|
|
|
 Re: قرفنا تدعوكم للخروج في يوم الغضب 30 يناير 2011 (Re: Amani Al Ajab)
|
Quote: ثورة السودان: ٣٠ يناير ٢٠١١
Posted on January 28 2011 by girifna
اصدقائي
لن يكون هناك وقت افضل.. اي زول ممكن يعمل حاجه مفيده .. لو كل زول قعد ينتظر سوداني تاني يظاهر ليهوويقيف في وجه الظلم والاضطهاد… ما في حاجه حاتتعمل
ارجوكم ارجوكم ان تخرجو للشارع من اجل ان نعيش واطفالنا حياة كريمه.. اللقمه الممغموسه بالذل اخير عدمها
اذا المصريين والتوانسة قدرو يكسروا حاجز الخوف احنا كمان حا نقدر.. وتاريخنا بقول انو نحن حا نقدر
يلا منتظرين شنو.. ارجو انو كلكم ترسلوا الكلام دا(الروابط في اخر الايميل) لكل السودانيين الفي الكونتاكت لست بتاعتكم
رسلوا في الايميل.. التلفون ..الفيسبووك
رسلوا لاي زول بتعرفوهو.. القطاعات المهنيه
اعملو برنت ووزعوا للناس
لازم نصنع التغيير وما حا نجيب مصريين ولا توانسه يجيبوهو لينا
الناس البره السودتن ممكن تساعد كتير ف الموبيلايزايشن .. ارجو منكم ارسال رسائل نصيه لاهلكم واصدقاءكم وامدادهم بالمعلومات
للمعلومات عن المسيره واماكن التجمع
http://www.facebook.com/event.php?eid=166512193395282
انشر وزع :ثورةالسودان : 30 يناير 2011 : كيف تستعد |
| |
 
|
|
|
|
|
|
|
|
Re: قرفنا تدعوكم للخروج في يوم الغصب 30 يناير 2011 (Re: معاوية عبيد الصائم)
|
الرجاء من اخونا بكري رفع كل البوستات التي تدعو لحث الجماهير للخروج
في يوم الغضب الاكبر . ارجوك يا ريس ارف لينا البوست دا فوق...
قرفنا دي بتهجس بالجماعة لانها بعبعم الاكبر وهم يعلمون ذلك جيدا
ان ما فعلته قرفنا عجز عنه ديناصوراتنا المحنطين في كراسي الخنوع
والزل سنين عددا.
التحية لقرفنا رائدة التغيير وهي تخرج من صلب وجع هذا الشعب
| |
|
|
|
|
|
|
|
|
|
Re: قرفنا تدعوكم للخروج في يوم الغصب 30 يناير 2011 (Re: صديق الموج)
|
لاتنسوا المساجد, استخدموها لكسر الهيبة الزائفة لهذه الحكومة المتهالكة, فالمساجد ليست ملكا للاخوان المسلمين, وليست لهم قدرة على السيطرة عليها.
فلنطلق المظاهرات من كل الاماكن, لا تستثنوا المساجد.
ايضا لاتصرواعلى مكان واحد للمظاهرات, تذكروا ما حدث ابان الانتفاضة: خرجت المظاهرات في كل الاحياء والأسواق وكل مكان, فصعب على الحكومة السيطرة عليها.
تذكروا أن الدكتاتوريات تستمر بهيبة الدولة وليس بقوتها وقدرتها على السيطرة, فالدولة لا قبل لها بجموع الجماهير الغاضبة... انها لا تستطيع - عمليا- أن ترصد لكل متظاهر فردا من قوات الأمن أو الجيش, فاذا خرج الناس للشارع وتحدوا الحكومة, وكسروا هيبة الدولة, يكون الأمر قد قضي, وتكون الثورة قد تحققت, هذه هو بالضبط ما حدث بدول المنظومة الاشتراكية واجدة بعد الاخرى, وهو ما حدث بايران, ومرتين بالسودان, وبتونس, وهو طات الدي يحدث الآن بمصر.
وفقكم الله, فنحن لانملك الا ان نحييكم ونحيي نضالكم من على البعد, فأنتم الساس والراس لكنس هذا النطام الطالم الباغي النتجبر المتكبر والدي سيقصم باذن الله وهذا الفعل الواعي لشعب السودان المعلم.
