|
|
 أكتب لي يا غالي الحروف ... طارق أبوعبيدة
|
أكتب لي يا غالي الحروف
واحكي لي ياما الدنيا نوره وفرحتها
صارت بلاك غيمة شتاء
تنسج طيوف وتجيب طيوف
والشوق جدار بيناتنا يحجب بهجتها
يا سكة الزول البعيد يا حليله لما اتوارا غاب
خليته يمشي وفي العيون دمعات الم ودمعات عذاب
أتمني وعده يكون حقيقة وعهده ما خدعة سراب
أتمني في لهفة محب شال الصبر لما الصبر في قلبه داب
ارحل قطار ويعود قطار
وأصبح الليل الغريب طلت نهار ويجيني منك إنا بس خطاب
اكتب لي حتي الناس تقيف لما يفوته أقول اسلم للجميع
خايف يبين خاطري الكسيح ارجع براي اشقي الدموع
قلب سقاك موسم حنان موسم فرح موسم ربيع
ياريت تشوف انا كلما تنعس شموع بوقد شموع وأفضل أتوه عبر البلاد
يا رب متين وقت الرجوع
اكتب لي خلي النار تموت والهم يفوت
انا غير حروفك افقد الدنيا وأضيع
|
|
 
|
|
|
|
|
|
|
 Re: أكتب لي يا غالي الحروف ... طارق أبوعبيدة (Re: نادر)
|
| Quote: كما يا عمر ألف رحمة ونور على روح الراحل الأستاذ الشاعر/ مصطفى سند صاحب هذه الكلمات المضيئة والتحية للمبدع الفنان/ صلاح مصطفى |
شكرا يانادر على هذا الوفاء والتنبيه الرقيق ......
الف رحمة ونور تنزل على قبر الشاعر المبدع مصطفي سند ......
والتحية والتقدير للمبدع صلاح مصطفي ، وبالمناسبة صلاح مصطفي من الفنانين
القلائل الذين لاتوجد في رصيدهم أغنية (درجة تانية) ...........
شكرا مرة تانية يانادر وربنا يجعل صباحاتنا دائماً ضاحكة ........
| |
|
|
|
|
|
|
|
|
 Re: أكتب لي يا غالي الحروف ... طارق أبوعبيدة (Re: omer osman)
|
شكرا يا جنابو ياخ!
الواحد بدا يومو بـ كاااااااكـ كبيرة!!
تعرف أول ما شفت البوست قلت النمش نشوف
جنابو الكرّهنا بالجُرسة دا داير يقول شنو!!
النجيضة شايف الناس كوولها بقت تعمل (مدخل للخروج) زي
ما بقول البصاص .. أمس شايف كيكي بهابش في الحبشي وعامل
تعديل في مداخلتو وكاتب (التعديل لتقفيل الدفاع )
_
شكرا يا خدر ياخ!
مالكـ ومال السياسة أم دق ـ أو كمال قال عمر صديق
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: محمد عبد الماجد الصايم)
|
جنابو :
أول ما تسمع الأغنية دي مفروض طوالي لازم تسترجع معاها الفرمالة بتاعت " وهنا تحضرني طرفة" حكاها لي الشاعر ..والمعروف أن مصطفى سند كان يعمل في البريد والبرق كتابة التلغراف وفي إحدى الأيام جاءه شخص يريد أن يرسل تلغراف فقال له شاعرنا الحرف بي (قرشين) فقام صاحبنا إحتج وكوروك وجاااط وليييه بي قرشين وأصلو شنو و و ..ولما عايين لقاهو مصطفى سند قال ليهو أيواااا ليك حق تقول بي قرشين صحي إنت ماااا غااالي الحروف ..
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: عمر الفاروق)
|
Quote: جنابو :
أول ما تسمع الأغنية دي مفروض طوالي لازم تسترجع معاها الفرمالة بتاعت " وهنا تحضرني طرفة" حكاها لي الشاعر ..والمعروف أن مصطفى سند كان يعمل في البريد والبرق كتابة التلغراف وفي إحدى الأيام جاءه شخص يريد أن يرسل تلغراف فقال له شاعرنا الحرف بي (قرشين) فقام صاحبنا إحتج وكوروك وجاااط وليييه بي قرشين وأصلو شنو و و ..ولما عايين لقاهو مصطفى سند قال ليهو أيواااا ليك حق تقول بي قرشين صحي إنت ماااا غااالي الحروف .. |
هههههههههههههههه ........
اتخيل ياعمر أول مرة اسمع الطرفة دي .......
غايتو ناس امدرمان ديل عندهم قصص بعرفوها براااهم ...
