديها الجميله
ليلة الخميس كانت ليلة وليلة اكثر من رائعه.~
وسوف تظل ذكرياتها عالقه بين طياتـ جوانح كل حاضريها..~
الف مبروكـ لعزيز وتسنيم
وبيت مال وعيال
ودي هبابة زعف من كورما
نهديها لشخصك السامي
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
نهديكـ براتيل محبه من زعف البنو ..
وكاسين من (القرعه) البيضاء ..
يا سلام يا مكي ( أنتم جحافل الذوق و الكرم ) النازلة من مرتفعات الكيرا قبال 500 سنة تقريبا
براتيل زعف البنو بنشيلا زي ما هي
الكاسين بنشيل واحد، و بندي الكاس التاني لشاعرنا الاثير ذو الجينوم الافريقي الغالب (عبد المنعم عبد الحي)
فهو من قال:
" نسقي الحبايب كاس كاسين .. و نسقي حورا "
| |
|
|
|
|
|
|
|
|
 Re: و إي عرس يبعث الحنين و الذكريات إن لم يكن هذا؟ (Re: أحمد طراوه)
|
Quote: يا سلام يا مكي ( أنتم جحافل الذوق و الكرم ) النازلة من مرتفعات الكيرا قبال 500 سنة تقريبا
براتيل زعف البنو بنشيلا زي ما هي
الكاسين بنشيل واحد، و بندي الكاس التاني لشاعرنا الاثير ذو الجينوم الافريقي الغالب (عبد المنعم عبد الحي)
فهو من قال:
نسقي الحبايب كاس كاسين .. و نسقي حورا " |
دكتور .. احمد طرواهـ .. يا راجل يا ذوق .~
شكرا لحضوركـ الزاهي الذي عطر صفحاتي..~~
وأضاف بياضا تحتاجه هذه الأحرف ...~~~
مروركم .. كالحلم الذي يبدد ظلمة الحرف ....~~~~
اسعدني الهطول الأنيق و الاطراء.....~~~~~
وشرفني تواصلك ودمت بروعة حضورك ....ّّّّّّّّّّّّّّّّ
__________________
و"البسختين" ديل زاد ورفقة ليكـ ..ّّّّ```
في تسافركـ وغربتكـ البعيدهـ ...```
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: PLAYER)
|
عادل بلير.. يا انسان يا رائع
كل سنة وانت طيب وعقبال ما نفرح بيكـ
يسرني ان اعبر عن حار شكري وامتناني
لمشاركة بورداب هيستون الضاويه في زفاف العروسينـ
متمثله في شخصكم السامي والرائعين الافاضلـ
العم حسن التوم
عزيز عيسي
هواري نمر
خالص شكري ومعزتي
واهديكم "بخسه لبن " من دارفور
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
اخوي مكي
ما اجمل الفرح وما انبل الناس
وهي تحتفي بمستقبلها في البلاد البعيدة
وما اروع التراث والناس تحمله بين جوانحها ابدا
كان روحنا المريخ ياهو في النهاية نحن يانا نحن
ما انضر الضحكات
والجرتك بألوانه الحمراء والذهبية
والبخور وصينية الحنة والحق يزينها
تثبت لك اننا مهما بعدنا عن الوطن
فهو موجود في دواخلنا ابدا
محبتي والف مبروك للعرسان
ولكم الأماني السندسية
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: محمد سنى دفع الله)
|
الصديق و العزيز
مكي ابراهيم..
تحياتي و أشواقي...يا ملك
الف الف الف مبروووك للعرسان(تسنيم @عبدالعزيز)
وربينا يسعدهم و ويجعل المحبة والبهجة بينهم و اليهم...
نعم كان عرس اسطوري....
عرس ســـــــــــــــــــــــــوداني بمعني الكلمة...
الفرح و الزغرودة...والشبال و قولة ابشر...
كل الناس...جاءو...
عرضنا في اغاني السيرة و طربنا مع الفرنقبيا و ضربنا الارض مع صوت الكرن...
كان الجميع..هنـــــــــــــــاك
لم يكن هناك فرق بين احد...
فالموسيقي و الغناء و العرس و الناس..كلهم سوادنيون
يا اخي الكريم...
ظللنا نتحدث عن هذا العرس البهيج طيلة الايام التي تلته...
انظر كيف رقص بنات وابناء الدينكا والنوبة علي ايقاع العرضة و زغردن ورقصن الرقبة..
