Quote: يقيني انو المقصود من اللمات دي التواصل والتلاقي لأجل تأكيد الود والمشاعر الجميلة على أرض الواقع بعد ان تم التأسيس لها إسفيريا ودي مبادرة عبقرية يستحق عليها بورداب الخرطوم أسمي أيات التقدير والثناء . إذا في واحد او اتنين غلطوا في حق اللمات دي فدا ما مبرر لمحاكمة الجميع وإصدار حكم إعدام أو التمهيد لإعدام هذا التواصل الحميم بين الزملاء . وبعدين ياخ حكاية دا امنجي ودا عميل المتداولة هنا دي حكاية مطرشقة وكلام فارغ ساي وحقوا الناس ما تعيرا حتى أذن من طين .
شكرا يا طلحة .. بس حقيقة مسالة الاساءات ورمى التهم جزافا من امنجية .. ومؤتمرجية .. وعملاء وانظمة مستبدة .. وناس بتاعين حفلات وغناء وهجيج كترت وكثيرا ما تجاهلناها اكراما للكثيرين عاملين بمقولة عشان عين تكرم الف عين .. لكن المشكلة تجاوزت السكوت عنها .. وبدأت هذه الاصوات تعلو وتتزايد مع كل احتفالية وكيف استقبل زول ما بعروفه ؟؟ وليه ؟؟ وكيف .. بل حتى اصوات من الداخل علت فى هذاالامر كما تلاحظ هنا من تعليقات ..
------------
والله ان كان شخص او شخصين لما غضبنا _ واخرون _ هذه الغضبة المضرية
احترامى؛
07-14-2010, 09:09 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
وهبه يا حبيبنا ، والله جيتك دايرنها و عجبتني جدا قصة ما داير تجرح زول : لانو ده ما الغرض من البوست ولا الفكره من إثارة الموضوع . ---------- صالح ياخي ، المنططه عيونها دي خليها لي !!! ---------- خلي يا حبيبنا ، شفت إنت بتهزر : الناس ( المنططه عيونها ) عملت للموضوع توم و الشمار !!* ---------- حاجه مهمه جدا : أنا ماخد راحتي علي الأخر لانو أنا ما من بورداب الخرطوم و لا بتكلم بالنيابه عنهم .
---------- *والله يا ستهم بهزر : عارفك الأيامات دي سمك فاير !!!
07-14-2010, 09:24 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
يا خلي أنا قلت كلامي ده based علي فهم انك جادي لانو ما كان في أي شي في مداخلتك بيوحي انك بتهزر ، و ده الخلاني استغرب و أقول لاحمد إنو كنت عايز أرد عليك .
Quote: ايه رايك في من يقول ان
امين اراد ان يتكسب اسفيريا من هذا البوست ويظهر بمظهر الحكيم
وحامي حمي حقوق بورداب الخرتوم
يا خلي يا حبيبنا ، مافي زول بقدر يحجر علي الناس رايها و فهمها كان صاح كان غلط و في المكان ده الناس بتتهم في شرفها و أخلاقها بلا بينه و لا دليل فما بقت علي (التكسب إسفيريا ) !!
07-14-2010, 10:06 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: يا خلي يا حبيبنا ، مافي زول بقدر يحجر علي الناس رايها و فهمها كان صاح كان غلط و في المكان ده الناس بتتهم في شرفها و أخلاقها بلا بينه و لا دليل فما بقت علي (التكسب إسفيريا ) !!
معليش يا امين يا نوتة يا ولدنا
ياخي انت ما ود نخيل تاني فهمتني غلط
قصدت ان اقول ستجد في هذا المنبر بان امين اراد ان يتكسب
افتكر فهمتني يا عشا البايتات
عارف يا امين عشان كدة انا ما بحب اخش بوستات الناس
بحب العب راس مع ابو الكيك
07-14-2010, 11:54 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
عشان كلام عمنا وهبة دا .. قررنا الاتى نصه .. لمن يهمهم الامر ودالبشرى ..وجبريلا ..ود القاضى ..ود الصائم ..اميرة ...خليل .... وآخرون ياخى ما تتحسسوا ..!! انا صالح عبدالرحمن تبلدينا لا امثل سوى شخصى واعبر عن ارائى .. لا اتحدث باى صفه عن بورداب الخرطوم وما اقوله يعبر عن نفسي لا عن احد .. اعتذر تماما ان احسستم بانى هجومى وما تصديت له من تصرف بعض القلة من بورداب الخارج قد مسكم بعض من الشرر او احسستم بانكم من ضمن المعنيين بالامر والذى يرون ان الاحتفاليات بالبورداب هى امر لا يستحق وضياع زمن وبرنامج ينظمه عدد من العملاء والامنجية ..