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: محمد عبد الماجد الصايم)
|
Quote: تعرف أول ما شفت البوست قلت النمش نشوف
جنابو الكرّهنا بالجُرسة دا داير يقول شنو!! |
طيب ياخ ماتعمل ليك قروب في الفيس بوك (الشعب يريد رجوع جنابو للسودان)
Quote: أمس شايف كيكي بهابش في الحبشي وعامل
تعديل في مداخلتو وكاتب (التعديل لتقفيل الدفاع) |
ده شغل *ضباط رانكر عديييل كده ......
واحد من اعمامك الضباط الرانكر ديل عندو مقولة مشهورة دايماً
بقوله (الناس بتمشي والورق قااااااااااعد) يعني البتكتبو ده بمسكوك
بيهو بمسكوك .......
-----------------------------------------------
* الضابط الرانكر هو الضابط المترقي من الصف واشتهروا
دايماً بالحرص والحذر الشديييييد في عملهم. لهم التحية فهم
احد اعمدة الشرطة الاساسية.
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: عبدالرحمن الخليفة)
|
Quote: جنابو / سلام...
سلاح...
احييك فى ( الانتقاء) .. البهبش عصب الوجع ...فى غربتنا ( الهاويه)..والتحيه من خلالك ( للزول ) ..المدهش الفنان ( المختلف ).. طارق ... |
الظاهر انو الناس كلها قاعدة على الهبشة .....
ياعبدالرحمن يااخ ربنا يرد غربة الجميع لوطن اجمل من كل المنافي ........
وتقبل تحيات ابوعبدالرحمن ..........
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: سارة كرودى)
|
Quote: نحن بخيـر والحمـدلله بـس مكـانك فـاضى ومنتظـرنـك ...
ربنـايحفظـك و يـرد غـربتك اللهـم امين ... |
ياسلام يا ام عبد الرحمن ربنا يحفظكم لاولادكم
عمر راجل جميل مليان بكل الحاجات الحلوة في كل مكان له بصمته واثرة
ونتمنى له التوفيق في حياته
تعرفي ياسارة رسالتك دي تبكي عديل مليانه حنية
يعني اي زول مغترب ممكن يجوعر عديل
وذكرتوني رسائل الشاعر المصري الابنودي
ودي واحده منها هدية ليكم :
Quote:
مجموعه رسايل الاسطى حراجى لزوجته فاطنه عبد الغفار
الجوهرة المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلايه الفار
أسوان ... الرسالة 1
أما بعد .. لو كنت هاودت كسوفي ع التأخير
سامحيني يا فطنه في طول الغيبه عليكم
وأنا خجلان .. خجلان .. وأقولك يا زوجتنا أنا خجلان منكم ..
من هنا للصبح ..
شهرين دلوقت ..
من يوم ما عنيكي يا فاطنه .. بلت شباك القطر ..
لسوعتي بدمعك ضهر يديَ
لحضتها قلت لك :
(( قبل ما عوصل عتلاقي جوابي جي ... ))
نهنهتي .. وقلتي لي بعتاب:
(( النبي عارفاك كداب .. نساي
وعتنسى أول ما عتنزل في أسوان .. ))
حسيت واليد بتخطفها يد الجدعان
بالقلب ف جوفي ما عارف ان كان بردان .. دفيان
والبت عزيزه والواد عيد
قناديل في الجوف .. زي ما بتضوي .. بيقيد ..
.......... والقطر إتحرك ..
وقليبي بينتقل من يد لإيد .
والقطر بيصرخ ويدَودِو
اتدلدلت بوسطي من الشباك ..
( خذي بالك م الولد .. راعي عزيزه وعيد )
والقطر صرخ ورمح لكإنه داس على بصة نار ..
ولقطت الحس قريب .. قد ما كنتي بعيد :
(قلبي معاك يا حراجي هناك في أسوان ..)
...........................
ورميت نفسي وسط الجدعان .. وبكيت ..
وبلدنا اللي كنا بنمشيها ف نص نهار
كان القطر في لحضه .. فاتها بمشوار .
سامحيني يا فطنه على التأخير ..
ولو الورقه يا بت الخال تكفي
لأعبي لك بحر النيل والله بكفيِ
وختاماً ليس ختام ..
بابعت لك ِ
ليكي ولناس الجبلايه ولبتي عزيزه والواد عيد
ألف سلام
|
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: وليد عبد اللطيف)
|
Quote: ياسلام يا ام عبد الرحمن ربنا يحفظكم لاولادكم
عمر راجل جميل مليان بكل الحاجات الحلوة في كل مكان له بصمته واثرة
ونتمنى له التوفيق في حياته
تعرفي ياسارة رسالتك دي تبكي عديل مليانه حنية
يعني اي زول مغترب ممكن يجوعر عديل
وذكرتوني رسائل الشاعر المصري الابنودي
ودي واحده منها هدية ليكم : |
وليد عبداللطيف يازول من عطر الايام السمحة .........