كيف تدافع ابناء الوسط و الجزيرة عند سماع صوت الكرن...
كيف اختلطت الرطانة بالعربية بالانجليزية...
انه السودان يا مكي..
انهم الناس البسطاء...العاديون
يجتمعون في افراحههم و اتراحههم...
الجميع كان مبتهج..
والجميع خرج من الحفل مبسوط...الم تري الاطفال...وهم يرقصون علي انغام الموسيقي السودانية
وفيهم من ولد هنا....
__________
ياخي انا اكتر زول مبسوط من الحفلة دي...
لانه ببساطة ..جمعت كل السودان في مكان واحد
ومع اول نغمة موسيقي وضربة طبل
اجتمــــــــــــــــــــــــع كل الناس كل الناس كل الناس...
مبروووك تاني
وخليك ظاهر و باقي الصور مع بلير...
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: محمد سنى دفع الله)
|
Quote: اخوي مكي
ما اجمل الفرح وما انبل الناس
وهي تحتفي بمستقبلها في البلاد البعيدة
وما اروع التراث والناس تحمله بين جوانحها ابدا
كان روحنا المريخ ياهو في النهاية نحن يانا نحن
ما انضر الضحكات
والجرتك بألوانه الحمراء والذهبية
والبخور وصينية الحنة والحق يزينها
تثبت لك اننا مهما بعدنا عن الوطن
فهو موجود في دواخلنا ابدا
محبتي والف مبروك للعرسان
ولكم الأماني السندسية
|
سفيرنا المسرحي الكبير
الاستاذ .. محمد السني دفع الله
سلام عليكـ ويا سلام ..
ما انبل عبارتكـ هذهـ
برغم ابتعدنا.. في منافينا البعيده
ولكن يبقي الوطن هو الوطن بين الجوانح وحدقات العيون
ونسعي في تجميل افراحنا ونزينها بتلك التراثيات حتي نكون اكثر قربا للوطن
من حقيبة يوم الخميس
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: PLAYER)
|
الصديق العزيز مكي،
عرس مبالغة.. في رأيي المتواضع أجمل عرس سوداني مرّ على
مدينة هيوستن حتى الآن.
إستمتعنا ورقصنا وقضينا أسعد اللحظات مع أنغام الموسيقى
والطرب والرقيص الأصيل المتنوع من قبائل السودان المختلفة.
أكثر شيء لفت إنتباهي في الحفل إني شاهدت أبناء السودان
بكل سحناتهم وأعراقهم وقبائلهم شماله وجنوبه وغربه وشرقه
مجتمعين كلهم في مكان واحد يجمعنا كلنا الحب والوئام
والسلام بالأحضان.. الكل كان مبسوط كبار وصغار.
يا سلام يوم روعه بحق وحقيقة أعادنا الى الزمن الجميل.
ونبارك للأخ عبدالعزيز خميس وعروسته تسنيم زواجهم الميمون
ونتمنى لهما حياة زوجية سعيدة.
ملحوظة:
مكي.. أعجبتني الترتيبات وقيادتكم في تنظيم الحفل.
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: عزيز عيسى)
|
Quote: أكثر شيء لفت إنتباهي في الحفل إني شاهدت أبناء السودان
بكل سحناتهم وأعراقهم وقبائلهم شماله وجنوبه وغربه وشرقه
مجتمعين كلهم في مكان واحد يجمعنا كلنا الحب والوئام
والسلام بالأحضان.. الكل كان مبسوط كبار وصغار.
يا سلام يوم روعه بحق وحقيقة أعادنا الى الزمن الجميل.
|
اخي وصديقي المحترم .. عزيز عيسي
لكـ التحايا والاحتراماتـ ``~~
شكرا علي حضوركم الانيق ```~~~
وقد زين حضوركم البهيج الامسية وزادت روعتها
وليلة العرس كانت وتبقي من ايام السودان الخوالد بمدينة هيستون
بما شهدتها من تجانسا وتالف ومحبة صادقه بين ابناء السودان
من مختلف البقاع وعساها ان تتواصل في مقبل الايام...
_____________
يا صديقي ..
برتال البنو المطرز بالودع ده قلنا نهديها ليكم ,,,
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote: غايتو يا اولاد الغرب لو بتنقلوا
التراث السودانى بالصورة دى
حتغيرو لينا فى الكلشر بتاعت الناس دى قريب
مجددا اجمل التبريكات .. |
العزيز صالح تبلدينا..
حبابكـ والف مرحبتين
يا زول والله ضحكتني !!
الجماعه ديل اهم حاجه عندهم هو الاهتمام
والتطلع لمعرفة عادات وتقاليد و ثقافات الاخرين
وتشجعيهم للمحافظه عليها,,,
وبعدين العرس كانت فرصه وانتهزناها لعرض تراثنا الخالد
ليعلم الجميع ان سوداننا بلدا متعدد الثقافات والعادات والتقاليد
علي العموم شكرا علي الاطلاله وجميل التبريكات للعروسين
____________
والعمرهـ .. والقدح ديل عشان خاطرك
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
الف مبروك تسنيم و عبدالعزيز بيت مال و عيال
و شكراً للجنة المنظمة على ابراز تراث دارفوري اصيل
عدتم بنا عشرين سنة حيث مسقط الرأس و خديجة الفوراوية
و رقصات الفرنقبية هيا اينق كوي دلبي سبيبا دسكولا سبيبا
كلمات اشبه بالترانيم كنا نرددها خلف اهلنا الفور و هم حضور
في كل مناسبات المدينة بفضل تراثهم و رقصاتهم و ايقاعاتهم الجميلة
اليوم تذكرت كل امهاتي من نساء هذه القبيلة العريقة و يد بيد
نحو توثيق هذا التراث و العمل به .
شكراً
| |
|
|
|
|
|
|
|
|
 Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote: الصديق و العزيز
مكي ابراهيم..
تحياتي و أشواقي...يا ملك
الف الف الف مبروووك للعرسان(تسنيم @عبدالعزيز)
وربينا يسعدهم و ويجعل المحبة والبهجة بينهم و اليهم...
نعم كان عرس اسطوري....
عرس ســـــــــــــــــــــــــوداني بمعني الكلمة...
الفرح و الزغرودة...والشبال و قولة ابشر...
كل الناس...جاءو...
عرضنا في اغاني السيرة و طربنا مع الفرنقبيا و ضربنا الارض مع صوت الكرن...
كان الجميع..هنـــــــــــــــاك
لم يكن هناك فرق بين احد...
فالموسيقي و الغناء و العرس و الناس..كلهم سوادنيون
يا اخي الكريم...
ظللنا نتحدث عن هذا العرس البهيج طيلة الايام التي تلته...
انظر كيف رقص بنات وابناء الدينكا والنوبة علي ايقاع العرضة و زغردن ورقصن الرقبة..
كيف تدافع ابناء الوسط و الجزيرة عند سماع صوت الكرن...
كيف اختلطت الرطانة بالعربية بالانجليزية...
انه السودان يا مكي..
انهم الناس البسطاء...العاديون
يجتمعون في افراحههم و اتراحههم...
الجميع كان مبتهج..
والجميع خرج من الحفل مبسوط...الم تري الاطفال...وهم يرقصون علي انغام الموسيقي السودانية
وفيهم من ولد هنا....
__________
ياخي انا اكتر زول مبسوط من الحفلة دي...
لانه ببساطة ..جمعت كل السودان في مكان واحد
ومع اول نغمة موسيقي وضربة طبل
اجتمــــــــــــــــــــــــع كل الناس كل الناس كل الناس...
مبروووك تاني
وخليك ظاهر و باقي الصور مع بلير... |
هواري نمر .. صديقي الانسان,,
لك المعزه والمحبة في اسمي معانيها,,
و اوجزت واوفيت ,,
علي كل حال شكرا لما اكرمتني به من مشاركه لطيفه ندية التعابير,,
ويكفيني وصفك التفصيلي والدقيق للحفل,,
و شكرا علي حضوركم البهيج .. وكانت ليلة دافئه انستنا برودة هذه الايام ..
شكرا مداد الارض ,,
والجبنه دي كيف !!! عساها تغنيك عن (الاستار بوكس )
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
سلام مكي
مبروك للعروسن و ليكم الفرح العميم
ربنا يرجعنا لبلد بجمال هذا الثراء
الانساني الفريد
زي ما بقولوا الما بكتلك بقويك
الظاهر انه المآسي و الجراح الاليمة
اللحقت بجسد الانسان السوداني
ح تخلق وعي جديد فيه مكونات المجتمع
تتحرك نحو بعضها بثقة و وعي بخصوصياتها
عارفه لحقها و قادرة علي العطاء في الماعون
القومي الكبير
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote: ما شاء الله
مبروك للعرسان وبالرفاه والبنين
شكرا مكي
|
الاخ الفاضل .. اسامة البلال
جيدا جيت والف مرحب بيك
وشكرا علي جميل الاطلاله وباقات التهانئ للعروسين
ودمت بالف خير ,,
Quote: بالجنبة
تراجي دا عرس ناس الهامش كدا طيب ناس الماهامش كيف (بالمناسبة هو عكس الهامش شنو؟) |
السؤال ده!!! تم تحويله لام الهامش وخالة العريس
تراجي مصطفي ,,
نهديكـ " شملة " دارفوريه
من وبر الابل الخالص مرصعه ببرتلاين محبة ,,
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
أخي العزيز مكي المكي... سلامات
وألف ألف مبروك للعرسان... وبالرفاء والبنين
وعقبال كل الباشلارز الحلوين الباقين
سعدنا معكم بهذة اللوحات الفنية والتنظيم الرفيع
الذي إمتزجت فية روح دارفورية عميقة بحداثة نابعة من ذلكم الأرث
هنيئا لكم الفرحة وهنيئا لنا التمتع بهذة المشاعر الزاهرة
والتي تعجز كلماتنا عن وصفها... رغم محاولاتنا
وتسلم عزيزي ودامت أيامكم أفراحا...
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
الله الله يامكي ياصديق..هذا كرنفال للفرح المهيب
وهذه هي مواريث اهل السودان وهذه هي ثقافاته الام التي ان
اردنا لها اثراء مشتركا فلنلتمس ذلك في تندكة الفور وفي ربابة البجة
وتمايل الفونج وفي ترنيمات الدينكا في الجراري والهداي وفي الطنبور
وفي طبول القادرية ..وذلك سر استغلق علي من يعتد بنسب ظنين..
فهذا هو السودان وهذه هي المواريث التي نسجت وحدته خيطا خيطا
تهانينا الخالصة لعبدالحمن وتسنيم..والعقبة عندنا ..
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: Hisham Osman)
|
Quote: الله الله يامكي ياصديق..هذا كرنفال للفرح المهيب
وهذه هي مواريث اهل السودان وهذه هي ثقافاته الام التي ان
اردنا لها اثراء مشتركا فلنلتمس ذلك في تندكة الفور وفي ربابة البجة
وتمايل الفونج وفي ترنيمات الدينكا في الجراري والهداي وفي الطنبور
وفي طبول القادرية ..وذلك سر استغلق علي من يعتد بنسب ظنين..
فهذا هو السودان وهذه هي المواريث التي نسجت وحدته خيطا خيطا
تهانينا الخالصة لعبدالحمن وتسنيم..والعقبة عندنا .. |
الدكتور و الاديب صديقي الصدوق
هشام عثمان
سلامات اخوي وعافي طيبين
يازول حفل الزفاف تحول الي مهرجان ابداع
تمازجت فيها ثقافتنا السودانيه المختلفه في صالة العرض البهيج
تسابق الجمو ع في تنافس فريد والكل يتمايل طربا مع موسيقاهـ
ناس البجا ورقصاتهم الجميلة
ناس الوسط والجزيرة الخضراء قاموا وعرضوا
اهلنا من الجبال والكرن في ابهي ما يكون
ناس دارفور حيث النقاره والفرنقبيا مع شبال البنوت في احلي منظر
وتري ناس الجنوب اختلطوا مع الشمال في احدي الرقصات
الكل منتشي والابتسامه تكسوا ملامح الوجوه النضره
يوم تاريخي للسودان في هيستون
العبارات لا تكفيني لوصف روعة المشهد
___________
قلنا نهديكـ مندولتين مطرزهـ بودعيتين وعقبال ما نفرح بيك يا صديقي
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote:
أخي العزيز مكي المكي... سلامات
وألف ألف مبروك للعرسان... وبالرفاء والبنين
وعقبال كل الباشلارز الحلوين الباقين
سعدنا معكم بهذة اللوحات الفنية والتنظيم الرفيع
الذي إمتزجت فية روح دارفورية عميقة بحداثة نابعة من ذلكم الأرث
هنيئا لكم الفرحة وهنيئا لنا التمتع بهذة المشاعر الزاهرة
والتي تعجز كلماتنا عن وصفها... رغم محاولاتنا
وتسلم عزيزي ودامت أيامكم أفراحا... |
استاذي الفاضل .. محمد ياسين خليفه
يا سلام عليكـ ويا سلام
يا اخي !! كم افتقدناكـ .. و قلنا يا ريت لو الدرب جابكـ علينا صدفه
واتسامرت مع الاحباب في هيستون
يا خي !! دي بهجه كان تغنيك الف حلفة بتلك الاصقاع الجليدية
واسالـ ؟؟؟ الزعيم "هواري نمر" و خليهو يحكي ليكـ بالتفصيل الممل
دي حاجه فاقت حد الوصف والتعبير !!
