|
|
 ونسة حميّر ...
|
: سلآم آ الدبزاوي.
الدبزاوي: اهلاً.
المكادي: يا حمار شايل هموم الدنيا مالك، إن شاء الله خير ؟.
الدبزاوي: كِدي أقعُد. أجيبلك قبضة برسيم ؟.
المكادي: لا، لا شكراً. شارب لي مُوّاصة هسّع.
الدبزاوي: مُوآآآصة !؟.
المكادي: ايّ مُوآصة ، مالآ ؟.
الدبزاوي: بتسمِّن، ونصيحتي ليك تاني كان جابوها ليك لا تشربا.
المكادي: ليّه، في شنُو ؟.
الدبزاوي: يا حمار إنت ما سامع بالضبح الواقع في البلد دي، علي اليمين المُوآصة دي ماسورة؟.
المكادي: اللتاريك مقلّع عِويناتك، وضايقابك الوسيّعة !؟.
الدبزاوي: بصرآحة، شِي يخوِّف. بعدينِك عمّك اللقروُّب دا شايفو اليومين ديل مُهتمي بي شديد،
زوّد الكوتة بتاعت العلف، وكل مرّة اسمعو ليك، يا ولآد الحمار دا علِقولو وادُو اليشرب.
المكادي: بيني وبيّنك، المسعلة خترة بالحيل. هسّع انا براي النفّة البنِفها في الليل دِيّك دمستها وبقيت
اصبح كل يوم نخاشيمي ديل ملطمات. خايف يجي جزآر فايت بالشارع يشعُر بوجودي.
الدبزاوي: حليل زمان، بالله الوآحد كان ينقُل اليوم كُلّوُ، شي طماطم، شي عجوّر، شي ليمون،
شي تمُر، شي خدارات، وعييييييييك السوق دا نتُرسو لآمِن يقنِت. هسّع إتعطلنا وكمان جابت لها ضبح !.
المكادي: حرّم صدقت. كنا مدلعين، وكمان الحِلآقة اللت الرسم دي جبناها نحن. هسّع الخواجات سووها
موضة، وختفوها منهم بني آدمين البلد دي. الوآحد تلقاهو حالق حلآقتنا الزمان، وخالط الجكسوية بتاعتو،
وقاعين في أفخم محل بيرقر. يدفسوها لحم حميّر وحالقين حلآقة حمير، وبعد شويّة يقعدوا يهنِقو !.
الدبزاوي: عليك الله كان ما نفر ديّل نحن بيضبحونا؟. هسّع نوع ديّل بيغيرُولُن نظام حُكُم ؟.
المكادي: وكمان الحكاية فيها إضطهاد، الوآحد يقوليك، عليك الله ناس الحكومة ديّل ما حمير ؟،
بالله علي عثمان تقول مُخو مُخ حمار، علي اليمين البقولوا الخدر دا، الحمار ما يقولوا، بالله دي بلد دي ؟
يحكُما حُمار زي دا ؟، لُغتو كولها جِلِد كديس، وجزمتي، وهوت ضوق، ومزارعين الجزيرة والبيبسي !،
وهكذا ؟. عليك الله يا الدبزاوي، هسّع دا زول يشبهوهو بينا نحن !؟.
الدبزاوي: يا اخي دا جوّعُن لآمن بقو يكابسو فوقنا نحن.
الريفاوي: سلآم يا حمير، هوّي.
: مرحبتين حباب الريفاوي.
الدبزاوي: جاي من وين يا حمار ؟.
الريفاوي: من غابة ناس ود حِتيل.
المكادي: يا حمار إنت جنيّت ؟، علي الطلآق غابة ناس ود حِتيّل دي كان يبقى ابوي
رئيس الجزارين ما ادخُلا.
الريفاوي: في شنو ؟!.
المكادي: دِي ختفو منها الدنقلآوي، والغتسة الياها.
الدبزاوي: غايتو الله مرقك، لكن تاني ما تعملآ.
الريفاوي: غايتو بقينا الوآحد مِن تمسى الوآطة دي يقعُد يِتلفّت.
المكادي: هلآ، هلآ اوّل زمان من الليل يمسى تسمع غوغاي القعوي في التُرع، وحِس الصُبار،
وفحل أُم صِريصِر، وتكون تحتك كُوليقة قصب، تاكُل وتنفنِف الليل كُلو، ومرّة، مرّة تاخُدلك هِنيّقة،
والقمرا ضاربة في موية الجداوِل، هلآ، هلآ.
الريفاوي: ايَّ والله زمن !. إنت الجماعة ديّل سوُّ شنو مع القعوي ؟.
المكادي: ما سجمُن، لكن ترا من طروهو دمس الغوغاي.
الدبزاوي: والله الوآحد الحياة دي مِسخت عليهو، عليكم الله دي حكومة دي ؟.
الريفاوي: غايتو انا خوفي كُلوووو من ناس الصالح العام.
المكادي: ناس الصالح العام ياتُن ؟.
الريفاوي: مِياهُن البيسوو الفتاوي للحكومة.
الدبزاوي: قصدك هيئة علماء السودان.
الريفاوي: بسسسس ياهُن، هسّع يحللو لحمنا.
المكادي: غايتو شقاوتنا شقاوة، اكلو لحمنا بالبلآدة، وهسّع بقو ياكلونا
عيّنك يا تاجر. غايتو المخيّر الله !.
الريفاوي: غايتو ناس علماء السودان ديّل بيعملوها فينا، قبل الليلة
وآحد قال، لبن الحمير بينفع القُحة، الجماعة قاموا علي نسوانا ما خلولِن
ضرعاً محيّن، وخلّو دِحيشاتن ينيصن من الجوع.
الدبزاوي: يا حمار ديّل مُو هُن، ديل علماء البحوث.
الريفاوي: كُلهُن زي بعضُن، مُش ناس حكومة ؟.
المكادي: والله قال ليك الجماعة بيظبطو من لحمنا جِنِس كُفت،
وسُجُوك، ولحمة مفرومة، وهوت ضوق، مُباااااالغة.
الريفاوي: عليك الله هسّع كان ما الرئيس اب فقهة دا، الناس ديل بيعرفو الهوت ضوق ؟.
الدبزاوي: لآزم نشوف طريقة نتخلّص بيها من ناس الحكومة ديل !؟.
الريفاوي: غايتو بي في الليل إتحصنوا قبل النوم.
المكادي: انا جاتني فكرة نتخلّص بيها من الجماعة ديل.
: فكرتك شنو ؟.
المكادي: باكر من الصباح نمشي نقيف قدام القصر، ونرفع يافطة نكتب
عليها ( يا ترحلوا يا نرحل، الحميّر كِترت في البلد)
.
: تصبحوا علي خير.
ود المدير...
|
|
 
|
|
|
|
|
|
|
 Re: ونسة حميّر ... (Re: معاوية المدير)
|
اخوي معاوية المدير ..
شوف العالم الذي تختلته جميل كيف ..
يا اخي هذا الحيوان جميل ..
أنا في بوست الحمير بإسمي عملتوا تكريم لهذا الحيوان الجيمل ..
أستغرب عندما واحد يشتم الآخر يقول ليه يا حمار .. يا أخي ده تكريم عديل ..
بعدين الحلاق ده ذكرني اخونا الصعايده كانوا يجوا سوق البرقيق هناك في الشمال عشان الحلاقة
معاً اخي معاوية والفاتح ميرغني .. سوف ندافع عن الحمير
وبصراحة أنا ضد الحصان .. هههه
| |
|
|
|
|
|
|
|
|
|
Re: ونسة حميّر ... (Re: أبوبكر عباس)
|
ود المدير
كيفك يا رائع
الحزب الديمقراطى الأمريكى أعطى الحمار تقدبره وإحترامه ومكانته
مما جعل الحمار الشعار الرسمى للحزب .
.
