منتدي الذكريات بكلية الطب ج الخرطوم زمان

Quote: يا مجدي أخبارك..والله انقطعت عنكم... بس كنت في رحلة فنية في الهضبة الأثيوبية...

اول هام حمدا لله علي سلامتك.....

بس ماتكون انكسر فيك عضم والا حاجه كده والا كده...

لانو الرحله الفنيه كانت لناس الاكروبات السودانيه....

ومعاهم بعثه رسميه!!!!

انت كنت بتعمل شنو...

الحق ياالمعز كوباني بقي اكروباتي.....

ولو ما اكروباتي ..بقي رسمي..

وفي الحالتين في كتر *خطر* عليهو وعلينا..

لانو ما ح يكون سائق الطياره!!!


اما عن الصور ما تخاف....

زي ما وعدتك صورتك الخائف عليها دي.....

لو ما خليت نطيطك ده ...

بنشرها ليك....

وانت عارف انا بخاف عليك..

ذي ما قال اخوك الكاشف...

Quote: محمد المرتضي... مجدي.. صباحات.. كلها خير.. مريا مازالت تأرق ليلي الغارق في ظلامه.. وبرده الذي إذا ماحتك بالعظام يورثني شوقا لكما... (توتي .. حمد الريح .. وأشياء أخري مثل البنت التي تضحك فتدور كالفراشه..) ثم تأتي مريا .. التي تجعل من إزميل فدياس وعبقرياته الراعنه... أدوات يصعب مسها .. أو يصعب فهم جنونها.. الله غالب! .. في زمان ما كان فيه النشيد نشيجا.. والغناء مثل التراتيل النبيله.. كنت أدعو كل من فيه بركه للتعرف علي أشياء صغيره ولكنها ذات دلالات محفوره في ذاكرة الجينات ... كوب من القهوه أطلق عليه عمود العارفين ... أعشاب معصوره بعنايه.. أسميها جزافا شاي .. سيجاره... وموسيقي موزارت وبيتهوفن.... شوبان.. ثم القدم المعلي لفيروز ... فيتساقط مجدي الشيخ طربا... ولا يبارح مكانه إلا عندما تخالج أصوات الصباح الاولي مسامعنا المضمخه بجميل الكلام .. فيخرج مجدي من الغرفه اللعينه خفيفا كظل الضوء .. ولا يلتفت لاحد.. ولا أسأله لأنه في ذياك المكان يكون قد دثره الجنون .. فأخاف أن يرسمني في إحدي كاريكاتيراته .. عاريا...!!! عندما نلتقي في الكليه .. لا نتحدث كثيرا ولا يحادثني .. (ربما فقط.. ربما) يكون محاطا ببنات الحور أو أشباه الملائكه.. وأنا منهن بعيد......إذ أن أحمد جمال إبن عمتي كان دائما يصفني بالزندقه .. الجميله.. أو كان يذكرني بأنني أدرس الطب من منازلهم... لصوت علي المك.. أثر عجيب في نفسي .. عجيب .. لأنه كان يمسك بتلاليب اللغه ويسحبها معه الي عوالم أخر.... نعاه صلاح أحمد إبراهيم في لندن عام 1992 في شاعريه مرهفه .. خلتها وقتذاك ... حديثا اخرا عن مريا أخري .. ثم إختتم ذلك النعي الحزين بقوله .. قد نلحقك قبل أن نموت بعبقريتك يا علي!! لم أفهم وقتها ماذا كان مقصده ..( حمدا ... وأسفا) ... و بعد عام واحد تصاعد صلاح وعندها عرفت أن العبقريات تعيش أبدا ... واصحابها يموتون.. (نحن لا ننسي أن نتذكر .............. نحن نموت!)