______________
ولان اليوم كان سودانيا جامعا
قلنا نهديك خريطةّّ~~``الا ف , الام , السين , الواو , الدال , الالف , النون,
الوطن الواحد ,, ما قد ما ذا يكون
MAKKI MAKKI
(عدل بواسطة مكي ابراهيم مكي on 12-30-2009, 06:40 AM)
| |
|
|
|
|
|
|
|
|
 Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
العريس محمولا علي الاعناق
ابشر ,, يا عريس ,, ابشر
و العز بالاهل
حلقة رقص جمعت السودان بقيادة النقابي والمربي الفاضل العم,, حسن التوم , الاخ الجعلي , والاستاذ جيمس , والدكتور الحبوب ياسين الاستاذ باحدي جامعات تكساس
منافسة حاده ما بين جبال النوبه وشرق السودان الحبيب
من اليمين_ الاخ حسبو اللنغابي ,, وامير
نواصل
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote: الف مبروك تسنيم و عبدالعزيز بيت مال و عيال
و شكراً للجنة المنظمة على ابراز تراث دارفوري اصيل
عدتم بنا عشرين سنة حيث مسقط الرأس و خديجة الفوراوية
و رقصات الفرنقبية هيا اينق كوي دلبي سبيبا دسكولا سبيبا
كلمات اشبه بالترانيم كنا نرددها خلف اهلنا الفور و هم حضور
في كل مناسبات المدينة بفضل تراثهم و رقصاتهم و ايقاعاتهم الجميلة
اليوم تذكرت كل امهاتي من نساء هذه القبيلة العريقة و يد بيد
نحو توثيق هذا التراث و العمل به .
شكراً |
ود با,, الصادق ضرار ,,
عافي كمونق عافي
دقلا اي كندللي
كي بركا
--------
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote: سلام مكي
مبروك للعروسن و ليكم الفرح العميم
ربنا يرجعنا لبلد بجمال هذا الثراء
الانساني الفريد
زي ما بقولوا الما بكتلك بقويك
الظاهر انه المآسي و الجراح الاليمة
اللحقت بجسد الانسان السوداني
ح تخلق وعي جديد فيه مكونات المجتمع
تتحرك نحو بعضها بثقة و وعي بخصوصياتها
عارفه لحقها و قادرة علي العطاء في الماعون
القومي الكبير |
نصار يا حبيب
التحايا والاحتراماتـ ,,
صدقت فيما اشرتـ اليه ,,
ورغم الاحزان واستمراريتها الا ان مسيرة ,,
الحياة لا تتوقف بل تمضي من اجل باكر مشرق وغدا واعد
مبرا من الجراحات العالقه بجسد الوطن
شكرا علي الحضور الانيق
___________________
ودي للميرم "ابنتنا" ربنا يحفظها ليكـ
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
الف مبروك للعروسين
وبارك الله لهما وعليهما
وجمع بينهما على خير
ومبروك لهذا الحضور البهي للتاريخ
والتراث ودارفور
والتهنئة موصولة من آبنتي تسنيم ووالدتها ت
كساس لم تكن بعيدة من فيغاس
لكن لسوء حظنا فاتنا تنسم هذا العبق الاصيل
محمد عبدالله تيراب
_______________________
الحق يعلوا ولا يُعلى عليه
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: Mohammed Tirab)
|
Quote: الف مبروك للعروسين
وبارك الله لهما وعليهما
وجمع بينهما على خير
ومبروك لهذا الحضور البهي للتاريخ
والتراث ودارفور
والتهنئة موصولة من آبنتي تسنيم ووالدتها ت
كساس لم تكن بعيدة من فيغاس
لكن لسوء حظنا فاتنا تنسم هذا العبق الاصيل
محمد عبدالله تيراب
_______________________
الحق يعلوا ولا يُعلى عليه |
الاخ الفاضل .. محمد عبدالله تيراب
سلاماتـ وعوافي ..
