أنا محمد عبد الرحمن صفحة في ألفيس بوك !

Quote: ثم اصبح محمد عبدالرحمن طالب وكمان ناصح وبيفهم جداً في الاجندة الخارجية..........

Quote: يستخفون بموته و الفجيعة لم تزل عالقة في قلوب اهله و اصدقائه هؤلاء الكيزان لا يستحون ابدا هل هنلك اغرب من هذا دعونا نتفكر في كلام الطيب صالح مراراَ و تكراراَ " من هولاء الناس و من اين أتوا" هؤلاء لا يشبهون الشعب السوداني في شئ

Quote: يا اماني ديل مواهيم وبوهموا في غيرهم لو لاحظتي هم من الصباح مصرين ينفوا وجود طالب بي اسم محمدعبدالرحمن وهسه الوهم العمل لالحساب دا ومن كم ساعة بثبت انو في محمد عبدالرحمن ورجع لي رشده ياخ ديل مواهيم ومابقدروا يلعبوها صاح في كل الحالات هضربتهم دي اكبر دليل ادانة لهاذ النظام الفاشد ومتعفن بكاهم وتكابرهم مبغفر ليهم جقلبتهم دي ويوم الحساب قريب وخليهم يتحزموا

Quote: ثم اصبح محمد عبدالرحمن طالب وكمان ناصح وبيفهم جداً في الاجندة الخارجية..........بعد ان كان طلع في مظاهرة 30 ياناير في يوم واحد وثلاثين اصبح ناصح وتائب من فعاليل المعارضة ومرشد الناس الي طريق المؤتمر الوطني المستقيم؟ سبحانك ربي خالق العقول وعاميها............ شكراً بااستاذه اماني العجب وعاطر تحياتي............تاملي

Quote: : ثم اصبح محمد عبدالرحمن طالب وكمان ناصح وبيفهم جداً في الاجندة الخارجية.......... أحذروا شعار الإشاعة والتعتيم والإرجاف .. Quote: أهم قناع سقط من النظام .. جهاز الأمن الذى لا يُقهر: أسلحة النظام ليست بالكفاءة كما يدعون .. لإظهار جبروت لا يملكونه .. يستعملون الرعاع والرجرجة وضعاف النفوس لإظهار قوتهم وأسلحتهم هى: البطش العشوائى لإرهاب الشعب الكذب وإطلاق الإشاعة والتعتيم التزوير والتلفيق ثمار اليوم الأول للإنتفاضة (سقوط الأقنعة)

Quote: اماني ازيك والله ضحكت في الامخاخ الخاوية والعقول الرويانة حد الغرق نفاق وكذب وغش وتزوير والله زي ما قال عاطف عبدون الواحد بجد متعاطف مع الموهومين ديل ديل بشر ما سوي على الإطلاق الناس ديل بجد بخافوا الله ؟؟؟؟ بصلوا وبربوا في الدقون دي وبتجاروا بي دينهم ده علانية ؟؟؟ اعوذ بالله من غضب الله

Quote: اخز

Quote: يا معتز القريش مغالط فى موضع الفيس بوك ولا عابر سكة فايت ساى خلينا من البوليس دة اها وفرنا ليك صورة كمان وبكرة نتظر التلفزيون القومى لقاء مع المرحوم

Quote: الحساب جديد فى الفيس بوك :

Quote: يا معتز القريش كنا نعتقد بانك عدت لصوابك فعلا بعد فيديو البنت المجلوده وهانت تعود لانكار الكيزان!!!!

Quote: جماعه كدى افتونى فى المحن دى .. واتمنى ان تقرو مداخلتى للنهاية مع طولها.. لان فيها من العجب مالم اسمع به طول عمرى ولا طاف بخاطرى.. اقتيدت زميلة المنبر مريم عز الدين من امام مشرحة مستشفى امدرمان واعتقلت واطلق سراحها حوالى الساعه السادسه مساء وكل الاسئلة كانت حول سودانيز وسبب حضورها للمشرحه اتمنى ات تجى توريكم الحاصل.. اعتقل ابن شقيقتى من نفس المكان واطلق سراحه بعد سبعه ساعات وسالته عن السبب وماذا قيل له فى الشرطه اجابنى بانهم اخذو جواله منه وفتشو اخر الاتصالات وبعض الرسائل والاسماء وبعد ذلك سالوه اين يدرس؟ ولماذا ينتظر امام المشرحه ؟هل ينتمى لتنظيم معين؟ولانه مسطح جدا ولا ينتمى لتنظيم معين ولا يتعاطى السياسه وذهابه للمستشفى كان صدفة وعندما سمع بان هناك طالب اقتيل ذهب ناحية المشرحه من باب الفضول اجاب على كل الاسئله بالنفى..قال لى هنالك واحد من ناس الامن مصر على اننى كاذب واننى مرسل من جهات معينه لمهمة معينه وقال له والله ما تعترف من الذى ارسلك وماهى المهمة التى اتيت من اجلها لن نخلى سبيلك ونرميك فى السجن زى ال######. ولو اخبرتنى ساطلق سراحك الان. ابن اختى يدرس فى جامعه اقليمية وفى السنه الثانية يعنى صغير وارادو ترويعه فقال للضابط كل الذى تقول لا اعرف عنه شىء فقال له الضابط عاوز تعمل شيطان انا بوريك وارجعه الحبس مع احد العساكر قال لى قلت للعسكرى مستعطفا ونحن فى طريقنا الى الحبس هو فى شنو؟ماذا يريد منى الضابط ان اقول لكى اقوله له واتخارج من هنا؟ وكان صادق فيما يقول.. اظن ان العسكرى احس بسذاجته او براءته فتعاطف معه قال له العسكرى فى طالب مات امبارح فى المظاهرات والناس المقبوضين ديل جو يعملوه سبب عشان يعملو فوضى مع انه مات موت الله فقل للضابط ان بعض الطلاب قالو لى نمشى فى مظاهرة طالعه من المشرحه فقال له لكن انا لاادرس لا فى الاهليه لافى الاسلاميه ولا فى الخرطوم دى كلها انا ادرس خارج العاصمه.. فقال له انت قل ذلك وما عليك وهو سوف يطلق سراحك.. قال لى توكلت على الله وارجعنى العسكرى للضابط الذى كان يحقق معى فقلت فى نفسى ان اطلق سراحى بكلام العسكرى الحمد لله وان لم يفعل سوف اخبره ان العسكرى هو من املا على ذلك.. قال لى رجعت للضابط و قلت له ما املاه على العسكرى فقال له الضابط من الذى اتصل عليك وابلغك بذلك؟ فقلت له كلمونى طلبه لاقيتهم فى الطريق ولم يتصل على شخص بعينه.. قال لى لا تكذب والا سوف ارجعك الى الحبس قال لى قلت له والله لا اكذب. فقال لى اذا بى اراه ينحنى الى ورقته ليكتب اسم شخص ويكتب امامه شيوعى.. قال لى بعد ان فرغ من محضره ذلك قال لى وقع هنا وقعت على اقوالىى،ابصم بصمت وقال للعسكرى اعطيه جواله وخلى يمشى ،قال لى واطلق سراحى بعد ذلك وفكيت صوف ياخال. الى هنا انتهت قصة ابن اختى... قلت له الا تتذكر اسم الشخص الذى كتبه؟قال لى يا خال انا عايز اتخارج،انا ما صدقت الله حلانى من المصيبه اللقيت فيها روحى لا يد لاكراع دى ،اسم شنو والا انا زاتى عارف شىء؟ المهم الاسم الاخير احمد وشيوعى ديل شفتهم بعدها قلب الورقه. ياترى من هو المسكين الذي فبركو اسمه فى المحضر وادعو انه هو من حشد الناس؟؟ وكم سيكيلو له من العذاب وكم سيحبسوه او يقتلوه بتهمة تحريض الناس ضد الحكومة.. حسبنا الله ونعم الوكبل.. هذه القصه رويتها لكم كما حدثت مع ابن اختى بحذافيرها واترك لكم الحكم،،،

Quote: .يا جماعة الزول دا كان في المظاهرة وانضرب ومافي زول من ناس المظاهرة اشتغل بيهو. قاموا ناس الأمن بدل يودوهو المعتقل ودوهو المستشفى وعالجوهو ودفعوا من جيبهم.

Quote: ما ياهو دا منتظرينكم يومين قلتو مات قلنا ليكم ما في موت قلتو الدفن الآن والناس في المقابر مشينا لا لقينا ناس لا لقينا دفن طلبنا بسيط جيبو لينا أهلو ساكنين وين عشان على الأقل نقوم بواجب العزاء

Quote: شئ محير يا قريش معقول؟ الناس ديل ما إحترموا المواطن السوداني ولا عقولنا ولا حتى عقولهم شئ مقرف حقيقة.

Quote: وانا البضمني شنو ما انكم انتو العملتو الحساب دا وكيف اضمن انو ناس الأمن هم اللي عملوه مش انتو كضبتو وقلتو في شهيد اسمو محمد عبد الرحمن يلا ورونا بيتهم وين ومكان العزاء وين

Quote: توجيه قيادي بتخذيل التظاهرات نشر بتاريخ February 1, 2011 (حريات خاص) اصدرت قيادة المؤتمر الوطني امرا لعضويتها الملتزمة والعاملين في الخدمة الإلزامية عامة وفي قطاع تكنلوجيا المعلومات خاصة يقضي بالدخول في مواقع الفيس بوك والإنترنت عامة لتخذيل التظاهرات . حيث وزع المؤتمر الوطني على عضويته رسالة موبايل بعنوان (عاجل وهام) ، تحصلت (حريات) على نسخة منها ، ونصها كالتالي: (أخي الكريم/ لا تزال قوى التخريب تسعى لإجهاض مشروع الإسلام بالسودان، فقد تجمعوا هذه المرة عبر موقع الفيس بوك بشبكة الإنترنت، عليه فقد وجهت القيادة بمقاطعة كافة التجمعات غدا ودخول كل العضوية لموقع الفيس بوك فورا وتخذيل المجموعات التي تدعو للتظاهر على الدولة أسوة بما حدث بتونس والقاهرة،ألا يا خيل الله أركبي ) . وأكد مصدر فضل حجب اسمه لــ (حريات) ان ابنه في الخدمة الإلزامية تلقى أمرا وتوجيها مباشرا بالعمل حصريا في تخذيل التظاهرات .. وقال مراقب لـ(حريات) إن هذا التوجيه أعطى ثماره في تحويل بعض صفحات الفيس بوك الداعية للانتفاضة إلى مواقع تخذيل، ولكن وعي الشباب السوداني أكبر من ذلك، وأشار إلى استخدام الوطني تكتيكا شبيها أثناء الانتخابات بتزوير الاستطلاعات على النت لمساندة البشير. وأردف: سوف يأتي اليوم الذي يكنس فيه شعب السودان خيل السلطة الباغية الغاشمة التي باعت أخراها بدنياها ، والله تعالى سوف يمن على المستضعفين من أهل السودان فيجعلهم أئمة ويجعلهم الوارثين. وإنه ليوم قريب .

Quote: ؟

Quote: تابع التعلقيات وتنزيل المواد هل انضم المرحوم بعد وفاته للفيس بوك