بشير اسماعيل
| |
|
|
|
|
|
|
|
|
|
Re: قرفنا تدعوكم للخروج في يوم الغصب 30 يناير 2011 (Re: صديق الموج)
|
تحياتي اختى اماني العجب و بلادنا تدخل مربعات حواسم
الازمة تتحرك .. الدنيا تفور و تمور .. و الافق السوداني مفتوح على الخيار التاريخي الجماهيري
تحية و تقدير لحركة الشباب السوداني و اخص طلائعه المقدامة الباسلة في حركة قرفنا، و نردد مع عبيد عبد النور:
يا ام ضفاير قودي الرسن .. واهتفي فليحيا الوطن
يا الشباب الناهض صباح .. ودع اهلك و امشى الكفاح
قوي زندك و موت بإرتياح .. فوق ضريحك تبكي المِلاح
إذا توفرت تعبئة و اسعة متصلة و توفرت شبكة تنظيم و إتصال
ثم إنطلقت شرارة الغضب الجماهيري من اي موقع كان (ميدان جاكسون، سوق شعبي، جامعة اهلية)
فسوف تندلع السيول الجماهيرية
و سوف تتحول كل الأشكال و الممارسات القمعية ضد الجماهير إلى مجرد طرور في مجرى السيل
إذا تحركت الجماهير فعلا" ، فإن سقوط الشهداء لن يكون عامل خوف و تثبيط و تراجع .. بل وقودا للإنتفاضة .. و دافعا لمزيد من البسالة
و النضال الجماهيري المتسم بالقوة و الإتساع
* المعركة كلها تنحصر في : القدرة على كسر ترس القمع و الإرهاب خلال اليومين الاوائل عبر ذكاء و حنكة الجماهير
و من قبل ذلك عبر الجرأة و البسالة و غالي التضحيات
ملآيين الناس مشحونة بالغضب،
ملآيين الناس تستعيد الثقة بالنفس وهي تشاهد بسالة الشعب المصري و التونسي
قانون اللحظة هو قانون الإنتفاضة .. جماهير ما قادرة تعيش .. و طغاة لصوص ما قادرين يحكموا .. البلد بالضبط راقدة فوق برميل بارود
.. تقتنا كاملة في حنكة و بسالة الإمام الصادق، و محمد ابراهيم نقد، وقيادات النضال الدارفوري بالعاصمة، و مبارك المهدي، و كمال عمر و قيادات الشعبي
ثقتنا كاملة في شجاعة و إقدام على السيد، و مريم، و قوة الحق في يد على محمود حسنين و ابوعيسى، و قيادات و قواعد الحركة الشعبية المتواجدة بالشمال
ثقتنا كاملة في بسالة و وثبة عشرات الآلاف من الشباب الخارجين من رحم الشعب و المعاناة .. حركة الشباب : و قودا" و قيادة للإنتفاضة
* المطلوب بإلحاح اليوم و غدا" : تقوية و توسيع المركز الموحد لقوى المعارضة و قيادة الإنتفاضة
| |
|
|
|
|
|
|
|
|
|
Re: قرفنا تدعوكم للخروج في يوم الغضب 30 يناير 2011 (Re: Amani Al Ajab)
|
Quote: هذه ايام التغيير .. لا تفوتوها ! و الا فاتكم التغيير .. هذه ايام كريمة يستجاب فيها للمظلوم
هذه الايام الخروج الى الشارع اجره الحرية .. هذه الايام الشارع قريب من السماء
حتى لكأنما ( الأرض السماء ) |
لا فض فوهك الأخ العزيز محمد هارون..
التغيير قادم مهما تجبروا ..
المجد للوطن وللشرفاء ..