Quote: محمد المرتضي... مجدي.. صباحات.. كلها خير.. مريا مازالت تأرق ليلي الغارق في ظلامه.. وبرده الذي إذا ماحتك بالعظام يورثني شوقا لكما... (توتي .. حمد الريح .. وأشياء أخري مثل البنت التي تضحك فتدور كالفراشه..) ثم تأتي مريا .. التي تجعل من إزميل فدياس وعبقرياته الراعنه... أدوات يصعب مسها .. أو يصعب فهم جنونها.. الله غالب! .. في زمان ما كان فيه النشيد نشيجا.. والغناء مثل التراتيل النبيله.. كنت أدعو كل من فيه بركه للتعرف علي أشياء صغيره ولكنها ذات دلالات محفوره في ذاكرة الجينات ... كوب من القهوه أطلق عليه عمود العارفين ... أعشاب معصوره بعنايه.. أسميها جزافا شاي .. سيجاره... وموسيقي موزارت وبيتهوفن.... شوبان.. ثم القدم المعلي لفيروز ... فيتساقط مجدي الشيخ طربا... ولا يبارح مكانه إلا عندما تخالج أصوات الصباح الاولي مسامعنا المضمخه بجميل الكلام .. فيخرج مجدي من الغرفه اللعينه خفيفا كظل الضوء .. ولا يلتفت لاحد.. ولا أسأله لأنه في ذياك المكان يكون قد دثره الجنون .. فأخاف أن يرسمني في إحدي كاريكاتيراته .. عاريا...!!! عندما نلتقي في الكليه .. لا نتحدث كثيرا ولا يحادثني .. (ربما فقط.. ربما) يكون محاطا ببنات الحور أو أشباه الملائكه.. وأنا منهن بعيد......إذ أن أحمد جمال إبن عمتي كان دائما يصفني بالزندقه .. الجميله.. أو كان يذكرني بأنني أدرس الطب من منازلهم... لصوت علي المك.. أثر عجيب في نفسي .. عجيب .. لأنه كان يمسك بتلاليب اللغه ويسحبها معه الي عوالم أخر.... نعاه صلاح أحمد إبراهيم في لندن عام 1992 في شاعريه مرهفه .. خلتها وقتذاك ... حديثا اخرا عن مريا أخري .. ثم إختتم ذلك النعي الحزين بقوله .. قد نلحقك قبل أن نموت بعبقريتك يا علي!! لم أفهم وقتها ماذا كان مقصده ..( حمدا ... وأسفا) ... و بعد عام واحد تصاعد صلاح وعندها عرفت أن العبقريات تعيش أبدا ... واصحابها يموتون.. (نحن لا ننسي أن نتذكر .............. نحن نموت!)

Quote: يا مجدي أخبارك..والله انقطعت عنكم

Quote: اخي كوباني : اثني هذه الفكره و بشده, و يا حبذا لو تبنت رابطه طلاب الطب و اداره الكليه هذه الفكره.

اخوي طارق.....

انت ما سمعت انو كوباني قال كان في رحله فنيه

وكمان مع ناس الاكروبات!!!!!!

ووفد رسمي للحبشه كمان........


اما الفكره قاعد اطبخ ليكم فيها علي نار هاديئه ...

والاتصالات والتخطيط مازال علي قدم وساق....

ذي ما قلت ليك.....

وده لب موضوع هذا المنتدي .........

بس شدو حيلكم وشاركوا وعمروا المنتدي ده.....

عشان الماعون يكون كبير......

والفكره ح تكون مشروع لايمكنك تصوره....

وح ارسل ليك منو حال اكتماله.....

وح يكون ببساطه مشروع عالمي....

ولايمكنني الافصاح اكثر من ذلك...

دعواتكم....

Quote: يا عبد العظيم: سلامات ....اها Single غيرناها عشان خاطر اخونا مجدي اسحق... و الجهات العليا!!....

سلام ياطارق....

والله تتابع عضمه ده تضيع ساكت.....

والزول ده شغال شغل زبائن. .....

يبحت في حاجات لاتغني ولاتسمن من ضلع...

....

وشوفو لينا معاهو حل.....

يحلنا الحلا بله


حاشيه..

هو سنغل ده شغال شنو....

والله ذي ماقال ودشيقوق....

لو طقاك سهم لا داك بفيدك...

ولا السنقل بحلك...

نسال الله السلامه

Quote: أصلاً...غايتو انشاء الله الناس يبقوا زيو..بعد ما خلى كارديف والعيش المرفه والتفاح الكوكس وحاجات تانية حامياني ورجع ليخدم أهل السودان الطيبين ويرد الجميل ..عشان كده بقول ود اسحق صادق فيما يؤمن به..له مني التحية ولأسرتو العظيمة...