سجايا شكري علي هذه الاطلالة الجميلة
وعظيم التهانئ والتبريكات للعروسينـ
شكرا مداد الارض
-------------
البرش ده هديتنا لشخصكم السامي في الله!!
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
لا يفوتني ان اتقدم بخالص الشكر وجزيل الامتنانـ
لكوكبة الفنانين الذين شاركونا الغناء في مهرجان العرس التاريخي
احتفاء بالعروسين عزيز \ تسنيم
في مقدمتهم
الفنان الواعد .. صلاح مؤمن \ تكساس \ دلاس
الفنان المبدع .. محمود ريحان \ داكوتا الجنوبيه
الفنان الواعد .. ماركو \ ديموينس \ ايوا
المويسقار هشام الحاوي \ دلاس \ تكساس
المويسقار عصمت \ دلاس \ تكساس
عازف الايقاع المتفرد \ ايمن مقص \ هيستون \ تكساس
مهندس الصوت حسام \ هيستون \ تكساس
نواصل ~~~~
________
خالص معزتي
MAKKI MAKKI
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
اخونا مكي
مليار مبروك للعروسين وربنا يسعدهم وبيت مال وعيال.
لفت نظري وجود البرتال و المندولة و الطبق وباقي ابداعات نسوان البلد وادهشني ان ناس الهمبرغر لسه محتفظين بمثل هذه الاشياء الجميلة و ينتمون اليها. تصدق نحنا البيفصل بيننا وبين البلد بحر صغيرون لا توجد مثل هذه الاشياء حتى على حوائط منازلنا كذكرى او لربط اطفالنا بببئة لا يزال اريجها عبقا في نفوسنا.
رائع انكم تحتفظون بكل الجمال – بشرا و تراثا - بينكم..
شكرا على نقل المناسبة السعيدة و
كل سنة وانت طيب.
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: Zoal Wahid)
|
Quote: اخونا مكي
مليار مبروك للعروسين وربنا يسعدهم وبيت مال وعيال.
لفت نظري وجود البرتال و المندولة و الطبق وباقي ابداعات نسوان البلد وادهشني ان ناس الهمبرغر لسه محتفظين بمثل هذه الاشياء الجميلة و ينتمون اليها. تصدق نحنا البيفصل بيننا وبين البلد بحر صغيرون لا توجد مثل هذه الاشياء حتى على حوائط منازلنا كذكرى او لربط اطفالنا بببئة لا يزال اريجها عبقا في نفوسنا.
رائع انكم تحتفظون بكل الجمال – بشرا و تراثا - بينكم..
شكرا على نقل المناسبة السعيدة و
كل سنة وانت طيب.
|
عزيزي الفاضل .. زول واحد
شكرا لانكـ هنا وجميل ما سطره يراعكـ من عباراتـ صادقة ,,
 وتامل هذه الصور فهي وحدها تحكي !!! جلوس هولاء الاطفال وافتراشهم للارض في تامل وهدواء تام يراقبون ويتاملون هذه المشاهد في منظر اكثر من رائع فليلة العرس كان مهرجان ابداع ومدرسة تعلم فيها هولاء الاجيال الكثير من مورثاتهم وعاداتهم وتقاليد وطنهم السمحة وجعلهم اكثر ارتباطا وقربا لسودانهم الام ,, __________ خالص ودادي ~~~````
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: عزيز عيسى)
|
Quote: يا مكي، الشخص الثالث على يميني في الصورة هو الدكتور أحمد الصائم.
|
اخي والصديق الفاضل \ عزيز عيسي
لكـ شكري علي الاطلالة الضاوية ,,
وجميل انكـ اضفت لينا اسم الدكتور والانسان الفاضل
احمد الصائم ,,
والتحايا والاحترامات عبركـ له ,,
وزي ماانت عارف !!! اخوك لسع ضيف في مدينتكم القاره هيستون دي ,,
خالص معزتي
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: Tragie Mustafa)
|
بعدين عارف يا مكي يا اخوي
طبعا مجهودكم ظاهر كلكم في التنسيق و التنظيم الواضح.
الا الاهم
وحاتك ناسكم كلهم ضيوفكم ما قصروا
لا شفته لي تفتة حايمه ولا دقن ما مشذبه
ولا مره مبهدله ولا طفل مبهدل
الكل ماشاء الله تبارك الله على سنجة عشره زي ما بيقولوا.