مرورك دائماً مميز وهديتك هدية زول فنان شكرا ليك ياخ .......
| |
|
|
|
|
|
|
|
|
 Re: أكتب لي يا غالي الحروف ... طارق أبوعبيدة (Re: omer osman)
|
Quote: نحن بخيـر والحمـدلله بـس مكـانك فـاضى ومنتظـرنـك ...
ربنـايحفظـك و يـرد غـربتك اللهـم امين ... |
الاخوان سارة وعمر جمع الله شملكم واسعدكم ببعض كمان وكمان
والله بكيتوني عديل كدة ياخ انعل ابو الغربة وشقاوتها
ربنا إرد غربتنا جميعا
والشكر الكثير للمبدع خدر صوت حنين ومرهف ربنا إحفظك
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: omer osman)
|
Quote: ياسلام يا ام عبد الرحمن ربنا يحفظكم لاولادكم
عمر راجل جميل مليان بكل الحاجات الحلوة في كل مكان له بصمته واثرة
ونتمنى له التوفيق في حياته
|
اهلييـين ود حلتــنا..
اللهــم اميــن ويحفــظ الجميـــع ..
Quote: تعرفي ياسارة رسالتك دي تبكي عديل مليانه حنية
يعني اي زول مغترب ممكن يجوعر عديل
|
نحـن ياوليـد مانـاس غـربة ولا عمـر لكـن نسـوى شنـو الحـال غـلب ربـنا يهـونا ...
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: سارة كرودى)
|
Quote: الاخوان سارة وعمر جمع الله شملكم واسعدكم ببعض كمان وكمان
والله بكيتوني عديل كدة ياخ انعل ابو الغربة وشقاوتها
ربنا إرد غربتنا جميعا
|
الاخت سامية ...
ربنــا يـرد غـربة الجميـع ...
وشكـراً علــى مشاعـرك الحلـوة وربنـا يكرمـك بسعـادة الـدارين ..
| |
|
|
|
|
|
|
|
|
 Re: أكتب لي يا غالي الحروف ... طارق أبوعبيدة (Re: عمر عشاري)
|
ابــوعبــدالرحمــن ...
الكاتمـه فى جـواى كتير متملك الجـوف والعصــب....
ما كت دايرة أقولو ليـك لكن لسـان الحـال غلــب
ما بنسـى يــوم ودعتــنا وسافــرت فـى غــرة رجــب. ...
أعـذرنى والله العظيـم لو مـا الضـرورة أنا مـا كـتب....
وأنا خايفــة فى بعــدك يكـون الضاع هو ضعـف المكتســب ..
فضّلت أحسـب فـى الشهــور قــاعدالى فـوق نيـران لهـــب....
صابـرة وحريصـة علـى العـيال لا بيـقو للـريح فـى المهــب ..
سديـت خانـتك مــن مشـيت قـايمـابو واجبــــى كـأم وأب...
والأســــرة يضنيـها المسـير .. وتتهـاوى لـو مــا فيهـا رب ..
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: سارة كرودى)
|
Quote: ابــوعبــدالرحمــن ...
الكاتمـه فى جـواى كتير متملك الجـوف والعصــب....
ما كت دايرة أقولو ليـك لكن لسـان الحـال غلــب
ما بنسـى يــوم ودعتــنا وسافــرت فـى غــرة رجــب. ...
أعـذرنى والله العظيـم لو مـا الضـرورة أنا مـا كـتب....
وأنا خايفــة فى بعــدك يكـون الضاع هو ضعـف المكتســب ..
فضّلت أحسـب فـى الشهــور قــاعدالى فـوق نيـران لهـــب....
صابـرة وحريصـة علـى العـيال لا بيـقو للـريح فـى المهــب ..
سديـت خانـتك مــن مشـيت قـايمـابو واجبــــى كـأم وأب...
والأســــرة يضنيـها المسـير .. وتتهـاوى لـو مــا فيهـا رب .. |
يازولة انتي بي صحك افوتكم ووووووين .......
اديها صنة يومين تلاتة ويامطار جاك زول ...
واحب مكان وطني السودان ........
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: محمد عبد الماجد الصايم)
|
يا عمر وحمودي
الله يخلف علينا ساكت، الغربة أخذت من القلب مأخذها، والقلب يعمل بضخ الدم وأكستدته، وغير مشغول بأي وظيفة أخرى.. المحس هم أكثر السودانيون شهرةً بالإغتراب; مجموعة من أولاد المحس رجعوا البيت بعد يوم عمل طويل، فوجدوا زميلهم يبكي فسالوه: يا محمّد بتبكي مالك؟ المات منو؟ قال ليهم: ما مات زول بس إتذكرت أهلي. فواحد من الذين تحجرت قلوبهم بفعل الغربة قال ليهو: أصلاً العشرة سنين الأولى بتعمل في الزول كده ;)
_____
اها يا عمر انت تميت كم؟
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: Hussein Mallasi)
|
أنا ما عارف .. يعني شنو واحد يغيب أسبوعين، يقوم يكورك الكواريك دي كلها.