Quote: طارق عبده وين يازول يا حلو . قلت لى غيرت البروفايل . والله أحسن وزى ماقالو الباب البيجك منو الريح سدو وإستريح عشان ماتدى فرصة لى ذى ناس مجدى ديل يبشع بيك . توقع منى سلك قريبآ . عبدالعظيم.

والله العضم قام ليهو لحم.....

اخونا عضمه هو لسه اسلاكك شغاله...

والا السلك ده ح تستلفو بدليل توقع وقريبا...

والله ياهانئ ماشايف شغلك...

ونحملك المسؤوليه كامله لمايحدث للزبون عضمه

انتو ياخوانا عتو ودالمبارك وين....

لسه جاري وراء الجنيهات ولواكم الويكند....

والله شوقنا كتاحه ليك ياعتو...

Quote: الاخ العزيز والصديق رفيق الدرب / مجدى احمد الشيخ سعيد جدا بزيارتك التى انتظرتها كثيرا وانى اعرفك منذ اكثر من عشرين عاما كاتبا ومثقفاورساما للكاريكتير ... ولا انسى تلك الرسومات الكاريكتارية المعبرة والتى كنت تزين بها جدران كافتيريا كلية الطب والتى مازلت احتفظ بجزء كبير منها .... وكذلك اعرف جيدا اهتمامك بالفن والغناء واجادك العزف على الايقاع ( البنقز).. ومشاركتك كعازف فى كورال الكلية او فى القوافل التى كانت تقيمها الرابطة و فى ابداعات الطلاب الغنائية المختلفة فى ذلك الوقت ....اهلا ومرحبا بك دكتور مجدى احمد الشيخ

Quote: Quote: اللقب: Magdi Ahmed Elsheikh : . عدد البوستات: 692 تاريخ التسجيل: 11-03-2008 محل الاقامة: : عنوان مكتبتى بسودانيزاونلاين دوت كم : اكلات مفضلة: الاسم الحقيقى: مجدي احمد الشيخ محمد التلفون: الجامعة/المعهد: كلية الطب جامعة الخرطوم الحالة الاجتماعية: Married العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: [email protected] مكان العمل: مكان الميلاد فى السودان: صورتى: هيييييييييييييييع مجانية التعليم عافي منك اكان ختيناك اكان الايام دى نكون مشغولين بالبهلة ومبهدلين بالمطر البصب الزمن ده في الصيف سااااااااى وبخرب القصب البررررررررة في الزائب وكان الايام دي شغالين قلع في ام بحتي ساااااااااى لزوم التجهيز للزراعة واكان الايام بالنا في ناس فداسي وبالك في فسيخ الدويم . هيييييييييع

Quote: هيييييييييييييييع مجانية التعليم عافي منك اكان ختيناك اكان الايام دى نكون مشغولين بالبهلة ومبهدلين بالمطر البصب الزمن ده في الصيف سااااااااى وبخرب القصب البررررررررة في الزائب وكان الايام دي شغالين قلع في ام بحتي ساااااااااى لزوم التجهيز للزراعة واكان الايام بالنا في ناس فداسي وبالك في فسيخ الدويم . هيييييييييع

Quote: هيييييييييييييييع مجانية التعليم عافي منك اكان ختيناك اكان الايام دى نكون مشغولين بالبهلة ومبهدلين بالمطر البصب الزمن ده في الصيف سااااااااى وبخرب القصب البررررررررة في الزائب وكان الايام دي شغالين قلع في ام بحتي ساااااااااى لزوم التجهيز للزراعة واكان الايام بالنا في ناس فداسي وبالك في فسيخ الدويم . هيييييييييع