اها رفعتوا راسنا يا ناس هيوتسن...باقي ناس السودان ديل حقارين
ووبيحقروا بينا نحن ناس المنافي(ههههه)!
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
Quote: الأخ العزيز مكي أبراهيم مكي
الف مبروك للعروسين نسنيم و عبدالعزيز
و فعلا لقد قمتم بعمل رائع تشهد عليه الصور الجميلة ..ز
مبروك مرة أخري ..
و لك تحياتي |
الاخ الفاضل \ محمد سليمانـ ..
لكـ التحايا والاحتراماتـ ..
وفعلا !!! كان اليوم رائعا ومعبقا بروائع تراثنا السوداني
ذاتـ الملامح الدارفوية الجميلة من مندوله ,وطبق ,وبرتال بنو ,ومشكاشة
وقدح ضيفانـ , وكاس قرعه, وبسخة روبـ ,وكل تلكـ الدرر الثمينه
وعادت بنا الايام الي ماضي الزمن الجميل واسترجعنا زكرياتـ غابره
شكرا علي المــرور ودمت بعافيه,,
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: مكي ابراهيم مكي)
|
التحية لجموع المبدعين والفنانين الذين عطروا سماء حفلنا بموسيقاهم و الحانهم الجميله
الفنان \ محمود ريحان\ داكوتا الجنوبيه
المبدع الواعد \ صلاح مؤمن \ تكساس \ دلاس
الفنان المتالق\ماركو\ ديموينس \ ايوا
الموسيقار الكبير \هشام الحاوي \ وعازف الايقاع ايمن مقص
المصور\ خالد
___________
لنا عوده
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: ايوب عبدالرحيم)
|
Quote: صديقي واخي العزيز مكي
الف الف الف مبروك لعبدالعزيز وتسنيم
وبيت سعادة وهناء
وعقبالك يامكي
وباين مجهوداتكم الكبيرة في التنظيم والاشراف
تحياتي اليك ومشتاقين الشوفة ياراجل
وسلم لي على دكتور هشام عثمان |
صـديقي الفاضل .. والانسانـ جميل الدواخـــل ..
ايــوب عبــدالرحــيم..
اشــكركـ علي تلوين الدار باطلالتكـ الرائعه ..
وزف التهانئ وجميــل التبريكاتـ لعزيز والابنوســه تسنيم..
ربنا يديم المحبــه والوئام فيــما بينهـم ..
وياخي !!! لسع منظرين زيارتكـ المرتقبـه
ووعــودنا لكـ والدكتور هشام عثمانـ .. ما زال قائما
وخبرنـا بمواعيــد جيتكـ المرجــوه ..
لكـ مني اجمل التحايا والمني المسكوب بعبق التلاقي ..
وعفوية الانسانـ الســوداني الجميـــل ..
________________
وبخســـة الروبــ البارد دهـ !!
هديتنا ليـكـ يا صاحـــب
| |
|
|
|
|
|
|
|
|
|
Re: و إي عرس يبعث الحنين و الذكريات إن لم يكن هذا؟ (Re: Akram Omara)
|
Quote: الاخ مكي
كل عام و انت بخير
اسمى التهاني والتبريكات
تمنياتي لهما بحياة زوجية سعيدة |
اخــي الفاضل\ اكـرم ...
سـلاماتـ ومرجبتين بجيتكـ لديارنا العامره....
وانشاء الله مقيلتكـ بعافية .....
وكمياتـ التهانئ دي مشكــور عليها يا ملك .....
شـكرا مداد الارضين ..
وفوتكــ بعافيـــــــه ...
| |
|
|
|
|
|
|
| |
مكي ابراهيم مكي
Tragie Mustafa
ذواليد سليمان مصطفى
ابوعسل السيد احمد
اسماعيل عمر ابراهيم
على عمر على
أحمد طراوه
الغالى شقيفات
PLAYER
محمد سنى دفع الله
هواري نمر
عزيز عيسى
الصادق ضرار
أسامة البلال
نصار
Mohamed Yassin Khalifa
Bashasha
Hisham Osman
إسماعيل وراق
Mohammed Tirab
Aymen Tabir
Mohamed Suleiman
طارق جبريل
ايوب عبدالرحيم
Akram Omara
فيس بوك
تويتر
انستقرام
يوتيوب
بنتيريست