| |
|
|
|
|
|
|
|
|
|
Re: قرفنا تدعوكم للخروج في يوم الغضب 30 يناير 2011 (Re: Amani Al Ajab)
|
مرحب الاخت اماني
التحية لشباب قرفنا
النصر للوطن غدا إن شاء الله
بالتوفيق إن شاء الله ليوم غد وكل يوم الا ان ننتصر على الظالم المجرم
خلوا بالكم من المندسين وسطكم من الامنجية
زي ما مندسين وسطنا هنا في البورد
حايجيكوم الجبناء بي الخلف لانهم ما بعرفوا يواجهوا
عشان يغدروا بيكم
ما ترحموهم ولا تأخذكم بهم رأفة
لانهم لا بعرفوا الرحمه ولا حا يرحموكم
امشوا في مجموعات كبيرة امشوا في الاحياء
حاولا اتفادو الشوارع الاتجاه واحد والكباري الكبيرة
لانه لو قفلوها حايورطوكم
الليلة هم ما حاينوموا الخوف ماليهم
ولانهم خايفين ما حايقدروا يتصرفوا
خليكم انتو الاكثر ذكاء
ربنا يوفقكم دعواتنا وقلوبنا معاكم
تبدأ بكرة المظاهرة وما تقيف الا يغوروا المجارمة في ستين الف داهية
التحية للجميع
المجد والنصر للوطن
ثورة حتى النصر
| |
|
|
|
|
|
|
|
|
|
Re: قرفنا تدعوكم للخروج في يوم الغضب 30 يناير 2011 (Re: Souad Taj-Elsir)
|
Quote: وصايا مهمة:
1 ) يفضل ان يحمل كل شخص زجاجة مياه غازية بدون سكر
بالعدم يمكن سفن اب اوبيبسى او اى مياه غازية اخرى
عبوة بلاستيك حتى لاتكون خطرة على الشخص اذا سقط .
فى حالة اطلاق بنمبان بلل اى قطعه قطنيه بالمياه الغازية
وضعها على العين فهى انجع من القطره.
2 ) ان يلبس الشخص اولاد او بنات حذاء ايا كان نوعه و الكعوب العادية او الواطية
الشباشب والسفنجات نكون متعبه وكذلك الكعوب العاليه غير عمليه
اذا كان ليس من السفنجه بد الرجاء عمل سير خلفى بلاستك او قماش يكون متين ومريح
يعنى تقلب السفنجه شبط،بناطلين الجنز عمليه
3 ) كل شخص يحمل معه منديل بشكير او اى قطعه قماش قطنى والبنات الطرحه او الايشارب
يكون قطنى لانها تحتفظ بالمياه.
4 ) ساعد اخاك بلل له قطعته او فنيلته الداخليه اذا لم يكن يحمل مياه غازية.
عند الضرورة
5 )باقى التعليمات فى الميدان
يجب ان يبتعد الاخوان والاخوات عن ارتداء القمصان والبلوزات صارخة الالوان حتى لا يصبح هدفا
احرصو ان يكون القميص او التى شيرت بيج ومشتقاته او البلو الفاتح
| |
|
|
|
|
|
|
|
|
 Re: قرفنا تدعوكم للخروج في يوم الغضب 30 يناير 2011 (Re: Amani Al Ajab)
|
بدأ السيل الجارف لإزالة دكتاتورية العسكر،
ليس على خطى مصر أو تونس كما يشيع الإعلام الغربي والعربي في غير دقةٍ،
ولكن لأن السودان العظيم قد سبق تونس ومصر عندما جرف دكتاتورياته السابقة
في 1964 وفي 1985، والشعب السوداني العملاق، متمثلاً في شباب قرفنا الشوامخ،
ونساء السودان الجسورات، وكل أفراد الشعب الذين يشاركون في هذه الثورة،
ينتفض للمرة الثالثة في التاريخ الحديث ضد دكتاورية الظلم، القهر،
العنف، والقمع ليقودها لمزبلة التاريخ كما فعل بكل دكتاتورية عسكرية
جثمت على صدره ظلماً وعنفاً وفساداً وقهراً فقد آن الأوان لكنسها لغير رجعة.
التحية لشباب قرفنا وشابات قرفنا الابطال في مقدمة الصفوف،
الخزي والعار لكلِ متخاذلٍ وكل متعاونٍ مع الطغمة العسكرية البائدة.
إنها ثورة حتى النصر، إنها ثورة حتى النصر، إنها ثورة حتى النصر
إن شاء الله، إنها ثـــــــــــورة حتّى النّـــــــصر.
لكِ المودة والحب صديقتي الغالية أماني وأسرتك الكريمة.
| |
|
|
|
|
|
|
| |
Amani Al Ajab
معاوية عبيد الصائم
عمر ادريس محمد
احمد محمد بشير
الخير محمد عوض
محمد هارون حميدان
Tragie Mustafa
اشرف السر
صديق الموج
Abdlaziz Eisa
أحمد طراوه
Omer Mustafa
خالد عبد الحليم سعيد
اسماء الجنيد
Kostawi
على جويلى
Souad Taj-Elsir
Dania Elmaki
راوية السر
Mohamed Yassin Khalifa
احمد سردوب
Abu Mariam
فيس بوك
تويتر
انستقرام
يوتيوب
بنتيريست