Quote: أها يا اخوى طالما جابت ليها كشف حسابات واسرار انعدل وارخي اضانك واسمعني بس ود المرتضى وود القرشي ما يسمعوني . بطلاق انا دخلت الجامعة ولما دخلت كنت متزوج قبلها باربعة سنوات . الاربعة سنوات القبل الجامعة والد فيها اتنين بس ( عبد الله ومرتضى ) اها لما دخلت الجامعة خلال الاربعة سنوات الدراسية والد اربعة اطفال ( درسوكم آ جنا ال Fertility ? اها واقول ليك انا كمان مؤقت اى ولادة خلال الاربعة سنوات في الجامعة مع الانتخابات . بتنزل القوائم ( اخوان - جبهة ديموفراطية - انصار - اتحاديين وهلم جرا ) اها مجرد ما الجماعة علقوا دعاياتهم ببدأ الترويج لبيع صوتي ومعاى عرب كده كل واحد فيهم اضينة ساااااااااااى محل اوديهو تابعني لو بقيت زول اخوان بقول ليهم يا اخواني احسن نبقى معاهم نمشى الجنة والحور العين ولو بقيت زول يسار بقول ليهم جنة شنو وحور عين شنو نمشى على الشيوعيين ديل صادقين ورجال . اها يا الحبيب ناس القوائم عارفني مو براى وعارفين لساني طويل في الدعاية يجوا يتلصقوا فيني واعمل فيها تقيل وبيتلصقوا وابعدهم منى وقت خلاص زمن التصويت يقرب ببقى زول بيع ساااااااى لصوتي واصوات ناسي الما جايبين خبر اقوم امشى ليك على قيادات الاحزاب حت حزب سانو معاهم وبقول ليهم زوجتى ولدت وعايز حق السماية الما بدفعو لى لا صوتي ولا صوت المعاي بتلقوهو . ناس القوائم كلهم مفلسين لكن الاخوان هيييييييييييييع في طرف اليد يقولوا لي ( خودك يا ود شيقوق الحق السماية اخوك يقبض وعييييييييييييييييك . تقولي يا ود الشيخ مصاحبة صفرجية نحن شغالين استثمار عديييييييييييل

ود شيقوق ...

سلام ياخوي....

ياخوي دي كنت نائمه عليها...

مالك ماكلمتنا...

اتاريهو الجماعه كانوا بيكتسحونا في الثواني الاخيره...

ومحتارين دي بيعملوها كيف...

اتاريك شغال خم ساااااااااااااااااااااي

ودالقرشى شفت زولك....

واوعي كمان اولادك كانوا بيصوتوا معاهم ..

دي موضوع تاني بجيك ليهو راجع....

بس انت انستر عاد...

Quote: ياخوي دي كنت نائمه عليها... مالك ماكلمتنا...

(عدل بواسطة Magdi Ahmed Elsheikh on 05-01-2008, 02:18 AM)

Quote: ود القرشي ده زى المودر جمل نسيبتو اكان لقاهو بغني واكان ما لقاهو بغني .

ودشيقوق...

خلاص صحيت....

ولحقت ودالقرشي البنضوووووووووووووووووووووره

الله يجازي محنك...

ام الاولاد ختت ليك في الشاي شنو...

واكان ماختت تبقي مصيييييييييييييييييييييييييه..

استناني جاببك..

هيييييييييييييييييييييييييييييييييع

Quote: ام الاولاد ختت ليك في الشاي شنو...

Quote: يا عظمة ..أنت مجدي ده قايلنا بنخاف من الصور...والله نحمد الله..لا الرأس انصلع..لا... طلع...ويعلم الله نحن أولاد تلاتة والاسكريم بالخلاطة..

كوباني ....

سلامات ....

والله عال اتلميت علي عضمه....

مضاف ومضاف اليه....

واحد يلملم في الزبائن ....

لمن بقي زبون....

والتاني بيشتغل بعد انتهاء الصلاحيه..

اي بالحيل الراس انصلع...

لكن ببتذكر اغنية

كوباني الشهيره..

دمك خفيف ايوه

و خصرك نحيل...

انت ياكوباني ..

ماقلت صورة عضمه وسيمه وباقي ضلع..

القلبك شنو..

اوعي تكون هضبة الحبشه

عارفينك اولاد تلاته..

بس الاسكريم ده في زمنك اكان داندرمه

الباص والقشرة جلت المره دي...

والبركه في الاكروبات المشيت معاها الحبشه..

وبجيك تاني....