للمنافسه الحزب الجمهورى إختار الفيل كشعار
وعشان جمهورى , كان شاورونى كنت إخترت الحصان بدل الفيل
مش الحصان أفضل من الفيل ؟!!!
عموماً ربنا يحفظ حمير بلدى من الضبح !
| |
|
|
|
|
|
|
|
|
|
Re: ونسة حميّر ... (Re: ABDALLAH ABDALLAH)
|
معاوية المدير الحبيب ..
تتخيل أنا خليت بوست الحمار بإسمي وجئت هنا ..
حبيبنا عبدالله عبدالله
Quote: لمنافسه الحزب الجمهورى إختار الفيل كشعار
وعشان جمهورى , كان شاورونى كنت إخترت الحصان بدل الفيل
مش الحصان أفضل من الفيل ؟!!!
عموماً ربنا يحفظ حمير بلدى من الضبح |
طبعاً الحمار هو الأفضل والأقرب الى قلوبنا .. آمين على دعوتك لهذا الحيوان الجميل ..
لكن قصة الشعار يكون حصان .. لا .. كما هو جميل فقد إستغله البشر في القبح في العدوان والغارة والحروب
حتى الامريكان رمزية الكاوبوي ( الفوضى ) مقرونة بالحصان .. لكن الفيل .. حيوان حساس وذكي وبرضوا غير عدواني ومفيد
لبعض القبائل الآسيوية ..
تخريمة كده عشان الفيل :
لكن اخي عبدالله .. يا اخي النور الجيلاني شفاه الله عندو جميلة جداً عن الفيل ( جابوني ليه ) مع مجموعة رائعة من أطفال شمبات
اذا قريبنا الموصلي يقدر يترجم الاغنية وبلحن أقرب للامريكان مع حقوق نور الجيلاني .. صدقني الجمهوريين سوف يكتسحون
الاصوات ..
| |
|
|
|
|
|
|
|
|
 Re: ونسة حميّر ... (Re: علي عبدالوهاب عثمان)
|
Quote: معاً اخي معاوية والفاتح ميرغني .. سوف ندافع عن الحمير
وبصراحة أنا ضد الحصان .. هههه |
علي يا صديق،
بحكم إننا ناس قرية لنا مودة للحمير، مثلما لأهل البدر مودة
للمارسيديس والكريسيدا.
مرحب بلأخ الحبيب الفاتح ميرغني...
| |
|
|
|
|
|
|
|
|
 Re: ونسة حميّر ... (Re: معاوية المدير)
|
Quote:
أى واحد يمر على هالبوست وما يقول رائع......
يكون حماااااااا.........ر
ود المدير كيف حالك ياخ؟ |
ود مكاوي يا حبيب،
اريت حالك زين ؟، الحمُد لله.
رائع، اها.
سويتو كيفِن مع العِريبِي بتاع جُهينة ؟...
| |
|
|
|
|
|
|
|
|
|
Re: ونسة حميّر ... (Re: معاوية المدير)
|
حمار شيخ صالح ...............................................
لم يكن حمار شيخ صالح كسائر الحمير...بل كان خاصا ومتميزا فى كل شئ...فصاحبه
وراكبه شيخا وعالما وفقيه...يؤخذ عنه العلم والفتاوى...وإليه يرجع الناس
فى أمور شتى...خاصة كانت أم عامه...كما إنه صالح إبن صالح...يتجذز فيه الصلاح
والبركه...
وأيضا يتميز حمار شيخ صالح...كغيره من الحمير بعليقة دسمه...من العنكوليب
الأخضر والفتريته والأمباز...تمنح له ثلاثة مرات فى اليوم....كان كذلك نظيفا
يغسل كل يوم بالصابون ويجفف ببشكير خاص...كما إن أصله من كرائم الحمير
الحماميه...ومن أجودها وأجملها وأعلاها قامة ومناكب...كان أبيضا شديد
البياض فاقع لونه يسر الناظر اليه... لذا فقد يسرج ويلجم بأروع ما
يكون...كان سرجه من عود الصندل صمم خصيصا على مقاسه....وكان الجلد الذى
جمل به من عبران الصيد البري...وكان البطان من الجلد اللاصف محمرا بأبازين
عريضه تظهر بالجنب...ثم توضع عليه فروة من جلد كبش أبرق...أحمر فاقع بأبيض
شديد البياض كذلك...كما إن اللجام محلى بجلد أحمر فى هندسة تدهشك...كان ذلك
حديث العام والخاص...فى زمان كان الحمار فيه وسيله أساسيه للمواصلات....فهو
لا يقل عن الفولفو والروزورويس والمارسيدس....كان حديث الناس فى مجالسهم
وكان أمانى النساء لأزواجها...ولتلك الخصائص وغيرها...كان الناس يتدافعون
بأناث حميرهم من أفجاج سحيقه...لتنال نسله المبارك...فذاع صيته فى
الأرياف...ونال وصف من لم يراه...من شعراء الشعر القومى...ومن غناء
الحكامات...فهو الى جانب أنه بركه...فهو كذلك جميل جذاب وقوى وذا فحولة
عاليه...لا يعاف الإناث متى ما جئ بها... وظل هذا دأبه وديدنه سنين عددا...الى
أن شاخ ووهنت رجوله ومناكبه ولكن ظلت همته...وكغيره من مخلوقات الله بلغ به
الكبر وأقعده... وأخذ عنه القدرات والمهارات التى كان يجيدها... وصار من
الصعب عليه أداء ما كان يقوم به فى شبابه بقوة ومهارة عاليه...لذا
أوجدوا له مساعدين...فصار كالملك العجوز يحمل لأنثاه...وهذا النفر من
المساعدين لاهم لهم بالذوق العام أو الإستتار...بل يتوخون الموارد وقارعة
الطريق والظل...حتى أضحت تلك المناظر مألوفة للكل حتى الأطفال...فما زالت
الوفود تتقاطر إليه...لتنال من نسله رغما عن أنفه وبشق الأنفس...ولأن الحمير
تعد من أهم وسائل المواصلات وقتئذ...فالناس يركبون لأداء الفاتحه والمشاركة فى
مناسبات الأفراح وغيرها...وكان أن حدثت وفاة بالقريه فإذا بالقرى المجاورة
يتقاطرون لأداء العزاء...وعادة ما يأتون فى أفواج...فمنهم الراكب ومنهم
الراجل...فإذا بفوج جاء من الجنوب متجها الى مكان العزاء...فإذا بودعكام
يخرج من الفوج صوب البئر التى كانت بها أمة من النسوة يسقين...وود عكام هذا
رجل لسانه فلقه...لا حياء له ومزواج لا يتورع....على الرغم من أن الشيب مخط
برأسه وأصبحت حركته ضئيله....فلم يكن كموسى عندما ورد مدين....كما لم يجد
مايشبه بنات شعيب....بل كن أقرب الى بنت مجذوب من غيرها...فطلب منهن أن
يسقين له حماره....فلا هو غريب عليهن ولا هن غريبات عليه....فطلب مازحا يا
بنت حماد عليك الله ما بتاخدينى...فقالت له بنت حماد آخدك أنا يا حمار شيخ
صالح فبهت ودعكام........
منصور عبدالله
| |
|
|
|
|
|
|
|
|
Re: ونسة حميّر ... (Re: munswor almophtah)
|
سلام ود المدير و ضيوفو
بالنسبة لنا نحن اهل الشمال
الحمار كان بمثل وزارة بى وزيرها
.. وزارة النقل و المواصلات ..
ثم انه كان مصدر عمالة لفئات اخري
السروجية
الحدادين
الحلاقين
حتى ناس اللبد و الصرايم ..مفردها صريمة.. كانوا بيسترزقو من وراهو
و ناس الموية و نقل البضايع كمان
بس الله لا ضوقك لفختو لما يردمك جوز
| |
|
|
|
|
|
|
|
|
 Re: ونسة حميّر ... (Re: جلالدونا)
|
Quote:
للمشاركة في الحلاقة: صورة بكاميرا الفنان أبوبكر عباس (باكستان السند) |
بكور يا حبيب،
يا اخي ما تميت لنا القصة.
هو بالله الزخرفة دي حتي في بلآد بنات اللصفر موجودة ؟...
| |
|
|
|
|
|
|
|
|
|
Re: ونسة حميّر ... (Re: معاوية المدير)
|
Quote:
ود المدير
كيفك يا رائع
الحزب الديمقراطى الأمريكى أعطى الحمار تقدبره وإحترامه ومكانته
مما جعل الحمار الشعار الرسمى للحزب .
.
للمنافسه الحزب الجمهورى إختار الفيل كشعار
وعشان جمهورى , كان شاورونى كنت إخترت الحصان بدل الفيل
مش الحصان أفضل من الفيل ؟!!!
عموماً ربنا يحفظ حمير بلدى من الضبح ! |
أخي الحبيب عبد الله،
سلآمات.
إختيار الديمقراطيين للحمار أمر غريب بالنسبة لنا، والفيل اظنه
اضخم حيوان علي وجه الأرض، بينما الخيل معقود بنواصيها
الخير إلي يوم القيامة، وفي السودان عندنا ضرب من المخلوقات
غريب جداً. هذه المخلوقات ينتهي عندها حد الغباء، وتضخمت
حتي صارت اكبر حجماً من الفيل من كثرة سفك الدماء، وهي
معقود بنواصيها الشر إلي ان يقضي الله امراَ كان مفعولآ.
مودتي...
| |
|
|
|
|
|
|
|
|
|
Re: ونسة حميّر ... (Re: Hassan Makkawi)
|
عشان حبيبنا ما يزعل
الحساوى من خيرة حمير الجزيرة العربية.....
" الحمار الحساوي " أصاله وتراث
الكاتب/ يعسوب
قال الله تعالى في التنزيل الحكيم :"والخيل والبغال والحمير لتركبوها وزينة".
كنت في الأحساء قبل فتره وعند تجولي بين نخيلها الخلاب وأنهارها الامعه وأذا بي ارى الحمار الحساوي يتجول من مكان الى اخر فصفقت
لمن يحتفظ بهذا التراث العظيم الذي في طريقه الى الأندثار ومع ذلك فأن الحمار الحساوي تعدى حدود الوطن ووصل الى بلاد سور الصين العظيم
http://www.a17sa.com/vb/showthread.php?t=859http://www.a17sa.com/vb/showthread.php?t=859
| |
|
|
|
|
|
|
|
|
|
Re: ونسة حميّر ... (Re: معاوية المدير)
|
Quote: سلام ود المدير و ضيوفو
بالنسبة لنا نحن اهل الشمال
الحمار كان بمثل وزارة بى وزيرها
.. وزارة النقل و المواصلات ..
ثم انه كان مصدر عمالة لفئات اخري
السروجية
الحدادين
الحلاقين
حتى ناس اللبد و الصرايم ..مفردها صريمة.. كانوا بيسترزقو من وراهو
و ناس الموية و نقل البضايع كمان
بس الله لا ضوقك لفختو لما يردمك جوز |
سلآمات يا فردة.
البيحميني اضوقا شنو ؟. يا زول حمار الحسن ود عبد الماجد اللحمر
قرررررب يفلخ لي جبهتي اتنين.
إضافة للفوائد اعلآه،
بعر الحمير يستعمل لجلط الحيط ويقيها شر المطر،
فهو بمثابة الزجاج لعمارت البندر...
| |
|
|
|
|
|
|
| |
معاوية المدير
علي عبدالوهاب عثمان
Hassan Makkawi
أبوبكر عباس
ABDALLAH ABDALLAH
munswor almophtah
جلالدونا
مني عمسيب
فيس بوك
تويتر
انستقرام
يوتيوب
بنتيريست