الحد الفاصل ، سؤال في السياسه !

Quote: اولا .. انا شفت فى دارفور دى شوف العين اوضاع انسانية بالغة التعقيد ! فى فرق كبير يا امين بين الوضع الانسانى ومعالجته وبين الوضع السياسى ومعالجته .. معالجة الاوضاع الانسانية كانت بدايتها من الاجانب .. الاجانب ديل صرفوا على معالجة هذه الاوضاع اضعاف ما قد يكون متصور من موارد ( مجهولة ) فى دارفور ! .. الانسان لما يبقى هو واطفاله واهله فى ى ى تولا بيتقاذم الحديث عن الموارد !! منو الاولى انسان المنطقة نفسه ام مواردها ؟؟؟؟ اذا كانت ارواح الناس مقابل مواردها فلتذهب الموارد ! مش هسه الواحد مننا بيمرض ببيع كل بيوته وامواله واموال اهله وبتبرعوا لى الناس عشان يتعالج فى واحده من اكبر مستشفيات العالم ؟؟ مش المستشفى دا معمول استثمار بكون لراس مالى كبير ؟؟؟ وبمشى بتعالج فيه وانا فاهم انو قروشى بتمشى ارباح لجيوب اجانب وبتعود عليهم باالربح الوفير وهم عاملنها على عيينك يا تاجر للربح ؟ هسه الاردن مش بقت سوق هايل واله استثمارية ضخمة لحصد اموال العرب والمساكين من امثالنا قصاد معالجتهم وحفظ ارواحهم ؟ اها ديل ولا بجونا بل بنتكبد نحن المشاق ونمشى نودى ليهم قروشنا وهم قاعدييين فى بلدهم ,, فى موارد بتصمد فى اى ميزان قصاد روحك ؟؟ اذافترضنا جدلا انو كل موارد دارفور ستذهب فى مقابل الحفاظ على ارواح اهلها وصحتهم النفسية والبدنية ... خسارة فيهم ؟؟ شهد العالم والدارفورين انفسهم نخوة هؤلاء الاجانب فى انقاذهم حتى اولوهم كامل ثقتهم ودونك المعسكرات !! العرب ديل انت قايلهم ما بحبوا التجارة ولا ما عندهم اطماع ؟ اها مالم ما هوبوا ناحية الكنز دا ؟ لييه وقفوا بعيد ؟ والدارفوريين احوج ما كانوا لا ستثماراتهم وقروشهم ؟؟ يا زول هىىى هنا مافى قروش هنا فى انسانية وتصدى ،، لما غلبت الناس شافوا الساهل واستلوا نظرية المؤامرة والتدخل الاجنبى وما اادراك .. اهلنا فى دارفور يا امين فى ى ى ى تـولا .. مواردهم فى ستين !!! اولادهم فى العراء ونساءهم تحت قهر شديد .. وبرضو تقولوا موارد !