والصوره جاهزه شد حيلك...

بس اخلص مع ود محجوب موضوع شموس...

..

Quote: يا أخوانا ود اسحق وكت فتش بروفايلاتنا ..مالو ما شارك في البوست ده...؟؟ وللا لسه عندو رأي في المستقلين...؟؟(أنا أصلي بتاع مشاكل )

الي رئيس حزب البهجه...

والطرب الجميل....

بتتذكر بكرى ودبري وكت يغني....

ويطربنا في الرحلات...

الزول ده وين ياكوباني....

نرجع لموضوعنا...

اول هام مجدي اسحق مدروش درشة عدوك....

ومافاضي كما نعلمه جيدا لسفاسف الامور...

وتقليب البروفائلات...

زولا رزين واخو اخوان...

وعضمه مقلبكم..

ياهو بسوي الشئ ويدرعو في اي واحد...


وتاني هام ..

انت المستقلين ديل ماربيت معاهم...

وكنت حبيبهم.....

وبتشاكل ليهم ..

وطالع نازل تخلط فيهم..

الليله ماك براك...

بقيت تسوي في سوات ودشيقوق..

انت برضو ختو ليك في الشاي ابو الرقيع والا شنو. .

وجايك تاني..

وماتنسي تورينا الحاصل عليك شنو بعدما تصحي...

الله يستر من الخرف

Quote: يا حلفا يا حلو.. والله أخبار حلوة أنو بعض الدفعات بدأت تواصلها وترابطها مع الأم الحنون...والله يا حلفا حقو الناس الكانو أعضاء في مجلس رابطة طلاب الطب على مر السنوات...يحاولوا الاتصال ببعضهم لتنسيق تجمع كبير للخريجين ومن ثم عمل تنظيم خيري اجتماعي كبير حتى يستطيع كل الديناصورات تقديم شيئ بسيط لتلك الكلية العظيمة ومنها كما قلت اجترار الذكرى ومنها نشوف الزمن عمل فينا وفيهم وفيكم شنو...

ياكوباني....

حلفا اصلو حلو....

واصلو الاتكسروا في مدينة حلفا كتار

اما موضوع التجميع شغال فيهو..

وان شاء الله يكون مشروع عالمي....

بس ايدكم معانا ولموا الجماعه في المنتدي...

واساسا لمن جات الفكره كان هذا البوست....

عليك الله ياكوباني..

شوف ودبادي...

وقول ليهو الدار نضفت ..

وفي رجاك...

ود محجوب ح يتصل عليك...

شد حيلك وارخي اضانك..

وبجيك تاني راجع..

عندنا كم كوباني...

Quote: ما زلت يا مجدي أرى أنك قادر على المساعدة الجيدة في ربط الخريج مع الكلية ...خاصة بعد البوست الرائع ده المرقت بيهو الناس من جحورها...

Quote: هييييييييييييييييييييع

ود شيقوق ...

سلام...

دي بلبصه والا شنو

برضو ما بخليك...

ودالقرشي يحاحي فيك بيقادي..

ما تجي تزوزي بي جاي..

ارجاء الجاييك وانستر...

هييييييييييييييييييييييييع

Quote: طارق عبده وكوجان ناس بريطانيا وايرلندا

Quote: شايفك إتجاهلتنى عديل...... معليش كراع البقر جيابة.

Quote: دي بلبصه والا شنو برضو ما بخليك... ودالقرشي يحاحي فيك بيقادي.. ما تجي تزوزي بي جاي.. ارجاء الجاييك وانستر...

Quote: اتاريهو الجماعه كانوا بيكتسحونا في الثواني الاخيره... ومحتارين دي بيعملوها كيف... اتاريك شغال خم ساااااااااااااااااااااي

Quote: جاء الوكت الكلنا نركب مكنة بروف داؤود العظيم ذلك الذي أعطى بلا حدود..كلنا نبقى مصطفى دفع الله الشامخ(رحمهم الله ) نركب مكنة كل آساتذتنا العظماء...الذين جعلوا منكم ما أنتم عليه الآن... نعم فلنعمل بوصيتهم بأن نحاول مساعدة أبناءنا الطلاب