وكمان في مصر ....
قبل فترة كان في زيارة للدوحة الفنان أحمد شاويش ... قام غنى غنية، قال ألف كلماتها ولحّنها فترة إغترب فيها (28 يوم) في الأردن. وعو قاعد في بلكونة الفندق، شاف سحابة، قام قرر يرسلها البلد ويرسل فيها أشواقو. ياخ واحد يسافر (28) يوم يسميهو إغتراب، وواحد يمشي (مشوار) سوق الأزبكية يجي يقشقش مخاخيتو، و(يا أم عبدالرحمن الحقيني) ..... يا عسكري أثبت 
____
لكن الغنية شديدة
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: محمد أبوالعزائم أبوالريش)
|
Quote: قبل فترة كان في زيارة للدوحة الفنان أحمد شاويش ... قام غنى غنية، قال ألف كلماتها ولحّنها فترة إغترب فيها (28 يوم) في الأردن. وعو قاعد في بلكونة الفندق، شاف سحابة، قام قرر يرسلها البلد ويرسل فيها أشواقو. ياخ واحد يسافر (28) يوم يسميهو إغتراب، وواحد يمشي (مشوار) سوق الأزبكية يجي يقشقش مخاخيتو، و(يا أم عبدالرحمن الحقيني) ..... يا عسكري أثبت
|
كاااااااااااااااااااك ..............
يا ابوالعزائم ياااخ غربة خمسة شهور ما كفاية .....
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: ياسر بيناوي)
|
Quote: للاسف يا جنابو السودان بقي طارد للناس الرايعين الزيكم
وبقي يقعدوا فيهو الشينين الزيي ( طبعا دا كلام حمور ) |
الرائعين يا ياسر هم الصابرين وقاعدين في السودان ...... 
بعدين حمور ده بقي مصري خالص ابن نكتة ... الراجل بمزح معاك ........
| |
|
|
|
|
|
|
|
|
 Re: أكتب لي يا غالي الحروف ... طارق أبوعبيدة (Re: omer osman)
|
يا عمر,,
رد الله غربتكم وأعادكم إلى دياركم وعبدالرحمنكم وإخوته وأم عبدالرحمنكم سالمين غانمين آمنين,,,
مغتربين وهم!!
جنكم بكا وجرس,,
غربة وشوق يا جنابك,,
التحية للراحل المقيم مصطفى سند وأميمة سند و الفنان المبدع صلاح مصطفى,,
لكن خدر دا يوم بكتل ليهو زول ,,
والله صحى,,
يا عمر إنت مغترب وين!!!!
| |
|
|
|
|
|
|
|
|
|
Re: أكتب لي يا غالي الحروف ... طارق أبوعبيدة (Re: أيمن الطيب)
|
Quote: مغتربين وهم!!
جنكم بكا وجرس,, |
كاااااااك ........
الواحد تلقي بقشش في دموعو ويجي يكتب ليك كلام زي ده ....
| Quote: التحية للراحل المقيم مصطفى سند وأميمة سند والفنان المبدع صلاح مصطفي |
| Quote: يا عمر إنت مغترب وين!!!! |
في ميدان التحرير ياعمك ..........
| |
|
|
|
|
|
|
|
|
 Re: أكتب لي يا غالي الحروف ... طارق أبوعبيدة (Re: طارق جبريل)
|
يا ود جبريل
جِرستك انت تُعد من باب الإسراف والشرفة،
يسوو لك شنو؟ طبعك شين!
معقولة زول قاعد في المغرب
حيث الخضرة والماء والوجه الحسن،
كل يوم والتاني تبكي وتتخنّت؛
لو كنت قاعد في غرب أفريقيا كان عذرناك..
++++
يا أم عبدالرحمن نقول ليك أديهو قاشو عشان ينكرِب، تقومي تكتبي ليهو شعر عشان تزيدي ألمو البيهو، إنّ كيدكّن لعظيم ؛)
___
أها يا عمر أصبحت كيف؟
| |
|
|
|
|
|
|
| |
omer osman
محمد عبد الماجد الصايم
عمر الفاروق
وليد عبد اللطيف
ساميه حامد
عمر عشاري
Yassir Tayfour
نجلاء قرافي
Hussein Mallasi
محمد أبوالعزائم أبوالريش
ياسر بيناوي
أيمن الطيب
طارق جبريل
فيس بوك
تويتر
انستقرام
يوتيوب
بنتيريست