لكم جميعا اعتذر بلا فرز ولكل بورداب الداخل والخارج مظلومين او ظالمين حتى للاخ صبرى الشريف وان انار لى دربا صحيحا او قادنى لاخر مظلما .. وكل من شايعه مخطئا كان او مصيبا .. أعتذر من حوارى ونقاشي الحاد او ما خيل للكثيرين وان كان هذا طبع جبلت عليه فلا يعرف محاورى هل هذه جدية ام غضب ام راى هادئ ..
لكل من عرفته واقعا .. وجالسته حقيقة الود والتقدير وسيبقى الود باق بدوام النبض فى العروق ..
--------------
واستودعكم الله وحتى نلتقى فى رحاب اخر وواقع اجمل ..
07-14-2010, 09:18 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
ولله يا ستهم حسب جدول الطلبات انتي ماشه الشارقه !! حبيبنا محمد الأمين موسى طلب تبديلك زماااان !! بعدين ابوروف دي بخت فيها راسي بس ، اليوم كلو بكون في الكرين !!!
07-14-2010, 10:10 PM
احمد التجانى احمد
احمد التجانى احمد
تاريخ التسجيل: 11-11-2006
مجموع المشاركات: 3155
ابوالقوق حاشاك والله من يتعلموا فيك النضال ياخ انت مدرسة قايمة بذاتها زيك وزى النوتة واحد بس النوتة مدرسته اعمق شوية لانه دخل فيها اللغات واللاهوت ودراسات المورمن والياميش
07-14-2010, 10:10 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
عارف يا امين نوتة وضيوفك الكرام انه اكثر شئ بضايقنا نحن بورداب الخرطوم شنو ؟؟؟ بنتضايق جدا اذا جاء اخ او اخت من برة وما وجدنا طريقة نحتفل به . بسبب ظروفنا او ظروف المكان .. يعني ممكن تاني نخجل نقابل الزول الذي لم نتوفق في الاحتفاء به ...
07-14-2010, 10:15 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: بنتضايق جدا اذا جاء اخ او اخت من برة وما وجدنا طريقة نحتفل به . بسبب ظروفنا او ظروف المكان .. يعني ممكن تاني نخجل نقابل الزول الذي لم نتوفق في الاحتفاء به ...
صحيح مائة المائة
في شهر يناير السابق
اجتهد شيخ العرب العوض المسلمي واخونا وهبة في الالتقاء بي
وانتظراني لاكثر من ساعة بمحطة الشهدا ومنت قادما من الحتانة واكرماني اخر الكرم
ولاول مرة اتعرف علي عوضية سمك
وفي اليوم الثاني اصر نيستا علي استضافتي ايضا عند عوضية سمك
يعني كيف ناكل وننكر
وكما قال شاعرنا
ان انت اكرمت الكريم ملكته
وان انت اكرمت اللئيم تمردا
07-14-2010, 10:25 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
يا خلي والله فهمتك صاح و ما ختيت في بالي إنو ده كلامك !!! عارفك ضربت مثل بانو ممكن الناس تفهم أي حاجه بطريقتها حتي لو ما صاح ، و ردي عليك إنو خلي كل زول يفهم الدايرو لانو ما بنقدر نحجر علي الناس فهمم كان صاح كان غلط !! ياخي إنت راجل عميق : الحساسيه الزياده علي اللزوم دي شنو ؟
--------------- يا باش : لمن خلي حبيبنا ده كان بحضر في اللغات واللاهوت ودراسات المورمن والياميش : نحن كنا لافين ساي !!!
07-14-2010, 10:18 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
Quote: عارف يا امين نوتة وضيوفك الكرام انه اكثر شئ بضايقنا نحن بورداب الخرطوم شنو ؟؟؟ بنتضايق جدا اذا جاء اخ او اخت من برة وما وجدنا طريقة نحتفل به . بسبب ظروفنا او ظروف المكان .. يعني ممكن تاني نخجل نقابل الزول الذي لم نتوفق في الاحتفاء به ...
و عشان أنا عارف الكلام ده و شفتو بعيوني كان هذا البوست .
07-14-2010, 10:55 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
يا امين ! لسه مافى زول ظهر واتبرع يبدل لينا وليد المبارك دا ؟؟ شايفاه ما ظهر هنا يكون مشى المكان الصحيح ؟؟ لووووووب .. غايتو لو ما ظهر زول لبدل وليد ف ح نبدل بيه العدة !! موافق ياعمك ؟؟
ـــــــــــــــ عشان نشجع البديل اكتب بين قوسين يوجد مقعد فى البرلمان .. لووووووووووووبيا ..
07-14-2010, 11:23 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: يا امين ! لسه مافى زول ظهر واتبرع يبدل لينا وليد المبارك دا ؟؟ شايفاه ما ظهر هنا يكون مشى المكان الصحيح ؟؟ لووووووب .. غايتو لو ما ظهر زول لبدل وليد ف ح نبدل بيه العدة !! موافق ياعمك ؟؟
الشفت بار يا ستهم !!! بالله مافي زول بالغلط قال داير مكانو !!! المان ده بعد ما جاب ماهيتو هنا ده : الناس بقت تفر منه كما تفر من المجزوم !!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة